કલ્યાણં નો વિધત્તાં કટકતટલસત્કલ્પવાટીનિકુઞ્જ-
-ક્રીડાસંસક્તવિદ્યાધરનિકરવધૂગીતરુદ્રાપદાનઃ ।
તારૈર્હેરમ્બનાદૈસ્તરલિતનિનદત્તારકારાતિકેકી
કૈલાસઃ શર્વનિર્વૃત્યભિજનકપદઃ સર્વદા પર્વતેન્દ્રઃ ॥ 1 ॥
-ક્રીડાસંસક્તવિદ્યાધરનિકરવધૂગીતરુદ્રાપદાનઃ ।
તારૈર્હેરમ્બનાદૈસ્તરલિતનિનદત્તારકારાતિકેકી
કૈલાસઃ શર્વનિર્વૃત્યભિજનકપદઃ સર્વદા પર્વતેન્દ્રઃ ॥ 1 ॥
યસ્ય પ્રાહુઃ સ્વરૂપં સકલદિવિષદાં સારસર્વસ્વયોગં
યસ્યેષુઃ શાર્ઙ્ગધન્વા સમજનિ જગતાં રક્ષણે જાગરૂકઃ ।
મૌર્વી દર્વીકરાણામપિ ચ પરિબૃઢઃ પૂસ્ત્રયી સા ચ લક્ષ્યં
સોઽવ્યાદવ્યાજમસ્માનશિવભિદનિશં નાકિનાં શ્રીપિનાકઃ ॥ 2 ॥
યસ્યેષુઃ શાર્ઙ્ગધન્વા સમજનિ જગતાં રક્ષણે જાગરૂકઃ ।
મૌર્વી દર્વીકરાણામપિ ચ પરિબૃઢઃ પૂસ્ત્રયી સા ચ લક્ષ્યં
સોઽવ્યાદવ્યાજમસ્માનશિવભિદનિશં નાકિનાં શ્રીપિનાકઃ ॥ 2 ॥
આતઙ્કાવેગહારી સકલદિવિષદામઙ્ઘ્રિપદ્માશ્રયાણાં
માતઙ્ગાદ્યુગ્રદૈત્યપ્રકરતનુગલદ્રક્તધારાક્તધારઃ ।
ક્રૂરઃ સૂરાયુતાનામપિ ચ પરિભવં સ્વીયભાસા વિતન્વ-
-ન્ઘોરાકારઃ કુઠારો દૃઢતરદુરિતાખ્યાટવીં પાટયેન્નઃ ॥ 3 ॥
માતઙ્ગાદ્યુગ્રદૈત્યપ્રકરતનુગલદ્રક્તધારાક્તધારઃ ।
ક્રૂરઃ સૂરાયુતાનામપિ ચ પરિભવં સ્વીયભાસા વિતન્વ-
-ન્ઘોરાકારઃ કુઠારો દૃઢતરદુરિતાખ્યાટવીં પાટયેન્નઃ ॥ 3 ॥
કાલારાતેઃ કરાગ્રે કૃતવસતિરુરઃશાણશાતો રિપૂણાં
કાલે કાલે કુલાદ્રિપ્રવરતનયયા કલ્પિતસ્નેહલેપઃ ।
પાયાન્નઃ પાવકાર્ચિઃપ્રસરસખમુખઃ પાપહન્તા નિતાન્તં
શૂલઃ શ્રીપાદસેવાભજનરસજુષાં પાલનૈકાન્તશીલઃ ॥ 4 ॥
કાલે કાલે કુલાદ્રિપ્રવરતનયયા કલ્પિતસ્નેહલેપઃ ।
પાયાન્નઃ પાવકાર્ચિઃપ્રસરસખમુખઃ પાપહન્તા નિતાન્તં
શૂલઃ શ્રીપાદસેવાભજનરસજુષાં પાલનૈકાન્તશીલઃ ॥ 4 ॥
દેવસ્યાઙ્કાશ્રયાયાઃ કુલગિરિદુહિતુર્નેત્રકોણપ્રચાર-
-પ્રસ્તારાનત્યુદારાન્પિપઠિષુરિવ યો નિત્યમત્યાદરેણ ।
આધત્તે ભઙ્ગિતુઙ્ગૈરનિશમવયવૈરન્તરઙ્ગં સમોદં
સોમાપીડસ્ય સોઽયં પ્રદિશતુ કુશલં પાણિરઙ્ગઃ કુરઙ્ગઃ ॥ 5 ॥
-પ્રસ્તારાનત્યુદારાન્પિપઠિષુરિવ યો નિત્યમત્યાદરેણ ।
આધત્તે ભઙ્ગિતુઙ્ગૈરનિશમવયવૈરન્તરઙ્ગં સમોદં
સોમાપીડસ્ય સોઽયં પ્રદિશતુ કુશલં પાણિરઙ્ગઃ કુરઙ્ગઃ ॥ 5 ॥
કણ્ઠપ્રાન્તાવસજ્જત્કનકમયમહાઘણ્ટિકાઘોરઘોષૈઃ
કણ્ઠારાવૈરકુણ્ઠૈરપિ ભરિતજગચ્ચક્રવાલાન્તરાલઃ ।
ચણ્ડઃ પ્રોદ્દણ્ડશૃઙ્ગઃ કકુદકબલિતોત્તુઙ્ગકૈલાસશૃઙ્ગઃ
કણ્ઠેકાલસ્ય વાહઃ શમયતુ શમલં શાશ્વતઃ શાક્વરેન્દ્રઃ ॥ 6 ॥
કણ્ઠારાવૈરકુણ્ઠૈરપિ ભરિતજગચ્ચક્રવાલાન્તરાલઃ ।
ચણ્ડઃ પ્રોદ્દણ્ડશૃઙ્ગઃ કકુદકબલિતોત્તુઙ્ગકૈલાસશૃઙ્ગઃ
કણ્ઠેકાલસ્ય વાહઃ શમયતુ શમલં શાશ્વતઃ શાક્વરેન્દ્રઃ ॥ 6 ॥
નિર્યદ્દાનામ્બુધારાપરિમલતરલીભૂતરોલમ્બપાલી-
-ઝઙ્કારૈઃ શઙ્કરાદ્રેઃ શિખરશતદરીઃ પૂરયન્ભૂરિઘોષૈઃ ।
શાર્વઃ સૌવર્ણશૈલપ્રતિમપૃથુવપુઃ સર્વવિઘ્નાપહર્તા
શર્વાણ્યાઃ પૂર્વસૂનુઃ સ ભવતુ ભવતાં સ્વસ્તિદો હસ્તિવક્ત્રઃ ॥ 7 ॥
-ઝઙ્કારૈઃ શઙ્કરાદ્રેઃ શિખરશતદરીઃ પૂરયન્ભૂરિઘોષૈઃ ।
શાર્વઃ સૌવર્ણશૈલપ્રતિમપૃથુવપુઃ સર્વવિઘ્નાપહર્તા
શર્વાણ્યાઃ પૂર્વસૂનુઃ સ ભવતુ ભવતાં સ્વસ્તિદો હસ્તિવક્ત્રઃ ॥ 7 ॥
યઃ પુણ્યૈર્દેવતાનાં સમજનિ શિવયોઃ શ્લાઘ્યવીર્યૈકમત્યા-
-દ્યન્નામ્નિ શ્રૂયમાણે દિતિજભટઘટા ભીતિભારં ભજન્તે ।
ભૂયાત્સોઽયં વિભૂત્યૈ નિશિતશરશિખાપાટિતક્રૌઞ્ચશૈલઃ
સંસારાગાધકૂપોદરપતિતસમુત્તારકસ્તારકારિઃ ॥ 8 ॥
-દ્યન્નામ્નિ શ્રૂયમાણે દિતિજભટઘટા ભીતિભારં ભજન્તે ।
ભૂયાત્સોઽયં વિભૂત્યૈ નિશિતશરશિખાપાટિતક્રૌઞ્ચશૈલઃ
સંસારાગાધકૂપોદરપતિતસમુત્તારકસ્તારકારિઃ ॥ 8 ॥
આરૂઢઃ પ્રૌઢવેગપ્રવિજિતપવનં તુઙ્ગતુઙ્ગં તુરઙ્ગં
ચેલં નીલં વસાનઃ કરતલવિલસત્કાણ્ડકોદણ્ડદણ્ડઃ ।
રાગદ્વેષાદિનાનાવિધમૃગપટલીભીતિકૃદ્ભૂતભર્તા
કુર્વન્નાખેટલીલાં પરિલસતુ મનઃકાનને મામકીને ॥ 9 ॥
ચેલં નીલં વસાનઃ કરતલવિલસત્કાણ્ડકોદણ્ડદણ્ડઃ ।
રાગદ્વેષાદિનાનાવિધમૃગપટલીભીતિકૃદ્ભૂતભર્તા
કુર્વન્નાખેટલીલાં પરિલસતુ મનઃકાનને મામકીને ॥ 9 ॥
અમ્ભોજાભ્યાં ચ રમ્ભારથચરણલતાદ્વન્દ્વકુમ્ભીન્દ્રકુમ્ભૈ-
-ર્બિમ્બેનેન્દોશ્ચ કમ્બોરુપરિ વિલસતા વિદ્રુમેણોત્પલાભ્યામ્ ।
અમ્ભોદેનાપિ સમ્ભાવિતમુપજનિતાડમ્બરં શમ્બરારેઃ
શમ્ભોઃ સમ્ભોગયોગ્યં કિમપિ ધનમિદં સમ્ભવેત્સમ્પદે નઃ ॥ 10 ॥
-ર્બિમ્બેનેન્દોશ્ચ કમ્બોરુપરિ વિલસતા વિદ્રુમેણોત્પલાભ્યામ્ ।
અમ્ભોદેનાપિ સમ્ભાવિતમુપજનિતાડમ્બરં શમ્બરારેઃ
શમ્ભોઃ સમ્ભોગયોગ્યં કિમપિ ધનમિદં સમ્ભવેત્સમ્પદે નઃ ॥ 10 ॥
વેણીસૌભાગ્યવિસ્માપિતતપનસુતાચારુવેણીવિલાસા-
-ન્વાણીનિર્ધૂતવાણીકરતલવિધૃતોદારવીણાવિરાવાન્ ।
એણીનેત્રાન્તભઙ્ગીનિરસનનિપુણાપાઙ્ગકોણાનુપાસે
શોણાન્પ્રાણાનુદૂઢપ્રતિનવસુષમાકન્દલાનિન્દુમૌલેઃ ॥ 11 ॥
-ન્વાણીનિર્ધૂતવાણીકરતલવિધૃતોદારવીણાવિરાવાન્ ।
એણીનેત્રાન્તભઙ્ગીનિરસનનિપુણાપાઙ્ગકોણાનુપાસે
શોણાન્પ્રાણાનુદૂઢપ્રતિનવસુષમાકન્દલાનિન્દુમૌલેઃ ॥ 11 ॥
નૃત્તારમ્ભેષુ હસ્તાહતમુરજધિમિદ્ધિઙ્કૃતૈરત્યુદારૈ-
-શ્ચિત્તાનન્દં વિધત્તે સદસિ ભગવતઃ સન્તતં યઃ સ નન્દી ।
ચણ્ડીશાદ્યાસ્તથાન્યે ચતુરગુણગણપ્રીણિતસ્વામિસત્કા-
-રોત્કર્ષોદ્યત્પ્રસાદાઃ પ્રમથપરિબૃઢાઃ પાન્તુ સન્તોષિણો નઃ ॥ 12 ॥
-શ્ચિત્તાનન્દં વિધત્તે સદસિ ભગવતઃ સન્તતં યઃ સ નન્દી ।
ચણ્ડીશાદ્યાસ્તથાન્યે ચતુરગુણગણપ્રીણિતસ્વામિસત્કા-
-રોત્કર્ષોદ્યત્પ્રસાદાઃ પ્રમથપરિબૃઢાઃ પાન્તુ સન્તોષિણો નઃ ॥ 12 ॥
મુક્તામાણિક્યજાલૈઃ પરિકલિતમહાસાલમાલોકનીયં
પ્રત્યુપ્તાનર્ઘરત્નૈર્દિશિ દિશિ ભવનૈઃ કલ્પિતૈર્દિક્પતીનામ્ ।
ઉદ્યાનૈરદ્રિકન્યાપરિજનવનિતામાનનીયૈઃ પરીતં
હૃદ્યં હૃદ્યસ્તુ નિત્યં મમ ભુવનપતેર્ધામ સોમાર્ધમૌલેઃ ॥ 13 ॥
પ્રત્યુપ્તાનર્ઘરત્નૈર્દિશિ દિશિ ભવનૈઃ કલ્પિતૈર્દિક્પતીનામ્ ।
ઉદ્યાનૈરદ્રિકન્યાપરિજનવનિતામાનનીયૈઃ પરીતં
હૃદ્યં હૃદ્યસ્તુ નિત્યં મમ ભુવનપતેર્ધામ સોમાર્ધમૌલેઃ ॥ 13 ॥
સ્તમ્ભૈર્જમ્ભારિરત્નપ્રવરવિરચિતૈઃ સમ્ભૃતોપાન્તભાગં
શુમ્ભત્સોપાનમાર્ગં શુચિમણિનિચયૈર્ગુમ્ભિતાનલ્પશિલ્પમ્ ।
કુમ્ભૈઃ સમ્પૂર્ણશોભં શિરસિ સુઘટિતૈઃ શાતકુમ્ભૈરપઙ્કૈઃ
શમ્ભોઃ સમ્ભાવનીયં સકલમુનિજનૈઃ સ્વસ્તિદં સ્યાત્સદો નઃ ॥ 14 ॥
શુમ્ભત્સોપાનમાર્ગં શુચિમણિનિચયૈર્ગુમ્ભિતાનલ્પશિલ્પમ્ ।
કુમ્ભૈઃ સમ્પૂર્ણશોભં શિરસિ સુઘટિતૈઃ શાતકુમ્ભૈરપઙ્કૈઃ
શમ્ભોઃ સમ્ભાવનીયં સકલમુનિજનૈઃ સ્વસ્તિદં સ્યાત્સદો નઃ ॥ 14 ॥
ન્યસ્તો મધ્યે સભાયાઃ પરિસરવિલસત્પાદપીઠાભિરામો
હૃદ્યઃ પાદૈશ્ચતુર્ભિઃ કનકમણિમયૈરુચ્ચકૈરુજ્જ્વલાત્મા ॥
વાસોરત્નેન કેનાપ્યધિકમૃદુતરેણાસ્તૃતો વિસ્તૃતશ્રીઃ
પીઠઃ પીડાભરં નઃ શમયતુ શિવયોઃ સ્વૈરસંવાસયોગ્યઃ ॥ 15 ॥
હૃદ્યઃ પાદૈશ્ચતુર્ભિઃ કનકમણિમયૈરુચ્ચકૈરુજ્જ્વલાત્મા ॥
વાસોરત્નેન કેનાપ્યધિકમૃદુતરેણાસ્તૃતો વિસ્તૃતશ્રીઃ
પીઠઃ પીડાભરં નઃ શમયતુ શિવયોઃ સ્વૈરસંવાસયોગ્યઃ ॥ 15 ॥
આસીનસ્યાધિપીઠં ત્રિજગદધિપતેરઙ્ઘ્રિપીઠાનુષક્તૌ
પાથોજાભોગભાજૌ પરિમૃદુલતલોલ્લાસિપદ્માદિરેખૌ ।
પાતાં પાદાવુભૌ તૌ નમદમરકિરીટોલ્લસચ્ચારુહીર-
-શ્રેણીશોણાયમાનોન્નતનખદશકોદ્ભાસમાનૌ સમાનૌ ॥ 16 ॥
પાથોજાભોગભાજૌ પરિમૃદુલતલોલ્લાસિપદ્માદિરેખૌ ।
પાતાં પાદાવુભૌ તૌ નમદમરકિરીટોલ્લસચ્ચારુહીર-
-શ્રેણીશોણાયમાનોન્નતનખદશકોદ્ભાસમાનૌ સમાનૌ ॥ 16 ॥
યન્નાદો વેદવાચાં નિગદતિ નિખિલં લક્ષણં પક્ષિકેતુ-
-ર્લક્ષ્મીસમ્ભોગસૌખ્યં વિરચયતિ યયોશ્ચાપરે રૂપભેદે ।
શમ્ભોઃ સમ્ભાવનીયે પદકમલસમાસઙ્ગતસ્તુઙ્ગશોભે
માઙ્ગલ્યં નઃ સમગ્રં સકલસુખકરે નૂપુરે પૂરયેતામ્ ॥ 17 ॥
-ર્લક્ષ્મીસમ્ભોગસૌખ્યં વિરચયતિ યયોશ્ચાપરે રૂપભેદે ।
શમ્ભોઃ સમ્ભાવનીયે પદકમલસમાસઙ્ગતસ્તુઙ્ગશોભે
માઙ્ગલ્યં નઃ સમગ્રં સકલસુખકરે નૂપુરે પૂરયેતામ્ ॥ 17 ॥
અઙ્ગે શૃઙ્ગારયોનેઃ સપદિ શલભતાં નેત્રવહ્નૌ પ્રયાતે
શત્રોરુદ્ધૃત્ય તસ્માદિષુધિયુગમધો ન્યસ્તમગ્રે કિમેતત્ ।
શઙ્કામિત્થં નતાનામમરપરિષદામન્તરઙ્કૂરયત્ત-
-ત્સઙ્ઘાતં ચારુ જઙ્ઘાયુગમખિલપતેરંહસાં સંહરેન્નઃ ॥ 18 ॥
શત્રોરુદ્ધૃત્ય તસ્માદિષુધિયુગમધો ન્યસ્તમગ્રે કિમેતત્ ।
શઙ્કામિત્થં નતાનામમરપરિષદામન્તરઙ્કૂરયત્ત-
-ત્સઙ્ઘાતં ચારુ જઙ્ઘાયુગમખિલપતેરંહસાં સંહરેન્નઃ ॥ 18 ॥
જાનુદ્વન્દ્વેન મીનધ્વજનૃવરસમુદ્રોપમાનેન સાકં
રાજન્તૌ રાજરમ્ભાકરિકરકનકસ્તમ્ભસમ્ભાવનીયૌ ।
ઊરૂ ગૌરીકરામ્ભોરુહસરસસમામર્દનાનન્દભાજૌ
ચારૂ દૂરીક્રિયાસ્તાં દુરિતમુપચિતં જન્મજન્માન્તરે નઃ ॥ 19 ॥
રાજન્તૌ રાજરમ્ભાકરિકરકનકસ્તમ્ભસમ્ભાવનીયૌ ।
ઊરૂ ગૌરીકરામ્ભોરુહસરસસમામર્દનાનન્દભાજૌ
ચારૂ દૂરીક્રિયાસ્તાં દુરિતમુપચિતં જન્મજન્માન્તરે નઃ ॥ 19 ॥
આમુક્તાનર્ઘરત્નપ્રકરકરપરિષ્વક્તકલ્યાણકાઞ્ચી-
-દામ્ના બદ્દેન દુગ્ધદ્યુતિનિચયમુષા ચીનપટ્ટામ્બરેણ ।
સંવીતે શૈલકન્યાસુચરિતપરિપાકાયમાણે નિતમ્બે
નિત્યં નર્નર્તુ ચિત્તં મમ નિખિલજગત્સ્વામિનઃ સોમમૌલેઃ ॥ 20 ॥
-દામ્ના બદ્દેન દુગ્ધદ્યુતિનિચયમુષા ચીનપટ્ટામ્બરેણ ।
સંવીતે શૈલકન્યાસુચરિતપરિપાકાયમાણે નિતમ્બે
નિત્યં નર્નર્તુ ચિત્તં મમ નિખિલજગત્સ્વામિનઃ સોમમૌલેઃ ॥ 20 ॥
સન્ધ્યાકાલાનુરજ્યદ્દિનકરસરુચા કાલધૌતેન ગાઢં
વ્યાનદ્ધઃ સ્નિગ્ધમુગ્ધઃ સરસમુદરબન્ધેન વીતોપમેન ।
ઉદ્દીપ્તૈઃ સ્વપ્રકાશૈરુપચિતમહિમા મન્મથારેરુદારો
મધ્યો મિથ્યાર્થસધ્ર્યઙ્મમ દિશતુ સદા સઙ્ગતિં મઙ્ગલાનામ્ ॥ 21 ॥
વ્યાનદ્ધઃ સ્નિગ્ધમુગ્ધઃ સરસમુદરબન્ધેન વીતોપમેન ।
ઉદ્દીપ્તૈઃ સ્વપ્રકાશૈરુપચિતમહિમા મન્મથારેરુદારો
મધ્યો મિથ્યાર્થસધ્ર્યઙ્મમ દિશતુ સદા સઙ્ગતિં મઙ્ગલાનામ્ ॥ 21 ॥
નાભીચક્રાલવાલાન્નવનવસુષમાદોહદશ્રીપરીતા-
-દુદ્ગચ્છન્તી પુરસ્તાદુદરપથમતિક્રમ્ય વક્ષઃ પ્રયાન્તિ ।
શ્યામા કામાગમાર્થપ્રકથનલિપિવદ્ભાસતે યા નિકામં
સા મા સોમાર્ધમૌલેઃ સુખયતુ સતતં રોમવલ્લીમતલ્લી ॥ 22 ॥
-દુદ્ગચ્છન્તી પુરસ્તાદુદરપથમતિક્રમ્ય વક્ષઃ પ્રયાન્તિ ।
શ્યામા કામાગમાર્થપ્રકથનલિપિવદ્ભાસતે યા નિકામં
સા મા સોમાર્ધમૌલેઃ સુખયતુ સતતં રોમવલ્લીમતલ્લી ॥ 22 ॥
આશ્લેષેષ્વદ્રિજાયાઃ કઠિનકુચતટીલિપ્તકાશ્મીરપઙ્ક-
-વ્યાસઙ્ગાદુદ્યદર્કદ્યુતિભિરુપચિતસ્પર્ધમુદ્દામહૃદ્યમ્ ।
દક્ષારાતેરુદૂઢપ્રતિનવમણિમાલાવલીભાસમાનં
વક્ષો વિક્ષોભિતાઘં સતતનતિજુષાં રક્ષતાદક્ષતં નઃ ॥ 23 ॥
-વ્યાસઙ્ગાદુદ્યદર્કદ્યુતિભિરુપચિતસ્પર્ધમુદ્દામહૃદ્યમ્ ।
દક્ષારાતેરુદૂઢપ્રતિનવમણિમાલાવલીભાસમાનં
વક્ષો વિક્ષોભિતાઘં સતતનતિજુષાં રક્ષતાદક્ષતં નઃ ॥ 23 ॥
વામાઙ્કે વિસ્ફુરન્ત્યાઃ કરતલવિલસચ્ચારુરક્તોત્પલાયાઃ
કાન્તાયા વામવક્ષોરુહભરશિખરોન્મર્દનવ્યગ્રમેકમ્ ।
અન્યાંસ્ત્રીનપ્યુદારાન્વરપરશુમૃગાલઙ્કૃતાનિન્દુમૌલે-
-ર્બાહૂનાબદ્ધહેમાઙ્ગદમણિકટકાનન્તરાલોકયામઃ ॥ 24 ॥
કાન્તાયા વામવક્ષોરુહભરશિખરોન્મર્દનવ્યગ્રમેકમ્ ।
અન્યાંસ્ત્રીનપ્યુદારાન્વરપરશુમૃગાલઙ્કૃતાનિન્દુમૌલે-
-ર્બાહૂનાબદ્ધહેમાઙ્ગદમણિકટકાનન્તરાલોકયામઃ ॥ 24 ॥
સમ્ભ્રાન્તાયાઃ શિવાયાઃ પતિવિલયભિયા સર્વલોકોપતાપા-
-ત્સંવિગ્નસ્યાપિ વિષ્ણોઃ સરભસમુભયોર્વારણપ્રેરણાભ્યામ્ ।
મધ્યે ત્રૈશઙ્કવીયામનુભવતિ દશાં યત્ર હાલાહલોષ્મા
સોઽયં સર્વાપદાં નઃ શમયતુ નિચયં નીલકણ્ઠસ્ય કણ્ઠઃ ॥ 25 ॥
-ત્સંવિગ્નસ્યાપિ વિષ્ણોઃ સરભસમુભયોર્વારણપ્રેરણાભ્યામ્ ।
મધ્યે ત્રૈશઙ્કવીયામનુભવતિ દશાં યત્ર હાલાહલોષ્મા
સોઽયં સર્વાપદાં નઃ શમયતુ નિચયં નીલકણ્ઠસ્ય કણ્ઠઃ ॥ 25 ॥
હૃદ્યૈરદ્રીન્દ્રકન્યામૃદુદશનપદૈર્મુદ્રિતો વિદ્રુમશ્રી-
-રુદ્દ્યોતન્ત્યા નિતાન્તં ધવલધવલયા મિશ્રિતો દન્તકાન્ત્યા ।
મુક્તામાણિક્યજાલવ્યતિકરસદૃશા તેજસા ભાસમાનઃ
સદ્યોજાતસ્ય દદ્યાદધરમણિરસૌ સમ્પદાં સઞ્ચયં નઃ ॥ 26 ॥
-રુદ્દ્યોતન્ત્યા નિતાન્તં ધવલધવલયા મિશ્રિતો દન્તકાન્ત્યા ।
મુક્તામાણિક્યજાલવ્યતિકરસદૃશા તેજસા ભાસમાનઃ
સદ્યોજાતસ્ય દદ્યાદધરમણિરસૌ સમ્પદાં સઞ્ચયં નઃ ॥ 26 ॥
કર્ણાલઙ્કારનાનામણિનિકરરુચાં સઞ્ચયૈરઞ્ચિતાયાં
વર્ણ્યાયાં સ્વર્ણપદ્મોદરપરિવિલસત્કર્ણિકાસન્નિભાયામ્ ।
પદ્ધત્યાં પ્રાણવાયોઃ પ્રણતજનહૃદમ્ભોજવાસસ્ય શમ્ભો-
-ર્નિત્યં નશ્ચિત્તમેતદ્વિરચયતુ સુખેનાસિકાં નાસિકાયામ્ ॥ 27 ॥
વર્ણ્યાયાં સ્વર્ણપદ્મોદરપરિવિલસત્કર્ણિકાસન્નિભાયામ્ ।
પદ્ધત્યાં પ્રાણવાયોઃ પ્રણતજનહૃદમ્ભોજવાસસ્ય શમ્ભો-
-ર્નિત્યં નશ્ચિત્તમેતદ્વિરચયતુ સુખેનાસિકાં નાસિકાયામ્ ॥ 27 ॥
અત્યન્તં ભાસમાને રુચિરતરરુચાં સઙ્ગમાત્સન્મણીના-
-મુદ્યચ્ચણ્ડાંશુધામપ્રસરનિરસનસ્પષ્ટદૃષ્ટાપદાને ।
ભૂયાસ્તાં ભૂતયે નઃ કરિવરજયિનઃ કર્ણપાશાવલમ્બે
ભક્તાલીભાલસજ્જજ્જનિમરણલિપેઃ કુણ્ડલે કુણ્ડલે તે ॥ 28 ॥
-મુદ્યચ્ચણ્ડાંશુધામપ્રસરનિરસનસ્પષ્ટદૃષ્ટાપદાને ।
ભૂયાસ્તાં ભૂતયે નઃ કરિવરજયિનઃ કર્ણપાશાવલમ્બે
ભક્તાલીભાલસજ્જજ્જનિમરણલિપેઃ કુણ્ડલે કુણ્ડલે તે ॥ 28 ॥
યાભ્યાં કાલવ્યવસ્થા ભવતિ તનુમતાં યો મુખં દેવતાનાં
યેષામાહુઃ સ્વરૂપં જગતિ મુનિવરા દેવતાનાં ત્રયીં તામ્ ।
રુદ્રાણીવક્ત્રપઙ્કેરુહસતતવિહારોત્સુકેન્દિન્દિરેભ્ય-
-સ્તેભ્યસ્ત્રિભ્યઃ પ્રણામાઞ્જલિમુપરચયે ત્રીક્ષણસ્યેક્ષણેભ્યઃ ॥ 29 ॥
યેષામાહુઃ સ્વરૂપં જગતિ મુનિવરા દેવતાનાં ત્રયીં તામ્ ।
રુદ્રાણીવક્ત્રપઙ્કેરુહસતતવિહારોત્સુકેન્દિન્દિરેભ્ય-
-સ્તેભ્યસ્ત્રિભ્યઃ પ્રણામાઞ્જલિમુપરચયે ત્રીક્ષણસ્યેક્ષણેભ્યઃ ॥ 29 ॥
વામં વામાઙ્કગાયા વદનસરસિજે વ્યાવલદ્વલ્લભાયા
વ્યાનમ્રેષ્વન્યદન્યત્પુનરલિકભવં વીતનિઃશેષરૌક્ષ્યમ્ ।
ભૂયો ભૂયોપિ મોદાન્નિપતદતિદયાશીતલં ચૂતબાણે
દક્ષારેરીક્ષણાનાં ત્રયમપહરતાદાશુ તાપત્રયં નઃ ॥ 30 ॥
વ્યાનમ્રેષ્વન્યદન્યત્પુનરલિકભવં વીતનિઃશેષરૌક્ષ્યમ્ ।
ભૂયો ભૂયોપિ મોદાન્નિપતદતિદયાશીતલં ચૂતબાણે
દક્ષારેરીક્ષણાનાં ત્રયમપહરતાદાશુ તાપત્રયં નઃ ॥ 30 ॥
યસ્મિન્નર્ધેન્દુમુગ્ધદ્યુતિનિચયતિરસ્કારનિસ્તન્દ્રકાન્તૌ
કાશ્મીરક્ષોદસઙ્કલ્પતમિવ રુચિરં ચિત્રકં ભાતિ નેત્રમ્ ।
તસ્મિન્નુલ્લીલચિલ્લીનટવરતરુણીલાસ્યરઙ્ગાયમાણે
કાલારેઃ ફાલદેશે વિહરતુ હૃદયં વીતચિન્તાન્તરં નઃ ॥ 31 ॥
કાશ્મીરક્ષોદસઙ્કલ્પતમિવ રુચિરં ચિત્રકં ભાતિ નેત્રમ્ ।
તસ્મિન્નુલ્લીલચિલ્લીનટવરતરુણીલાસ્યરઙ્ગાયમાણે
કાલારેઃ ફાલદેશે વિહરતુ હૃદયં વીતચિન્તાન્તરં નઃ ॥ 31 ॥
સ્વામિન્ગઙ્ગામિવાઙ્ગીકુરુ તવ શિરસા મામપીત્યર્થયન્તીં
ધન્યાં કન્યાં ખરાંશોઃ શિરસિ વહતિ કિં ન્વેષ કારુણ્યશાલી ।
ઇત્થં શઙ્કાં જનાનાં જનયદતિઘનં કૈશિકં કાલમેઘ-
-ચ્છાયં ભૂયાદુદારં ત્રિપુરવિજયિનઃ શ્રેયસે ભૂયસે નઃ ॥ 32 ॥
ધન્યાં કન્યાં ખરાંશોઃ શિરસિ વહતિ કિં ન્વેષ કારુણ્યશાલી ।
ઇત્થં શઙ્કાં જનાનાં જનયદતિઘનં કૈશિકં કાલમેઘ-
-ચ્છાયં ભૂયાદુદારં ત્રિપુરવિજયિનઃ શ્રેયસે ભૂયસે નઃ ॥ 32 ॥
શૃઙ્ગારાકલ્પયોગ્યૈઃ શિખરિવરસુતાસત્સખીહસ્તલૂનૈઃ
સૂનૈરાબદ્ધમાલાવલિપરિવિલસત્સૌરભાકૃષ્ટભૃઙ્ગમ્ ।
તુઙ્ગં માણિક્યકાન્ત્યા પરિહસિતસુરાવાસશૈલેન્દ્રશૃઙ્ગં
સઙ્ઘં નઃ સઙ્કટાનાં વિઘટયતુ સદા કાઙ્કટીકં કિરીટમ્ ॥ 33 ॥
સૂનૈરાબદ્ધમાલાવલિપરિવિલસત્સૌરભાકૃષ્ટભૃઙ્ગમ્ ।
તુઙ્ગં માણિક્યકાન્ત્યા પરિહસિતસુરાવાસશૈલેન્દ્રશૃઙ્ગં
સઙ્ઘં નઃ સઙ્કટાનાં વિઘટયતુ સદા કાઙ્કટીકં કિરીટમ્ ॥ 33 ॥
વક્રાકારઃ કલઙ્કી જડતનુરહમપ્યઙ્ઘ્રિસેવાનુભાવા-
-દુત્તંસત્વં પ્રયાતઃ સુલભતરઘૃણાસ્યન્દિનશ્ચન્દ્રમૌલેઃ ।
તત્સેવન્તાં જનૌઘાઃ શિવમિતિ નિજયાવસ્થયૈવ બ્રુવાણં
વન્દે દેવસ્ય શમ્ભોર્મુકુટસુઘટિતં મુગ્ધપીયૂષભાનુમ્ ॥ 34 ॥
-દુત્તંસત્વં પ્રયાતઃ સુલભતરઘૃણાસ્યન્દિનશ્ચન્દ્રમૌલેઃ ।
તત્સેવન્તાં જનૌઘાઃ શિવમિતિ નિજયાવસ્થયૈવ બ્રુવાણં
વન્દે દેવસ્ય શમ્ભોર્મુકુટસુઘટિતં મુગ્ધપીયૂષભાનુમ્ ॥ 34 ॥
કાન્ત્યા સમ્ફુલ્લમલ્લીકુસુમધવલયા વ્યાપ્ય વિશ્વં વિરાજ-
-ન્વૃત્તાકારો વિતન્વન્મુહુરપિ ચ પરાં નિર્વૃતિં પાદભાજામ્ ।
સાનન્દં નન્દિદોષ્ણા મણિકટકવતા વાહ્યમાનઃ પુરારેઃ
શ્વેતચ્છત્રાખ્યશીતદ્યુતિરપહરતાદાપદસ્તાપદા નઃ ॥ 35 ॥
-ન્વૃત્તાકારો વિતન્વન્મુહુરપિ ચ પરાં નિર્વૃતિં પાદભાજામ્ ।
સાનન્દં નન્દિદોષ્ણા મણિકટકવતા વાહ્યમાનઃ પુરારેઃ
શ્વેતચ્છત્રાખ્યશીતદ્યુતિરપહરતાદાપદસ્તાપદા નઃ ॥ 35 ॥
દિવ્યાકલ્પોજ્જ્વલાનાં શિવગિરિસુતયોઃ પાર્શ્વયોરાશ્રિતાનાં
રુદ્રાણીસત્સખીનાં મદતરલકટાક્ષાઞ્ચલૈરઞ્ચિતાનામ્ ।
ઉદ્વેલ્લદ્બાહુવલ્લીવિલસનસમયે ચામરાન્દોલનીના-
-મુદ્ભૂતઃ કઙ્કણાલીવલયકલકલો વારયેદાપદો નઃ ॥ 36 ॥
રુદ્રાણીસત્સખીનાં મદતરલકટાક્ષાઞ્ચલૈરઞ્ચિતાનામ્ ।
ઉદ્વેલ્લદ્બાહુવલ્લીવિલસનસમયે ચામરાન્દોલનીના-
-મુદ્ભૂતઃ કઙ્કણાલીવલયકલકલો વારયેદાપદો નઃ ॥ 36 ॥
સ્વર્ગૌકઃસુન્દરીણાં સુલલિતવપુષાં સ્વામિસેવાપરાણાં
વલ્ગદ્ભૂષાણિ વક્રામ્બુજપરિવિગલન્મુગ્ધગીતામૃતાનિ ।
નિત્યં નૃત્તાન્યુપાસે ભુજવિધુતિપદન્યાસભાવાવલોક-
-પ્રત્યુદ્યત્પ્રીતિમાદ્યત્પ્રમથનટનટીદત્તસમ્ભાવનાનિ ॥ 37 ॥
વલ્ગદ્ભૂષાણિ વક્રામ્બુજપરિવિગલન્મુગ્ધગીતામૃતાનિ ।
નિત્યં નૃત્તાન્યુપાસે ભુજવિધુતિપદન્યાસભાવાવલોક-
-પ્રત્યુદ્યત્પ્રીતિમાદ્યત્પ્રમથનટનટીદત્તસમ્ભાવનાનિ ॥ 37 ॥
સ્થાનપ્રાપ્ત્યા સ્વરાણાં કિમપિ વિશદતાં વ્યઞ્જયન્મઞ્જુવીણા-
-સ્વાનાવચ્છિન્નતાલક્રમમમૃતમિવાસ્વાદ્યમાનં શિવાભ્યામ્ ।
નાનારાગાતિહૃદ્યં નવરસમધુરસ્તોત્રજાતાનુવિદ્ધં
ગાનં વીણામહર્ષેઃ કલમતિલલિતં કર્ણપૂરયતાં નઃ ॥ 38 ॥
-સ્વાનાવચ્છિન્નતાલક્રમમમૃતમિવાસ્વાદ્યમાનં શિવાભ્યામ્ ।
નાનારાગાતિહૃદ્યં નવરસમધુરસ્તોત્રજાતાનુવિદ્ધં
ગાનં વીણામહર્ષેઃ કલમતિલલિતં કર્ણપૂરયતાં નઃ ॥ 38 ॥
ચેતો જાતપ્રમોદં સપદિ વિદધતી પ્રાણિનાં વાણિનીનાં
પાણિદ્વન્દ્વાગ્રજાગ્રત્સુલલિતરણિતસ્વર્ણતાલાનુકૂલા ।
સ્વીયારાવેણ પાથોધરરવપટુના નાદયન્તી મયૂરીં
માયૂરી મન્દભાવં મણિમુરજભવા માર્જના માર્જયેન્નઃ ॥ 39 ॥
પાણિદ્વન્દ્વાગ્રજાગ્રત્સુલલિતરણિતસ્વર્ણતાલાનુકૂલા ।
સ્વીયારાવેણ પાથોધરરવપટુના નાદયન્તી મયૂરીં
માયૂરી મન્દભાવં મણિમુરજભવા માર્જના માર્જયેન્નઃ ॥ 39 ॥
દેવેભ્યો દાનવેભ્યઃ પિતૃમુનિપરિષત્સિદ્ધવિદ્યાધરેભ્યઃ
સાધ્યેભ્યશ્ચારણેભ્યો મનુજપશુપતજ્જાતિકીટાદિકેભ્યઃ ।
શ્રીકૈલાસપ્રરૂઢાસ્તૃણવિટપિમુખાશ્ચાપિ યે સન્તિ તેભ્યઃ
સર્વેભ્યો નિર્વિચારં નતિમુપરચયે શર્વપાદાશ્રયેભ્યઃ ॥ 40 ॥
સાધ્યેભ્યશ્ચારણેભ્યો મનુજપશુપતજ્જાતિકીટાદિકેભ્યઃ ।
શ્રીકૈલાસપ્રરૂઢાસ્તૃણવિટપિમુખાશ્ચાપિ યે સન્તિ તેભ્યઃ
સર્વેભ્યો નિર્વિચારં નતિમુપરચયે શર્વપાદાશ્રયેભ્યઃ ॥ 40 ॥
ધ્યાયન્નિત્થં પ્રભાતે પ્રતિદિવસમિદં સ્તોત્રરત્નં પઠેદ્યઃ
કિં વા બ્રૂમસ્તદીયં સુચરિતમથવા કીર્તયામઃ સમાસાત્ ।
સમ્પજ્જાતં સમગ્રં સદસિ બહુમતિં સર્વલોકપ્રિયત્વં
સમ્પ્રાપ્યાયુઃશતાન્તે પદમયતિ પરબ્રહ્મણો મન્મથારેઃ ॥ 41 ॥
કિં વા બ્રૂમસ્તદીયં સુચરિતમથવા કીર્તયામઃ સમાસાત્ ।
સમ્પજ્જાતં સમગ્રં સદસિ બહુમતિં સર્વલોકપ્રિયત્વં
સમ્પ્રાપ્યાયુઃશતાન્તે પદમયતિ પરબ્રહ્મણો મન્મથારેઃ ॥ 41 ॥
ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ શ્રી શિવ પાદાદિકેશાન્તવર્ણન સ્તોત્રમ્ ॥