amogha śiva kavaca

|| śrīgaṇeśāya namaḥ ||
viniyoga
oṃ asya śrīśivakavacastotramaṃtrasya brahmā ṛṣiḥ anuṣṭap chandaḥ|
śrīsadāśivarudro devatā| hrīṃ śaktiḥ|
raṃ kīlakam| śrīṃ hrī klīṃ bījam|
śrīsadāśivaprītyarthe śivakavacastotrajape viniyogaḥ|
kara-nyāsa
oṃ namo bhagavate jvalajjvālāmāline
oṃ hlāṃsarvaśaktidhāmne īśānātmane aṃguṣṭhābhyāṃ namaḥ |
oṃ namo bhagavate jvalajjvālāmāline
oṃ naṃ riṃ nityatṛptidhāmne tatpuruṣātmane tarjanībhyāṃ namaḥ |
oṃ namo bhagavate jvalajjvālāmāline
oṃ maṃ ruṃ anādiśaktidhāmne aghorātmane madhyāmābhyāṃ namaḥ |
oṃ namo bhagavate jvalajjvālāmāline
oṃ śiṃ raiṃ svataṃtraśaktidhāmne vāmadevātmane anāmikābhyāṃ namaḥ |
oṃ namo bhagavate jvalajjvālāmāline
oṃ vāṃrauṃ aluptaśaktidhāmne sadyo jātātmane kaniṣṭhikābhyāṃ namaḥ |
oṃ namo bhagavate jvalajjvālāmāline
oṃ yaṃraḥ anādiśaktidhāmne sarvātmane karatala karapṛṣṭhābhyāṃ namaḥ|

vajradaṃṣṭraṃ trinayanaṃ kālakaṇṭhamarindamam |
sahasrakaramatyugraṃ vaṃde śaṃbhumupatim || 1 ||

|| ṛṣabha uvāca||
athāparaṃ sarvapurāṇaguhyaṃ niśeḥṣapāpaughaharaṃ pavitram |
jayapradaṃ sarvavipatpramocanaṃ vakṣyāmi śaivaṃ kavacaṃ hitāya te || 2 ||

namaskṛtya mahādevaṃ viśvavyāpinamīśvaram|
vakṣye śivamayaṃ varma sarvarakṣākaraṃ nṛṇām || 3 ||

śucau deśe samāsīno yathāvatkalpitāsanaḥ |
jitendriyo jitaprāṇaściṃtayecchivamavyayam || 4 ||

hratpuṃḍarīka tarasanniviṣṭaṃ svatejasā vyāptanabhovakāśam |
atīṃdriyaṃ sūkṣmamanaṃtatādyaṃdhyāyetparānaṃdamayaṃ maheśam || 5 ||

dhyānāvadhūtākhilakarmabandhaścaraṃ citānandanimagnacetāḥ |
ṣaḍakṣaranyāsasamāhitātmā śaivena kuryātkavacena rakṣām || 6 ||

māṃ pātu devo'khiladevatmā saṃsārakūpe patitaṃ gaṃbhīre
tannāma divyaṃ varamaṃtramūlaṃ dhunotu me sarvamaghaṃ hradistham || 7 ||

sarvatramāṃ rakṣatu viśvamūrtirjyotirmayānaṃdaghanaścidātmā |
aṇoraṇīyānuruśaktirekaḥ sa īśvaraḥ pātu bhayādaśeṣāt || 8 ||

yo bhūsvarūpeṇa birbhīta viśvaṃ pāyātsa bhūmergiriśo'ṣṭamūrtiḥ |
yo'pāṃsvarūpeṇa nṛṇāṃ karoti saṃjīvanaṃ so'vatu māṃ jalebhyaḥ || 9 ||

kalpāvasāne bhuvanāni dagdhvā sarvāṇi yo nṛtyati bhūrilīlaḥ |
sa kālarudro'vatu māṃ davāgnervātyādibhīterakhilācca tāpāt || 10 ||

pradīptavidyutkanakāvabhāso vidyāvarābhīti kuṭhārapāṇiḥ |
caturmukhastatpuruṣastrinetraḥ prācyāṃ sthitaṃ rakṣatu māmajastram || 11 ||

kuṭhāravedāṃkuśapāśaśūlakapālaḍhakkākṣaguṇān dadhānaḥ |
caturmukhonīlarucistrinetraḥ pāyādaghoro diśi dakṣiṇasyām || 12 ||

kuṃdeṃduśaṃkhasphaṭikāvabhāso vedākṣamālā varadābhayāṃkaḥ |
tryakṣaścaturvakra uruprabhāvaḥ sadyodhijāto'vastu māṃ pratīcyām || 13 ||

varākṣamālābhayaṭaṃkahastaḥ saroja kiṃjalkasamānavarṇaḥ |
trilocanaścārucaturmukho māṃ pāyādudīcyā diśi vāmadevaḥ || 14 ||

vedābhyeṣṭāṃkuśapāśa ṭaṃkakapālaḍhakkākṣakaśūlapāṇiḥ |
sitadyutiḥ paṃcamukho'vatānmāmīśāna ūrdhvaṃ paramaprakāśaḥ || 15 ||

mūrdhānamavyānmama caṃdramaulirbhālaṃ mamāvyādatha bhālanetraḥ |
netre mamā vyādbhaganetrahārī nāsāṃ sadā rakṣatu viśvanāthaḥ || 16 ||

pāyācchra tī me śrutigītakīrtiḥ kapolamavyātsatataṃ kapālī |
vakraṃ sadā rakṣatu paṃcavakro jihvāṃ sadā rakṣatu vedajihvaḥ || 17 ||

kaṃṭhaṃ girīśo'vatu nīlakaṇṭhaḥ pāṇiḥ dvayaṃ pātuḥ pinākapāṇiḥ |
dormūlamavyānmama dharmavāhurvakṣaḥsthalaṃ dakṣamakhātako'vyāt || 18 ||

manodaraṃ pātu girīṃdradhanvā madhyaṃ mamāvyānmadanāṃtakārī |
heraṃbatāto mama pātu nābhiṃ pāyātkaṭiṃ dhūrjaṭirīśvaro me || 19 ||

ūrudvayaṃ pātu kuberamitro jānudvayaṃ me jagadīśvaro'vyāt |
jaṃghāyugaṃpuṃgavaketukhyātapādau mamāvyatsuravaṃdyapādaḥ || 20 ||

maheśvaraḥ pātu dinādiyāme māṃ madhyayāme'vatu vāmadevaḥ |
trilocanaḥ pātu tṛtīyayāme vṛṣadhvajaḥ pātu dināṃtyayāme || 21 ||

pāyānniśādau śaśiśekharo māṃ gaṃgādharo rakṣatu māṃ niśīthe |
gaurī patiḥ pātu niśāvasāne mṛtyuṃjayo rakṣatu sarvakālam || 22 ||

antaḥsthitaṃ rakṣatu śaṃkaro māṃ sthāṇuḥ sadāpātu bahiḥ sthita mām |
tadaṃtare pātu patiḥ paśūnāṃ sadāśivorakṣatu māṃ samaṃtāt || 23 ||

tiṣṭhatamavyādbhuvanaikanāthaḥ pāyādvrajaṃtaṃ prathamādhināthaḥ |
vedāṃtavedyo'vatu māṃ niṣaṇṇaṃ māmavyayaḥ pātu śivaḥ śayānam || 24 ||

mārgeṣu māṃ rakṣatu nīlakaṃṭhaḥ śailādidurgeṣu puratrayāriḥ |
araṇyavāsādimahāpravāse pāyānmṛgavyādha udāraśaktiḥ || 25 ||

kalpāṃtakoṭopapaṭuprakopa-sphuṭāṭṭahāsoccalitāṃḍakośaḥ |
ghorārisenarṇavadurnivāramahābhayādrakṣatu vīrabhadraḥ || 26 ||

pattyaśvamātaṃgaghaṭāvarūthasahasralakṣāyutakoṭibhīṣaṇam |
akṣauhiṇīnāṃ śatamātatāyināṃ chiṃdyānmṛḍoghora kuṭhāra dhārayā || 27||

nihaṃtu dasyūnpralayānalārcirjvalatriśūlaṃ tripurāṃtakasya |
śārdūla siṃharkṣavṛkādihiṃsrānsaṃtrāsayatvīśadhanuḥ pinākaḥ || 28 ||

duḥsvapnaduḥśakunadurgatidaurmanasyardurbhikṣadurvyasanaduḥsahaduryaśāṃsi |
utpātatāpaviṣabhītimasadgrahārti vyādhīṃśca nāśayatu me jagatāmadhīśaḥ || 29 ||

oṃ namo bhagavate sadāśivāya sakalatattvātmakāya
sarvamaṃtrasvarūpāya sarvayaṃtrādhiṣṭhitāya sarvataṃtrasvarūpāya
sarvattvavidūrāya brahmarudrāvatāriṇe nīlakaṃṭhāya
pārvatīmanoharapriyāya somasūryāgnilocanāya bhasmoddhūlitavigrahāya
mahāmaṇimukuṭadhāraṇāya māṇikyabhūṣaṇāya
sṛṣṭisthitipralayakālaraudrāvatārāya dakṣādhvaradhvaṃsakāya
mahākālabhedanāya mūlādhāraikanilayāya tattvātītāya
gaṃgādharāya sarvadevādhidevāya ṣaḍāśrayāya vedāṃtasārāya trivargasādhanāyānaṃtakoṭibrahmāṇḍanāyakāyānaṃtavāsukita
kṣakakarkoṭakaṅkhakulika padma
mahāpadmetyaṣṭamahānāgakulabhūṣaṇāyapraṇavasvarūpāya cidākāśāya
ākāśadiksvarūpāyagrahanakṣatramāline sakalāya kalaṃkarahitāya
sakalalokaikartre sakalalokaikabhartre sakalalokaikasaṃhartre
sakalalokaikagurave sakalalokaikasākṣiṇe sakalanigamaguhyāya
sakala vedāntapāragāya sakalalokaikavarapradāya
sakalakolokaikaśaṃkarāya śaśāṃkaśekharāya śāśvatanijāvāsāya
nirābhāsāya nirāmayāya nirmalāya nirlobhāya
nirmadāya niściṃtāya nirahaṃkārāya niraṃkuśāya
niṣkalaṃkāya nirguṇāya niṣkāmāya nirupaplavāya
niravadyāya niraṃtarāya niṣkāraṇāya niraṃtakāya
niṣprapaṃcāya niḥsaṃgāya nirdvaṃdvāya nirādhārāya nīrāgāya
niṣkrodhāya nirmalāya niṣpāpāya nirbhayāya nirvikalpāya
nirbhedāya niṣkriyaya nistulāya niḥsaṃśayāya niraṃjanāya
nirupamavibhavāyanityaśuddhabuddha paripūrṇasaccidānaṃdādvayāya
paramaśāṃtasvarūpāya tejorūpāya tejomayāya
jaya jaya rudramahāraudrabhadrāvatāra mahābhairava kālabhairava kalpāṃtabhairava
kapālamālādhara khaṭvāṃgakhaḍgacarmapāśāṃkuśaḍamaruśūlacāpabāṇagadāśakti
bhiṃdipālatomaramusalamudgarapāśaparigha bhuśuṇḍīśataghnī cakrādyāyudhabhīṣaṇakarasahasramukhadaṃṣṭrākarālavadanavi
kaṭāṭṭahāsavisphāritabrahmāṃḍamaṃḍala nāgeṃdrakuṃḍala nāgeṃdrahāra
nāgendravalaya nāgeṃdracarmadharamṛyuṃjaya tryaṃbakapurāṃtaka
viśvarūpa virūpākṣa viśveśvara vṛṣabhavāhana viṣavibhūṣaṇa
viśvatomukha sarvato rakṣa rakṣa māṃ jvala jvala mahāmṛtyumapamṛtyubhayaṃ
nāśayanāśayacorabhayamutsādayotsādaya viṣasarpabhayaṃ
śamaya śamaya corānmāraya māraya mamaśamanuccāṭyoccāṭayatriśūlenavidāraya
kuṭhāreṇabhiṃdhibhiṃbhadhi khaḍgena chiṃdhi chiṃdhi khaṭvāṃgena
vipothaya vipothaya musalena niṣpeṣaya niṣpeṣaya vāṇaiḥ saṃtāḍaya saṃtāḍaya
rakṣāṃsi bhīṣaya bhīṣayaśeṣabhūtāni nidrāvaya kūṣmāṃḍavetālamārīca
brahmarākṣasagaṇānsaṃtrāsaya saṃtrāsaya mamābhaya kuru kuru
vitrastaṃ māmāśvāsayāśvāsaya narakamahābhayānmāmuddharasaṃjīvaya
saṃjīvayakṣuttṛḍbhyāṃ māmāpyāya-āpyāya duḥkhāturaṃ māmānandayānandayaśivakavacena māmācchādayācchādayamṛtyuṃjaya tryaṃbaka sadāśiva namaste namaste namaste|
|| ṛṣabha uvāca||
ityetatkavacaṃ śaivaṃ varadaṃ vyāhrataṃ mayā ||

sarvabādhāpraśamanaṃ rahasyaṃ sarvadehinām || 30 ||

yaḥ sadā dhārayenmartyaḥ śaivaṃ kavacamuttamam |
na tasya jāyate kvāpi bhayaṃ śaṃbhoranugrahāt || 31 ||

kṣīṇāyuaḥprāptamṛtyurvā mahārogahato'pi vā ||

sadyaḥ sukhamavāpnoti dīrghamāyuścaviṃdati || 32 ||

sarvadāridrya śamanaṃ saumaṃgalyavivardhanam |
yo dhatte kavacaṃ śaivaṃ sadevairapi pūjyate || 33 ||

mahāpātakasaṃghātairmucyate copapātakaiḥ |
dehāṃte muktimāpnoti śivavarmānubhāvataḥ || 34 ||

tvamapi śraddhayā vatsa śaivaṃ kavacamuttamam
dhārayasva mayā dattaṃ sadyaḥ śreyo hyavāpsyasi || 35 ||

|| sūta uvāca||

ityuktvāṛṣabho yogī tasmai pārthivasūnave |
dadau śaṃkhaṃ mahārāvaṃ khaḍgaṃ cāriniṣūdanam || 36 ||

punaśca bhasma saṃmatrya tadaṃgaṃ parito'spṛśat |
gajānāṃ ṣaṭsahasrasya dviguṇasya balaṃ dadau | 37 ||

bhasmaprabhāvātsaṃprāptabalaiśvaryadhṛtismṛtiḥ |
sa rājaputraḥ śuśubhe śaradarka iva śriyā || 38 ||

tamāha prāṃjaliṃ bhūyaḥ sa yogī nṛpanaṃdanam |
eṣa khaḍgo mayā dattastapomaṃtrānubhāvitaḥ || 39 ||

śitadhāramimaṃkhaḍgaṃ yasmai darśayase sphuṭam |
sa sadyo mriyateśatruḥ sākṣānmṛtyurapi svayam || 40 ||

asya śaṃkhasya nirhlādaṃ ye śrṛṇvaṃti tavāhitāḥ |
te mūrcchitāḥ patiṣyaṃti nyastaśastrā vicetanāḥ || 41 ||

khaḍgaśaṃkhāvimau divyau parasainya nivāśinau |
ātmasainyasyapakṣāṇāṃ śauryatejovivardhano || 42 ||

etayośca prabhāveṇa śaivena kavacena ca |
dviṣaṭsahastranāgānāṃ balena mahatāpi ca || 43 ||

bhasmadhāraṇasāmarthyācchatrusainyaṃ vijeṣyasi |
prāpya siṃhāsanaṃ pitryaṃ goptāsi pṛthivīmimām || 44 ||

iti bhadrāyuṣaṃ samyaganuśāsya samātṛkam |
tābhyāṃ pūjitaḥ so'tha yogī svairagatiryayau || 45 ||

|| iti śrīskaṃdapurāṇe ekāśītisāhastrayāṃ tṛtīye
brahmottarakhaṇḍe amogha-śiva-kavacaṃ samāptam ||