অথ তৃতীযস্তোত্রম্
কুরু ভুঙ্ক্ষ্ব চ কর্ম নিজং নিযতং হরিপাদবিনম্রধিযা সততম্ ।
হরিরেব পরো হরিরেব গুরুঃ হরিরেব জগত্পিতৃমাতৃগতিঃ ॥ 1॥
কুরু ভুঙ্ক্ষ্ব চ কর্ম নিজং নিযতং হরিপাদবিনম্রধিযা সততম্ ।
হরিরেব পরো হরিরেব গুরুঃ হরিরেব জগত্পিতৃমাতৃগতিঃ ॥ 1॥
ন ততোঽস্ত্যপরং জগদীড্যতমং (জগতীড্যতমং) পরমাত্পরতঃ পুরুষোত্তমতঃ ।
তদলং বহুলোকবিচিন্তনযা প্রবণং কুরু মানসমীশপদে ॥ 2॥
তদলং বহুলোকবিচিন্তনযা প্রবণং কুরু মানসমীশপদে ॥ 2॥
যততোঽপি হরেঃ পদসংস্মরণে সকলং হ্যঘমাশু লযং ব্রজতি ।
স্মরতস্তু বিমুক্তিপদং পরমং স্ফুটমেষ্যতি তত্কিমপাক্রিযতে ॥ 3॥
স্মরতস্তু বিমুক্তিপদং পরমং স্ফুটমেষ্যতি তত্কিমপাক্রিযতে ॥ 3॥
শঋণুতামলসত্যবচঃ পরমং শপথেরিতং উচ্ছ্রিতবাহুযুগম্ ।
ন হরেঃ পরমো ন হরেঃ সদৃশঃ পরমঃ স তু সর্ব চিদাত্মগণাত্ ॥ 4॥
ন হরেঃ পরমো ন হরেঃ সদৃশঃ পরমঃ স তু সর্ব চিদাত্মগণাত্ ॥ 4॥
যদি নাম পরো ন ভবেত (ভবেত্স) হরিঃ কথমস্য বশে জগদেতদভূত্ ।
যদি নাম ন তস্য বশে সকলং কথমেব তু নিত্যসুখং ন ভবেত্ ॥ 5॥
যদি নাম ন তস্য বশে সকলং কথমেব তু নিত্যসুখং ন ভবেত্ ॥ 5॥
ন চ কর্মবিমামল কালগুণপ্রভৃতীশমচিত্তনু তদ্ধি যতঃ ।
চিদচিত্তনু সর্বমসৌ তু হরির্যমযেদিতি বৈদিকমস্তি বচঃ ॥ 6॥
চিদচিত্তনু সর্বমসৌ তু হরির্যমযেদিতি বৈদিকমস্তি বচঃ ॥ 6॥
ব্যবহারভিদাঽপি গুরোর্জগতাং ন তু চিত্তগতা স হি চোদ্যপরম্ ।
বহবঃ পুরুষাঃ পুরুষপ্রবরো হরিরিত্যবদত্স্বযমেব হরিঃ ॥ 7॥
বহবঃ পুরুষাঃ পুরুষপ্রবরো হরিরিত্যবদত্স্বযমেব হরিঃ ॥ 7॥
চতুরানন পূর্ববিমুক্তগণা হরিমেত্য তু পূর্ববদেব সদা ।
নিযতোচ্চবিনীচতযৈব নিজাং স্থিতিমাপুরিতি স্ম পরং বচনম্ ॥ 8॥
নিযতোচ্চবিনীচতযৈব নিজাং স্থিতিমাপুরিতি স্ম পরং বচনম্ ॥ 8॥
আনন্দতীর্থসন্নাম্না পূর্ণপ্রজ্ঞাভিধাযুজা ।
কৃতং হর্যষ্টকং ভক্ত্যা পঠতঃ প্রীযতে হরিঃ ॥ 9॥
কৃতং হর্যষ্টকং ভক্ত্যা পঠতঃ প্রীযতে হরিঃ ॥ 9॥
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু তৃতীযস্তোত্রং সম্পূর্ণম্