ଅମୋଘ ଶିଵ କଵଚ

।। ଶ୍ରୀଗଣେଶାଯ ନମଃ ।।
ଵିନିଯୋଗ
ଓଁ ଅସ୍ଯ ଶ୍ରୀଶିଵକଵଚସ୍ତୋତ୍ରମଂତ୍ରସ୍ଯ ବ୍ରହ୍ମା ଋଷିଃ ଅନୁଷ୍ଟପ୍ ଛନ୍ଦଃ।
ଶ୍ରୀସଦାଶିଵରୁଦ୍ରୋ ଦେଵତା। ହ୍ରୀଂ ଶକ୍ତିଃ।
ରଂ କୀଲକମ୍। ଶ୍ରୀଂ ହ୍ରୀ କ୍ଲୀଂ ବୀଜମ୍।
ଶ୍ରୀସଦାଶିଵପ୍ରୀତ୍ଯର୍ଥେ ଶିଵକଵଚସ୍ତୋତ୍ରଜପେ ଵିନିଯୋଗଃ।
କର-ନ୍ଯାସ
ଓଁ ନମୋ ଭଗଵତେ ଜ୍ଵଲଜ୍ଜ୍ଵାଲାମାଲିନେ
ଓଁ ହ୍ଲାଂସର୍ଵଶକ୍ତିଧାମ୍ନେ ଈଶାନାତ୍ମନେ ଅଂଗୁଷ୍ଠାଭ୍ଯାଂ ନମଃ ।
ଓଁ ନମୋ ଭଗଵତେ ଜ୍ଵଲଜ୍ଜ୍ଵାଲାମାଲିନେ
ଓଁ ନଂ ରିଂ ନିତ୍ଯତୃପ୍ତିଧାମ୍ନେ ତତ୍ପୁରୁଷାତ୍ମନେ ତର୍ଜନୀଭ୍ଯାଂ ନମଃ ।
ଓଁ ନମୋ ଭଗଵତେ ଜ୍ଵଲଜ୍ଜ୍ଵାଲାମାଲିନେ
ଓଁ ମଂ ରୁଂ ଅନାଦିଶକ୍ତିଧାମ୍ନେ ଅଘୋରାତ୍ମନେ ମଧ୍ଯାମାଭ୍ଯାଂ ନମଃ ।
ଓଁ ନମୋ ଭଗଵତେ ଜ୍ଵଲଜ୍ଜ୍ଵାଲାମାଲିନେ
ଓଁ ଶିଂ ରୈଂ ସ୍ଵତଂତ୍ରଶକ୍ତିଧାମ୍ନେ ଵାମଦେଵାତ୍ମନେ ଅନାମିକାଭ୍ଯାଂ ନମଃ ।
ଓଁ ନମୋ ଭଗଵତେ ଜ୍ଵଲଜ୍ଜ୍ଵାଲାମାଲିନେ
ଓଁ ଵାଂରୌଂ ଅଲୁପ୍ତଶକ୍ତିଧାମ୍ନେ ସଦ୍ଯୋ ଜାତାତ୍ମନେ କନିଷ୍ଠିକାଭ୍ଯାଂ ନମଃ ।
ଓଁ ନମୋ ଭଗଵତେ ଜ୍ଵଲଜ୍ଜ୍ଵାଲାମାଲିନେ
ଓଁ ଯଂରଃ ଅନାଦିଶକ୍ତିଧାମ୍ନେ ସର୍ଵାତ୍ମନେ କରତଲ କରପୃଷ୍ଠାଭ୍ଯାଂ ନମଃ।

ଵଜ୍ରଦଂଷ୍ଟ୍ରଂ ତ୍ରିନଯନଂ କାଲକଣ୍ଠମରିନ୍ଦମମ୍ ।
ସହସ୍ରକରମତ୍ଯୁଗ୍ରଂ ଵଂଦେ ଶଂଭୁମୁପତିମ୍ ॥ ୧ ॥

।। ଋଷଭ ଉଵାଚ।।
ଅଥାପରଂ ସର୍ଵପୁରାଣଗୁହ୍ଯଂ ନିଶେଃଷପାପୌଘହରଂ ପଵିତ୍ରମ୍ ।
ଜଯପ୍ରଦଂ ସର୍ଵଵିପତ୍ପ୍ରମୋଚନଂ ଵକ୍ଷ୍ଯାମି ଶୈଵଂ କଵଚଂ ହିତାଯ ତେ ॥ ୨ ॥

ନମସ୍କୃତ୍ଯ ମହାଦେଵଂ ଵିଶ୍ଵଵ୍ଯାପିନମୀଶ୍ଵରମ୍।
ଵକ୍ଷ୍ଯେ ଶିଵମଯଂ ଵର୍ମ ସର୍ଵରକ୍ଷାକରଂ ନୃଣାମ୍ ॥ ୩ ॥

ଶୁଚୌ ଦେଶେ ସମାସୀନୋ ଯଥାଵତ୍କଲ୍ପିତାସନଃ ।
ଜିତେନ୍ଦ୍ରିଯୋ ଜିତପ୍ରାଣଶ୍ଚିଂତଯେଚ୍ଛିଵମଵ୍ଯଯମ୍ ॥ ୪ ॥

ହ୍ରତ୍ପୁଂଡରୀକ ତରସନ୍ନିଵିଷ୍ଟଂ ସ୍ଵତେଜସା ଵ୍ଯାପ୍ତନଭୋଵକାଶମ୍ ।
ଅତୀଂଦ୍ରିଯଂ ସୂକ୍ଷ୍ମମନଂତତାଦ୍ଯଂଧ୍ଯାଯେତ୍ପରାନଂଦମଯଂ ମହେଶମ୍ ॥ ୫ ॥

ଧ୍ଯାନାଵଧୂତାଖିଲକର୍ମବନ୍ଧଶ୍ଚରଂ ଚିତାନନ୍ଦନିମଗ୍ନଚେତାଃ ।
ଷଡକ୍ଷରନ୍ଯାସସମାହିତାତ୍ମା ଶୈଵେନ କୁର୍ଯାତ୍କଵଚେନ ରକ୍ଷାମ୍ ॥ ୬ ॥

ମାଂ ପାତୁ ଦେଵୋଽଖିଲଦେଵତ୍ମା ସଂସାରକୂପେ ପତିତଂ ଗଂଭୀରେ
ତନ୍ନାମ ଦିଵ୍ଯଂ ଵରମଂତ୍ରମୂଲଂ ଧୁନୋତୁ ମେ ସର୍ଵମଘଂ ହ୍ରଦିସ୍ଥମ୍ ॥ ୭ ॥

ସର୍ଵତ୍ରମାଂ ରକ୍ଷତୁ ଵିଶ୍ଵମୂର୍ତିର୍ଜ୍ଯୋତିର୍ମଯାନଂଦଘନଶ୍ଚିଦାତ୍ମା ।
ଅଣୋରଣୀଯାନୁରୁଶକ୍ତିରେକଃ ସ ଈଶ୍ଵରଃ ପାତୁ ଭଯାଦଶେଷାତ୍ ॥ ୮ ॥

ଯୋ ଭୂସ୍ଵରୂପେଣ ବିର୍ଭୀତ ଵିଶ୍ଵଂ ପାଯାତ୍ସ ଭୂମେର୍ଗିରିଶୋଽଷ୍ଟମୂର୍ତିଃ ।
ଯୋଽପାଂସ୍ଵରୂପେଣ ନୃଣାଂ କରୋତି ସଂଜୀଵନଂ ସୋଽଵତୁ ମାଂ ଜଲେଭ୍ଯଃ ॥ ୯ ॥

କଲ୍ପାଵସାନେ ଭୁଵନାନି ଦଗ୍ଧ୍ଵା ସର୍ଵାଣି ଯୋ ନୃତ୍ଯତି ଭୂରିଲୀଲଃ ।
ସ କାଲରୁଦ୍ରୋଽଵତୁ ମାଂ ଦଵାଗ୍ନେର୍ଵାତ୍ଯାଦିଭୀତେରଖିଲାଚ୍ଚ ତାପାତ୍ ॥ ୧୦ ॥

ପ୍ରଦୀପ୍ତଵିଦ୍ଯୁତ୍କନକାଵଭାସୋ ଵିଦ୍ଯାଵରାଭୀତି କୁଠାରପାଣିଃ ।
ଚତୁର୍ମୁଖସ୍ତତ୍ପୁରୁଷସ୍ତ୍ରିନେତ୍ରଃ ପ୍ରାଚ୍ଯାଂ ସ୍ଥିତଂ ରକ୍ଷତୁ ମାମଜସ୍ତ୍ରମ୍ ॥ ୧୧ ॥

କୁଠାରଵେଦାଂକୁଶପାଶଶୂଲକପାଲଢକ୍କାକ୍ଷଗୁଣାନ୍ ଦଧାନଃ ।
ଚତୁର୍ମୁଖୋନୀଲରୁଚିସ୍ତ୍ରିନେତ୍ରଃ ପାଯାଦଘୋରୋ ଦିଶି ଦକ୍ଷିଣସ୍ଯାମ୍ ॥ ୧୨ ॥

କୁଂଦେଂଦୁଶଂଖସ୍ଫଟିକାଵଭାସୋ ଵେଦାକ୍ଷମାଲା ଵରଦାଭଯାଂକଃ ।
ତ୍ର୍ଯକ୍ଷଶ୍ଚତୁର୍ଵକ୍ର ଉରୁପ୍ରଭାଵଃ ସଦ୍ଯୋଧିଜାତୋଽଵସ୍ତୁ ମାଂ ପ୍ରତୀଚ୍ଯାମ୍ ॥ ୧୩ ॥

ଵରାକ୍ଷମାଲାଭଯଟଂକହସ୍ତଃ ସରୋଜ କିଂଜଲ୍କସମାନଵର୍ଣଃ ।
ତ୍ରିଲୋଚନଶ୍ଚାରୁଚତୁର୍ମୁଖୋ ମାଂ ପାଯାଦୁଦୀଚ୍ଯା ଦିଶି ଵାମଦେଵଃ ॥ ୧୪ ॥

ଵେଦାଭ୍ଯେଷ୍ଟାଂକୁଶପାଶ ଟଂକକପାଲଢକ୍କାକ୍ଷକଶୂଲପାଣିଃ ।
ସିତଦ୍ଯୁତିଃ ପଂଚମୁଖୋଽଵତାନ୍ମାମୀଶାନ ଊର୍ଧ୍ଵଂ ପରମପ୍ରକାଶଃ ॥ ୧୫ ॥

ମୂର୍ଧାନମଵ୍ଯାନ୍ମମ ଚଂଦ୍ରମୌଲିର୍ଭାଲଂ ମମାଵ୍ଯାଦଥ ଭାଲନେତ୍ରଃ ।
ନେତ୍ରେ ମମା ଵ୍ଯାଦ୍ଭଗନେତ୍ରହାରୀ ନାସାଂ ସଦା ରକ୍ଷତୁ ଵିଶ୍ଵନାଥଃ ॥ ୧୬ ॥

ପାଯାଚ୍ଛ୍ର ତୀ ମେ ଶ୍ରୁତିଗୀତକୀର୍ତିଃ କପୋଲମଵ୍ଯାତ୍ସତତଂ କପାଲୀ ।
ଵକ୍ରଂ ସଦା ରକ୍ଷତୁ ପଂଚଵକ୍ରୋ ଜିହ୍ଵାଂ ସଦା ରକ୍ଷତୁ ଵେଦଜିହ୍ଵଃ ॥ ୧୭ ॥

କଂଠଂ ଗିରୀଶୋଽଵତୁ ନୀଲକଣ୍ଠଃ ପାଣିଃ ଦ୍ଵଯଂ ପାତୁଃ ପିନାକପାଣିଃ ।
ଦୋର୍ମୂଲମଵ୍ଯାନ୍ମମ ଧର୍ମଵାହୁର୍ଵକ୍ଷଃସ୍ଥଲଂ ଦକ୍ଷମଖାତକୋଽଵ୍ଯାତ୍ ॥ ୧୮ ॥

ମନୋଦରଂ ପାତୁ ଗିରୀଂଦ୍ରଧନ୍ଵା ମଧ୍ଯଂ ମମାଵ୍ଯାନ୍ମଦନାଂତକାରୀ ।
ହେରଂବତାତୋ ମମ ପାତୁ ନାଭିଂ ପାଯାତ୍କଟିଂ ଧୂର୍ଜଟିରୀଶ୍ଵରୋ ମେ ॥ ୧୯ ॥

ଊରୁଦ୍ଵଯଂ ପାତୁ କୁବେରମିତ୍ରୋ ଜାନୁଦ୍ଵଯଂ ମେ ଜଗଦୀଶ୍ଵରୋଽଵ୍ଯାତ୍ ।
ଜଂଘାଯୁଗଂପୁଂଗଵକେତୁଖ୍ଯାତପାଦୌ ମମାଵ୍ଯତ୍ସୁରଵଂଦ୍ଯପାଦଃ ॥ ୨୦ ॥

ମହେଶ୍ଵରଃ ପାତୁ ଦିନାଦିଯାମେ ମାଂ ମଧ୍ଯଯାମେଽଵତୁ ଵାମଦେଵଃ ।
ତ୍ରିଲୋଚନଃ ପାତୁ ତୃତୀଯଯାମେ ଵୃଷଧ୍ଵଜଃ ପାତୁ ଦିନାଂତ୍ଯଯାମେ ॥ ୨୧ ॥

ପାଯାନ୍ନିଶାଦୌ ଶଶିଶେଖରୋ ମାଂ ଗଂଗାଧରୋ ରକ୍ଷତୁ ମାଂ ନିଶୀଥେ ।
ଗୌରୀ ପତିଃ ପାତୁ ନିଶାଵସାନେ ମୃତ୍ଯୁଂଜଯୋ ରକ୍ଷତୁ ସର୍ଵକାଲମ୍ ॥ ୨୨ ॥

ଅନ୍ତଃସ୍ଥିତଂ ରକ୍ଷତୁ ଶଂକରୋ ମାଂ ସ୍ଥାଣୁଃ ସଦାପାତୁ ବହିଃ ସ୍ଥିତ ମାମ୍ ।
ତଦଂତରେ ପାତୁ ପତିଃ ପଶୂନାଂ ସଦାଶିଵୋରକ୍ଷତୁ ମାଂ ସମଂତାତ୍ ॥ ୨୩ ॥

ତିଷ୍ଠତମଵ୍ଯାଦ୍ଭୁଵନୈକନାଥଃ ପାଯାଦ୍ଵ୍ରଜଂତଂ ପ୍ରଥମାଧିନାଥଃ ।
ଵେଦାଂତଵେଦ୍ଯୋଽଵତୁ ମାଂ ନିଷଣ୍ଣଂ ମାମଵ୍ଯଯଃ ପାତୁ ଶିଵଃ ଶଯାନମ୍ ॥ ୨୪ ॥

ମାର୍ଗେଷୁ ମାଂ ରକ୍ଷତୁ ନୀଲକଂଠଃ ଶୈଲାଦିଦୁର୍ଗେଷୁ ପୁରତ୍ରଯାରିଃ ।
ଅରଣ୍ଯଵାସାଦିମହାପ୍ରଵାସେ ପାଯାନ୍ମୃଗଵ୍ଯାଧ ଉଦାରଶକ୍ତିଃ ॥ ୨୫ ॥

କଲ୍ପାଂତକୋଟୋପପଟୁପ୍ରକୋପ-ସ୍ଫୁଟାଟ୍ଟହାସୋଚ୍ଚଲିତାଂଡକୋଶଃ ।
ଘୋରାରିସେନର୍ଣଵଦୁର୍ନିଵାରମହାଭଯାଦ୍ରକ୍ଷତୁ ଵୀରଭଦ୍ରଃ ॥ ୨୬ ॥

ପତ୍ତ୍ଯଶ୍ଵମାତଂଗଘଟାଵରୂଥସହସ୍ରଲକ୍ଷାଯୁତକୋଟିଭୀଷଣମ୍ ।
ଅକ୍ଷୌହିଣୀନାଂ ଶତମାତତାଯିନାଂ ଛିଂଦ୍ଯାନ୍ମୃଡୋଘୋର କୁଠାର ଧାରଯା ॥ ୨୭॥

ନିହଂତୁ ଦସ୍ଯୂନ୍ପ୍ରଲଯାନଲାର୍ଚିର୍ଜ୍ଵଲତ୍ରିଶୂଲଂ ତ୍ରିପୁରାଂତକସ୍ଯ ।
ଶାର୍ଦୂଲ ସିଂହର୍କ୍ଷଵୃକାଦିହିଂସ୍ରାନ୍ସଂତ୍ରାସଯତ୍ଵୀଶଧନୁଃ ପିନାକଃ ॥ ୨୮ ॥

ଦୁଃସ୍ଵପ୍ନଦୁଃଶକୁନଦୁର୍ଗତିଦୌର୍ମନସ୍ଯର୍ଦୁର୍ଭିକ୍ଷଦୁର୍ଵ୍ଯସନଦୁଃସହଦୁର୍ଯଶାଂସି ।
ଉତ୍ପାତତାପଵିଷଭୀତିମସଦ୍ଗ୍ରହାର୍ତି ଵ୍ଯାଧୀଂଶ୍ଚ ନାଶଯତୁ ମେ ଜଗତାମଧୀଶଃ ॥ ୨୯ ॥

ଓଁ ନମୋ ଭଗଵତେ ସଦାଶିଵାଯ ସକଲତତ୍ତ୍ଵାତ୍ମକାଯ
ସର୍ଵମଂତ୍ରସ୍ଵରୂପାଯ ସର୍ଵଯଂତ୍ରାଧିଷ୍ଠିତାଯ ସର୍ଵତଂତ୍ରସ୍ଵରୂପାଯ
ସର୍ଵତ୍ତ୍ଵଵିଦୂରାଯ ବ୍ରହ୍ମରୁଦ୍ରାଵତାରିଣେ ନୀଲକଂଠାଯ
ପାର୍ଵତୀମନୋହରପ୍ରିଯାଯ ସୋମସୂର୍ଯାଗ୍ନିଲୋଚନାଯ ଭସ୍ମୋଦ୍ଧୂଲିତଵିଗ୍ରହାଯ
ମହାମଣିମୁକୁଟଧାରଣାଯ ମାଣିକ୍ଯଭୂଷଣାଯ
ସୃଷ୍ଟିସ୍ଥିତିପ୍ରଲଯକାଲରୌଦ୍ରାଵତାରାଯ ଦକ୍ଷାଧ୍ଵରଧ୍ଵଂସକାଯ
ମହାକାଲଭେଦନାଯ ମୂଲାଧାରୈକନିଲଯାଯ ତତ୍ତ୍ଵାତୀତାଯ
ଗଂଗାଧରାଯ ସର୍ଵଦେଵାଧିଦେଵାଯ ଷଡାଶ୍ରଯାଯ ଵେଦାଂତସାରାଯ ତ୍ରିଵର୍ଗସାଧନାଯାନଂତକୋଟିବ୍ରହ୍ମାଣ୍ଡନାଯକାଯାନଂତଵାସୁକିତ
କ୍ଷକକର୍କୋଟକଙ୍ଖକୁଲିକ ପଦ୍ମ
ମହାପଦ୍ମେତ୍ଯଷ୍ଟମହାନାଗକୁଲଭୂଷଣାଯପ୍ରଣଵସ୍ଵରୂପାଯ ଚିଦାକାଶାଯ
ଆକାଶଦିକ୍ସ୍ଵରୂପାଯଗ୍ରହନକ୍ଷତ୍ରମାଲିନେ ସକଲାଯ କଲଂକରହିତାଯ
ସକଲଲୋକୈକର୍ତ୍ରେ ସକଲଲୋକୈକଭର୍ତ୍ରେ ସକଲଲୋକୈକସଂହର୍ତ୍ରେ
ସକଲଲୋକୈକଗୁରଵେ ସକଲଲୋକୈକସାକ୍ଷିଣେ ସକଲନିଗମଗୁହ୍ଯାଯ
ସକଲ ଵେଦାନ୍ତପାରଗାଯ ସକଲଲୋକୈକଵରପ୍ରଦାଯ
ସକଲକୋଲୋକୈକଶଂକରାଯ ଶଶାଂକଶେଖରାଯ ଶାଶ୍ଵତନିଜାଵାସାଯ
ନିରାଭାସାଯ ନିରାମଯାଯ ନିର୍ମଲାଯ ନିର୍ଲୋଭାଯ
ନିର୍ମଦାଯ ନିଶ୍ଚିଂତାଯ ନିରହଂକାରାଯ ନିରଂକୁଶାଯ
ନିଷ୍କଲଂକାଯ ନିର୍ଗୁଣାଯ ନିଷ୍କାମାଯ ନିରୁପପ୍ଲଵାଯ
ନିରଵଦ୍ଯାଯ ନିରଂତରାଯ ନିଷ୍କାରଣାଯ ନିରଂତକାଯ
ନିଷ୍ପ୍ରପଂଚାଯ ନିଃସଂଗାଯ ନିର୍ଦ୍ଵଂଦ୍ଵାଯ ନିରାଧାରାଯ ନୀରାଗାଯ
ନିଷ୍କ୍ରୋଧାଯ ନିର୍ମଲାଯ ନିଷ୍ପାପାଯ ନିର୍ଭଯାଯ ନିର୍ଵିକଲ୍ପାଯ
ନିର୍ଭେଦାଯ ନିଷ୍କ୍ରିଯଯ ନିସ୍ତୁଲାଯ ନିଃସଂଶଯାଯ ନିରଂଜନାଯ
ନିରୁପମଵିଭଵାଯନିତ୍ଯଶୁଦ୍ଧବୁଦ୍ଧ ପରିପୂର୍ଣସଚ୍ଚିଦାନଂଦାଦ୍ଵଯାଯ
ପରମଶାଂତସ୍ଵରୂପାଯ ତେଜୋରୂପାଯ ତେଜୋମଯାଯ
ଜଯ ଜଯ ରୁଦ୍ରମହାରୌଦ୍ରଭଦ୍ରାଵତାର ମହାଭୈରଵ କାଲଭୈରଵ କଲ୍ପାଂତଭୈରଵ
କପାଲମାଲାଧର ଖଟ୍ଵାଂଗଖଡ୍ଗଚର୍ମପାଶାଂକୁଶଡମରୁଶୂଲଚାପବାଣଗଦାଶକ୍ତି
ଭିଂଦିପାଲତୋମରମୁସଲମୁଦ୍ଗରପାଶପରିଘ ଭୁଶୁଣ୍ଡୀଶତଘ୍ନୀ ଚକ୍ରାଦ୍ଯାଯୁଧଭୀଷଣକରସହସ୍ରମୁଖଦଂଷ୍ଟ୍ରାକରାଲଵଦନଵି
କଟାଟ୍ଟହାସଵିସ୍ଫାରିତବ୍ରହ୍ମାଂଡମଂଡଲ ନାଗେଂଦ୍ରକୁଂଡଲ ନାଗେଂଦ୍ରହାର
ନାଗେନ୍ଦ୍ରଵଲଯ ନାଗେଂଦ୍ରଚର୍ମଧରମୃଯୁଂଜଯ ତ୍ର୍ଯଂବକପୁରାଂତକ
ଵିଶ୍ଵରୂପ ଵିରୂପାକ୍ଷ ଵିଶ୍ଵେଶ୍ଵର ଵୃଷଭଵାହନ ଵିଷଵିଭୂଷଣ
ଵିଶ୍ଵତୋମୁଖ ସର୍ଵତୋ ରକ୍ଷ ରକ୍ଷ ମାଂ ଜ୍ଵଲ ଜ୍ଵଲ ମହାମୃତ୍ଯୁମପମୃତ୍ଯୁଭଯଂ
ନାଶଯନାଶଯଚୋରଭଯମୁତ୍ସାଦଯୋତ୍ସାଦଯ ଵିଷସର୍ପଭଯଂ
ଶମଯ ଶମଯ ଚୋରାନ୍ମାରଯ ମାରଯ ମମଶମନୁଚ୍ଚାଟ୍ଯୋଚ୍ଚାଟଯତ୍ରିଶୂଲେନଵିଦାରଯ
କୁଠାରେଣଭିଂଧିଭିଂଭଧି ଖଡ୍ଗେନ ଛିଂଧି ଛିଂଧି ଖଟ୍ଵାଂଗେନ
ଵିପୋଥଯ ଵିପୋଥଯ ମୁସଲେନ ନିଷ୍ପେଷଯ ନିଷ୍ପେଷଯ ଵାଣୈଃ ସଂତାଡଯ ସଂତାଡଯ
ରକ୍ଷାଂସି ଭୀଷଯ ଭୀଷଯଶେଷଭୂତାନି ନିଦ୍ରାଵଯ କୂଷ୍ମାଂଡଵେତାଲମାରୀଚ
ବ୍ରହ୍ମରାକ୍ଷସଗଣାନ୍ସଂତ୍ରାସଯ ସଂତ୍ରାସଯ ମମାଭଯ କୁରୁ କୁରୁ
ଵିତ୍ରସ୍ତଂ ମାମାଶ୍ଵାସଯାଶ୍ଵାସଯ ନରକମହାଭଯାନ୍ମାମୁଦ୍ଧରସଂଜୀଵଯ
ସଂଜୀଵଯକ୍ଷୁତ୍ତୃଡ୍ଭ୍ଯାଂ ମାମାପ୍ଯାଯ-ଆପ୍ଯାଯ ଦୁଃଖାତୁରଂ ମାମାନନ୍ଦଯାନନ୍ଦଯଶିଵକଵଚେନ ମାମାଚ୍ଛାଦଯାଚ୍ଛାଦଯମୃତ୍ଯୁଂଜଯ ତ୍ର୍ଯଂବକ ସଦାଶିଵ ନମସ୍ତେ ନମସ୍ତେ ନମସ୍ତେ।
।। ଋଷଭ ଉଵାଚ।।
ଇତ୍ଯେତତ୍କଵଚଂ ଶୈଵଂ ଵରଦଂ ଵ୍ଯାହ୍ରତଂ ମଯା ॥

ସର୍ଵବାଧାପ୍ରଶମନଂ ରହସ୍ଯଂ ସର୍ଵଦେହିନାମ୍ ॥ ୩୦ ॥

ଯଃ ସଦା ଧାରଯେନ୍ମର୍ତ୍ଯଃ ଶୈଵଂ କଵଚମୁତ୍ତମମ୍ ।
ନ ତସ୍ଯ ଜାଯତେ କ୍ଵାପି ଭଯଂ ଶଂଭୋରନୁଗ୍ରହାତ୍ ॥ ୩୧ ॥

କ୍ଷୀଣାଯୁଅଃପ୍ରାପ୍ତମୃତ୍ଯୁର୍ଵା ମହାରୋଗହତୋଽପି ଵା ॥

ସଦ୍ଯଃ ସୁଖମଵାପ୍ନୋତି ଦୀର୍ଘମାଯୁଶ୍ଚଵିଂଦତି ॥ ୩୨ ॥

ସର୍ଵଦାରିଦ୍ର୍ଯ ଶମନଂ ସୌମଂଗଲ୍ଯଵିଵର୍ଧନମ୍ ।
ଯୋ ଧତ୍ତେ କଵଚଂ ଶୈଵଂ ସଦେଵୈରପି ପୂଜ୍ଯତେ ॥ ୩୩ ॥

ମହାପାତକସଂଘାତୈର୍ମୁଚ୍ଯତେ ଚୋପପାତକୈଃ ।
ଦେହାଂତେ ମୁକ୍ତିମାପ୍ନୋତି ଶିଵଵର୍ମାନୁଭାଵତଃ ॥ ୩୪ ॥

ତ୍ଵମପି ଶ୍ରଦ୍ଧଯା ଵତ୍ସ ଶୈଵଂ କଵଚମୁତ୍ତମମ୍
ଧାରଯସ୍ଵ ମଯା ଦତ୍ତଂ ସଦ୍ଯଃ ଶ୍ରେଯୋ ହ୍ଯଵାପ୍ସ୍ଯସି ॥ ୩୫ ॥

॥ ସୂତ ଉଵାଚ॥

ଇତ୍ଯୁକ୍ତ୍ଵାଋଷଭୋ ଯୋଗୀ ତସ୍ମୈ ପାର୍ଥିଵସୂନଵେ ।
ଦଦୌ ଶଂଖଂ ମହାରାଵଂ ଖଡ୍ଗଂ ଚାରିନିଷୂଦନମ୍ ॥ ୩୬ ॥

ପୁନଶ୍ଚ ଭସ୍ମ ସଂମତ୍ର୍ଯ ତଦଂଗଂ ପରିତୋଽସ୍ପୃଶତ୍ ।
ଗଜାନାଂ ଷଟ୍ସହସ୍ରସ୍ଯ ଦ୍ଵିଗୁଣସ୍ଯ ବଲଂ ଦଦୌ । ୩୭ ॥

ଭସ୍ମପ୍ରଭାଵାତ୍ସଂପ୍ରାପ୍ତବଲୈଶ୍ଵର୍ଯଧୃତିସ୍ମୃତିଃ ।
ସ ରାଜପୁତ୍ରଃ ଶୁଶୁଭେ ଶରଦର୍କ ଇଵ ଶ୍ରିଯା ॥ ୩୮ ॥

ତମାହ ପ୍ରାଂଜଲିଂ ଭୂଯଃ ସ ଯୋଗୀ ନୃପନଂଦନମ୍ ।
ଏଷ ଖଡ୍ଗୋ ମଯା ଦତ୍ତସ୍ତପୋମଂତ୍ରାନୁଭାଵିତଃ ॥ ୩୯ ॥

ଶିତଧାରମିମଂଖଡ୍ଗଂ ଯସ୍ମୈ ଦର୍ଶଯସେ ସ୍ଫୁଟମ୍ ।
ସ ସଦ୍ଯୋ ମ୍ରିଯତେଶତ୍ରୁଃ ସାକ୍ଷାନ୍ମୃତ୍ଯୁରପି ସ୍ଵଯମ୍ ॥ ୪୦ ॥

ଅସ୍ଯ ଶଂଖସ୍ଯ ନିର୍ହ୍ଲାଦଂ ଯେ ଶ୍ରୃଣ୍ଵଂତି ତଵାହିତାଃ ।
ତେ ମୂର୍ଚ୍ଛିତାଃ ପତିଷ୍ଯଂତି ନ୍ଯସ୍ତଶସ୍ତ୍ରା ଵିଚେତନାଃ ॥ ୪୧ ॥

ଖଡ୍ଗଶଂଖାଵିମୌ ଦିଵ୍ଯୌ ପରସୈନ୍ଯ ନିଵାଶିନୌ ।
ଆତ୍ମସୈନ୍ଯସ୍ଯପକ୍ଷାଣାଂ ଶୌର୍ଯତେଜୋଵିଵର୍ଧନୋ ॥ ୪୨ ॥

ଏତଯୋଶ୍ଚ ପ୍ରଭାଵେଣ ଶୈଵେନ କଵଚେନ ଚ ।
ଦ୍ଵିଷଟ୍ସହସ୍ତ୍ରନାଗାନାଂ ବଲେନ ମହତାପି ଚ ॥ ୪୩ ॥

ଭସ୍ମଧାରଣସାମର୍ଥ୍ଯାଚ୍ଛତ୍ରୁସୈନ୍ଯଂ ଵିଜେଷ୍ଯସି ।
ପ୍ରାପ୍ଯ ସିଂହାସନଂ ପିତ୍ର୍ଯଂ ଗୋପ୍ତାସି ପୃଥିଵୀମିମାମ୍ ॥ ୪୪ ॥

ଇତି ଭଦ୍ରାଯୁଷଂ ସମ୍ଯଗନୁଶାସ୍ଯ ସମାତୃକମ୍ ।
ତାଭ୍ଯାଂ ପୂଜିତଃ ସୋଽଥ ଯୋଗୀ ସ୍ଵୈରଗତିର୍ଯଯୌ ॥ ୪୫ ॥

।। ଇତି ଶ୍ରୀସ୍କଂଦପୁରାଣେ ଏକାଶୀତିସାହସ୍ତ୍ରଯାଂ ତୃତୀଯେ
ବ୍ରହ୍ମୋତ୍ତରଖଣ୍ଡେ ଅମୋଘ-ଶିଵ-କଵଚଂ ସମାପ୍ତମ୍ ।।