॥ श्री महाविष्णु स्तुतिः ॥
(सूतसंहितायाम्)
ब्रह्मर्षय ऊचुः ।
नमस्ते देवदेवानामादिभूत सनातन ।
पुरुषाय पुराणाय नमस्ते परमात्मने ॥ १ ॥
पुरुषाय पुराणाय नमस्ते परमात्मने ॥ १ ॥
जरामरणरोगादिविहीनायामलात्मने ।
ब्रह्मणां पतये तुभ्यं जगतां पतये नमः ॥ २ ॥
ब्रह्मणां पतये तुभ्यं जगतां पतये नमः ॥ २ ॥
लोकालोकस्वरूपाय लोकानां पतये नमः ।
शङ्खचक्रगदापद्मपाणये विष्णवे नमः ॥ ३ ॥
नमो हिरण्यगर्भाय श्रीपते भूपते नमः ।
नमः स्वयम्भुवे तुभ्यं सूत्रात्मादिस्वरूपिणे ॥ ४ ॥
नमः स्वयम्भुवे तुभ्यं सूत्रात्मादिस्वरूपिणे ॥ ४ ॥
विराट् प्रजापतेः साक्षाज्जनकाय नमो नमः ।
विश्वतैजसरूपाय प्राज्ञरूपाय ते नमः ॥ ५ ॥
जाग्रत्स्वप्नस्वरूपाय नमः सुप्त्यात्मने नमः ।
अवस्थासाक्षिणे तुभ्यमवस्थावर्जिताच्युत ॥ ६ ॥
अवस्थासाक्षिणे तुभ्यमवस्थावर्जिताच्युत ॥ ६ ॥
तुरीयाय विशुद्धाय तुर्यातीताय ते नमः ।
प्रथमाय समस्तस्य जगतः परमात्मने ॥ ७ ॥
प्रथमाय समस्तस्य जगतः परमात्मने ॥ ७ ॥
ओङ्कारैकस्वरूपाय शिवाय शिवद प्रभो ।
सर्वविज्ञानसम्पन्न नमो विज्ञानदायिने ॥ ८ ॥
सर्वविज्ञानसम्पन्न नमो विज्ञानदायिने ॥ ८ ॥
जगतां योनये तुभ्यं वेधसे विश्वरूपिणे ।
नित्यशुद्धाय बुद्धाय मुक्ताय सुखरूपिणे ॥ ९ ॥
नित्यशुद्धाय बुद्धाय मुक्ताय सुखरूपिणे ॥ ९ ॥
नमो वाचामतीताय मनोऽगम्याय ते नमः ।
अप्रमेयाय शान्ताय स्वयम्भानाय साक्षिणे ॥ १० ॥
अप्रमेयाय शान्ताय स्वयम्भानाय साक्षिणे ॥ १० ॥
नमः पुंसे पुराणाय श्रेयःप्राप्त्येकहेतवे ।
आकाशादिप्रपञ्चाय नमस्तद्रूप शङ्कर ॥ ११ ॥
आकाशादिप्रपञ्चाय नमस्तद्रूप शङ्कर ॥ ११ ॥
मायारूपाय मायायाः सत्ताहेतो जनार्दन ।
नमः प्रद्युम्नरूपाय नमः सङ्कर्षणात्मने ॥ १२ ॥
नमः प्रद्युम्नरूपाय नमः सङ्कर्षणात्मने ॥ १२ ॥
नमोऽनिरुद्धरूपाय वासुदेवाय ते नमः ।
योगाय योगगम्याय योगिनामिष्टसिद्धिद ॥ १३ ॥
योगाय योगगम्याय योगिनामिष्टसिद्धिद ॥ १३ ॥
नमस्ते मत्स्यरूपाय नमस्ते कूर्मरूपिणे ।
नमस्तुभ्यं वराहाय नारसिंहाय ते नमः ॥ १४ ॥
नमस्तुभ्यं वराहाय नारसिंहाय ते नमः ॥ १४ ॥
नमो वामनरूपाय नमो रामत्रयात्मने ।
नमः कृष्णाय सर्वज्ञ नमस्ते कल्किरूपिणे ॥ १५ ॥
नमः कृष्णाय सर्वज्ञ नमस्ते कल्किरूपिणे ॥ १५ ॥
कर्मिणां फलरूपाय कर्मरूपाय ते नमः ।
कर्मकर्त्रे नमस्तुभ्यं नमस्ते कर्मसाक्षिणे ॥ १६ ॥
कर्मकर्त्रे नमस्तुभ्यं नमस्ते कर्मसाक्षिणे ॥ १६ ॥
नमो विज्ञप्तिरूपाय नमो वेदान्तरूपिणे ।
गुणत्रयात्मने तुभ्यं नमो निर्गुणरूपिणे ॥ १७ ॥
गुणत्रयात्मने तुभ्यं नमो निर्गुणरूपिणे ॥ १७ ॥
अद्भुतायामरेशाय शिवप्राप्त्येकहेतवे ।
नमो नक्षत्ररूपाय नमस्ते सोमरूपिणे ॥ १८ ॥
नमो नक्षत्ररूपाय नमस्ते सोमरूपिणे ॥ १८ ॥
नमः सूर्यात्मने तुभ्यं नमो वज्रधराय ते ।
नमस्ते पद्मनाभाय नमस्ते शार्ङ्गपाणये ॥ १९ ॥
नमस्ते पद्मनाभाय नमस्ते शार्ङ्गपाणये ॥ १९ ॥
नमस्तुभ्यं विशालाक्ष नमः श्रीधर नायक ।
नमः संसारतप्तानां तापनाशैकहेतवे ॥ २० ॥
नमः संसारतप्तानां तापनाशैकहेतवे ॥ २० ॥
श्रौतस्मार्तैकनिष्ठानामचिरादेव मुक्तिद ।
अन्येषामपि सर्वेषां संसारैकप्रदाव्यय ॥ २१ ॥
अन्येषामपि सर्वेषां संसारैकप्रदाव्यय ॥ २१ ॥
नमोऽसुरविमर्दाय नमो विद्याधरार्चित ।
क्षीरोदशायिने तुभ्यं नमो वैकुण्ठवासिने ।
नमो रागाभिभूतानां वैराग्यप्लवदायिने ॥ २२ ॥
क्षीरोदशायिने तुभ्यं नमो वैकुण्ठवासिने ।
नमो रागाभिभूतानां वैराग्यप्लवदायिने ॥ २२ ॥
॥ इति सूतसंहितायां श्री महाविष्णु स्तुतिः सम्पूर्णम् ॥