॥ শ্রী ঋদ্ধি স্তবঃ ॥
শ্রীমন্বৃষভশৈলেশ বর্ধতাং বিজযী ভবান্ ।
দিব্যং ত্বদীযমৈশ্বর্যং নির্মর্যাদং বিজৃম্ভতাম্ ॥ ১ ॥
দিব্যং ত্বদীযমৈশ্বর্যং নির্মর্যাদং বিজৃম্ভতাম্ ॥ ১ ॥
দেবীভূষাযুধৈর্নিত্যৈর্মুক্তৈর্মোক্ষৈকলক্ষণৈঃ ।
সত্ত্বোত্তরৈস্ত্বদীযৈশ্চ সঙ্গঃ স্তাত্সরসস্তব ॥ ২ ॥
সত্ত্বোত্তরৈস্ত্বদীযৈশ্চ সঙ্গঃ স্তাত্সরসস্তব ॥ ২ ॥
প্রাকারগোপুরবরপ্রাসাদমণিমণ্টপাঃ ।
শালিমুদ্গতিলাদীনাং শালাঃ শৈলকুলোজ্জ্বলাঃ ॥ ৩ ॥
শালিমুদ্গতিলাদীনাং শালাঃ শৈলকুলোজ্জ্বলাঃ ॥ ৩ ॥
রত্নকাঞ্চনকৌশেযক্ষৌমক্রমুকশালিকাঃ ।
শয্যাগৃহাণি পর্যঙ্কবর্যাঃ স্থূলাসনানি চ ॥ ৪ ॥
শয্যাগৃহাণি পর্যঙ্কবর্যাঃ স্থূলাসনানি চ ॥ ৪ ॥
কনত্কনকভৃঙ্গারপতদ্গ্রহকলাচিকাঃ ।
ছত্রচামরমুখ্যাশ্চ সন্তু নিত্যাঃ পরিচ্ছদাঃ ॥ ৫ ॥
ছত্রচামরমুখ্যাশ্চ সন্তু নিত্যাঃ পরিচ্ছদাঃ ॥ ৫ ॥
অস্তু নিস্তুলমব্যগ্রং নিত্যমভ্যর্চনং তব ।
পক্ষেপক্ষে বিবর্ধন্তাং মাসিমাসি মহোত্সবাঃ ॥ ৬ ॥
পক্ষেপক্ষে বিবর্ধন্তাং মাসিমাসি মহোত্সবাঃ ॥ ৬ ॥
মণিকাঞ্চনচিত্রাণি ভূষণান্যম্বরাণি চ ।
কাশ্মীরসারকস্তূরীকর্পূরাদ্যনুলেপনম্ ॥ ৭ ॥
কাশ্মীরসারকস্তূরীকর্পূরাদ্যনুলেপনম্ ॥ ৭ ॥
কোমলানি চ দামানি কুসুমৈঃ সৌরভোত্করৈঃ ।
ধূপাঃ কর্পূরদীপাশ্চ সন্তু সন্ততমেব তে ॥ ৮ ॥
ধূপাঃ কর্পূরদীপাশ্চ সন্তু সন্ততমেব তে ॥ ৮ ॥
নৃত্তগীতযুতং বাদ্যং নিত্যমত্র বিবর্ধতাম্ ।
শ্রোত্রেষু সুধাধারাঃ কল্পন্তাং কাহলীস্বনাঃ ॥ ৯ ॥
শ্রোত্রেষু সুধাধারাঃ কল্পন্তাং কাহলীস্বনাঃ ॥ ৯ ॥
কন্দমূলফলোদগ্রং কালেকালে চতুর্বিধম্ ।
সূপাপূপঘৃতক্ষীরশর্করাসহিতং হবিঃ ॥ ১০ ॥
সূপাপূপঘৃতক্ষীরশর্করাসহিতং হবিঃ ॥ ১০ ॥
ঘনসারশিলোদগ্রৈঃ ক্রমুকাষ্টদলৈঃ সহ ।
বিমলানি চ তাম্বূলীদলানি স্বীকুরু প্রভো ॥ ১১ ॥
বিমলানি চ তাম্বূলীদলানি স্বীকুরু প্রভো ॥ ১১ ॥
প্রীতিভীতিযুতো ভূযাদ্ভূযান্ পরিজনস্তব ।
ভক্তিমন্তো ভজন্তু ত্বাং পৌরা জানপদাস্তথা ॥ ১২ ॥
ভক্তিমন্তো ভজন্তু ত্বাং পৌরা জানপদাস্তথা ॥ ১২ ॥
ধরণীধনরত্নানি বিতরন্তু চিরং তব ।
কৈঙ্কর্যমখিলং সর্বে কুর্বন্তু ক্ষোণিপালকাঃ ॥ ১৩ ॥
কৈঙ্কর্যমখিলং সর্বে কুর্বন্তু ক্ষোণিপালকাঃ ॥ ১৩ ॥
প্রেমদিগ্ধদৃশঃ স্বৈরং প্রেক্ষমাণাস্ত্বদাননম্ ।
মহান্তঃ সন্ততং সন্তো মঙ্গলানি প্রযুঞ্জতাম্ ॥ ১৪ ॥
মহান্তঃ সন্ততং সন্তো মঙ্গলানি প্রযুঞ্জতাম্ ॥ ১৪ ॥
এবমেব ভবেন্নিত্যং পালযন্ কুশলী ভবান্ ।
মামহীরমণ শ্রীমান্ বর্ধতামভিবর্ধতাম্ ॥ ১৫ ॥
মামহীরমণ শ্রীমান্ বর্ধতামভিবর্ধতাম্ ॥ ১৫ ॥
পত্যুঃ প্রত্যহমিত্থং যঃ প্রার্থযেত সমুচ্ছ্রযম্ ।
প্রসাদসুমুখঃ শ্রীমান্ পশ্যত্যেনং পরঃ পুমান্ ॥ ১৬ ॥
প্রসাদসুমুখঃ শ্রীমান্ পশ্যত্যেনং পরঃ পুমান্ ॥ ১৬ ॥
॥ ইতি ঋদ্ধিস্তবঃ সম্পূর্ণম্ ॥