॥ ധ്യാനമ് ॥
മുദ്രാക്ഷമാലാഽമൃതപാത്രവിദ്യാ വ്യാഘ്രാജിനാര്ധേന്ദുഫണീന്ദ്രയുക്തമ് ।
യോഗീന്ദ്രപര്ജന്യ മനഃ സരോജ-ഭൃങ്ഗം ഭജേഽഹം ഹൃദി ദക്ഷിണാസ്യമ് ॥ ൧ ॥
യോഗീന്ദ്രപര്ജന്യ മനഃ സരോജ-ഭൃങ്ഗം ഭജേഽഹം ഹൃദി ദക്ഷിണാസ്യമ് ॥ ൧ ॥
സ്ഫുടവടനികടസ്ഥം സ്തൂയമാനാവഭാസം പടുഭുജതടബദ്ധവ്യാഘ്രചര്മോത്തരീയമ് ।
ചടുലനിടലനേത്രം ചന്ദ്രചൂഡം മുനീശം സ്ഫടികപടലദേഹം ഭാവയേ ദക്ഷിണാസ്യമ് ॥ ൨ ॥
ചടുലനിടലനേത്രം ചന്ദ്രചൂഡം മുനീശം സ്ഫടികപടലദേഹം ഭാവയേ ദക്ഷിണാസ്യമ് ॥ ൨ ॥
॥ ആവാഹനാദി ഉപചാര ॥
ആവാഹയേ സുന്ദരനാഗഭൂഷം വിജ്ഞാനമുദ്രാഞ്ചിത പഞ്ചശാഖമ് ।
ഭസ്മാങ്ഗരാഗേണ വിരാജമാനം ശ്രീദക്ഷിണാമൂര്തി മഹാത്മരൂപമ് ॥ ൩ ॥
ഭസ്മാങ്ഗരാഗേണ വിരാജമാനം ശ്രീദക്ഷിണാമൂര്തി മഹാത്മരൂപമ് ॥ ൩ ॥
സുവര്ണരത്നാമലവജ്രനീല-മാണിക്യമുക്താമണിയുക്തപീഠേ ।
സ്ഥിരോ ഭവ ത്വം വരദോ ഭവ ത്വം സംസ്ഥാപയാമീശ്വര ദക്ഷിണാസ്യ ॥ ൪ ॥
സ്ഥിരോ ഭവ ത്വം വരദോ ഭവ ത്വം സംസ്ഥാപയാമീശ്വര ദക്ഷിണാസ്യ ॥ ൪ ॥
ശ്രീജാഹ്നവീനിര്മലതോയമീശ ചാര്ഘ്യാര്ഥമാനീയ സമര്പയിഷ്യേ ।
പ്രസന്നവക്ത്രാമ്ബുജലോകവന്ദ്യ കാലത്രയേഹം തവ ദക്ഷിണാസ്യ ॥ ൫ ॥
പ്രസന്നവക്ത്രാമ്ബുജലോകവന്ദ്യ കാലത്രയേഹം തവ ദക്ഷിണാസ്യ ॥ ൫ ॥
കസ്തൂരികാമിശ്രമിദം ഗൃഹാണ രുദ്രാക്ഷമാലാഭരണാങ്കിതാങ്ഗ ।
കാലത്രയാബാധ്യജഗന്നിവാസ പാദ്യം പ്രദാസ്യേ ഹൃദി ദക്ഷിണാസ്യ ॥ ൬ ॥
കാലത്രയാബാധ്യജഗന്നിവാസ പാദ്യം പ്രദാസ്യേ ഹൃദി ദക്ഷിണാസ്യ ॥ ൬ ॥
മുദാഹമാനന്ദ സുരേന്ദ്രവന്ദ്യ ഗങ്ഗാനദീതോയമിദം ഹി ദാസ്യേ ।
തവാധുനാ ചാചമനം കുരുഷ്വ ശ്രീദക്ഷിണാമൂര്തി ഗുരുസ്വരൂപ ॥ ൭ ॥
തവാധുനാ ചാചമനം കുരുഷ്വ ശ്രീദക്ഷിണാമൂര്തി ഗുരുസ്വരൂപ ॥ ൭ ॥
॥ അഭിഷേക ഏവം വസ്ത്ര ॥
സര്പിഃ പയോ ദധി മധു ശര്കരാഭിഃ പ്രസേചയേ ।
പഞ്ചാമൃതമിദം സ്നാനം ദക്ഷിണാസ്യ കുരു പ്രഭോ ॥ ൮ ॥
പഞ്ചാമൃതമിദം സ്നാനം ദക്ഷിണാസ്യ കുരു പ്രഭോ ॥ ൮ ॥
വേദാന്തവേദ്യാഖിലശൂലപാണേ ബ്രഹ്മാമരോപേന്ദ്രസുരേന്ദ്രവന്ദ്യ ।
സ്നാനം കുരുഷ്വാമലഗാങ്ഗതോയേ സുവാസിതേസ്മിന് കുരു ദക്ഷിണാസ്യ ॥ ൯ ॥
സ്നാനം കുരുഷ്വാമലഗാങ്ഗതോയേ സുവാസിതേസ്മിന് കുരു ദക്ഷിണാസ്യ ॥ ൯ ॥
കൌശേയവസ്ത്രേണ ച മാര്ജയാമി ദേവേശ്വരാങ്ഗാനി തവാമലാനി ।
പ്രജ്ഞാഖ്യലോകത്രിതയപ്രസന്ന ശ്രീദക്ഷിണാസ്യാഖിലലോകപാല ॥ ൧൦ ॥
പ്രജ്ഞാഖ്യലോകത്രിതയപ്രസന്ന ശ്രീദക്ഷിണാസ്യാഖിലലോകപാല ॥ ൧൦ ॥
സുവര്ണതന്തൂദ്ഭവമഗ്ര്യമീശ യജ്ഞോപവീതം പരിധത്സ്വദേവ ।
വിശാലബാഹൂദരപഞ്ചവക്ത്ര ശ്രീദക്ഷിണാമൂര്തി സുഖസ്വരൂപ ॥ ൧൧ ॥
വിശാലബാഹൂദരപഞ്ചവക്ത്ര ശ്രീദക്ഷിണാമൂര്തി സുഖസ്വരൂപ ॥ ൧൧ ॥
॥ ഗന്ധ-പുഷ്പ-ധൂപ-ദീപ ॥
കസ്തൂരികാചന്ദനകുങ്കുമാദി-വിമിശ്രഗന്ധം മണിപാത്രസംസ്ഥമ് ।
സമര്പയിഷ്യാമി മുദാ മഹാത്മന് ഗൌരീമനോവസ്ഥിതദക്ഷിണാസ്യ ॥ ൧൨ ॥
സമര്പയിഷ്യാമി മുദാ മഹാത്മന് ഗൌരീമനോവസ്ഥിതദക്ഷിണാസ്യ ॥ ൧൨ ॥
ശുഭ്രാക്ഷതൈഃ ശുഭ്രതിലൈഃ സുമിശ്രൈഃ സമ്പൂജയിഷ്യേ ഭവതഃ പരാത്മന് ।
തദേകനിഷ്ഠേന സമാധിനാഥ സദാഹമാനന്ദ സുദക്ഷിണാസ്യ ॥ ൧൩ ॥
തദേകനിഷ്ഠേന സമാധിനാഥ സദാഹമാനന്ദ സുദക്ഷിണാസ്യ ॥ ൧൩ ॥
സുരത്നദാങ്ഗേയ കിരീടകുണ്ഡലം ഹാരാങ്ഗുലീകങ്കണമേഖലാവൃതമ് ।
ഖണ്ഡേന്ദുചൂഡാമൃതപാത്രയുക്തം ശ്രീദക്ഷിണാമൂര്തിമഹം ഭജാമി ॥ ൧൪ ॥
ഖണ്ഡേന്ദുചൂഡാമൃതപാത്രയുക്തം ശ്രീദക്ഷിണാമൂര്തിമഹം ഭജാമി ॥ ൧൪ ॥
മുക്താമണിസ്ഥാപിതകര്ബുരപ്രസൂനൈഃ സദാഹം പരിപൂജയിഷ്യേ ।
കുക്ഷിപ്രപുഷ്ടാഖിലലോകജാല ശ്രീദക്ഷിണാമൂര്തി മഹത്സ്വരൂപ ॥ ൧൫ ॥
കുക്ഷിപ്രപുഷ്ടാഖിലലോകജാല ശ്രീദക്ഷിണാമൂര്തി മഹത്സ്വരൂപ ॥ ൧൫ ॥
ദശാങ്ഗധൂപം പരികല്പയാമി നാനാസുഗന്ധാന്വിതമാജ്യയുക്തമ് ।
മേധാഖ്യ സര്വജ്ഞ ബുധേന്ദ്രപൂജ്യ ദിഗമ്ബര സ്വീകുരു ദക്ഷിണാസ്യ ॥ ൧൬ ॥
മേധാഖ്യ സര്വജ്ഞ ബുധേന്ദ്രപൂജ്യ ദിഗമ്ബര സ്വീകുരു ദക്ഷിണാസ്യ ॥ ൧൬ ॥
ആജ്യേന സംമിശ്രമിമം പ്രദീപം വര്തിത്രയേണാന്വിതമഗ്നിയയുക്തമ് ।
ഗൃഹാണ യോഗീന്ദ്ര മയാര്പിതം ഭോഃ ശ്രീദക്ഷിണാമൂര്തിഗുരോ പ്രസീദ ॥ ൧൭ ॥
ഗൃഹാണ യോഗീന്ദ്ര മയാര്പിതം ഭോഃ ശ്രീദക്ഷിണാമൂര്തിഗുരോ പ്രസീദ ॥ ൧൭ ॥
॥ നൈവേദ്യ ഏവം താമ്ബൂല ॥
ശാല്യോദനം നിര്മലസൂപശാക-ഭക്ഷ്യാജ്യസമ്യുക്തദധിപ്രസിക്തമ് ।
കപിത്ഥ സദ്രാക്ഷഫലൈശ്ച ചൂതൈഃ സാപോശനം ഭക്ഷയ ദക്ഷിണാസ്യ ॥ ൧൮ ॥
കപിത്ഥ സദ്രാക്ഷഫലൈശ്ച ചൂതൈഃ സാപോശനം ഭക്ഷയ ദക്ഷിണാസ്യ ॥ ൧൮ ॥
ഗുഡാമ്ബു സത്സൈന്ധവയുക്തതക്രം കര്പൂരപാടീര ലവങ്ഗയുക്തമ് ।
യജ്ഞേശ കാമാന്തക പുണ്യമൂര്തേ പിബോദകം നിര്മല ദക്ഷിണാസ്യ ॥ ൧൯ ॥
യജ്ഞേശ കാമാന്തക പുണ്യമൂര്തേ പിബോദകം നിര്മല ദക്ഷിണാസ്യ ॥ ൧൯ ॥
ഖമാര്ഗനിര്യജ്ജലമാശു ദേവ കുരൂത്തരാപോശനമഭ്രകേശ ।
പ്രക്ഷാലനം പാണിയുഗസ്യ ശര്വ ഗണ്ഡൂഷമാപാദയ ദക്ഷിണാസ്യ ॥ ൨൦ ॥
പ്രക്ഷാലനം പാണിയുഗസ്യ ശര്വ ഗണ്ഡൂഷമാപാദയ ദക്ഷിണാസ്യ ॥ ൨൦ ॥
സമ്യഗ്ജലേനാചമനം കുരുഷ്വ സ്വസ്ഥോ ഭവ ത്വം മമ ചാഗ്രഭാഗേ ।
ചിദാകൃതേ നിര്മലപൂര്ണകാമ വിനിര്മിതം പാവന ദക്ഷിണാസ്യ ॥ ൨൧ ॥
ചിദാകൃതേ നിര്മലപൂര്ണകാമ വിനിര്മിതം പാവന ദക്ഷിണാസ്യ ॥ ൨൧ ॥
താമ്ബൂലമദ്യ പ്രതിസങ്ഗൃഹാണ കര്പൂരമുക്താമണിചൂര്ണയുക്തമ് ।
സുപര്ണപര്ണാന്വിതപൂഗഖണ്ഡ-മനേകരൂപാകൃതി ദക്ഷിണാസ്യ ॥ ൨൨ ॥
സുപര്ണപര്ണാന്വിതപൂഗഖണ്ഡ-മനേകരൂപാകൃതി ദക്ഷിണാസ്യ ॥ ൨൨ ॥
॥ നീരാജന ഏവം പ്രാര്ഥനാ ॥
നീരാജനം നിര്മലപാത്രസംസ്ഥം കര്പൂരസന്ദീപിതമച്ഛരൂപമ് ।
കരോമി വാമേശ തവോപരീദം വ്യോമാകൃതേ ശങ്കര ദക്ഷിണാസ്യ ॥ ൨൩ ॥
കരോമി വാമേശ തവോപരീദം വ്യോമാകൃതേ ശങ്കര ദക്ഷിണാസ്യ ॥ ൨൩ ॥
തതഃ പരം ദര്പണമീശ പശ്യ സ്വച്ഛം ജഗദ്ദീപിതചക്രഭാസ്വത് ।
മാണിക്യമുക്താമണിഹേമനീല-വിനിര്മിതം പാവന ദക്ഷിണാസ്യ ॥ ൨൪ ॥
മാണിക്യമുക്താമണിഹേമനീല-വിനിര്മിതം പാവന ദക്ഷിണാസ്യ ॥ ൨൪ ॥
മന്ദാരപങ്കേരുഹകുന്ദജാതീ-സുഗന്ധപുഷ്പാഞ്ജലിമര്പയാമി ।
ത്രിശൂല ഢക്കാഞ്ചിത പാണിയുഗ്മ തേ ദക്ഷിണാമൂര്തി വിരൂപധാരിന് ॥ ൨൫ ॥
ത്രിശൂല ഢക്കാഞ്ചിത പാണിയുഗ്മ തേ ദക്ഷിണാമൂര്തി വിരൂപധാരിന് ॥ ൨൫ ॥
പ്രദക്ഷിണം സമ്യഗഹം കരിഷ്യേ കാലത്രയേ ത്വാം കരുണാഭിരാമമ് ।
ശിവാമനോനാഥ മമാപരാധം ക്ഷമസ്വ യജ്ഞേശ്വര ദക്ഷിണാസ്യ ॥ ൨൬ ॥
ശിവാമനോനാഥ മമാപരാധം ക്ഷമസ്വ യജ്ഞേശ്വര ദക്ഷിണാസ്യ ॥ ൨൬ ॥
നമോ നമഃ പാപവിനാശനായ നമോ നമഃ കഞ്ജഭവാര്ചിതായ ।
നമോ നമഃ കൃഷ്ണഹൃദിസ്ഥിതായ ശ്രീദക്ഷിണാമൂര്തി മഹേശ്വരായ ॥ ൨൭ ॥
നമോ നമഃ കൃഷ്ണഹൃദിസ്ഥിതായ ശ്രീദക്ഷിണാമൂര്തി മഹേശ്വരായ ॥ ൨൭ ॥
॥ ഇതി ശ്രീവിജ്ഞാനേന്ദ്ര വിരചിതം ശ്രീ ദക്ഷിണാമൂര്തി മാനസിക പൂജാ സ്തോത്രമ് സമ്പൂര്ണമ് ॥