શ્રી દક્ષિણ કાલી ખદ્ગમાલા સ્તોત્રં

અસ્ય શ્રીદક્ષિણકાલિકા ખડ્ગમાલામન્ત્રસ્ય શ્રી ભગવાન્ મહાકાલભૈરવ ઋષિઃ ઉષ્ણિક્ છન્દઃ શુદ્ધઃ કકાર ત્રિપઞ્ચભટ્ટારકપીઠસ્થિત મહાકાલેશ્વરાઙ્કનિલયા, મહાકાલેશ્વરી ત્રિગુણાત્મિકા શ્રીમદ્દક્ષિણા કાલિકા મહાભયહારિકા દેવતા ક્રીં બીજં હ્રીં શક્તિઃ હૂં કીલકં મમ સર્વાભીષ્ટસિદ્ધ્યર્થે ખડ્ગમાલામન્ત્ર જપે વિનિયોગઃ ॥
ઋષ્યાદિ ન્યાસઃ
ૐ મહાકાલભૈરવ ઋષયે નમઃ શિરસિ ।
ઉષ્ણિક્ છન્દસે નમઃ મુખે ।
દક્ષિણકાલિકા દેવતાયૈ નમઃ હૃદિ ।
ક્રીં બીજાય નમઃ ગુહ્યે ।
હ્રીં શક્તયે નમઃ પાદયોઃ ।
હૂં કીલકાય નમઃ નાભૌ ।
વિનિયોગાય નમઃ સર્વાઙ્ગે ।
કરન્યાસઃ
ૐ ક્રાં અઙ્ગુષ્ઠાભ્યાં નમઃ ।
ૐ ક્રીં તર્જનીભ્યાં નમઃ ।
ૐ ક્રૂં મધ્યમાભ્યાં નમઃ ।
ૐ ક્રૈં અનામિકાભ્યાં નમઃ ।
ૐ ક્રૌં કનિષ્ઠિકાભ્યાં નમઃ ।
ૐ ક્રઃ કરતલકરપૃષ્ઠાભ્યાં નમઃ ।
હૃદયાદિન્યાસઃ
ૐ ક્રાં હૃદયાય નમઃ ।
ૐ ક્રીં શિરસે સ્વાહા ।
ૐ ક્રૂં શિખાયૈ વષટ્ ।
ૐ ક્રૈં કવચાય હુમ્ ।
ૐ ક્રૌં નેત્રત્રયાય વૌષટ્ ।
ૐ ક્રઃ અસ્ત્રાય ફટ્ ।
ધ્યાનમ્
સદ્યશ્છિન્નશિરઃ કૃપાણમભયં હસ્તૈર્વરં બિભ્રતીં
ઘોરાસ્યાં શિરસિ સ્રજા સુરુચિરાનુન્મુક્ત કેશાવલિમ્ ।
સૃક્કાસૃક્પ્રવહાં શ્મશાનનિલયાં શ્રુત્યોઃ શવાલઙ્કૃતિં
શ્યામાઙ્ગીં કૃતમેખલાં શવકરૈર્દેવીં ભજે કાલિકામ્ ॥ 1 ॥

શવારૂઢાં મહાભીમાં ઘોરદંષ્ટ્રાં હસન્મુખીં
ચતુર્ભુજાં ખડ્ગમુણ્ડવરાભયકરાં શિવામ્ ।
મુણ્ડમાલાધરાં દેવીં લલજ્જિહ્વાં દિગમ્બરાં
એવં સઞ્ચિન્તયેત્કાલીં શ્મશાનાલયવાસિનીમ્ ॥ 2 ॥
લમિત્યાદિ પઞ્ચપૂજાઃ
લં પૃથિવ્યાત્મિકાયૈ ગન્ધં સમર્પયામિ ।
હં આકાશાત્મિકાયૈ પુષ્પં સમર્પયામિ ।
યં વાય્વાત્મિકાયૈ ધૂપમાઘ્રાપયામિ ।
રં અગ્ન્યાત્મિકાયૈ દીપં દર્શયામિ ।
વં અમૃતાત્મિકાયૈ અમૃતોપહારં નિવેદયામિ ।
સં સર્વાત્મિકાયૈ સર્વોપચારાન્ સમર્પયામિ ।
અથ ખડ્ગમાલા
ૐ ઐં હ્રીં શ્રીં ક્રીં હૂં હ્રીં શ્રીમદ્દક્ષિણકાલિકે, હૃદયદેવિ સિદ્ધિકાલિકામયિ, શિરોદેવિ મહાકાલિકામયિ, શિખાદેવિ ગુહ્યકાલિકામયિ, કવચદેવિ શ્મશાનકાલિકામયિ, નેત્રદેવિ ભદ્રકાલિકામયિ, અસ્ત્રદેવિ શ્રીમદ્દક્ષિણકાલિકામયિ, સર્વસમ્પત્પ્રદાયક ચક્રસ્વામિનિ । જયા સિદ્ધિમયિ, અપરાજિતા સિદ્ધિમયિ, નિત્યા સિદ્ધિમયિ, અઘોરા સિદ્ધિમયિ, સર્વમઙ્ગલમયચક્રસ્વામિનિ । શ્રીગુરુમયિ, પરમગુરુમયિ, પરાત્પરગુરુમયિ, પરમેષ્ઠિગુરુમયિ, સર્વસમ્પત્પ્રદાયકચક્રસ્વામિનિ । મહાદેવ્યમ્બામયિ, મહાદેવાનન્દનાથમયિ, ત્રિપુરામ્બામયિ, ત્રિપુરભૈરવાનન્દનાથમયિ, બ્રહ્માનન્દનાથમયિ, પૂર્વદેવાનન્દનાથમયિ, ચલચ્ચિતાનન્દનાથમયિ, લોચનાનન્દનાથમયિ, કુમારાનન્દનાથમયિ, ક્રોધાનન્દનાથમયિ, વરદાનન્દનાથમયિ, સ્મરાદ્વીર્યાનન્દનાથમયિ, માયામ્બામયિ, માયાવત્યમ્બામયિ, વિમલાનન્દનાથમયિ, કુશલાનન્દનાથમયિ, ભીમસુરાનન્દનાથમયિ, સુધાકરાનન્દનાથમયિ, મીનાનન્દનાથમયિ, ગોરક્ષકાનન્દનાથમયિ, ભોજદેવાનન્દનાથમયિ, પ્રજાપત્યાનન્દનાથમયિ, મૂલદેવાનન્દનાથમયિ, ગ્રન્થિદેવાનન્દનાથમયિ, વિઘ્નેશ્વરાનન્દનાથમયિ, હુતાશનાનન્દનાથમયિ, સમરાનન્દનાથમયિ, સન્તોષાનન્દનાથમયિ, સર્વસમ્પત્પ્રદાયકચક્રસ્વામિનિ । કાલિ, કપાલિનિ, કુલ્લે, કુરુકુલ્લે, વિરોધિનિ, વિપ્રચિત્તે, ઉગ્રે, ઉગ્રપ્રભે, દીપ્તે, નીલે, ઘને, બલાકે, માત્રે, મુદ્રે, મિત્રે, સર્વેપ્સિતફલપ્રદાયકચક્રસ્વામિનિ । બ્રાહ્મિ, નારાયણિ, માહેશ્વરિ, ચામુણ્ડે, કૌમારિ, અપરાજિતે, વારાહિ, નારસિંહિ, ત્રૈલોક્યમોહનચક્રસ્વામિનિ । અસિતાઙ્ગભૈરવમયિ, રુરુભૈરવમયિ, ચણ્ડભૈરવમયિ, ક્રોધભૈરવમયિ, ઉન્મત્તભૈરવમયિ, કપાલિભૈરવમયિ, ભીષણભૈરવમયિ, સંહારભૈરવમયિ, સર્વસઙ્ક્ષોભણ ચક્રસ્વામિનિ । હેતુવટુકાનન્દનાથમયિ, ત્રિપુરાન્તકવટુકાનન્દનાથમયિ, વેતાલવટુકાનન્દનાથમયિ, વહ્નિજિહ્વવટુકાનન્દનાથમયિ, કાલવટુકાનન્દનાથમયિ, કરાલવટુકાનન્દનાથમયિ, એકપાદવટુકાનન્દનાથમયિ, ભીમવટુકાનન્દનાથમયિ, સર્વસૌભાગ્યદાયકચક્રસ્વામિનિ । ૐ ઐં હ્રીં ક્લીં હૂં ફટ્ સ્વાહા સિંહવ્યાઘ્રમુખી યોગિનિદેવીમયિ, સર્પાસુમુખી યોગિનિદેવીમયિ, મૃગમેષમુખી યોગિનિદેવીમયિ, ગજવાજિમુખી યોગિનિદેવીમયિ, બિડાલમુખી યોગિનિદેવીમયિ, ક્રોષ્ટાસુમુખી યોગિનિદેવીમયિ, લમ્બોદરી યોગિનિદેવીમયિ, હ્રસ્વજઙ્ઘા યોગિનિદેવીમયિ, તાલજઙ્ઘા યોગિનિદેવીમયિ, પ્રલમ્બોષ્ઠી યોગિનિદેવીમયિ, સર્વાર્થદાયકચક્રસ્વામિનિ । ૐ ઐં હ્રીં શ્રીં ક્રીં હૂં હ્રીં ઇન્દ્રમયિ, અગ્નિમયિ, યમમયિ, નિરૃતિમયિ, વરુણમયિ, વાયુમયિ, કુબેરમયિ, ઈશાનમયિ, બ્રહ્મમયિ, અનન્તમયિ, વજ્રિણિ, શક્તિનિ, દણ્ડિનિ, ખડ્ગિનિ, પાશિનિ, અઙ્કુશિનિ, ગદિનિ, ત્રિશૂલિનિ, પદ્મિનિ, ચક્રિણિ, સર્વરક્ષાકરચક્રસ્વામિનિ । ખડ્ગમયિ, મુણ્ડમયિ, વરમયિ, અભયમયિ, સર્વાશાપરિપૂરકચક્રસ્વામિનિ । વટુકાનન્દનાથમયિ, યોગિનિમયિ, ક્ષેત્રપાલાનન્દનાથમયિ, ગણનાથાનન્દનાથમયિ, સર્વભૂતાનન્દનાથમયિ, સર્વસઙ્ક્ષોભણચક્રસ્વામિનિ । નમસ્તે નમસ્તે ફટ્ સ્વાહા ॥
ચતુરસ્ત્રાદ્બહિઃ સમ્યક્ સંસ્થિતાશ્ચ સમન્તતઃ ।
તે ચ સમ્પૂજિતાઃ સન્તુ દેવાઃ દેવિ ગૃહે સ્થિતાઃ ॥
સિદ્ધાઃ સાધ્યાઃ ભૈરવાશ્ચ ગન્ધર્વા વસવોઽશ્વિનૌ ।
મુનયો ગ્રહાસ્તુષ્યન્તુ વિશ્વેદેવાશ્ચ ઉષ્મયાઃ ॥
રુદ્રાદિત્યાશ્ચ પિતરઃ પન્નગાઃ યક્ષચારણાઃ ।
યોગેશ્વરોપાસકા યે તુષ્યન્તિ નરકિન્નરાઃ ॥
નાગા વા દાનવેન્દ્રાશ્ચ ભૂતપ્રેતપિશાચકાઃ ।
અસ્ત્રાણિ સર્વશસ્ત્રાણિ મન્ત્ર યન્ત્રાર્ચન ક્રિયાઃ ॥
શાન્તિં કુરુ મહામાયે સર્વસિદ્ધિપ્રદાયિકે ।
સર્વસિદ્ધિમયચક્રસ્વામિનિ નમસ્તે નમસ્તે સ્વાહા ॥
સર્વજ્ઞે સર્વશક્તે સર્વાર્થપ્રદે શિવે સર્વમઙ્ગલમયે સર્વવ્યાધિવિનાશિનિ સર્વાધારસ્વરૂપે સર્વપાપહરે સર્વરક્ષાસ્વરૂપિણિ સર્વેપ્સિતફલપ્રદે સર્વમઙ્ગલદાયક ચક્રસ્વામિનિ નમસ્તે નમસ્તે સ્વાહા ॥
ક્રીં હ્રીં હૂં ક્ષ્મ્યૂં મહાકાલાય, હૌં મહાદેવાય, ક્રીં કાલિકાયૈ, હૌં મહાદેવ મહાકાલ સર્વસિદ્ધિપ્રદાયક દેવી ભગવતી ચણ્ડચણ્ડિકા ચણ્ડચિતાત્મા પ્રીણાતુ દક્ષિણકાલિકાયૈ સર્વજ્ઞે સર્વશક્તે શ્રીમહાકાલસહિતે શ્રીદક્ષિણકાલિકાયૈ નમસ્તે નમસ્તે ફટ્ સ્વાહા ।
હ્રીં હૂં ક્રીં શ્રીં હ્રીં ઐં ઓમ્ ॥