সত্যং জ্ঞানমনন্তং নিত্যমনাকাশং পৰমাকাশং
গোষ্ঠপ্ৰাঙ্গণৰিঙ্খণলোলমনাযাসং পৰমাযাসম্ ।
মাযাকল্পিতনানাকাৰমনাকাৰং ভুৱনাকাৰং
ক্ষ্মামানাথমনাথং প্ৰণমত গোৱিন্দং পৰমানন্দম্ ॥ 1 ॥
গোষ্ঠপ্ৰাঙ্গণৰিঙ্খণলোলমনাযাসং পৰমাযাসম্ ।
মাযাকল্পিতনানাকাৰমনাকাৰং ভুৱনাকাৰং
ক্ষ্মামানাথমনাথং প্ৰণমত গোৱিন্দং পৰমানন্দম্ ॥ 1 ॥
মৃত্স্নামত্সীহেতি যশোদাতাডনশৈশৱসন্ত্ৰাসং
ৱ্যাদিতৱক্ত্ৰালোকিতলোকালোকচতুৰ্দশলোকালিম্ ।
লোকত্ৰযপুৰমূলস্তম্ভং লোকালোকমনালোকং
লোকেশং পৰমেশং প্ৰণমত গোৱিন্দং পৰমানন্দম্ ॥ 2 ॥
ৱ্যাদিতৱক্ত্ৰালোকিতলোকালোকচতুৰ্দশলোকালিম্ ।
লোকত্ৰযপুৰমূলস্তম্ভং লোকালোকমনালোকং
লোকেশং পৰমেশং প্ৰণমত গোৱিন্দং পৰমানন্দম্ ॥ 2 ॥
ত্ৰৈৱিষ্টপৰিপুৱীৰঘ্নং ক্ষিতিভাৰঘ্নং ভৱৰোগঘ্নং
কৈৱল্যং নৱনীতাহাৰমনাহাৰং ভুৱনাহাৰম্ ।
ৱৈমল্যস্ফুটচেতোৱৃত্তিৱিশেষাভাসমনাভাসং
শৈৱং কেৱলশান্তং প্ৰণমত গোৱিন্দং পৰমানন্দম্ ॥ 3 ॥
কৈৱল্যং নৱনীতাহাৰমনাহাৰং ভুৱনাহাৰম্ ।
ৱৈমল্যস্ফুটচেতোৱৃত্তিৱিশেষাভাসমনাভাসং
শৈৱং কেৱলশান্তং প্ৰণমত গোৱিন্দং পৰমানন্দম্ ॥ 3 ॥
গোপালং প্ৰভুলীলাৱিগ্ৰহগোপালং কুলগোপালং
গোপীখেলনগোৱৰ্ধনধৃতিলীলালালিতগোপালম্ ।
গোভিৰ্নিগদিতগোৱিন্দস্ফুটনামানং বহুনামানং
গোধীগোচৰদূৰং প্ৰণমত গোৱিন্দং পৰমানন্দম্ ॥ 4 ॥
গোপীখেলনগোৱৰ্ধনধৃতিলীলালালিতগোপালম্ ।
গোভিৰ্নিগদিতগোৱিন্দস্ফুটনামানং বহুনামানং
গোধীগোচৰদূৰং প্ৰণমত গোৱিন্দং পৰমানন্দম্ ॥ 4 ॥
গোপীমণ্ডলগোষ্ঠীভেদং ভেদাৱস্থমভেদাভং
শশ্ৱদ্গোখুৰনিৰ্ধূতোদ্গতধূলীধূসৰসৌভাগ্যম্ ।
শ্ৰদ্ধাভক্তিগৃহীতানন্দমচিন্ত্যং চিন্তিতসদ্ভাৱং
চিন্তামণিমহিমানং প্ৰণমত গোৱিন্দং পৰমানন্দম্ ॥ 5 ॥
শশ্ৱদ্গোখুৰনিৰ্ধূতোদ্গতধূলীধূসৰসৌভাগ্যম্ ।
শ্ৰদ্ধাভক্তিগৃহীতানন্দমচিন্ত্যং চিন্তিতসদ্ভাৱং
চিন্তামণিমহিমানং প্ৰণমত গোৱিন্দং পৰমানন্দম্ ॥ 5 ॥
স্নানৱ্যাকুলযোষিদ্ৱস্ত্ৰমুপাদাযাগমুপাৰূঢং
ৱ্যাদিত্সন্তীৰথ দিগ্ৱস্ত্ৰা দাতুমুপাকৰ্ষন্তং তাঃ ।
নিৰ্ধূতদ্ৱযশোকৱিমোহং বুদ্ধং বুদ্ধেৰন্তঃস্থং
সত্তামাত্ৰশৰীৰং প্ৰণমত গোৱিন্দং পৰমানন্দম্ ॥ 6 ॥
ৱ্যাদিত্সন্তীৰথ দিগ্ৱস্ত্ৰা দাতুমুপাকৰ্ষন্তং তাঃ ।
নিৰ্ধূতদ্ৱযশোকৱিমোহং বুদ্ধং বুদ্ধেৰন্তঃস্থং
সত্তামাত্ৰশৰীৰং প্ৰণমত গোৱিন্দং পৰমানন্দম্ ॥ 6 ॥
কান্তং কাৰণকাৰণমাদিমনাদিং কালঘনাভাসং
কালিন্দীগতকালিযশিৰসি সুনৃত্যন্তং মুহুৰত্যন্তম্ ।
কালং কালকলাতীতং কলিতাশেষং কলিদোষঘ্নং
কালত্ৰযগতিহেতুং প্ৰণমত গোৱিন্দং পৰমানন্দম্ ॥ 7 ॥
কালিন্দীগতকালিযশিৰসি সুনৃত্যন্তং মুহুৰত্যন্তম্ ।
কালং কালকলাতীতং কলিতাশেষং কলিদোষঘ্নং
কালত্ৰযগতিহেতুং প্ৰণমত গোৱিন্দং পৰমানন্দম্ ॥ 7 ॥
বৃন্দাৱনভুৱি বৃন্দাৰকগণবৃন্দাৰাধিতৱন্দ্যাযাং
কুন্দাভামলমন্দস্মেৰসুধানন্দং সুমহানন্দম্ ।
ৱন্দ্যাশেষমহামুনিমানসৱন্দ্যানন্দপদদ্ৱন্দ্ৱং
নন্দ্যাশেষগুণাব্ধিং প্ৰণমত গোৱিন্দং পৰমানন্দম্ ॥ 8 ॥
কুন্দাভামলমন্দস্মেৰসুধানন্দং সুমহানন্দম্ ।
ৱন্দ্যাশেষমহামুনিমানসৱন্দ্যানন্দপদদ্ৱন্দ্ৱং
নন্দ্যাশেষগুণাব্ধিং প্ৰণমত গোৱিন্দং পৰমানন্দম্ ॥ 8 ॥
গোৱিন্দাষ্টকমেতদধীতে গোৱিন্দাৰ্পিতচেতা যো
গোৱিন্দাচ্যুত মাধৱ ৱিষ্ণো গোকুলনাযক কৃষ্ণেতি ।
গোৱিন্দাঙ্ঘ্ৰিসৰোজধ্যানসুধাজলধৌতসমস্তাঘো
গোৱিন্দং পৰমানন্দামৃতমন্তঃস্থং স তমভ্যেতি ॥ 9 ॥
গোৱিন্দাচ্যুত মাধৱ ৱিষ্ণো গোকুলনাযক কৃষ্ণেতি ।
গোৱিন্দাঙ্ঘ্ৰিসৰোজধ্যানসুধাজলধৌতসমস্তাঘো
গোৱিন্দং পৰমানন্দামৃতমন্তঃস্থং স তমভ্যেতি ॥ 9 ॥
ইতি শ্ৰীমত্পৰমহংসপৰিৱ্ৰাজকাচাৰ্যস্য শ্ৰীগোৱিন্দভগৱত্পূজ্যপাদশিষ্যস্য শ্ৰীমচ্ছঙ্কৰভগৱতঃ কৃতৌ শ্ৰী গোৱিন্দাষ্টকম্ ।