śrīpañcamukhivīrahanūmatkavacam (sudarśanasaṃhitā)

|| śrīpañcamukhivīrahanūmatkavacam ||

(sudarśanasaṃhitātaḥ | )

|| viniyogaḥ ||

asya śrīpañcamukhivīrahanūmatkavacastotramahāmantrasya
brahmā ṛṣiḥ | gāyatrī chandaḥ |
pañcamukhyantargataḥ śrīrāmarūpī paramātmā devatā |
rāṃ bījam | maṃ śaktiḥ | candra iti kīlakam |
pañcamukhyantargata śrīrāmarūpiparamātmaprasādasiddhyarthe
mama sarvābhīṣṭasiddhyarthe jape viniyogaḥ |

|| karanyāsaḥ ||

rāṃ aṅguṣṭhābhyāṃ namaḥ |
rīṃ tarjanībhyāṃ namaḥ |
rūṃ madhyamābhyāṃ namaḥ |
raiṃ anāmikābhyāṃ namaḥ |
rauṃ kaniṣṭhikābhyāṃ namaḥ |
raḥ karatalakarapṛṣṭhābhyāṃ namaḥ |

|| aṅganyāsaḥ ||

rāṃ hṛdayāya namaḥ |
rīṃ śirase svāhā |
rūṃ śikhāyai vaṣaṭ |
raiṃ kavacāya hum |
rauṃ netrābhyāṃ vauṣaṭ |
raḥ astrāya phaṭ | bhūrbhuvassuvarom ||
(iti digbandhaḥ)

|| atha dhyānam ||

vande vānaranārasiṃhakhagarāṭkroḍāśvavaktrānvitaṃ
divyālaṅkaraṇaṃ tripañcanayanaṃ dedīpyamānaṃ rucā |
hastābjairasikheṭapustakasudhākumbhāṅkuśādīn halān
khaṭvāṅgaṃ phaṇibhūruhaṃ daśabhujaṃ sarvāridarpāpaham ||

|| īśvara uvāca||

atha dhyānaṃ pravakṣyāmi śṛṇu sarvāṅgasundari |
yatkṛtaṃ devadeveśi dhyānaṃ hanumataḥ param || 1||

pañcavaktraṃ mahābhīmaṃ tripañcanayanairyutam |
bāhubhirdaśabhiryuktaṃ sarvakāmārthasiddhidam || 2||

pūrvaṃ tu vānaraṃ vaktraṃ koṭisūryasamaprabham |
daṃṣṭrākarālavadanaṃ bhrukuṭīkuṭilekṣaṇam || 3||

anyattu dakṣiṇaṃ vaktraṃ nārasiṃhaṃ mahādbhutam |
atyugratejojvalitaṃ bhīṣaṇaṃ bhayanāśanam || 4||

paścimaṃ gāruḍaṃ vaktraṃ vajrakuṇḍaṃ mahābalam |
sarvanāgapraśamanaṃ viṣabhūtādikṛntanam || 5||

uttaraṃ saukaraṃ vaktraṃ kṛṣṇaṃ dīptaṃ mahojjvalam |
pātālasiddhivetālajvararogādikṛntanam || 6||

ūrdhvaṃ hayānanaṃ ghoraṃ dānavāntakaraṃ param |
etatpañcamukhaṃ tasya dhyāyatāmabhayaṅkaram ||
khaḍgaṃ triśūlaṃ khaṭvāṅgaṃ pāśāṅkuśasuparvatam |
muṣṭidrumagadābhindipālajñānena saṃyutam || 8||

etānyāyudhajālāni dhārayantaṃ yajāmahe |
pretāsanopaviṣṭaṃ tu sarvābharaṇabhūṣitam || 9||

divyamālāmbaradharaṃ divyagandhānulepanam |
sarvāścaryamayaṃ devamanantaṃ viśvatomukham || 10||

pañcāsyamacyutamanekavicitravīryaṃ
śrīśaṅkhacakraramaṇīyabhujāgradeśam |
pītāmbaraṃ makuṭakuṇḍalanūpurāṅgaṃ
udyotitaṃ kapivaraṃ hṛdi bhāvayāmi || 11||

markaṭeśa mahotsāha sarvaśokavināśaka |
śatrūn saṃhara māṃ rakṣa śriyaṃ dāpaya me prabho || 12||

harimarkaṭamarkaṭamantramimaṃ parilikhyati likhyati bhūmitale |
yadi naśyati naśyati śatrukulaṃ yadi muñcati muñcati vāmakaraḥ || 13||

iti dhyānam
|| śrīpañcamukhahanumatkavacastotramahāmantrapaṭhanaṃ kariṣye ||

oṃ harimarkaṭamahāmarkaṭāya oṃ vaṃ vaṃ vaṃ vaṃ vaṃ vaṃ phaṭ phe phe svāhā |
oṃ harimarkaṭamahāmarkaṭāya oṃ ghaṃ ghaṃ ghaṃ ghaṃ ghaṃ ghaṃ phaṭ phe phe svāhā |
oṃ harimarkaṭamahāmarkaṭāya oṃ kheṃ kheṃ kheṃ kheṃ kheṃ kheṃ phaṭ phe phe
māraṇāya svāhā |
oṃ harimarkaṭamarkaṭāya oṃ ṭhaṃ ṭhaṃ ṭhaṃ ṭhaṃ ṭhaṃ ṭhaṃ phaṭ phe phe
stambhanāya svāhā |
oṃ harimarkaṭamarkaṭāya oṃ oṃ oṃ oṃ oṃ oṃ phaṭ phe phe ākarṣaṇasatvakāya svāhā |

oṃ harimarkaṭamarkaṭamantramidaṃ
parilikhyati likhyati bhūmitale |
yadi naśyati naśyati vāmakare
parimuñcati muñcati śṛṅkhalikā |
oṃ namo bhagavate pañcavadanāya pūrve kapimukhāya śrīvīrahanūmate
oṃ ṭaṃ ṭaṃ ṭaṃ ṭaṃ ṭaṃ ṭaṃ
sakalaśatrusaṃhārāya huṃ phaṭ phe phe phe phe phe phe svāhā |
oṃ namo bhagavate śrīpañcavadanāya dakṣiṇe
karālavadana śrīnṛsiṃhamukhāya
śrīvīrahanūmate oṃ haṃ haṃ haṃ haṃ haṃ haṃ sakala bhūtapretadamanāya
mahābalāya huṃ phaṭ phe phe phe phe phe phe svāhā |
oṃ namo bhagavate pañcavadanāya paścime garuḍamukhāya
śrīvīrahanūmate oṃ maṃ maṃ maṃ maṃ maṃ maṃ mahārudrāya
sakalarogaviṣaparihārāya
huṃ phaṭ phe phe phe phe phe phe svāhā |
oṃ namo bhagavate pañcavadanāya uttare ādivarāhamukhāya śrīvīrahanūmate
oṃ laṃ laṃ laṃ laṃ laṃ laṃ lakṣmaṇaprāṇadātre laṅkāpurīdāhanāya
sakalasampatkarāya putrapautrādyabhivṛddhikarāya oṃ namaḥ svāhā |
oṃ namo bhagavate pañcavadanāya ūrdhvamukhasthitahayagrīvamukhāya
śrīvīrahanūmate oṃ ruṃ ruṃ ruṃ ruṃ ruṃ ruṃ rudramūrtaye sakalalokavaśīkarāya
vedavidyāsvarūpiṇe | oṃ namaḥ svāhā |

oṃ kaṃ khaṃ gaṃ ghaṃ ṅaṃ caṃ chaṃ jaṃ jhaṃ ñaṃ ṭaṃ ṭhaṃ ḍaṃ ḍhaṃ ṇaṃ
taṃ thaṃ daṃ dhaṃ naṃ paṃ phaṃ baṃ bhaṃ maṃ yaṃ raṃ laṃ vaṃ śaṃ ṣaṃ saṃ haṃ
l̤aṃ kṣaṃ svāhā | iti digbandhaḥ |
oṃ namo bhagavate āñjaneyāya mahābalāya huṃ phaṭ phe phe phe phe phe phe svāhā |
oṃ namo bhagavate śrīvīrahanūmate prabalaparākramāya ākrāntadiṅmaṇḍalāya
śobhitānanāya dhavalīkṛtavajradehāya jagaccintakāya rudrāvatārāya
laṅkāpurīdāhanāya udadhilaṅghanāya setubandhanāya daśakaṇṭhaśiraḥkrāntāya
sītāśvāsanāya anantakoṭibrahmāṇḍanāyakāya mahābalāya vāyuputrāya
añjanādevīgarbhasambhūtāya śrīrāmalakṣmaṇānandakarāya kapisainyapriyakarāya
sugrīvasahāyakāraṇakāryasādhakāya parvatotpāṭanāya kumārabrahmacāriṇe
gambhīraśabdodayāya ||

(śrīrāmacandradūtāya āñjaneyāya vāyuputrāya mahābalāya sītāduḥkha-
nivāraṇāya laṅkādahanakāraṇāya mahābalapracaṇḍāya kolāhalasakala-
brahmāṇḍaviśvarūpāya saptasamudranirālambitāya piṅgalanayanāya
amitavikramāya sūryabimbaphalasevanāya dṛṣṭinirālaṅkṛtāya
aṅgadalakṣmaṇamahākapisainyaprāṇanirvāhakāya daśakaṇṭhavidhvaṃsanāya
rāmeṣṭāya phalgunasakhāya sītāsametarāmacandraprasādakāya svāhā |)

oṃ hrīṃ klīṃ sarvaduṣṭagrahanivāraṇāya sarvarogajvaroccāṭanāya
śākinī-ḍākinīvidhvaṃsanāya oṃ hrīṃ klīṃ huṃ phaṭ phe phe svāhā |
oṃ namo bhagavate śrīvīrahanūmate
sarvabhūtajvaraikāhika-dvyāhika-tryāhika-cāturthika-santataviṣamajvara-
guptajvara-śītajvara-maheśvarajvara-vaiṣṇavajvarādisarvajvarān
chindi chindi bhindi bhindi |
yakṣarākṣasabrahmarākṣasabhūtapretapiśācānuccāṭayoccāṭaya ||

oṃ śrīṃ hrīṃ huṃ phaṭ phe phe svāhā |
oṃ namo bhagavate śrīvīrahanūmate namaḥ |
oṃ hrāṃ hrīṃ hrūṃ hraiṃ hrauṃ hraḥ | āha āha | asai asai ehi ehi
oṃ oṃ hoṃ hoṃ huṃ huṃ phaṭ phe phe svāhā |
oṃ namo bhagavate pavanātmajāya ḍākinī-śākinī-mohinīniḥśeṣa-
nirasanāya sarvaviṣaṃ nirviṣaṃ kuru kāraya kāraya huṃ phaṭ phe phe svāhā |
oṃ namo bhagavate śrīvīrahanumate
siṃhaśarabha-śārdūla-gaṇḍabheruṇḍa-puruṣamṛgāṇāṃ
ośāti nirasanāya |
kramanirasanakramaṇaṃ kuru | sarvarogānnivāraya nivāraya ākrośaya ākrośaya
śatrūnmādabhayaṃ chindi chindi | chādaya chādaya | māraya māraya |
śoṣaya śoṣaya | mohaya mohaya | jvālaya jvālaya | prahāraya prahāraya |
mama sarvarogān chedaya chedaya | oṃ hrīṃ huṃ phaṭ phe phe svāhā |
oṃ namo bhagavate śrīvīrahanumate sarvarogaduṣṭagrahānuccāṭaya uccāṭaya
parabalāni kṣobhaya kṣobhaya |
mama sarvakāryāṇi sādhaya sādhaya | śṛṅkhalābandhanaṃ mokṣaya mokṣaya |
kārāgṛhādibhyo mocaya mocaya | śiraḥśūla-karṇaśūlākṣiśūla-kukṣiśūla-
pārśvaśūlādi mahārogān nivāraya nivāraya | nāgapāśānanta-vāsuki-
takṣaka-karkoṭaka-kālaguliyakapadma-mahāpadma-kumudācalacara-rātricara-
divācarādisarvaviṣaṃ nirviṣaṃ kuru nirviṣaṃ kuru | sarvaroganivāraṇaṃ kuru |
sarvarājasabhāmukhastambhanaṃ kuru | strījanastambhanaṃ kuru stambhanaṃ kuru |
sarvabhayacorabhayāgnibhayapraśamanaṃ kuru praśamanaṃ kuru |
sarvanarayantra-paratantra-paravidyāṃ chedaya chedaya | santrāsaya santrāsaya |
mama sarvavidyāṃ prakaṭaya prakaṭaya | poṣaya poṣaya |
sarvāriṣṭaṃ śamaya śamaya sarvaśatrūn saṃhāraya saṃhāraya |
sarvarogapiśācabādhāṃ nivāraya nivāraya |
oṃ hrāṃ hrīṃ hrūṃ hreṃ phaṭ phe phe svāhā |
oṃ namo bhagavate śrīvīrahanūmate varaprasādakāya sarvābhīṣṭapradāya
sakalasampatkarāya mahārakṣakāya oṃ jaṃ jaṃ jaṃ jaṃ jaṃ jaṃ
jagajjīvanāya huṃ phaṭ phe phe phe svāhā |

|| phalaśrutiḥ ||

ya idaṃ kavacaṃ nityaṃ prapaṭhet prayato naraḥ |
ekavāraṃ paṭhennityaṃ sarvaśatruvināśanam |
dvivāraṃ tu paṭhennityaṃ putrapautrapravardhanam ||
trivāraṃ yaḥ paṭhennityaṃ sarvasampatkaraṃ śubham |
caturvāraṃ paṭhennityaṃ sarvaroganivāraṇam ||
pañcavāraṃ paṭhennityaṃ sarvaśatruvaśīkaram |
ṣaḍvāraṃ tu paṭhennityaṃ sarvadevavaśīkaram ||
saptavāraṃ paṭhennityaṃ sarvasaubhāgyadāyakam |
aṣṭavāraṃ paṭhennityamiṣṭakāmārthasiddhidam ||
navavāraṃ saptakena sarvarājyavaśīkaram |
daśavāraṃ ca prajapet trailokyajñānadarśanam ||
ekādaśaṃ japitvā tu sarvasiddhikaraṃ nṛṇām |
trisaptanavavāraṃ ca rājabhogaṃ ca sambhavet ||
dvisaptadaśavāraṃ tu trailokyajñānadarśanam |
daśaikavāraṃ paṭhanādidaṃ mantraṃ trisaptakam ||
svajanaistu samāyuktastrailokyavijayī bhavet |
kavacasmaraṇādeva mahāphalamavāpnuyāt |

candrābhaṃ caraṇāravindayugalaṃ kaupīnamauñjīdharaṃ
nābhyāṃ vai kaṭisūtrayuktavasanaṃ yajñopavītaṃ śubham |
hastābhyāmavalambitāñjalipuṭaṃ hārāvaliṃ kuṇḍalaṃ
bibhraddīrghaśikhāprasannavadanaṃ vandyāñjaneyaṃ bhaje ||