॥ শ্রী কৃষ্ণ স্তোত্রম্ (বিপ্রপত্নী কৃতম্) ॥
ত্বং ব্রহ্ম পরমং ধাম নিরীহো নিরহঙ্কৃতিঃ ।
নির্গুণশ্চ নিরাকারঃ সাকারঃ সগুণঃ স্বযম্ ॥ ১ ॥
নির্গুণশ্চ নিরাকারঃ সাকারঃ সগুণঃ স্বযম্ ॥ ১ ॥
সাক্ষিরূপশ্চ নির্লিপ্তঃ পরমাত্মা নিরাকৃতিঃ ।
প্রকৃতিঃ পুরুষস্ত্বং চ কারণং চ তযোঃ পরম্ ॥ ২ ॥
প্রকৃতিঃ পুরুষস্ত্বং চ কারণং চ তযোঃ পরম্ ॥ ২ ॥
সৃষ্টিস্থিত্যন্তবিষযে যে চ দেবাস্ত্রযঃ স্মৃতাঃ ।
তে ত্বদংশাঃ সর্ববীজা ব্রহ্মবিষ্ণুমহেশ্বরাঃ ॥ ৩ ॥
তে ত্বদংশাঃ সর্ববীজা ব্রহ্মবিষ্ণুমহেশ্বরাঃ ॥ ৩ ॥
যস্য লোম্নাং চ বিবরে চাখিলং বিশ্বমীশ্বর ।
মহাবিরাণ্মহাবিষ্ণুস্ত্বং তস্য জনকো বিভো ॥ ৪ ॥
মহাবিরাণ্মহাবিষ্ণুস্ত্বং তস্য জনকো বিভো ॥ ৪ ॥
তেজস্ত্বং চাপি তেজস্বী জ্ঞানং জ্ঞানী চ তত্পরঃ ।
বেদেঽনির্বচনীযস্ত্বং কস্ত্বাং স্তোতুমিহেশ্বরঃ ॥ ৫ ॥
বেদেঽনির্বচনীযস্ত্বং কস্ত্বাং স্তোতুমিহেশ্বরঃ ॥ ৫ ॥
মহদাদিসৃষ্টিসূত্রং পঞ্চতন্মাত্রমেব চ ।
বীজং ত্বং সর্বশক্তীনাং সর্বশক্তিস্বরূপকঃ ॥ ৬ ॥
বীজং ত্বং সর্বশক্তীনাং সর্বশক্তিস্বরূপকঃ ॥ ৬ ॥
সর্বশক্তীশ্বরঃ সর্বঃ সর্বশক্ত্যাশ্রযঃ সদা ।
ত্বমনীহঃ স্বযঞ্জ্যোতিঃ সর্বানন্দঃ সনাতনঃ ॥ ৭ ॥
ত্বমনীহঃ স্বযঞ্জ্যোতিঃ সর্বানন্দঃ সনাতনঃ ॥ ৭ ॥
অহোঽপ্যাকারহীনস্ত্বং সর্ববিগ্রহবানপি ।
সর্বেন্দ্রিযাণাং বিষযং জানাসি নেন্দ্রিযী ভবান্ ॥ ৮ ॥
সর্বেন্দ্রিযাণাং বিষযং জানাসি নেন্দ্রিযী ভবান্ ॥ ৮ ॥
সরস্বতী জডীভূতা যত্ স্তোত্রে যন্নিরূপণে ।
জডীভূতো মহেশশ্চ শেষো ধর্মো বিধিঃ স্বযম্ ॥ ৯ ॥
জডীভূতো মহেশশ্চ শেষো ধর্মো বিধিঃ স্বযম্ ॥ ৯ ॥
পার্বতী কমলা রাধা সাবিত্রী বেদসূরপি ।
বেদশ্চ জডতাং যাতি কে বা শক্তা বিপশ্চিতঃ ॥ ১০ ॥
বেদশ্চ জডতাং যাতি কে বা শক্তা বিপশ্চিতঃ ॥ ১০ ॥
বযং কিং স্তবনং কুর্মঃ স্ত্রিযঃ প্রাণেশ্বরেশ্বরঃ ।
প্রসন্নো ভব নো দেব দীনবন্ধো কৃপাং কুরু ॥ ১১ ॥
প্রসন্নো ভব নো দেব দীনবন্ধো কৃপাং কুরু ॥ ১১ ॥
॥ ইতি বিপ্রপত্ন্যঃ ॥
ইতি পেতুশ্চ তা বিপ্রপত্ন্যস্তচ্চরণাম্বুজে ।
অভযং প্রদদৌ তাভ্যঃ প্রসন্নবদনেক্ষণঃ ॥ ১২ ॥
অভযং প্রদদৌ তাভ্যঃ প্রসন্নবদনেক্ষণঃ ॥ ১২ ॥
॥ ফলশ্রুতি ॥
বিপ্রপত্নীকৃতং স্তোত্রং পূজাকালে চ যঃ পঠেত্ ।
স গতিং বিপ্রপত্নীনাং লভতে নাঽত্র সংশযঃ ॥ ১৩ ॥
স গতিং বিপ্রপত্নীনাং লভতে নাঽত্র সংশযঃ ॥ ১৩ ॥
॥ ইতি শ্রীব্রহ্মবৈবর্তে মহাপুরাণে শ্রীকৃষ্ণজন্মখণ্ডে বিপ্রপত্নীকৃতং শ্রীকৃষ্ণস্তোত্রং সম্পূর্ণম্ ॥