उत्कट साधुनि शिळा सेतू बांधोनी ।
लिंगदेह-लंकापुरि विध्वंसूनी ॥
लिंगदेह-लंकापुरि विध्वंसूनी ॥
कामक्रोधादिक राक्षस मर्दूनी ।
देह-अहंभाव रावण निवटोनी ॥ १ ॥
देह-अहंभाव रावण निवटोनी ॥ १ ॥
जय देव जय देव निजबोधा रामा ।
परमार्थे आरती सद्भावें आरती परिपूर्णकामा ॥ ध्रु ॥
परमार्थे आरती सद्भावें आरती परिपूर्णकामा ॥ ध्रु ॥
प्रथम सीताशोधा हनुमंत गेला ।
लंका दहन करुनी अखया मारिला ॥
लंका दहन करुनी अखया मारिला ॥
मारिला जंबूमाळी बुवनीं त्राहाटीला ।
आनंदाची गुढी घेउनियां अला ॥ २ ॥
आनंदाची गुढी घेउनियां अला ॥ २ ॥
जय देव जय देव निजबोधा रामा ।
परमार्थे आरती सद्भावें आरती परिपूर्णकामा ॥
परमार्थे आरती सद्भावें आरती परिपूर्णकामा ॥
निजबळें निजशक्ति सोडविली सीता ।
म्हणुनी येणें झालें आयोध्यें रघुनाथा ॥
म्हणुनी येणें झालें आयोध्यें रघुनाथा ॥
आनंदें वोसंडे वैराग्य भरता ।
आरति घेउनि आली कौसल्या माता ॥ ३ ॥
आरति घेउनि आली कौसल्या माता ॥ ३ ॥
जय देव जय देव निजबोधा रामा ।
परमार्थे आरती सद्भावें आरती परिपूर्णकामा ॥
परमार्थे आरती सद्भावें आरती परिपूर्णकामा ॥
अनाहत ध्वनि गर्जति अपार ।
अठरा पद्मे वानर करिती भुभुःकार ॥
अठरा पद्मे वानर करिती भुभुःकार ॥
अयोध्येसी आले दशरथकुमार ।
नगरीं होत आहे आनंद थोर ॥ ४ ॥
नगरीं होत आहे आनंद थोर ॥ ४ ॥
जय देव जय देव निजबोधा रामा ।
परमार्थे आरती सद्भावें आरती परिपूर्णकामा ॥
परमार्थे आरती सद्भावें आरती परिपूर्णकामा ॥
सहज सिंहासनीं राजा रघुवीर ।
सोऽहंभावें तया पूजा उपचार ।
सहजांची आरती वाद्यांचा गजर ।
माधवदासा स्वामी आठव ना विसर ॥५॥
सोऽहंभावें तया पूजा उपचार ।
सहजांची आरती वाद्यांचा गजर ।
माधवदासा स्वामी आठव ना विसर ॥५॥
जय देव जय देव निजबोधा रामा ।
परमार्थे आरती सद्भावें आरती परिपूर्णकामा ॥
परमार्थे आरती सद्भावें आरती परिपूर्णकामा ॥