What is Shri Bagalamukhi Kavacham?

Read Shri Bagalamukhi Kavacham in Malayalam script — full lyrics with English meaning and transliteration. Shri Bagalamukhi Kavacham is a potent protective hymn derived from the Rudrayamala Tantra. The text features a dialogue between Lord Shiva and Goddess Parvati, detailing the protective armor of Goddess Bagalamukhi, who is revered as the slayer of enemies and the stambhana (paralyzing) force against negativity. Chanting this kavacham is believed to grant the practitioner immense spiritual strength, neutralize the influence of adversaries, and provide victory over obstacles. It serves as a sacred shield that bestows material prosperity, liberation, and divine grace, helping devotees overcome internal and external demons while fostering clarity and spiritual mastery.

Which deity is Shri Bagalamukhi Kavacham dedicated to?

Shri Bagalamukhi Kavacham is a Sanskrit hymn dedicated to Goddess Bagalamukhi.

Who composed Shri Bagalamukhi Kavacham?

Shri Bagalamukhi Kavacham is traditionally attributed to From Rudrayamala Tantra.

Shri Bagalamukhi Kavacham in Malayalam – Lyrics

കൈലാസാചലമധ്യഗം പുരവഹം ശാന്തം ത്രിനേത്രം ശിവം
വാമസ്ഥാ കവചം പ്രണമ്യ ഗിരിജാ ഭൂതിപ്രദം പൃച്ഛതി ।
ദേവീ ശ്രീബഗലാമുഖീ രിപുകുലാരണ്യാഗ്നിരൂപാ ച യാ
തസ്യാശ്ചാപവിമുക്ത മന്ത്രസഹിതം പ്രീത്യാഽധുനാ ബ്രൂഹി മാമ് ॥ 1 ॥

ശ്രീശങ്കര ഉവാച।
ദേവീ ശ്രീഭവവല്ലഭേ ശൃണു മഹാമന്ത്രം വിഭൂതിപ്രദം
ദേവ്യാ വര്മയുതം സമസ്തസുഖദം സാമ്രാജ്യദം മുക്തിദമ് ।
താരം രുദ്രവധൂം വിരിഞ്ചിമഹിലാ വിഷ്ണുപ്രിയാ കാമയു-
-ക്കാന്തേ ശ്രീബഗലാനനേ മമ രിപൂന്നാശായ യുഗ്മന്ത്വിതി ॥ 2 ॥

ഐശ്വര്യാണി പദം ച ദേഹി യുഗലം ശീഘ്രം മനോവാഞ്ഛിതം
കാര്യം സാധയ യുഗ്മയുക്ഛിവവധൂ വഹ്നിപ്രിയാന്തോ മനുഃ ।
കംസാരേസ്തനയം ച ബീജമപരാശക്തിശ്ച വാണീ തഥാ
കീലം ശ്രീമിതി ഭൈരവര്ഷിസഹിതം ഛന്ദോ വിരാട് സംയുതമ് ॥ 3 ॥

സ്വേഷ്ടാര്ഥസ്യ പരസ്യ വേത്തി നിതരാം കാര്യസ്യ സമ്പ്രാപ്തയേ
നാനാസാധ്യമഹാഗദസ്യ നിയതന്നാശായ വീര്യാപ്തയേ ।
ധ്യാത്വാ ശ്രീബഗലാനനാമനുവരം ജപ്ത്വാ സഹസ്രാഖ്യകം
ദീര്ഘൈഃ ഷട്കയുതൈശ്ച രുദ്രമഹിലാബീജൈര്വിന്യാസ്യാങ്ഗകേ ॥ 4 ॥

ധ്യാനമ് ।
സൌവര്ണാസനസംസ്ഥിതാം ത്രിനയനാം പീതാംശുകോലാസിനീം
ഹേമാഭാങ്ഗരുചിം ശശാങ്കമുകുടാം സ്രക്ചമ്പകസ്രഗ്യുതാമ് ।
ഹസ്തൈര്മദ്ഗരപാശബദ്ധരസനാം സമ്ബിഭ്രതീം ഭൂഷണ-
-വ്യാപ്താങ്ഗീം ബഗലാമുഖീം ത്രിജഗതാം സംസ്തമ്ഭിനീം ചിന്തയേ ॥ 5 ॥

വിനിയോഗഃ ।
ഓം അസ്യ ശ്രീബഗലാമുഖീ ബ്രഹ്മാസ്ത്രമന്ത്ര കവചസ്യ ഭൈരവ ഋഷിഃ വിരാട് ഛന്ദഃ ശ്രീബഗലാമുഖീ ദേവതാ ക്ലീം ബീജം ഐം ശക്തിഃ ശ്രീം കീലകം മമ പരസ്യ ച മനോഭിലഷിതേഷ്ടകാര്യസിദ്ധയേ വിനിയോഗഃ ।

ഋഷ്യാദിന്യാസഃ ।
ഭൈരവ ഋഷയേ നമഃ ശിരസി ।
വിരാട് ഛന്ദസേ നമഃ മുഖേ ।
ശ്രീ ബഗലാമുഖീ ദേവതായൈ നമഃ ഹൃദി ।
ക്ലീം ബീജായ നമഃ ഗുഹ്യേ ।
ഐം ശക്തയേ നമഃ പാദയോഃ ।
ശ്രീം കീലകായ നമഃ സര്വാങ്ഗേ ।

കരന്യാസഃ ।
ഓം ഹ്രാം അങ്ഗുഷ്ഠാഭ്യാം നമഃ ।
ഓം ഹ്രീം തര്ജനീഭ്യാം നമഃ ।
ഓം ഹ്രൂം മധ്യമാഭ്യാം നമഃ ।
ഓം ഹ്രൈം അനാമികാഭ്യാം നമഃ ।
ഓം ഹ്രൌം കനിഷ്ഠികാഭ്യാം നമഃ ।
ഓം ഹ്രഃ കരതലകരപൃഷ്ഠാഭ്യാം നമഃ ।

അങ്ഗന്യാസഃ ।
ഓം ഹ്രാം ഹൃദയായ നമഃ ।
ഓം ഹ്രീം ശിരസേ സ്വാഹാ ।
ഓം ഹ്രൂം ശിഖായൈ വഷട് ।
ഓം ഹ്രൈം കവചായ ഹുമ് ।
ഓം ഹ്രൌം നേത്രത്രയായ വൌഷട് ।
ഓം ഹ്രഃ അസ്ത്രായ ഫട് ।
ഭൂര്ഭുവസ്സുവരോമിതി ദിഗ്ബന്ധഃ ।

മന്ത്രോദ്ധാരഃ ।
ഓം ഹ്രീം ഐം ശ്രീം ക്ലീം ശ്രീബഗലാനനേ മമ രിപൂന്നാശയ നാശയ മമൈശ്വര്യാണി ദേഹി ദേഹി ശീഘ്രം മനോവാഞ്ഛിതകാര്യം സാധയഃ സാധയഃ ഹ്രീം സ്വാഹാ ।

കവചമ് ।

ശിരോ മേ പാതു ഓം ഹ്രീം ഐം ശ്രീം ക്ലീം പാതു ലലാടകമ് ।
സമ്ബോധനപദം പാതു നേത്രേ ശ്രീബഗലാനനേ ॥ 1 ॥

ശ്രുതൌ മമ രിപും പാതു നാസികാന്നാശയ ദ്വയമ് ।
പാതു ഗണ്ഡൌ സദാ മാമൈശ്വര്യാണ്യം തം തു മസ്തകമ് ॥ 2 ॥

ദേഹി ദ്വന്ദ്വം സദാ ജിഹ്വാം പാതു ശീഘ്രം വചോ മമ ।
കണ്ഠദേശം മനഃ പാതു വാഞ്ഛിതം ബാഹുമൂലകമ് ॥ 3 ॥

കാര്യം സാധയ ദ്വന്ദ്വന്തു കരൌ പാതു സദാ മമ ।
മായായുക്താ തഥാ സ്വാഹാ ഹൃദയം പാതു സര്വദാ ॥ 4 ॥

അഷ്ടാധികചത്വാരിംശദ്ദണ്ഡാഢ്യാ ബഗലാമുഖീ ।
രക്ഷാം കരോതു സര്വത്ര ഗൃഹേഽരണ്യേ സദാ മമ ॥ 5 ॥

ബ്രഹ്മാസ്ത്രാഖ്യോ മനുഃ പാതു സര്വാങ്ഗേ സര്വസന്ധിഷു ।
മന്ത്രരാജഃ സദാ രക്ഷാം കരോതു മമ സര്വദാ ॥ 6 ॥

ഓം ഹ്രീം പാതു നാഭിദേശം കടിം മേ ബഗലാഽവതു ।
മുഖീ വര്ണദ്വയം പാതു ലിങ്ഗം മേ മുഷ്കയുഗ്മകമ് ॥ 7 ॥

ജാനുനീ സര്വദുഷ്ടാനാം പാതു മേ വര്ണപഞ്ചകമ് ।
വാചം മുഖം തഥാ പദം ഷഡ്വര്ണാ പരമേശ്വരീ ॥ 8 ॥

ജങ്ഘായുഗ്മേ സദാ പാതു ബഗലാ രിപുമോഹിനീ ।
സ്തമ്ഭയേതി പദം പൃഷ്ഠം പാതു വര്ണത്രയം മമ ॥ 9 ॥

ജിഹ്വാം വര്ണദ്വയം പാതു ഗുല്ഫൌ മേ കീലയേതി ച ।
പാദോര്ധ്വം സര്വദാ പാതു ബുദ്ധിം പാദതലേ മമ ॥ 10 ॥

വിനാശയ പദം പാതു പാദാങ്ഗുല്യോര്നഖാനി മേ ।
ഹ്രീം ബീജം സര്വദാ പാതു ബുദ്ധീന്ദ്രിയവചാംസി മേ ॥ 11 ॥

സര്വാങ്ഗം പ്രണവഃ പാതു സ്വാഹാ രോമാണി മേഽവതു ।
ബ്രാഹ്മീ പൂര്വദലേ പാതു ചാഗ്നേയാം വിഷ്ണുവല്ലഭാ ॥ 12 ॥

മാഹേശീ ദക്ഷിണേ പാതു ചാമുണ്ഡാ രാക്ഷസേഽവതു ।
കൌമാരീ പശ്ചിമേ പാതു വായവ്യേ ചാപരാജിതാ ॥ 13 ॥

വാരാഹീ ചോത്തരേ പാതു നാരസിംഹീ ശിവേഽവതു ।
ഊര്ധ്വം പാതു മഹാലക്ഷ്മീഃ പാതാലേ ശാരദാഽവതു ॥ 14 ॥

ഇത്യഷ്ടൌ ശക്തയഃ പാന്തു സായുധാശ്ച സവാഹനാഃ ।
രാജദ്വാരേ മഹാദുര്ഗേ പാതു മാം ഗണനായകഃ ॥ 15 ॥

ശ്മശാനേ ജലമധ്യേ ച ഭൈരവശ്ച സദാഽവതു ।
ദ്വിഭുജാ രക്തവസനാഃ സര്വാഭരണഭൂഷിതാഃ ॥ 16 ॥

യോഗിന്യഃ സര്വദാ പാതു മഹാരണ്യേ സദാ മമ ।
ഇതി തേ കഥിതം ദേവി കവചം പരമാദ്ഭുതമ് ॥ 17 ॥

ശ്രീവിശ്വവിജയന്നാമ കീര്തിശ്രീവിജയപ്രദമ് ।
അപുത്രോ ലഭതേ പുത്രം ധീരം ശൂരം ശതായുഷമ് ॥ 18 ॥

നിര്ധനോ ധനമാപ്നോതി കവചസ്യാസ്യ പാഠതഃ ।
ജപിത്വാ മന്ത്രരാജം തു ധ്യാത്വാ ശ്രീബഗലാമുഖീമ് ॥ 19 ॥

പഠേദിദം ഹി കവചം നിശായാം നിയമാത്തു യഃ ।
യദ്യത്കാമയതേ കാമം സാധ്യാസാധ്യേ മഹീതലേ ॥ 20 ॥

തത്തത്കാമമവാപ്നോതി സപ്തരാത്രേണ ശങ്കരീ ।
ഗുരും ധ്യാത്വാ സുരാം പീത്വാ രാത്രൌ ശക്തിസമന്വിതഃ ॥ 21 ॥

കവചം യഃ പഠേദ്ദേവി തസ്യാഽസാധ്യം ന കിഞ്ചന ।
യം ധ്യാത്വാ പ്രജപേന്മന്ത്രം സഹസ്രം കവചം പഠേത് ॥ 22 ॥

ത്രിരാത്രേണ വശം യാതി മൃത്യും തം നാത്ര സംശയഃ ।
ലിഖിത്വാ പ്രതിമാം ശത്രോഃ സതാലേന ഹരിദ്രയാ ॥ 23 ॥

ലിഖിത്വാ ഹ്യദി തം നാമ തം ധ്യാത്വാ പ്രജപേന്മനുമ് ।
ഏകവിംശദ്ദിനം യാവത്പ്രത്യഹം ച സഹസ്രകമ് ॥ 24 ॥

ജപ്ത്വാ പഠേത്തു കവചം ചതുര്വിംശതിവാരകമ് ।
സംസ്തമ്ഭം ജായതേ ശത്രോര്നാത്ര കാര്യാ വിചാരണാ ॥ 25 ॥

വിവാദേ വിജയം തസ്യ സങ്ഗ്രാമേ ജയമാപ്നുയാത് ।
ശ്മശാനേ ച ഭയം നാസ്തി കവചസ്യ പ്രഭാവതഃ ॥ 26 ॥

നവനീതം ചാഭിമന്ത്ര്യ സ്ത്രീണാം ദദ്യാന്മഹേശ്വരി ।
വന്ധ്യായാം ജായതേ പുത്രോ വിദ്യാബലസമന്വിതഃ ॥ 27 ॥

ശ്മശാനാങ്ഗാരമാദായ ഭൌമേ രാത്രൌ ശനാവഥ ।
പാദോദകേന സ്പൃഷ്ട്വാ ച ലിഖേല്ലോഹശലാകയാ ॥ 28 ॥

ഭൂമൌ ശത്രോഃ സ്വരൂപം ച ഹൃദി നാമ സമാലിഖേത് ।
ഹസ്തം തദ്ധൃദയേ ദത്വാ കവചം തിഥിവാരകമ് ॥ 29 ॥

ധ്യാത്വാ ജപേന്മന്ത്രരാജം നവരാത്രം പ്രയത്നതഃ ।
മ്രിയതേ ജ്വരദാഹേന ദശമേഽഹ്നി ന സംശയഃ ॥ 30 ॥

ഭൂര്ജപത്രേഷ്വിദം സ്തോത്രമഷ്ടഗന്ധേന സംലിഖേത് ।
ധാരയേദ്ദക്ഷിണേ ബാഹൌ നാരീ വാമഭുജേ തഥാ ॥ 31 ॥

സങ്ഗ്രാമേ ജയമാപ്നോതി നാരീ പുത്രവതീ ഭവേത് ।
ബ്രഹ്മാസ്ത്രാദീനി ശസ്ത്രാണി നൈവ കൃന്തന്തി തം ജനമ് ॥ 32 ॥

സമ്പൂജ്യ കവചം നിത്യം പൂജായാഃ ഫലമാലഭേത് ।
ബൃഹസ്പതിസമോ വാപി വിഭവേ ധനദോപമഃ ॥ 33 ॥

കാമതുല്യശ്ച നാരീണാം ശത്രൂണാം ച യമോപമഃ ।
കവിതാലഹരീ തസ്യ ഭവേദ്ഗങ്ഗാപ്രവാഹവത് ॥ 34 ॥

ഗദ്യപദ്യമയീ വാണീ ഭവേദ്ദേവീപ്രസാദതഃ ।
ഏകാദശശതം യാവത്പുരശ്ചരണമുച്യതേ ॥ 35 ॥

പുരശ്ചര്യാവിഹീനം തു ന ചേദം ഫലദായകമ് ।
ന ദേയം പരശിഷ്യേഭ്യോ ദുഷ്ടേഭ്യശ്ച വിശേഷതഃ ॥ 36 ॥

ദേയം ശിഷ്യായ ഭക്തായ പഞ്ചത്വം ചാഽന്യഥാപ്നുയാത് ।
ഇദം കവചമജ്ഞാത്വാ ഭജേദ്യോ ബഗലാമുഖീമ് ।
ശതകോടി ജപിത്വാ തു തസ്യ സിദ്ധിര്ന ജായതേ ॥ 37 ॥

ദാരാഢ്യോ മനുജോസ്യ ലക്ഷജപതഃ പ്രാപ്നോതി സിദ്ധിം പരാം
വിദ്യാം ശ്രീവിജയം തഥാ സുനിയതം ധീരം ച വീരം വരമ് ।
ബ്രഹ്മാസ്ത്രാഖ്യമനും വിലിഖ്യ നിതരാം ഭൂര്ജേഷ്ടഗന്ധേന വൈ
ധൃത്വാ രാജപുരം വ്രജന്തി ഖലു യേ ദാസോഽസ്തി തേഷാം നൃപഃ ॥ 38 ॥

ഇതി വിശ്വസാരോദ്ധാരതന്ത്രേ പാര്വതീശ്വരസംവാദേ ബഗലാമുഖീകവചം സമ്പൂര്ണമ് ।

ശ്രീ ബഗലാമുഖീ കവചം

Explore More

More Bagalamukhi Stotras

Explore More