॥ ಶ್ರೀ ಕೃಷ್ಣ ಸ್ತೋತ್ರಮ್ (ಇನ್ದ್ರ ಕೃತಮ್) ॥
ಅಕ್ಷರಂ ಪರಮಂ ಬ್ರಹ್ಮ ಜ್ಯೋತೀರೂಪಂ ಸನಾತನಮ್ ।
ಗುಣಾತೀತಂ ನಿರಾಕಾರಂ ಸ್ವೇಚ್ಛಾಮಯಮನನ್ತಕಮ್ ॥ ೧ ॥
ಗುಣಾತೀತಂ ನಿರಾಕಾರಂ ಸ್ವೇಚ್ಛಾಮಯಮನನ್ತಕಮ್ ॥ ೧ ॥
ಭಕ್ತಧ್ಯಾನಾಯ ಸೇವಾಯೈ ನಾನಾರೂಪಧರಂ ವರಮ್ ।
ಶುಕ್ಲರಕ್ತಪೀತಶ್ಯಾಮಂ ಯುಗಾನುಕ್ರಮಣೇನ ಚ ॥ ೨ ॥
ಶುಕ್ಲರಕ್ತಪೀತಶ್ಯಾಮಂ ಯುಗಾನುಕ್ರಮಣೇನ ಚ ॥ ೨ ॥
ಶುಕ್ಲತೇಜಃ ಸ್ವರೂಪಂ ಚ ಸತ್ಯೇ ಸತ್ಯಸ್ವರೂಪಿಣಮ್ ।
ತ್ರೇತಾಯಾಂ ಕುಙ್ಕುಮಾಕಾರಂ ಜ್ವಲನ್ತಂ ಬ್ರಹ್ಮತೇಜಸಾ ॥ ೩ ॥
ತ್ರೇತಾಯಾಂ ಕುಙ್ಕುಮಾಕಾರಂ ಜ್ವಲನ್ತಂ ಬ್ರಹ್ಮತೇಜಸಾ ॥ ೩ ॥
ದ್ವಾಪರೇ ಪೀತವರ್ಣಂ ಚ ಶೋಭಿತಂ ಪೀತವಾಸಸಾ ।
ಕೃಷ್ಣವರ್ಣಂ ಕಲೌ ಕೃಷ್ಣಂ ಪರಿಪೂರ್ಣತಮಂ ಪ್ರಭುಮ್ ॥ ೪ ॥
ಕೃಷ್ಣವರ್ಣಂ ಕಲೌ ಕೃಷ್ಣಂ ಪರಿಪೂರ್ಣತಮಂ ಪ್ರಭುಮ್ ॥ ೪ ॥
ನವಧಾರಾಧರೋತ್ಕೃಷ್ಟಶ್ಯಾಮಸುನ್ದರವಿಗ್ರಹಮ್ ।
ನನ್ದೈಕನನ್ದನಂ ವನ್ದೇ ಯಶೋದಾನನ್ದನಂ ಪ್ರಭುಮ್ ॥ ೫ ॥
ನನ್ದೈಕನನ್ದನಂ ವನ್ದೇ ಯಶೋದಾನನ್ದನಂ ಪ್ರಭುಮ್ ॥ ೫ ॥
ಗೋಪಿಕಾಚೇತನಹರಂ ರಾಧಾಪ್ರಾಣಾಧಿಕಂ ಪರಮ್ ।
ವಿನೋದಮುರಲೀಶಬ್ದಂ ಕುರ್ವನ್ತಂ ಕೌತುಕೇನ ಚ ॥ ೬ ॥
ವಿನೋದಮುರಲೀಶಬ್ದಂ ಕುರ್ವನ್ತಂ ಕೌತುಕೇನ ಚ ॥ ೬ ॥
ರೂಪೇಣಾಪ್ರತಿಮೇನೈವ ರತ್ನಭೂಷಣಭೂಷಿತಮ್ ।
ಕನ್ದರ್ಪಕೋಟಿಸೌನ್ದರ್ಯಂ ಬಿಭ್ರತಂ ಶಾನ್ತಮೀಶ್ವರಮ್ ॥ ೭ ॥
ಕನ್ದರ್ಪಕೋಟಿಸೌನ್ದರ್ಯಂ ಬಿಭ್ರತಂ ಶಾನ್ತಮೀಶ್ವರಮ್ ॥ ೭ ॥
ಕ್ರೀಡನ್ತಂ ರಾಧಯಾ ಸಾರ್ಧಂ ಬೃನ್ದಾರಣ್ಯೇ ಚ ಕುತ್ರಚಿತ್ ।
ಕುತ್ರಚಿನ್ನಿರ್ಜನೇಽರಣ್ಯೇ ರಾಧಾವಕ್ಷಃ ಸ್ಥಲಸ್ಥಿತಮ್ ॥ ೮ ॥
ಕುತ್ರಚಿನ್ನಿರ್ಜನೇಽರಣ್ಯೇ ರಾಧಾವಕ್ಷಃ ಸ್ಥಲಸ್ಥಿತಮ್ ॥ ೮ ॥
ಜಲಕ್ರೀಡಾಂ ಪ್ರಕುರ್ವನ್ತಂ ರಾಧಯಾ ಸಹ ಕುತ್ರಚಿತ್ ।
ರಾಧಿಕಾಕಬರೀಭಾರಂ ಕುರ್ವನ್ತಂ ಕುತ್ರಚಿದ್ವನೇ ॥ ೯ ॥
ರಾಧಿಕಾಕಬರೀಭಾರಂ ಕುರ್ವನ್ತಂ ಕುತ್ರಚಿದ್ವನೇ ॥ ೯ ॥
ಕುತ್ರಚಿದ್ರಾಧಿಕಾಪಾದೇ ದತ್ತವನ್ತಮಲಕ್ತಕಮ್ ।
ರಾಧಾಚರ್ಚಿತತಾಮ್ಬೂಲಂ ಗೃಹ್ಣನ್ತಂ ಕುತ್ರಚಿನ್ಮುದಾ ॥ ೧೦ ॥
ರಾಧಾಚರ್ಚಿತತಾಮ್ಬೂಲಂ ಗೃಹ್ಣನ್ತಂ ಕುತ್ರಚಿನ್ಮುದಾ ॥ ೧೦ ॥
ಪಶ್ಯನ್ತಂ ಕುತ್ರಚಿದ್ರಾಧಾಂ ಪಶ್ಯನ್ತೀಂ ವಕ್ರಚಕ್ಷುಷಾ ।
ದತ್ತವನ್ತಂ ಚ ರಾಧಾಯೈ ಕೃತ್ವಾ ಮಾಲಾಂ ಚ ಕುತ್ರಚಿತ್ ॥ ೧೧ ॥
ದತ್ತವನ್ತಂ ಚ ರಾಧಾಯೈ ಕೃತ್ವಾ ಮಾಲಾಂ ಚ ಕುತ್ರಚಿತ್ ॥ ೧೧ ॥
ಕುತ್ರಚಿದ್ರಾಧಯಾ ಸಾರ್ಧಂ ಗಚ್ಛನ್ತಂ ರಾಸಮಣ್ಡಲಮ್ ।
ರಾಧಾದತ್ತಾಂ ಗಲೇ ಮಾಲಾಂ ಧೃತವನ್ತಂ ಚ ಕುತ್ರಚಿತ್ ॥ ೧೨ ॥
ರಾಧಾದತ್ತಾಂ ಗಲೇ ಮಾಲಾಂ ಧೃತವನ್ತಂ ಚ ಕುತ್ರಚಿತ್ ॥ ೧೨ ॥
ಸಾರ್ಧಂ ಗೋಪಾಲಿಕಾಭಿಶ್ಚ ವಿಹರನ್ತಂ ಚ ಕುತ್ರಚಿತ್ ।
ರಾಧಾಂ ಗೃಹೀತ್ವಾ ಗಚ್ಛನ್ತಂ ವಿಹಾಯ ತಾಂ ಚ ಕುತ್ರಚಿತ್ ॥ ೧೩ ॥
ರಾಧಾಂ ಗೃಹೀತ್ವಾ ಗಚ್ಛನ್ತಂ ವಿಹಾಯ ತಾಂ ಚ ಕುತ್ರಚಿತ್ ॥ ೧೩ ॥
ವಿಪ್ರಪತ್ನೀದತ್ತಮನ್ನಂ ಭುಕ್ತವನ್ತಂ ಚ ಕುತ್ರಚಿತ್ ।
ಭುಕ್ತವನ್ತಂ ತಾಲಫಲಂ ಬಾಲಕೈಃ ಸಹ ಕುತ್ರಚಿತ್ ॥ ೧೪ ॥
ಭುಕ್ತವನ್ತಂ ತಾಲಫಲಂ ಬಾಲಕೈಃ ಸಹ ಕುತ್ರಚಿತ್ ॥ ೧೪ ॥
ವಸ್ತ್ರಂ ಗೋಪಾಲಿಕಾನಾಂ ಚ ಹರನ್ತಂ ಕುತ್ರಚಿನ್ಮುದಾ ।
ಗವಾಂ ಗಣಂ ವ್ಯಾಹರನ್ತಂ ಕುತ್ರಚಿದ್ಬಾಲಕೈಃ ಸಹ ॥ ೧೫ ॥
ಗವಾಂ ಗಣಂ ವ್ಯಾಹರನ್ತಂ ಕುತ್ರಚಿದ್ಬಾಲಕೈಃ ಸಹ ॥ ೧೫ ॥
ಕಾಲೀಯಮೂರ್ಧ್ನಿ ಪಾದಾಬ್ಜಂ ದತ್ತವನ್ತಂ ಚ ಕುತ್ರಚಿತ್ ।
ವಿನೋದಮುರಲೀಶಬ್ದಂ ಕುರ್ವನ್ತಂ ಕುತ್ರಚಿನ್ಮುದಾ ॥ ೧೬ ॥
ವಿನೋದಮುರಲೀಶಬ್ದಂ ಕುರ್ವನ್ತಂ ಕುತ್ರಚಿನ್ಮುದಾ ॥ ೧೬ ॥
ಗಾಯನ್ತಂ ರಮ್ಯಸಙ್ಗೀತಂ ಕುತ್ರಚಿದ್ಬಾಲಕೈಃ ಸಹ ।
ಸ್ತುತ್ವಾ ಶಕ್ರಃ ಸ್ತವೇನ್ದ್ರೇಣ ಪ್ರಣನಾಮ ಹರಿಂ ಭಿಯಾ ॥ ೧೭ ॥
ಸ್ತುತ್ವಾ ಶಕ್ರಃ ಸ್ತವೇನ್ದ್ರೇಣ ಪ್ರಣನಾಮ ಹರಿಂ ಭಿಯಾ ॥ ೧೭ ॥
॥ ಫಲಶ್ರುತಿ ॥
ಪುರಾ ದತ್ತೇನ ಗುರುಣಾ ರಣೇ ವೃತ್ರಾಸುರೇಣ ಚ ।
ಕೃಷ್ಣೇನ ದತ್ತಂ ಕೃಪಯಾ ಬ್ರಹ್ಮಣೇ ಚ ತಪಸ್ಯತೇ ॥ ೧೮ ॥
ಕೃಷ್ಣೇನ ದತ್ತಂ ಕೃಪಯಾ ಬ್ರಹ್ಮಣೇ ಚ ತಪಸ್ಯತೇ ॥ ೧೮ ॥
ಏಕಾದಶಾಕ್ಷರೋ ಮನ್ತ್ರಃ ಕವಚಂ ಸರ್ವಲಕ್ಷಣಮ್ ।
ದತ್ತಮೇತತ್ ಕುಮಾರಾಯ ಪುಷ್ಕರೇ ಬ್ರಹ್ಮಣಾ ಪುರಾ ॥ ೧೯ ॥
ದತ್ತಮೇತತ್ ಕುಮಾರಾಯ ಪುಷ್ಕರೇ ಬ್ರಹ್ಮಣಾ ಪುರಾ ॥ ೧೯ ॥
ಕುಮಾರೋಽಙ್ಗಿರಸೇ ದತ್ತಂ ಗುರವೇಽಙ್ಗಿರಸಾಂ ಮುನೇ ।
ಇದಮಿನ್ದ್ರಕೃತಂ ಸ್ತೋತ್ರಂ ನಿತ್ಯಂ ಭಕ್ತ್ಯಾ ಚ ಯಃ ಪಠೇತ್ ॥ ೨೦ ॥
ಇದಮಿನ್ದ್ರಕೃತಂ ಸ್ತೋತ್ರಂ ನಿತ್ಯಂ ಭಕ್ತ್ಯಾ ಚ ಯಃ ಪಠೇತ್ ॥ ೨೦ ॥
ಸ ಹಿ ಪ್ರಾಪ್ಯ ದೃಢಾಂ ಭಕ್ತಿಮನ್ತೇ ದಾಸ್ಯಂ ಲಭೇದ್ಧ್ರುವಮ್ ।
ಜನ್ಮಮೃತ್ಯುಜರಾವ್ಯಾಧಿಶೋಕೇಭ್ಯೋ ಮುಚ್ಯತೇ ನರಃ ।
ನ ಹಿ ಪಶ್ಯತಿ ಸ್ವಪ್ನೇಽಪಿ ಯಮದೂತಂ ಯಮಾಲಯಮ್ ॥ ೨೧ ॥
ಜನ್ಮಮೃತ್ಯುಜರಾವ್ಯಾಧಿಶೋಕೇಭ್ಯೋ ಮುಚ್ಯತೇ ನರಃ ।
ನ ಹಿ ಪಶ್ಯತಿ ಸ್ವಪ್ನೇಽಪಿ ಯಮದೂತಂ ಯಮಾಲಯಮ್ ॥ ೨೧ ॥
॥ ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಣ್ಡೇ ಇನ್ದ್ರಕೃತಂ ಶ್ರೀಕೃಷ್ಣಸ್ತೋತ್ರಂ ಸಮ್ಪೂರ್ಣಮ್ ॥