పార్వత్యువాచ
నమస్తేఽస్తు త్రయీనాథ పరమానన్దకారక ।
కవచం దక్షిణామూర్తేః కృపయా వద మే ప్రభో ॥ 1 ॥
కవచం దక్షిణామూర్తేః కృపయా వద మే ప్రభో ॥ 1 ॥
ఈశ్వర ఉవాచ
వక్ష్యేఽహం దేవదేవేశి దక్షిణామూర్తిరవ్యయమ్ ।
కవచం సర్వపాపఘ్నం వేదాన్తజ్ఞానగోచరమ్ ॥ 2 ॥
కవచం సర్వపాపఘ్నం వేదాన్తజ్ఞానగోచరమ్ ॥ 2 ॥
అణిమాది మహాసిద్ధివిధానచతురం శుభమ్ ।
వేదశాస్త్రపురాణాని కవితా తర్క ఏవ చ ॥ 3 ॥
వేదశాస్త్రపురాణాని కవితా తర్క ఏవ చ ॥ 3 ॥
బహుధా దేవి జాయన్తే కవచస్య ప్రభావతః ।
ఋషిర్బ్రహ్మా సముద్దిష్టశ్ఛన్దోఽనుష్టుబుదాహృతమ్ ॥ 4 ॥
ఋషిర్బ్రహ్మా సముద్దిష్టశ్ఛన్దోఽనుష్టుబుదాహృతమ్ ॥ 4 ॥
దేవతా దక్షిణామూర్తిః పరమాత్మా సదాశివః ।
బీజం వేదాదికం చైవ స్వాహా శక్తిరుదాహృతా ।
సర్వజ్ఞత్వేఽపి దేవేశి వినియోగం ప్రచక్షతే ॥ 5 ॥
బీజం వేదాదికం చైవ స్వాహా శక్తిరుదాహృతా ।
సర్వజ్ఞత్వేఽపి దేవేశి వినియోగం ప్రచక్షతే ॥ 5 ॥
ధ్యానమ్
అద్వన్ద్వనేత్రమమలేన్దుకలావతంసం
హంసావలమ్బిత సమాన జటాకలాపమ్ ।
ఆనీలకణ్ఠముపకణ్ఠమునిప్రవీరాన్
అధ్యాపయన్తమవలోకయ లోకనాథమ్ ॥
అద్వన్ద్వనేత్రమమలేన్దుకలావతంసం
హంసావలమ్బిత సమాన జటాకలాపమ్ ।
ఆనీలకణ్ఠముపకణ్ఠమునిప్రవీరాన్
అధ్యాపయన్తమవలోకయ లోకనాథమ్ ॥
కవచమ్
ఓమ్ । శిరో మే దక్షిణామూర్తిరవ్యాత్ ఫాలం మహేశ్వరః ।
దృశౌ పాతు మహాదేవః శ్రవణే చన్ద్రశేఖరః ॥ 1 ॥
ఓమ్ । శిరో మే దక్షిణామూర్తిరవ్యాత్ ఫాలం మహేశ్వరః ।
దృశౌ పాతు మహాదేవః శ్రవణే చన్ద్రశేఖరః ॥ 1 ॥
కపోలౌ పాతు మే రుద్రో నాసాం పాతు జగద్గురుః ।
ముఖం గౌరీపతిః పాతు రసనాం వేదరూపధృత్ ॥ 2 ॥
ముఖం గౌరీపతిః పాతు రసనాం వేదరూపధృత్ ॥ 2 ॥
దశనాం త్రిపురధ్వంసీ చోష్ఠం పన్నగభూషణః ।
అధరం పాతు విశ్వాత్మా హనూ పాతు జగన్మయః ॥ 3 ॥
అధరం పాతు విశ్వాత్మా హనూ పాతు జగన్మయః ॥ 3 ॥
చుబుకం దేవదేవస్తు పాతు కణ్ఠం జటాధరః ।
స్కన్ధౌ మే పాతు శుద్ధాత్మా కరౌ పాతు యమాన్తకః ॥ 4 ॥
స్కన్ధౌ మే పాతు శుద్ధాత్మా కరౌ పాతు యమాన్తకః ॥ 4 ॥
కుచాగ్రం కరమధ్యం చ నఖరాన్ శఙ్కరః స్వయమ్ ।
హృన్మే పశుపతిః పాతు పార్శ్వే పరమపూరుషః ॥ 5 ॥
హృన్మే పశుపతిః పాతు పార్శ్వే పరమపూరుషః ॥ 5 ॥
మధ్యమం పాతు శర్వో మే నాభిం నారాయణప్రియః ।
కటిం పాతు జగద్భర్తా సక్థినీ చ మృడః స్వయమ్ ॥ 6 ॥
కటిం పాతు జగద్భర్తా సక్థినీ చ మృడః స్వయమ్ ॥ 6 ॥
కృత్తివాసాః స్వయం గుహ్యామూరూ పాతు పినాకధృత్ ।
జానునీ త్ర్యమ్బకః పాతు జఙ్ఘే పాతు సదాశివః ॥ 7 ॥
జానునీ త్ర్యమ్బకః పాతు జఙ్ఘే పాతు సదాశివః ॥ 7 ॥
స్మరారిః పాతు మే పాదౌ పాతు సర్వాఙ్గమీశ్వరః ।
ఇతీదం కవచం దేవి పరమానన్దదాయకమ్ ॥ 8 ॥
ఇతీదం కవచం దేవి పరమానన్దదాయకమ్ ॥ 8 ॥
జ్ఞానవాగర్థదం వీర్యమణిమాదివిభూతిదమ్ ।
ఆయురారోగ్యమైశ్వర్యమపమృత్యుభయాపహమ్ ॥ 9 ॥
ఆయురారోగ్యమైశ్వర్యమపమృత్యుభయాపహమ్ ॥ 9 ॥
ప్రాతః కాలే శుచిర్భూత్వా త్రివారం సర్వదా జపేత్ ।
నిత్యం పూజాసమాయుక్తః సంవత్సరమతన్ద్రితః ॥ 10 ॥
నిత్యం పూజాసమాయుక్తః సంవత్సరమతన్ద్రితః ॥ 10 ॥
జపేత్ త్రిసన్ధ్యం యో విద్వాన్ వేదశాస్త్రార్థపారగః ।
గద్యపద్యైస్తథా చాపి నాటకాః స్వయమేవ హి ।
నిర్గచ్ఛన్తి ముఖామ్భోజాత్సత్యమేతన్న సంశయః ॥ 11 ॥
గద్యపద్యైస్తథా చాపి నాటకాః స్వయమేవ హి ।
నిర్గచ్ఛన్తి ముఖామ్భోజాత్సత్యమేతన్న సంశయః ॥ 11 ॥
ఇతి రుద్రయామలే ఉమామహేశ్వరసంవాదే శ్రీ దక్షిణామూర్తి కవచమ్ ॥