ব্রহ্মাণ্ডপুরাণতঃ (From Brahmanda Purana)
অতিপাটলবক্ত্রাব্জং ধৃতহেমাদ্রিবিগ্রহম্ ।
আঞ্জনেযং শঙ্খচক্রপাণিং চেতসি ধীমহি ॥ ১॥
আঞ্জনেযং শঙ্খচক্রপাণিং চেতসি ধীমহি ॥ ১॥
শ্রীযোগপীঠবিন্যস্তব্যত্যস্তচরণাম্বুজম্ ।
দরার্যভযমুদ্রাক্ষমালাপট্টিকযা যুতম্ ॥ ২॥
দরার্যভযমুদ্রাক্ষমালাপট্টিকযা যুতম্ ॥ ২॥
পারিজাততরোর্মূলবাসিনং বনবাসিনম্ ।
পশ্চিমাভিমুখং বালং নৃহরের্ধ্যানসংস্থিতম্ ॥ ৩॥
পশ্চিমাভিমুখং বালং নৃহরের্ধ্যানসংস্থিতম্ ॥ ৩॥
সর্বাভীষ্টপ্রদং নৄণাং হনুমন্তমুপাস্মহে ।
॥ নারদ উবাচ॥
স্থানানামুত্তমং স্থানং কিং স্থানং বদ মে পিতঃ ।
॥ ব্রহ্মোবাচ ॥
ব্রহ্মন্ পুরা বিবাদোঽভূন্নারাযণকপীশযোঃ ॥
তত্তেঽহং সম্প্রবক্ষ্যামি সাবধানমনাঃ শৃণু ।
একমাসাদ্বরদঃ সাক্ষাত্ দ্বিমাসাদ্রঙ্গনাযকঃ ॥ ১॥
তত্তেঽহং সম্প্রবক্ষ্যামি সাবধানমনাঃ শৃণু ।
একমাসাদ্বরদঃ সাক্ষাত্ দ্বিমাসাদ্রঙ্গনাযকঃ ॥ ১॥
মাসার্ধেন প্রবক্ষ্যমি তথা বৈ বেঙ্কটেশ্বরঃ ।
অর্ধমাসেন দাস্যামি কৃতং তু পরমং শিবম্ ॥ ২॥
অর্ধমাসেন দাস্যামি কৃতং তু পরমং শিবম্ ॥ ২॥
ঘটিকাচলসংস্থানাদ্ধটিকাচলবল্লভঃ ।
হনুমানঞ্জনাসূনূ রামভক্তো জিতেন্দ্রিযঃ ॥ ৩॥
হনুমানঞ্জনাসূনূ রামভক্তো জিতেন্দ্রিযঃ ॥ ৩॥
ঘটিকাদেব কাম্যানাং কামদাতা ভবাম্যহম্ ।
শঙ্খচক্রপ্রদো যেন প্রদাস্যামি হরেঃ পদম্ ॥ ৪॥
শঙ্খচক্রপ্রদো যেন প্রদাস্যামি হরেঃ পদম্ ॥ ৪॥
ঘটিকাচলসংস্থানে ঘটিকাং বসতে যদি ।
স মুক্তঃ সর্বলোকেষু বাযুপুত্রপ্রসাদতঃ ॥ ৫॥
স মুক্তঃ সর্বলোকেষু বাযুপুত্রপ্রসাদতঃ ॥ ৫॥
ব্রহ্মতীর্থস্য নিকটে রাঘবেন্দ্রস্য সন্নিধৌ ।
বাযুপুত্রং সমালোক্য ন ভযং বিদ্যতে নরে ॥ ৬॥
বাযুপুত্রং সমালোক্য ন ভযং বিদ্যতে নরে ॥ ৬॥
তস্মাদ্বাযুসুতস্থানং পবিত্রমতিদুলর্ভম্ ।
পূর্বাব্ধেঃ পশ্চিমে ভাগে দক্ষিণাব্ধেস্তথোত্তরে ॥ ৭॥
পূর্বাব্ধেঃ পশ্চিমে ভাগে দক্ষিণাব্ধেস্তথোত্তরে ॥ ৭॥
বেঙ্কটাদ্দক্ষিণে ভাগে পর্বতে ঘটিকাচলে ।
তত্রৈব ঋষযঃ সর্বে তপস্তপ্যন্তি সাদরম্ ॥ ৮॥
তত্রৈব ঋষযঃ সর্বে তপস্তপ্যন্তি সাদরম্ ॥ ৮॥
পঞ্চাক্ষরমহামন্ত্রং দ্বিষট্কং চ দ্বিজাতিনাম্ ।
নামমন্ত্রং ততঃ শ্রীমন্ স্ত্রীশূদ্রাণামুদাহৃতম্ ॥ ৯॥
নামমন্ত্রং ততঃ শ্রীমন্ স্ত্রীশূদ্রাণামুদাহৃতম্ ॥ ৯॥
তত্র স্নাত্বা ব্রহ্মতীর্থে নত্বা তং বাযুমন্দিরে ।
বাযুপুত্রং ভজেন্নিত্যং সর্বারিষ্টবিবর্জিতঃ ॥ ১০॥
বাযুপুত্রং ভজেন্নিত্যং সর্বারিষ্টবিবর্জিতঃ ॥ ১০॥
সেবতে মণ্ডলং নিত্যং তথা বৈ হ্যর্ধমণ্ডলম্ ।
বাঞ্ছিতং বিন্দতে নিত্যং বাযুপুত্রপ্রসাদতঃ ॥ ১১॥
বাঞ্ছিতং বিন্দতে নিত্যং বাযুপুত্রপ্রসাদতঃ ॥ ১১॥
তস্মাত্ত্বমপি ভোঃ পুত্র নিবাসং ঘটিকাচলে ॥
॥ নারদ উবাচ॥
কথং বাসঃ প্রকর্তব্যো ঘটিকাচলমস্তকে ।
কেন মন্ত্রেণ বলবানাঞ্জনেযঃ প্রসীদতি ॥ ১২॥
বিধানং তস্য মন্ত্রস্য হোমং চৈব বিশেষতঃ ।
কিযত্কালং তত্র বাসং কর্তব্যং তন্মমাবদ ॥ ১৩॥
কেন মন্ত্রেণ বলবানাঞ্জনেযঃ প্রসীদতি ॥ ১২॥
বিধানং তস্য মন্ত্রস্য হোমং চৈব বিশেষতঃ ।
কিযত্কালং তত্র বাসং কর্তব্যং তন্মমাবদ ॥ ১৩॥
॥ ব্রহ্মোবাচ ॥
ব্রহ্মতীর্থে ততঃ স্নত্বা হনুমত্সংমুখে স্থিতঃ ।
দ্বাদশাক্ষরমন্ত্রং তু নিত্যমষ্টসহস্রকম্ ॥ ১৪॥
দ্বাদশাক্ষরমন্ত্রং তু নিত্যমষ্টসহস্রকম্ ॥ ১৪॥
জপেন্নিযমতঃ শুদ্ধস্তদ্ভক্তস্তু পরাযণঃ ।
নিরাহারঃ ফলাহারো ব্রহ্মচর্যব্রতে স্থিতঃ ॥ ১৫॥
নিরাহারঃ ফলাহারো ব্রহ্মচর্যব্রতে স্থিতঃ ॥ ১৫॥
মণ্ডলং তত্র বস্তব্যং ভক্তিযুক্তেন চেতসা ।
ধ্যানশ্লোকং প্রবক্ষ্যামি শৃণু নারদ তত্ত্বতঃ ॥ ১৬॥
ধ্যানশ্লোকং প্রবক্ষ্যামি শৃণু নারদ তত্ত্বতঃ ॥ ১৬॥
তমঞ্জনানন্দনমিন্দুবিম্বনিভাননং সুন্দরমপ্রমেযম্ ।
সীতাসুতং সূক্ষ্মগুণস্বদেহং শ্রীরামপাদার্পণচিত্তবৃত্তিম্ ॥ ১৭॥
সীতাসুতং সূক্ষ্মগুণস্বদেহং শ্রীরামপাদার্পণচিত্তবৃত্তিম্ ॥ ১৭॥
এবং ধ্যাত্বা সদা ভক্ত্যা তত্পাদজলজং মুদা ।
চতুর্থাংশেন হোমং বা কর্তব্যং পাযসেন চ ॥ ১৮॥
চতুর্থাংশেন হোমং বা কর্তব্যং পাযসেন চ ॥ ১৮॥
বিধিনা বিধিযুক্তস্তু বিদিত্বা ঘটিকাচলম্ ।
জগাম জযমন্বিচ্ছন্নিন্দ্রিযাণাং মহামনাঃ ॥ ১৯॥
জগাম জযমন্বিচ্ছন্নিন্দ্রিযাণাং মহামনাঃ ॥ ১৯॥
এবং নিযমযুক্তঃ সন্ যঃ করোতি হরেঃ প্রিযম্ ।
বিজযং বিন্দতে দেহী বাযুপুত্রপ্রসাদতঃ ॥ ২০॥
বিজযং বিন্দতে দেহী বাযুপুত্রপ্রসাদতঃ ॥ ২০॥
॥ ইতি ব্রহ্মাণ্ডপুরাণতঃ শ্রীঘটিকাচলহনুমত্স্তোত্রং সম্পূর্ণম্ ॥