ଶାନ୍ତି ପଞ୍ଚକମ୍

ଓଁ ଶ-ନ୍ନୋ ମିତ୍ରଶ୍ଶଂ-ଵଁରୁଣଃ । ଶ-ନ୍ନୋ ଭଵତ୍ଵର୍ଯମା । ଶ-ନ୍ନ ଇନ୍ଦ୍ରୋ ବୃହସ୍ପତିଃ । ଶ-ନ୍ନୋ ଵିଷ୍ଣୁରୁରୁକ୍ରମଃ । ନମୋ ବ୍ରହ୍ମଣେ । ନମସ୍ତେ ଵାଯୋ । ତ୍ଵମେଵ ପ୍ରତ୍ଯକ୍ଷ-ମ୍ବ୍ରହ୍ମାସି । ତ୍ଵମେଵ ପ୍ରତ୍ଯକ୍ଷ-ମ୍ବ୍ରହ୍ମ ଵଦିଷ୍ଯାମି । ଋତଂ-ଵଁଦିଷ୍ଯାମି । ସତ୍ଯଂ-ଵଁଦିଷ୍ଯାମି । ତନ୍ମାମଵତୁ । ତଦ୍ଵକ୍ତାରମଵତୁ । ଅଵତୁ ମାମ୍ । ଅଵତୁ ଵକ୍ତାରମ୍ ।
ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ ॥ 1 ॥

ଶ-ନ୍ନୋ ମିତ୍ରଶ୍ଶଂ-ଵଁରୁଣଃ । ଶ-ନ୍ନୋ ଭଵତ୍ଵର୍ଯମା । ଶ-ନ୍ନ ଇନ୍ଦ୍ରୋ ବୃହସ୍ପତିଃ । ଶ-ନ୍ନୋ ଵିଷ୍ଣୁରୁରୁକ୍ରମଃ । ନମୋ ବ୍ରହ୍ମଣେ । ନମସ୍ତେ ଵାଯୋ । ତ୍ଵମେଵ ପ୍ରତ୍ଯକ୍ଷ-ମ୍ବ୍ରହ୍ମାସି । ତ୍ଵାମେଵ ପ୍ରତ୍ଯକ୍ଷ-ମ୍ବ୍ରହ୍ମାଵାଦିଷମ୍ । ଋତମଵାଦିଷମ୍ । ସତ୍ଯମଵାଦିଷମ୍ । ତନ୍ମାମାଵୀତ୍ । ତଦ୍ଵକ୍ତାରମାଵୀତ୍ । ଆଵୀନ୍ମାମ୍ । ଆଵୀଦ୍ଵକ୍ତାରମ୍ ।
ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ ॥ 2 ॥

ଓଁ ସହ ନାଵଵତୁ । ସହ ନୌ ଭୁନକ୍ତୁ । ସହ ଵୀର୍ଯ-ଙ୍କରଵାଵହୈ । ତେଜସ୍ଵିନାଵଧୀତମସ୍ତୁ ମା ଵିଦ୍ଵିଷାଵହୈ ।
ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ ॥ 3 ॥

ନମୋ ଵାଚେ ଯା ଚୋଦିତା ଯା ଚାନୁଦିତା ତସ୍ଯୈ ଵାଚେ ନମୋ
ନମୋ ଵାଚେ ନମୋ ଵାଚସ୍ପତଯେ ନମ ଋଷିଭ୍ଯୋ ମନ୍ତ୍ରକୃଦ୍ଭ୍ଯୋ ମନ୍ତ୍ରପତିଭ୍ଯୋ
ମା ମାମୃଷଯୋ ମନ୍ତ୍ରକୃତୋ ମନ୍ତ୍ରପତଯଃ ପରାଦୁର୍ମା-ଽହମୃଷୀ-ନ୍ମନ୍ତ୍ରକୃତୋ
ମନ୍ତ୍ରପତୀ-ନ୍ପରାଦାଂ-ଵୈଁଶ୍ଵଦେଵୀଂ-ଵାଁଚମୁଦ୍ଯାସଗ୍ଂ ଶିଵା ମଦସ୍ତାଞ୍ଜୁଷ୍ଟାଂ
ଦେଵେଭ୍ଯ-ଶ୍ଶର୍ମ ମେ ଦ୍ଯୌ-ଶ୍ଶର୍ମ ପୃଥିଵୀ ଶର୍ମ ଵିଶ୍ଵମିଦ-ଞ୍ଜଗତ୍ ।
ଶର୍ମ ଚନ୍ଦ୍ରଶ୍ଚ ସୂର୍ଯଶ୍ଚ ଶର୍ମ ବ୍ରହ୍ମ ପ୍ରଜାପତୀ ।
ଭୂତଂ-ଵଁଦିଷ୍ଯେ ଭୁଵନଂ-ଵଁଦିଷ୍ଯେ ତେଜୋ ଵଦିଷ୍ଯେ ଯଶୋ ଵଦିଷ୍ଯେ ତପୋ ଵଦିଷ୍ଯେ
ବ୍ରହ୍ମ ଵଦିଷ୍ଯେ ସତ୍ଯଂ-ଵଁଦିଷ୍ଯେ ତସ୍ମା ଅହମିଦ-ମୁପସ୍ତରଣ-ମୁପସ୍ତୃଣ
ଉପସ୍ତରଣ-ମ୍ମେ ପ୍ରଜାଯୈ ପଶୂନା-ମ୍ଭୂଯାଦୁପସ୍ତରଣମହ-ମ୍ପ୍ରଜାଯୈ ପଶୂନାଂ
ଭୂଯାସ-ମ୍ପ୍ରାଣାପାନୌ ମୃତ୍ଯୋର୍ମାପାତ-ମ୍ପ୍ରାଣାପାନୌ ମା ମା ହାସିଷ୍ଟ-ମ୍ମଧୁ
ମନିଷ୍ଯେ ମଧୁ ଜନିଷ୍ଯେ ମଧୁ ଵକ୍ଷ୍ଯାମି ମଧୁ ଵଦିଷ୍ଯାମି ମଧୁମତୀ-ନ୍ଦେଵେଭ୍ଯୋ
ଵାଚମୁଦ୍ଯାସଗ୍ଂ ଶୁଶ୍ରୂଷେଣ୍ଯା-ମ୍ମନୁଷ୍ଯେଭ୍ଯସ୍ତ-ମ୍ମା ଦେଵା ଅଵନ୍ତୁ
ଶୋଭାଯୈ ପିତରୋ-ଽନୁମଦନ୍ତୁ ॥
ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ ॥ 4 ॥

ଶନ୍ନୋ ଵାତଃ ପଵତା-ମ୍ମାତରିଶ୍ଵା ଶନ୍ନ ସ୍ତପତୁ ସୂର୍ଯଃ ।
ଅହାନି ଶ-ମ୍ଭଵନ୍ତୁ ନ ଶ୍ଶଗ୍ଂ ରାତ୍ରିଃ ପ୍ରତିଧୀଯତାମ୍ ॥
ଶମୁଷା ନୋ ଵ୍ଯୁଚ୍ଛତୁ ଶମାଦିତ୍ଯ ଉଦେତୁ ନଃ ।
ଶିଵା ନ ଶ୍ଶନ୍ତମାଭଵ ସୁମୃଡୀକା ସରସ୍ଵତି । ମାତେ ଵ୍ଯୋମ ସନ୍ଦୃଶି ॥ 1

ଇଡାଯୈ ଵାସ୍ତ୍ଵସି ଵାସ୍ତୁମଦ୍ଵାସ୍ତୁମନ୍ତୋ ଭୂଯାସ୍ମ ମା ଵାସ୍ତୋଶ୍ଛିଥ୍ସ୍
ମହ୍ଯଵାସ୍ତୁ ସ୍ସ ଭୂଯାଦ୍ ଯୋ-ଽସ୍ମା-ନ୍ଦ୍ଵେଷ୍ଟି ଯ-ଞ୍ଚ ଵଯ-ନ୍ଦ୍ଵିଷ୍ମଃ ॥
ପ୍ରତିଷ୍ଠା-ଽସି ପ୍ରତିଷ୍ଠାଵନ୍ତୋ ଭୂଯାସ୍ମ ମା ପ୍ରତିଷ୍ଠାଯାଛିଥ୍ସ୍ ମହ୍ଯ
ପ୍ରତିଷ୍ଠସ୍ସ ଭୂଯାଦ୍ ଯୋ-ଽସ୍ମା-ନ୍ଦ୍ଵେଷ୍ଟି ଯ-ଞ୍ଚ ଵଯ-ନ୍ଦ୍ଵିଷ୍ମଃ ॥ 2

ଆଵାତ ଵାହି ଭେଷଜଂ-ଵିଁଵାତ-ଵାହି ଯଦ୍ରପଃ ।
ତ୍ଵଗ୍ଂହି ଵିଶ୍ଵଭେଷଜୋ ଦେଵାନା-ନ୍ଦୂତ ଈଯସେ ॥
ଦ୍ଵାଵିମୌ ଵାତୌ ଵାତ ଆସିନ୍ଧୋରା ପରାଵତଃ ।
ଦକ୍ଷ-ମ୍ମେ ଅନ୍ଯ ଆଵାତୁ ପରା-ଽନ୍ଯୋ ଵାତୁ ଯଦ୍ରପଃ ॥
ଯଦଦୋ ଵାତ ତେ ଗୃହେ-ଽମୃତସ୍ଯ ନିଧିର୍ହିତଃ ।
ତତୋ ନୋ ଦେହି ଜୀଵସେ ତତୋ ନୋ ଧେହି ଭେଷଜମ୍ ।
ତତୋ ନୋ ମହ ଆଵହ ଵାତ ଆଵାତୁ ଭେଷଜମ୍ ॥
ଶମ୍ଭୂର୍-ମଯୋଭୂର୍-ନୋ ହୃଦେ ପ୍ରଣ ଆଯୁଗ୍ଂଷି ତାରିଷତ୍ । ଇନ୍ଦ୍ରସ୍ଯ ଗୃହୋ-ଽସି ତ-ନ୍ତ୍ଵା ପ୍ରପଦ୍ଯେ ସଗୁସ୍ସାଶ୍ଵଃ । ସହ ଯନ୍ମେ ଅସ୍ତି ତେନ ॥ 3

ଭୂଃ ପ୍ରପଦ୍ଯେ ଭୁଵଃ ପ୍ରପଦ୍ଯେ ସୁଵଃ ପ୍ରପଦ୍ଯେ ଭୂର୍ଭୁଵସ୍ସୁଵଃ ପ୍ରପଦ୍ଯେ ଵାଯୁଂ
ପ୍ରପଦ୍ଯେ-ଽନାର୍ତା-ନ୍ଦେଵତା-ମ୍ପ୍ରପଦ୍ଯେ-ଽଶ୍ମାନମାଖଣ-ମ୍ପ୍ରପଦ୍ଯେ ପ୍ରଜାପତେର୍
ବ୍ରହ୍ମକୋଶ-ମ୍ବ୍ରହ୍ମ ପ୍ରପଦ୍ଯ ଓ-ମ୍ପ୍ରପଦ୍ଯେ ॥
ଅନ୍ତରିକ୍ଷ-ମ୍ମ ଉର୍ଵନ୍ତର-ମ୍ବୃହଦଗ୍ନଯଃ ପର୍ଵତାଶ୍ଚ ଯଯା ଵାତଃ ସ୍ଵସ୍ତ୍ଯା
ସ୍ଵସ୍ତିମାନ୍ତଯା ସ୍ଵସ୍ତ୍ଯା ସ୍ଵସ୍ତି ମାନସାନି ॥
ପ୍ରାଣାପାନୌ ମୃତ୍ଯୋର୍ ମା ପାତ-ମ୍ପ୍ରାଣାପାନୌ ମା ମା ହାସିଷ୍ଟ-ମ୍ମଯି ମେଧା-ମ୍ମଯି ପ୍ରଜା-ମ୍ମଯ୍ଯଗ୍ନି ସ୍ତେଜୋ ଦଧାତୁ
ମଯି ମେଧା-ମ୍ମଯି ପ୍ରଜା-ମ୍ମଯୀନ୍ଦ୍ର ଇନ୍ଦ୍ରିଯ-ନ୍ଦଧାତୁ
ମଯି ମେଧା-ମ୍ମଯି ପ୍ରଜା-ମ୍ମଯି ସୂର୍ଯୋ ଭ୍ରାଜୋ ଦଧାତୁ ॥ 4

ଦ୍ଯୁଭିରକ୍ତୁଭିଃ ପରିପାତ-ମସ୍ମା-ନରିଷ୍ଟେଭିରଶ୍ଵିନା ସୌଭଗେଭିଃ ।
ତନ୍ନୋ ମିତ୍ରୋ ଵରୁଣୋ ମାମହନ୍ତା-ମଦିତିଃ-ସିନ୍ଧୁଃ ପୃଥିଵୀ ଉତଦ୍ଯୌଃ ॥
କଯାନଶ୍ଚିତ୍ର ଆଭୁଵ ଦୂତୀ ସଦାଵୃଧ ସ୍ସଖା । କଯାଶଚିଷ୍ଠଯା ଵୃତା ॥
କସ୍ତ୍ଵା ସତ୍ଯୋ ମଦାନା-ମ୍ମଗ୍ଂହିଷ୍ଠୋ ମଥ୍ସଦନ୍ଧସଃ ।
ଦୃଢା-ଚିଦା-ରୁଜେ-ଵସୁ ॥
ଅଭୀଷୁଣ ସ୍ସଖୀନା-ମଵିତା-ଜରିତ୍-ୠଣାମ୍ । ଶତ-ମ୍ଭଵାସ୍ଯୂତିଭିଃ ॥
ଵଯସ୍ସୁପର୍ଣା ଉପସେଦୁରିନ୍ଦ୍ର-ମ୍ପ୍ରିଯମେଧା ଋଷଯୋ ନାଧମାନାଃ ।
ଅପଦ୍ଧ୍ଵାନ୍ତମୂର୍ଣୁହି ପୂର୍ଧିଚକ୍ଷୁର୍ ମୁମୁଗ୍ଧ୍ଯସ୍ମା-ନ୍ନିଧଯେଵ ବଦ୍ଧାନ୍ ॥
ଶନ୍ନୋ ଦେଵୀରଭିଷ୍ଟଯ ଆପୋ ଭଵନ୍ତୁ ପୀତଯେ । ଶଂଯୋଁ-ରଭିସ୍ରଵନ୍ତୁନଃ ॥
ଈଶାନା ଵାର୍ଯାଣା-ଙ୍କ୍ଷଯନ୍ତୀ ଶ୍ଚର୍ଷଣୀନାମ୍ । ଅପୋ ଯାଚାମି ଭେଷଜମ୍ ॥
ସୁମିତ୍ରାନ ଆପ ଓଷଧଯ ସ୍ସନ୍ତୁ ଦୁର୍ମିତ୍ରାସ୍ତସ୍ମୈ ଭୂଯା-ସୁର୍ଯୋ-ଽସ୍ମାନ୍
ଦ୍ଵେଷ୍ଟି ଯ-ଞ୍ଚ ଵଯ-ନ୍ଦ୍ଵିଷ୍ମଃ ॥ 5

ଆପୋହିଷ୍ଠା ମଯୋଭୁଵ-ସ୍ତାନ ଊର୍ଜେ ଦଧାତନ । ମହେ ରଣାଯ ଚକ୍ଷସେ ।
ଯୋ ଵଃ ଶିଵତମୋ ରସସ୍ତସ୍ଯ ଭାଜଯତେହ ନଃ । ଉଶତୀରିଵ ମାତରଃ ।
ତସ୍ମା ଅର-ଙ୍ଗମାମଵୋ ଯସ୍ଯ କ୍ଷଯାଯ ଜିନ୍ଵଥ । ଆପୋ ଜନଯଥା ଚନଃ ॥
ପୃଥିଵୀ ଶାନ୍ତା ସା-ଽଗ୍ନିନା ଶାନ୍ତା ସା ମେ ଶାନ୍ତା ଶୁଚଗ୍ଂ ଶମଯତୁ ।
ଅନ୍ତରିକ୍ଷଗ୍ଂ ଶାନ୍ତ-ନ୍ତଦ୍ ଵାଯୁନା ଶାନ୍ତ-ନ୍ତନ୍ମେ ଶାନ୍ତଗ୍ଂ ଶୁଚଗ୍ଂ ଶମଯତୁ ।
ଦ୍ଯୌ-ଶ୍ଶାନ୍ତା ସା-ଽଽଦିତ୍ଯେନ ଶାନ୍ତା ସା ମେ ଶାନ୍ତା ଶୁଚଗ୍ଂ ଶମଯତୁ ॥ 6

ପୃଥିଵୀ ଶାନ୍ତିରନ୍ତରିକ୍ଷଗ୍ଂ ଶାନ୍ତିର୍ ଦ୍ଯୌ ଶ୍ଶାନ୍ତିର୍ ଦିଶ-ଶ୍ଶାନ୍ତି-ରଵାନ୍ତରଦିଶାଃ-ଶାନ୍ତି-ରଗ୍ନିଶ୍ଶାନ୍ତିର୍-ଵାଯୁଶ୍ଶାନ୍ତି-ରାଦିତ୍ଯ ଶ୍ଶାନ୍ତି-
ଶ୍ଚନ୍ଦ୍ରମା ଶ୍ଶାନ୍ତିର୍-ନକ୍ଷତ୍ରାଣି ଶାନ୍ତି-ରାପଶ୍ଶାନ୍ତି-ରୋଷଧଯ ଶ୍ଶାନ୍ତିର୍-
ଵନସ୍ପତଯ ଶ୍ଶାନ୍ତିର୍-ଗୌ ଶ୍ଶାନ୍ତି-ରଜା ଶାନ୍ତି-ରଶ୍ଵ ଶ୍ଶାନ୍ତିଃ ପୁରୁଷ ଶ୍ଶାନ୍ତିର୍ ବ୍ରହ୍ମ ଶାନ୍ତିର୍ ବ୍ରାହ୍ମଣ ଶ୍ଶାନ୍ତି-ଶ୍ଶାନ୍ତି-ରେଵ ଶାନ୍ତି ଶ୍ଶାନ୍ତିର୍ ମେ ଅସ୍ତୁ ଶାନ୍ତିଃ ॥
ତଯା-ଽହଗ୍ଂ ଶାନ୍ତ୍ଯା ସର୍ଵ ଶାନ୍ତ୍ଯା ମହ୍ଯ-ନ୍ଦ୍ଵିପଦେ ଚତୁଷ୍ପଦେ ଚ
ଶାନ୍ତି-ଙ୍କରୋମି ଶାନ୍ତିର୍ ମେ ଅସ୍ତୁ ଶାନ୍ତିଃ ॥ 7

ଏହ ଶ୍ରୀଶ୍ଚ ହ୍ରୀଶ୍ଚ ଧୃତିଶ୍ଚ ତପୋ ମେଧା ପ୍ରତିଷ୍ଠା ଶ୍ରଦ୍ଧା ସତ୍ଯ-ନ୍ଧର୍ମଶ୍ଚୈତାନି
ମୋତ୍ତିଷ୍ଠନ୍ତ-ମନୂତ୍ତିଷ୍ଠନ୍ତୁ ମାମାଗ୍ ଶ୍ରୀଶ୍ଚ ହ୍ରୀଶ୍ଚ ଧୃତିଶ୍ଚ ତପୋ ମେଧା ପ୍ରତିଷ୍ଠା
ଶ୍ରଦ୍ଧା ସତ୍ଯ-ନ୍ଧର୍ମଶ୍ଚୈତାନି ମା ମା ହାସିଷୁଃ ॥
ଉଦାଯୁଷା ସ୍ଵାଯୁଷୋ-ଦୋଷଧୀନାଗ୍ଂ ରସେନୋ-ତ୍ପର୍ଜନ୍ଯସ୍ଯ ଶୁଷ୍ମେଣୋଦସ୍ଥା-
ମମୃତାଗ୍ଂ ଅନୁ ॥ ତଚ୍ଚକ୍ଷୁର୍ ଦେଵହିତ-ମ୍ପୁରସ୍ତା-ଚ୍ଛୁକ୍ରମୁଚ୍ଚରତ୍ ॥ 8

ପଶ୍ଯେମ ଶରଦଶ୍ଶତ-ଞ୍ଜୀଵେମ ଶରଦଶ୍ଶତ-ନ୍ନନ୍ଦାମ ଶରଦଶ୍ଶତ-ମ୍ମୋଦାମ
ଶରଦଶ୍ଶତ-ମ୍ଭଵାମ ଶରଦଶ୍ଶତଗ୍ଂ ଶୃଣଵାମ ଶରଦଶ୍ଶତ-ମ୍ପ୍ରବ୍ରଵାମ
ଶରଦଶ୍ଶତ-ମଜୀତାସ୍ଯାମ ଶରଦଶ୍ଶତ-ଞ୍ଜୋକ୍ଚ ସୂର୍ଯ-ନ୍ଦୃଶେ ॥
ଯ ଉଦଗା-ନ୍ମହତୋ-ଽର୍ଣଵାନ୍ ଵିବ୍ରାଜମାନ-ସ୍ସରିରସ୍ଯ ମଦ୍ଧ୍ଯାଥ୍ସ ମା
ଵୃଷଭୋ ଲୋହିତାକ୍ଷ ସ୍ସୂର୍ଯୋ ଵିପଶ୍ଚି-ନ୍ମନସା ପୁନାତୁ ॥ 9

ବ୍ରହ୍ମଣଶ୍ଚୋତନ୍ଯସି ବ୍ରହ୍ମଣ ଆଣୀସ୍ଥୋ ବ୍ରହ୍ମଣ ଆଵପନମସି ଧାରିତେଯଂ
ପୃଥିଵୀ ବ୍ରହ୍ମଣା ମହୀ ଧାରିତ-ମେନେନ ମହଦନ୍ତରିକ୍ଷ-ନ୍ଦିଵ-ନ୍ଦାଧାର
ପୃଥିଵୀଗ୍ଂ ସଦେଵାଂଯଁଦହଂଵେଁଦ ତଦହ-ନ୍ଧାରଯାଣି ମାମଦ୍ଵେଦୋ-ଽଧି ଵିସ୍ରସତ୍ ।
ମେଧାମନୀଷେ ମାଵିଶତାଗ୍ଂ ସମୀଚୀ ଭୂତସ୍ଯ ଭଵ୍ଯସ୍ଯାଵରୁଦ୍ଧ୍ଯୈ
ସର୍ଵମାଯୁରଯାଣି ସର୍ଵମାଯୁରଯାଣି ॥ 10

ଆଭିର୍ ଗୀର୍ଭିର୍ ଯଦତୋନ ଊନମାପ୍ଯାଯଯ ହରିଵୋ ଵର୍ଧମାନଃ ।
ଯଦା ସ୍ତୋତୃଭ୍ଯୋ ମହି ଗୋତ୍ରା ରୁଜାସି ଭୂଯିଷ୍ଠଭାଜୋ ଅଧତେ ଶ୍ଯାମ ।
ବ୍ରହ୍ମ ପ୍ରାଵାଦିଷ୍ମ ତନ୍ନୋ ମାହାସୀତ୍ ॥

ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ ॥ 5 ॥