What is Shri Gurucharitra Adhyay 35?

Read Shri Gurucharitra Adhyay 35 in English (IAST) script — full lyrics with English meaning and transliteration. Shri Gurucharitra Adhyay 35. Shri Gurucharitra, the central scripture of the Datta sampradaya, written by Saraswati Gangadhar in the fifteenth century. It tells the lives of Shripad Shrivallabha and Shri Nrisimha Saraswati, the first two incarnations of Dattatreya, as a dialogue between Siddha and Namdharak. Traditionally read as a saptaha — the whole book over seven days — most often in the month of Margashirsha. This adhyay is named in its colophon for सीमंतिन्याख्यानं.

Which deity is Shri Gurucharitra Adhyay 35 dedicated to?

Shri Gurucharitra Adhyay 35 is a Sanskrit hymn dedicated to Lord Dattatreya.

Who composed Shri Gurucharitra Adhyay 35?

Shri Gurucharitra Adhyay 35 is traditionally attributed to Saraswati Gangadhar.

Shri Gurucharitra Adhyay 35 in English (IAST) – Lyrics

|| śrīgaṇeśāya namaḥ ||

nāmadhāraka siddhāsī | vinavītase pariyesī |
rudrādhyāya vistāresī | daṃpatīsī sāṃgitalā ||1||

puḍhe kāya vartale | vistāroni sāṃgā vahile |
mana mājhe vedhale | gurucaritra aikāvayā ||2||

siddha mhaṇe aika tātā | apūrva ase puḍhe kathā |
teci jāṇa pativratā | śrīgurūte vinavīta ||3||

kara joḍoni gurūsī | vinavītase bhaktīsī |
āmhā gati puḍhe kaisī | kavaṇeparī asāve ||4||

yā kāraṇe āpaṇāsī | ekhādā maṃtra upadeśī |
jeṇe hoya sthira jīvāsī | caraṇasmaraṇa sanātana ||5||

śrīguru mhaṇatī tiyesī | striyāṃsī maṃtra upadeśī |
patibhaktīviṇe tyāṃsī | upadeśāsī deū naye ||6||

detā upadeśa striyāṃsī | vighna ase maṃtrāsī |
pūvī śukrācāryāsī | jhāle ase pariyesā ||7||

aise aikatā guruvacana | vinavītase kara joḍūna |
striyā kevī maṃtrahīna | śukrācāryā kaise jhāle ||8||

vistāroni āmhāsī | sāṃgā svāmī kṛpesī |
mhaṇoni lāgalī caraṇāsī | karuṇāvacanekaroniyā ||9||

śrīguru sāṃgatī tiyesī | pūrvakathā āhe aisī |
yuddha devadaityāṃsī | sadaiva hoya avadhārā ||10||

daityasainya paḍe raṇī | śukra jape saṃjīvanī |
sakal̤a sainya uṭhavūni | punarapi yuddhā pāṭhavīta ||11||

iṃdra vajre asura mārī | śukra amṛta japa karī |
saveci yetī niśācarī | devasainya mārāvayā ||12||

aise hotā eke divasī | iṃdra gelā kailāsāsī |
sāṃge sthiti śivāsī | śukrācāryācī maṃtrakaraṇī ||13||

koponiyā īśvara | naṃdīsa sāṃge uttara |
tuvā jāvoni vegavaktra | śukrācāryā dharoni āṇī ||14||

svāmīce vacana aikoni | naṃdī gelā ṭhākoni |
hotā śukra tapadhyānī | mukhī dharilā naṃdīne ||15||

naṃdī neta śivāpāsī | ākāṃta vartalā daityāṃsī |
īśvare prāśile śukrāsī | agastī siṃdhūciyāparī ||16||

aisā kityeka divasāṃvarī | hotā śukra śivāce udarī |
nighūni gelā mūtradvārī | visara paḍalā śivāsī ||17||

pūrvī hote śukra nāva | īśvara-udarī jhālā udbhava |
nāva pāvalā bhārgava | punaḥ saṃjīvanī jape to ||18||

iṃdra manī vicārī | purohitāsī pācārī |
kaisā śukra jivaṃta karī | punaḥ daityajanāṃsī ||19||

tyāsī vighna karāve eka | tū purohita vivekayukta |
buddhi vicārī aneka | bṛhaspati gururāyā ||20||

pāhe pā daityāṃce daiva kaise | śukrāsārikhā guru viśeṣe |
deto jīvāsī bharavase | daitya yetī yuddhāsī ||21||

taisā tū navhesa āmhāṃsī | āmhāte kā upekṣisī |
devaguru tū mhaṇavisī | buddhi karī śīghra ātā ||22||

tū pūjya sakal̤a devāṃsī | jarī āmhā kṛpā karisī |
śukrācārya kāya viśeṣī | tujasamāna navhe jāṇā ||23||

aise nānāparī dekha | iṃdra amaranāyaka |
pūjā karī upacārika | bṛhaspati saṃtoṣalā ||24||

guru mhaṇe iṃdrāsī | yāsī aika tū upāyāsī |
ṣaṭkarṇī karāve maṃtrāsī | sāmarthya rāhīla śukrāce ||25||

ekhādā pāṭhavāvā śukrāpāsī | vidyārthī karūna tvaresī |
maṃtra śikela bharavasī | vidyārthirūpekarūniyā ||26||

āpulā putra kaca ase | tyāte pāṭhavū vidyābhyāse |
maṃtra śikela āhe kaisī | saṃjīvanī avadhārā ||27||

kacāte āṇūni buddhiyukti | sāṃgatase bṛhaspati |
tuvā jāve śukrāpratī | vidyārthirūpa dharoni ||28||

āmucī niṃdā tethe karī | manobhāve sevā karī |
saṃjīvanī kavaṇeparī | maṃtra śike putrarāyā ||29||

iṃdrādika devatāṃcā | niropa gheūni pitayācā |
śukrāprati gelā kacā | vidyārthirūpa dharoni ||30||

namana kele sāṣṭāṃgī | ubhā rāhilā karuṇāṃgī |
śukra pusatase vegī | kavaṇa koṭhūni ālāsī ||31||

bole āpaṇa dvijakumāra | tujhī kīrti aikilī thora |
vidyābhyāsīna manohara | mhaṇona ālo sevesī ||32||

sevaka hoīna tumace caraṇī | ālo icchesī dharūni |
tū bhaktavatsalaśiromaṇi | anāthāṃcā pratipālaka ||33||

boloni aise kacavacana | vinavītase kara joḍūna |
śukrakanyā javal̤ī yeūna | pitayālāgī vinavita ||34||

pitayāsī mhaṇe devayānī | vipra bhalā dise nayanī |
yāte tumhī śiṣya karūni | vidyābhyāsa sāṃgāvā ||35||

kaca suṃdara sulakṣaṇa | jaisā dise kī madana |
devayānī karī ciṃtana | aisā pati vhāvā mhaṇe ||36||

aisī vāsanā dharunī | pitayāte vinavunī |
śiṣya kelā kaca saguṇī | śukrācārya vidyā sāṃge ||37||

aisā vidyābhyāsa karīta | daityakul̤ī mhaṇatī niścita |
devagaṇī āle satya | kapaṭaveṣe karūni ||38||

śikūniyā vidyesī | jāūni śikavīla devāṃsī |
kuḍe hoīla āmhāṃsī | teṇe manī ciṃtāvale ||39||

kāl̤a kramitā eke divasī | kaca pāṭhavilā samidhāṃsī |
daitya jātī sāhyesī | tayā kacāce avadhārā ||40||

rānī jāunī samāgamesī | daitya mārile kacāsī |
samidhā ghevoni gharāsī | daitya āpaṇa yete jhāle ||41||

śukrācāryāṃcī kanyā | pitayāsī parama mānyā |
pitayāsī vinavī dhanyā | kaca kaisā nāhī ālā ||42||

kaca āliyāvācūnī | bhojana na karī devayānī |
aise aikatā nirvāṇī | śukrācārya ciṃtāvalā ||43||

jñānī pāhe mānasī | mṛtyu jhālā ase tayāsī |
maṃtra japūni saṃjīvanīsī | tvarita gharī āṇilā ||44||

āṇika hotā bahuta divasa | daitya karitī atidveṣa |
gelā hotā vanavāsa | punarapi tayāsī vadhiyele ||45||

māgutī vācela mhaṇoni | cūrṇa karitī chedoni |
dāhī diśā ṭākunī | āle gharā punarapi ||46||

divasa gelā astamānī | pusatase devayānī |
kaca na dise mhaṇoni | pitayāte vinavīta ||47||

kaca mājhā prāṇasakhā | nā āṇiśī jarī khāīna vikhā |
dāvī maja tayāce mukhā | mhaṇoni pralāpa karītase ||48||

kanyevarī mamatva bahuta | teṇe śukra jñāne pahāta |
chinnabhinna kele mhaṇata | maṃtra japalā saṃjīvanī ||49||

dhanya maṃtrāce sāmarthya | kaca ālā gharā tvarita |
devayānī saṃtoṣata | pitayāne āliṃgilī ||50||

daitya manī vicāra karitī | kāya kelyā na mare mhaṇatī |
gurukanyesī yācī prīti | mhaṇuni guru vācavito ||51||

ātā upāya karū yāsī | udaīka yeīla ekādaśī |
mārūni mil̤avū pānesī | gurumukhī pājāve ||52||

aiśī nigutī karoni | ālī ekādaśī dinī |
kacāte bāhera nevoni | mārate jahāle daitya śiṣya ||53||

prāśana karavitī gurūsī | mil̤avūniyā madyarasī |
snigdha mil̤avūniyā bahuvasī | śukragurūsī deta jhāle ||54||

māgutī puse devayānī | pitayāte vinavunī |
kacāsī āṇī mhaṇoni | rudana karī ākrośe ||55||

śukra pahātase jñānī na dise kaca tribhuvanī |
kheda karītase manī | kanyālobhekaroniyā ||56||

vicāra karitā sarvā ṭhāyī | disū lāgalā āpule dehī |
saṃdeha paḍalā śakrāsī pāhī | kaise karāve mhaṇoni ||57||

kanyesī mhaṇe śukra dekhā | kaca na ye ātā aikā |
mājhe udarī ase nikā | kaisā kāḍhū tayāsī ||58||

yāsī kāḍhitā āpaṇāsī | mṛtyu hoīla pariyesī |
kāya abhilāṣa ase tyāsī | mhaṇoni kanyesī pusatase ||59||

pitayā vinavī devayānī | abhilāṣa hotā mājhe manī |
bhāryā tyācī hounī | doghe rāhū tujapāsī ||60||

hāci vhāvā mājhā pati | aise saṃkalpile cittī |
na uṭhe jarī puḍhatī | tarī prāṇa tyāgīna ||61||

saṃdeha paḍalā śukrāsī | bodhitā jhālā kanyesī |
tyāsa uṭhavitā āpaṇāsī | mṛtyū hoīla avadhārī ||62||

kanyā mhaṇe pitayāsī | sakal̤ā tū vācavisī |
āpulā prāṇa jāīla mhaṇasī | he āścarya vāṭatase ||63||

śukra mhaṇe devayānī | maṃtra ase saṃjīvanī |
majavāconi neṇe koṇī | māte koṇa uṭhavīla ||64||

maṃtra sāṃgo naye kavaṇā | ṣaṭkarṇī hotā jāīla guṇā |
kacākaritā mājhā prāṇa | jāīla dekhā avadhārī ||65||

na aike kanyā devayānī | pityāce caraṇa dharoni |
vinavītase kara joḍoni | maṃtra āpaṇāte śikavāvā ||66||

kacāsī tū sajīva karī | tuja yeīla mṛtyū jarī |
mī maṃtra japoni nirdhārī | sajīva karīna tujalāgī ||67||

śukra mhaṇe kanyesī | maṃtra sāṃgū naye striyāṃsī |
doṣa asatā pariyesī | vedaśāstrasaṃmata ase ||68||

striyāṃsī maṃtra patibhakti | japū naye maṃtrayukti |
sāṃgatā doṣa āmhā ghaḍatī | maṃtrasāmarthya jāīla ||69||

pitayāsī mhaṇe devayānī | sukhe asā maṃtra japoni |
prāṇa jāto mhaṇona | mūrcchāgata paḍalī te ||70||

śukrācī kanyevarī prīti | uṭhavūni tisī āliṃgitī |
maṃtra tisī sāṃgatī | saṃjivanī avadhārā ||71||

āpulyā poṭī kaca hotā | tohī hoya aikatā |
maṃtra jahālā ṣaṭkarṇatā | maga japalā kacānimitta ||72||

śukrāce poṭātunī | kaca nighālā phoḍunī |
maṃtra jape tī devayānī | pitayāte uṭhavile ||73||

tīna vel̤ā maṃtra japatā | kace pāṭha kelā tattvatā |
saṃtoṣa karī manī bahutā | kārya sādhale mhaṇoni ||74||

śukrācāryāte namunī | kaca vinavī kara joḍunī |
māte daitya māritī mhaṇoni | niropa dyāvā majalāgī ||75||

svāmīceni vidyā śikalo | tujhe kṛpene pūrṇa jahālo |
devakāryārtha saṃtoṣalo | mhaṇūni caraṇī lāgalā ||76||

śukrācārye harṣoni | niropa didhalā tyālāgonī |
padara dharī devayānī | pati vhāve mhaṇoniyā ||77||

tūte mārile tīna vel̤ī | mī vācavile tyā kāl̤ī |
vidyā śikalāsī pityājaval̤ī | avaśya varāve majalāgī ||78||

kaca mhaṇe aika bāl̤e | gurukanyā bhaginī bole |
tuvā āmute vācavile | mātā hosī nirdhārī ||79||

varitā doṣa āpaṇāsī | dūṣaṇa ṭhevitīla sarva ṛṣi |
bhaginī tū āmucī hosī | kaisī varū mhaṇe to ||80||

devayānī koponi | śāpa didhalā te kṣaṇī |
vṛthā vidyā hoīla mānī | samasta visare tātkāl̤ī ||81||

mājhe aṃtaḥkaraṇīcī āśā | vṛthā kelī nirāśā |
vidyā na ye tuja lavaleśā | mhaṇūni śāpa didhalā ||82||

kaca mhaṇe tiyesī | vāyā śāpile āmhāṃsī |
puruṣa varīla tujasī | brahmakul̤āvyatirikta ||83||

tujhā pitā brahmajñānī | jāṇe amṛtasaṃjīvanī |
tuja śikavile mhaṇoni | puḍhe maṃtra na cāle ||84||

aisā śāpa deunī | kaca gelā nighunī |
saṃtoṣa jhālā iṃdrabhuvanī | daityajīvana navhecī ||85||

śukrācā saṃjīvanī maṃtra | kāmā na ye jhālā apātra |
striyāṃsī na sāṃgāvā maṃtra | mhaṇoni śrīguru nirūpitī ||86||

striyāṃlāgī patisevā | yācī kāraṇe maṃtra na dyāvā |
vratopavāsa karāvā | guru-puruṣa-niropāne ||87||

sāvitrī vinavī śrīgurūsī | vrata ācarale bahuvasī |
tujhe vākya āmhāṃsī | vrata ekhāde niropāve ||88||

tujavarī mājhā viśvāsa | tujavāconi neṇū āṇikāsa |
vrata tūci āmhāṃsa | vrata tujhī caraṇasevā ||89||

bhakti rāhe tujhe caraṇī | aisā niropa dyāvā muni |
mhaṇunī lāgalī caraṇī | kṛpā karī mhaṇoniyā ||90||

śrīguru mhaṇatī tiyesī | sāṃgena tuja vrata aisī |
sthira hoya ahevapaṇāsī | rājya pāve tujhā pati ||91||

daṃpatya vinavī śrīgurūsī | tujhe vākya kāraṇa āmhāsī |
jaisā tū niropa desī | teṇe rītī rahāṭū ||92||

jo guruvākya na karī | to paḍe rauravaghorī |
tujhe vākya āmhā śirī | mhaṇūni caraṇī lāgalī ||93||

bhaktavatsala śrīgurunātha | sāṃgatā jahālā atiprīta |
vistāroni samartha | vrata tisī sāṃgatase ||94||

siddha mhaṇe nāmadhārakā | śrīguru mhaṇatī kautukā |
aikatātī daṃpatī nikā | atiprītikaroniyā ||95||

śrīguru mhaṇatī tayāṃsī | sāṃgena vrata itihāsī |
ṛṣi pusatī sūtāsī | vrata barave niropāve ||96||

sūta mhaṇe ṛṣīśvarā | vrata sāṃgena manoharā |
striyā athavā puruṣā barā | vrata ase avadhārā ||97||

nityānaṃda ase śāṃta | nirvikalpa vikhyāta |
aisā īśvara arcitā tvarita | sakal̤ābhīṣṭe pāvije ||98||

saṃsārasāgarāta | viṣayātura ācarata |
tehī pūjitā pūrṇa bhakta | tyāsī īśvara prasanna hoya ||99||

virakta athavā saṃsārarata | viṣayātura āsakta |
je pūjitī pūrṇa bhakta | tyāsī īśvara prasanna hoya ||100||

teṇe pāvije pailapāra | aise bolatī vedaśāstra |
svargāpavargā adhikāra | tyāsī hoya pariyesā ||1||

viśeṣa vrata ase aika | somavāra vratanāyaka |
īśvarārcana karā viveka | sakal̤ābhīṣṭe pāvije ||2||

nakta bhojana upavāsī | jiteṃdriya karā viśeṣī |
vaidika tāṃtrika pūjesī | vidhipūrvaka sakal̤ika ||3||

gṛhastha athavā brahmacārī | suvāsinī kanyākumārī |
bhartṛviṇa vidhavā nārī | vrata karāve avadhārā ||4||

yāce pūrvīla ākhyāna | sāṃgena aikā atigahana |
aikatā karī pāvana | sakal̤āsahī pariyesā ||5||

skaṃdapurāṇīṃcī kathā | sarva sādyaṃta aikā |
pūrvayugī āryāvartakā | rājā eka avadhārā ||6||

citravarmā nāma tyāsī | dharmātmā rājā pariyesī |
dharmamārga ācare harṣī | adharmāte śikṣā karī ||7||

akhila puṇye tyāṇe kelī | sakala saṃpatti vāḍhavilī |
samasta pṛthvī jiṃkilī | parākramekarūniyā ||8||

sahapatnī dharma karitī | putrakāmye śivāpratī |
aisā kitī kāl̤a kramitī | kanyā jhālī tayāte ||9||

atisuṃdara sulakṣaṇa | pārvatīrūpāsamāna |
teja phāke sūryakiraṇa | atilāvaṇya na varṇave ||110||

vartāvayā jātakāsī | bolāvile jyotiṣī |
dvija mil̤āle apāresī | vartavitī jātaka ||11||

mhaṇatī kanyā sulakṣaṇa | nāme sīmaṃtinī jāṇa |
umesārakhe māṃgalyapaṇa | kiṃvā damayaṃtīsvarūpa hoya ||12||

bhāgīrathīaisī rūpāsī | lakṣmīsārikhī guṇarāśī |
jñāne devamatāsarasī | jānakīsamāna pativratā ||13||

sūryāsārikhī hoīla kāṃti | caṃdrāsamāna manaśāṃti |
dahā sahastra varuṣe khyāti | patīsaha rājya karīla ||14||

jātaka vartavale tisī | rāva pāvalā atiharṣī |
akhila dāne viprāṃsī | detā jāhalā avadhārā ||15||

asatā rāva sabhesī | dvija eka pariyesī |
bhaya na dharitā vākyāsī | bolatase avadhārā ||16||

aika rāyā mājhe vacana | kanyālakṣaṇa mī sāṃgena |
cavadāve varṣī vidhavāpaṇa | hoīla iyesī jāṇa pā ||17||

aise vākya parisoni | rāva paḍilā mūrchā yevoni |
ciṃtā vartali bahu manī | vipravākya parisatā ||18||

aise sāṃgoni brāhmaṇa | gelā nighoni tatkṣaṇa |
sarva duḥkhāte pāvūna | tal̤amal̤īta tedhavā ||19||

aise bālapaṇa kramitā | sapta varṣe jātī tattvatā |
ciṃtīta hotī mātāpitā | varhāḍa kevī karāve ||120||

cavadāve varṣī vidhavāpaṇa | mhaṇoni bolilā brāhmaṇa |
teṇe vyākul̤a aṃtaḥkaraṇa | rājā-rājapatnīce ||21||

kanyā khel̤e rājāṃgaṇī | save sakhayāte ghevoni |
bolatā aikile vipravacanī | caudāve varṣī vidhavatva ||22||

aise aikoni vacana | kanyā karītase ciṃtana |
vartatā ālī eka dina | tayā gharī brahmastrī dekhā ||23||

yājñavalkyāciyā patnī | maitreyī mhaṇoni |
gharī ālī dekhoni | caraṇa dharīta tedhavā ||24||

bhāve sāṣṭāṃga namūni | karasaṃpuṭa joḍoni |
vinavī karuṇāvacanī | māte pratipāl̤ī mhaṇatase ||25||

saubhāgya sthira hoya jeṇe | upāya sāṃge majakāraṇe |
caṃcal̤a ase aṃtaḥkaraṇe | mhaṇūni caraṇī lāgalī ||26||

kanyā vinavī tiyesī | aise vrata sāṃga āmhāṃsī |
āmhā jananī tūci hosī | vrata sāṃga mhaṇatase ||27||

aikoni kanyecyā vacanā | bole maitreyī jāṇā |
śaraṇa righāve umāramaṇā | ahevapaṇa sthira hoya ||28||

somavāra pariyesī | vrata ācarī nemesī |
pūjā karāvī śivāsī | upavāsa karunī avadhārā ||29||

barave susnāta hovoni | pītāṃbara nesoni |
mana sthira karoni | pūjā karāvī gaurīharā ||130||

abhiṣeke pāpakṣaya | pīṭha pūjitā sāmrājya |
gaṃdhākṣatā puṣpamālya | saubhāgyasaukhya pāvije ||31||

saugaṃdha hoya dhūpāne | kāṃti pāvije dīpadāne |
bhoga naivedyārpaṇe | tāṃbūladāne lakṣmī sthira ||32||

caturvidha puruṣārtha | namaskāritā tvarita |
aṣṭaiśvaryai nāṃdata | īśvarajapa keliyā ||33||

home sarva kośa pūrṇa | samṛddhi hotase jāṇa |
karitā brāhmaṇabhojana | sarva devatā tṛpta hotī ||34||

aise somavāra vrata | kanye karī vo niścita |
bhava āliyā durita | pariharatī mahākleśa ||35||

gaurīharapūjā karitā | samasta durite jātī tattvatā |
aikoni sīmaṃtinī tattvatā | aṃgikārile vrata dekhā ||36||

somavārace vrata | ācare sīmaṃtinī tvarita |
pitā dekhoni niścita | vivāhāyogya mhaṇoni ||37||

rājā vicārī mānasī | varhāḍa karāve kanyesī |
jaise prāktana asela tisī | taise ghaḍo mhaṇatase ||38||

vicāroni maṃtriyāṃsī | pāṭhavitā jhālā rāṣṭrāṃsī |
damayaṃtīnal̤avaṃśī | iṃdrasenācā kumāraka ||39||

caṃdrāṃgada vara baravā | jaisā teja caṃdraprabhā |
bolāvile vivāhaśobhā | kanyā didhalī saṃtoṣe ||140||

rāje bhūmāṃḍalika dekhā | samasta āle varhāḍikā |
varhāḍa jhāle atikautukā | mahotsāha nānāparī ||41||

nānā dravyālaṃkāra | varhāḍikā deī nṛpavara |
akhila dāne dekāra | viprālāgī detā jhālā ||42||

pāṭhavaṇī kelī sakal̤ikā | jāmāta ṭhevilā kautukā |
kanyāsneha anekā | mhaṇoni rāhavile rājaputrā ||43||

rājaputra śvaśuragṛhī | striyā prīti atisnehī |
kāl̤a kramitā eke samayī | jalakrīḍesī nighālā ||44||

kāliṃdī mhaṇije nadīsī | rājaputra pariyesī |
sarva dal̤a samāgamesī | gelā nadīsī vinode ||45||

rājaputra nighe nadīta | save nighāle loka bahuta |
vinode ase pohata | atiharṣe jalakrīḍā ||46||

pohatā rājakumāra dekhā | buḍālā madhye gaṃgodakā |
ākāṃta jhālā sakal̤ikā | kāḍhā kāḍhā mhaṇatātī ||47||

save sainya loka sakal̤a | hote nāvekarī prabal̤a |
udakī pāhatātī taye vel̤a | na dise koṭhe buḍālā ||48||

ubhaya taṭī sainyātūna | dhāvata gele rājasadanā |
vyavasthā sāṃgatī saṃpūrṇa | jāmāta tumacā buḍālā ||49||

kāliṃdī nadīcyā ḍohāta | saṃgatīne hote pohata |
adṛśya jhālā tvarita | na dise kumāra buḍālā ||150||

aikoni rājā paḍe dharaṇī | mūrcchanā yeūni tatkṣaṇī |
kanyā aikatāca śravaṇī | tyajū pāhe prāṇāte ||51||

rājā kanyesī saṃbokhita | āpaṇa gelā dhāvata |
rājastriyā śoka karīta | kanyāduḥkhe atibahu ||52||

sīmaṃtinī karī śokā | mhaṇe devā tripurāṃtakā |
śaraṇa righāliyā dekhā | maraṇa kaise na āle maja ||53||

mṛtyu cavadā varṣī jāṇa | mhaṇoni dharile tumace caraṇa |
vṛthā gele vratācaraṇa | somavāra śivāce ||54||

tava deṇe aḍhal̤a sakal̤ā | maja upekṣile jāśvanīl̤ā |
apakīrti tuja keval̤ā | śaraṇāgatā rakṣisī ||55||

smaraṇa karī śrīgurūsī | yājñavalkyapatnīsī |
sāṃgitale vrata āmhāṃsī | saubhāgya sthira mhaṇoniyā ||56||

ticiyā vākye karūni | pūjilī śivabhavānī |
vṛthā jhālī mājhe manī | śīghra vinavī śivāsī ||57||

aise duḥkhe pralāpata | sīmaṃtinī jāya raḍata |
gaṃgāpraveśa karīna mhaṇata | nighālī vege gaṃgesī ||58||

pitā dekhoni nayanī | dharāvayā gelā dhāvonī |
kanyete āliṃgonī | duḥkha karī atyaṃta ||59||

sakal̤a maṃtrī purohita | sarva sainya duḥkha karīta |
bolāvile nāvekarī tvarita | pahā mhaṇatī gaṃgeta ||160||

gaṃgā sakal̤a śodhitī | na dise kumāra kavaṇe gatī |
śoka karītase sīmaṃtī | rājā saṃbokhī tiyesī ||61||

rājakumārāce sevaka | karū lāgale bahu duḥkha |
sāṃgo gele putraśoka | iṃdrasenākāraṇe ||62||

aikoniyā iṃdrasena | duḥkha karī atigahana |
bhāryesahita dhāvūna | ālā tayā mṛtyusthal̤ā ||63||

doghe rāva mil̤ona | śoka karitī dāruṇa |
hā hā kumārā mhaṇona | ūra śira piṭatātī ||64||

hā hā putrā tātā mhaṇata | rājā gaḍabaḍā ase lol̤ata |
maṃtrī rājakul̤a samasta | nagaraloka duḥkha karitī ||65||

koṭhe gelā rājasuta | mhaṇoni sīmaṃtinī raḍata |
khinna jhāle samasta | mātāpitara śvaśurādi ||66||

koṇe sthānī pati gele | mhaṇoni sīmaṃtinī lol̤e |
lalāṭa haste piṭile | pāra nāhī śokāsī ||67||

sīmaṃtinī mhaṇe pitayāsī | prāṇa tyajīna patisarasī |
vācūniyā saṃsārāsī | vaidhavya koṇa bhogīla ||68||

puse sakal̤a dvijāsī | karāve kī sahagamanāsi |
vipra sāṃgatī rāyāsī | pretāvegal̤e karū naye ||69||

preta śodhāve nadīta | dahana karāve kanyesahita |
na dise buḍālā gaṃgeta | kevī sahagamana hoīla ||170||

ātā isī aise karaṇe | preta sāpaḍe tavavarī rākhaṇe |
aikoniyā dvijavacane | rājā kanye vinavītase ||71||

aise vyākul̤a duḥkhe karitī | maṃtrī purohita mhaṇatī |
je asela hoṇāra gatī | brahmādikā cukenā ||72||

hoṇāra jahālī devakaraṇī | kāya karāla duḥkha karonī |
aise maṃtrī saṃbokhunī | rāyāte calā mhaṇatī ||73||

nighāle rāje ubhayatā | maṃdirā pāvale duḥkha karitā |
iṃdrasena ati duḥkhitā | na visare kadhī putraśoka ||74||

rājya-vyāpāra soḍūni | duḥkha karī putraciṃtanī |
gotrajī rājya hirūnī | kapaṭe ghetale tayāceca ||75||

sahabhāryā rāyāsī | ṭhevite jhāle kārāgṛhāsī |
putraśoke bahu tyāsī | rājyabhoga cāḍa nāhī ||76||

citravarmā rāva dekhā | kanyā ṭhevilī mamatvikā |
prāṇa tyajū pāhe nikā | loka niṃditīla mhaṇoni ||77||

rāva mhaṇe kanyesī | putra nāhī āmuce vaṃśī |
kanyā eka tū āmhāṃsī | putrāparī rahāṭāve ||78||

loka niṃditīla āmhāṃsī | vaidhavya āle pariyesī |
varṣa eka kramiliyāsī | puḍhe ācāra karī vo bāl̤e ||79||

pityāce vacana aikonī | karītase bahu ciṃtanī |
mhaṇe devā śūl̤apāṇi | kevī māte gāṃjile ||180||

aise vicārunī mānasī | vrata ācare tatparesī |
somavāra upavāsāsī | īśvarapūjā karītase ||81||

ikaḍe to rājakumāra | buḍālā hotā gaṃgāpūra |
gelā jethe pātāl̤anagara | vāsukī jethe rājya karī ||82||

nāgalokīciyā nārī | ālyā hotyā nadītīrī |
rājakumāra ālā purī | nadītaṭākī vahātase ||83||

dekhoniyā nāgakanyā | kāḍhitī saṃtoṣe karoniyā |
amṛtā śiṃpitī āṇuniyā | sāvadha kelā tayāte ||84||

kanyā mil̤ūni tyāsī | ghevoni jātī takṣakāpāsī |
vicitra nagara pariyesī | rājaputra pahāta ase ||85||

pāhe pātāl̤anagara-racanā | jaisī śobhā iṃdrabhuvanā |
gopure disatī mahāratnā | vidyullateparī ||86||

iṃdranīl̤a vaiḍuryaisī | mānike muktāphal̤āṃsī |
mahāramya purī jaisī | sūryakāṃti miravata ||87||

caṃdrakāṃtisarasī bhūmi | mahādvāre kapāṭa hemī |
aneka ratne nāhī upamī | aiśā maṃdirā praveśalā ||88||

puḍhe dekhilī sabhā thora | samasta baisale sarpākāra |
āścarya karī rājakumāra | asaṃkhya sarpa disatātī ||89||

sabhemadhye atiśobhita | madhye baisalā pannaganātha |
jaiśī sūryakāṃti phākata | ati unnata baisalā ||190||

aneka śata phaṇā disatī | jaiśī vīja lakhalakhatī |
pītāṃbare sajyotī | ratnakuṃḍalamaṃḍita ||91||

anekaratnakhacita dekhā | mukuṭa miravatī sahastra ekā |
sahastraphaṇī mirave takṣakā | aisā sabhe baisalā ase ||92||

rūpayauvana nāgakanyā | nānāparī bharaṇe levoniyā |
aneka sahastra yevoniyā | sevā karitī takṣakācī ||93||

aiśā sabhāsthānī dekha | rāva baisalā takṣaka |
dekhoniyā rājakumāraka | namana karī sāṣṭāṃgī ||94||

takṣaka puse nāgakanyāṃsī | kaicā kumāra āṇilāsī |
sulakṣaṇa disato kaisī | koṭhe hotā mhaṇe tayā ||95||

nāgakanyā mhaṇatī tyāsī | neṇo nāma yāce vaṃśī |
vahāta ālā yamunesī | gheūna ālo tumhāṃjaval̤ī ||96||

takṣaka puse rājakumārāsī | nāma kavaṇa kavaṇe vaṃśī |
kāya kāraṇe ālāsī | kavaṇa deśī vāsa tujhā ||97||

sāṃge rājakumāra dekha | āmhī bhūmaṃḍal̤anāyakā |
naiṣadha rājapati aikā | nal̤anāme puṇyaśloka ||98||

tyācā putra iṃdrasena | janma āmucā tyāpāsūna |
caṃdrāṃgada nāme āpaṇa | gelo hoto śvaśurāgṛhā ||99||

jalakrīḍā karāvayāsī | gelo hoto yamunesī |
vidhivaśe āmhāṃsī | buḍālo nadī avadhārā ||200||

vahāta ālo nadīta | nāgakanyā maja dekhata |
ghevoni ālyā tumhāṃprata | pūrvabhāgye karūni ||1||

pūrvārjita puṇyavaṃśī | bheṭī jhālī caraṇāṃsī |
dhanya mājhe jīvitvāsī | kṛtārtha jhālo mhaṇatase ||2||

karuṇāvacana aikoni | takṣaka bole saṃtoṣoni |
nako bhiū mhaṇoni | dhairya tayā didhale ||3||

śeṣa mhaṇe re bāl̤ā | tū āhesī mana nirmal̤ā |
tumace gharī sarvakāl̤ā | daivata koṇa pūjitasā ||4||

aise aikoni rājakumāra | harṣe jahālā nirbhara |
sāṃgatase vistāra | āpulā deva śaṃkara ||5||

sakal̤a devāṃcā deva | nāma jyāce sadāśiva |
vāmāṃgī umā apūrva | tyālāgī pūjū niraṃtara ||6||

jyāpāsoni janita brahmā | sṛṣṭi sṛjito anupamā |
to sadāśiva āmhā | nija daivata nirdhāre ||7||

tayācyā sattvaguṇesī | viṣṇu upajalā pariyesī |
pratipāl̤aka lokāṃsī | to sadāśiva ārādhito ||8||

jyācyā tāmasaguṇe jāṇa | ekādaśa rudragaṇa |
upajale asatī yākāraṇa | pralayakartā yā nāva ||9||

dhātā vidhātā āpaṇa | utpattisthitilayākāraṇa |
tejāsī teja ase jāṇa | taisā īśvara pūjitaso ||210||

pṛthvī āpa tejāsī | jo pūrṇa vāyu ākāśī |
taisā pūjitaso śivāsī | mhaṇe rājakumāra dekhā ||11||

sarvāṃ bhūtī ase saṃpūrṇa | cinmaya āpaṇa niraṃjana |
jo rūpe ase aciṃtana | to īśvara pūjitaso ||12||

jyācī kathā veda jahāle | takṣaka śeṣa jyācī kuṃḍale |
trinetrī ase caṃdra mol̤e | taisā śaṃkara pūjitaso ||13||

aise aikoni vacana | takṣaka saṃtoṣalā atigahana |
rājakumārā āliṃgona | tuṣṭalo tuṣṭalo mhaṇatase ||14||

takṣaka bole taye vel̤ī | tuja deīna rājya sakal̤ī |
tuvā rahāve pātāl̤ī | ānaṃde bhāgya bhogīta ||15||

mājhyā lokī je je ratna | te te deīna tujakāraṇa |
pāvoniyā samādhāna | sukhe yethe rahāve ||16||

pātāl̤a lokīcī racanā | pahāvī tuvā anupamā |
kalpavṛkṣa manoramā | āheta mājhyā nagarāta ||17||

amṛta na dekhatī svapnī koṇī | te bharale ase jaise pāṇī |
tal̤ī bāvī pokharaṇī | amṛtācyā mājhyā gharāta ||18||

nāhī maraṇa tava yethe | rogapīḍādi samaste |
neṇatī koṇī svapnāvasthe | aise nagara mājhe ase ||19||

sukhe rahāve yethe svastha | takṣaka kumāraka sāṃgata |
rājaputra ase vinavīta | karuṇāvacane ||220||

rājaputra vinavī takṣakāsī | mī ekalācī pitayāce kuśī |
bhāryā caturdaśa varṣī | śivapūjanī rata sadā ||21||

nūtana jhāle mājhe pāṇigrahaṇa | guṃtale tethe aṃtaḥkaraṇa |
pāhīna mātāpitācaraṇa | teṇe sarvasva pāvalo ||22||

āpaṇa buḍālo nadīta | pitā mātā duḥkha karīta |
patnī jīva tyāgīla satya | hatyā paḍe mastakī ||23||

dekhile tava caraṇa āpaṇa | teṇe jhālo dhanya dhanya |
rakṣilā āpaṇa mājhā prāṇa | darśana karā mātāpitā ||24||

takṣaka jhālā saṃtoṣita | nānā ratne tyāsī deta |
amṛta pājile bahuta | āṇka didhale striyesī ||25||

kalpavṛkṣaphal̤e detī | apūrva vastu ābharaṇe tyāsī |
je apūrva ase kṣitī | amolya vastu detā jahālā ||26||

ituke devoni kumārakāsī | takṣaka bole pariyesī |
je je kāl̤ī āmhā smarasī | tava kārya siddhi pāvela ||27||

āṇika saṃtoṣoni cittī | vastre vāhane māgutī |
turaṃga didhale manogatī | save de kumāra āpulā ||28||

caṃdrāṃgadakumārāsī | itake didhale ānaṃdesī |
niropa didhalā pariyesī | vāhana turaṃga manohara ||29||

takṣakā namūni tvarita | vārūvarī ārūḍha rājasuta |
manovege mārga kramita | nāgakumāra save jāṇā ||230||

jiye sthānī buḍālā hotā | tethe pāvalā kṣaṇa na lāgatā |
nighālā bāhera vārūsahitā | nadītaṭākī ubhā ase ||31||

somavāra tyā divaśī | sīmaṃtinī ālī snānāsī |
save hotyā sakhī sevesī | nadītīrī ubhī ase ||32||

sīmaṃtinī mhaṇe sakhiyāsī | āścarya vāṭe mānasī |
udakātunī nighālā pariyesī | save ase nāgaputra ||33||

rākṣasa hoī kī veṣadharū | rūpa dharile ase narū |
disatase manoharū | turaṃgārūḍha jāhalā ase ||34||

kaise pahā ho rūpa yāsī | jevī sūrya prakāśī |
divyamālāṃbare kaisī | sugaṃdha ase parimal̤ā ||35||

daśa yojaneparyaṃta | suvāsa yetase amita |
pūrvī dekhilā ase rūpavaṃta | bhāse tyāsī pāhilā ||36||

sthira sthira bhayabhītā | tyāciyā pahātī svarūpatā |
āpulā patīsādṛśya mhaṇatā | rūpa āṭhavī taye vel̤ī ||37||

rājaputra pāhe tiyesī | mhaṇe svarūpe mājhī strī aisī |
gal̤asarī na dise kaṃṭhāsī | hāra nase muktāphal̤a ||38||

avalokitase aṃgakhūṇa | na dise hal̤adī karī kaṃkaṇa |
cittī vyākul̤a rūpahīna | sadṛśa dise prāṇeśvarī ||39||

manī vicarī māgutā | rūpa tice āṭhavitā |
turaṃgāvarūni utaratā | nadītīrī baisalā ase ||240||

bolāvoni tiyesī | pusatase ati premesī |
tujhā janma kavaṇe vaṃśī | puruṣa tujhā koṇa sāṃge ||41||

kā komāilīsa bāl̤apaṇī | disasī śoke mlāna lakṣaṇī |
sāṃgāve maja vistāroni | ati snehe pusatase ||42||

aikoni sīmaṃtinī dekhā | āpaṇa na bole lajje aikā |
sakhiyāṃsī mhaṇe bālikā | vṛttānta sāṃgā samasta ||43||

sakhiyā sāṃgatī tayāsī | he sīmaṃtinī nāma pariyesī |
caṃdrāṃgadācī mahiṣī | citravarmyācī he kanyā ||44||

icā pati atisuṃdara | caṃdrāṃgada nāme thora |
jal̤akrīḍā karitā phāra | yethe buḍālā nadīta ||45||

teṇe śoka karitā isī | vaidhavya āle pariyesī |
duḥkha karīta tīna varṣī | lāvaṇya ice harapale ||46||

somavāravrata karīta | upavāsa pūjādi ācarata |
āja snānānimitta | ālī ase nadīsī ||47||

icyā śvaśurācī sthiti dekhā | putraśoke vikal̤a aikā |
rājya ghetale dāyādikā | kārāgṛhī ghātale ||48||

yā kāraṇe sīmaṃtinī | nitya pūjī śūlapāṇi |
somavāra upoṣaṇī | mhaṇoni karitī pariyesā ||49||

itake sakhyā sāṃgatī | maga bole āpaṇa sīmaṃtī |
kimartha pusatā āmhāṃpratī | āpaṇa koṇa kaṃdarparūpī ||250||

gaṃdharva kiṃvā tumhī deva | kinnara athavā siddha gaṃdharva |
nararūpa disatā mānava | āmute pusatā kavaṇa kāryā ||51||

snehbhāve karonī | pusatā tumhī ati gahanī |
pūrvī dekhile hote nayanī | na kal̤e khūṇa mhaṇatase ||52||

āptabhāva mājhyā manī | svajana tase disatā nayanī |
nāma sāṃgā mhaṇoni | āṭhavī rūpa patīce ||53||

āṭhavoni patīce rūpa | karū lāgalī ati pralāpa |
dharaṇī paḍalī ruditabāṣpa | mahāduḥkha karītase ||54||

tiyece duḥkha dekhoni nayanī | kumāra vilokī taṭasthapaṇī |
muhūrta eka sāvaroni | āpaṇa duḥkha karītase ||55||

duḥkha karoniyā dekhā | prakṣāl̤ile āpulyā mukhā |
ugī rāhe mhaṇe aikā | āmuce nāma siddha mhaṇe ||56||

sīmaṃtinī karitā śoka apāra | javal̤ī ālā rājakumāra |
hātī dharalī satvara | saṃbokhītase premabhāve ||57||

ekāṃtī sāṃge tiyesī | mhaṇe tujhyā bhratārāsī |
dekhile āmhī dṛṣṭīsī | sukhī ātā asāve ||58||

tava vratapuṇye karonī | pati śīghra pahāsī nayanī |
ciṃtā karūna nako mhaṇonī | tṛtīya dinī bheṭela ||59||

tava pati mājhā sakhā | prāṇa toci aikā |
saṃdeha na karī vo bālikā | āṇa śivacaraṇācī ||260||

aise ekāṃtī sāṃgūna | pragaṭa na karī mhaṇūna |
duḥkha āṭhavale aikūna | sīmaṃtinī bāl̤ikesī ||61||

suṭalyā dhārā locanī | preme raḍe sphuṃdonī |
vicāra karī sīmaṃtinī | hāci hoya mama pati ||62||

patīsārikhe mukhakamal̤a | nayana suṃdara ati komal̤a |
dhvani bolatā jyācī maṃjul̤a | ati gaṃbhīra bolatase ||63||

mṛdu vāṇī patīsarasī | taisācī bole to harṣī |
dharitā mājhiyā karāsī | ati mṛdu lāgale ||64||

mājhe patīce lakṣaṇa | mī jāṇe sarva khūṇa |
hāci hoya mājhā prāṇa | samasta cinhe asatī ||65||

yāsa dekhoni nayanī | dhārā suṭalyā preme jīvanī |
navalaparī vicārūnī | māgutī anumāna karīta ||66||

daivahīna ase āpaṇa | kaisā pati yeīla mhaṇona |
buḍālā nadīta jāūna | māgutī kaisī bhrāṃti mhaṇe ||67||

melā pati māgutī yetā | aiśī na aikilī kānī kathā |
svapna dekhile kī bhrāṃtā | kāya kal̤ate mājhe manā ||68||

dhūrta hoya kī veṣadhārā | rākṣasa yakṣa kiṃvā kinnarī |
kapaṭe pragaṭalā nadītīrī | mhaṇoni kalpanā karītase ||69||

kiṃvā pāvalā śivavrate | kī dhāḍilā girijānāthe |
saṃkaṭa jāṇoni āmucyā yethe | maitreyīkāraṇe dhāḍilā ||270||

jyāsa prasanna śaṃkara | tyāsa kaicā duḥkhavikāra |
ciṃtile pāhije nirdhāre | aise ciṃtī sīmaṃtinī ||71||

aise hotā rājakumāra | ārūḍhalā vārūvara |
niropa māge prītikara | sīmaṃtinī nārīsī ||72||

nighālā aśva manovege | pātalā nagarā atiśīghre |
vāsukīputra hotā saṃge | tayā pāṭhavī nagarāṃta ||73||

tvā jāvoni vairiyāṃsī | iṣṭatī sāṃgā vādīyāsī |
na aikatā tava bolāsī | saṃhārīna bolāve ||74||

aise vacana aikoni | tvarita pāvalā rājabhuvanī |
ubhā rāhoni kaṭhora vacanī | bolatase nagarādhipatīsī ||75||

calā śīghra kuṭuṃbesī | caṃdrāṃgadāce bheṭīsī |
takṣakāce darśanāsī | gelā hotā pātāl̤ī ||76||

kāliṃdīye nadīta | buḍālā he aikoniyā māta |
tumhī kelā svāmīghāta | rājya ghetale iṃdrasenāce ||77||

ātā sāṃgena tumhāṃsī | cāḍa ase jarī prāṇāsī |
śaraṇa jāve tayāsī | iṃdrasenā sthāponī ||78||

takṣakāsārakhā maitra joḍalā | didhale navanāgasahastrabal̤ā |
śīghra lāgā caraṇakamal̤ā | caṃdrāṃgadāce jāūnī ||79||

na aikāla mājhyā vacanā | tarī ātāci gheto prāṇā |
takṣake pāṭhavile āpaṇā | pāripatyākāraṇe ho ||280||

aise vacana aikonī | śatru bhayābhīta manī |
hīna buddhi kelī jāṇonī | ātā śaraṇa righāve ||81||

jarī karū balātkāra | takṣaka karīla saṃhāra |
lokāta hoī niṃdā phāra | prāṇa jāīla āpulā ||82||

aise vicārūni mānasī | bāhera āṇitī iṃdrasenāsī |
nānā vastre ābharaṇesī | siṃhāsanī baisavilā ||83||

sakal̤a vinavitī tyāsī | aparādha ghaḍalā āmhāṃsī |
prāṇa rākhā vegesī | mhaṇoni caraṇī lāgale ||84||

rāyā iṃdrasenāsī | takṣakaputra sāṃge tyāsī |
tumacā putra ālā pariyesī | vāsukī bheṭī gelā hotā ||85||

aikoni rāva saṃtoṣī tyāsī | āṭhavoni adhika duḥkhāsī |
mūrchā yevoni dharaṇīsī | patnīsahita paḍiyelā ||85||

nāgakumare uṭhavile tyāsī | duḥkha kāsayā karāve harṣī |
yeīla putra bheṭīsī | tvare karoni ātāṃcī ||86||

maga rāva atiharṣī | bolāvita maṃtriyāṃsī |
nagara śrṛṃgārāvayāsī | niropa didhalā taye vel̤ī ||87||

aisā niropa deūna | bheṭī nighālā āpaṇa |
sakal̤a dāyāda svajana | rāṇīvasā ādikarūni ||89||

maṃtrīpurohitāsahita | nighāle loka samasta |
kautuka pāho mhaṇata | melā putra kaisā ālā ||290||

ānaṃda jhālā sakal̤ikā | rāva māni mahāharikhā |
pāhīna mhaṇe putramukhā | ati āvaḍīne avadhārā ||91||

save vājaṃtryāṃce gajara | nagaralokā saṃtoṣa thora |
karitātī jayajayakāra ati ulhāsa karitātī ||92||

aise jāūni putrāsī | bheṭī jhālī rāyāsī |
caṃdrāṃgada pitayāsī | namaskārī sāṣṭāṃge ||93||

ati preme putrāsī | āliṃgī rāva tvaresī |
sadgadita kaṃṭhesī | netrī suṭalyā aśrudhārā ||94||

putrāsī mhaṇe iṃdrasena | ālāsī bāl̤ā mājhā prāṇa |
śramalo hoto tujaviṇa | mhaṇoni sāṃge duḥkha āpule ||95||

mātete āliṃgona | duḥkha karī tī atigahana |
vinavīta tiye saṃbokhona | majanimitta kaṣṭalisī ||96||

putra navhe mī tumacā śatru | jāūni āpule sukhārthu |
tumhā dukhavile kī bahutu | nedīca sukha tumhāte ||97||

āpaṇa jāvoni pātāl̤ī | rāhilo sukhe śeṣājaval̤ī |
tumhī kaṣṭalīta bahutakāl̤ī | majanimitta ahorātra ||98||

kāṣṭhāsarī aṃtaḥkaraṇa | mājhe ase kī satya jāṇa |
mātājīva jaise meṇa | putrānimitta kaṣṭa bahuta ||99||

mātāpitayāṃce duḥkha | jo neṇe toci śatamūrkha |
uttīrṇa vhāvayā aśakya | stanapāna eka ghaḍīce ||300||

mātevīṇa deva dekhā | putrāsi nāhī viśekhā |
kavaṇa uttīrṇa navhe aikā | mātā keval̤a mṛḍānī ||1||

duḥkha deta jananīsī | to jāya yamapurāsī |
putra navhe tyāce vaṃśī | saptajanmī daridrī ||2||

aise mātesi vinavūnī | bheṭatase to bhāūbahiṇī |
iṣṭa soyare akhila janī | pradhānāsamaveta nāgarikā ||3||

itukiyā avasarī | praveśa kelā nagarābhītarī |
samāraṃbha kelā ati thorī | pāvale nijamaṃdirā ||4||

takṣakāce putrāsī | gauravile sanmānesī |
vastre bhūṣaṇe ratnesī | iṃdrasene atiprītī ||5||

caṃdrāṃgada sāṃge pitayāsī | takṣaka upakāra vistāresī |
prāṇa vācavilā āmhāsī | dravya didhale apāra ||6||

suṃdara vastre ābharaṇe | didhalī hotī takṣakāne |
pitā dekhoni saṃtoṣāne | mhaṇe dhanya takṣaka ||7||

niropa didhalā nāgaputrāsī | bol̤avile tayāsī |
bhṛtya pāṭhavile vegesī | citravarmyāce nagarāta ||8||

rāva mhaṇe taye vel̤ī | sūna mājhī daive āgal̤ī |
tice dharmai vācalā bal̤ī | putra mājhā avadhārā ||9||

tiṇe ārādhilā śaṃkara | teṇe kaṃkaṇa cuḍe sthira |
teṇe vācalā mājhā kumara | saubhāgyavatī sūna mājhī ||310||

mhaṇoni pāṭhavile vegesī | lihoniyā vartamānāsī |
citravarmarāyāsī | iṃdrasena rāyāne ||11||

hera nighāle satvarī | citravarmyāciye nagarī |
vyavasthā sāṃgitalī kusarī | caṃdrāṃgadaśubhavārtā ||12||

saṃtoṣe rājā aikoni dekhā | karitā jhālā mahāsukhā |
dāne didhalī apāra aikā | ratne bhūṣaṇe herāṃsī ||13||

iṃdrasena rājā satvara | punarapi karāvayā varhāḍa thora |
caṃdrāṃgada baḍivāra | senā ghevūni nighālā ||14||

mahotsāha jhālā thora | varhāḍa kele dhuraṃdhara |
caṃdrāṃgada prītikara | sīmaṃtinīsī bheṭalā ||15||

pātāl̤īṃcī amolya vastu | prāṇeśvarīsī arpita |
pājitā jhālā amṛta | mahānaṃda pravartalā ||16||

kalpavṛkṣaphal̤a dekhā | devoni toṣavilā nāyakā |
amolya vastrābharaṇī dekhā | daśa yojane teja phāke ||17||

aisā utsāha vivāha kelā | āpule purīsī nighālā |
sīmaṃtinīce vaibhavālā | joḍā nase tribhuvanī ||18||

maga jāvoni nagarāsī | rājyī sthāpilā putrāsī |
dahā sahastra pūrṇa varṣī | rājya kele cadrāṃgade ||19||

sīmaṃtinī karī vratāsī | upavāsa somavārāsī |
pūjile gaurīharāsī | mhaṇoni pāvalī iṣṭārtha ||320||

aise vicitra ase vrata | mhaṇoni sāṃge śrīgurunātha |
aika suvāsinī mhaṇata | ati prītī nirūpile ||21||

aise karī vo ātā vrata | cuḍe kaṃkaṇe akhaṃḍita |
kanyā putra hotī bahuta | āmuce vākya avadhārī ||22||

daṃpatya vinavī śrīgurūsī | tumacī caraṇasevā āmhāṃsī |
puravitī manorathāsī | āmhā vrata kāyase ||23||

āmacā tū prāṇanāyaka | tujavāconi neṇo āṇika |
tava smaraṇamātre ase nika | mhaṇoni caraṇī lāgalī ||24||

śrīguru mhaṇatī tayāsī | āmuce nirope karā aisī |
vrata ācarā somavārāsī | teci sevā āmhā pāve ||25||

niropa gheūni śrīgurūcā | nema dharilā somavārācā |
bheṭīlāgī tayācyā | mātāpitā pāvalī ||26||

aikoniyā kanyāputravārtā | saṃtoṣalī tyācī mātā |
dravya vecile aparimitā | samārādhanā brāhmaṇāṃsī ||27||

pūjā karitī śrīgurūsī | ānaṃda ati mānasī |
samāraṃbha divāniśī | bahuta karitī bhaktīne ||28||

aiśāparī vaṃdonī | śrīgurūcā niropa gheunī |
gelī grāmā paratonī | khyātī jhālī cahū rāṣṭrī ||29||

puḍhe tyā daṃpatīsī | pāca putra śatāyuṣī |
jhāle āśīrvādesī | śrīgurūrāyācyā ||330||

prativarṣī darśanāsī | daṃpatī yetī bhaktīsī |
aise śiṣya pariyesī | śrīgurūce māhātmya ||31||

aise śrīgurucaritra | siddha sāṃge pavitra |
nāmadhāraka atiprītī | aikatase avadhārā ||32||

gaṃgādharācā kumara | sarasvatī vinavī gurukiṃkara |
svāmī mājhā pāraṃpāra | śrīnṛsiṃhasarasvatī ||33||

aisā varadamūrti dekhā | sakal̤a jana tumhī aikā |
prasanna hoīla tātkāl̤ikā | na dharāvā saṃdeha mānasī ||34||

sākhara svādu mhaṇāvayāsī | upamā dyāvī kāyasī |
managaṭīce kaṃkaṇāsī | ārasā kāsayā pāhije ||35||

pratyakṣa pāhatā dṛṣṭāntesī | pramāṇa kāsayā pariyesī |
khyātī ase bhūmaṃḍal̤āsī | kīrti śrīguruyatīcī ||36||

aikā ho jana samasta | sāṃgato mī uttama hota |
sevā karitā śrīgurunātha | tvarita hoya manakāmanā ||37||

amṛtācī āravaṭī | ghātalī ase gomaṭī |
pāna karā ho tumhī ghoṭī | dhaṇīvarī sakal̤ika ||38||

śrīgurucaritra kāmadhenu | aikatā hoya patita pāvanu |
nāma jyāce kāmadhenu | to ciṃtile puravita ||39||

iti śrīgurucaritrāmṛta | sīmaṃtinī ākhyāna vikhyāta |
paṃcatriśat adhyāyāta | kathāsāra sāṃgitalī ||340||

iti śrīgurucaritrāmṛte paramakathākalpatarau śrīnṛsiṃhasarasvatyupākhyāne
siddhanāmadhārakasaṃvāde sīmaṃtinyākhyānaṃ nāma paṃcatriṃśo'dhyāyaḥ |
|| śrīgurudeva datta ||

||śrīgurudattātreyārpaṇamastu||

śrī gurucaritra adhyāya 35

Explore More

More Dattatreya Stotras

Explore More