॥ श्री दक्षिणामूर्त्यष्टकम् – ४ (वृषभदेव कृतम्) ॥
अगणितगुणगणमप्रमेयमाद्यं
सकलजगत्स्थितिसम्यमादि हेतुम् ।
उपरतमनोयोगिहृन्मन्दिरं तं
सततमहं दक्षिणामूर्तिमीडे ॥ १ ॥
सकलजगत्स्थितिसम्यमादि हेतुम् ।
उपरतमनोयोगिहृन्मन्दिरं तं
सततमहं दक्षिणामूर्तिमीडे ॥ १ ॥
निरवधिसुखमिष्टदातारमीड्यं
नतजनमनस्तापभेदैकदक्षम् ।
भवविपिनदवाग्निनामधेयं
सततमहं दक्षिणामूर्तिमीडे ॥ २ ॥
नतजनमनस्तापभेदैकदक्षम् ।
भवविपिनदवाग्निनामधेयं
सततमहं दक्षिणामूर्तिमीडे ॥ २ ॥
त्रिभुवनगुरुमागमैकप्रमाणं
त्रिजगत्कारणसूत्रयोगमायम् ।
रविशतभास्वरमीहितप्रदानं
सततमहं दक्षिणामूर्तिमीडे ॥ ३ ॥
त्रिजगत्कारणसूत्रयोगमायम् ।
रविशतभास्वरमीहितप्रदानं
सततमहं दक्षिणामूर्तिमीडे ॥ ३ ॥
अविरतभवभावनाऽतिदूरं
पदपद्मद्वयभाविनामदूरम् ।
भवजलधिसुतारणाङ्घ्रिपोतं
सततमहं दक्षिणामूर्तिमीडे ॥ ४ ॥
पदपद्मद्वयभाविनामदूरम् ।
भवजलधिसुतारणाङ्घ्रिपोतं
सततमहं दक्षिणामूर्तिमीडे ॥ ४ ॥
कृतनिलयमनिशं वटाकमूले
निगमशिखाव्रातबोधितैकरूपम् ।
धृतमुद्राङ्गुलिगम्यचारुबोधं
सततमहं दक्षिणामूर्तिमीडे ॥ ५ ॥
निगमशिखाव्रातबोधितैकरूपम् ।
धृतमुद्राङ्गुलिगम्यचारुबोधं
सततमहं दक्षिणामूर्तिमीडे ॥ ५ ॥
द्रुहिणसुतपूजिताङ्घ्रिपद्मं
पदपद्मानतमोक्षदानदक्षम् ।
कृतगुरुकुलवासयोगिमित्रं
सततमहं दक्षिणामूर्तिमीडे ॥ ६ ॥
पदपद्मानतमोक्षदानदक्षम् ।
कृतगुरुकुलवासयोगिमित्रं
सततमहं दक्षिणामूर्तिमीडे ॥ ६ ॥
यतिवरहृदये सदा विभान्तं
रतिपतिशतकोटिसुन्दराङ्गमाद्यम् ।
परहितनिरतात्मनां सुसेव्यं
सततमहं दक्षिणामूर्तिमीडे ॥ ७ ॥
रतिपतिशतकोटिसुन्दराङ्गमाद्यम् ।
परहितनिरतात्मनां सुसेव्यं
सततमहं दक्षिणामूर्तिमीडे ॥ ७ ॥
स्मितधवलविकासिताननाब्जं
श्रुतिसुलभं वृषभाधिरूढगात्रम् ।
सितजलजसुशोभिदेहकान्तिं
सततमहं दक्षिणामूर्तिमीडे ॥ ८ ॥
श्रुतिसुलभं वृषभाधिरूढगात्रम् ।
सितजलजसुशोभिदेहकान्तिं
सततमहं दक्षिणामूर्तिमीडे ॥ ८ ॥
॥ फलश्रुति ॥
वृषभकृतमिदमिष्टसिद्धिदं
गुरुवरदेवसन्निधौ पठेद्यः ।
सकलदुरितदुःखवर्गहानिं
व्रजति चिरं ज्ञानवान् शम्भुलोकम् ॥ ९ ॥
गुरुवरदेवसन्निधौ पठेद्यः ।
सकलदुरितदुःखवर्गहानिं
व्रजति चिरं ज्ञानवान् शम्भुलोकम् ॥ ९ ॥
॥ इति श्रीवृषभदेव कृत श्री दक्षिणामूर्त्यष्टकम् सम्पूर्णम् ॥