શઙ્ખચક્રધરં દેવં ઘટિકાચલવાસિનમ્ ।
યોગારૂઢં હ્યાઞ્જનેયં વાયુપુત્રં નમામ્યહમ્ ॥ ૧॥
યોગારૂઢં હ્યાઞ્જનેયં વાયુપુત્રં નમામ્યહમ્ ॥ ૧॥
ભક્તાભીષ્ટપ્રદાતારં ચતુર્બાહુવિરાજિતમ્ ।
દિવાકરદ્યુતિનિભં વન્દેઽહં પવનાત્મજમ્ ॥ ૨॥
દિવાકરદ્યુતિનિભં વન્દેઽહં પવનાત્મજમ્ ॥ ૨॥
કૌપીનમેખલાસૂત્રં સ્વર્ણકુણ્ડલમણ્ડિતમ્ ।
લઙ્ઘિતાબ્ધિં રામદૂતં નમામિ સતતં હરિમ્ ॥ ૩॥
લઙ્ઘિતાબ્ધિં રામદૂતં નમામિ સતતં હરિમ્ ॥ ૩॥
દૈત્યાનાં નાશનાર્થાય મહાકાયધરં વિભુમ્ ।
ગદાધરકરો યસ્તં વન્દેઽહં મારુતાત્મજમ્ ॥ ૪॥
ગદાધરકરો યસ્તં વન્દેઽહં મારુતાત્મજમ્ ॥ ૪॥
નૃસિંહાભિમુખો ભૂત્વા પર્વતાગ્રે ચ સંસ્થિતમ્ ।
વાઞ્છન્તં બ્રહ્મપદવીં નમામિ કપિનાયકમ્ ॥ ૫॥
વાઞ્છન્તં બ્રહ્મપદવીં નમામિ કપિનાયકમ્ ॥ ૫॥
બાલાદિત્યવપુષ્કં ચ સાગરોત્તારકારકમ્ ।
સમીરવેગં દેવેશં વન્દે હ્યમિતવિક્રમમ્ ॥ ૬॥
સમીરવેગં દેવેશં વન્દે હ્યમિતવિક્રમમ્ ॥ ૬॥
પદ્મરાગારુણમણિશોભિતં કામરૂપિણમ્ ।
પારિજાતતરુસ્થં ચ વન્દેઽહં વનચારિણમ્ ॥ ૭॥
પારિજાતતરુસ્થં ચ વન્દેઽહં વનચારિણમ્ ॥ ૭॥
રામદૂત નમસ્તુભ્યં પાદપદ્માર્ચનં સદા ।
દેહિ મે વાઞ્છિતફલં પુત્રપૌત્રપ્રવર્ધનમ્ ॥ ૮॥
દેહિ મે વાઞ્છિતફલં પુત્રપૌત્રપ્રવર્ધનમ્ ॥ ૮॥
ઇદં સ્તોત્રં પઠેન્નિત્યં પ્રાતઃકાલે દ્વિજોત્તમઃ ।
તસ્યાભીષ્ટં દદાત્યાશુ રામભક્તો મહાબલઃ ॥ ૯॥
તસ્યાભીષ્ટં દદાત્યાશુ રામભક્તો મહાબલઃ ॥ ૯॥
॥ ઇતિ શ્રીઘટિકાચલહનુમત્સ્તોત્રમ્ ૨ સમ્પૂર્ણમ્ ॥