ಶಾನ್ತಿ ಪಞ್ಚಕಮ್

ಓಂ ಶ-ನ್ನೋ ಮಿತ್ರಶ್ಶಂ-ವಁರುಣಃ । ಶ-ನ್ನೋ ಭವತ್ವರ್ಯಮಾ । ಶ-ನ್ನ ಇನ್ದ್ರೋ ಬೃಹಸ್ಪತಿಃ । ಶ-ನ್ನೋ ವಿಷ್ಣುರುರುಕ್ರಮಃ । ನಮೋ ಬ್ರಹ್ಮಣೇ । ನಮಸ್ತೇ ವಾಯೋ । ತ್ವಮೇವ ಪ್ರತ್ಯಕ್ಷ-ಮ್ಬ್ರಹ್ಮಾಸಿ । ತ್ವಮೇವ ಪ್ರತ್ಯಕ್ಷ-ಮ್ಬ್ರಹ್ಮ ವದಿಷ್ಯಾಮಿ । ಋತಂ-ವಁದಿಷ್ಯಾಮಿ । ಸತ್ಯಂ-ವಁದಿಷ್ಯಾಮಿ । ತನ್ಮಾಮವತು । ತದ್ವಕ್ತಾರಮವತು । ಅವತು ಮಾಮ್ । ಅವತು ವಕ್ತಾರಮ್ ।
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥ 1 ॥

ಶ-ನ್ನೋ ಮಿತ್ರಶ್ಶಂ-ವಁರುಣಃ । ಶ-ನ್ನೋ ಭವತ್ವರ್ಯಮಾ । ಶ-ನ್ನ ಇನ್ದ್ರೋ ಬೃಹಸ್ಪತಿಃ । ಶ-ನ್ನೋ ವಿಷ್ಣುರುರುಕ್ರಮಃ । ನಮೋ ಬ್ರಹ್ಮಣೇ । ನಮಸ್ತೇ ವಾಯೋ । ತ್ವಮೇವ ಪ್ರತ್ಯಕ್ಷ-ಮ್ಬ್ರಹ್ಮಾಸಿ । ತ್ವಾಮೇವ ಪ್ರತ್ಯಕ್ಷ-ಮ್ಬ್ರಹ್ಮಾವಾದಿಷಮ್ । ಋತಮವಾದಿಷಮ್ । ಸತ್ಯಮವಾದಿಷಮ್ । ತನ್ಮಾಮಾವೀತ್ । ತದ್ವಕ್ತಾರಮಾವೀತ್ । ಆವೀನ್ಮಾಮ್ । ಆವೀದ್ವಕ್ತಾರಮ್ ।
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥ 2 ॥

ಓಂ ಸಹ ನಾವವತು । ಸಹ ನೌ ಭುನಕ್ತು । ಸಹ ವೀರ್ಯ-ಙ್ಕರವಾವಹೈ । ತೇಜಸ್ವಿನಾವಧೀತಮಸ್ತು ಮಾ ವಿದ್ವಿಷಾವಹೈ ।
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥ 3 ॥

ನಮೋ ವಾಚೇ ಯಾ ಚೋದಿತಾ ಯಾ ಚಾನುದಿತಾ ತಸ್ಯೈ ವಾಚೇ ನಮೋ
ನಮೋ ವಾಚೇ ನಮೋ ವಾಚಸ್ಪತಯೇ ನಮ ಋಷಿಭ್ಯೋ ಮನ್ತ್ರಕೃದ್ಭ್ಯೋ ಮನ್ತ್ರಪತಿಭ್ಯೋ
ಮಾ ಮಾಮೃಷಯೋ ಮನ್ತ್ರಕೃತೋ ಮನ್ತ್ರಪತಯಃ ಪರಾದುರ್ಮಾ-ಽಹಮೃಷೀ-ನ್ಮನ್ತ್ರಕೃತೋ
ಮನ್ತ್ರಪತೀ-ನ್ಪರಾದಾಂ-ವೈಁಶ್ವದೇವೀಂ-ವಾಁಚಮುದ್ಯಾಸಗ್ಂ ಶಿವಾ ಮದಸ್ತಾಞ್ಜುಷ್ಟಾಂ
ದೇವೇಭ್ಯ-ಶ್ಶರ್ಮ ಮೇ ದ್ಯೌ-ಶ್ಶರ್ಮ ಪೃಥಿವೀ ಶರ್ಮ ವಿಶ್ವಮಿದ-ಞ್ಜಗತ್ ।
ಶರ್ಮ ಚನ್ದ್ರಶ್ಚ ಸೂರ್ಯಶ್ಚ ಶರ್ಮ ಬ್ರಹ್ಮ ಪ್ರಜಾಪತೀ ।
ಭೂತಂ-ವಁದಿಷ್ಯೇ ಭುವನಂ-ವಁದಿಷ್ಯೇ ತೇಜೋ ವದಿಷ್ಯೇ ಯಶೋ ವದಿಷ್ಯೇ ತಪೋ ವದಿಷ್ಯೇ
ಬ್ರಹ್ಮ ವದಿಷ್ಯೇ ಸತ್ಯಂ-ವಁದಿಷ್ಯೇ ತಸ್ಮಾ ಅಹಮಿದ-ಮುಪಸ್ತರಣ-ಮುಪಸ್ತೃಣ
ಉಪಸ್ತರಣ-ಮ್ಮೇ ಪ್ರಜಾಯೈ ಪಶೂನಾ-ಮ್ಭೂಯಾದುಪಸ್ತರಣಮಹ-ಮ್ಪ್ರಜಾಯೈ ಪಶೂನಾಂ
ಭೂಯಾಸ-ಮ್ಪ್ರಾಣಾಪಾನೌ ಮೃತ್ಯೋರ್ಮಾಪಾತ-ಮ್ಪ್ರಾಣಾಪಾನೌ ಮಾ ಮಾ ಹಾಸಿಷ್ಟ-ಮ್ಮಧು
ಮನಿಷ್ಯೇ ಮಧು ಜನಿಷ್ಯೇ ಮಧು ವಕ್ಷ್ಯಾಮಿ ಮಧು ವದಿಷ್ಯಾಮಿ ಮಧುಮತೀ-ನ್ದೇವೇಭ್ಯೋ
ವಾಚಮುದ್ಯಾಸಗ್ಂ ಶುಶ್ರೂಷೇಣ್ಯಾ-ಮ್ಮನುಷ್ಯೇಭ್ಯಸ್ತ-ಮ್ಮಾ ದೇವಾ ಅವನ್ತು
ಶೋಭಾಯೈ ಪಿತರೋ-ಽನುಮದನ್ತು ॥
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥ 4 ॥

ಶನ್ನೋ ವಾತಃ ಪವತಾ-ಮ್ಮಾತರಿಶ್ವಾ ಶನ್ನ ಸ್ತಪತು ಸೂರ್ಯಃ ।
ಅಹಾನಿ ಶ-ಮ್ಭವನ್ತು ನ ಶ್ಶಗ್ಂ ರಾತ್ರಿಃ ಪ್ರತಿಧೀಯತಾಮ್ ॥
ಶಮುಷಾ ನೋ ವ್ಯುಚ್ಛತು ಶಮಾದಿತ್ಯ ಉದೇತು ನಃ ।
ಶಿವಾ ನ ಶ್ಶನ್ತಮಾಭವ ಸುಮೃಡೀಕಾ ಸರಸ್ವತಿ । ಮಾತೇ ವ್ಯೋಮ ಸನ್ದೃಶಿ ॥ 1

ಇಡಾಯೈ ವಾಸ್ತ್ವಸಿ ವಾಸ್ತುಮದ್ವಾಸ್ತುಮನ್ತೋ ಭೂಯಾಸ್ಮ ಮಾ ವಾಸ್ತೋಶ್ಛಿಥ್ಸ್
ಮಹ್ಯವಾಸ್ತು ಸ್ಸ ಭೂಯಾದ್ ಯೋ-ಽಸ್ಮಾ-ನ್ದ್ವೇಷ್ಟಿ ಯ-ಞ್ಚ ವಯ-ನ್ದ್ವಿಷ್ಮಃ ॥
ಪ್ರತಿಷ್ಠಾ-ಽಸಿ ಪ್ರತಿಷ್ಠಾವನ್ತೋ ಭೂಯಾಸ್ಮ ಮಾ ಪ್ರತಿಷ್ಠಾಯಾಛಿಥ್ಸ್ ಮಹ್ಯ
ಪ್ರತಿಷ್ಠಸ್ಸ ಭೂಯಾದ್ ಯೋ-ಽಸ್ಮಾ-ನ್ದ್ವೇಷ್ಟಿ ಯ-ಞ್ಚ ವಯ-ನ್ದ್ವಿಷ್ಮಃ ॥ 2

ಆವಾತ ವಾಹಿ ಭೇಷಜಂ-ವಿಁವಾತ-ವಾಹಿ ಯದ್ರಪಃ ।
ತ್ವಗ್ಂಹಿ ವಿಶ್ವಭೇಷಜೋ ದೇವಾನಾ-ನ್ದೂತ ಈಯಸೇ ॥
ದ್ವಾವಿಮೌ ವಾತೌ ವಾತ ಆಸಿನ್ಧೋರಾ ಪರಾವತಃ ।
ದಕ್ಷ-ಮ್ಮೇ ಅನ್ಯ ಆವಾತು ಪರಾ-ಽನ್ಯೋ ವಾತು ಯದ್ರಪಃ ॥
ಯದದೋ ವಾತ ತೇ ಗೃಹೇ-ಽಮೃತಸ್ಯ ನಿಧಿರ್ಹಿತಃ ।
ತತೋ ನೋ ದೇಹಿ ಜೀವಸೇ ತತೋ ನೋ ಧೇಹಿ ಭೇಷಜಮ್ ।
ತತೋ ನೋ ಮಹ ಆವಹ ವಾತ ಆವಾತು ಭೇಷಜಮ್ ॥
ಶಮ್ಭೂರ್-ಮಯೋಭೂರ್-ನೋ ಹೃದೇ ಪ್ರಣ ಆಯುಗ್ಂಷಿ ತಾರಿಷತ್ । ಇನ್ದ್ರಸ್ಯ ಗೃಹೋ-ಽಸಿ ತ-ನ್ತ್ವಾ ಪ್ರಪದ್ಯೇ ಸಗುಸ್ಸಾಶ್ವಃ । ಸಹ ಯನ್ಮೇ ಅಸ್ತಿ ತೇನ ॥ 3

ಭೂಃ ಪ್ರಪದ್ಯೇ ಭುವಃ ಪ್ರಪದ್ಯೇ ಸುವಃ ಪ್ರಪದ್ಯೇ ಭೂರ್ಭುವಸ್ಸುವಃ ಪ್ರಪದ್ಯೇ ವಾಯುಂ
ಪ್ರಪದ್ಯೇ-ಽನಾರ್ತಾ-ನ್ದೇವತಾ-ಮ್ಪ್ರಪದ್ಯೇ-ಽಶ್ಮಾನಮಾಖಣ-ಮ್ಪ್ರಪದ್ಯೇ ಪ್ರಜಾಪತೇರ್
ಬ್ರಹ್ಮಕೋಶ-ಮ್ಬ್ರಹ್ಮ ಪ್ರಪದ್ಯ ಓ-ಮ್ಪ್ರಪದ್ಯೇ ॥
ಅನ್ತರಿಕ್ಷ-ಮ್ಮ ಉರ್ವನ್ತರ-ಮ್ಬೃಹದಗ್ನಯಃ ಪರ್ವತಾಶ್ಚ ಯಯಾ ವಾತಃ ಸ್ವಸ್ತ್ಯಾ
ಸ್ವಸ್ತಿಮಾನ್ತಯಾ ಸ್ವಸ್ತ್ಯಾ ಸ್ವಸ್ತಿ ಮಾನಸಾನಿ ॥
ಪ್ರಾಣಾಪಾನೌ ಮೃತ್ಯೋರ್ ಮಾ ಪಾತ-ಮ್ಪ್ರಾಣಾಪಾನೌ ಮಾ ಮಾ ಹಾಸಿಷ್ಟ-ಮ್ಮಯಿ ಮೇಧಾ-ಮ್ಮಯಿ ಪ್ರಜಾ-ಮ್ಮಯ್ಯಗ್ನಿ ಸ್ತೇಜೋ ದಧಾತು
ಮಯಿ ಮೇಧಾ-ಮ್ಮಯಿ ಪ್ರಜಾ-ಮ್ಮಯೀನ್ದ್ರ ಇನ್ದ್ರಿಯ-ನ್ದಧಾತು
ಮಯಿ ಮೇಧಾ-ಮ್ಮಯಿ ಪ್ರಜಾ-ಮ್ಮಯಿ ಸೂರ್ಯೋ ಭ್ರಾಜೋ ದಧಾತು ॥ 4

ದ್ಯುಭಿರಕ್ತುಭಿಃ ಪರಿಪಾತ-ಮಸ್ಮಾ-ನರಿಷ್ಟೇಭಿರಶ್ವಿನಾ ಸೌಭಗೇಭಿಃ ।
ತನ್ನೋ ಮಿತ್ರೋ ವರುಣೋ ಮಾಮಹನ್ತಾ-ಮದಿತಿಃ-ಸಿನ್ಧುಃ ಪೃಥಿವೀ ಉತದ್ಯೌಃ ॥
ಕಯಾನಶ್ಚಿತ್ರ ಆಭುವ ದೂತೀ ಸದಾವೃಧ ಸ್ಸಖಾ । ಕಯಾಶಚಿಷ್ಠಯಾ ವೃತಾ ॥
ಕಸ್ತ್ವಾ ಸತ್ಯೋ ಮದಾನಾ-ಮ್ಮಗ್ಂಹಿಷ್ಠೋ ಮಥ್ಸದನ್ಧಸಃ ।
ದೃಢಾ-ಚಿದಾ-ರುಜೇ-ವಸು ॥
ಅಭೀಷುಣ ಸ್ಸಖೀನಾ-ಮವಿತಾ-ಜರಿತ್-ೠಣಾಮ್ । ಶತ-ಮ್ಭವಾಸ್ಯೂತಿಭಿಃ ॥
ವಯಸ್ಸುಪರ್ಣಾ ಉಪಸೇದುರಿನ್ದ್ರ-ಮ್ಪ್ರಿಯಮೇಧಾ ಋಷಯೋ ನಾಧಮಾನಾಃ ।
ಅಪದ್ಧ್ವಾನ್ತಮೂರ್ಣುಹಿ ಪೂರ್ಧಿಚಕ್ಷುರ್ ಮುಮುಗ್ಧ್ಯಸ್ಮಾ-ನ್ನಿಧಯೇವ ಬದ್ಧಾನ್ ॥
ಶನ್ನೋ ದೇವೀರಭಿಷ್ಟಯ ಆಪೋ ಭವನ್ತು ಪೀತಯೇ । ಶಂಯೋಁ-ರಭಿಸ್ರವನ್ತುನಃ ॥
ಈಶಾನಾ ವಾರ್ಯಾಣಾ-ಙ್ಕ್ಷಯನ್ತೀ ಶ್ಚರ್ಷಣೀನಾಮ್ । ಅಪೋ ಯಾಚಾಮಿ ಭೇಷಜಮ್ ॥
ಸುಮಿತ್ರಾನ ಆಪ ಓಷಧಯ ಸ್ಸನ್ತು ದುರ್ಮಿತ್ರಾಸ್ತಸ್ಮೈ ಭೂಯಾ-ಸುರ್ಯೋ-ಽಸ್ಮಾನ್
ದ್ವೇಷ್ಟಿ ಯ-ಞ್ಚ ವಯ-ನ್ದ್ವಿಷ್ಮಃ ॥ 5

ಆಪೋಹಿಷ್ಠಾ ಮಯೋಭುವ-ಸ್ತಾನ ಊರ್ಜೇ ದಧಾತನ । ಮಹೇ ರಣಾಯ ಚಕ್ಷಸೇ ।
ಯೋ ವಃ ಶಿವತಮೋ ರಸಸ್ತಸ್ಯ ಭಾಜಯತೇಹ ನಃ । ಉಶತೀರಿವ ಮಾತರಃ ।
ತಸ್ಮಾ ಅರ-ಙ್ಗಮಾಮವೋ ಯಸ್ಯ ಕ್ಷಯಾಯ ಜಿನ್ವಥ । ಆಪೋ ಜನಯಥಾ ಚನಃ ॥
ಪೃಥಿವೀ ಶಾನ್ತಾ ಸಾ-ಽಗ್ನಿನಾ ಶಾನ್ತಾ ಸಾ ಮೇ ಶಾನ್ತಾ ಶುಚಗ್ಂ ಶಮಯತು ।
ಅನ್ತರಿಕ್ಷಗ್ಂ ಶಾನ್ತ-ನ್ತದ್ ವಾಯುನಾ ಶಾನ್ತ-ನ್ತನ್ಮೇ ಶಾನ್ತಗ್ಂ ಶುಚಗ್ಂ ಶಮಯತು ।
ದ್ಯೌ-ಶ್ಶಾನ್ತಾ ಸಾ-ಽಽದಿತ್ಯೇನ ಶಾನ್ತಾ ಸಾ ಮೇ ಶಾನ್ತಾ ಶುಚಗ್ಂ ಶಮಯತು ॥ 6

ಪೃಥಿವೀ ಶಾನ್ತಿರನ್ತರಿಕ್ಷಗ್ಂ ಶಾನ್ತಿರ್ ದ್ಯೌ ಶ್ಶಾನ್ತಿರ್ ದಿಶ-ಶ್ಶಾನ್ತಿ-ರವಾನ್ತರದಿಶಾಃ-ಶಾನ್ತಿ-ರಗ್ನಿಶ್ಶಾನ್ತಿರ್-ವಾಯುಶ್ಶಾನ್ತಿ-ರಾದಿತ್ಯ ಶ್ಶಾನ್ತಿ-
ಶ್ಚನ್ದ್ರಮಾ ಶ್ಶಾನ್ತಿರ್-ನಕ್ಷತ್ರಾಣಿ ಶಾನ್ತಿ-ರಾಪಶ್ಶಾನ್ತಿ-ರೋಷಧಯ ಶ್ಶಾನ್ತಿರ್-
ವನಸ್ಪತಯ ಶ್ಶಾನ್ತಿರ್-ಗೌ ಶ್ಶಾನ್ತಿ-ರಜಾ ಶಾನ್ತಿ-ರಶ್ವ ಶ್ಶಾನ್ತಿಃ ಪುರುಷ ಶ್ಶಾನ್ತಿರ್ ಬ್ರಹ್ಮ ಶಾನ್ತಿರ್ ಬ್ರಾಹ್ಮಣ ಶ್ಶಾನ್ತಿ-ಶ್ಶಾನ್ತಿ-ರೇವ ಶಾನ್ತಿ ಶ್ಶಾನ್ತಿರ್ ಮೇ ಅಸ್ತು ಶಾನ್ತಿಃ ॥
ತಯಾ-ಽಹಗ್ಂ ಶಾನ್ತ್ಯಾ ಸರ್ವ ಶಾನ್ತ್ಯಾ ಮಹ್ಯ-ನ್ದ್ವಿಪದೇ ಚತುಷ್ಪದೇ ಚ
ಶಾನ್ತಿ-ಙ್ಕರೋಮಿ ಶಾನ್ತಿರ್ ಮೇ ಅಸ್ತು ಶಾನ್ತಿಃ ॥ 7

ಏಹ ಶ್ರೀಶ್ಚ ಹ್ರೀಶ್ಚ ಧೃತಿಶ್ಚ ತಪೋ ಮೇಧಾ ಪ್ರತಿಷ್ಠಾ ಶ್ರದ್ಧಾ ಸತ್ಯ-ನ್ಧರ್ಮಶ್ಚೈತಾನಿ
ಮೋತ್ತಿಷ್ಠನ್ತ-ಮನೂತ್ತಿಷ್ಠನ್ತು ಮಾಮಾಗ್ ಶ್ರೀಶ್ಚ ಹ್ರೀಶ್ಚ ಧೃತಿಶ್ಚ ತಪೋ ಮೇಧಾ ಪ್ರತಿಷ್ಠಾ
ಶ್ರದ್ಧಾ ಸತ್ಯ-ನ್ಧರ್ಮಶ್ಚೈತಾನಿ ಮಾ ಮಾ ಹಾಸಿಷುಃ ॥
ಉದಾಯುಷಾ ಸ್ವಾಯುಷೋ-ದೋಷಧೀನಾಗ್ಂ ರಸೇನೋ-ತ್ಪರ್ಜನ್ಯಸ್ಯ ಶುಷ್ಮೇಣೋದಸ್ಥಾ-
ಮಮೃತಾಗ್ಂ ಅನು ॥ ತಚ್ಚಕ್ಷುರ್ ದೇವಹಿತ-ಮ್ಪುರಸ್ತಾ-ಚ್ಛುಕ್ರಮುಚ್ಚರತ್ ॥ 8

ಪಶ್ಯೇಮ ಶರದಶ್ಶತ-ಞ್ಜೀವೇಮ ಶರದಶ್ಶತ-ನ್ನನ್ದಾಮ ಶರದಶ್ಶತ-ಮ್ಮೋದಾಮ
ಶರದಶ್ಶತ-ಮ್ಭವಾಮ ಶರದಶ್ಶತಗ್ಂ ಶೃಣವಾಮ ಶರದಶ್ಶತ-ಮ್ಪ್ರಬ್ರವಾಮ
ಶರದಶ್ಶತ-ಮಜೀತಾಸ್ಯಾಮ ಶರದಶ್ಶತ-ಞ್ಜೋಕ್ಚ ಸೂರ್ಯ-ನ್ದೃಶೇ ॥
ಯ ಉದಗಾ-ನ್ಮಹತೋ-ಽರ್ಣವಾನ್ ವಿಬ್ರಾಜಮಾನ-ಸ್ಸರಿರಸ್ಯ ಮದ್ಧ್ಯಾಥ್ಸ ಮಾ
ವೃಷಭೋ ಲೋಹಿತಾಕ್ಷ ಸ್ಸೂರ್ಯೋ ವಿಪಶ್ಚಿ-ನ್ಮನಸಾ ಪುನಾತು ॥ 9

ಬ್ರಹ್ಮಣಶ್ಚೋತನ್ಯಸಿ ಬ್ರಹ್ಮಣ ಆಣೀಸ್ಥೋ ಬ್ರಹ್ಮಣ ಆವಪನಮಸಿ ಧಾರಿತೇಯಂ
ಪೃಥಿವೀ ಬ್ರಹ್ಮಣಾ ಮಹೀ ಧಾರಿತ-ಮೇನೇನ ಮಹದನ್ತರಿಕ್ಷ-ನ್ದಿವ-ನ್ದಾಧಾರ
ಪೃಥಿವೀಗ್ಂ ಸದೇವಾಂಯಁದಹಂವೇಁದ ತದಹ-ನ್ಧಾರಯಾಣಿ ಮಾಮದ್ವೇದೋ-ಽಧಿ ವಿಸ್ರಸತ್ ।
ಮೇಧಾಮನೀಷೇ ಮಾವಿಶತಾಗ್ಂ ಸಮೀಚೀ ಭೂತಸ್ಯ ಭವ್ಯಸ್ಯಾವರುದ್ಧ್ಯೈ
ಸರ್ವಮಾಯುರಯಾಣಿ ಸರ್ವಮಾಯುರಯಾಣಿ ॥ 10

ಆಭಿರ್ ಗೀರ್ಭಿರ್ ಯದತೋನ ಊನಮಾಪ್ಯಾಯಯ ಹರಿವೋ ವರ್ಧಮಾನಃ ।
ಯದಾ ಸ್ತೋತೃಭ್ಯೋ ಮಹಿ ಗೋತ್ರಾ ರುಜಾಸಿ ಭೂಯಿಷ್ಠಭಾಜೋ ಅಧತೇ ಶ್ಯಾಮ ।
ಬ್ರಹ್ಮ ಪ್ರಾವಾದಿಷ್ಮ ತನ್ನೋ ಮಾಹಾಸೀತ್ ॥

ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥ 5 ॥