શ્રી બગલામુખી કવચં

કૈલાસાચલમધ્યગં પુરવહં શાન્તં ત્રિનેત્રં શિવં
વામસ્થા કવચં પ્રણમ્ય ગિરિજા ભૂતિપ્રદં પૃચ્છતિ ।
દેવી શ્રીબગલામુખી રિપુકુલારણ્યાગ્નિરૂપા ચ યા
તસ્યાશ્ચાપવિમુક્ત મન્ત્રસહિતં પ્રીત્યાઽધુના બ્રૂહિ મામ્ ॥ 1 ॥

શ્રીશઙ્કર ઉવાચ।
દેવી શ્રીભવવલ્લભે શૃણુ મહામન્ત્રં વિભૂતિપ્રદં
દેવ્યા વર્મયુતં સમસ્તસુખદં સામ્રાજ્યદં મુક્તિદમ્ ।
તારં રુદ્રવધૂં વિરિઞ્ચિમહિલા વિષ્ણુપ્રિયા કામયુ-
-ક્કાન્તે શ્રીબગલાનને મમ રિપૂન્નાશાય યુગ્મન્ત્વિતિ ॥ 2 ॥

ઐશ્વર્યાણિ પદં ચ દેહિ યુગલં શીઘ્રં મનોવાઞ્છિતં
કાર્યં સાધય યુગ્મયુક્છિવવધૂ વહ્નિપ્રિયાન્તો મનુઃ ।
કંસારેસ્તનયં ચ બીજમપરાશક્તિશ્ચ વાણી તથા
કીલં શ્રીમિતિ ભૈરવર્ષિસહિતં છન્દો વિરાટ્ સંયુતમ્ ॥ 3 ॥

સ્વેષ્ટાર્થસ્ય પરસ્ય વેત્તિ નિતરાં કાર્યસ્ય સમ્પ્રાપ્તયે
નાનાસાધ્યમહાગદસ્ય નિયતન્નાશાય વીર્યાપ્તયે ।
ધ્યાત્વા શ્રીબગલાનનામનુવરં જપ્ત્વા સહસ્રાખ્યકં
દીર્ઘૈઃ ષટ્કયુતૈશ્ચ રુદ્રમહિલાબીજૈર્વિન્યાસ્યાઙ્ગકે ॥ 4 ॥

ધ્યાનમ્ ।
સૌવર્ણાસનસંસ્થિતાં ત્રિનયનાં પીતાંશુકોલાસિનીં
હેમાભાઙ્ગરુચિં શશાઙ્કમુકુટાં સ્રક્ચમ્પકસ્રગ્યુતામ્ ।
હસ્તૈર્મદ્ગરપાશબદ્ધરસનાં સમ્બિભ્રતીં ભૂષણ-
-વ્યાપ્તાઙ્ગીં બગલામુખીં ત્રિજગતાં સંસ્તમ્ભિનીં ચિન્તયે ॥ 5 ॥
વિનિયોગઃ ।
ૐ અસ્ય શ્રીબગલામુખી બ્રહ્માસ્ત્રમન્ત્ર કવચસ્ય ભૈરવ ઋષિઃ વિરાટ્ છન્દઃ શ્રીબગલામુખી દેવતા ક્લીં બીજં ઐં શક્તિઃ શ્રીં કીલકં મમ પરસ્ય ચ મનોભિલષિતેષ્ટકાર્યસિદ્ધયે વિનિયોગઃ ।
ઋષ્યાદિન્યાસઃ ।
ભૈરવ ઋષયે નમઃ શિરસિ ।
વિરાટ્ છન્દસે નમઃ મુખે ।
શ્રી બગલામુખી દેવતાયૈ નમઃ હૃદિ ।
ક્લીં બીજાય નમઃ ગુહ્યે ।
ઐં શક્તયે નમઃ પાદયોઃ ।
શ્રીં કીલકાય નમઃ સર્વાઙ્ગે ।
કરન્યાસઃ ।
ૐ હ્રાં અઙ્ગુષ્ઠાભ્યાં નમઃ ।
ૐ હ્રીં તર્જનીભ્યાં નમઃ ।
ૐ હ્રૂં મધ્યમાભ્યાં નમઃ ।
ૐ હ્રૈં અનામિકાભ્યાં નમઃ ।
ૐ હ્રૌં કનિષ્ઠિકાભ્યાં નમઃ ।
ૐ હ્રઃ કરતલકરપૃષ્ઠાભ્યાં નમઃ ।
અઙ્ગન્યાસઃ ।
ૐ હ્રાં હૃદયાય નમઃ ।
ૐ હ્રીં શિરસે સ્વાહા ।
ૐ હ્રૂં શિખાયૈ વષટ્ ।
ૐ હ્રૈં કવચાય હુમ્ ।
ૐ હ્રૌં નેત્રત્રયાય વૌષટ્ ।
ૐ હ્રઃ અસ્ત્રાય ફટ્ ।
ભૂર્ભુવસ્સુવરોમિતિ દિગ્બન્ધઃ ।
મન્ત્રોદ્ધારઃ ।
ૐ હ્રીં ઐં શ્રીં ક્લીં શ્રીબગલાનને મમ રિપૂન્નાશય નાશય મમૈશ્વર્યાણિ દેહિ દેહિ શીઘ્રં મનોવાઞ્છિતકાર્યં સાધયઃ સાધયઃ હ્રીં સ્વાહા ।
કવચમ્ ।
શિરો મે પાતુ ૐ હ્રીં ઐં શ્રીં ક્લીં પાતુ લલાટકમ્ ।
સમ્બોધનપદં પાતુ નેત્રે શ્રીબગલાનને ॥ 1 ॥
શ્રુતૌ મમ રિપું પાતુ નાસિકાન્નાશય દ્વયમ્ ।
પાતુ ગણ્ડૌ સદા મામૈશ્વર્યાણ્યં તં તુ મસ્તકમ્ ॥ 2 ॥
દેહિ દ્વન્દ્વં સદા જિહ્વાં પાતુ શીઘ્રં વચો મમ ।
કણ્ઠદેશં મનઃ પાતુ વાઞ્છિતં બાહુમૂલકમ્ ॥ 3 ॥
કાર્યં સાધય દ્વન્દ્વન્તુ કરૌ પાતુ સદા મમ ।
માયાયુક્તા તથા સ્વાહા હૃદયં પાતુ સર્વદા ॥ 4 ॥
અષ્ટાધિકચત્વારિંશદ્દણ્ડાઢ્યા બગલામુખી ।
રક્ષાં કરોતુ સર્વત્ર ગૃહેઽરણ્યે સદા મમ ॥ 5 ॥
બ્રહ્માસ્ત્રાખ્યો મનુઃ પાતુ સર્વાઙ્ગે સર્વસન્ધિષુ ।
મન્ત્રરાજઃ સદા રક્ષાં કરોતુ મમ સર્વદા ॥ 6 ॥
ૐ હ્રીં પાતુ નાભિદેશં કટિં મે બગલાઽવતુ ।
મુખી વર્ણદ્વયં પાતુ લિઙ્ગં મે મુષ્કયુગ્મકમ્ ॥ 7 ॥
જાનુની સર્વદુષ્ટાનાં પાતુ મે વર્ણપઞ્ચકમ્ ।
વાચં મુખં તથા પદં ષડ્વર્ણા પરમેશ્વરી ॥ 8 ॥
જઙ્ઘાયુગ્મે સદા પાતુ બગલા રિપુમોહિની ।
સ્તમ્ભયેતિ પદં પૃષ્ઠં પાતુ વર્ણત્રયં મમ ॥ 9 ॥
જિહ્વાં વર્ણદ્વયં પાતુ ગુલ્ફૌ મે કીલયેતિ ચ ।
પાદોર્ધ્વં સર્વદા પાતુ બુદ્ધિં પાદતલે મમ ॥ 10 ॥
વિનાશય પદં પાતુ પાદાઙ્ગુલ્યોર્નખાનિ મે ।
હ્રીં બીજં સર્વદા પાતુ બુદ્ધીન્દ્રિયવચાંસિ મે ॥ 11 ॥
સર્વાઙ્ગં પ્રણવઃ પાતુ સ્વાહા રોમાણિ મેઽવતુ ।
બ્રાહ્મી પૂર્વદલે પાતુ ચાગ્નેયાં વિષ્ણુવલ્લભા ॥ 12 ॥
માહેશી દક્ષિણે પાતુ ચામુણ્ડા રાક્ષસેઽવતુ ।
કૌમારી પશ્ચિમે પાતુ વાયવ્યે ચાપરાજિતા ॥ 13 ॥
વારાહી ચોત્તરે પાતુ નારસિંહી શિવેઽવતુ ।
ઊર્ધ્વં પાતુ મહાલક્ષ્મીઃ પાતાલે શારદાઽવતુ ॥ 14 ॥
ઇત્યષ્ટૌ શક્તયઃ પાન્તુ સાયુધાશ્ચ સવાહનાઃ ।
રાજદ્વારે મહાદુર્ગે પાતુ માં ગણનાયકઃ ॥ 15 ॥
શ્મશાને જલમધ્યે ચ ભૈરવશ્ચ સદાઽવતુ ।
દ્વિભુજા રક્તવસનાઃ સર્વાભરણભૂષિતાઃ ॥ 16 ॥
યોગિન્યઃ સર્વદા પાતુ મહારણ્યે સદા મમ ।