महेश्वर उवाच।
शृणु देवि प्रवक्ष्यामि स्तोत्रम् सर्वभयापहम् ।
सर्वकामप्रदं नॄणां हनूमत् स्तोत्रमुत्तमम् ॥ १॥
सर्वकामप्रदं नॄणां हनूमत् स्तोत्रमुत्तमम् ॥ १॥
तप्तकाञ्चनसङ्काशं नानारत्नविभूषितम् ।
उद्यद्बालार्कवदनं त्रिनेत्रं कुण्डलोज्ज्वलम् ॥ २॥
उद्यद्बालार्कवदनं त्रिनेत्रं कुण्डलोज्ज्वलम् ॥ २॥
मौञ्जीकौपीनसम्युक्तं हेमयज्ञोपवीतिनम् ।
पिङ्गलाक्षं महाकायं टङ्कशैलेन्द्रधारिणम् ॥ ३॥
पिङ्गलाक्षं महाकायं टङ्कशैलेन्द्रधारिणम् ॥ ३॥
शिखानिक्षिप्तवालाग्रं मेरुशैलाग्रसंस्थितम् ।
मूर्तिन्त्रयात्मकं पीनं महावीरं महाहनुम् ॥ ४॥
मूर्तिन्त्रयात्मकं पीनं महावीरं महाहनुम् ॥ ४॥
हनूमन्तं वायुपुत्रं नमामि ब्रह्मचारिणम् ।
त्रिमूर्त्यात्मकमात्मस्थं जपाकुसुमसन्निभम् ॥ ५॥
त्रिमूर्त्यात्मकमात्मस्थं जपाकुसुमसन्निभम् ॥ ५॥
नानाभूषणसंयुक्तं आञ्जनेयं नमाम्यहम् ।
पञ्चाक्षरस्थितं देवं नीलनीरदसन्निभम् ॥ ६॥
पञ्चाक्षरस्थितं देवं नीलनीरदसन्निभम् ॥ ६॥
पूजितं सर्वदेवैश्च राक्षसान्तं नमाम्यहम् ।
अचलद्युतिसङ्काशं सर्वालङ्कारभूषितम् ॥ ७॥
अचलद्युतिसङ्काशं सर्वालङ्कारभूषितम् ॥ ७॥
षडक्षरस्थितं देवं नमामि कपिनायकम् ।
तप्तस्वर्णमयं देवं हरिद्राभं सुरार्चितम् ॥ ८॥
तप्तस्वर्णमयं देवं हरिद्राभं सुरार्चितम् ॥ ८॥
सुन्दरं साब्जनयनं त्रिनेत्रं तं नमाम्यहम् ।
अष्टाक्षराधिपं देवं हीरवर्णसमुज्वलम् ॥ ९॥
अष्टाक्षराधिपं देवं हीरवर्णसमुज्वलम् ॥ ९॥
नमामि जनतावन्द्यं लङ्काप्रासादभञ्जनम् ।
अतसीपुष्पसङ्काशं दशवर्णात्मकं विभुम् ॥ १०॥
अतसीपुष्पसङ्काशं दशवर्णात्मकं विभुम् ॥ १०॥
जटाधरं चतुर्बाहुं नमामि कपिनायकम् ।
द्वादशाक्षरमन्त्रस्य नायकं कुन्तधारिणम् ॥ ११॥
द्वादशाक्षरमन्त्रस्य नायकं कुन्तधारिणम् ॥ ११॥
अङ्कुशं च दधानं च कपिवीरं नमाम्यहम् ।
त्रयोदशाक्षरयुतं सीतादुःख निवारिणम् ॥ १२॥
त्रयोदशाक्षरयुतं सीतादुःख निवारिणम् ॥ १२॥
पीतवर्णं लसत्कायं भजे सुग्रीवमन्त्रिणम् ।
मालामंत्रात्मकं देवं चित्रवर्णं चतुर्भुजम् ॥ १३॥
मालामंत्रात्मकं देवं चित्रवर्णं चतुर्भुजम् ॥ १३॥
पाशाङ्कुशाभयकरं धृतटङ्कं नमाम्यहम् ।
सुरासुरगणैः सर्वैः संस्तुतं प्रणमाम्यहम् ॥ १४॥
सुरासुरगणैः सर्वैः संस्तुतं प्रणमाम्यहम् ॥ १४॥
एवं ध्यायेन्नरो नित्यं सर्वपापैः प्रमुच्यते ।
प्राप्नोति चिन्तितं कार्यं शीघ्रमेव न संशयः ॥ १५॥
प्राप्नोति चिन्तितं कार्यं शीघ्रमेव न संशयः ॥ १५॥
॥ इत्युमासंहितायां आञ्जनेय स्तोत्रम् ॥