ಶ್ರೀಪಞ್ಚಮುಖಿವೀರಹನೂಮತ್ಕವಚಮ್ (ಸುದರ್ಶನಸಂಹಿತಾ)

॥ ಶ್ರೀಪಞ್ಚಮುಖಿವೀರಹನೂಮತ್ಕವಚಮ್ ॥

(ಸುದರ್ಶನಸಂಹಿತಾತಃ । )

॥ ವಿನಿಯೋಗಃ ॥

ಅಸ್ಯ ಶ್ರೀಪಞ್ಚಮುಖಿವೀರಹನೂಮತ್ಕವಚಸ್ತೋತ್ರಮಹಾಮನ್ತ್ರಸ್ಯ
ಬ್ರಹ್ಮಾ ಋಷಿಃ । ಗಾಯತ್ರೀ ಛನ್ದಃ ।
ಪಞ್ಚಮುಖ್ಯನ್ತರ್ಗತಃ ಶ್ರೀರಾಮರೂಪೀ ಪರಮಾತ್ಮಾ ದೇವತಾ ।
ರಾಂ ಬೀಜಮ್ । ಮಂ ಶಕ್ತಿಃ । ಚನ್ದ್ರ ಇತಿ ಕೀಲಕಮ್ ।
ಪಞ್ಚಮುಖ್ಯನ್ತರ್ಗತ ಶ್ರೀರಾಮರೂಪಿಪರಮಾತ್ಮಪ್ರಸಾದಸಿದ್ಧ್ಯರ್ಥೇ
ಮಮ ಸರ್ವಾಭೀಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

॥ ಕರನ್ಯಾಸಃ ॥

ರಾಂ ಅಙ್ಗುಷ್ಠಾಭ್ಯಾಂ ನಮಃ ।
ರೀಂ ತರ್ಜನೀಭ್ಯಾಂ ನಮಃ ।
ರೂಂ ಮಧ್ಯಮಾಭ್ಯಾಂ ನಮಃ ।
ರೈಂ ಅನಾಮಿಕಾಭ್ಯಾಂ ನಮಃ ।
ರೌಂ ಕನಿಷ್ಠಿಕಾಭ್ಯಾಂ ನಮಃ ।
ರಃ ಕರತಲಕರಪೃಷ್ಠಾಭ್ಯಾಂ ನಮಃ ।

॥ ಅಙ್ಗನ್ಯಾಸಃ ॥

ರಾಂ ಹೃದಯಾಯ ನಮಃ ।
ರೀಂ ಶಿರಸೇ ಸ್ವಾಹಾ ।
ರೂಂ ಶಿಖಾಯೈ ವಷಟ್ ।
ರೈಂ ಕವಚಾಯ ಹುಮ್ ।
ರೌಂ ನೇತ್ರಾಭ್ಯಾಂ ವೌಷಟ್ ।
ರಃ ಅಸ್ತ್ರಾಯ ಫಟ್ । ಭೂರ್ಭುವಸ್ಸುವರೋಮ್ ॥
(ಇತಿ ದಿಗ್ಬನ್ಧಃ)

॥ ಅಥ ಧ್ಯಾನಮ್ ॥

ವನ್ದೇ ವಾನರನಾರಸಿಂಹಖಗರಾಟ್ಕ್ರೋಡಾಶ್ವವಕ್ತ್ರಾನ್ವಿತಂ
ದಿವ್ಯಾಲಙ್ಕರಣಂ ತ್ರಿಪಞ್ಚನಯನಂ ದೇದೀಪ್ಯಮಾನಂ ರುಚಾ ।
ಹಸ್ತಾಬ್ಜೈರಸಿಖೇಟಪುಸ್ತಕಸುಧಾಕುಮ್ಭಾಙ್ಕುಶಾದೀನ್ ಹಲಾನ್
ಖಟ್ವಾಙ್ಗಂ ಫಣಿಭೂರುಹಂ ದಶಭುಜಂ ಸರ್ವಾರಿದರ್ಪಾಪಹಮ್ ॥

॥ ಈಶ್ವರ ಉವಾಚ॥

ಅಥ ಧ್ಯಾನಂ ಪ್ರವಕ್ಷ್ಯಾಮಿ ಶೃಣು ಸರ್ವಾಙ್ಗಸುನ್ದರಿ ।
ಯತ್ಕೃತಂ ದೇವದೇವೇಶಿ ಧ್ಯಾನಂ ಹನುಮತಃ ಪರಮ್ ॥ ೧॥

ಪಞ್ಚವಕ್ತ್ರಂ ಮಹಾಭೀಮಂ ತ್ರಿಪಞ್ಚನಯನೈರ್ಯುತಮ್ ।
ಬಾಹುಭಿರ್ದಶಭಿರ್ಯುಕ್ತಂ ಸರ್ವಕಾಮಾರ್ಥಸಿದ್ಧಿದಮ್ ॥ ೨॥

ಪೂರ್ವಂ ತು ವಾನರಂ ವಕ್ತ್ರಂ ಕೋಟಿಸೂರ್ಯಸಮಪ್ರಭಮ್ ।
ದಂಷ್ಟ್ರಾಕರಾಲವದನಂ ಭ್ರುಕುಟೀಕುಟಿಲೇಕ್ಷಣಮ್ ॥ ೩॥

ಅನ್ಯತ್ತು ದಕ್ಷಿಣಂ ವಕ್ತ್ರಂ ನಾರಸಿಂಹಂ ಮಹಾದ್ಭುತಮ್ ।
ಅತ್ಯುಗ್ರತೇಜೋಜ್ವಲಿತಂ ಭೀಷಣಂ ಭಯನಾಶನಮ್ ॥ ೪॥

ಪಶ್ಚಿಮಂ ಗಾರುಡಂ ವಕ್ತ್ರಂ ವಜ್ರಕುಣ್ಡಂ ಮಹಾಬಲಮ್ ।
ಸರ್ವನಾಗಪ್ರಶಮನಂ ವಿಷಭೂತಾದಿಕೃನ್ತನಮ್ ॥ ೫॥

ಉತ್ತರಂ ಸೌಕರಂ ವಕ್ತ್ರಂ ಕೃಷ್ಣಂ ದೀಪ್ತಂ ಮಹೋಜ್ಜ್ವಲಮ್ ।
ಪಾತಾಲಸಿದ್ಧಿವೇತಾಲಜ್ವರರೋಗಾದಿಕೃನ್ತನಮ್ ॥ ೬॥

ಊರ್ಧ್ವಂ ಹಯಾನನಂ ಘೋರಂ ದಾನವಾನ್ತಕರಂ ಪರಮ್ ।
ಏತತ್ಪಞ್ಚಮುಖಂ ತಸ್ಯ ಧ್ಯಾಯತಾಮಭಯಙ್ಕರಮ್ ॥
ಖಡ್ಗಂ ತ್ರಿಶೂಲಂ ಖಟ್ವಾಙ್ಗಂ ಪಾಶಾಙ್ಕುಶಸುಪರ್ವತಮ್ ।
ಮುಷ್ಟಿದ್ರುಮಗದಾಭಿನ್ದಿಪಾಲಜ್ಞಾನೇನ ಸಂಯುತಮ್ ॥ ೮॥

ಏತಾನ್ಯಾಯುಧಜಾಲಾನಿ ಧಾರಯನ್ತಂ ಯಜಾಮಹೇ ।
ಪ್ರೇತಾಸನೋಪವಿಷ್ಟಂ ತು ಸರ್ವಾಭರಣಭೂಷಿತಮ್ ॥ ೯॥

ದಿವ್ಯಮಾಲಾಮ್ಬರಧರಂ ದಿವ್ಯಗನ್ಧಾನುಲೇಪನಮ್ ।
ಸರ್ವಾಶ್ಚರ್ಯಮಯಂ ದೇವಮನನ್ತಂ ವಿಶ್ವತೋಮುಖಮ್ ॥ ೧೦॥

ಪಞ್ಚಾಸ್ಯಮಚ್ಯುತಮನೇಕವಿಚಿತ್ರವೀರ್ಯಂ
ಶ್ರೀಶಙ್ಖಚಕ್ರರಮಣೀಯಭುಜಾಗ್ರದೇಶಮ್ ।
ಪೀತಾಮ್ಬರಂ ಮಕುಟಕುಣ್ಡಲನೂಪುರಾಙ್ಗಂ
ಉದ್ಯೋತಿತಂ ಕಪಿವರಂ ಹೃದಿ ಭಾವಯಾಮಿ ॥ ೧೧॥

ಮರ್ಕಟೇಶ ಮಹೋತ್ಸಾಹ ಸರ್ವಶೋಕವಿನಾಶಕ ।
ಶತ್ರೂನ್ ಸಂಹರ ಮಾಂ ರಕ್ಷ ಶ್ರಿಯಂ ದಾಪಯ ಮೇ ಪ್ರಭೋ ॥ ೧೨॥

ಹರಿಮರ್ಕಟಮರ್ಕಟಮನ್ತ್ರಮಿಮಂ ಪರಿಲಿಖ್ಯತಿ ಲಿಖ್ಯತಿ ಭೂಮಿತಲೇ ।
ಯದಿ ನಶ್ಯತಿ ನಶ್ಯತಿ ಶತ್ರುಕುಲಂ ಯದಿ ಮುಞ್ಚತಿ ಮುಞ್ಚತಿ ವಾಮಕರಃ ॥ ೧೩॥

ಇತಿ ಧ್ಯಾನಮ್
॥ ಶ್ರೀಪಞ್ಚಮುಖಹನುಮತ್ಕವಚಸ್ತೋತ್ರಮಹಾಮನ್ತ್ರಪಠನಂ ಕರಿಷ್ಯೇ ॥

ಓಂ ಹರಿಮರ್ಕಟಮಹಾಮರ್ಕಟಾಯ ಓಂ ವಂ ವಂ ವಂ ವಂ ವಂ ವಂ ಫಟ್ ಫೇ ಫೇ ಸ್ವಾಹಾ ।
ಓಂ ಹರಿಮರ್ಕಟಮಹಾಮರ್ಕಟಾಯ ಓಂ ಘಂ ಘಂ ಘಂ ಘಂ ಘಂ ಘಂ ಫಟ್ ಫೇ ಫೇ ಸ್ವಾಹಾ ।
ಓಂ ಹರಿಮರ್ಕಟಮಹಾಮರ್ಕಟಾಯ ಓಂ ಖೇಂ ಖೇಂ ಖೇಂ ಖೇಂ ಖೇಂ ಖೇಂ ಫಟ್ ಫೇ ಫೇ
ಮಾರಣಾಯ ಸ್ವಾಹಾ ।
ಓಂ ಹರಿಮರ್ಕಟಮರ್ಕಟಾಯ ಓಂ ಠಂ ಠಂ ಠಂ ಠಂ ಠಂ ಠಂ ಫಟ್ ಫೇ ಫೇ
ಸ್ತಮ್ಭನಾಯ ಸ್ವಾಹಾ ।
ಓಂ ಹರಿಮರ್ಕಟಮರ್ಕಟಾಯ ಓಂ ಓಂ ಓಂ ಓಂ ಓಂ ಓಂ ಫಟ್ ಫೇ ಫೇ ಆಕರ್ಷಣಸತ್ವಕಾಯ ಸ್ವಾಹಾ ।

ಓಂ ಹರಿಮರ್ಕಟಮರ್ಕಟಮನ್ತ್ರಮಿದಂ
ಪರಿಲಿಖ್ಯತಿ ಲಿಖ್ಯತಿ ಭೂಮಿತಲೇ ।
ಯದಿ ನಶ್ಯತಿ ನಶ್ಯತಿ ವಾಮಕರೇ
ಪರಿಮುಞ್ಚತಿ ಮುಞ್ಚತಿ ಶೃಙ್ಖಲಿಕಾ ।
ಓಂ ನಮೋ ಭಗವತೇ ಪಞ್ಚವದನಾಯ ಪೂರ್ವೇ ಕಪಿಮುಖಾಯ ಶ್ರೀವೀರಹನೂಮತೇ
ಓಂ ಟಂ ಟಂ ಟಂ ಟಂ ಟಂ ಟಂ
ಸಕಲಶತ್ರುಸಂಹಾರಾಯ ಹುಂ ಫಟ್ ಫೇ ಫೇ ಫೇ ಫೇ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಶ್ರೀಪಞ್ಚವದನಾಯ ದಕ್ಷಿಣೇ
ಕರಾಲವದನ ಶ್ರೀನೃಸಿಂಹಮುಖಾಯ
ಶ್ರೀವೀರಹನೂಮತೇ ಓಂ ಹಂ ಹಂ ಹಂ ಹಂ ಹಂ ಹಂ ಸಕಲ ಭೂತಪ್ರೇತದಮನಾಯ
ಮಹಾಬಲಾಯ ಹುಂ ಫಟ್ ಫೇ ಫೇ ಫೇ ಫೇ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಪಞ್ಚವದನಾಯ ಪಶ್ಚಿಮೇ ಗರುಡಮುಖಾಯ
ಶ್ರೀವೀರಹನೂಮತೇ ಓಂ ಮಂ ಮಂ ಮಂ ಮಂ ಮಂ ಮಂ ಮಹಾರುದ್ರಾಯ
ಸಕಲರೋಗವಿಷಪರಿಹಾರಾಯ
ಹುಂ ಫಟ್ ಫೇ ಫೇ ಫೇ ಫೇ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಪಞ್ಚವದನಾಯ ಉತ್ತರೇ ಆದಿವರಾಹಮುಖಾಯ ಶ್ರೀವೀರಹನೂಮತೇ
ಓಂ ಲಂ ಲಂ ಲಂ ಲಂ ಲಂ ಲಂ ಲಕ್ಷ್ಮಣಪ್ರಾಣದಾತ್ರೇ ಲಙ್ಕಾಪುರೀದಾಹನಾಯ
ಸಕಲಸಮ್ಪತ್ಕರಾಯ ಪುತ್ರಪೌತ್ರಾದ್ಯಭಿವೃದ್ಧಿಕರಾಯ ಓಂ ನಮಃ ಸ್ವಾಹಾ ।
ಓಂ ನಮೋ ಭಗವತೇ ಪಞ್ಚವದನಾಯ ಊರ್ಧ್ವಮುಖಸ್ಥಿತಹಯಗ್ರೀವಮುಖಾಯ
ಶ್ರೀವೀರಹನೂಮತೇ ಓಂ ರುಂ ರುಂ ರುಂ ರುಂ ರುಂ ರುಂ ರುದ್ರಮೂರ್ತಯೇ ಸಕಲಲೋಕವಶೀಕರಾಯ
ವೇದವಿದ್ಯಾಸ್ವರೂಪಿಣೇ । ಓಂ ನಮಃ ಸ್ವಾಹಾ ।

ಓಂ ಕಂ ಖಂ ಗಂ ಘಂ ಙಂ ಚಂ ಛಂ ಜಂ ಝಂ ಞಂ ಟಂ ಠಂ ಡಂ ಢಂ ಣಂ
ತಂ ಥಂ ದಂ ಧಂ ನಂ ಪಂ ಫಂ ಬಂ ಭಂ ಮಂ ಯಂ ರಂ ಲಂ ವಂ ಶಂ ಷಂ ಸಂ ಹಂ
ಳಂ ಕ್ಷಂ ಸ್ವಾಹಾ । ಇತಿ ದಿಗ್ಬನ್ಧಃ ।
ಓಂ ನಮೋ ಭಗವತೇ ಆಞ್ಜನೇಯಾಯ ಮಹಾಬಲಾಯ ಹುಂ ಫಟ್ ಫೇ ಫೇ ಫೇ ಫೇ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಶ್ರೀವೀರಹನೂಮತೇ ಪ್ರಬಲಪರಾಕ್ರಮಾಯ ಆಕ್ರಾನ್ತದಿಙ್ಮಣ್ಡಲಾಯ
ಶೋಭಿತಾನನಾಯ ಧವಲೀಕೃತವಜ್ರದೇಹಾಯ ಜಗಚ್ಚಿನ್ತಕಾಯ ರುದ್ರಾವತಾರಾಯ
ಲಙ್ಕಾಪುರೀದಾಹನಾಯ ಉದಧಿಲಙ್ಘನಾಯ ಸೇತುಬನ್ಧನಾಯ ದಶಕಣ್ಠಶಿರಃಕ್ರಾನ್ತಾಯ
ಸೀತಾಶ್ವಾಸನಾಯ ಅನನ್ತಕೋಟಿಬ್ರಹ್ಮಾಣ್ಡನಾಯಕಾಯ ಮಹಾಬಲಾಯ ವಾಯುಪುತ್ರಾಯ
ಅಞ್ಜನಾದೇವೀಗರ್ಭಸಮ್ಭೂತಾಯ ಶ್ರೀರಾಮಲಕ್ಷ್ಮಣಾನನ್ದಕರಾಯ ಕಪಿಸೈನ್ಯಪ್ರಿಯಕರಾಯ
ಸುಗ್ರೀವಸಹಾಯಕಾರಣಕಾರ್ಯಸಾಧಕಾಯ ಪರ್ವತೋತ್ಪಾಟನಾಯ ಕುಮಾರಬ್ರಹ್ಮಚಾರಿಣೇ
ಗಮ್ಭೀರಶಬ್ದೋದಯಾಯ ॥

(ಶ್ರೀರಾಮಚನ್ದ್ರದೂತಾಯ ಆಞ್ಜನೇಯಾಯ ವಾಯುಪುತ್ರಾಯ ಮಹಾಬಲಾಯ ಸೀತಾದುಃಖ-
ನಿವಾರಣಾಯ ಲಙ್ಕಾದಹನಕಾರಣಾಯ ಮಹಾಬಲಪ್ರಚಣ್ಡಾಯ ಕೋಲಾಹಲಸಕಲ-
ಬ್ರಹ್ಮಾಣ್ಡವಿಶ್ವರೂಪಾಯ ಸಪ್ತಸಮುದ್ರನಿರಾಲಮ್ಬಿತಾಯ ಪಿಙ್ಗಲನಯನಾಯ
ಅಮಿತವಿಕ್ರಮಾಯ ಸೂರ್ಯಬಿಮ್ಬಫಲಸೇವನಾಯ ದೃಷ್ಟಿನಿರಾಲಙ್ಕೃತಾಯ
ಅಙ್ಗದಲಕ್ಷ್ಮಣಮಹಾಕಪಿಸೈನ್ಯಪ್ರಾಣನಿರ್ವಾಹಕಾಯ ದಶಕಣ್ಠವಿಧ್ವಂಸನಾಯ
ರಾಮೇಷ್ಟಾಯ ಫಲ್ಗುನಸಖಾಯ ಸೀತಾಸಮೇತರಾಮಚನ್ದ್ರಪ್ರಸಾದಕಾಯ ಸ್ವಾಹಾ ।)

ಓಂ ಹ್ರೀಂ ಕ್ಲೀಂ ಸರ್ವದುಷ್ಟಗ್ರಹನಿವಾರಣಾಯ ಸರ್ವರೋಗಜ್ವರೋಚ್ಚಾಟನಾಯ
ಶಾಕಿನೀ-ಡಾಕಿನೀವಿಧ್ವಂಸನಾಯ ಓಂ ಹ್ರೀಂ ಕ್ಲೀಂ ಹುಂ ಫಟ್ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಶ್ರೀವೀರಹನೂಮತೇ
ಸರ್ವಭೂತಜ್ವರೈಕಾಹಿಕ-ದ್ವ್ಯಾಹಿಕ-ತ್ರ್ಯಾಹಿಕ-ಚಾತುರ್ಥಿಕ-ಸನ್ತತವಿಷಮಜ್ವರ-
ಗುಪ್ತಜ್ವರ-ಶೀತಜ್ವರ-ಮಹೇಶ್ವರಜ್ವರ-ವೈಷ್ಣವಜ್ವರಾದಿಸರ್ವಜ್ವರಾನ್
ಛಿನ್ದಿ ಛಿನ್ದಿ ಭಿನ್ದಿ ಭಿನ್ದಿ ।
ಯಕ್ಷರಾಕ್ಷಸಬ್ರಹ್ಮರಾಕ್ಷಸಭೂತಪ್ರೇತಪಿಶಾಚಾನುಚ್ಚಾಟಯೋಚ್ಚಾಟಯ ॥

ಓಂ ಶ್ರೀಂ ಹ್ರೀಂ ಹುಂ ಫಟ್ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಶ್ರೀವೀರಹನೂಮತೇ ನಮಃ ।
ಓಂ ಹ್ರಾಂ ಹ್ರೀಂ ಹ್ರೂಂ ಹ್ರೈಂ ಹ್ರೌಂ ಹ್ರಃ । ಆಹ ಆಹ । ಅಸೈ ಅಸೈ ಏಹಿ ಏಹಿ
ಓಂ ಓಂ ಹೋಂ ಹೋಂ ಹುಂ ಹುಂ ಫಟ್ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಪವನಾತ್ಮಜಾಯ ಡಾಕಿನೀ-ಶಾಕಿನೀ-ಮೋಹಿನೀನಿಃಶೇಷ-
ನಿರಸನಾಯ ಸರ್ವವಿಷಂ ನಿರ್ವಿಷಂ ಕುರು ಕಾರಯ ಕಾರಯ ಹುಂ ಫಟ್ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಶ್ರೀವೀರಹನುಮತೇ
ಸಿಂಹಶರಭ-ಶಾರ್ದೂಲ-ಗಣ್ಡಭೇರುಣ್ಡ-ಪುರುಷಮೃಗಾಣಾಂ
ಓಶಾತಿ ನಿರಸನಾಯ ।
ಕ್ರಮನಿರಸನಕ್ರಮಣಂ ಕುರು । ಸರ್ವರೋಗಾನ್ನಿವಾರಯ ನಿವಾರಯ ಆಕ್ರೋಶಯ ಆಕ್ರೋಶಯ
ಶತ್ರೂನ್ಮಾದಭಯಂ ಛಿನ್ದಿ ಛಿನ್ದಿ । ಛಾದಯ ಛಾದಯ । ಮಾರಯ ಮಾರಯ ।
ಶೋಷಯ ಶೋಷಯ । ಮೋಹಯ ಮೋಹಯ । ಜ್ವಾಲಯ ಜ್ವಾಲಯ । ಪ್ರಹಾರಯ ಪ್ರಹಾರಯ ।
ಮಮ ಸರ್ವರೋಗಾನ್ ಛೇದಯ ಛೇದಯ । ಓಂ ಹ್ರೀಂ ಹುಂ ಫಟ್ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಶ್ರೀವೀರಹನುಮತೇ ಸರ್ವರೋಗದುಷ್ಟಗ್ರಹಾನುಚ್ಚಾಟಯ ಉಚ್ಚಾಟಯ
ಪರಬಲಾನಿ ಕ್ಷೋಭಯ ಕ್ಷೋಭಯ ।
ಮಮ ಸರ್ವಕಾರ್ಯಾಣಿ ಸಾಧಯ ಸಾಧಯ । ಶೃಙ್ಖಲಾಬನ್ಧನಂ ಮೋಕ್ಷಯ ಮೋಕ್ಷಯ ।
ಕಾರಾಗೃಹಾದಿಭ್ಯೋ ಮೋಚಯ ಮೋಚಯ । ಶಿರಃಶೂಲ-ಕರ್ಣಶೂಲಾಕ್ಷಿಶೂಲ-ಕುಕ್ಷಿಶೂಲ-
ಪಾರ್ಶ್ವಶೂಲಾದಿ ಮಹಾರೋಗಾನ್ ನಿವಾರಯ ನಿವಾರಯ । ನಾಗಪಾಶಾನನ್ತ-ವಾಸುಕಿ-
ತಕ್ಷಕ-ಕರ್ಕೋಟಕ-ಕಾಲಗುಲಿಯಕಪದ್ಮ-ಮಹಾಪದ್ಮ-ಕುಮುದಾಚಲಚರ-ರಾತ್ರಿಚರ-
ದಿವಾಚರಾದಿಸರ್ವವಿಷಂ ನಿರ್ವಿಷಂ ಕುರು ನಿರ್ವಿಷಂ ಕುರು । ಸರ್ವರೋಗನಿವಾರಣಂ ಕುರು ।
ಸರ್ವರಾಜಸಭಾಮುಖಸ್ತಮ್ಭನಂ ಕುರು । ಸ್ತ್ರೀಜನಸ್ತಮ್ಭನಂ ಕುರು ಸ್ತಮ್ಭನಂ ಕುರು ।
ಸರ್ವಭಯಚೋರಭಯಾಗ್ನಿಭಯಪ್ರಶಮನಂ ಕುರು ಪ್ರಶಮನಂ ಕುರು ।
ಸರ್ವನರಯನ್ತ್ರ-ಪರತನ್ತ್ರ-ಪರವಿದ್ಯಾಂ ಛೇದಯ ಛೇದಯ । ಸನ್ತ್ರಾಸಯ ಸನ್ತ್ರಾಸಯ ।
ಮಮ ಸರ್ವವಿದ್ಯಾಂ ಪ್ರಕಟಯ ಪ್ರಕಟಯ । ಪೋಷಯ ಪೋಷಯ ।
ಸರ್ವಾರಿಷ್ಟಂ ಶಮಯ ಶಮಯ ಸರ್ವಶತ್ರೂನ್ ಸಂಹಾರಯ ಸಂಹಾರಯ ।
ಸರ್ವರೋಗಪಿಶಾಚಬಾಧಾಂ ನಿವಾರಯ ನಿವಾರಯ ।
ಓಂ ಹ್ರಾಂ ಹ್ರೀಂ ಹ್ರೂಂ ಹ್ರೇಂ ಫಟ್ ಫೇ ಫೇ ಸ್ವಾಹಾ ।
ಓಂ ನಮೋ ಭಗವತೇ ಶ್ರೀವೀರಹನೂಮತೇ ವರಪ್ರಸಾದಕಾಯ ಸರ್ವಾಭೀಷ್ಟಪ್ರದಾಯ
ಸಕಲಸಮ್ಪತ್ಕರಾಯ ಮಹಾರಕ್ಷಕಾಯ ಓಂ ಜಂ ಜಂ ಜಂ ಜಂ ಜಂ ಜಂ
ಜಗಜ್ಜೀವನಾಯ ಹುಂ ಫಟ್ ಫೇ ಫೇ ಫೇ ಸ್ವಾಹಾ ।

॥ ಫಲಶ್ರುತಿಃ ॥

ಯ ಇದಂ ಕವಚಂ ನಿತ್ಯಂ ಪ್ರಪಠೇತ್ ಪ್ರಯತೋ ನರಃ ।
ಏಕವಾರಂ ಪಠೇನ್ನಿತ್ಯಂ ಸರ್ವಶತ್ರುವಿನಾಶನಮ್ ।
ದ್ವಿವಾರಂ ತು ಪಠೇನ್ನಿತ್ಯಂ ಪುತ್ರಪೌತ್ರಪ್ರವರ್ಧನಮ್ ॥
ತ್ರಿವಾರಂ ಯಃ ಪಠೇನ್ನಿತ್ಯಂ ಸರ್ವಸಮ್ಪತ್ಕರಂ ಶುಭಮ್ ।
ಚತುರ್ವಾರಂ ಪಠೇನ್ನಿತ್ಯಂ ಸರ್ವರೋಗನಿವಾರಣಮ್ ॥
ಪಞ್ಚವಾರಂ ಪಠೇನ್ನಿತ್ಯಂ ಸರ್ವಶತ್ರುವಶೀಕರಮ್ ।
ಷಡ್ವಾರಂ ತು ಪಠೇನ್ನಿತ್ಯಂ ಸರ್ವದೇವವಶೀಕರಮ್ ॥
ಸಪ್ತವಾರಂ ಪಠೇನ್ನಿತ್ಯಂ ಸರ್ವಸೌಭಾಗ್ಯದಾಯಕಮ್ ।
ಅಷ್ಟವಾರಂ ಪಠೇನ್ನಿತ್ಯಮಿಷ್ಟಕಾಮಾರ್ಥಸಿದ್ಧಿದಮ್ ॥
ನವವಾರಂ ಸಪ್ತಕೇನ ಸರ್ವರಾಜ್ಯವಶೀಕರಮ್ ।
ದಶವಾರಂ ಚ ಪ್ರಜಪೇತ್ ತ್ರೈಲೋಕ್ಯಜ್ಞಾನದರ್ಶನಮ್ ॥
ಏಕಾದಶಂ ಜಪಿತ್ವಾ ತು ಸರ್ವಸಿದ್ಧಿಕರಂ ನೃಣಾಮ್ ।
ತ್ರಿಸಪ್ತನವವಾರಂ ಚ ರಾಜಭೋಗಂ ಚ ಸಮ್ಭವೇತ್ ॥
ದ್ವಿಸಪ್ತದಶವಾರಂ ತು ತ್ರೈಲೋಕ್ಯಜ್ಞಾನದರ್ಶನಮ್ ।
ದಶೈಕವಾರಂ ಪಠನಾದಿದಂ ಮನ್ತ್ರಂ ತ್ರಿಸಪ್ತಕಮ್ ॥
ಸ್ವಜನೈಸ್ತು ಸಮಾಯುಕ್ತಸ್ತ್ರೈಲೋಕ್ಯವಿಜಯೀ ಭವೇತ್ ।
ಕವಚಸ್ಮರಣಾದೇವ ಮಹಾಫಲಮವಾಪ್ನುಯಾತ್ ।

ಚನ್ದ್ರಾಭಂ ಚರಣಾರವಿನ್ದಯುಗಲಂ ಕೌಪೀನಮೌಞ್ಜೀಧರಂ
ನಾಭ್ಯಾಂ ವೈ ಕಟಿಸೂತ್ರಯುಕ್ತವಸನಂ ಯಜ್ಞೋಪವೀತಂ ಶುಭಮ್ ।
ಹಸ್ತಾಭ್ಯಾಮವಲಮ್ಬಿತಾಞ್ಜಲಿಪುಟಂ ಹಾರಾವಲಿಂ ಕುಣ್ಡಲಂ
ಬಿಭ್ರದ್ದೀರ್ಘಶಿಖಾಪ್ರಸನ್ನವದನಂ ವನ್ದ್ಯಾಞ್ಜನೇಯಂ ಭಜೇ ॥