অগস্ত্য উৱাচ।
অশ্ৱানন মহাবুদ্ধে সৰ্ৱশাস্ত্ৰৱিশাৰদ ।
কথিতং ললিতাদেৱ্যাশ্চৰিতং পৰমাদ্ভুতম্ ॥ ১ ॥
অশ্ৱানন মহাবুদ্ধে সৰ্ৱশাস্ত্ৰৱিশাৰদ ।
কথিতং ললিতাদেৱ্যাশ্চৰিতং পৰমাদ্ভুতম্ ॥ ১ ॥
পূৰ্ৱং প্ৰাদুৰ্ভৱো মাতুস্ততঃ পট্টাভিষেচনম্ ।
ভণ্ডাসুৰৱধশ্চৈৱ ৱিস্তৰেণ ত্ৱযোদিতঃ ॥ ২ ॥
ভণ্ডাসুৰৱধশ্চৈৱ ৱিস্তৰেণ ত্ৱযোদিতঃ ॥ ২ ॥
ৱৰ্ণিতং শ্ৰীপুৰং চাপি মহাৱিভৱৱিস্তৰম্ ।
শ্ৰীমত্পঞ্চদশাক্ষৰ্যাঃ মহিমা ৱৰ্ণিতস্তথা ॥ ৩ ॥
শ্ৰীমত্পঞ্চদশাক্ষৰ্যাঃ মহিমা ৱৰ্ণিতস্তথা ॥ ৩ ॥
ষোঢান্যাসাদযো ন্যাসাঃ ন্যাসখণ্ডে সমীৰিতাঃ ।
অন্তৰ্যাগক্ৰমশ্চৈৱ বহিৰ্যাগক্ৰমস্তথা ॥ ৪ ॥
অন্তৰ্যাগক্ৰমশ্চৈৱ বহিৰ্যাগক্ৰমস্তথা ॥ ৪ ॥
মহাযাগক্ৰমশ্চৈৱ পূজাখণ্ডে প্ৰকীৰ্তিতাঃ । [সমীৰিতঃ]
পুৰশ্চৰণখণ্ডে তু জপলক্ষণমীৰিতম্ ॥ ৫ ॥
পুৰশ্চৰণখণ্ডে তু জপলক্ষণমীৰিতম্ ॥ ৫ ॥
হোমখণ্ডে ত্ৱযা প্ৰোক্তো হোমদ্ৰৱ্যৱিধিক্ৰমঃ ।
চক্ৰৰাজস্য ৱিদ্যাযাঃ শ্ৰীদেৱ্যা দেশিকাত্মনোঃ ॥ ৬ ॥
চক্ৰৰাজস্য ৱিদ্যাযাঃ শ্ৰীদেৱ্যা দেশিকাত্মনোঃ ॥ ৬ ॥
ৰহস্যখণ্ডে তাদাত্ম্যং পৰস্পৰমুদীৰিতম্ ।
স্তোত্ৰখণ্ডে বহুৱিধাঃ স্তুতযঃ পৰিকীৰ্তিতাঃ ॥ ৭ ॥
স্তোত্ৰখণ্ডে বহুৱিধাঃ স্তুতযঃ পৰিকীৰ্তিতাঃ ॥ ৭ ॥
মন্ত্ৰিণীদণ্ডিনীদেৱ্যোঃ প্ৰোক্তে নামসহস্ৰকে ।
ন তু শ্ৰীললিতাদেৱ্যাঃ প্ৰোক্তং নামসহস্ৰকম্ ॥ ৮ ॥
ন তু শ্ৰীললিতাদেৱ্যাঃ প্ৰোক্তং নামসহস্ৰকম্ ॥ ৮ ॥
তত্ৰ মে সংশযো জাতো হযগ্ৰীৱ দযানিধে ।
কিং ৱা ত্ৱযা ৱিস্মৃতং তজ্জ্ঞাত্ৱা ৱা সমুপেক্ষিতম্ ॥ ৯ ॥
কিং ৱা ত্ৱযা ৱিস্মৃতং তজ্জ্ঞাত্ৱা ৱা সমুপেক্ষিতম্ ॥ ৯ ॥
মম ৱা যোগ্যতা নাস্তি শ্ৰোতুং নামসহস্ৰকম্ ।
কিমৰ্থং ভৱতা নোক্তং তত্ৰ মে কাৰণং ৱদ ॥ ১০ ॥
কিমৰ্থং ভৱতা নোক্তং তত্ৰ মে কাৰণং ৱদ ॥ ১০ ॥
সূত উৱাচ।
ইতি পৃষ্টো হযগ্ৰীৱো মুনিনা কুম্ভজন্মনা ।
প্ৰহৃষ্টো ৱচনং প্ৰাহ তাপসং কুম্ভসম্ভৱম্ ॥ ১১ ॥
ইতি পৃষ্টো হযগ্ৰীৱো মুনিনা কুম্ভজন্মনা ।
প্ৰহৃষ্টো ৱচনং প্ৰাহ তাপসং কুম্ভসম্ভৱম্ ॥ ১১ ॥
শ্ৰীহযগ্ৰীৱ উৱাচ।
লোপামুদ্ৰাপতেঽগস্ত্য সাৱধানমনাঃ শৃণু ।
নাম্নাং সহস্ৰং যন্নোক্তং কাৰণং তদ্ৱদামি তে ॥ ১২ ॥
লোপামুদ্ৰাপতেঽগস্ত্য সাৱধানমনাঃ শৃণু ।
নাম্নাং সহস্ৰং যন্নোক্তং কাৰণং তদ্ৱদামি তে ॥ ১২ ॥
ৰহস্যমিতি মত্ৱাহং নোক্তৱাংস্তে ন চান্যথা ।
পুনশ্চ পৃচ্ছতে ভক্ত্যা তস্মাত্তত্তে ৱদাম্যহম্ ॥ ১৩ ॥
পুনশ্চ পৃচ্ছতে ভক্ত্যা তস্মাত্তত্তে ৱদাম্যহম্ ॥ ১৩ ॥
ব্ৰূযাচ্ছিষ্যায ভক্তায ৰহস্যমপি দেশিকঃ ।
ভৱতা ন প্ৰদেযং স্যাদভক্তায কদাচন ॥ ১৪ ॥
ভৱতা ন প্ৰদেযং স্যাদভক্তায কদাচন ॥ ১৪ ॥
ন শঠায ন দুষ্টায নাৱিশ্ৱাসায কৰ্হিচিত্ ।
শ্ৰীমাতৃভক্তিযুক্তায শ্ৰীৱিদ্যাৰাজৱেদিনে ॥ ১৫ ॥
শ্ৰীমাতৃভক্তিযুক্তায শ্ৰীৱিদ্যাৰাজৱেদিনে ॥ ১৫ ॥
উপাসকায শুদ্ধায দেযং নামসহস্ৰকম্ ।
যানি নামসহস্ৰাণি সদ্যঃ সিদ্ধিপ্ৰদানি ৱৈ ॥ ১৬ ॥
যানি নামসহস্ৰাণি সদ্যঃ সিদ্ধিপ্ৰদানি ৱৈ ॥ ১৬ ॥
তন্ত্ৰেষু ললিতাদেৱ্যাস্তেষু মুখ্যমিদং মুনে ।
শ্ৰীৱিদ্যৈৱ তু মন্ত্ৰাণাং তত্ৰ কাদিৰ্যথা পৰা ॥ ১৭ ॥
শ্ৰীৱিদ্যৈৱ তু মন্ত্ৰাণাং তত্ৰ কাদিৰ্যথা পৰা ॥ ১৭ ॥
পুৰাণাং শ্ৰীপুৰমিৱ শক্তীনাং ললিতা তথা ।
শ্ৰীৱিদ্যোপাসকানাং চ যথা দেৱো পৰঃ শিৱঃ ॥ ১৮ ॥
শ্ৰীৱিদ্যোপাসকানাং চ যথা দেৱো পৰঃ শিৱঃ ॥ ১৮ ॥
তথা নামসহস্ৰেষু পৰমেতত্প্ৰকীৰ্তিতম্ ।
যথাস্য পঠনাদ্দেৱী প্ৰীযতে ললিতাম্বিকা ॥ ১৯ ॥
যথাস্য পঠনাদ্দেৱী প্ৰীযতে ললিতাম্বিকা ॥ ১৯ ॥
অন্যনামসহস্ৰস্য পাঠান্ন প্ৰীযতে তথা ।
শ্ৰীমাতুঃ প্ৰীতযে তস্মাদনিশং কীৰ্তযেদিদম্ ॥ ২০ ॥
শ্ৰীমাতুঃ প্ৰীতযে তস্মাদনিশং কীৰ্তযেদিদম্ ॥ ২০ ॥
বিল্ৱপত্ৰৈশ্চক্ৰৰাজে যোঽৰ্চযেল্ললিতাম্বিকাম্ ।
পদ্মৈৰ্ৱা তুলসীপুষ্পৈৰেভিৰ্নামসহস্ৰকৈঃ ॥ ২১ ॥ [পত্ৰৈঃ]
পদ্মৈৰ্ৱা তুলসীপুষ্পৈৰেভিৰ্নামসহস্ৰকৈঃ ॥ ২১ ॥ [পত্ৰৈঃ]
সদ্যঃ প্ৰসাদং কুৰুতে তস্য সিংহাসনেশ্ৱৰী ।
চক্ৰাধিৰাজমভ্যৰ্চ্য জপ্ত্ৱা পঞ্চদশাক্ষৰীম্ ॥ ২২ ॥
চক্ৰাধিৰাজমভ্যৰ্চ্য জপ্ত্ৱা পঞ্চদশাক্ষৰীম্ ॥ ২২ ॥
জপান্তে কীৰ্তযেন্নিত্যমিদং নামসহস্ৰকম্ ।
জপপূজাদ্যশক্তশ্চেত্পঠেন্নামসহস্ৰকম্ ॥ ২৩ ॥
জপপূজাদ্যশক্তশ্চেত্পঠেন্নামসহস্ৰকম্ ॥ ২৩ ॥
সাঙ্গাৰ্চনে সাঙ্গজপে যত্ফলং তদৱাপ্নুযাত্ ।
উপাসনে স্তুতীৰন্যাঃ পঠেদভ্যুদযো হি সঃ ॥ ২৪ ॥
উপাসনে স্তুতীৰন্যাঃ পঠেদভ্যুদযো হি সঃ ॥ ২৪ ॥
ইদং নামসহস্ৰং তু কীৰ্তযেন্নিত্যকৰ্মৱত্ ।
চক্ৰৰাজাৰ্চনং দেৱ্যা জপো নাম্নাং চ কীৰ্তনম্ ॥ ২৫ ॥
চক্ৰৰাজাৰ্চনং দেৱ্যা জপো নাম্নাং চ কীৰ্তনম্ ॥ ২৫ ॥
ভক্তস্য কৃত্যমেতাৱদন্যদভ্যুদযং ৱিদুঃ ।
ভক্তস্যাৱশ্যকমিদং নামসাহস্ৰকীৰ্তনম্ ॥ ২৬ ॥
ভক্তস্যাৱশ্যকমিদং নামসাহস্ৰকীৰ্তনম্ ॥ ২৬ ॥
তত্ৰ হেতুং প্ৰৱক্ষ্যামি শৃণু ত্ৱং কুম্ভসম্ভৱ ।
পুৰা শ্ৰীললিতাদেৱী ভক্তানাং হিতকাম্যযা ॥ ২৭ ॥
পুৰা শ্ৰীললিতাদেৱী ভক্তানাং হিতকাম্যযা ॥ ২৭ ॥
ৱাগ্দেৱীৰ্ৱশিনীমুখ্যাঃ সমাহূযেদমব্ৰৱীত্ ।
ৱাগ্দেৱতা ৱশিন্যাদ্যাঃ শৃণুধ্ৱং ৱচনং মম ॥ ২৮ ॥
ৱাগ্দেৱতা ৱশিন্যাদ্যাঃ শৃণুধ্ৱং ৱচনং মম ॥ ২৮ ॥
ভৱত্যো মত্প্ৰসাদেন প্ৰোল্লসদ্ৱাগ্ৱিভূতযঃ ।
মদ্ভক্তানাং ৱাগ্ৱিভূতিপ্ৰদানে ৱিনিযোজিতাঃ ॥ ২৯ ॥
মদ্ভক্তানাং ৱাগ্ৱিভূতিপ্ৰদানে ৱিনিযোজিতাঃ ॥ ২৯ ॥
মচ্চক্ৰস্য ৰহস্যজ্ঞা মম নামপৰাযণাঃ ।
মম স্তোত্ৰৱিধানায তস্মাদাজ্ঞাপযামি ৱঃ ॥ ৩০ ॥
মম স্তোত্ৰৱিধানায তস্মাদাজ্ঞাপযামি ৱঃ ॥ ৩০ ॥
কুৰুধ্ৱমঙ্কিতং স্তোত্ৰং মম নামসহস্ৰকৈঃ ।
যেন ভক্তৈঃ স্তুতাযা মে সদ্যঃ প্ৰীতিঃ পৰা ভৱেত্ ॥ ৩১ ॥
যেন ভক্তৈঃ স্তুতাযা মে সদ্যঃ প্ৰীতিঃ পৰা ভৱেত্ ॥ ৩১ ॥
ইত্যাজ্ঞপ্তাস্ততো দেৱ্যঃ শ্ৰীদেৱ্যা ললিতাম্বযা ।
ৰহস্যৈৰ্নামভিৰ্দিৱ্যৈশ্চক্ৰুঃ স্তোত্ৰমনুত্তমম্ ॥ ৩২ ॥
ৰহস্যৈৰ্নামভিৰ্দিৱ্যৈশ্চক্ৰুঃ স্তোত্ৰমনুত্তমম্ ॥ ৩২ ॥
ৰহস্যনামসাহস্ৰমিতি তদ্ৱিশ্ৰুতং পৰম্ ।
ততঃ কদাচিত্সদসি স্থিত্ৱা সিংহাসনেঽম্বিকা ॥ ৩৩ ॥
ততঃ কদাচিত্সদসি স্থিত্ৱা সিংহাসনেঽম্বিকা ॥ ৩৩ ॥
স্ৱসেৱাৱসৰং প্ৰাদাত্সৰ্ৱেষাং কুম্ভসম্ভৱ ।
সেৱাৰ্থমাগতাস্তত্ৰ ব্ৰহ্মাণীব্ৰহ্মকোটযঃ ॥ ৩৪ ॥
সেৱাৰ্থমাগতাস্তত্ৰ ব্ৰহ্মাণীব্ৰহ্মকোটযঃ ॥ ৩৪ ॥
লক্ষ্মীনাৰাযণানাং চ কোটযঃ সমুপাগতাঃ ।
গৌৰীকোটিসমেতানাং ৰুদ্ৰাণামপি কোটযঃ ॥ ৩৫ ॥
গৌৰীকোটিসমেতানাং ৰুদ্ৰাণামপি কোটযঃ ॥ ৩৫ ॥
মন্ত্ৰিণীদণ্ডিনীমুখ্যাঃ সেৱাৰ্থং যঃ সমাগতাঃ ।
শক্তযো ৱিৱিধাকাৰাস্তাসাং সঙ্খ্যা ন ৱিদ্যতে ॥ ৩৬ ॥
শক্তযো ৱিৱিধাকাৰাস্তাসাং সঙ্খ্যা ন ৱিদ্যতে ॥ ৩৬ ॥
দিৱ্যৌঘা মানৱৌঘাশ্চ সিদ্ধৌঘাশ্চ সমাগতাঃ ।
তত্ৰ শ্ৰীললিতাদেৱী সৰ্ৱেষাং দৰ্শনং দদৌ ॥ ৩৭ ॥
তত্ৰ শ্ৰীললিতাদেৱী সৰ্ৱেষাং দৰ্শনং দদৌ ॥ ৩৭ ॥
তেষু দৃষ্ট্ৱোপৱিষ্টেষু স্ৱে স্ৱে স্থানে যথাক্ৰমম্ ।
তত্ৰ শ্ৰীললিতাদেৱীকটাক্ষাক্ষেপচোদিতাঃ ॥ ৩৮ ॥
তত্ৰ শ্ৰীললিতাদেৱীকটাক্ষাক্ষেপচোদিতাঃ ॥ ৩৮ ॥
উত্থায ৱশিনীমুখ্যা বদ্ধাঞ্জলিপুটাস্তদা ।
অস্তুৱন্নামসাহস্ৰৈঃ স্ৱকৃতৈৰ্ললিতাম্বিকাম্ ॥ ৩৯ ॥
অস্তুৱন্নামসাহস্ৰৈঃ স্ৱকৃতৈৰ্ললিতাম্বিকাম্ ॥ ৩৯ ॥
শ্ৰুত্ৱা স্তৱং প্ৰসন্নাভূল্ললিতা পৰমেশ্ৱৰী ।
তে সৰ্ৱে ৱিস্মযং জগ্মুৰ্যে তত্ৰ সদসি স্থিতাঃ ॥ ৪০ ॥
তে সৰ্ৱে ৱিস্মযং জগ্মুৰ্যে তত্ৰ সদসি স্থিতাঃ ॥ ৪০ ॥
ততঃ প্ৰোৱাচ ললিতা সদস্যান্ দেৱতাগণান্ ।
দেৱ্যুৱাচ।
মমাজ্ঞযৈৱ ৱাগ্দেৱ্যশ্চক্ৰুঃ স্তোত্ৰমনুত্তমম্ ॥ ৪১ ॥
দেৱ্যুৱাচ।
মমাজ্ঞযৈৱ ৱাগ্দেৱ্যশ্চক্ৰুঃ স্তোত্ৰমনুত্তমম্ ॥ ৪১ ॥
অঙ্কিতং নামভিৰ্দিৱ্যৈৰ্মম প্ৰীতিৱিধাযকৈঃ ।
তত্পঠধ্ৱং সদা যূযং স্তোত্ৰং মত্প্ৰীতিৱৃদ্ধযে ॥ ৪২ ॥
তত্পঠধ্ৱং সদা যূযং স্তোত্ৰং মত্প্ৰীতিৱৃদ্ধযে ॥ ৪২ ॥
প্ৰৱৰ্তযধ্ৱং ভক্তেষু মম নামসাহস্ৰকম্ ।
ইদং নামসহস্ৰং মে যো ভক্তঃ পঠতে সকৃত্ ॥ ৪৩ ॥
ইদং নামসহস্ৰং মে যো ভক্তঃ পঠতে সকৃত্ ॥ ৪৩ ॥
স মে প্ৰিযতমো জ্ঞেযস্তস্মৈ কামান্ দদাম্যহম্ ।
শ্ৰীচক্ৰে মাং সমভ্যৰ্চ্য জপ্ত্ৱা পঞ্চদশাক্ষৰীম্ ॥ ৪৪ ॥
শ্ৰীচক্ৰে মাং সমভ্যৰ্চ্য জপ্ত্ৱা পঞ্চদশাক্ষৰীম্ ॥ ৪৪ ॥
পশ্চান্নামসহস্ৰং মে কীৰ্তযেন্মম তুষ্টযে ।
মামৰ্চযতু ৱা মা ৱা ৱিদ্যাং জপতু ৱা ন ৱা ॥ ৪৫ ॥
মামৰ্চযতু ৱা মা ৱা ৱিদ্যাং জপতু ৱা ন ৱা ॥ ৪৫ ॥
কীৰ্তযেন্নামসাহস্ৰমিদং মত্প্ৰীতযে সদা ।
মত্প্ৰীত্যা সকলান্কামাংল্লভতে নাত্ৰ সংশযঃ ॥ ৪৬ ॥
মত্প্ৰীত্যা সকলান্কামাংল্লভতে নাত্ৰ সংশযঃ ॥ ৪৬ ॥
তস্মান্নামসহস্ৰং মে কীৰ্তযধ্ৱং সদাদৰাত্ ।
শ্ৰীহযগ্ৰীৱ উৱাচ।
ইতি শ্ৰীললিতেশানী শাস্তি দেৱান্ সহানুগান্ ॥ ৪৭ ॥
শ্ৰীহযগ্ৰীৱ উৱাচ।
ইতি শ্ৰীললিতেশানী শাস্তি দেৱান্ সহানুগান্ ॥ ৪৭ ॥
তদাজ্ঞযা তদাৰভ্য ব্ৰহ্মৱিষ্ণুমহেশ্ৱৰাঃ ।
শক্তযো মন্ত্ৰিণীমুখ্যা ইদং নামসহস্ৰকম্ ॥ ৪৮ ॥
শক্তযো মন্ত্ৰিণীমুখ্যা ইদং নামসহস্ৰকম্ ॥ ৪৮ ॥
পঠন্তি ভক্ত্যা সততং ললিতাপৰিতুষ্টযে ।
তস্মাদৱশ্যং ভক্তেন কীৰ্তনীযমিদং মুনে ॥ ৪৯ ॥
তস্মাদৱশ্যং ভক্তেন কীৰ্তনীযমিদং মুনে ॥ ৪৯ ॥
আৱশ্যকত্ৱে হেতুস্তে মযা প্ৰোক্তো মুনীশ্ৱৰ ।
ইদানীং নামসাহস্ৰং ৱক্ষ্যামি শ্ৰদ্ধযা শৃণু ॥ ৫০ ॥
ইদানীং নামসাহস্ৰং ৱক্ষ্যামি শ্ৰদ্ধযা শৃণু ॥ ৫০ ॥
ইতি শ্ৰীব্ৰহ্মাণ্ডপুৰাণে হযগ্ৰীৱাগস্ত্যসংৱাদে ললিতাসহস্ৰনামপূৰ্ৱভাগো নাম প্ৰথমোঽধ্যাযঃ ॥