What is Shri Guru Gita: First Chapter?

Read Shri Guru Gita: First Chapter in Assamese script — full lyrics with English meaning and transliteration. The Guru Gita is a profound dialogue between Lord Shiva and Goddess Parvati found within the Skanda Purana. This first chapter introduces the seeker's inquiry, emphasizing the transformative power of the Guru. Through this sacred text, Shiva elucidates the nature of the Guru, who is identified as the manifest form of the Absolute Brahman. Chanting these verses helps dissolve spiritual ignorance, removes past karmic impurities, and awakens the dormant inner consciousness. It serves as a foundational guide for disciples, fostering deep devotion and clarity, ultimately leading the practitioner toward liberation and divine wisdom.

Which deity is Shri Guru Gita: First Chapter dedicated to?

Shri Guru Gita: First Chapter is a Sanskrit hymn dedicated to Lord Shiva.

Who composed Shri Guru Gita: First Chapter?

Shri Guru Gita: First Chapter is traditionally attributed to From Skanda Purana.

Shri Guru Gita: First Chapter in Assamese – Lyrics

শ্ৰীগুৰুভ্যো নমঃ ।

হৰিঃ ওম্ । ধ্যানম্

হংসাভ্যাং পৰিৱৃত্তপত্ৰকমলৈৰ্দিৱ্যৈৰ্জগত্কাৰণং
ৱিশ্ৱোত্কীৰ্ণমনেকদেহনিলযং স্ৱচ্ছন্দমানন্দকম্ ।
আদ্যন্তৈকমখণ্ডচিদ্ঘনৰসং পূৰ্ণং হ্যনন্তং শুভং
প্ৰত্যক্ষাক্ষৰৱিগ্ৰহং গুৰুপদং ধ্যাযেদ্ৱিভুং শাশ্ৱতম্ ॥
অথ প্ৰথমোঽধ্যাযঃ ॥

অচিন্ত্যাৱ্যক্তৰূপায নিৰ্গুণায গণাত্মনে ।
সমস্তজগদাধাৰমূৰ্তযে ব্ৰহ্মণে নমঃ ॥ 1 ॥

ঋষয ঊচুঃ ।
সূত সূত মহাপ্ৰাজ্ঞ নিগমাগমপাৰগ ।
গুৰুস্ৱৰূপমস্মাকং ব্ৰূহি সৰ্ৱমলাপহম্ ॥ 2 ॥

যস্য শ্ৰৱণমাত্ৰেণ দেহী দুঃখাদ্ৱিমুচ্যতে ।
যেন মাৰ্গেণ মুনযঃ সৰ্ৱজ্ঞত্ৱং প্ৰপেদিৰে ॥ 3 ॥

যত্প্ৰাপ্য ন পুনৰ্যাতি নৰঃ সংসাৰবন্ধনম্ ।
তথাৱিধং পৰং তত্ত্ৱং ৱক্তৱ্যমধুনা ত্ৱযা ॥ 4 ॥

গুহ্যাদ্গুহ্যতমং সাৰং গুৰুগীতা ৱিশেষতঃ ।
ত্ৱত্প্ৰসাদাচ্চ শ্ৰোতৱ্যা তত্সৰ্ৱং ব্ৰূহি সূত নঃ ॥ 5 ॥

ইতি সম্প্ৰাৰ্থিতঃ সূতো মুনিসঙ্ঘৈৰ্মুহুৰ্মুহুঃ ॥
কুতূহলেন মহতা প্ৰোৱাচ মধুৰং ৱচঃ ॥ 6 ॥

সূত উৱাচ।
শ্ৰুণুধ্ৱং মুনযঃ সৰ্ৱে শ্ৰদ্ধযা পৰযা মুদা ।
ৱদামি ভৱৰোগঘ্নীং গীতাং মাতৃস্ৱৰূপিণীম্ ॥ 7 ॥

পুৰা কৈলাসশিখৰে সিদ্ধগন্ধৰ্ৱসেৱিতে ।
তত্ৰ কল্পলতাপুষ্পমন্দিৰেঽত্যন্তসুন্দৰে ॥ 8 ॥

ৱ্যাঘ্ৰাজিনে সমাসীনং শুকাদিমুনিৱন্দিতম্ ।
বোধযন্তং পৰং তত্ত্ৱং মধ্যে মুনিগণে ক্ৱচিত্ ॥ 9 ॥

প্ৰণম্ৰৱদনা শশ্ৱন্নমস্কুৰ্ৱন্তমাদৰাত্ ।
দৃষ্ট্ৱা ৱিস্মযমাপন্ন পাৰ্ৱতী পৰিপৃচ্ছতি ॥ 10 ॥

পাৰ্ৱত্যুৱাচ।
ওঁ নমো দেৱ দেৱেশ পৰাত্পৰ জগদ্গুৰো ।
ত্ৱাং নমস্কুৰ্ৱতে ভক্ত্যা সুৰাসুৰনৰাঃ সদা ॥ 11 ॥

ৱিধিৱিষ্ণুমহেন্দ্ৰাদ্যৈৰ্ৱন্দ্যঃ খলু সদা ভৱান্ ।
নমস্কৰোষি কস্মৈ ত্ৱং নমস্কাৰাশ্ৰযঃ কিল ॥ 12 ॥

দৃষ্ট্ৱৈতত্কৰ্ম ৱিপুলমাশ্চৰ্য প্ৰতিভাতি মে ।
কিমেতন্ন ৱিজানেঽহং কৃপযা ৱদ মে প্ৰভো ॥ 13 ॥

ভগৱন্ সৰ্ৱধৰ্মজ্ঞ ৱ্ৰতানাং ৱ্ৰতনাযকম্ ।
ব্ৰূহি মে কৃপযা শম্ভো গুৰুমাহাত্ম্যমুত্তমম্ ॥ 14 ॥

কেন মাৰ্গেণ ভো স্ৱামিন্ দেহী ব্ৰহ্মমযো ভৱেত্ ।
তত্কৃপাং কুৰু মে স্ৱামিন্ নমামি চৰণৌ তৱ ॥ 15 ॥

ইতি সম্প্ৰাৰ্থিতঃ শশ্ৱন্মহাদেৱো মহেশ্ৱৰঃ ।
আনন্দভৰিতঃ স্ৱান্তে পাৰ্ৱতীমিদমব্ৰৱীত্ ॥ 16 ॥

শ্ৰী মহাদেৱ উৱাচ।
ন ৱক্তৱ্যমিদং দেৱি ৰহস্যাতিৰহস্যকম্ ।
ন কস্যাপি পুৰা প্ৰোক্তং ত্ৱদ্ভক্ত্যৰ্থং ৱদামি তত্ ॥ 17 ॥

মম ৰূপাঽসি দেৱি ত্ৱমতস্তত্কথযামি তে ।
লোকোপকাৰকঃ প্ৰশ্নো ন কেনাপি কৃতঃ পুৰা ॥ 18 ॥

যস্য দেৱে পৰা ভক্তিৰ্যথা দেৱে তথা গুৰৌ ।
তস্যৈতে কথিতা হ্যৰ্থাঃ প্ৰকাশন্তে মহাত্মনঃ ॥ 19 ॥

যো গুৰুঃ স শিৱঃ প্ৰোক্তো যঃ শিৱঃ স গুৰুঃ স্মৃতঃ ।
ৱিকল্পং যস্তু কুৰ্ৱীত স নৰো গুৰুতল্পগঃ ॥ 20 ॥

দুৰ্লভং ত্ৰিষু লোকেষু তচ্ছৃণুষ্ৱ ৱদাম্যহম্ ।
গুৰুব্ৰহ্ম ৱিনা নান্যঃ সত্যং সত্যং ৱৰাননে ॥ 21 ॥

ৱেদশাস্ত্ৰপুৰাণানি চেতিহাসাদিকানি চ ।
মন্ত্ৰযন্ত্ৰাদিৱিদ্যানাং মোহনোচ্চাটনাদিকম্ ॥ 22 ॥

শৈৱশাক্তাগমাদীনি হ্যন্যে চ বহৱো মতাঃ ।
অপভ্ৰংশাঃ সমস্তানাং জীৱানাং ভ্ৰান্তচেতসাম্ ॥ 23 ॥

জপস্তপো ৱ্ৰতং তীৰ্থং যজ্ঞো দানং তথৈৱ চ ।
গুৰুতত্ত্ৱমৱিজ্ঞায সৰ্ৱং ৱ্যৰ্থং ভৱেত্প্ৰিযে ॥ 24 ॥

গুৰুবুদ্ধ্যাত্মনো নান্যত্ সত্যং সত্যং ৱৰাননে ।
তল্লাভাৰ্থং প্ৰযত্নস্তু কৰ্তৱ্যশ্চ মনীষিভিঃ ॥ 25 ॥

গূঢাৱিদ্যা জগন্মাযা দেহশ্চাজ্ঞানসম্ভৱঃ ।
ৱিজ্ঞানং যত্প্ৰসাদেন গুৰুশব্দেন কথ্যতে ॥ 26 ॥

যদঙ্ঘ্ৰিকমলদ্ৱন্দ্ৱং দ্ৱন্দ্ৱতাপনিৱাৰকম্ ।
তাৰকং ভৱসিন্ধোশ্চ তং গুৰুং প্ৰণমাম্যহম্ ॥ 27 ॥

দেহী ব্ৰহ্ম ভৱেদ্যস্মাত্ ত্ৱত্কৃপাৰ্থং ৱদামি তত্ ।
সৰ্ৱপাপৱিশুদ্ধাত্মা শ্ৰীগুৰোঃ পাদসেৱনাত্ ॥ 28 ॥

সৰ্ৱতীৰ্থাৱগাহস্য সম্প্ৰাপ্নোতি ফলং নৰঃ ।
গুৰোঃ পাদোদকং পীত্ৱা শেষং শিৰসি ধাৰযন্ ॥ 29 ॥

শোষণং পাপপঙ্কস্য দীপনং জ্ঞানতেজসঃ ।
গুৰোঃ পাদোদকং সম্যক্ সংসাৰাৰ্ণৱতাৰকম্ ॥ 30 ॥

অজ্ঞানমূলহৰণং জন্মকৰ্মনিৱাৰকম্ ।
জ্ঞানৱৈৰাগ্যসিদ্ধ্যৰ্থং গুৰোঃ পাদোদকং পিবেত্ ॥ 31 ॥

গুৰুপাদোদকং পানং গুৰোৰুচ্ছিষ্টভোজনম্ ।
গুৰুমূৰ্তেঃ সদা ধ্যানং গুৰোৰ্নাম সদা জপঃ ॥ 32 ॥

স্ৱদেশিকস্যৈৱ চ নামকীৰ্তনং
ভৱেদনন্তস্য শিৱস্য কীৰ্তনম্ ।
স্ৱদেশিকস্যৈৱ চ নামচিন্তনং
ভৱেদনন্তস্য শিৱস্য চিন্তনম্ ॥ 33 ॥

যত্পাদাম্বুজৰেণুৰ্ৱৈ কোঽপি সংসাৰৱাৰিধৌ ।
সেতুবন্ধাযতে নাথং দেশিকং তমুপাস্মহে ॥ 34 ॥

যদনুগ্ৰহমাত্ৰেণ শোকমোহৌ ৱিনশ্যতঃ ।
তস্মৈ শ্ৰীদেশিকেন্দ্ৰায নমোঽস্তু পৰমাত্মনে ॥ 35 ॥

যস্মাদনুগ্ৰহং লব্ধ্ৱা মহদজ্ঞানমুত্সৃজেত্ ।
তস্মৈ শ্ৰীদেশিকেন্দ্ৰায নমশ্চাভীষ্টসিদ্ধযে ॥ 36 ॥

কাশীক্ষেত্ৰং নিৱাসশ্চ জাহ্নৱী চৰণোদকম্ ।
গুৰুৰ্ৱিশ্ৱেশ্ৱৰঃ সাক্ষাত্ তাৰকং ব্ৰহ্মনিশ্চযঃ ॥ 37 ॥

গুৰুসেৱা গযা প্ৰোক্তা দেহঃ স্যাদক্ষযো ৱটঃ ।
তত্পাদং ৱিষ্ণুপাদং স্যাত্ তত্ৰ দত্তমনস্ততম্ ॥ 38 ॥

গুৰুমূৰ্তিং স্মৰেন্নিত্যং গুৰোৰ্নাম সদা জপেত্ ।
গুৰোৰাজ্ঞাং প্ৰকুৰ্ৱীত গুৰোৰন্যং ন ভাৱযেত্ ॥ 39 ॥

গুৰুৱক্ত্ৰে স্থিতং ব্ৰহ্ম প্ৰাপ্যতে তত্প্ৰসাদতঃ ।
গুৰোৰ্ধ্যানং সদা কুৰ্যাত্ কুলস্ত্ৰী স্ৱপতিং যথা ॥ 40 ॥

স্ৱাশ্ৰমং চ স্ৱজাতিং চ স্ৱকীৰ্তিং পুষ্টিৱৰ্ধনম্ ।
এতত্সৰ্ৱং পৰিত্যজ্য গুৰুমেৱ সমাশ্ৰযেত্ ॥ 41 ॥

অনন্যাশ্চিন্তযন্তো যে সুলভং পৰমং সুখম্ ।
তস্মাত্সৰ্ৱপ্ৰযত্নেন গুৰোৰাৰাধনং কুৰু ॥ 42 ॥

গুৰুৱক্ত্ৰে স্থিতা ৱিদ্যা গুৰুভক্ত্যা চ লভ্যতে ।
ত্ৰৈলোক্যে স্ফুটৱক্তাৰো দেৱৰ্ষিপিতৃমানৱাঃ ॥ 43 ॥

গুকাৰশ্চান্ধকাৰো হি ৰুকাৰস্তেজ উচ্যতে ।
অজ্ঞানগ্ৰাসকং ব্ৰহ্ম গুৰুৰেৱ ন সংশযঃ ॥ 44 ॥

গুকাৰশ্চান্ধকাৰস্তু ৰুকাৰস্তন্নিৰোধকৃত্ ।
অন্ধকাৰৱিনাশিত্ৱাদ্গুৰুৰিত্যভিধীযতে ॥
গুকাৰো ভৱৰোগঃ স্যাত্ ৰুকাৰস্তন্নিৰোধকৃত্ ।
ভৱৰোগহৰত্ৱাচ্চ গুৰুৰিত্যভিধীযতে ॥ 45 ॥

গুকাৰশ্চ গুণাতীতো ৰূপাতীতো ৰুকাৰকঃ ।
গুণৰূপৱিহীনত্ৱাত্ গুৰুৰিত্যভিধীযতে ॥ 46 ॥

গুকাৰঃ প্ৰথমো ৱৰ্ণো মাযাদিগুণভাসকঃ ।
ৰুকাৰোঽস্তি পৰং ব্ৰহ্ম মাযাভ্ৰান্তিৱিমোচকম্ ॥ 47 ॥

এৱং গুৰুপদং শ্ৰেষ্ঠং দেৱানামপি দুৰ্লভম্ ।
হাহাহূহূগণৈশ্চৈৱ গন্ধৰ্ৱাদ্যৈশ্চ পূজিতম্ ॥ 48 ॥

ধ্ৰুৱং তেষাং চ সৰ্ৱেষাং নাস্তি তত্ত্ৱং গুৰোঃ পৰম্ ।
গুৰোৰাৰাধনং কুৰ্যাত্ স্ৱজীৱত্ৱং নিৱেদযেত্ ॥ 49 ॥

আসনং শযনং ৱস্ত্ৰং ৱাহনং ভূষণাদিকম্ ।
সাধকেন প্ৰদাতৱ্যং গুৰুসন্তোষকাৰণম্ ॥ 50 ॥

কৰ্মণা মনসা ৱাচা সৰ্ৱদাঽঽৰাধযেদ্গুৰুম্ ।
দীৰ্ঘদণ্ডং নমস্কৃত্য নিৰ্লজ্জো গুৰুসন্নিধৌ ॥ 51 ॥

শৰীৰমিন্দ্ৰিযং প্ৰাণমৰ্থস্ৱজনবান্ধৱান্ ।
আত্মদাৰাদিকং সৰ্ৱং সদ্গুৰুভ্যো নিৱেদযেত্ ॥ 52 ॥

গুৰুৰেকো জগত্সৰ্ৱং ব্ৰহ্মৱিষ্ণুশিৱাত্মকম্ ।
গুৰোঃ পৰতৰং নাস্তি তস্মাত্সম্পূজযেদ্গুৰুম্ ॥ 53 ॥

সৰ্ৱশ্ৰুতিশিৰোৰত্নৱিৰাজিতপদাম্বুজম্ ।
ৱেদান্তাৰ্থপ্ৰৱক্তাৰং তস্মাত্ সম্পূজযেদ্গুৰুম্ ॥ 54 ॥

যস্য স্মৰণমাত্ৰেণ জ্ঞানমুত্পদ্যতে স্ৱযম্ ।
স এৱ সৰ্ৱসম্পত্তিঃ তস্মাত্সম্পূজযেদ্গুৰুম্ ॥ 55 ॥

[পাঠভেদঃ -
কৃমিকোটিভিৰাৱিষ্টং দুৰ্গন্ধমলমূত্ৰকম্ ।
শ্লেষ্মৰক্তত্ৱচামাংসৈৰ্নদ্ধং চৈতদ্ৱৰাননে ॥
]
কৃমিকোটিভিৰাৱিষ্টং দুৰ্গন্ধকুলদূষিতম্ ।
অনিত্যং দুঃখনিলযং দেহং ৱিদ্ধি ৱৰাননে ॥ 56 ॥

সংসাৰৱৃক্ষমাৰূঢাঃ পতন্তি নৰকাৰ্ণৱে ।
যস্তানুদ্ধৰতে সৰ্ৱান্ তস্মৈ শ্ৰীগুৰৱে নমঃ ॥ 57 ॥

গুৰুৰ্ব্ৰহ্মা গুৰুৰ্ৱিষ্ণুৰ্গুৰুৰ্দেৱো মহেশ্ৱৰঃ ।
গুৰুস্সাক্ষাত্ পৰব্ৰহ্ম তস্মৈ শ্ৰীগুৰৱে নমঃ ॥ 58 ॥

অজ্ঞানতিমিৰান্ধস্য জ্ঞানাঞ্জনশলাকযা ।
চক্ষুৰুন্মীলিতং যেন তস্মৈ শ্ৰীগুৰৱে নমঃ ॥ 59 ॥

অখণ্ডমণ্ডলাকাৰং ৱ্যাপ্তং যেন চৰাচৰম্ ।
তত্পদং দৰ্শিতং যেন তস্মৈ শ্ৰীগুৰৱে নমঃ ॥ 60 ॥

স্থাৱৰং জঙ্গমং ৱ্যাপ্তং যত্কিঞ্চিত্সচৰাচৰম্ ।
ত্ৱং পদং দৰ্শিতং যেন তস্মৈ শ্ৰীগুৰৱে নমঃ ॥ 61 ॥

চিন্মযৱ্যাপিতং সৰ্ৱং ত্ৰৈলোক্যং সচৰাচৰম্ ।
অসিত্ৱং দৰ্শিতং যেন তস্মৈ শ্ৰীগুৰৱে নমঃ ॥ 62 ॥

নিমিষান্নিমিষাৰ্ধাদ্ৱা যদ্ৱাক্যাদ্ৱৈ ৱিমুচ্যতে ।
স্ৱাত্মানং শিৱমালোক্য তস্মৈ শ্ৰীগুৰৱে নমঃ ॥ 63 ॥

চৈতন্যং শাশ্ৱতং শান্তং ৱ্যোমাতীতং নিৰঞ্জনম্ ।
নাদবিন্দুকলাতীতং তস্মৈ শ্ৰীগুৰৱে নমঃ ॥ 64 ॥

নিৰ্গুণং নিৰ্মলং শান্তং জঙ্গমং স্থিৰমেৱ চ ।
ৱ্যাপ্তং যেন জগত্সৰ্ৱং তস্মৈ শ্ৰীগুৰৱে নমঃ ॥ 65 ॥

স পিতা স চ মে মাতা স বন্ধুঃ স চ দেৱতা ।
সংসাৰমোহনাশায তস্মৈ শ্ৰীগুৰৱে নমঃ ॥ 66 ॥

যত্সত্ত্ৱেন জগত্সত্ত্ৱং যত্প্ৰকাশেন ভাতি তত্ ।
যদানন্দেন নন্দন্তি তস্মৈ শ্ৰীগুৰৱে নমঃ ॥ 67 ॥

যস্মিন্ স্থিতমিদং সৰ্ৱং ভাতি যদ্ভানৰূপতঃ ।
প্ৰিযং পুত্ৰাদি যত্প্ৰীত্যা তস্মৈ শ্ৰীগুৰৱে নমঃ ॥ 68 ॥

যেনেদং দৰ্শিতং তত্ত্ৱং চিত্তচৈত্যাদিকং তথা ।
জাগ্ৰত্স্ৱপ্নসুষুপ্ত্যাদি তস্মৈ শ্ৰীগুৰৱে নমঃ ॥ 69 ॥

যস্য জ্ঞানমিদং ৱিশ্ৱং ন দৃশ্যং ভিন্নভেদতঃ ।
সদৈকৰূপৰূপায তস্মৈ শ্ৰীগুৰৱে নমঃ ॥ 70 ॥

যস্য জ্ঞাতং মতং তস্য মতং যস্য ন ৱেদ সঃ ।
অনন্যভাৱভাৱায তস্মৈ শ্ৰীগুৰৱে নমঃ ॥ 71 ॥

যস্মৈ কাৰণৰূপায কাৰ্যৰূপেণ ভাতি যত্ ।
কাৰ্যকাৰণৰূপায তস্মৈ শ্ৰীগুৰৱে নমঃ ॥ 72 ॥

নানাৰূপমিদং ৱিশ্ৱং ন কেনাপ্যস্তি ভিন্নতা ।
কাৰ্যকাৰণৰূপায তস্মৈ শ্ৰীগুৰৱে নমঃ ॥ 73 ॥

জ্ঞানশক্তিসমাৰূঢতত্ত্ৱমালাৱিভূষিণে ।
ভুক্তিমুক্তিপ্ৰদাত্ৰে চ তস্মৈ শ্ৰীগুৰৱে নমঃ ॥ 74 ॥

অনেকজন্মসম্প্ৰাপ্তকৰ্মবন্ধৱিদাহিনে ।
জ্ঞানানলপ্ৰভাৱেন তস্মৈ শ্ৰীগুৰৱে নমঃ ॥ 75 ॥

শোষণং ভৱসিন্ধোশ্চ দীপনং ক্ষৰসম্পদাম্ ।
গুৰোঃ পাদোদকং যস্য তস্মৈ শ্ৰীগুৰৱে নমঃ ॥ 76 ॥

ন গুৰোৰধিকং তত্ত্ৱং ন গুৰোৰধিকং তপঃ ।
ন গুৰোৰধিকং জ্ঞানং তস্মৈ শ্ৰীগুৰৱে নমঃ ॥ 77 ॥

মন্নাথঃ শ্ৰীজগন্নাথো মদ্গুৰুঃ শ্ৰীজগদ্গুৰুঃ ।
মমাঽঽত্মা সৰ্ৱভূতাত্মা তস্মৈ শ্ৰীগুৰৱে নমঃ ॥ 78 ॥

গুৰুৰাদিৰনাদিশ্চ গুৰুঃ পৰমদৈৱতম্ ।
গুৰুমন্ত্ৰসমো নাস্তি তস্মৈ শ্ৰীগুৰৱে নমঃ ॥ 79 ॥

এক এৱ পৰো বন্ধুৰ্ৱিষমে সমুপস্থিতে ।
গুৰুঃ সকলধৰ্মাত্মা তস্মৈ শ্ৰীগুৰৱে নমঃ ॥ 80 ॥

গুৰুমধ্যে স্থিতং ৱিশ্ৱং ৱিশ্ৱমধ্যে স্থিতো গুৰুঃ ।
গুৰুৰ্ৱিশ্ৱং ন চান্যোঽস্তি তস্মৈ শ্ৰীগুৰৱে নমঃ ॥ 81 ॥

ভৱাৰণ্যপ্ৰৱিষ্টস্য দিঙ্মোহভ্ৰান্তচেতসঃ ।
যেন সন্দৰ্শিতঃ পন্থাঃ তস্মৈ শ্ৰীগুৰৱে নমঃ ॥ 82 ॥

তাপত্ৰযাগ্নিতপ্তানামশান্তপ্ৰাণিনাং মুদে ।
গুৰুৰেৱ পৰা গঙ্গা তস্মৈ শ্ৰীগুৰৱে নমঃ ॥ 83 ॥

[পাঠভেদঃ -
অজ্ঞানেনাহিনা গ্ৰস্তাঃ প্ৰাণিনস্তান্ চিকিত্সকঃ ।
ৱিদ্যাস্ৱৰূপো ভগৱাংস্তস্মৈ শ্ৰীগুৰৱে নমঃ ॥
]
অজ্ঞানসৰ্পদষ্টানাং প্ৰাণিনাং কশ্চিকিত্সকঃ ।
সম্যগ্জ্ঞানমহামন্ত্ৰৱেদিনং সদ্গুৰু ৱিনা ॥ 84 ॥

হেতৱে জগতামেৱ সংসাৰাৰ্ণৱসেতৱে ।
প্ৰভৱে সৰ্ৱৱিদ্যানাং শম্ভৱে গুৰৱে নমঃ ॥ 85 ॥

ধ্যানমূলং গুৰোৰ্মূৰ্তিঃ পূজামূলং গুৰোঃ পদম্ ।
মন্ত্ৰমূলং গুৰোৰ্ৱাক্যং মুক্তিমূলং গুৰোঃ কৃপা ॥ 86 ॥

সপ্তসাগৰপৰ্যন্ততীৰ্থস্নানফলং তু যত্ ।
গুৰোঃ পাদোদবিন্দোশ্চ সহস্ৰাংশে ন তত্ফলম্ ॥ 87 ॥

শিৱে ৰুষ্টে গুৰুস্ত্ৰাতা গুৰৌ ৰুষ্টে ন কশ্চন ।
লব্ধ্ৱা কুলগুৰুং সম্যগ্গুৰুমেৱ সমাশ্ৰযেত্ ॥ 88 ॥

মধুলুব্ধো যথা ভৃঙ্গঃ পুষ্পাত্পুষ্পান্তৰং ৱ্ৰজেত্ ।
জ্ঞানলুব্ধস্তথা শিষ্যো গুৰোৰ্গুৰ্ৱন্তৰং ৱ্ৰজেত্ ॥ 89 ॥

ৱন্দে গুৰুপদদ্ৱন্দ্ৱং ৱাঙ্মনাতীতগোচৰম্ ।
শ্ৱেতৰক্তপ্ৰভাভিন্নং শিৱশক্ত্যাত্মকং পৰম্ ॥ 90 ॥

গুকাৰং চ গুণাতীতং ৰূকাৰং ৰূপৱৰ্জিতম্ ।
গুণাতীতমৰূপং চ যো দদ্যাত্স গুৰুঃ স্মৃতঃ ॥ 91 ॥

অত্ৰিনেত্ৰঃ শিৱঃ সাক্ষাত্ দ্ৱিবাহুশ্চ হৰিঃ স্মৃতঃ ।
যোঽচতুৰ্ৱদনো ব্ৰহ্মা শ্ৰীগুৰুঃ কথিতঃ প্ৰিযে ॥ 92 ॥

অযং মযাঞ্জলিৰ্বদ্ধো দযাসাগৰসিদ্ধযে ।
যদনুগ্ৰহতো জন্তুশ্চিত্ৰসংসাৰমুক্তিভাক্ ॥ 93 ॥

শ্ৰীগুৰোঃ পৰমং ৰূপং ৱিৱেকচক্ষুৰগ্ৰতঃ ।
মন্দভাগ্যা ন পশ্যন্তি অন্ধাঃ সূৰ্যোদযং যথা ॥ 94 ॥

কুলানাং কুলকোটীনাং তাৰকস্তত্ৰ তত্ক্ষণাত্ ।
অতস্তং সদ্গুৰুং জ্ঞাত্ৱা ত্ৰিকালমভিৱাদযেত্ ॥ 95 ॥

শ্ৰীনাথচৰণদ্ৱন্দ্ৱং যস্যাং দিশি ৱিৰাজতে ।
তস্যাং দিশি নমস্কুৰ্যাত্ ভক্ত্যা প্ৰতিদিনং প্ৰিযে ॥ 96 ॥

সাষ্টাঙ্গপ্ৰণিপাতেন স্তুৱন্নিত্যং গুৰুং ভজেত্ ।
ভজনাত্ স্থৈৰ্যমাপ্নোতি স্ৱস্ৱৰূপমযো ভৱেত্ ॥ 97 ॥

দোৰ্ভ্যাং পদ্ভ্যাং চ জানুভ্যামুৰসা শিৰসা দৃশা ।
মনসা ৱচসা চেতি প্ৰণামোঽষ্টাঙ্গ উচ্যতে ॥ 98 ॥

তস্যৈ দিশে সততমঞ্জলিৰেষ নিত্যং
প্ৰক্ষিপ্যতাং মুখৰিতৈৰ্মধুৰৈঃ প্ৰসূনৈঃ ।
জাগৰ্তি যত্ৰ ভগৱান্ গুৰুচক্ৰৱৰ্তী
ৱিশ্ৱস্থিতিপ্ৰলযনাটকনিত্যসাক্ষী ॥ 99 ॥

অভ্যস্তৈঃ কিমু দীৰ্ঘকালৱিমলৈৰ্ৱ্যাধিপ্ৰদৈৰ্দুষ্কৰৈঃ
প্ৰাণাযামশতৈৰনেককৰণৈৰ্দুঃখাত্মকৈৰ্দুৰ্জযৈঃ ।
যস্মিন্নভ্যুদিতে ৱিনশ্যতি বলী ৱাযুঃ স্ৱযং তত্ক্ষণাত্
প্ৰাপ্তুং তত্সহজস্ৱভাৱমনিশং সেৱেত চৈকং গুৰুম্ ॥ 100 ॥

জ্ঞানং ৱিনা মুক্তিপদং লভ্যতে গুৰুভক্তিতঃ ।
গুৰোস্সমানতো নান্যত্ সাধনং গুৰুমাৰ্গিণাম্ ॥ 101 ॥

যস্মাত্পৰতৰং নাস্তি নেতি নেতীতি ৱৈ শ্ৰুতিঃ ।
মনসা ৱচসা চৈৱ সত্যমাৰাধযেদ্গুৰুম্ ॥ 102 ॥

গুৰোঃ কৃপাপ্ৰসাদেন ব্ৰহ্মৱিষ্ণুমহেশ্ৱৰাঃ ।
সামৰ্থ্যমভজন্ সৰ্ৱে সৃষ্টিস্থিত্যন্তকৰ্মণি ॥ 103 ॥

দেৱকিন্নৰগন্ধৰ্ৱাঃ পিতৃযক্ষাস্তু তুম্বুৰঃ ।
মুনযোঽপি ন জানন্তি গুৰুশুশ্ৰূষণে ৱিধিম্ ॥ 104 ॥

তাৰ্কিকাশ্ছান্দসাশ্চৈৱ দৈৱজ্ঞাঃ কৰ্মঠাঃ প্ৰিযে ।
লৌকিকাস্তে ন জানন্তি গুৰুতত্ত্ৱং নিৰাকুলম্ ॥ 105 ॥

মহাহঙ্কাৰগৰ্ৱেণ ততোৱিদ্যাবলেন চ ।
ভ্ৰমন্তি চাস্মিন্ সংসাৰে ঘটীযন্ত্ৰং যথা পুনঃ ॥ 106 ॥

যজ্ঞিনোঽপি ন মুক্তাঃ স্যুঃ ন মুক্তা যোগিনস্তথা ।
তাপসা অপি নো মুক্তা গুৰুতত্ত্ৱাত্পৰাঙ্মুখাঃ ॥ 107 ॥

ন মুক্তাস্তু চ গন্ধৰ্ৱাঃ পিতৃযক্ষাস্তু চাৰণাঃ ।
ঋষযঃ সিদ্ধদেৱাদ্যা গুৰুসেৱাপৰাঙ্মুখাঃ ॥ 108 ॥

ইতি শ্ৰীস্কন্দপুৰাণে উত্তৰখণ্ডে উমামহেশ্ৱৰ সংৱাদে শ্ৰী গুৰুগীতাযাং প্ৰথমোঽধ্যাযঃ ॥

শ্ৰী গুৰুগীতা প্ৰথমোধ্যাযঃ

শ্ৰীগুৰুভ্যো নমঃ ।

হৰিঃ ওম্ । ধ্যানম্

Explore More

শ্ৰীগুৰুভ্যো নমঃ ।

হৰিঃ ওম্ । ধ্যানম্

More Shiva Stotras

Explore More