॥ શ્રી ગણેશાય નમઃ ॥
॥ શ્રી દક્ષિણકાલી કવચમ્ ॥
॥ કાલીકુલસર્વસ્વ તંત્ર ॥
ભૈરવ ઉવાચ।
કાલિકા યા મહાવિદ્યા કથિતા ભુવિ દુર્લભા ।
તથાઽપિ હૃદયે શલ્યમસ્તિ દેવિ કૃપાં કુરુ ॥ ૧ ॥
તથાઽપિ હૃદયે શલ્યમસ્તિ દેવિ કૃપાં કુરુ ॥ ૧ ॥
કવચસ્તુ મહાદેવિ કથયસ્વાનુકમ્પયા ।
યદિ નો કથ્યતે માતર્વિમુઞ્ચામિ તદા તનુમ્ ॥ ૨ ॥
યદિ નો કથ્યતે માતર્વિમુઞ્ચામિ તદા તનુમ્ ॥ ૨ ॥
શ્રીદેવ્યુવાચ।
શઙ્કાપિ જાયતે વત્સ તવ સ્નેહાત્ પ્રકાશિતમ્ ।
ન વક્તવ્યં ન દ્રષ્ટવ્યમતિગુહ્યતરં મહત્ ॥ ૩ ॥
ન વક્તવ્યં ન દ્રષ્ટવ્યમતિગુહ્યતરં મહત્ ॥ ૩ ॥
કાલિકા જગતાં માતા શોકદુઃખવિનાશિની ।
વિશેષતઃ કલિયુગે મહાપાતકહારિણી ॥ ૪ ॥
વિશેષતઃ કલિયુગે મહાપાતકહારિણી ॥ ૪ ॥
॥ અથ કવચમ્ ॥
કાલી મે પુરતઃ પાતુ પૃષ્ઠતશ્ચ કપાલિની ।
કુલ્લા મે દક્ષિણે પાતુ કુરુકુલ્લા તથોત્તરે ॥ ૫ ॥
કુલ્લા મે દક્ષિણે પાતુ કુરુકુલ્લા તથોત્તરે ॥ ૫ ॥
વિરોધિની શિરઃ પાતુ વિપ્રચિત્તા તુ ચક્ષુષી ।
ઉગ્રા મે નાસિકાં પાતુ કર્ણૌ ચોગ્રપ્રભા મતા ॥ ૬ ॥
ઉગ્રા મે નાસિકાં પાતુ કર્ણૌ ચોગ્રપ્રભા મતા ॥ ૬ ॥
વદનં પાતુ મે દીપ્તા નીલા ચ ચિબુકં સદા ।
ઘના ગ્રીવં સદા પાતુ બલાકા બાહુયુગ્મકમ્ ॥ ૭ ॥
ઘના ગ્રીવં સદા પાતુ બલાકા બાહુયુગ્મકમ્ ॥ ૭ ॥
માત્રા પાતુ કરદ્વન્દ્વં વક્ષો મુદ્રા સદાવતુ ।
મિતા પાતુ સ્તનદ્વન્દ્વં યોનિમણ્ડલદેવતા ॥ ૮ ॥
મિતા પાતુ સ્તનદ્વન્દ્વં યોનિમણ્ડલદેવતા ॥ ૮ ॥
બ્રાહ્મી મે જઠરં પાતુ નાભિં નારાયણી તથા ।
ઊરૂ માહેશ્વરી નિત્યં ચામુણ્ડા પાતુ લિઙ્ગકમ્ ॥ ૯ ॥
ઊરૂ માહેશ્વરી નિત્યં ચામુણ્ડા પાતુ લિઙ્ગકમ્ ॥ ૯ ॥
કૌમારી ચ કટિં પાતુ તથૈવ જાનુયુગ્મકમ્ ।
અપરાજિતા ચ પાદૌ મે વારાહી પાતુ ચાઙ્ગુલીન્ ॥ ૧૦ ॥
અપરાજિતા ચ પાદૌ મે વારાહી પાતુ ચાઙ્ગુલીન્ ॥ ૧૦ ॥
સન્ધિસ્થાનં નારસિંહી પત્રસ્થા દેવતાવતુ ।
રક્ષાહીનં તુ યત્ સ્થાનં વર્જિતં કવચેન તુ ॥ ૧૧ ॥
રક્ષાહીનં તુ યત્ સ્થાનં વર્જિતં કવચેન તુ ॥ ૧૧ ॥
તત્સર્વં રક્ષ મે દેવિ કાલિકે ઘોરદક્ષિણે ।
ઊર્ધ્વમધસ્તથા દિક્ષુ પાતુ દેવી સ્વયં વપુઃ ॥ ૧૨ ॥
ઊર્ધ્વમધસ્તથા દિક્ષુ પાતુ દેવી સ્વયં વપુઃ ॥ ૧૨ ॥
હિંસ્રેભ્યઃ સર્વદા પાતુ સાધકં ચ જલાધિકાત્ ।
દક્ષિણાકાલિકા દેવી વ્યાપકત્વે સદાવતુ ॥ ૧૩ ॥
દક્ષિણાકાલિકા દેવી વ્યાપકત્વે સદાવતુ ॥ ૧૩ ॥
॥ ફલશ્રુતિ ॥
ઇદં કવચમજ્ઞાત્વા યો જપેદ્દેવદક્ષિણામ્ ।
ન પૂજાફલમાપ્નોતિ વિઘ્નસ્તસ્ય પદે પદે ॥ ૧૪ ॥
ન પૂજાફલમાપ્નોતિ વિઘ્નસ્તસ્ય પદે પદે ॥ ૧૪ ॥
કવચેનાવૃતો નિત્યં યત્ર યત્રૈવ ગચ્છતિ ।
તત્ર તત્રાઽભયં તસ્ય ન ક્ષોભં વિદ્યતે ક્વચિત્ ॥ ૧૫ ॥
તત્ર તત્રાઽભયં તસ્ય ન ક્ષોભં વિદ્યતે ક્વચિત્ ॥ ૧૫ ॥
॥ ઇતિ કાલીકુલસર્વસ્વે શ્રી દક્ષિણકાલી કવચમ્ સમ્પૂર્ણમ્ ॥