What is Shri Kalikashtakam?

Read Shri Kalikashtakam in Gujarati script — full lyrics with English meaning and transliteration. Composed by the philosopher Adi Shankaracharya, this profound stotra offers an evocative description of Goddess Kali in her fierce, transformative form. Through its eight powerful verses, the hymn explores themes of time, dissolution, and ultimate liberation. Devotees chant this prayer to overcome the fear of death, destroy ignorance, and gain spiritual strength. The meditation on the Goddess’s formidable appearance serves as a symbolic shedding of the ego, helping the practitioner transcend worldly attachments and attain the divine grace of the Mother who consumes all duality and ego to reveal the eternal truth.

Which deity is Shri Kalikashtakam dedicated to?

Shri Kalikashtakam is a Sanskrit hymn dedicated to Goddess Kali.

Who composed Shri Kalikashtakam?

Shri Kalikashtakam is traditionally attributed to Adi Shankaracharya.

Shri Kalikashtakam in Gujarati – Meaning & Word-by-Word

ગલદ્રક્તમુણ્ડાવલીકણ્ઠમાલા
મહાઘોરરાવા સુદંષ્ટ્રા કરાલા ।
વિવસ્ત્રા શ્મશાનાલયા મુક્તકેશી
મહાકાલકામાકુલા કાલિકેયમ્ ॥ 1 ॥

ભુજે વામયુગ્મે શિરોઽસિં દધાના
વરં દક્ષયુગ્મેઽભયં વૈ તથૈવ ।
સુમધ્યાઽપિ તુઙ્ગસ્તના ભારનમ્રા
લસદ્રક્તસૃક્કદ્વયા સુસ્મિતાસ્યા ॥ 2 ॥

શવદ્વન્દ્વકર્ણાવતંસા સુકેશી
લસત્પ્રેતપાણિં પ્રયુક્તૈકકાઞ્ચી ।
શવાકારમઞ્ચાધિરૂઢા શિવાભિઃ
ચતુર્દિક્ષુશબ્દાયમાનાઽભિરેજે ॥ 3 ॥

સ્તુતિઃ
વિરઞ્ચ્યાદિદેવાસ્ત્રયસ્તે ગુણાસ્ત્રીન્
સમારાધ્ય કાલીં પ્રધાના બભૂવુઃ ।
અનાદિં સુરાદિં મખાદિં ભવાદિં
સ્વરૂપં ત્વદીયં ન વિન્દન્તિ દેવાઃ ॥ 1 ॥

જગન્મોહિનીયં તુ વાગ્વાદિનીયં
સુહૃત્પોષિણી શત્રુસંહારણીયમ્ ।
વચસ્તમ્ભનીયં કિમુચ્ચાટનીયં
સ્વરૂપં ત્વદીયં ન વિન્દન્તિ દેવાઃ ॥ 2 ॥

ઇયં સ્વર્ગદાત્રી પુનઃ કલ્પવલ્લી
મનોજાસ્તુ કામાન્ યથાર્થં પ્રકુર્યાત્ ।
તથા તે કૃતાર્થા ભવન્તીતિ નિત્યં
સ્વરૂપં ત્વદીયં ન વિન્દન્તિ દેવાઃ ॥ 3 ॥

સુરાપાનમત્તા સુભક્તાનુરક્તા
લસત્પૂતચિત્તે સદાવિર્ભવત્તે ।
જપધ્યાનપૂજાસુધાધૌતપઙ્કા
સ્વરૂપં ત્વદીયં ન વિન્દન્તિ દેવાઃ ॥ 4 ॥

ચિદાનન્દકન્દં હસન્મન્દમન્દં
શરચ્ચન્દ્રકોટિપ્રભાપુઞ્જબિમ્બમ્ ।
મુનીનાં કવીનાં હૃદિ દ્યોતયન્તં
સ્વરૂપં ત્વદીયં ન વિન્દન્તિ દેવાઃ ॥ 5 ॥

મહામેઘકાલી સુરક્તાપિ શુભ્રા
કદાચિદ્વિચિત્રાકૃતિર્યોગમાયા ।
ન બાલા ન વૃદ્ધા ન કામાતુરાપિ
સ્વરૂપં ત્વદીયં ન વિન્દન્તિ દેવાઃ ॥ 6 ॥

ક્ષમસ્વાપરાધં મહાગુપ્તભાવં
મયા લોકમધ્યે પ્રકાશીકૃતં યત્ ।
તવ ધ્યાનપૂતેન ચાપલ્યભાવાત્
સ્વરૂપં ત્વદીયં ન વિન્દન્તિ દેવાઃ ॥ 7 ॥

યદિ ધ્યાનયુક્તં પઠેદ્યો મનુષ્યઃ
તદા સર્વલોકે વિશાલો ભવેચ્ચ ।
ગૃહે ચાષ્ટસિદ્ધિર્મૃતે ચાપિ મુક્તિઃ
સ્વરૂપં ત્વદીયં ન વિન્દન્તિ દેવાઃ ॥ 8 ॥

શ્રી કાલિકાષ્ટકમ્

ધ્યાનમ્

Explore More

ધ્યાનમ્

More Kali Stotras

Explore More