ശ്രീകൃഷ്ണ ഉവാച।
ഏവമേവ പ്രിയോഽഹം തേ പ്രമോദശ്ചൈവ തേ മയി । സുവ്യക്തമദ്യ കാപട്യവചനം തേ വരാനനേ ॥ ൧॥
ഹേ കൃഷ്ണ ത്വം മമ പ്രാണാ ജീവാത്മേതി ച സംതതമ് । ബ്രൂഷേ നിത്യം തു യത് പ്രേമ്ണാ സാമ്പ്രതം തദ് ഗതം ദ്രുതമ് ॥ ൨॥
അസ്മാകം വചനം സത്യം യദ് വ്രവീമിതീ തദ് ധ്രുവമ് । പഞ്ചപ്രാണാധിദേവീ ത്വം രാധാ പ്രാണധികേതി മേ ॥ ൩॥
ശക്തോ ന രക്ഷിതും ത്വാം ച യാന്തി പ്രാണസ്ത്വയാ വിനാ । വിനാധിഷ്ഠാതൃദേവീം ച കോ വാ കുത്ര ച ജീവതി ॥ ൪॥
മഹാവിഷ്ണോശ്ച മാതാ ത്വം മൂലപ്രകൃതിരീശ്വരീ । സഗുണാ ത്വം ച കലയാ നിര്ഗുണാ സ്വയമേവ തു ॥ ൫॥
ജ്യോതീരൂപാ നിരാകാരാ ഭക്താനുഗ്രഹവിഗ്രഹാ । ഭക്താനാം രുചിവൈചിത്ര്യന്നാനാമൂര്തീശ്ച ബിഭ്രമതീ ॥ ൬॥
മഹാലക്ഷ്മിശ്ച വൈകുണ്ഠേ ഭാരതീ ച സതാം പ്രസൂഃ । പുണ്യക്ഷേത്രേ ഭാരതേ ച സതീ ത്വം പാര്വതീ തഥാ ॥ ൭॥
തുലസീ പുണ്യരൂപാ ച ഗങ്ഗാ ഭുവനപാവനീ । ബ്രഹ്മലോകേ ച സാവിത്രീ കലയാ ത്വം വസുന്ധരാ ॥ ൮॥
ഗോലോകേ രാധികാ ത്വം ച സര്വഗോപാലകേശ്വരീ । ത്വയാ വിനാഹം നിര്ജീവോ ഹ്യശക്തഃ സര്വകര്മസു ॥ ൯॥
ശിവഃ ശക്തസ്ത്വയാ ശക്ത്യാ ശവാകാരസ്ത്വയാ വിനാ । വേദകര്താ സ്വയം ബ്രഹ്മാ വേദമാത്രാ ത്വയാ സഹ ॥ ൧൦॥
നാരായണസ്ത്വയാ ലക്ഷ്മ്യാ ജഗത്പാതാ ജഗത്പതിഃ । ഫലം ദദാതി യജ്ഞശ്ച ത്വയാ ദക്ഷിണയാ സഹ ॥ ൧൧॥
ബിഭര്തി സൃഷ്ടിം ശേഷശ്ച ത്വാം കൃത്വാ മസ്തകേ ഭുവമ് । ബിഭര്തി ഗങ്ഗാരൂപാം ത്വാം മൂര്ഘ്നി ഗങ്ഗാധരഃ ശിവഃ ॥ ൧൨॥
ശക്തിമച്ച ജഗത് സര്വം ശവരൂപം ത്വയാ വിനാ । വക്താ സര്വസ്ത്വയാ വാണ്യാ സൂതോ മൂകസ്ത്വയാ വിനാ ॥ ൧൩॥
യഥാ മൃദാ ഘടം കര്തും കുലാലഃ ശക്തിമാന് സദാ । സൃഷ്ടിം സ്രഷ്ടും തഥാഹം ച പ്രകൃത്യാ ച ത്വയാ സഹ ॥ ൧൪॥
ത്വയാ വിനാ ജഡശ്ചാഹം സര്വത്ര ച ന ശക്തിമാന് । സര്വശക്തിഖരൂപാ ത്വം സമാഗച്ഛ മമാന്തികമ് ॥ ൧൫॥
വഹ്നൌ ത്വം ദാഹികാ ശക്തിര്നാഗ്നിഃ ശക്തസ്ത്വയാ വിനാ । ശോഭാസ്വരൂപാ ചന്ദ്രേ ത്വം ത്വാം വിനാ ന സ സുന്ദരഃ ॥ ൧൬॥
പ്രഭാരൂപാ ഹി സൂര്യേ ത്വം വിനാ ന സ ഭാനുമാന് । ന കാമഃ കാമിനീബന്ഘുസ്ത്വയാ രത്യാ വിനാ പ്രിയേ ॥ ൧൭॥
ഇത്യേവം സ്തവനം കൃത്വാ താം സമ്പ്രാഷ ജഗത്പ്രഭുഃ । ദേവാ ബഭൂവുഃ സഥീകാഃ സഭാര്യാഃ ശക്തിസംയുതാഃ ॥ ൧൮॥
സസ്ത്രീകം ച ജഗത് സര്വം ബഭൂവ് ശൈലകന്യകേ । ഗോപീപൂര്ണശ്ച ഗോലോകോ ബഭൂവ തത്പ്രസാദതഃ ॥ ൧൯॥
രാജാ ച ജഗാമ് ഗോലോകമിതി സ്തുത്വാ ഹരിപ്രിയാമ് । ശ്രീകൃഷ്ണേന കൃതം സ്തോത്രം രാധായാ യഃ പഠേന്നരഃ ॥ ൨൦॥
കൃഷ്ണഭക്തിം ച തദ്ദാസ്യം സ പ്രാപ്നോതി ന സംസയഃ । സ്ത്രീവിച്ഛേദേയഃ ശൃണോതി മാസമേകമിദം ശുചിഃ ॥ ൨൧॥
അചിരാല്ലഭതേ ഭാര്യാം സുശീലാം സുന്ദരീം സതീം । ഭാര്യാഹീനോ ഭാഗ്യഹീനോ വര്ഷമേകം ശൃണോതി യഃ ॥ ൨൨॥
അചിരാല്ലഭതേ ഭാര്യാം സുശീലാം സുന്ദരീം സതീം । പുര മയാ ച ത്വം പ്രാപ്താ സ്തോത്രേണാനേന പാര്വതി ॥ ൨൩॥
മൃതായാം ദക്ഷകന്യായാമാജ്ഞയാ പരമാത്മനഃ । സ്തോത്രേണാനേന സമ്പ്രാപ്താ സാവിത്രീ ബ്രഹ്മണാ പുരാ ॥ ൨൪॥
പുരാ ദുര്വാസസഃ ശാപാന്നിഃശ്രീകേ ദേവതാഗണേ । സ്തോത്രേണാനേന ദേവൈസ്തൈഃ സമ്പ്രാപ്താ ശ്രീഃ സുദുര്ലഭാ ॥ ൨൫॥
ശൃണോതി വര്ഷമേകം ച പുത്രാര്ഥി ലഭതേ സുതമ് । മഹാവ്യാധീ രോഗമുക്തോ ഭവേത് സ്തോത്രപ്രസാദതഃ ॥ ൨൬॥
കാര്തികീപൂര്ണമായാം തു താം സമ്പൂജ്യ പഠേത്തു യഃ । അചലാം ശ്രിയമാപ്നോതി രാജസൂയഫലം ലഭേത് ॥ ൨൭॥
നാരീ ശൃണോതി ചേത് സ്തോത്രം സ്വാമിസൌഭാഗ്യസംയുതാ । ഭക്ത്യാ ശൃണോതി യഃ സ്തോത്രം ബന്ധനാന്മുച്യതേ ധ്രുവമ് ॥ ൨൮॥
നിത്യം പഠതി യോ ഭക്ത്യാ രാധാം സമ്പൂജ്യ ഭക്തിതഃ । സ പ്രയാതി ച ഗോലോകം നിര്മുക്തോ ഭവബനാത് ॥ ൨൯॥
ഇതി ശ്രീബ്രഹ്മവൈവര്തേ ശ്രികൃഷ്ണകൃഷ്ണകൃതം ശ്രീരാധാസ്തോത്രം സമ്പൂര്ണമ് ।