What is Shri Dakshinamurti Sahasranama Stotram?

Read Shri Dakshinamurti Sahasranama Stotram in Assamese script — full lyrics with English meaning and transliteration. The Shri Dakshinamurti Sahasranama Stotram is a profound devotional composition from the Rudrayamala Tantra, dedicated to Lord Shiva in his aspect as the supreme cosmic teacher. Dakshinamurti is depicted seated under a banyan tree, bestowing knowledge, wisdom, and spiritual illumination upon seekers. Chanting these one thousand names is believed to awaken the inner intellect, remove the darkness of ignorance, and grant the grace of the ultimate Guru. Devotees recite this sacred text to achieve mental clarity, profound insight into the scriptures, and ultimate liberation from the cycle of birth and death.

Which deity is Shri Dakshinamurti Sahasranama Stotram dedicated to?

Shri Dakshinamurti Sahasranama Stotram is a Sanskrit hymn dedicated to Lord Shiva.

Who composed Shri Dakshinamurti Sahasranama Stotram?

Shri Dakshinamurti Sahasranama Stotram is traditionally attributed to From Rudrayamala Tantra.

Shri Dakshinamurti Sahasranama Stotram in Assamese – Lyrics

অস্য শ্ৰীদক্ষিণামূৰ্তি সহস্ৰনামস্তোত্ৰস্য ব্ৰহ্মা ঋষিঃ অনুষ্টুপ্ ছন্দঃ শ্ৰীদক্ষিণামূৰ্তিৰ্দেৱতা ওঁ বীজং স্ৱাহা শক্তিঃ নমঃ কীলকং মেধাদক্ষিণামূৰ্তি প্ৰসাদসিদ্ধ্যৰ্থে জপে ৱিনিযোগঃ ॥
হ্ৰামিত্যাদিনা ন্যাসঃ ॥

ধ্যানং
সিদ্ধিতোযনিধেৰ্মধ্যে ৰত্নগ্ৰৈৱে মনোৰমে ।
কদম্বৱনিকামধ্যে শ্ৰীমদ্ৱটতৰোৰধঃ ॥ 1 ॥

আসীনমাদ্যং পুৰুষমাদিমধ্যান্তৱৰ্জিতম্ ।
শুদ্ধস্ফটিকগোক্ষীৰশৰত্পূৰ্ণেন্দুশেখৰম্ ॥ 2 ॥

দক্ষিণে চাক্ষমালাং চ ৱহ্নিং ৱৈ ৱামহস্তকে ।
জটামণ্ডলসংলগ্নশীতাংশুকৰমণ্ডিতম্ ॥ 3 ॥

নাগহাৰধৰং চাৰুকঙ্কণৈঃ কটিসূত্ৰকৈঃ ।
ৱিৰাজমানৱৃষভং ৱ্যাঘ্ৰচৰ্মাম্বৰাৱৃতম্ ॥ 4 ॥

চিন্তামণিমহাবৃন্দৈঃ কল্পকৈঃ কামধেনুভিঃ ।
চতুঃষষ্টিকলাৱিদ্যামূৰ্তিভিঃ শ্ৰুতিমস্তকৈঃ ॥ 5 ॥

ৰত্নসিংহাসনে সাধুদ্ৱীপিচৰ্মসমাযুতে ।
তত্ৰাষ্টদলপদ্মস্য কৰ্ণিকাযাং সুশোভনে ॥ 6 ॥

ৱীৰাসনে সমাসীনং লম্বদক্ষপদাম্বুজম্ ।
জ্ঞানমুদ্ৰাং পুস্তকং চ ৱৰাভীতিধৰং হৰম্ ॥ 7 ॥

পাদমূলসমাক্ৰান্তমহাপস্মাৰৱৈভৱম্ ।
ৰুদ্ৰাক্ষমালাভৰণভূষিতং ভূতিভাসুৰম্ ॥ 8 ॥

গজচৰ্মোত্তৰীযং চ মন্দস্মিতমুখাম্বুজম্ ।
সিদ্ধবৃন্দৈৰ্যোগিবৃন্দৈৰ্মুনিবৃন্দৈৰ্নিষেৱিতম্ ॥ 9 ॥

আৰাধ্যমানৱৃষভমগ্নীন্দুৰৱিলোচনম্ ।
পূৰযন্তং কৃপাদৃষ্ট্যা পুমৰ্থানাশ্ৰিতে জনে ॥ 10 ॥

এৱং ৱিভাৱযেদীশং সৰ্ৱৱিদ্যাকলানিধিম্ ॥ 11 ॥

লমিত্যাদি পঞ্চোপচাৰাঃ ॥

স্তোত্ৰং
ওম্ । দেৱদেৱো মহাদেৱো দেৱানামপি দেশিকঃ ।
দক্ষিণামূৰ্তিৰীশানো দযাপূৰিতদিঙ্মুখঃ ॥ 1 ॥

কৈলাসশিখৰোত্তুঙ্গকমনীযনিজাকৃতিঃ ।
ৱটদ্ৰুমতটীদিৱ্যকনকাসনসংস্থিতঃ ॥ 2 ॥

কটীতটপটীভূতকৰিচৰ্মোজ্জ্ৱলাকৃতিঃ ।
পাটীৰপাণ্ডুৰাকাৰপৰিপূৰ্ণসুধাধিপঃ ।3 ॥
জটাকোটীৰঘটিতসুধাকৰসুধাপ্লুতঃ ।
পশ্যল্ললাটসুভগসুন্দৰভ্ৰূৱিলাসৱান্ ॥ 4 ॥

কটাক্ষসৰণীনিৰ্যত্কৰুণাপূৰ্ণলোচনঃ ।
কৰ্ণালোলতটিদ্ৱৰ্ণকুণ্ডলোজ্জ্ৱলগণ্ডভূঃ ॥ 5 ॥

তিলপ্ৰসূনসঙ্কাশনাসিকাপুটভাসুৰঃ ।
মন্দস্মিতস্ফুৰন্মুগ্ধমহনীযমুখাম্বুজঃ ॥ 6 ॥

কুন্দকুড্মলসংস্পৰ্ধিদন্তপঙ্ক্তিৱিৰাজিতঃ ।
সিন্দূৰাৰুণসুস্নিগ্ধকোমলাধৰপল্লৱঃ ॥ 7 ॥

শঙ্খাটোপগলদ্দিৱ্যগলৱৈভৱমঞ্জুলঃ ।
কৰকন্দলিতজ্ঞানমুদ্ৰাৰুদ্ৰাক্ষমালিকঃ ॥ 8 ॥

অন্যহস্ততলন্যস্তৱীণাপুস্তোল্লসদ্ৱপুঃ ।
ৱিশালৰুচিৰোৰস্কৱলিমত্পল্লৱোদৰঃ ॥ 9 ॥

বৃহত্কটিনিতম্বাঢ্যঃ পীৱৰোৰুদ্ৱযান্ৱিতঃ ।
জঙ্ঘাৱিজিততূণীৰস্তুঙ্গগুল্ফযুগোজ্জ্ৱলঃ ॥ 10 ॥

মৃদুপাটলপাদাব্জশ্চন্দ্ৰাভনখদীধিতিঃ ।
অপসৱ্যোৰুৱিন্যস্তসৱ্যপাদসৰোৰুহঃ ॥ 11 ॥

ঘোৰাপস্মাৰনিক্ষিপ্তধীৰদক্ষপদাম্বুজঃ ।
সনকাদিমুনিধ্যেযঃ সৰ্ৱাভৰণভূষিতঃ ॥ 12 ॥

দিৱ্যচন্দনলিপ্তাঙ্গশ্চাৰুহাসপৰিষ্কৃতঃ ।
কৰ্পূৰধৱলাকাৰঃ কন্দৰ্পশতসুন্দৰঃ ॥ 13 ॥

কাত্যাযনীপ্ৰেমনিধিঃ কৰুণাৰসৱাৰিধিঃ ।
কামিতাৰ্থপ্ৰদঃ শ্ৰীমত্কমলাৱল্লভপ্ৰিযঃ ॥ 14 ॥

কটাক্ষিতাত্মৱিজ্ঞানঃ কৈৱল্যানন্দকন্দলঃ ।
মন্দহাসসমানেন্দুশ্ছিন্নাজ্ঞানতমস্ততিঃ ॥ 15 ॥

সংসাৰানলসন্তপ্তজনতামৃতসাগৰঃ ।
গম্ভীৰহৃদযাম্ভোজনভোমণিনিভাকৃতিঃ ॥ 16 ॥

নিশাকৰকৰাকাৰৱশীকৃতজগত্ত্ৰযঃ ।
তাপসাৰাধ্যপাদাব্জস্তৰুণানন্দৱিগ্ৰহঃ ॥ 17 ॥

ভূতিভূষিতসৰ্ৱাঙ্গো ভূতাধিপতিৰীশ্ৱৰঃ ।
ৱদনেন্দুস্মিতজ্যোত্স্নানিলীনত্ৰিপুৰাকৃতিঃ ॥ 18 ॥

তাপত্ৰযতমোভানুঃ পাপাৰণ্যদৱানলঃ ।
সংসাৰসাগৰোদ্ধৰ্তা হংসাগ্ৰ্যোপাস্যৱিগ্ৰহঃ ॥ 19 ॥

ললাটহুতভুগ্দগ্ধমনোভৱশুভাকৃতিঃ ।
তুচ্ছীকৃতজগজ্জালস্তুষাৰকৰশীতলঃ ॥ 20 ॥

অস্তঙ্গতসমস্তেচ্ছো নিস্তুলানন্দমন্থৰঃ ।
ধীৰোদাত্তগুণাধাৰ উদাৰৱৰৱৈভৱঃ ॥ 21 ॥

অপাৰকৰুণামূৰ্তিৰজ্ঞানধ্ৱান্তভাস্কৰঃ ।
ভক্তমানসহংসাগ্ৰ্যো ভৱামযভিষক্তমঃ ॥ 22 ॥

যোগীন্দ্ৰপূজ্যপাদাব্জো যোগপট্টোল্লসত্কটিঃ ।
শুদ্ধস্ফটিকসঙ্কাশো বদ্ধপন্নগভূষণঃ ॥ 23 ॥

নানামুনিসমাকীৰ্ণো নাসাগ্ৰন্যস্তলোচনঃ ।
ৱেদমূৰ্ধৈকসংৱেদ্যো নাদধ্যানপৰাযণঃ ॥ 24 ॥

ধৰাধৰেন্দুৰানন্দসন্দোহৰসসাগৰঃ ।
দ্ৱৈতবৃন্দৱিমোহান্ধ্যপৰাকৃতদৃগদ্ভুতঃ ॥ 25 ॥

প্ৰত্যগাত্মা পৰঞ্জ্যোতিঃ পুৰাণঃ পৰমেশ্ৱৰঃ ।
প্ৰপঞ্চোপশমঃ প্ৰাজ্ঞঃ পুণ্যকীৰ্তিঃ পুৰাতনঃ ॥ 26 ॥

সৰ্ৱাধিষ্ঠানসন্মাত্ৰঃ স্ৱাত্মবন্ধহৰো হৰঃ ।
সৰ্ৱপ্ৰেমনিজাহাসঃ সৰ্ৱানুগ্ৰহকৃচ্ছিৱঃ ॥ 27 ॥

সৰ্ৱেন্দ্ৰিযগুণাভাসঃ সৰ্ৱভূতগুণাশ্ৰযঃ ।
সচ্চিদানন্দপূৰ্ণাত্মা সৰ্ৱভূতগুণাশ্ৰযঃ ॥ 28 ॥

সৰ্ৱভূতান্তৰঃ সাক্ষী সৰ্ৱজ্ঞঃ সৰ্ৱকামদঃ ।
সনকাদিমহাযোগিসমাৰাধিতপাদুকঃ ॥ 29 ॥

আদিদেৱো দযাসিন্ধুঃ শিক্ষিতাসুৰৱিগ্ৰহঃ ।
যক্ষকিন্নৰগন্ধৰ্ৱস্তূযমানাত্মৱৈভৱঃ ॥ 30 ॥

ব্ৰহ্মাদিদেৱৱিনুতো যোগমাযানিযোজকঃ ।
শিৱযোগী শিৱানন্দঃ শিৱভক্তসমুদ্ধৰঃ ॥ 31 ॥

ৱেদান্তসাৰসন্দোহঃ সৰ্ৱসত্ত্ৱাৱলম্বনঃ ।
ৱটমূলাশ্ৰযো ৱাগ্মী মান্যো মলযজপ্ৰিযঃ ॥ 32 ॥

সুশীলো ৱাঞ্ছিতাৰ্থজ্ঞঃ প্ৰসন্নৱদনেক্ষণঃ ।
নৃত্তগীতকলাভিজ্ঞঃ কৰ্মৱিত্কৰ্মমোচকঃ ॥ 33 ॥

কৰ্মসাক্ষী কৰ্মমযঃ কৰ্মণাং চ ফলপ্ৰদঃ ।
জ্ঞানদাতা সদাচাৰঃ সৰ্ৱোপদ্ৰৱমোচকঃ ॥ 34 ॥

অনাথনাথো ভগৱানাশ্ৰিতামৰপাদপঃ ।
ৱৰপ্ৰদঃ প্ৰকাশাত্মা সৰ্ৱভূতহিতে ৰতঃ ॥ 35 ॥

ৱ্যাঘ্ৰচৰ্মাসনাসীন আদিকৰ্তা মহেশ্ৱৰঃ ।
সুৱিক্ৰমঃ সৰ্ৱগতো ৱিশিষ্টজনৱত্সলঃ ॥ 36 ॥

চিন্তাশোকপ্ৰশমনো জগদানন্দকাৰকঃ ।
ৰশ্মিমান্ ভুৱনেশশ্চ দেৱাসুৰসুপূজিতঃ ॥ 37 ॥

মৃত্যুঞ্জযো ৱ্যোমকেশঃ ষট্ত্ৰিংশত্তত্ত্ৱসঙ্গ্ৰহঃ ।
অজ্ঞাতসম্ভৱো ভিক্ষুৰদ্ৱিতীযো দিগম্বৰঃ ॥ 38 ॥

সমস্তদেৱতামূৰ্তিঃ সোমসূৰ্যাগ্নিলোচনঃ ।
সৰ্ৱসাম্ৰাজ্যনিপুণো ধৰ্মমাৰ্গপ্ৰৱৰ্তকঃ ॥ 39 ॥

ৱিশ্ৱাধিকঃ পশুপতিঃ পশুপাশৱিমোচকঃ ।
অষ্টমূৰ্তিৰ্দীপ্তমূৰ্তিৰ্নামোচ্চাৰণমুক্তিদঃ ॥ 40 ॥

সহস্ৰাদিত্যসঙ্কাশঃ সদাষোডশৱাৰ্ষিকঃ ।
দিৱ্যকেলীসমাযুক্তো দিৱ্যমাল্যাম্বৰাৱৃতঃ ॥ 41 ॥

অনৰ্ঘৰত্নসম্পূৰ্ণো মল্লিকাকুসুমপ্ৰিযঃ ।
তপ্তচামীকৰাকাৰো জিতদাৱানলাকৃতিঃ ॥ 42 ॥

নিৰঞ্জনো নিৰ্ৱিকাৰো নিজাৱাসো নিৰাকৃতিঃ ।
জগদ্গুৰুৰ্জগত্কৰ্তা জগদীশো জগত্পতিঃ ॥ 43 ॥

কামহন্তা কামমূৰ্তিঃ কল্যাণৱৃষৱাহনঃ ।
গঙ্গাধৰো মহাদেৱো দীনবন্ধৱিমোচকঃ ॥ 44 ॥

ধূৰ্জটিঃ খণ্ডপৰশুঃ সদ্গুণো গিৰিজাসখঃ ।
অৱ্যযো ভূতসেনেশঃ পাপঘ্নঃ পুণ্যদাযকঃ ॥ 45 ॥

উপদেষ্টা দৃঢপ্ৰজ্ঞো ৰুদ্ৰো ৰোগৱিনাশনঃ ।
নিত্যানন্দো নিৰাধাৰো হৰো দেৱশিখামণিঃ ॥ 46 ॥

প্ৰণতাৰ্তিহৰঃ সোমঃ সান্দ্ৰানন্দো মহামতিঃ ।
আশ্চৰ্যৱৈভৱো দেৱঃ সংসাৰাৰ্ণৱতাৰকঃ ॥ 47 ॥

যজ্ঞেশো ৰাজৰাজেশো ভস্মৰুদ্ৰাক্ষলাঞ্ছনঃ ।
অনন্তস্তাৰকঃ স্থাণুঃ সৰ্ৱৱিদ্যেশ্ৱৰো হৰিঃ ॥ 48 ॥

ৱিশ্ৱৰূপো ৱিৰূপাক্ষঃ প্ৰভুঃ পৰিবৃঢো দৃঢঃ ।
ভৱ্যো জিতাৰিষড্ৱৰ্গো মহোদাৰো ৱিষাশনঃ ॥ 49 ॥

সুকীৰ্তিৰাদিপুৰুষো জৰামৰণৱৰ্জিতঃ ।
প্ৰমাণভূতো দুৰ্জ্ঞেযঃ পুণ্যঃ পৰপুৰঞ্জযঃ ॥ 50 ॥

গুণাকৰো গুণশ্ৰেষ্ঠঃ সচ্চিদানন্দৱিগ্ৰহঃ ।
সুখদঃ কাৰণং কৰ্তা ভৱবন্ধৱিমোচকঃ ॥ 51 ॥

অনিৰ্ৱিণ্ণো গুণগ্ৰাহী নিষ্কলঙ্কঃ কলঙ্কহা ।
পুৰুষঃ শাশ্ৱতো যোগী ৱ্যক্তাৱ্যক্তঃ সনাতনঃ ॥ 52 ॥

চৰাচৰাত্মা সূক্ষ্মাত্মা ৱিশ্ৱকৰ্মা তমোপহৃত্ ।
ভুজঙ্গভূষণো ভৰ্গস্তৰুণঃ কৰুণালযঃ ॥ 53 ॥

অণিমাদিগুণোপেতো লোকৱশ্যৱিধাযকঃ ।
যোগপট্টধৰো মুক্তো মুক্তানাং পৰমা গতিঃ ॥ 54 ॥

গুৰুৰূপধৰঃ শ্ৰীমত্পৰমানন্দসাগৰঃ ।
সহস্ৰবাহুঃ সৰ্ৱেশঃ সহস্ৰাৱযৱান্ৱিতঃ ॥ 55 ॥

সহস্ৰমূৰ্ধা সৰ্ৱাত্মা সহস্ৰাক্ষঃ সহস্ৰপাত্ ।
নিৰাভাসঃ সূক্ষ্মতনুৰ্হৃদি জ্ঞাতঃ পৰাত্পৰঃ ॥ 56 ॥

সৰ্ৱাত্মগঃ সৰ্ৱসাক্ষী নিঃসঙ্গো নিৰুপদ্ৰৱঃ ।
নিষ্কলঃ সকলাধ্যক্ষশ্চিন্মযস্তমসঃ পৰঃ ॥ 57 ॥

জ্ঞানৱৈৰাগ্যসম্পন্নো যোগানন্দমযঃ শিৱঃ ।
শাশ্ৱতৈশ্ৱৰ্যসম্পূৰ্ণো মহাযোগীশ্ৱৰেশ্ৱৰঃ ॥ 58 ॥

সহস্ৰশক্তিসংযুক্তঃ পুণ্যকাযো দুৰাসদঃ ।
তাৰকব্ৰহ্মসম্পূৰ্ণস্তপস্ৱিজনসংৱৃতঃ ॥ 59 ॥

ৱিধীন্দ্ৰামৰসম্পূজ্যো জ্যোতিষাং জ্যোতিৰুত্তমঃ ।
নিৰক্ষৰো নিৰালম্বঃ স্ৱাত্মাৰামো ৱিকৰ্তনঃ ॥ 60 ॥

নিৰৱদ্যো নিৰাতঙ্কো ভীমো ভীমপৰাক্ৰমঃ ।
ৱীৰভদ্ৰঃ পুৰাৰাতিৰ্জলন্ধৰশিৰোহৰঃ ॥ 61 ॥

অন্ধকাসুৰসংহৰ্তা ভগনেত্ৰভিদদ্ভুতঃ ।
ৱিশ্ৱগ্ৰাসোঽধৰ্মশত্ৰুৰ্ব্ৰহ্মজ্ঞানৈকমন্থৰঃ ॥ 62 ॥

অগ্ৰেসৰস্তীৰ্থভূতঃ সিতভস্মাৱকুণ্ঠনঃ ।
অকুণ্ঠমেধাঃ শ্ৰীকণ্ঠো ৱৈকুণ্ঠপৰমপ্ৰিযঃ ॥ 63 ॥

ললাটোজ্জ্ৱলনেত্ৰাব্জস্তুষাৰকৰশেখৰঃ ।
গজাসুৰশিৰশ্ছেত্তা গঙ্গোদ্ভাসিতমূৰ্ধজঃ ॥ 64 ॥

কল্যাণাচলকোদণ্ডঃ কমলাপতিসাযকঃ ।
ৱাৰাংশেৱধিতূণীৰঃ সৰোজাসনসাৰথিঃ ॥ 65 ॥

ত্ৰযীতুৰঙ্গসঙ্ক্ৰান্তো ৱাসুকিজ্যাৱিৰাজিতঃ ।
ৰৱীন্দুচৰণাচাৰিধৰাৰথৱিৰাজিতঃ ॥ 66 ॥

ত্ৰয্যন্তপ্ৰগ্ৰহোদাৰচাৰুঘণ্টাৰৱোজ্জ্ৱলঃ ।
উত্তানপৰ্ৱলোমাঢ্যো লীলাৱিজিতমন্মথঃ ॥ 67 ॥

জাতুপ্ৰপন্নজনতাজীৱনোপাযনোত্সুকঃ ।
সংসাৰাৰ্ণৱনিৰ্মগ্নসমুদ্ধৰণপণ্ডিতঃ ॥ 68 ॥

মদদ্ৱিৰদধিক্কাৰিগতিমঞ্জুলৱৈভৱঃ ।
মত্তকোকিলমাধুৰ্যৰসনিৰ্ভৰগীৰ্গণঃ ॥ 69 ॥

কৈৱল্যোদধিকল্লোললীলাতাণ্ডৱপণ্ডিতঃ ।
ৱিষ্ণুৰ্জিষ্ণুৰ্ৱাসুদেৱঃ প্ৰভৱিষ্ণুঃ পুৰাতনঃ ॥ 70 ॥

ৱৰ্ধিষ্ণুৰ্ৱৰদো ৱৈদ্যো হৰিৰ্নাৰাযণোঽচ্যুতঃ ।
অজ্ঞানৱনদাৱাগ্নিঃ প্ৰজ্ঞাপ্ৰাসাদভূপতিঃ ॥ 71 ॥

সৰ্পভূষিতসৰ্ৱাঙ্গঃ কৰ্পূৰোজ্জ্ৱলিতাকৃতিঃ ।
অনাদিমধ্যনিধনো গিৰীশো গিৰিজাপতিঃ ॥ 72 ॥

ৱীতৰাগো ৱিনীতাত্মা তপস্ৱী ভূতভাৱনঃ ।
দেৱাসুৰগুৰুধ্যেযো দেৱাসুৰনমস্কৃতঃ ॥ 73 ॥

দেৱাদিদেৱো দেৱৰ্ষিৰ্দেৱাসুৰৱৰপ্ৰদঃ ।
সৰ্ৱদেৱমযোঽচিন্ত্যো দেৱাত্মা চাত্মসম্ভৱঃ ॥ 74 ॥

নিৰ্লেপো নিষ্প্ৰপঞ্চাত্মা নিৰ্ৱিঘ্নো ৱিঘ্ননাশকঃ ।
একজ্যোতিৰ্নিৰাতঙ্কো ৱ্যাপ্তমূৰ্তিৰনাকুলঃ ॥ 75 ॥

নিৰৱদ্যপদোপাধিৰ্ৱিদ্যাৰাশিৰনুত্তমঃ ।
নিত্যানন্দঃ সুৰাধ্যক্ষো নিঃসঙ্কল্পো নিৰঞ্জনঃ ॥ 76 ॥

নিষ্কলঙ্কো নিৰাকাৰো নিষ্প্ৰপঞ্চো নিৰামযঃ ।
ৱিদ্যাধৰো ৱিযত্কেশো মাৰ্কণ্ডেযৱৰপ্ৰদঃ ॥ 77 ॥

ভৈৰৱো ভৈৰৱীনাথঃ কামদঃ কমলাসনঃ ।
ৱেদৱেদ্যঃ সুৰানন্দো লসজ্জ্যোতিঃ প্ৰভাকৰঃ ॥ 78 ॥

চূডামণিঃ সুৰাধীশো যজ্ঞগেযো হৰিপ্ৰিযঃ ।
নিৰ্লেপো নীতিমান্ সূত্ৰী শ্ৰীহালাহলসুন্দৰঃ ॥ 79 ॥

ধৰ্মদক্ষো মহাৰাজঃ কিৰীটী ৱন্দিতো গুহঃ ।
মাধৱো যামিনীনাথঃ শম্বৰঃ শবৰীপ্ৰিযঃ ॥ 80 ॥

সঙ্গীতৱেত্তা লোকজ্ঞঃ শান্তঃ কলশসম্ভৱঃ ।
ব্ৰহ্মণ্যো ৱৰদো নিত্যঃ শূলী গুৰুৱৰো হৰঃ ॥ 81 ॥

মাৰ্তাণ্ডঃ পুণ্ডৰীকাক্ষো লোকনাযকৱিক্ৰমঃ ।
মুকুন্দাৰ্চ্যো ৱৈদ্যনাথঃ পুৰন্দৰৱৰপ্ৰদঃ ॥ 82 ॥

ভাষাৱিহীনো ভাষাজ্ঞো ৱিঘ্নেশো ৱিঘ্ননাশনঃ ।
কিন্নৰেশো বৃহদ্ভানুঃ শ্ৰীনিৱাসঃ কপালভৃত্ ॥ 83 ॥

ৱিজযো ভূতভাৱজ্ঞো ভীমসেনো দিৱাকৰঃ ।
বিল্ৱপ্ৰিযো ৱসিষ্ঠেশঃ সৰ্ৱমাৰ্গপ্ৰৱৰ্তকঃ ॥ 84 ॥

ওষধীশো ৱামদেৱো গোৱিন্দো নীললোহিতঃ ।
ষডৰ্ধনযনঃ শ্ৰীমন্মহাদেৱো ৱৃষধ্ৱজঃ ॥ 85 ॥

কৰ্পূৰদীপিকালোলঃ কৰ্পূৰৰসচৰ্চিতঃ ।
অৱ্যাজকৰুণামূৰ্তিস্ত্যাগৰাজঃ ক্ষপাকৰঃ ॥ 86 ॥

আশ্চৰ্যৱিগ্ৰহঃ সূক্ষ্মঃ সিদ্ধেশঃ স্ৱৰ্ণভৈৰৱঃ ।
দেৱৰাজঃ কৃপাসিন্ধুৰদ্ৱযোঽমিতৱিক্ৰমঃ ॥ 87 ॥

নিৰ্ভেদো নিত্যসত্ৱস্থো নিৰ্যোগক্ষেম আত্মৱান্ ।
নিৰপাযো নিৰাসঙ্গো নিঃশব্দো নিৰুপাধিকঃ ॥ 88 ॥

ভৱঃ সৰ্ৱেশ্ৱৰঃ স্ৱামী ভৱভীতিৱিভঞ্জনঃ ।
দাৰিদ্ৰ্যতৃণকূটাগ্নিৰ্দাৰিতাসুৰসন্ততিঃ ॥ 89 ॥

মুক্তিদো মুদিতোঽকুব্জো ধাৰ্মিকো ভক্তৱত্সলঃ ।
অভ্যাসাতিশযজ্ঞেযশ্চন্দ্ৰমৌলিঃ কলাধৰঃ ॥ 90 ॥

মহাবলো মহাৱীৰ্যো ৱিভুঃ শ্ৰীশঃ শুভপ্ৰদঃ ।
সিদ্ধঃ পুৰাণপুৰুষো ৰণমণ্ডলভৈৰৱঃ ॥ 91 ॥

সদ্যোজাতো ৱটাৰণ্যৱাসী পুৰুষৱল্লভঃ ।
হৰিকেশো মহাত্ৰাতা নীলগ্ৰীৱঃ সুমঙ্গলঃ ॥ 92 ॥

হিৰণ্যবাহুস্তীক্ষ্ণাংশুঃ কামেশঃ সোমৱিগ্ৰহঃ ।
সৰ্ৱাত্মা সৰ্ৱকৰ্তা চ তাণ্ডৱো মুণ্ডমালিকঃ ॥ 93 ॥

অগ্ৰগণ্যঃ সুগম্ভীৰো দেশিকো ৱৈদিকোত্তমঃ ।
প্ৰসন্নদেৱো ৱাগীশশ্চিন্তাতিমিৰভাস্কৰঃ ॥ 94 ॥

গৌৰীপতিস্তুঙ্গমৌলিৰ্মখৰাজো মহাকৱিঃ ।
শ্ৰীধৰঃ সৰ্ৱসিদ্ধেশো ৱিশ্ৱনাথো দযানিধিঃ ॥ 95 ॥

অন্তৰ্মুখো বহিৰ্দৃষ্টিঃ সিদ্ধৱেষমনোহৰঃ ।
কৃত্তিৱাসাঃ কৃপাসিন্ধুৰ্মন্ত্ৰসিদ্ধো মতিপ্ৰদঃ ॥ 96 ॥

মহোত্কৃষ্টঃ পুণ্যকৰো জগত্সাক্ষী সদাশিৱঃ ।
মহাক্ৰতুৰ্মহাযজ্ৱা ৱিশ্ৱকৰ্মা তপোনিধিঃ ॥ 97 ॥

ছন্দোমযো মহাজ্ঞানী সৰ্ৱজ্ঞো দেৱৱন্দিতঃ ।
সাৰ্ৱভৌমঃ সদানন্দঃ কৰুণামৃতৱাৰিধিঃ ॥ 98 ॥

কালকালঃ কলিধ্ৱংসী জৰামৰণনাশকঃ ।
শিতিকণ্ঠশ্চিদানন্দো যোগিনীগণসেৱিতঃ ॥ 99 ॥

চণ্ডীশঃ শুকসংৱেদ্যঃ পুণ্যশ্লোকো দিৱস্পতিঃ ।
স্থাযী সকলতত্ত্ৱাত্মা সদাসেৱকৱৰ্ধনঃ ॥ 100 ॥

ৰোহিতাশ্ৱঃ ক্ষমাৰূপী তপ্তচামীকৰপ্ৰভঃ ।
ত্ৰিযম্বকো ৱৰৰুচিৰ্দেৱদেৱশ্চতুৰ্ভুজঃ ॥ 101 ॥

ৱিশ্ৱম্ভৰো ৱিচিত্ৰাঙ্গো ৱিধাতা পুৰশাসনঃ ।
সুব্ৰহ্মণ্যো জগত্স্ৱামী ৰোহিতাক্ষঃ শিৱোত্তমঃ ॥ 102 ॥

নক্ষত্ৰমালাভৰণো মঘৱান্ অঘনাশনঃ ।
ৱিধিকৰ্তা ৱিধানজ্ঞঃ প্ৰধানপুৰুষেশ্ৱৰঃ ॥ 103 ॥

চিন্তামণিঃ সুৰগুৰুৰ্ধ্যেযো নীৰাজনপ্ৰিযঃ ।
গোৱিন্দো ৰাজৰাজেশো বহুপুষ্পাৰ্চনপ্ৰিযঃ ॥ 104 ॥

সৰ্ৱানন্দো দযাৰূপী শৈলজাসুমনোহৰঃ ।
সুৱিক্ৰমঃ সৰ্ৱগতো হেতুসাধনৱৰ্জিতঃ ॥ 105 ॥

ৱৃষাঙ্কো ৰমণীযাঙ্গঃ সদঙ্ঘ্ৰিঃ সামপাৰগঃ ।
মন্ত্ৰাত্মা কোটিকন্দৰ্পসৌন্দৰ্যৰসৱাৰিধিঃ ॥ 106 ॥

যজ্ঞেশো যজ্ঞপুৰুষঃ সৃষ্টিস্থিত্যন্তকাৰণম্ ।
পৰহংসৈকজিজ্ঞাস্যঃ স্ৱপ্ৰকাশস্ৱৰূপৱান্ ॥ 107 ॥

মুনিমৃগ্যো দেৱমৃগ্যো মৃগহস্তো মৃগেশ্ৱৰঃ ।
মৃগেন্দ্ৰচৰ্মৱসনো নৰসিংহনিপাতনঃ ॥ 108 ॥

মুনিৱন্দ্যো মুনিশ্ৰেষ্ঠো মুনিবৃন্দনিষেৱিতঃ ।
দুষ্টমৃত্যুৰদুষ্টেহো মৃত্যুহা মৃত্যুপূজিতঃ ॥ 109 ॥

অৱ্যক্তোঽম্বুজজন্মাদিকোটিকোটিসুপূজিতঃ ।
লিঙ্গমূৰ্তিৰলিঙ্গাত্মা লিঙ্গাত্মা লিঙ্গৱিগ্ৰহঃ ॥ 110 ॥

যজুৰ্মূৰ্তিঃ সামমূৰ্তিৰৃঙ্মূৰ্তিৰ্মূৰ্তিৱৰ্জিতঃ ।
ৱিশ্ৱেশো গজচৰ্মৈকচেলাঞ্চিতকটীতটঃ ॥ 111 ॥

পাৱনান্তেৱসদ্যোগিজনসাৰ্থসুধাকৰঃ ।
অনন্তসোমসূৰ্যাগ্নিমণ্ডলপ্ৰতিমপ্ৰভঃ ॥ 112 ॥

চিন্তাশোকপ্ৰশমনঃ সৰ্ৱৱিদ্যাৱিশাৰদঃ ।
ভক্তৱিজ্ঞপ্তিসন্ধাতা কৰ্তা গিৰিৱৰাকৃতিঃ ॥ 113 ॥

জ্ঞানপ্ৰদো মনোৱাসঃ ক্ষেম্যো মোহৱিনাশনঃ ।
সুৰোত্তমশ্চিত্ৰভানুঃ সদাৱৈভৱতত্পৰঃ ॥ 114 ॥

সুহৃদগ্ৰেসৰঃ সিদ্ধজ্ঞানমুদ্ৰো গণাধিপঃ ।
আগমশ্চৰ্মৱসনো ৱাঞ্ছিতাৰ্থফলপ্ৰদঃ ॥ 115 ॥

অন্তৰ্হিতোঽসমানশ্চ দেৱসিংহাসনাধিপঃ ।
ৱিৱাদহন্তা সৰ্ৱাত্মা কালঃ কালৱিৱৰ্জিতঃ ॥ 116 ॥

ৱিশ্ৱাতীতো ৱিশ্ৱকৰ্তা ৱিশ্ৱেশো ৱিশ্ৱকাৰণম্ ।
যোগিধ্যেযো যোগনিষ্ঠো যোগাত্মা যোগৱিত্তমঃ ॥ 117 ॥

ওঙ্কাৰৰূপো ভগৱান্ বিন্দুনাদমযঃ শিৱঃ ।
চতুৰ্মুখাদিসংস্তুত্যশ্চতুৰ্ৱৰ্গফলপ্ৰদঃ ॥ 118 ॥

সহ্যাচলগুহাৱাসী সাক্ষান্মোক্ষৰসামৃতঃ ।
দক্ষাধ্ৱৰসমুচ্ছেত্তা পক্ষপাতৱিৱৰ্জিতঃ ॥ 119 ॥

ওঙ্কাৰৱাচকঃ শম্ভুঃ শঙ্কৰঃ শশিশীতলঃ ।
পঙ্কজাসনসংসেৱ্যঃ কিঙ্কৰামৰৱত্সলঃ ॥ 120 ॥

নতদৌৰ্ভাগ্যতূলাগ্নিঃ কৃতকৌতুকমঙ্গলঃ ।
ত্ৰিলোকমোহনঃ শ্ৰীমত্ত্ৰিপুণ্ড্ৰাঙ্কিতমস্তকঃ ॥ 121 ॥

ক্ৰৌঞ্চাৰিজনকঃ শ্ৰীমদ্গণনাথসুতান্ৱিতঃ ।
অদ্ভুতানন্তৱৰদোঽপৰিচ্ছিনাত্মৱৈভৱঃ ॥ 122 ॥

ইষ্টাপূৰ্তপ্ৰিযঃ শৰ্ৱ একৱীৰঃ প্ৰিযংৱদঃ ।
ঊহাপোহৱিনিৰ্মুক্ত ওঙ্কাৰেশ্ৱৰপূজিতঃ ॥ 123 ॥

ৰুদ্ৰাক্ষৱক্ষা ৰুদ্ৰাক্ষৰূপো ৰুদ্ৰাক্ষপক্ষকঃ ।
ভুজগেন্দ্ৰলসত্কণ্ঠো ভুজঙ্গাভৰণপ্ৰিযঃ ॥ 124 ॥

কল্যাণৰূপঃ কল্যাণঃ কল্যাণগুণসংশ্ৰযঃ ।
সুন্দৰভ্ৰূঃ সুনযনঃ সুললাটঃ সুকন্ধৰঃ ॥ 125 ॥

ৱিদ্ৱজ্জনাশ্ৰযো ৱিদ্ৱজ্জনস্তৱ্যপৰাক্ৰমঃ ।
ৱিনীতৱত্সলো নীতিস্ৱৰূপো নীতিসংশ্ৰযঃ ॥ 126 ॥

অতিৰাগী ৱীতৰাগী ৰাগহেতুৰ্ৱিৰাগৱিত্ ।
ৰাগহা ৰাগশমনো ৰাগদো ৰাগিৰাগৱিত্ ॥ 127 ॥

মনোন্মনো মনোৰূপো বলপ্ৰমথনো বলঃ ।
ৱিদ্যাকৰো মহাৱিদ্যো ৱিদ্যাৱিদ্যাৱিশাৰদঃ ॥ 128 ॥

ৱসন্তকৃদ্ৱসন্তাত্মা ৱসন্তেশো ৱসন্তদঃ ।
প্ৰাৱৃট্কৃত্ প্ৰাৱৃডাকাৰঃ প্ৰাৱৃট্কালপ্ৰৱৰ্তকঃ ॥ 129 ॥

শৰন্নাথো শৰত্কালনাশকঃ শৰদাশ্ৰযঃ ।
কুন্দমন্দাৰপুষ্পৌঘলসদ্ৱাযুনিষেৱিতঃ ॥ 130 ॥

দিৱ্যদেহপ্ৰভাকূটসন্দীপিতদিগন্তৰঃ ।
দেৱাসুৰগুৰুস্তৱ্যো দেৱাসুৰনমস্কৃতঃ ॥ 131 ॥

ৱামাঙ্গভাগৱিলসচ্ছ্যামলাৱীক্ষণপ্ৰিযঃ ।
কীৰ্ত্যাধাৰঃ কীৰ্তিকৰঃ কীৰ্তিহেতুৰহেতুকঃ ॥ 132 ॥

শৰণাগতদীনাৰ্তপৰিত্ৰাণপৰাযণঃ ।
মহাপ্ৰেতাসনাসীনো জিতসৰ্ৱপিতামহঃ ॥ 133 ॥

মুক্তাদামপৰীতাঙ্গো নানাগানৱিশাৰদঃ ।
ৱিষ্ণুব্ৰহ্মাদিৱন্দ্যাঙ্ঘ্ৰিৰ্নানাদেশৈকনাযকঃ ॥ 134 ॥

ধীৰোদাত্তো মহাধীৰো ধৈৰ্যদো ধৈৰ্যৱৰ্ধকঃ ।
ৱিজ্ঞানময আনন্দমযঃ প্ৰাণমযোঽন্নদঃ ॥ 135 ॥

ভৱাব্ধিতৰণোপাযঃ কৱিৰ্দুঃস্ৱপ্ননাশনঃ ।
গৌৰীৱিলাসসদনঃ পিশচানুচৰাৱৃতঃ ॥ 136 ॥

দক্ষিণাপ্ৰেমসন্তুষ্টো দাৰিদ্ৰ্যৱডৱানলঃ ।
অদ্ভুতানন্তসঙ্গ্ৰামো ঢক্কাৱাদনতত্পৰঃ ॥ 137 ॥

প্ৰাচ্যাত্মা দক্ষিণাকাৰঃ প্ৰতীচ্যাত্মোত্তৰাকৃতিঃ ।
ঊৰ্ধ্ৱাদ্যন্যদিগাকাৰো মৰ্মজ্ঞঃ সৰ্ৱশিক্ষকঃ ॥ 138 ॥

যুগাৱহো যুগাধীশো যুগাত্মা যুগনাযকঃ ।
জঙ্গমঃ স্থাৱৰাকাৰঃ কৈলাসশিখৰপ্ৰিযঃ ॥ 139 ॥

হস্তৰাজত্পুণ্ডৰীকঃ পুণ্ডৰীকনিভেক্ষণঃ ।
লীলাৱিডম্বিতৱপুৰ্ভক্তমানসমণ্ডিতঃ ॥ 140 ॥

বৃন্দাৰকপ্ৰিযতমো বৃন্দাৰকৱৰাৰ্চিতঃ ।
নানাৱিধানেকৰত্নলসত্কুণ্ডলমণ্ডিতঃ ॥ 141 ॥

নিঃসীমমহিমা নিত্যলীলাৱিগ্ৰহৰূপধৃত্ ।
চন্দনদ্ৰৱদিগ্ধাঙ্গশ্চাম্পেযকুসুমাৰ্চিতঃ ॥ 142 ॥

সমস্তভক্তসুখদঃ পৰমাণুৰ্মহাহ্ৰদঃ ।
অলৌকিকো দুষ্প্ৰধৰ্ষঃ কপিলঃ কালকন্ধৰঃ ॥ 143 ॥

কৰ্পূৰগৌৰঃ কুশলঃ সত্যসন্ধো জিতেন্দ্ৰিযঃ ।
শাশ্ৱতৈশ্ৱৰ্যৱিভৱঃ পোষকঃ সুসমাহিতঃ ॥ 144 ॥

মহৰ্ষিনাথিতো ব্ৰহ্মযোনিঃ সৰ্ৱোত্তমোত্তমঃ ।
ভূমিভাৰাৰ্তিসংহৰ্তা ষডূৰ্মিৰহিতো মৃডঃ ॥ 145 ॥

ত্ৰিৱিষ্টপেশ্ৱৰঃ সৰ্ৱহৃদযাম্বুজমধ্যগঃ ।
সহস্ৰদলপদ্মস্থঃ সৰ্ৱৱৰ্ণোপশোভিতঃ ॥ 146 ॥

পুণ্যমূৰ্তিঃ পুণ্যলভ্যঃ পুণ্যশ্ৰৱণকীৰ্তনঃ ।
সূৰ্যমণ্ডলমধ্যস্থশ্চন্দ্ৰমণ্ডলমধ্যগঃ ॥ 147 ॥

সদ্ভক্তধ্যাননিগলঃ শৰণাগতপালকঃ ।
শ্ৱেতাতপত্ৰৰুচিৰঃ শ্ৱেতচামৰৱীজিতঃ ॥ 148 ॥

সৰ্ৱাৱযৱসম্পূৰ্ণঃ সৰ্ৱলক্ষণলক্ষিতঃ ।
সৰ্ৱমঙ্গলমাঙ্গল্যঃ সৰ্ৱকাৰণকাৰণঃ ॥ 149 ॥

আমোদো মোদজনকঃ সৰ্পৰাজোত্তৰীযকঃ ।
কপালী কোৱিদঃ সিদ্ধকান্তিসংৱলিতাননঃ ॥ 150 ॥

সৰ্ৱসদ্গুৰুসংসেৱ্যো দিৱ্যচন্দনচৰ্চিতঃ ।
ৱিলাসিনীকৃতোল্লাস ইচ্ছাশক্তিনিষেৱিতঃ ॥ 151 ॥

অনন্তানন্দসুখদো নন্দনঃ শ্ৰীনিকেতনঃ ।
অমৃতাব্ধিকৃতাৱাসো নিত্যক্লীবো নিৰামযঃ ॥ 152 ॥

অনপাযোঽনন্তদৃষ্টিৰপ্ৰমেযোঽজৰোঽমৰঃ ।
তমোমোহপ্ৰতিহতিৰপ্ৰতৰ্ক্যোঽমৃতোঽক্ষৰঃ ॥ 153 ॥

অমোঘবুদ্ধিৰাধাৰ আধাৰাধেযৱৰ্জিতঃ ।
ঈষণাত্ৰযনিৰ্মুক্ত ইহামুত্ৰৱিৱৰ্জিতঃ ॥ 154 ॥

ঋগ্যজুঃসামনযনো বুদ্ধিসিদ্ধিসমৃদ্ধিদঃ ।
ঔদাৰ্যনিধিৰাপূৰ্ণ ঐহিকামুষ্মিকপ্ৰদঃ ॥ 155 ॥

শুদ্ধসন্মাত্ৰসংৱিদ্ধীস্ৱৰূপসুখৱিগ্ৰহঃ ।
দৰ্শনপ্ৰথমাভাসো দৃষ্টিদৃশ্যৱিৱৰ্জিতঃ ॥ 156 ॥

অগ্ৰগণ্যোঽচিন্ত্যৰূপঃ কলিকল্মষনাশনঃ ।
ৱিমৰ্শৰূপো ৱিমলো নিত্যৰূপো নিৰাশ্ৰযঃ ॥ 157 ॥

নিত্যশুদ্ধো নিত্যবুদ্ধো নিত্যমুক্তোঽপৰাকৃতঃ ।
মৈত্ৰ্যাদিৱাসনালভ্যো মহাপ্ৰলযসংস্থিতঃ ॥ 158 ॥

মহাকৈলাসনিলযঃ প্ৰজ্ঞানঘনৱিগ্ৰহঃ ।
শ্ৰীমান্ ৱ্যাঘ্ৰপুৰাৱাসো ভুক্তিমুক্তিপ্ৰদাযকঃ ॥ 159 ॥

জগদ্যোনিৰ্জগত্সাক্ষী জগদীশো জগন্মযঃ ।
জপো জপপৰো জপ্যো ৱিদ্যাসিংহাসনপ্ৰভুঃ ॥ 160 ॥

তত্ত্ৱানাং প্ৰকৃতিস্তত্ত্ৱং তত্ত্ৱম্পদনিৰূপিতঃ ।
দিক্কালাদ্যনৱচ্ছিন্নঃ সহজানন্দসাগৰঃ ॥ 161 ॥

প্ৰকৃতিঃ প্ৰাকৃতাতীতো ৱিজ্ঞানৈকৰসাকৃতিঃ ।
নিঃশঙ্কমতিদূৰস্থশ্চৈত্যচেতনচিন্তনঃ ॥ 162 ॥

তাৰকানাং হৃদন্তস্থস্তাৰকস্তাৰকান্তকঃ ।
ধ্যানৈকপ্ৰকটো ধ্যেযো ধ্যানী ধ্যানৱিভূষণঃ ॥ 163 ॥

পৰং ৱ্যোম পৰং ধাম পৰমাত্মা পৰং পদম্ ।
পূৰ্ণানন্দঃ সদানন্দো নাদমধ্যপ্ৰতিষ্ঠিতঃ ॥ 164 ॥

প্ৰমাৱিপৰ্যযাতীতঃ প্ৰণতাজ্ঞাননাশকঃ ।
বাণাৰ্চিতাঙ্ঘ্ৰিৰ্বহুদো বালকেলিকুতূহলী ॥ 165 ॥

ব্ৰহ্মৰূপী ব্ৰহ্মপদং ব্ৰহ্মৱিদ্ব্ৰাহ্মণপ্ৰিযঃ ।
ভূক্ষেপদত্তলক্ষ্মীকো ভ্ৰূমধ্যধ্যানলক্ষিতঃ ॥ 166 ॥

যশস্কৰো ৰত্নগৰ্ভো মহাৰাজ্যসুখপ্ৰদঃ ।
শব্দব্ৰহ্ম শমপ্ৰাপ্যো লাভকৃল্লোকৱিশ্ৰুতঃ ॥ 167 ॥

শাস্তা শিৱাদ্ৰিনিলযঃ শৰণ্যো যাজকপ্ৰিযঃ ।
সংসাৰৱৈদ্যঃ সৰ্ৱজ্ঞঃ সভেষজৱিভেষজঃ ॥ 168 ॥

মনোৱচোভিৰগ্ৰাহ্যঃ পঞ্চকোশৱিলক্ষণঃ ।
অৱস্থাত্ৰযনিৰ্মুক্তস্ত্ৱৱস্থাসাক্ষিতুৰ্যকঃ ॥ 169 ॥

পঞ্চভূতাদিদূৰস্থঃ প্ৰত্যগেকৰসোঽৱ্যযঃ ।
ষট্চক্ৰান্তৰ্গতোল্লাসী ষড্ৱিকাৰৱিৱৰ্জিতঃ ॥ 170 ॥

ৱিজ্ঞানঘনসম্পূৰ্ণো ৱীণাৱাদনতত্পৰঃ ।
নীহাৰাকাৰগৌৰাঙ্গো মহালাৱণ্যৱাৰিধিঃ ॥ 171 ॥

পৰাভিচাৰশমনঃ ষডধ্ৱোপৰিসংস্থিতঃ ।
সুষুম্নামাৰ্গসঞ্চাৰী বিসতন্তুনিভাকৃতিঃ ॥ 172 ॥

পিনাকী লিঙ্গৰূপশ্ৰীঃ মঙ্গলাৱযৱোজ্জ্ৱলঃ ।
ক্ষেত্ৰাধিপঃ সুসংৱেদ্যঃ শ্ৰীপ্ৰদো ৱিভৱপ্ৰদঃ ॥ 173 ॥

সৰ্ৱৱশ্যকৰঃ সৰ্ৱদোষহা পুত্ৰপৌত্ৰদঃ ।
তৈলদীপপ্ৰিযস্তৈলপক্ৱান্নপ্ৰীতমানসঃ ॥ 174 ॥

তৈলাভিষেকসন্তুষ্টস্তিলভক্ষণতত্পৰঃ ।
আপাদকণিকামুক্তাভূষাশতমনোহৰঃ ॥ 175 ॥

শাণোল্লীঢমণিশ্ৰেণীৰম্যাঙ্ঘ্ৰিনখমণ্ডলঃ ।
মণিমঞ্জীৰকিৰণকিঞ্জল্কিতপদাম্বুজঃ ॥ 176 ॥

অপস্মাৰোপৰিন্যস্তসৱ্যপাদসৰোৰুহঃ ।
কন্দৰ্পতূণাভজঙ্ঘো গুল্ফোদঞ্চিতনূপুৰঃ ॥ 177 ॥

কৰিহস্তোপমেযোৰুৰাদৰ্শোজ্জ্ৱলজানুভৃত্ ।
ৱিশঙ্কটকটিন্যস্তৱাচালমণিমেখলঃ ॥ 178 ॥

আৱৰ্তনাভিৰোমালিৱলিমত্পল্লৱোদৰঃ ।
মুক্তাহাৰলসত্তুঙ্গৱিপুলোৰস্কৰঞ্জিতঃ ॥ 179 ॥

ৱীৰাসনসমাসীনো ৱীণাপুস্তোল্লসত্কৰঃ ।
অক্ষমালালসত্পাণিশ্চিন্মুদ্ৰিতকৰাম্বুজঃ ॥ 180 ॥

মাণিক্যকঙ্কণোল্লাসিকৰাম্বুজৱিৰাজিতঃ ।
অনৰ্ঘৰত্নগ্ৰৈৱেযৱিলসত্কম্বুকন্ধৰঃ ॥ 181 ॥

অনাকলিতসাদৃশ্যচিবুকশ্ৰীৱিৰাজিতঃ ।
মুগ্ধস্মিতপৰীপাকপ্ৰকাশিতৰদাঙ্কুৰঃ ॥ 182 ॥

চাৰুচাম্পেযপুষ্পাভনাসিকাপুটৰঞ্জিতঃ ।
ৱৰৱজ্ৰশিলাদৰ্শপৰিভাৱিকপোলভূঃ ॥ 183 ॥

কৰ্ণদ্ৱযোল্লসদ্দিৱ্যমণিকুণ্ডলমণ্ডিতঃ ।
কৰুণালহৰীপূৰ্ণকৰ্ণান্তাযতলোচনঃ ॥ 184 ॥

অৰ্ধচন্দ্ৰাভনিটিলপাটীৰতিলকোজ্জ্ৱলঃ ।
চাৰুচামীকৰাকাৰজটাচৰ্চিতচন্দনঃ ।
কৈলাসশিখৰস্ফৰ্ধিকমনীযনিজাকৃতিঃ ॥ 185 ॥

ইতি শ্ৰী দক্ষিণামূৰ্তি সহস্ৰনাম স্তোত্ৰম্ ॥

শ্ৰী দক্ষিণামূৰ্থি সহস্ৰনাম স্তোত্ৰম্

Explore More

More Shiva Stotras

Explore More