What is Shri Gayatri Sahasranama Stotram?

Read Shri Gayatri Sahasranama Stotram in Odia script — full lyrics with English meaning and transliteration. The Shri Gayatri Sahasranama Stotram is a profound devotional text extracted from the Devi Bhagavata Purana. It consists of one thousand sacred names of Goddess Gayatri, the personification of the Vedas and the supreme light of consciousness. Through a dialogue between the sages and Brahma, the stotra elucidates the path to divine wisdom and spiritual liberation. Reciting these thousand names is believed to cleanse the practitioner of all sins, sharpen the intellect, and bestow inner peace. It serves as a powerful meditative tool for seekers aiming to align their consciousness with the ultimate Brahman.

Which deity is Shri Gayatri Sahasranama Stotram dedicated to?

Shri Gayatri Sahasranama Stotram is a Sanskrit hymn dedicated to Goddess Gayatri.

Who composed Shri Gayatri Sahasranama Stotram?

Shri Gayatri Sahasranama Stotram is traditionally attributed to From Devi Bhagavata Purana.

Shri Gayatri Sahasranama Stotram in Odia – Lyrics

ନାରଦ ଉଵାଚ –

ଭଗଵନ୍ସର୍ଵଧର୍ମଜ୍ଞ ସର୍ଵଶାସ୍ତ୍ରଵିଶାରଦ ।
ଶ୍ରୁତିସ୍ମୃତିପୁରାଣାନାଂ ରହସ୍ଯଂ ତ୍ଵନ୍ମୁଖାଚ୍ଛ୍ରୁତମ୍ ॥ 1 ॥

ସର୍ଵପାପହରଂ ଦେଵ ଯେନ ଵିଦ୍ଯା ପ୍ରଵର୍ତତେ ।
କେନ ଵା ବ୍ରହ୍ମଵିଜ୍ଞାନଂ କିଂ ନୁ ଵା ମୋକ୍ଷସାଧନମ୍ ॥ 2 ॥

ବ୍ରାହ୍ମଣାନାଂ ଗତିଃ କେନ କେନ ଵା ମୃତ୍ଯୁ ନାଶନମ୍ ।
ଐହିକାମୁଷ୍ମିକଫଲଂ କେନ ଵା ପଦ୍ମଲୋଚନ ॥ 3 ॥

ଵକ୍ତୁମର୍ହସ୍ଯଶେଷେଣ ସର୍ଵେ ନିଖିଲମାଦିତଃ ।
ଶ୍ରୀନାରାଯଣ ଉଵାଚ–
ସାଧୁ ସାଧୁ ମହାପ୍ରାଜ୍ଞ ସମ୍ଯକ୍ ପୃଷ୍ଟଂ ତ୍ଵଯାଽନଘ ॥ 4 ॥

ଶୃଣୁ ଵକ୍ଷ୍ଯାମି ଯତ୍ନେନ ଗାଯତ୍ର୍ଯଷ୍ଟସହସ୍ରକମ୍ ।
ନାମ୍ନାଂ ଶୁଭାନାଂ ଦିଵ୍ଯାନାଂ ସର୍ଵପାପଵିନାଶନମ୍ ॥ 5 ॥

ସୃଷ୍ଟ୍ଯାଦୌ ଯଦ୍ଭଗଵତା ପୂର୍ଵେ ପ୍ରୋକ୍ତଂ ବ୍ରଵୀମି ତେ ।
ଅଷ୍ଟୋତ୍ତରସହସ୍ରସ୍ଯ ଋଷିର୍ବ୍ରହ୍ମା ପ୍ରକୀର୍ତିତଃ ॥ 6 ॥

ଛନ୍ଦୋଽନୁଷ୍ଟୁପ୍ତଥା ଦେଵୀ ଗାଯତ୍ରୀଂ ଦେଵତା ସ୍ମୃତା ।
ହଲୋବୀଜାନି ତସ୍ଯୈଵ ସ୍ଵରାଃ ଶକ୍ତଯ ଈରିତାଃ ॥ 7 ॥

ଅଙ୍ଗନ୍ଯାସକରନ୍ଯାସାଵୁଚ୍ଯେତେ ମାତୃକାକ୍ଷରୈଃ ।
ଅଥ ଧ୍ଯାନଂ ପ୍ରଵକ୍ଷ୍ଯାମି ସାଧକାନାଂ ହିତାଯ ଵୈ ॥ 8 ॥

ଧ୍ଯାନମ୍

ରକ୍ତଶ୍ଵେତହିରଣ୍ଯନୀଲଧଵଲୈର୍ଯୁକ୍ତାଂ ତ୍ରିନୀତ୍ରୋଜ୍ଜ୍ଵଲାଂ
ରକ୍ତାଂ ରକ୍ତନଵସ୍ରଜଂ ମଣିଗଣୈର୍ଯୁକ୍ତାଂ କୁମାରୀମିମାମ୍ ।
ଗାଯତ୍ରୀଂ କମଲାସନାଂ କରତଲଵ୍ଯାନଦ୍ଧକୁଣ୍ଡାମ୍ବୁଜାଂ
ପଦ୍ମାକ୍ଷୀଂ ଚ ଵରସ୍ରଜଂ ଚ ଦଧତୀଂ ହଂସାଧିରୂଢାଂ ଭଜେ ॥ 9 ॥

ଅଚିନ୍ତ୍ଯଲକ୍ଷଣାଵ୍ଯକ୍ତାପ୍ଯର୍ଥମାତୃମହେଶ୍ଵରୀ ।
ଅମୃତାର୍ଣଵମଧ୍ଯସ୍ଥାପ୍ଯଜିତା ଚାପରାଜିତା ॥ 10 ॥

ଅଣିମାଦିଗୁଣାଧାରାପ୍ଯର୍କମଣ୍ଡଲସଂସ୍ଥିତା ।
ଅଜରାଜାପରାଧର୍ମା ଅକ୍ଷସୂତ୍ରଧରାଧରା ॥ 11 ॥

ଅକାରାଦିକ୍ଷକାରାନ୍ତାପ୍ଯରିଷଡ୍ଵର୍ଗଭେଦିନୀ ।
ଅଞ୍ଜନାଦ୍ରିପ୍ରତୀକାଶାପ୍ଯଞ୍ଜନାଦ୍ରିନିଵାସିନୀ ॥ 12 ॥

ଅଦିତିଶ୍ଚାଜପାଵିଦ୍ଯାପ୍ଯରଵିନ୍ଦନିଭେକ୍ଷଣା ।
ଅନ୍ତର୍ବହିଃସ୍ଥିତାଵିଦ୍ଯାଧ୍ଵଂସିନୀ ଚାନ୍ତରାତ୍ମିକା ॥ 13 ॥

ଅଜା ଚାଜମୁଖାଵାସାପ୍ଯରଵିନ୍ଦନିଭାନନା ।
ଅର୍ଧମାତ୍ରାର୍ଥଦାନଜ୍ଞାପ୍ଯରିମଣ୍ଡଲମର୍ଦିନୀ ॥ 14 ॥

ଅସୁରଘ୍ନୀ ହ୍ଯମାଵାସ୍ଯାପ୍ଯଲକ୍ଷ୍ମୀଘ୍ନ୍ଯନ୍ତ୍ଯଜାର୍ଚିତା ।
ଆଦିଲକ୍ଷ୍ମୀଶ୍ଚାଦିଶକ୍ତିରାକୃତିଶ୍ଚାଯତାନନା ॥ 15 ॥

ଆଦିତ୍ଯପଦଵୀଚାରାପ୍ଯାଦିତ୍ଯପରିସେଵିତା ।
ଆଚାର୍ଯାଵର୍ତନାଚାରାପ୍ଯାଦିମୂର୍ତିନିଵାସିନୀ ॥ 16 ॥

ଆଗ୍ନେଯୀ ଚାମରୀ ଚାଦ୍ଯା ଚାରାଧ୍ଯା ଚାସନସ୍ଥିତା ।
ଆଧାରନିଲଯାଧାରା ଚାକାଶାନ୍ତନିଵାସିନୀ ॥ 17 ॥

ଆଦ୍ଯାକ୍ଷରସମାଯୁକ୍ତା ଚାନ୍ତରାକାଶରୂପିଣୀ ।
ଆଦିତ୍ଯମଣ୍ଡଲଗତା ଚାନ୍ତରଧ୍ଵାନ୍ତନାଶିନୀ ॥ 18 ॥

ଇନ୍ଦିରା ଚେଷ୍ଟଦା ଚେଷ୍ଟା ଚେନ୍ଦୀଵରନିଭେକ୍ଷଣା ।
ଇରାଵତୀ ଚେନ୍ଦ୍ରପଦା ଚେନ୍ଦ୍ରାଣୀ ଚେନ୍ଦୁରୂପିଣୀ ॥ 19 ॥

ଇକ୍ଷୁକୋଦଣ୍ଡସଂଯୁକ୍ତା ଚେଷୁସନ୍ଧାନକାରିଣୀ ।
ଇନ୍ଦ୍ରନୀଲସମାକାରା ଚେଡାପିଙ୍ଗଲରୂପିଣୀ ॥ 20 ॥

ଇନ୍ଦ୍ରାକ୍ଷୀଚେଶ୍ଵରୀ ଦେଵୀ ଚେହାତ୍ରଯଵିଵର୍ଜିତା ।
ଉମା ଚୋଷା ହ୍ଯୁଡୁନିଭା ଉର୍ଵାରୁକଫଲାନନା ॥ 21 ॥

ଉଡୁପ୍ରଭା ଚୋଡୁମତୀ ହ୍ଯୁଡୁପା ହ୍ଯୁଡୁମଧ୍ଯଗା ।
ଊର୍ଧ୍ଵା ଚାପ୍ଯୂର୍ଧ୍ଵକେଶୀ ଚାପ୍ଯୂର୍ଧ୍ଵାଧୋଗତିଭେଦିନୀ ॥ 22 ॥

ଊର୍ଧ୍ଵବାହୁପ୍ରିଯା ଚୋର୍ମିମାଲାଵାଗ୍ଗ୍ରନ୍ଥଦାଯିନୀ ।
ଋତଂ ଚର୍ଷିରୃତୁମତୀ ଋଷିଦେଵନମସ୍କୃତା ॥ 23 ॥

ଋଗ୍ଵେଦା ଋଣହର୍ତ୍ରୀ ଚ ଋଷିମଣ୍ଡଲଚାରିଣୀ ।
ଋଦ୍ଧିଦା ଋଜୁମାର୍ଗସ୍ଥା ଋଜୁଧର୍ମା ଋଜୁପ୍ରଦା ॥ 24 ॥

ଋଗ୍ଵେଦନିଲଯା ଋଜ୍ଵୀ ଲୁପ୍ତଧର୍ମପ୍ରଵର୍ତିନୀ ।
ଲୂତାରିଵରସମ୍ଭୂତା ଲୂତାଦିଵିଷହାରିଣୀ ॥ 25 ॥

ଏକାକ୍ଷରା ଚୈକମାତ୍ରା ଚୈକା ଚୈକୈକନିଷ୍ଠିତା ।
ଐନ୍ଦ୍ରୀ ହ୍ଯୈରାଵତାରୂଢା ଚୈହିକାମୁଷ୍ମିକପ୍ରଦା ॥ 26 ॥

ଓଙ୍କାରା ହ୍ଯୋଷଧୀ ଚୋତା ଚୋତପ୍ରୋତନିଵାସିନୀ ।
ଔର୍ଵା ହ୍ଯୌଷଧସମ୍ପନ୍ନା ଔପାସନଫଲପ୍ରଦା ॥ 27 ॥

ଅଣ୍ଡମଧ୍ଯସ୍ଥିତା ଦେଵୀ ଚାଃକାରମନୁରୂପିଣୀ ।
କାତ୍ଯାଯନୀ କାଲରାତ୍ରିଃ କାମାକ୍ଷୀ କାମସୁନ୍ଦରୀ ॥ 28 ॥

କମଲା କାମିନୀ କାନ୍ତା କାମଦା କାଲକଣ୍ଠିନୀ ।
କରିକୁମ୍ଭସ୍ତନଭରା କରଵୀରସୁଵାସିନୀ ॥ 29 ॥

କଲ୍ଯାଣୀ କୁଣ୍ଡଲଵତୀ କୁରୁକ୍ଷେତ୍ରନିଵାସିନୀ ।
କୁରୁଵିନ୍ଦଦଲାକାରା କୁଣ୍ଡଲୀ କୁମୁଦାଲଯା ॥ 30 ॥

କାଲଜିହ୍ଵା କରାଲାସ୍ଯା କାଲିକା କାଲରୂପିଣୀ ।
କମନୀଯଗୁଣା କାନ୍ତିଃ କଲାଧାରା କୁମୁଦ୍ଵତୀ ॥ 31 ॥

କୌଶିକୀ କମଲାକାରା କାମଚାରପ୍ରଭଞ୍ଜିନୀ ।
କୌମାରୀ କରୁଣାପାଙ୍ଗୀ କକୁଵନ୍ତା କରିପ୍ରିଯା ॥ 32 ॥

କେସରୀ କେଶଵନୁତା କଦମ୍ବକୁସୁମପ୍ରିଯା ।
କାଲିନ୍ଦୀ କାଲିକା କାଞ୍ଚୀ କଲଶୋଦ୍ଭଵସଂସ୍ତୁତା ॥ 33 ॥

କାମମାତା କ୍ରତୁମତୀ କାମରୂପା କୃପାଵତୀ ।
କୁମାରୀ କୁଣ୍ଡନିଲଯା କିରାତୀ କୀରଵାହନା ॥ 34 ॥

କୈକେଯୀ କୋକିଲାଲାପା କେତକୀ କୁସୁମପ୍ରିଯା ।
କମଣ୍ଡଲୁଧରା କାଲୀ କର୍ମନିର୍ମୂଲକାରିଣୀ ॥ 35 ॥

କଲହଂସଗତିଃ କକ୍ଷା କୃତକୌତୁକମଙ୍ଗଲା ।
କସ୍ତୂରୀତିଲକା କମ୍ପ୍ରା କରୀନ୍ଦ୍ରଗମନା କୁହୂଃ ॥ 36 ॥

କର୍ପୂରଲେପନା କୃଷ୍ଣା କପିଲା କୁହରାଶ୍ରଯା ।
କୂଟସ୍ଥା କୁଧରା କମ୍ରା କୁକ୍ଷିସ୍ଥାଖିଲଵିଷ୍ଟପା ॥ 37 ॥

ଖଡ୍ଗଖେଟଧରା ଖର୍ଵା ଖେଚରୀ ଖଗଵାହନା ।
ଖଟ୍ଵାଙ୍ଗଧାରିଣୀ ଖ୍ଯାତା ଖଗରାଜୋପରିସ୍ଥିତା ॥ 38 ॥

ଖଲଘ୍ନୀ ଖଣ୍ଡିତଜରା ଖଣ୍ଡାଖ୍ଯାନପ୍ରଦାଯିନୀ ।
ଖଣ୍ଡେନ୍ଦୁତିଲକା ଗଙ୍ଗା ଗଣେଶଗୁହପୂଜିତା ॥ 39 ॥

ଗାଯତ୍ରୀ ଗୋମତୀ ଗୀତା ଗାନ୍ଧାରୀ ଗାନଲୋଲୁପା ।
ଗୌତମୀ ଗାମିନୀ ଗାଧା ଗନ୍ଧର୍ଵାପ୍ସରସେଵିତା ॥ 40 ॥

ଗୋଵିନ୍ଦଚରଣାକ୍ରାନ୍ତା ଗୁଣତ୍ରଯଵିଭାଵିତା ।
ଗନ୍ଧର୍ଵୀ ଗହ୍ଵରୀ ଗୋତ୍ରା ଗିରୀଶା ଗହନା ଗମୀ ॥ 41 ॥

ଗୁହାଵାସା ଗୁଣଵତୀ ଗୁରୁପାପପ୍ରଣାଶିନୀ ।
ଗୁର୍ଵୀ ଗୁଣଵତୀ ଗୁହ୍ଯା ଗୋପ୍ତଵ୍ଯା ଗୁଣଦାଯିନୀ ॥ 42 ॥

ଗିରିଜା ଗୁହ୍ଯମାତଙ୍ଗୀ ଗରୁଡଧ୍ଵଜଵଲ୍ଲଭା ।
ଗର୍ଵାପହାରିଣୀ ଗୋଦା ଗୋକୁଲସ୍ଥା ଗଦାଧରା ॥ 43 ॥

ଗୋକର୍ଣନିଲଯାସକ୍ତା ଗୁହ୍ଯମଣ୍ଡଲଵର୍ତିନୀ ।
ଘର୍ମଦା ଘନଦା ଘଣ୍ଟା ଘୋରଦାନଵମର୍ଦିନୀ ॥ 44 ॥

ଘୃଣିମନ୍ତ୍ରମଯୀ ଘୋଷା ଘନସମ୍ପାତଦାଯିନୀ ।
ଘଣ୍ଟାରଵପ୍ରିଯା ଘ୍ରାଣା ଘୃଣିସନ୍ତୁଷ୍ଟକାରିଣୀ ॥ 45 ॥

ଘନାରିମଣ୍ଡଲା ଘୂର୍ଣା ଘୃତାଚୀ ଘନଵେଗିନୀ ।
ଜ୍ଞାନଧାତୁମଯୀ ଚର୍ଚା ଚର୍ଚିତା ଚାରୁହାସିନୀ ॥ 46 ॥

ଚଟୁଲା ଚଣ୍ଡିକା ଚିତ୍ରା ଚିତ୍ରମାଲ୍ଯଵିଭୂଷିତା ।
ଚତୁର୍ଭୁଜା ଚାରୁଦନ୍ତା ଚାତୁରୀ ଚରିତପ୍ରଦା ॥ 47 ॥

ଚୂଲିକା ଚିତ୍ରଵସ୍ତ୍ରାନ୍ତା ଚନ୍ଦ୍ରମଃକର୍ଣକୁଣ୍ଡଲା ।
ଚନ୍ଦ୍ରହାସା ଚାରୁଦାତ୍ରୀ ଚକୋରୀ ଚନ୍ଦ୍ରହାସିନୀ ॥ 48 ॥

ଚନ୍ଦ୍ରିକା ଚନ୍ଦ୍ରଧାତ୍ରୀ ଚ ଚୌରୀ ଚୌରା ଚ ଚଣ୍ଡିକା ।
ଚଞ୍ଚଦ୍ଵାଗ୍ଵାଦିନୀ ଚନ୍ଦ୍ରଚୂଡା ଚୋରଵିନାଶିନୀ ॥ 49 ॥

ଚାରୁଚନ୍ଦନଲିପ୍ତାଙ୍ଗୀ ଚଞ୍ଚଚ୍ଚାମରଵୀଜିତା ।
ଚାରୁମଧ୍ଯା ଚାରୁଗତିଶ୍ଚନ୍ଦିଲା ଚନ୍ଦ୍ରରୂପିଣୀ ॥ 50 ॥

ଚାରୁହୋମପ୍ରିଯା ଚାର୍ଵାଚରିତା ଚକ୍ରବାହୁକା ।
ଚନ୍ଦ୍ରମଣ୍ଡଲମଧ୍ଯସ୍ଥା ଚନ୍ଦ୍ରମଣ୍ଡଲଦର୍ପଣା ॥ 51 ॥

ଚକ୍ରଵାକସ୍ତନୀ ଚେଷ୍ଟା ଚିତ୍ରା ଚାରୁଵିଲାସିନୀ ।
ଚିତ୍ସ୍ଵରୂପା ଚନ୍ଦ୍ରଵତୀ ଚନ୍ଦ୍ରମାଶ୍ଚନ୍ଦନପ୍ରିଯା ॥ 52 ॥

ଚୋଦଯିତ୍ରୀ ଚିରପ୍ରଜ୍ଞା ଚାତକା ଚାରୁହେତୁକୀ ।
ଛତ୍ରଯାତା ଛତ୍ରଧରା ଛାଯା ଛନ୍ଦଃପରିଚ୍ଛଦା ॥ 53 ॥

ଛାଯାଦେଵୀ ଛିଦ୍ରନଖା ଛନ୍ନେନ୍ଦ୍ରିଯଵିସର୍ପିଣୀ ।
ଛନ୍ଦୋଽନୁଷ୍ଟୁପ୍ପ୍ରତିଷ୍ଠାନ୍ତା ଛିଦ୍ରୋପଦ୍ରଵଭେଦିନୀ ॥ 54 ॥

ଛେଦା ଛତ୍ରେଶ୍ଵରୀ ଛିନ୍ନା ଛୁରିକା ଛେଦନପ୍ରିଯା ।
ଜନନୀ ଜନ୍ମରହିତା ଜାତଵେଦା ଜଗନ୍ମଯୀ ॥ 55 ॥

ଜାହ୍ନଵୀ ଜଟିଲା ଜେତ୍ରୀ ଜରାମରଣଵର୍ଜିତା ।
ଜମ୍ବୂଦ୍ଵୀପଵତୀ ଜ୍ଵାଲା ଜଯନ୍ତୀ ଜଲଶାଲିନୀ ॥ 56 ॥

ଜିତେନ୍ଦ୍ରିଯା ଜିତକ୍ରୋଧା ଜିତାମିତ୍ରା ଜଗତ୍ପ୍ରିଯା ।
ଜାତରୂପମଯୀ ଜିହ୍ଵା ଜାନକୀ ଜଗତୀ ଜରା ॥ 57 ॥

ଜନିତ୍ରୀ ଜହ୍ନୁତନଯା ଜଗତ୍ତ୍ରଯହିତୈଷିଣୀ ।
ଜ୍ଵାଲାମୁଖୀ ଜପଵତୀ ଜ୍ଵରଘ୍ନୀ ଜିତଵିଷ୍ଟପା ॥ 58 ॥

ଜିତାକ୍ରାନ୍ତମଯୀ ଜ୍ଵାଲା ଜାଗ୍ରତୀ ଜ୍ଵରଦେଵତା ।
ଜ୍ଵଲନ୍ତୀ ଜଲଦା ଜ୍ଯେଷ୍ଠା ଜ୍ଯାଘୋଷାସ୍ଫୋଟଦିଙ୍ମୁଖୀ ॥ 59 ॥

ଜମ୍ଭିନୀ ଜୃମ୍ଭଣା ଜୃମ୍ଭା ଜ୍ଵଲନ୍ମାଣିକ୍ଯକୁଣ୍ଡଲା ।
ଝିଞ୍ଝିକା ଝଣନିର୍ଘୋଷା ଝଞ୍ଝାମାରୁତଵେଗିନୀ ॥ 60 ॥

ଝଲ୍ଲରୀଵାଦ୍ଯକୁଶଲା ଞରୂପା ଞଭୁଜା ସ୍ମୃତା ।
ଟଙ୍କବାଣସମାଯୁକ୍ତା ଟଙ୍କିନୀ ଟଙ୍କଭେଦିନୀ ॥ 61 ॥

ଟଙ୍କୀଗଣକୃତାଘୋଷା ଟଙ୍କନୀଯମହୋରସା ।
ଟଙ୍କାରକାରିଣୀ ଦେଵୀ ଠଠଶବ୍ଦନିନାଦିନୀ ॥ 62 ॥

ଡାମରୀ ଡାକିନୀ ଡିମ୍ଭା ଡୁଣ୍ଡୁମାରୈକନିର୍ଜିତା ।
ଡାମରୀତନ୍ତ୍ରମାର୍ଗସ୍ଥା ଡମଡ୍ଡମରୁନାଦିନୀ ॥ 63 ॥

ଡିଣ୍ଡୀରଵସହା ଡିମ୍ଭଲସତ୍କ୍ରୀଡାପରାଯଣା ।
ଢୁଣ୍ଢିଵିଘ୍ନେଶଜନନୀ ଢକ୍କାହସ୍ତା ଢିଲିଵ୍ରଜା ॥ 64 ॥

ନିତ୍ଯଜ୍ଞାନା ନିରୁପମା ନିର୍ଗୁଣା ନର୍ମଦା ନଦୀ ।
ତ୍ରିଗୁଣା ତ୍ରିପଦା ତନ୍ତ୍ରୀ ତୁଲସୀ ତରୁଣା ତରୁଃ ॥ 65 ॥

ତ୍ରିଵିକ୍ରମପଦାକ୍ରାନ୍ତା ତୁରୀଯପଦଗାମିନୀ ।
ତରୁଣାଦିତ୍ଯସଙ୍କାଶା ତାମସୀ ତୁହିନା ତୁରା ॥ 66 ॥

ତ୍ରିକାଲଜ୍ଞାନସମ୍ପନ୍ନା ତ୍ରିଵେଣୀ ଚ ତ୍ରିଲୋଚନା ।
ତ୍ରିଶକ୍ତିସ୍ତ୍ରିପୁରା ତୁଙ୍ଗା ତୁରଙ୍ଗଵଦନା ତଥା ॥ 67 ॥

ତିମିଙ୍ଗିଲଗିଲା ତୀଵ୍ରା ତ୍ରିସ୍ରୋତା ତାମସାଦିନୀ ।
ତନ୍ତ୍ରମନ୍ତ୍ରଵିଶେଷଜ୍ଞା ତନୁମଧ୍ଯା ତ୍ରିଵିଷ୍ଟପା ॥ 68 ॥

ତ୍ରିସନ୍ଧ୍ଯା ତ୍ରିସ୍ତନୀ ତୋଷାସଂସ୍ଥା ତାଲପ୍ରତାପିନୀ ।
ତାଟଙ୍କିନୀ ତୁଷାରାଭା ତୁହିନାଚଲଵାସିନୀ ॥ 69 ॥

ତନ୍ତୁଜାଲସମାଯୁକ୍ତା ତାରହାରାଵଲିପ୍ରିଯା ।
ତିଲହୋମପ୍ରିଯା ତୀର୍ଥା ତମାଲକୁସୁମାକୃତିଃ ॥ 70 ॥

ତାରକା ତ୍ରିଯୁତା ତନ୍ଵୀ ତ୍ରିଶଙ୍କୁପରିଵାରିତା ।
ତଲୋଦରୀ ତିଲାଭୂଷା ତାଟଙ୍କପ୍ରିଯଵାଦିନୀ ॥ 71 ॥

ତ୍ରିଜଟା ତିତ୍ତିରୀ ତୃଷ୍ଣା ତ୍ରିଵିଧା ତରୁଣାକୃତିଃ ।
ତପ୍ତକାଞ୍ଚନସଙ୍କାଶା ତପ୍ତକାଞ୍ଚନଭୂଷଣା ॥ 72 ॥

ତ୍ରୈଯମ୍ବକା ତ୍ରିଵର୍ଗା ଚ ତ୍ରିକାଲଜ୍ଞାନଦାଯିନୀ ।
ତର୍ପଣା ତୃପ୍ତିଦା ତୃପ୍ତା ତାମସୀ ତୁମ୍ବୁରୁସ୍ତୁତା ॥ 73 ॥

ତାର୍କ୍ଷ୍ଯସ୍ଥା ତ୍ରିଗୁଣାକାରା ତ୍ରିଭଙ୍ଗୀ ତନୁଵଲ୍ଲରିଃ ।
ଥାତ୍କାରୀ ଥାରଵା ଥାନ୍ତା ଦୋହିନୀ ଦୀନଵତ୍ସଲା ॥ 74 ॥

ଦାନଵାନ୍ତକରୀ ଦୁର୍ଗା ଦୁର୍ଗାସୁରନିବର୍ହିଣୀ ।
ଦେଵରୀତିର୍ଦିଵାରାତ୍ରିର୍ଦ୍ରୌପଦୀ ଦୁନ୍ଦୁଭିସ୍ଵନା ॥ 75 ॥

ଦେଵଯାନୀ ଦୁରାଵାସା ଦାରିଦ୍ର୍ଯୋଦ୍ଭେଦିନୀ ଦିଵା ।
ଦାମୋଦରପ୍ରିଯା ଦୀପ୍ତା ଦିଗ୍ଵାସା ଦିଗ୍ଵିମୋହିନୀ ॥ 76 ॥

ଦଣ୍ଡକାରଣ୍ଯନିଲଯା ଦଣ୍ଡିନୀ ଦେଵପୂଜିତା ।
ଦେଵଵନ୍ଦ୍ଯା ଦିଵିଷଦା ଦ୍ଵେଷିଣୀ ଦାନଵାକୃତିଃ ॥ 77 ॥

ଦୀନାନାଥସ୍ତୁତା ଦୀକ୍ଷା ଦୈଵତାଦିସ୍ଵରୂପିଣୀ ।
ଧାତ୍ରୀ ଧନୁର୍ଧରା ଧେନୁର୍ଧାରିଣୀ ଧର୍ମଚାରିଣୀ ॥ 78 ॥

ଧୁରନ୍ଧରା ଧରାଧାରା ଧନଦା ଧାନ୍ଯଦୋହିନୀ ।
ଧର୍ମଶୀଲା ଧନାଧ୍ଯକ୍ଷା ଧନୁର୍ଵେଦଵିଶାରଦା ॥ 79 ॥

ଧୃତିର୍ଧନ୍ଯା ଧୃତପଦା ଧର୍ମରାଜପ୍ରିଯା ଧ୍ରୁଵା ।
ଧୂମାଵତୀ ଧୂମକେଶୀ ଧର୍ମଶାସ୍ତ୍ରପ୍ରକାଶିନୀ ॥ 80 ॥

ନନ୍ଦା ନନ୍ଦପ୍ରିଯା ନିଦ୍ରା ନୃନୁତା ନନ୍ଦନାତ୍ମିକା ।
ନର୍ମଦା ନଲିନୀ ନୀଲା ନୀଲକଣ୍ଠସମାଶ୍ରଯା ॥ 81 ॥

ନାରାଯଣପ୍ରିଯା ନିତ୍ଯା ନିର୍ମଲା ନିର୍ଗୁଣା ନିଧିଃ ।
ନିରାଧାରା ନିରୁପମା ନିତ୍ଯଶୁଦ୍ଧା ନିରଞ୍ଜନା ॥ 82 ॥

ନାଦବିନ୍ଦୁକଲାତୀତା ନାଦବିନ୍ଦୁକଲାତ୍ମିକା ।
ନୃସିଂହିନୀ ନଗଧରା ନୃପନାଗଵିଭୂଷିତା ॥ 83 ॥

ନରକକ୍ଲେଶଶମନୀ ନାରାଯଣପଦୋଦ୍ଭଵା ।
ନିରଵଦ୍ଯା ନିରାକାରା ନାରଦପ୍ରିଯକାରିଣୀ ॥ 84 ॥

ନାନାଜ୍ଯୋତିଃ ସମାଖ୍ଯାତା ନିଧିଦା ନିର୍ମଲାତ୍ମିକା ।
ନଵସୂତ୍ରଧରା ନୀତିର୍ନିରୁପଦ୍ରଵକାରିଣୀ ॥ 85 ॥

ନନ୍ଦଜା ନଵରତ୍ନାଢ୍ଯା ନୈମିଷାରଣ୍ଯଵାସିନୀ ।
ନଵନୀତପ୍ରିଯା ନାରୀ ନୀଲଜୀମୂତନିସ୍ଵନା ॥ 86 ॥

ନିମେଷିଣୀ ନଦୀରୂପା ନୀଲଗ୍ରୀଵା ନିଶୀଶ୍ଵରୀ ।
ନାମାଵଲିର୍ନିଶୁମ୍ଭଘ୍ନୀ ନାଗଲୋକନିଵାସିନୀ ॥ 87 ॥

ନଵଜାମ୍ବୂନଦପ୍ରଖ୍ଯା ନାଗଲୋକାଧିଦେଵତା ।
ନୂପୁରାକ୍ରାନ୍ତଚରଣା ନରଚିତ୍ତପ୍ରମୋଦିନୀ ॥ 88 ॥

ନିମଗ୍ନାରକ୍ତନଯନା ନିର୍ଘାତସମନିସ୍ଵନା ।
ନନ୍ଦନୋଦ୍ଯାନନିଲଯା ନିର୍ଵ୍ଯୂହୋପରିଚାରିଣୀ ॥ 89 ॥

ପାର୍ଵତୀ ପରମୋଦାରା ପରବ୍ରହ୍ମାତ୍ମିକା ପରା ।
ପଞ୍ଚକୋଶଵିନିର୍ମୁକ୍ତା ପଞ୍ଚପାତକନାଶିନୀ ॥ 90 ॥

ପରଚିତ୍ତଵିଧାନଜ୍ଞା ପଞ୍ଚିକା ପଞ୍ଚରୂପିଣୀ ।
ପୂର୍ଣିମା ପରମା ପ୍ରୀତିଃ ପରତେଜଃ ପ୍ରକାଶିନୀ ॥ 91 ॥

ପୁରାଣୀ ପୌରୁଷୀ ପୁଣ୍ଯା ପୁଣ୍ଡରୀକନିଭେକ୍ଷଣା ।
ପାତାଲତଲନିର୍ମଗ୍ନା ପ୍ରୀତା ପ୍ରୀତିଵିଵର୍ଧିନୀ ॥ 92 ॥

ପାଵନୀ ପାଦସହିତା ପେଶଲା ପଵନାଶିନୀ ।
ପ୍ରଜାପତିଃ ପରିଶ୍ରାନ୍ତା ପର୍ଵତସ୍ତନମଣ୍ଡଲା ॥ 93 ॥

ପଦ୍ମପ୍ରିଯା ପଦ୍ମସଂସ୍ଥା ପଦ୍ମାକ୍ଷୀ ପଦ୍ମସମ୍ଭଵା ।
ପଦ୍ମପତ୍ରା ପଦ୍ମପଦା ପଦ୍ମିନୀ ପ୍ରିଯଭାଷିଣୀ ॥ 94 ॥

ପଶୁପାଶଵିନିର୍ମୁକ୍ତା ପୁରନ୍ଧ୍ରୀ ପୁରଵାସିନୀ ।
ପୁଷ୍କଲା ପୁରୁଷା ପର୍ଵା ପାରିଜାତସୁମପ୍ରିଯା ॥ 95 ॥

ପତିଵ୍ରତା ପଵିତ୍ରାଙ୍ଗୀ ପୁଷ୍ପହାସପରାଯଣା ।
ପ୍ରଜ୍ଞାଵତୀସୁତା ପୌତ୍ରୀ ପୁତ୍ରପୂଜ୍ଯା ପଯସ୍ଵିନୀ ॥ 96 ॥

ପଟ୍ଟିପାଶଧରା ପଙ୍କ୍ତିଃ ପିତୃଲୋକପ୍ରଦାଯିନୀ ।
ପୁରାଣୀ ପୁଣ୍ଯଶୀଲା ଚ ପ୍ରଣତାର୍ତିଵିନାଶିନୀ ॥ 97 ॥

ପ୍ରଦ୍ଯୁମ୍ନଜନନୀ ପୁଷ୍ଟା ପିତାମହପରିଗ୍ରହା ।
ପୁଣ୍ଡରୀକପୁରାଵାସା ପୁଣ୍ଡରୀକସମାନନା ॥ 98 ॥

ପୃଥୁଜଙ୍ଘା ପୃଥୁଭୁଜା ପୃଥୁପାଦା ପୃଥୂଦରୀ ।
ପ୍ରଵାଲଶୋଭା ପିଙ୍ଗାକ୍ଷୀ ପୀତଵାସାଃ ପ୍ରଚାପଲା ॥ 99 ॥

ପ୍ରସଵା ପୁଷ୍ଟିଦା ପୁଣ୍ଯା ପ୍ରତିଷ୍ଠା ପ୍ରଣଵାଗତିଃ ।
ପଞ୍ଚଵର୍ଣା ପଞ୍ଚଵାଣୀ ପଞ୍ଚିକା ପଞ୍ଜରସ୍ଥିତା ॥ 100 ॥

ପରମାଯା ପରଜ୍ଯୋତିଃ ପରପ୍ରୀତିଃ ପରାଗତିଃ ।
ପରାକାଷ୍ଠା ପରେଶାନୀ ପାଵନୀ ପାଵକଦ୍ଯୁତିଃ ॥ 101 ॥

ପୁଣ୍ଯଭଦ୍ରା ପରିଚ୍ଛେଦ୍ଯା ପୁଷ୍ପହାସା ପୃଥୂଦରୀ ।
ପୀତାଙ୍ଗୀ ପୀତଵସନା ପୀତଶଯ୍ଯା ପିଶାଚିନୀ ॥ 102 ॥

ପୀତକ୍ରିଯା ପିଶାଚଘ୍ନୀ ପାଟଲାକ୍ଷୀ ପଟୁକ୍ରିଯା ।
ପଞ୍ଚଭକ୍ଷପ୍ରିଯାଚାରା ପୂତନାପ୍ରାଣଘାତିନୀ ॥ 103 ॥

ପୁନ୍ନାଗଵନମଧ୍ଯସ୍ଥା ପୁଣ୍ଯତୀର୍ଥନିଷେଵିତା ।
ପଞ୍ଚାଙ୍ଗୀ ଚ ପରାଶକ୍ତିଃ ପରମାହ୍ଲାଦକାରିଣୀ ॥ 104 ॥

ପୁଷ୍ପକାଣ୍ଡସ୍ଥିତା ପୂଷା ପୋଷିତାଖିଲଵିଷ୍ଟପା ।
ପ୍ରାଣପ୍ରିଯା ପଞ୍ଚଶିଖା ପନ୍ନଗୋପରିଶାଯିନୀ ॥ 105 ॥

ପଞ୍ଚମାତ୍ରାତ୍ମିକା ପୃଥ୍ଵୀ ପଥିକା ପୃଥୁଦୋହିନୀ ।
ପୁରାଣନ୍ଯାଯମୀମାଂସା ପାଟଲୀ ପୁଷ୍ପଗନ୍ଧିନୀ ॥ 106 ॥

ପୁଣ୍ଯପ୍ରଜା ପାରଦାତ୍ରୀ ପରମାର୍ଗୈକଗୋଚରା ।
ପ୍ରଵାଲଶୋଭା ପୂର୍ଣାଶା ପ୍ରଣଵା ପଲ୍ଲଵୋଦରୀ ॥ 107 ॥

ଫଲିନୀ ଫଲଦା ଫଲ୍ଗୁଃ ଫୂତ୍କାରୀ ଫଲକାକୃତିଃ ।
ଫଣୀନ୍ଦ୍ରଭୋଗଶଯନା ଫଣିମଣ୍ଡଲମଣ୍ଡିତା ॥ 108 ॥

ବାଲବାଲା ବହୁମତା ବାଲାତପନିଭାଂଶୁକା ।
ବଲଭଦ୍ରପ୍ରିଯା ଵନ୍ଦ୍ଯା ବଡଵା ବୁଦ୍ଧିସଂସ୍ତୁତା ॥ 109 ॥

ବନ୍ଦୀଦେଵୀ ବିଲଵତୀ ବଡିଶଘ୍ନୀ ବଲିପ୍ରିଯା ।
ବାନ୍ଧଵୀ ବୋଧିତା ବୁଦ୍ଧିର୍ବନ୍ଧୂକକୁସୁମପ୍ରିଯା ॥ 110 ॥

ବାଲଭାନୁପ୍ରଭାକାରା ବ୍ରାହ୍ମୀ ବ୍ରାହ୍ମଣଦେଵତା ।
ବୃହସ୍ପତିସ୍ତୁତା ବୃନ୍ଦା ବୃନ୍ଦାଵନଵିହାରିଣୀ ॥ 111 ॥

ବାଲାକିନୀ ବିଲାହାରା ବିଲଵାସା ବହୂଦକା ।
ବହୁନେତ୍ରା ବହୁପଦା ବହୁକର୍ଣାଵତଂସିକା ॥ 112 ॥

ବହୁବାହୁଯୁତା ବୀଜରୂପିଣୀ ବହୁରୂପିଣୀ ।
ବିନ୍ଦୁନାଦକଲାତୀତା ବିନ୍ଦୁନାଦସ୍ଵରୂପିଣୀ ॥ 113 ॥

ବଦ୍ଧଗୋଧାଙ୍ଗୁଲିତ୍ରାଣା ବଦର୍ଯାଶ୍ରମଵାସିନୀ ।
ବୃନ୍ଦାରକା ବୃହତ୍ସ୍କନ୍ଧା ବୃହତୀ ବାଣପାତିନୀ ॥ 114 ॥

ବୃନ୍ଦାଧ୍ଯକ୍ଷା ବହୁନୁତା ଵନିତା ବହୁଵିକ୍ରମା ।
ବଦ୍ଧପଦ୍ମାସନାସୀନା ବିଲ୍ଵପତ୍ରତଲସ୍ଥିତା ॥ 115 ॥

ବୋଧିଦ୍ରୁମନିଜାଵାସା ବଡିସ୍ଥା ବିନ୍ଦୁଦର୍ପଣା ।
ବାଲା ବାଣାସନଵତୀ ବଡବାନଲଵେଗିନୀ ॥ 116 ॥

ବ୍ରହ୍ମାଣ୍ଡବହିରନ୍ତଃସ୍ଥା ବ୍ରହ୍ମକଙ୍କଣସୂତ୍ରିଣୀ ।
ଭଵାନୀ ଭୀଷଣଵତୀ ଭାଵିନୀ ଭଯହାରିଣୀ ॥ 117 ॥

ଭଦ୍ରକାଲୀ ଭୁଜଙ୍ଗାକ୍ଷୀ ଭାରତୀ ଭାରତାଶଯା ।
ଭୈରଵୀ ଭୀଷଣାକାରା ଭୂତିଦା ଭୂତିମାଲିନୀ ॥ 118 ॥

ଭାମିନୀ ଭୋଗନିରତା ଭଦ୍ରଦା ଭୂରିଵିକ୍ରମା ।
ଭୂତଵାସା ଭୃଗୁଲତା ଭାର୍ଗଵୀ ଭୂସୁରାର୍ଚିତା ॥ 119 ॥

ଭାଗୀରଥୀ ଭୋଗଵତୀ ଭଵନସ୍ଥା ଭିଷଗ୍ଵରା ।
ଭାମିନୀ ଭୋଗିନୀ ଭାଷା ଭଵାନୀ ଭୂରିଦକ୍ଷିଣା ॥ 120 ॥

ଭର୍ଗାତ୍ମିକା ଭୀମଵତୀ ଭଵବନ୍ଧଵିମୋଚିନୀ ।
ଭଜନୀଯା ଭୂତଧାତ୍ରୀରଞ୍ଜିତା ଭୁଵନେଶ୍ଵରୀ ॥ 121 ॥

ଭୁଜଙ୍ଗଵଲଯା ଭୀମା ଭେରୁଣ୍ଡା ଭାଗଧେଯିନୀ ।
ମାତା ମାଯା ମଧୁମତୀ ମଧୁଜିହ୍ଵା ମଧୁପ୍ରିଯା ॥ 122 ॥

ମହାଦେଵୀ ମହାଭାଗା ମାଲିନୀ ମୀନଲୋଚନା ।
ମାଯାତୀତା ମଧୁମତୀ ମଧୁମାଂସା ମଧୁଦ୍ରଵା ॥ 123 ॥

ମାନଵୀ ମଧୁସମ୍ଭୂତା ମିଥିଲାପୁରଵାସିନୀ ।
ମଧୁକୈଟଭସଂହର୍ତ୍ରୀ ମେଦିନୀ ମେଘମାଲିନୀ ॥ 124 ॥

ମନ୍ଦୋଦରୀ ମହାମାଯା ମୈଥିଲୀ ମସୃଣପ୍ରିଯା ।
ମହାଲକ୍ଷ୍ମୀର୍ମହାକାଲୀ ମହାକନ୍ଯା ମହେଶ୍ଵରୀ ॥ 125 ॥

ମାହେନ୍ଦ୍ରୀ ମେରୁତନଯା ମନ୍ଦାରକୁସୁମାର୍ଚିତା ।
ମଞ୍ଜୁମଞ୍ଜୀରଚରଣା ମୋକ୍ଷଦା ମଞ୍ଜୁଭାଷିଣୀ ॥ 126 ॥

ମଧୁରଦ୍ରାଵିଣୀ ମୁଦ୍ରା ମଲଯା ମଲଯାନ୍ଵିତା ।
ମେଧା ମରକତଶ୍ଯାମା ମାଗଧୀ ମେନକାତ୍ମଜା ॥ 127 ॥

ମହାମାରୀ ମହାଵୀରା ମହାଶ୍ଯାମା ମନୁସ୍ତୁତା ।
ମାତୃକା ମିହିରାଭାସା ମୁକୁନ୍ଦପଦଵିକ୍ରମା ॥ 128 ॥

ମୂଲାଧାରସ୍ଥିତା ମୁଗ୍ଧା ମଣିପୂରକଵାସିନୀ ।
ମୃଗାକ୍ଷୀ ମହିଷାରୂଢା ମହିଷାସୁରମର୍ଦିନୀ ॥ 129 ॥

ଯୋଗାସନା ଯୋଗଗମ୍ଯା ଯୋଗା ଯୌଵନକାଶ୍ରଯା ।
ଯୌଵନୀ ଯୁଦ୍ଧମଧ୍ଯସ୍ଥା ଯମୁନା ଯୁଗଧାରିଣୀ ॥ 130 ॥

ଯକ୍ଷିଣୀ ଯୋଗଯୁକ୍ତା ଚ ଯକ୍ଷରାଜପ୍ରସୂତିନୀ ।
ଯାତ୍ରା ଯାନଵିଧାନଜ୍ଞା ଯଦୁଵଂଶସମୁଦ୍ଭଵା ॥ 131 ॥

ଯକାରାଦିହକାରାନ୍ତା ଯାଜୁଷୀ ଯଜ୍ଞରୂପିଣୀ ।
ଯାମିନୀ ଯୋଗନିରତା ଯାତୁଧାନଭଯଙ୍କରୀ ॥ 132 ॥

ରୁକ୍ମିଣୀ ରମଣୀ ରାମା ରେଵତୀ ରେଣୁକା ରତିଃ ।
ରୌଦ୍ରୀ ରୌଦ୍ରପ୍ରିଯାକାରା ରାମମାତା ରତିପ୍ରିଯା ॥ 133 ॥

ରୋହିଣୀ ରାଜ୍ଯଦା ରେଵା ରମା ରାଜୀଵଲୋଚନା ।
ରାକେଶୀ ରୂପସମ୍ପନ୍ନା ରତ୍ନସିଂହାସନସ୍ଥିତା ॥ 134 ॥

ରକ୍ତମାଲ୍ଯାମ୍ବରଧରା ରକ୍ତଗନ୍ଧାନୁଲେପନା ।
ରାଜହଂସସମାରୂଢା ରମ୍ଭା ରକ୍ତବଲିପ୍ରିଯା ॥ 135 ॥

ରମଣୀଯଯୁଗାଧାରା ରାଜିତାଖିଲଭୂତଲା ।
ରୁରୁଚର୍ମପରୀଧାନା ରଥିନୀ ରତ୍ନମାଲିକା ॥ 136 ॥

ରୋଗେଶୀ ରୋଗଶମନୀ ରାଵିଣୀ ରୋମହର୍ଷିଣୀ ।
ରାମଚନ୍ଦ୍ରପଦାକ୍ରାନ୍ତା ରାଵଣଚ୍ଛେଦକାରିଣୀ ॥ 137 ॥

ରତ୍ନଵସ୍ତ୍ରପରିଚ୍ଛନ୍ନା ରଥସ୍ଥା ରୁକ୍ମଭୂଷଣା ।
ଲଜ୍ଜାଧିଦେଵତା ଲୋଲା ଲଲିତା ଲିଙ୍ଗଧାରିଣୀ ॥ 138 ॥

ଲକ୍ଷ୍ମୀର୍ଲୋଲା ଲୁପ୍ତଵିଷା ଲୋକିନୀ ଲୋକଵିଶ୍ରୁତା ।
ଲଜ୍ଜା ଲମ୍ବୋଦରୀ ଦେଵୀ ଲଲନା ଲୋକଧାରିଣୀ ॥ 139 ॥

ଵରଦା ଵନ୍ଦିତା ଵିଦ୍ଯା ଵୈଷ୍ଣଵୀ ଵିମଲାକୃତିଃ ।
ଵାରାହୀ ଵିରଜା ଵର୍ଷା ଵରଲକ୍ଷ୍ମୀର୍ଵିଲାସିନୀ ॥ 140 ॥

ଵିନତା ଵ୍ଯୋମମଧ୍ଯସ୍ଥା ଵାରିଜାସନସଂସ୍ଥିତା ।
ଵାରୁଣୀ ଵେଣୁସମ୍ଭୂତା ଵୀତିହୋତ୍ରା ଵିରୂପିଣୀ ॥ 141 ॥

ଵାଯୁମଣ୍ଡଲମଧ୍ଯସ୍ଥା ଵିଷ୍ଣୁରୂପା ଵିଧିପ୍ରିଯା ।
ଵିଷ୍ଣୁପତ୍ନୀ ଵିଷ୍ଣୁମତୀ ଵିଶାଲାକ୍ଷୀ ଵସୁନ୍ଧରା ॥ 142 ॥

ଵାମଦେଵପ୍ରିଯା ଵେଲା ଵଜ୍ରିଣୀ ଵସୁଦୋହିନୀ ।
ଵେଦାକ୍ଷରପରୀତାଙ୍ଗୀ ଵାଜପେଯଫଲପ୍ରଦା ॥ 143 ॥

ଵାସଵୀ ଵାମଜନନୀ ଵୈକୁଣ୍ଠନିଲଯା ଵରା ।
ଵ୍ଯାସପ୍ରିଯା ଵର୍ମଧରା ଵାଲ୍ମୀକିପରିସେଵିତା ॥ 144 ॥

ଶାକମ୍ଭରୀ ଶିଵା ଶାନ୍ତା ଶାରଦା ଶରଣାଗତିଃ ।
ଶାତୋଦରୀ ଶୁଭାଚାରା ଶୁମ୍ଭାସୁରଵିମର୍ଦିନୀ ॥ 145 ॥

ଶୋଭାଵତୀ ଶିଵାକାରା ଶଙ୍କରାର୍ଧଶରୀରିଣୀ ।
ଶୋଣା ଶୁଭାଶଯା ଶୁଭ୍ରା ଶିରଃସନ୍ଧାନକାରିଣୀ ॥ 146 ॥

ଶରାଵତୀ ଶରାନନ୍ଦା ଶରଜ୍ଜ୍ଯୋତ୍ସ୍ନା ଶୁଭାନନା ।
ଶରଭା ଶୂଲିନୀ ଶୁଦ୍ଧା ଶବରୀ ଶୁକଵାହନା ॥ 147 ॥

ଶ୍ରୀମତୀ ଶ୍ରୀଧରାନନ୍ଦା ଶ୍ରଵଣାନନ୍ଦଦାଯିନୀ ।
ଶର୍ଵାଣୀ ଶର୍ଵରୀଵନ୍ଦ୍ଯା ଷଡ୍ଭାଷା ଷଡୃତୁପ୍ରିଯା ॥ 148 ॥

ଷଡାଧାରସ୍ଥିତା ଦେଵୀ ଷଣ୍ମୁଖପ୍ରିଯକାରିଣୀ ।
ଷଡଙ୍ଗରୂପସୁମତୀ ସୁରାସୁରନମସ୍କୃତା ॥ 149 ॥

ସରସ୍ଵତୀ ସଦାଧାରା ସର୍ଵମଙ୍ଗଲକାରିଣୀ ।
ସାମଗାନପ୍ରିଯା ସୂକ୍ଷ୍ମା ସାଵିତ୍ରୀ ସାମସମ୍ଭଵା ॥ 150 ॥

ସର୍ଵାଵାସା ସଦାନନ୍ଦା ସୁସ୍ତନୀ ସାଗରାମ୍ବରା ।
ସର୍ଵୈଶ୍ଵର୍ଯପ୍ରିଯା ସିଦ୍ଧିଃ ସାଧୁବନ୍ଧୁପରାକ୍ରମା ॥ 151 ॥

ସପ୍ତର୍ଷିମଣ୍ଡଲଗତା ସୋମମଣ୍ଡଲଵାସିନୀ ।
ସର୍ଵଜ୍ଞା ସାନ୍ଦ୍ରକରୁଣା ସମାନାଧିକଵର୍ଜିତା ॥ 152 ॥

ସର୍ଵୋତ୍ତୁଙ୍ଗା ସଙ୍ଗହୀନା ସଦ୍ଗୁଣା ସକଲେଷ୍ଟଦା ।
ସରଧା ସୂର୍ଯତନଯା ସୁକେଶୀ ସୋମସଂହତିଃ ॥ 153 ॥

ହିରଣ୍ଯଵର୍ଣା ହରିଣୀ ହ୍ରୀଙ୍କାରୀ ହଂସଵାହିନୀ ।
କ୍ଷୌମଵସ୍ତ୍ରପରୀତାଙ୍ଗୀ କ୍ଷୀରାବ୍ଧିତନଯା କ୍ଷମା ॥ 154 ॥

ଗାଯତ୍ରୀ ଚୈଵ ସାଵିତ୍ରୀ ପାର୍ଵତୀ ଚ ସରସ୍ଵତୀ ।
ଵେଦଗର୍ଭା ଵରାରୋହା ଶ୍ରୀଗାଯତ୍ରୀ ପରାମ୍ବିକା ॥ 155 ॥

ଇତି ସାହସ୍ରକଂ ନାମ୍ନାଂ ଗାଯତ୍ର୍ଯାଶ୍ଚୈଵ ନାରଦ ।
ପୁଣ୍ଯଦଂ ସର୍ଵପାପଘ୍ନଂ ମହାସମ୍ପତ୍ତିଦାଯକମ୍ ॥ 156 ॥

ଏଵଂ ନାମାନି ଗାଯତ୍ର୍ଯାସ୍ତୋଷୋତ୍ପତ୍ତିକରାଣି ହି ।
ଅଷ୍ଟମ୍ଯାଂ ଚ ଵିଶେଷେଣ ପଠିତଵ୍ଯଂ ଦ୍ଵିଜୈଃ ସହ ॥ 157 ॥

ଜପଂ କୃତ୍ଵା ହୋମ ପୂଜା ଧ୍ଯାନଂ କୃତ୍ଵା ଵିଶେଷତଃ ।
ଯସ୍ମୈ କସ୍ମୈ ନ ଦାତଵ୍ଯଂ ଗାଯତ୍ର୍ଯାସ୍ତୁ ଵିଶେଷତଃ ॥ 158 ॥

ସୁଭକ୍ତାଯ ସୁଶିଷ୍ଯାଯ ଵକ୍ତଵ୍ଯଂ ଭୂସୁରାଯ ଵୈ ।
ଭ୍ରଷ୍ଟେଭ୍ଯଃ ସାଧକେଭ୍ଯଶ୍ଚ ବାନ୍ଧଵେଭ୍ଯୋ ନ ଦର୍ଶଯେତ୍ ॥ 159 ॥

ଯଦ୍ଗୃହେ ଲିଖିତଂ ଶାସ୍ତ୍ରଂ ଭଯଂ ତସ୍ଯ ନ କସ୍ଯଚିତ୍ ।
ଚଞ୍ଚଲାପିସ୍ଥିରା ଭୂତ୍ଵା କମଲା ତତ୍ର ତିଷ୍ଠତି ॥ 160 ॥

ଇଦଂ ରହସ୍ଯଂ ପରମଂ ଗୁହ୍ଯାଦ୍ଗୁହ୍ଯତରଂ ମହତ୍ ।
ପୁଣ୍ଯପ୍ରଦଂ ମନୁଷ୍ଯାଣାଂ ଦରିଦ୍ରାଣାଂ ନିଧିପ୍ରଦମ୍ ॥ 161 ॥

ମୋକ୍ଷପ୍ରଦଂ ମୁମୁକ୍ଷୂଣାଂ କାମିନାଂ ସର୍ଵକାମଦମ୍ ।
ରୋଗାଦ୍ଵୈ ମୁଚ୍ଯତେ ରୋଗୀ ବଦ୍ଧୋ ମୁଚ୍ଯେତ ବନ୍ଧନାତ୍ ॥ 162 ॥

ବ୍ରହ୍ମହତ୍ଯା ସୁରାପାନଂ ସୁଵର୍ଣସ୍ତେଯିନୋ ନରାଃ ।
ଗୁରୁତଲ୍ପଗତୋ ଵାପି ପାତକାନ୍ମୁଚ୍ଯତେ ସକୃତ୍ ॥ 163 ॥

ଅସତ୍ପ୍ରତିଗ୍ରହାଚ୍ଚୈଵାଽଭକ୍ଷ୍ଯଭକ୍ଷାଦ୍ଵିଶେଷତଃ ।
ପାଖଣ୍ଡାନୃତମୁଖ୍ଯେଭ୍ଯଃ ପଠନାଦେଵ ମୁଚ୍ଯତେ ॥ 164 ॥

ଇଦଂ ରହସ୍ଯମମଲଂ ମଯୋକ୍ତଂ ପଦ୍ମଜୋଦ୍ଭଵ ।
ବ୍ରହ୍ମସାଯୁଜ୍ଯଦଂ ନୄଣାଂ ସତ୍ଯଂ ସତ୍ଯଂ ନ ସଂଶଯଃ ॥ 165 ॥

ଇତି ଶ୍ରୀଦେଵୀଭାଗଵତେ ମହାପୁରାଣେ ଦ୍ଵାଦଶସ୍କନ୍ଧେ ଗାଯତ୍ରୀସହସ୍ରନାମ ସ୍ତୋତ୍ର କଥନଂ ନାମ ଷଷ୍ଠୋଽଧ୍ଯାଯଃ ॥

ଶ୍ରୀ ଗାଯତ୍ରି ସହସ୍ର ନାମ ସ୍ତୋତ୍ରମ୍

ନାରଦ ଉଵାଚ –

Explore More

ନାରଦ ଉଵାଚ –

More Gayatri Stotras

Explore More