What is Shri Bagalamukhi Kavacham?

Read Shri Bagalamukhi Kavacham in Odia script — full lyrics with English meaning and transliteration. Shri Bagalamukhi Kavacham is a potent protective hymn derived from the Rudrayamala Tantra. The text features a dialogue between Lord Shiva and Goddess Parvati, detailing the protective armor of Goddess Bagalamukhi, who is revered as the slayer of enemies and the stambhana (paralyzing) force against negativity. Chanting this kavacham is believed to grant the practitioner immense spiritual strength, neutralize the influence of adversaries, and provide victory over obstacles. It serves as a sacred shield that bestows material prosperity, liberation, and divine grace, helping devotees overcome internal and external demons while fostering clarity and spiritual mastery.

Which deity is Shri Bagalamukhi Kavacham dedicated to?

Shri Bagalamukhi Kavacham is a Sanskrit hymn dedicated to Goddess Bagalamukhi.

Who composed Shri Bagalamukhi Kavacham?

Shri Bagalamukhi Kavacham is traditionally attributed to From Rudrayamala Tantra.

Shri Bagalamukhi Kavacham in Odia – Lyrics

କୈଲାସାଚଲମଧ୍ଯଗଂ ପୁରଵହଂ ଶାନ୍ତଂ ତ୍ରିନେତ୍ରଂ ଶିଵଂ
ଵାମସ୍ଥା କଵଚଂ ପ୍ରଣମ୍ଯ ଗିରିଜା ଭୂତିପ୍ରଦଂ ପୃଚ୍ଛତି ।
ଦେଵୀ ଶ୍ରୀବଗଲାମୁଖୀ ରିପୁକୁଲାରଣ୍ଯାଗ୍ନିରୂପା ଚ ଯା
ତସ୍ଯାଶ୍ଚାପଵିମୁକ୍ତ ମନ୍ତ୍ରସହିତଂ ପ୍ରୀତ୍ଯାଽଧୁନା ବ୍ରୂହି ମାମ୍ ॥ 1 ॥

ଶ୍ରୀଶଙ୍କର ଉଵାଚ।
ଦେଵୀ ଶ୍ରୀଭଵଵଲ୍ଲଭେ ଶୃଣୁ ମହାମନ୍ତ୍ରଂ ଵିଭୂତିପ୍ରଦଂ
ଦେଵ୍ଯା ଵର୍ମଯୁତଂ ସମସ୍ତସୁଖଦଂ ସାମ୍ରାଜ୍ଯଦଂ ମୁକ୍ତିଦମ୍ ।
ତାରଂ ରୁଦ୍ରଵଧୂଂ ଵିରିଞ୍ଚିମହିଲା ଵିଷ୍ଣୁପ୍ରିଯା କାମଯୁ-
-କ୍କାନ୍ତେ ଶ୍ରୀବଗଲାନନେ ମମ ରିପୂନ୍ନାଶାଯ ଯୁଗ୍ମନ୍ତ୍ଵିତି ॥ 2 ॥

ଐଶ୍ଵର୍ଯାଣି ପଦଂ ଚ ଦେହି ଯୁଗଲଂ ଶୀଘ୍ରଂ ମନୋଵାଞ୍ଛିତଂ
କାର୍ଯଂ ସାଧଯ ଯୁଗ୍ମଯୁକ୍ଛିଵଵଧୂ ଵହ୍ନିପ୍ରିଯାନ୍ତୋ ମନୁଃ ।
କଂସାରେସ୍ତନଯଂ ଚ ବୀଜମପରାଶକ୍ତିଶ୍ଚ ଵାଣୀ ତଥା
କୀଲଂ ଶ୍ରୀମିତି ଭୈରଵର୍ଷିସହିତଂ ଛନ୍ଦୋ ଵିରାଟ୍ ସଂଯୁତମ୍ ॥ 3 ॥

ସ୍ଵେଷ୍ଟାର୍ଥସ୍ଯ ପରସ୍ଯ ଵେତ୍ତି ନିତରାଂ କାର୍ଯସ୍ଯ ସମ୍ପ୍ରାପ୍ତଯେ
ନାନାସାଧ୍ଯମହାଗଦସ୍ଯ ନିଯତନ୍ନାଶାଯ ଵୀର୍ଯାପ୍ତଯେ ।
ଧ୍ଯାତ୍ଵା ଶ୍ରୀବଗଲାନନାମନୁଵରଂ ଜପ୍ତ୍ଵା ସହସ୍ରାଖ୍ଯକଂ
ଦୀର୍ଘୈଃ ଷଟ୍କଯୁତୈଶ୍ଚ ରୁଦ୍ରମହିଲାବୀଜୈର୍ଵିନ୍ଯାସ୍ଯାଙ୍ଗକେ ॥ 4 ॥

ଧ୍ଯାନମ୍ ।
ସୌଵର୍ଣାସନସଂସ୍ଥିତାଂ ତ୍ରିନଯନାଂ ପୀତାଂଶୁକୋଲାସିନୀଂ
ହେମାଭାଙ୍ଗରୁଚିଂ ଶଶାଙ୍କମୁକୁଟାଂ ସ୍ରକ୍ଚମ୍ପକସ୍ରଗ୍ଯୁତାମ୍ ।
ହସ୍ତୈର୍ମଦ୍ଗରପାଶବଦ୍ଧରସନାଂ ସମ୍ବିଭ୍ରତୀଂ ଭୂଷଣ-
-ଵ୍ଯାପ୍ତାଙ୍ଗୀଂ ବଗଲାମୁଖୀଂ ତ୍ରିଜଗତାଂ ସଂସ୍ତମ୍ଭିନୀଂ ଚିନ୍ତଯେ ॥ 5 ॥

ଵିନିଯୋଗଃ ।
ଓଁ ଅସ୍ଯ ଶ୍ରୀବଗଲାମୁଖୀ ବ୍ରହ୍ମାସ୍ତ୍ରମନ୍ତ୍ର କଵଚସ୍ଯ ଭୈରଵ ଋଷିଃ ଵିରାଟ୍ ଛନ୍ଦଃ ଶ୍ରୀବଗଲାମୁଖୀ ଦେଵତା କ୍ଲୀଂ ବୀଜଂ ଐଂ ଶକ୍ତିଃ ଶ୍ରୀଂ କୀଲକଂ ମମ ପରସ୍ଯ ଚ ମନୋଭିଲଷିତେଷ୍ଟକାର୍ଯସିଦ୍ଧଯେ ଵିନିଯୋଗଃ ।

ଋଷ୍ଯାଦିନ୍ଯାସଃ ।
ଭୈରଵ ଋଷଯେ ନମଃ ଶିରସି ।
ଵିରାଟ୍ ଛନ୍ଦସେ ନମଃ ମୁଖେ ।
ଶ୍ରୀ ବଗଲାମୁଖୀ ଦେଵତାଯୈ ନମଃ ହୃଦି ।
କ୍ଲୀଂ ବୀଜାଯ ନମଃ ଗୁହ୍ଯେ ।
ଐଂ ଶକ୍ତଯେ ନମଃ ପାଦଯୋଃ ।
ଶ୍ରୀଂ କୀଲକାଯ ନମଃ ସର୍ଵାଙ୍ଗେ ।

କରନ୍ଯାସଃ ।
ଓଁ ହ୍ରାଂ ଅଙ୍ଗୁଷ୍ଠାଭ୍ଯାଂ ନମଃ ।
ଓଁ ହ୍ରୀଂ ତର୍ଜନୀଭ୍ଯାଂ ନମଃ ।
ଓଁ ହ୍ରୂଂ ମଧ୍ଯମାଭ୍ଯାଂ ନମଃ ।
ଓଁ ହ୍ରୈଂ ଅନାମିକାଭ୍ଯାଂ ନମଃ ।
ଓଁ ହ୍ରୌଂ କନିଷ୍ଠିକାଭ୍ଯାଂ ନମଃ ।
ଓଁ ହ୍ରଃ କରତଲକରପୃଷ୍ଠାଭ୍ଯାଂ ନମଃ ।

ଅଙ୍ଗନ୍ଯାସଃ ।
ଓଁ ହ୍ରାଂ ହୃଦଯାଯ ନମଃ ।
ଓଁ ହ୍ରୀଂ ଶିରସେ ସ୍ଵାହା ।
ଓଁ ହ୍ରୂଂ ଶିଖାଯୈ ଵଷଟ୍ ।
ଓଁ ହ୍ରୈଂ କଵଚାଯ ହୁମ୍ ।
ଓଁ ହ୍ରୌଂ ନେତ୍ରତ୍ରଯାଯ ଵୌଷଟ୍ ।
ଓଁ ହ୍ରଃ ଅସ୍ତ୍ରାଯ ଫଟ୍ ।
ଭୂର୍ଭୁଵସ୍ସୁଵରୋମିତି ଦିଗ୍ବନ୍ଧଃ ।

ମନ୍ତ୍ରୋଦ୍ଧାରଃ ।
ଓଁ ହ୍ରୀଂ ଐଂ ଶ୍ରୀଂ କ୍ଲୀଂ ଶ୍ରୀବଗଲାନନେ ମମ ରିପୂନ୍ନାଶଯ ନାଶଯ ମମୈଶ୍ଵର୍ଯାଣି ଦେହି ଦେହି ଶୀଘ୍ରଂ ମନୋଵାଞ୍ଛିତକାର୍ଯଂ ସାଧଯଃ ସାଧଯଃ ହ୍ରୀଂ ସ୍ଵାହା ।

କଵଚମ୍ ।

ଶିରୋ ମେ ପାତୁ ଓଁ ହ୍ରୀଂ ଐଂ ଶ୍ରୀଂ କ୍ଲୀଂ ପାତୁ ଲଲାଟକମ୍ ।
ସମ୍ବୋଧନପଦଂ ପାତୁ ନେତ୍ରେ ଶ୍ରୀବଗଲାନନେ ॥ 1 ॥

ଶ୍ରୁତୌ ମମ ରିପୁଂ ପାତୁ ନାସିକାନ୍ନାଶଯ ଦ୍ଵଯମ୍ ।
ପାତୁ ଗଣ୍ଡୌ ସଦା ମାମୈଶ୍ଵର୍ଯାଣ୍ଯଂ ତଂ ତୁ ମସ୍ତକମ୍ ॥ 2 ॥

ଦେହି ଦ୍ଵନ୍ଦ୍ଵଂ ସଦା ଜିହ୍ଵାଂ ପାତୁ ଶୀଘ୍ରଂ ଵଚୋ ମମ ।
କଣ୍ଠଦେଶଂ ମନଃ ପାତୁ ଵାଞ୍ଛିତଂ ବାହୁମୂଲକମ୍ ॥ 3 ॥

କାର୍ଯଂ ସାଧଯ ଦ୍ଵନ୍ଦ୍ଵନ୍ତୁ କରୌ ପାତୁ ସଦା ମମ ।
ମାଯାଯୁକ୍ତା ତଥା ସ୍ଵାହା ହୃଦଯଂ ପାତୁ ସର୍ଵଦା ॥ 4 ॥

ଅଷ୍ଟାଧିକଚତ୍ଵାରିଂଶଦ୍ଦଣ୍ଡାଢ୍ଯା ବଗଲାମୁଖୀ ।
ରକ୍ଷାଂ କରୋତୁ ସର୍ଵତ୍ର ଗୃହେଽରଣ୍ଯେ ସଦା ମମ ॥ 5 ॥

ବ୍ରହ୍ମାସ୍ତ୍ରାଖ୍ଯୋ ମନୁଃ ପାତୁ ସର୍ଵାଙ୍ଗେ ସର୍ଵସନ୍ଧିଷୁ ।
ମନ୍ତ୍ରରାଜଃ ସଦା ରକ୍ଷାଂ କରୋତୁ ମମ ସର୍ଵଦା ॥ 6 ॥

ଓଁ ହ୍ରୀଂ ପାତୁ ନାଭିଦେଶଂ କଟିଂ ମେ ବଗଲାଽଵତୁ ।
ମୁଖୀ ଵର୍ଣଦ୍ଵଯଂ ପାତୁ ଲିଙ୍ଗଂ ମେ ମୁଷ୍କଯୁଗ୍ମକମ୍ ॥ 7 ॥

ଜାନୁନୀ ସର୍ଵଦୁଷ୍ଟାନାଂ ପାତୁ ମେ ଵର୍ଣପଞ୍ଚକମ୍ ।
ଵାଚଂ ମୁଖଂ ତଥା ପଦଂ ଷଡ୍ଵର୍ଣା ପରମେଶ୍ଵରୀ ॥ 8 ॥

ଜଙ୍ଘାଯୁଗ୍ମେ ସଦା ପାତୁ ବଗଲା ରିପୁମୋହିନୀ ।
ସ୍ତମ୍ଭଯେତି ପଦଂ ପୃଷ୍ଠଂ ପାତୁ ଵର୍ଣତ୍ରଯଂ ମମ ॥ 9 ॥

ଜିହ୍ଵାଂ ଵର୍ଣଦ୍ଵଯଂ ପାତୁ ଗୁଲ୍ଫୌ ମେ କୀଲଯେତି ଚ ।
ପାଦୋର୍ଧ୍ଵଂ ସର୍ଵଦା ପାତୁ ବୁଦ୍ଧିଂ ପାଦତଲେ ମମ ॥ 10 ॥

ଵିନାଶଯ ପଦଂ ପାତୁ ପାଦାଙ୍ଗୁଲ୍ଯୋର୍ନଖାନି ମେ ।
ହ୍ରୀଂ ବୀଜଂ ସର୍ଵଦା ପାତୁ ବୁଦ୍ଧୀନ୍ଦ୍ରିଯଵଚାଂସି ମେ ॥ 11 ॥

ସର୍ଵାଙ୍ଗଂ ପ୍ରଣଵଃ ପାତୁ ସ୍ଵାହା ରୋମାଣି ମେଽଵତୁ ।
ବ୍ରାହ୍ମୀ ପୂର୍ଵଦଲେ ପାତୁ ଚାଗ୍ନେଯାଂ ଵିଷ୍ଣୁଵଲ୍ଲଭା ॥ 12 ॥

ମାହେଶୀ ଦକ୍ଷିଣେ ପାତୁ ଚାମୁଣ୍ଡା ରାକ୍ଷସେଽଵତୁ ।
କୌମାରୀ ପଶ୍ଚିମେ ପାତୁ ଵାଯଵ୍ଯେ ଚାପରାଜିତା ॥ 13 ॥

ଵାରାହୀ ଚୋତ୍ତରେ ପାତୁ ନାରସିଂହୀ ଶିଵେଽଵତୁ ।
ଊର୍ଧ୍ଵଂ ପାତୁ ମହାଲକ୍ଷ୍ମୀଃ ପାତାଲେ ଶାରଦାଽଵତୁ ॥ 14 ॥

ଇତ୍ଯଷ୍ଟୌ ଶକ୍ତଯଃ ପାନ୍ତୁ ସାଯୁଧାଶ୍ଚ ସଵାହନାଃ ।
ରାଜଦ୍ଵାରେ ମହାଦୁର୍ଗେ ପାତୁ ମାଂ ଗଣନାଯକଃ ॥ 15 ॥

ଶ୍ମଶାନେ ଜଲମଧ୍ଯେ ଚ ଭୈରଵଶ୍ଚ ସଦାଽଵତୁ ।
ଦ୍ଵିଭୁଜା ରକ୍ତଵସନାଃ ସର୍ଵାଭରଣଭୂଷିତାଃ ॥ 16 ॥

ଯୋଗିନ୍ଯଃ ସର୍ଵଦା ପାତୁ ମହାରଣ୍ଯେ ସଦା ମମ ।
ଇତି ତେ କଥିତଂ ଦେଵି କଵଚଂ ପରମାଦ୍ଭୁତମ୍ ॥ 17 ॥

ଶ୍ରୀଵିଶ୍ଵଵିଜଯନ୍ନାମ କୀର୍ତିଶ୍ରୀଵିଜଯପ୍ରଦମ୍ ।
ଅପୁତ୍ରୋ ଲଭତେ ପୁତ୍ରଂ ଧୀରଂ ଶୂରଂ ଶତାଯୁଷମ୍ ॥ 18 ॥

ନିର୍ଧନୋ ଧନମାପ୍ନୋତି କଵଚସ୍ଯାସ୍ଯ ପାଠତଃ ।
ଜପିତ୍ଵା ମନ୍ତ୍ରରାଜଂ ତୁ ଧ୍ଯାତ୍ଵା ଶ୍ରୀବଗଲାମୁଖୀମ୍ ॥ 19 ॥

ପଠେଦିଦଂ ହି କଵଚଂ ନିଶାଯାଂ ନିଯମାତ୍ତୁ ଯଃ ।
ଯଦ୍ଯତ୍କାମଯତେ କାମଂ ସାଧ୍ଯାସାଧ୍ଯେ ମହୀତଲେ ॥ 20 ॥

ତତ୍ତତ୍କାମମଵାପ୍ନୋତି ସପ୍ତରାତ୍ରେଣ ଶଙ୍କରୀ ।
ଗୁରୁଂ ଧ୍ଯାତ୍ଵା ସୁରାଂ ପୀତ୍ଵା ରାତ୍ରୌ ଶକ୍ତିସମନ୍ଵିତଃ ॥ 21 ॥

କଵଚଂ ଯଃ ପଠେଦ୍ଦେଵି ତସ୍ଯାଽସାଧ୍ଯଂ ନ କିଞ୍ଚନ ।
ଯଂ ଧ୍ଯାତ୍ଵା ପ୍ରଜପେନ୍ମନ୍ତ୍ରଂ ସହସ୍ରଂ କଵଚଂ ପଠେତ୍ ॥ 22 ॥

ତ୍ରିରାତ୍ରେଣ ଵଶଂ ଯାତି ମୃତ୍ଯୁଂ ତଂ ନାତ୍ର ସଂଶଯଃ ।
ଲିଖିତ୍ଵା ପ୍ରତିମାଂ ଶତ୍ରୋଃ ସତାଲେନ ହରିଦ୍ରଯା ॥ 23 ॥

ଲିଖିତ୍ଵା ହ୍ଯଦି ତଂ ନାମ ତଂ ଧ୍ଯାତ୍ଵା ପ୍ରଜପେନ୍ମନୁମ୍ ।
ଏକଵିଂଶଦ୍ଦିନଂ ଯାଵତ୍ପ୍ରତ୍ଯହଂ ଚ ସହସ୍ରକମ୍ ॥ 24 ॥

ଜପ୍ତ୍ଵା ପଠେତ୍ତୁ କଵଚଂ ଚତୁର୍ଵିଂଶତିଵାରକମ୍ ।
ସଂସ୍ତମ୍ଭଂ ଜାଯତେ ଶତ୍ରୋର୍ନାତ୍ର କାର୍ଯା ଵିଚାରଣା ॥ 25 ॥

ଵିଵାଦେ ଵିଜଯଂ ତସ୍ଯ ସଙ୍ଗ୍ରାମେ ଜଯମାପ୍ନୁଯାତ୍ ।
ଶ୍ମଶାନେ ଚ ଭଯଂ ନାସ୍ତି କଵଚସ୍ଯ ପ୍ରଭାଵତଃ ॥ 26 ॥

ନଵନୀତଂ ଚାଭିମନ୍ତ୍ର୍ଯ ସ୍ତ୍ରୀଣାଂ ଦଦ୍ଯାନ୍ମହେଶ୍ଵରି ।
ଵନ୍ଧ୍ଯାଯାଂ ଜାଯତେ ପୁତ୍ରୋ ଵିଦ୍ଯାବଲସମନ୍ଵିତଃ ॥ 27 ॥

ଶ୍ମଶାନାଙ୍ଗାରମାଦାଯ ଭୌମେ ରାତ୍ରୌ ଶନାଵଥ ।
ପାଦୋଦକେନ ସ୍ପୃଷ୍ଟ୍ଵା ଚ ଲିଖେଲ୍ଲୋହଶଲାକଯା ॥ 28 ॥

ଭୂମୌ ଶତ୍ରୋଃ ସ୍ଵରୂପଂ ଚ ହୃଦି ନାମ ସମାଲିଖେତ୍ ।
ହସ୍ତଂ ତଦ୍ଧୃଦଯେ ଦତ୍ଵା କଵଚଂ ତିଥିଵାରକମ୍ ॥ 29 ॥

ଧ୍ଯାତ୍ଵା ଜପେନ୍ମନ୍ତ୍ରରାଜଂ ନଵରାତ୍ରଂ ପ୍ରଯତ୍ନତଃ ।
ମ୍ରିଯତେ ଜ୍ଵରଦାହେନ ଦଶମେଽହ୍ନି ନ ସଂଶଯଃ ॥ 30 ॥

ଭୂର୍ଜପତ୍ରେଷ୍ଵିଦଂ ସ୍ତୋତ୍ରମଷ୍ଟଗନ୍ଧେନ ସଂଲିଖେତ୍ ।
ଧାରଯେଦ୍ଦକ୍ଷିଣେ ବାହୌ ନାରୀ ଵାମଭୁଜେ ତଥା ॥ 31 ॥

ସଙ୍ଗ୍ରାମେ ଜଯମାପ୍ନୋତି ନାରୀ ପୁତ୍ରଵତୀ ଭଵେତ୍ ।
ବ୍ରହ୍ମାସ୍ତ୍ରାଦୀନି ଶସ୍ତ୍ରାଣି ନୈଵ କୃନ୍ତନ୍ତି ତଂ ଜନମ୍ ॥ 32 ॥

ସମ୍ପୂଜ୍ଯ କଵଚଂ ନିତ୍ଯଂ ପୂଜାଯାଃ ଫଲମାଲଭେତ୍ ।
ବୃହସ୍ପତିସମୋ ଵାପି ଵିଭଵେ ଧନଦୋପମଃ ॥ 33 ॥

କାମତୁଲ୍ଯଶ୍ଚ ନାରୀଣାଂ ଶତ୍ରୂଣାଂ ଚ ଯମୋପମଃ ।
କଵିତାଲହରୀ ତସ୍ଯ ଭଵେଦ୍ଗଙ୍ଗାପ୍ରଵାହଵତ୍ ॥ 34 ॥

ଗଦ୍ଯପଦ୍ଯମଯୀ ଵାଣୀ ଭଵେଦ୍ଦେଵୀପ୍ରସାଦତଃ ।
ଏକାଦଶଶତଂ ଯାଵତ୍ପୁରଶ୍ଚରଣମୁଚ୍ଯତେ ॥ 35 ॥

ପୁରଶ୍ଚର୍ଯାଵିହୀନଂ ତୁ ନ ଚେଦଂ ଫଲଦାଯକମ୍ ।
ନ ଦେଯଂ ପରଶିଷ୍ଯେଭ୍ଯୋ ଦୁଷ୍ଟେଭ୍ଯଶ୍ଚ ଵିଶେଷତଃ ॥ 36 ॥

ଦେଯଂ ଶିଷ୍ଯାଯ ଭକ୍ତାଯ ପଞ୍ଚତ୍ଵଂ ଚାଽନ୍ଯଥାପ୍ନୁଯାତ୍ ।
ଇଦଂ କଵଚମଜ୍ଞାତ୍ଵା ଭଜେଦ୍ଯୋ ବଗଲାମୁଖୀମ୍ ।
ଶତକୋଟି ଜପିତ୍ଵା ତୁ ତସ୍ଯ ସିଦ୍ଧିର୍ନ ଜାଯତେ ॥ 37 ॥

ଦାରାଢ୍ଯୋ ମନୁଜୋସ୍ଯ ଲକ୍ଷଜପତଃ ପ୍ରାପ୍ନୋତି ସିଦ୍ଧିଂ ପରାଂ
ଵିଦ୍ଯାଂ ଶ୍ରୀଵିଜଯଂ ତଥା ସୁନିଯତଂ ଧୀରଂ ଚ ଵୀରଂ ଵରମ୍ ।
ବ୍ରହ୍ମାସ୍ତ୍ରାଖ୍ଯମନୁଂ ଵିଲିଖ୍ଯ ନିତରାଂ ଭୂର୍ଜେଷ୍ଟଗନ୍ଧେନ ଵୈ
ଧୃତ୍ଵା ରାଜପୁରଂ ଵ୍ରଜନ୍ତି ଖଲୁ ଯେ ଦାସୋଽସ୍ତି ତେଷାଂ ନୃପଃ ॥ 38 ॥

ଇତି ଵିଶ୍ଵସାରୋଦ୍ଧାରତନ୍ତ୍ରେ ପାର୍ଵତୀଶ୍ଵରସଂଵାଦେ ବଗଲାମୁଖୀକଵଚଂ ସମ୍ପୂର୍ଣମ୍ ।

ଶ୍ରୀ ବଗଲାମୁଖୀ କଵଚଂ

Explore More

More Bagalamukhi Stotras

Explore More