॥ ಶ್ರೀ ಕೃಷ್ಣ ಸ್ತೋತ್ರಮ್ (ವಿಪ್ರಪತ್ನೀ ಕೃತಮ್) ॥
ತ್ವಂ ಬ್ರಹ್ಮ ಪರಮಂ ಧಾಮ ನಿರೀಹೋ ನಿರಹಙ್ಕೃತಿಃ ।
ನಿರ್ಗುಣಶ್ಚ ನಿರಾಕಾರಃ ಸಾಕಾರಃ ಸಗುಣಃ ಸ್ವಯಮ್ ॥ ೧ ॥
ನಿರ್ಗುಣಶ್ಚ ನಿರಾಕಾರಃ ಸಾಕಾರಃ ಸಗುಣಃ ಸ್ವಯಮ್ ॥ ೧ ॥
ಸಾಕ್ಷಿರೂಪಶ್ಚ ನಿರ್ಲಿಪ್ತಃ ಪರಮಾತ್ಮಾ ನಿರಾಕೃತಿಃ ।
ಪ್ರಕೃತಿಃ ಪುರುಷಸ್ತ್ವಂ ಚ ಕಾರಣಂ ಚ ತಯೋಃ ಪರಮ್ ॥ ೨ ॥
ಪ್ರಕೃತಿಃ ಪುರುಷಸ್ತ್ವಂ ಚ ಕಾರಣಂ ಚ ತಯೋಃ ಪರಮ್ ॥ ೨ ॥
ಸೃಷ್ಟಿಸ್ಥಿತ್ಯನ್ತವಿಷಯೇ ಯೇ ಚ ದೇವಾಸ್ತ್ರಯಃ ಸ್ಮೃತಾಃ ।
ತೇ ತ್ವದಂಶಾಃ ಸರ್ವಬೀಜಾ ಬ್ರಹ್ಮವಿಷ್ಣುಮಹೇಶ್ವರಾಃ ॥ ೩ ॥
ತೇ ತ್ವದಂಶಾಃ ಸರ್ವಬೀಜಾ ಬ್ರಹ್ಮವಿಷ್ಣುಮಹೇಶ್ವರಾಃ ॥ ೩ ॥
ಯಸ್ಯ ಲೋಮ್ನಾಂ ಚ ವಿವರೇ ಚಾಖಿಲಂ ವಿಶ್ವಮೀಶ್ವರ ।
ಮಹಾವಿರಾಣ್ಮಹಾವಿಷ್ಣುಸ್ತ್ವಂ ತಸ್ಯ ಜನಕೋ ವಿಭೋ ॥ ೪ ॥
ಮಹಾವಿರಾಣ್ಮಹಾವಿಷ್ಣುಸ್ತ್ವಂ ತಸ್ಯ ಜನಕೋ ವಿಭೋ ॥ ೪ ॥
ತೇಜಸ್ತ್ವಂ ಚಾಪಿ ತೇಜಸ್ವೀ ಜ್ಞಾನಂ ಜ್ಞಾನೀ ಚ ತತ್ಪರಃ ।
ವೇದೇಽನಿರ್ವಚನೀಯಸ್ತ್ವಂ ಕಸ್ತ್ವಾಂ ಸ್ತೋತುಮಿಹೇಶ್ವರಃ ॥ ೫ ॥
ವೇದೇಽನಿರ್ವಚನೀಯಸ್ತ್ವಂ ಕಸ್ತ್ವಾಂ ಸ್ತೋತುಮಿಹೇಶ್ವರಃ ॥ ೫ ॥
ಮಹದಾದಿಸೃಷ್ಟಿಸೂತ್ರಂ ಪಞ್ಚತನ್ಮಾತ್ರಮೇವ ಚ ।
ಬೀಜಂ ತ್ವಂ ಸರ್ವಶಕ್ತೀನಾಂ ಸರ್ವಶಕ್ತಿಸ್ವರೂಪಕಃ ॥ ೬ ॥
ಬೀಜಂ ತ್ವಂ ಸರ್ವಶಕ್ತೀನಾಂ ಸರ್ವಶಕ್ತಿಸ್ವರೂಪಕಃ ॥ ೬ ॥
ಸರ್ವಶಕ್ತೀಶ್ವರಃ ಸರ್ವಃ ಸರ್ವಶಕ್ತ್ಯಾಶ್ರಯಃ ಸದಾ ।
ತ್ವಮನೀಹಃ ಸ್ವಯಞ್ಜ್ಯೋತಿಃ ಸರ್ವಾನನ್ದಃ ಸನಾತನಃ ॥ ೭ ॥
ತ್ವಮನೀಹಃ ಸ್ವಯಞ್ಜ್ಯೋತಿಃ ಸರ್ವಾನನ್ದಃ ಸನಾತನಃ ॥ ೭ ॥
ಅಹೋಽಪ್ಯಾಕಾರಹೀನಸ್ತ್ವಂ ಸರ್ವವಿಗ್ರಹವಾನಪಿ ।
ಸರ್ವೇನ್ದ್ರಿಯಾಣಾಂ ವಿಷಯಂ ಜಾನಾಸಿ ನೇನ್ದ್ರಿಯೀ ಭವಾನ್ ॥ ೮ ॥
ಸರ್ವೇನ್ದ್ರಿಯಾಣಾಂ ವಿಷಯಂ ಜಾನಾಸಿ ನೇನ್ದ್ರಿಯೀ ಭವಾನ್ ॥ ೮ ॥
ಸರಸ್ವತೀ ಜಡೀಭೂತಾ ಯತ್ ಸ್ತೋತ್ರೇ ಯನ್ನಿರೂಪಣೇ ।
ಜಡೀಭೂತೋ ಮಹೇಶಶ್ಚ ಶೇಷೋ ಧರ್ಮೋ ವಿಧಿಃ ಸ್ವಯಮ್ ॥ ೯ ॥
ಜಡೀಭೂತೋ ಮಹೇಶಶ್ಚ ಶೇಷೋ ಧರ್ಮೋ ವಿಧಿಃ ಸ್ವಯಮ್ ॥ ೯ ॥
ಪಾರ್ವತೀ ಕಮಲಾ ರಾಧಾ ಸಾವಿತ್ರೀ ವೇದಸೂರಪಿ ।
ವೇದಶ್ಚ ಜಡತಾಂ ಯಾತಿ ಕೇ ವಾ ಶಕ್ತಾ ವಿಪಶ್ಚಿತಃ ॥ ೧೦ ॥
ವೇದಶ್ಚ ಜಡತಾಂ ಯಾತಿ ಕೇ ವಾ ಶಕ್ತಾ ವಿಪಶ್ಚಿತಃ ॥ ೧೦ ॥
ವಯಂ ಕಿಂ ಸ್ತವನಂ ಕುರ್ಮಃ ಸ್ತ್ರಿಯಃ ಪ್ರಾಣೇಶ್ವರೇಶ್ವರಃ ।
ಪ್ರಸನ್ನೋ ಭವ ನೋ ದೇವ ದೀನಬನ್ಧೋ ಕೃಪಾಂ ಕುರು ॥ ೧೧ ॥
ಪ್ರಸನ್ನೋ ಭವ ನೋ ದೇವ ದೀನಬನ್ಧೋ ಕೃಪಾಂ ಕುರು ॥ ೧೧ ॥
॥ ಇತಿ ವಿಪ್ರಪತ್ನ್ಯಃ ॥
ಇತಿ ಪೇತುಶ್ಚ ತಾ ವಿಪ್ರಪತ್ನ್ಯಸ್ತಚ್ಚರಣಾಮ್ಬುಜೇ ।
ಅಭಯಂ ಪ್ರದದೌ ತಾಭ್ಯಃ ಪ್ರಸನ್ನವದನೇಕ್ಷಣಃ ॥ ೧೨ ॥
ಅಭಯಂ ಪ್ರದದೌ ತಾಭ್ಯಃ ಪ್ರಸನ್ನವದನೇಕ್ಷಣಃ ॥ ೧೨ ॥
॥ ಫಲಶ್ರುತಿ ॥
ವಿಪ್ರಪತ್ನೀಕೃತಂ ಸ್ತೋತ್ರಂ ಪೂಜಾಕಾಲೇ ಚ ಯಃ ಪಠೇತ್ ।
ಸ ಗತಿಂ ವಿಪ್ರಪತ್ನೀನಾಂ ಲಭತೇ ನಾಽತ್ರ ಸಂಶಯಃ ॥ ೧೩ ॥
ಸ ಗತಿಂ ವಿಪ್ರಪತ್ನೀನಾಂ ಲಭತೇ ನಾಽತ್ರ ಸಂಶಯಃ ॥ ೧೩ ॥
॥ ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಣ್ಡೇ ವಿಪ್ರಪತ್ನೀಕೃತಂ ಶ್ರೀಕೃಷ್ಣಸ್ತೋತ್ರಂ ಸಮ್ಪೂರ್ಣಮ್ ॥