॥ ಶ್ರೀ ಮಹಾಲಕ್ಷ್ಮೀ ಸ್ತವಃ ॥
॥ ಶ್ರೀಬ್ರಹ್ಮವೈವರ್ತಮಹಾಪುರಾಣೇ ಗಣಪತಿಖಣ್ಡೇ ದ್ವಾವಿಂಶೋಽಧ್ಯಾಯೇ ॥
ನಾರಾಯಣ ಉವಾಚ।
ದೇವಿ ತ್ವಾಂ ಸ್ತೋತುಮಿಚ್ಛಾಮಿ ನ ಕ್ಷಮಾಃ ಸ್ತೋತುಮೀಶ್ವರಾಃ ।
ಬುದ್ಧೇರಗೋಚರಾಂ ಸೂಕ್ಷ್ಮಾಂ ತೇಜೋರೂಪಾಂ ಸನಾತನೀಮ್ ।
ಅತ್ಯನಿರ್ವಚನೀಯಾಂ ಚ ಕೋ ವಾ ನಿರ್ವಕ್ತುಮೀಶ್ವರಃ ॥ ೧ ॥
ಬುದ್ಧೇರಗೋಚರಾಂ ಸೂಕ್ಷ್ಮಾಂ ತೇಜೋರೂಪಾಂ ಸನಾತನೀಮ್ ।
ಅತ್ಯನಿರ್ವಚನೀಯಾಂ ಚ ಕೋ ವಾ ನಿರ್ವಕ್ತುಮೀಶ್ವರಃ ॥ ೧ ॥
ಸ್ವೇಚ್ಛಾಮಯೀಂ ನಿರಾಕಾರಾಂ ಭಕ್ತಾನುಗ್ರಹವಿಗ್ರಹಾಮ್ ।
ಸ್ತೌಮಿ ವಾಙ್ಮನಸೋಃ ಪಾರಾಂ ಕಿಂ ವಾಽಹಂ ಜಗದಮ್ಬಿಕೇ ॥ ೨ ॥
ಸ್ತೌಮಿ ವಾಙ್ಮನಸೋಃ ಪಾರಾಂ ಕಿಂ ವಾಽಹಂ ಜಗದಮ್ಬಿಕೇ ॥ ೨ ॥
ಪರಾಂ ಚತುರ್ಣಾಂ ವೇದಾನಾಂ ಪಾರಬೀಜಂ ಭವಾರ್ಣವೇ ।
ಸರ್ವಸಸ್ಯಾಽಧಿದೇವೀಂ ಚ ಸರ್ವಾಸಾಮಪಿ ಸಮ್ಪದಾಮ್ ॥ ೩ ॥
ಸರ್ವಸಸ್ಯಾಽಧಿದೇವೀಂ ಚ ಸರ್ವಾಸಾಮಪಿ ಸಮ್ಪದಾಮ್ ॥ ೩ ॥
ಯೋಗಿನಾಂ ಚೈವ ಯೋಗಾನಾಂ ಜ್ಞಾನಾನಾಂ ಜ್ಞಾನಿನಾಂ ತಥಾ ।
ವೇದಾನಾಂ ವೈ ವೇದವಿದಾಂ ಜನನೀಂ ವರ್ಣಯಾಮಿ ಕಿಮ್ ॥ ೪ ॥
ವೇದಾನಾಂ ವೈ ವೇದವಿದಾಂ ಜನನೀಂ ವರ್ಣಯಾಮಿ ಕಿಮ್ ॥ ೪ ॥
ಯಯಾ ವಿನಾ ಜಗತ್ಸರ್ವಮಬೀಜಂ ನಿಷ್ಫಲಂ ಧ್ರುವಮ್ ।
ಯಥಾ ಸ್ತನನ್ಧಯಾನಾಂ ಚ ವಿನಾ ಮಾತ್ರಾ ಸುಖಂ ಭವೇತ್ ॥ ೫ ॥
ಯಥಾ ಸ್ತನನ್ಧಯಾನಾಂ ಚ ವಿನಾ ಮಾತ್ರಾ ಸುಖಂ ಭವೇತ್ ॥ ೫ ॥
ಪ್ರಸೀದ ಜಗತಾಂ ಮಾತಾ ರಕ್ಷಾಸ್ಮಾನತಿಕಾತರಾನ್ ।
ವಯಂ ತ್ವಚ್ಚರಣಾಮ್ಭೋಜೇ ಪ್ರಪನ್ನಾಃ ಶರಣಂ ಗತಾಃ ॥ ೬ ॥
ವಯಂ ತ್ವಚ್ಚರಣಾಮ್ಭೋಜೇ ಪ್ರಪನ್ನಾಃ ಶರಣಂ ಗತಾಃ ॥ ೬ ॥
ನಮಃ ಶಕ್ತಿಸ್ವರೂಪಾಯೈ ಜಗನ್ಮಾತ್ರೇ ನಮೋ ನಮಃ ।
ಜ್ಞಾನದಾಯೈ ಬುದ್ಧಿದಾಯೈ ಸರ್ವದಾಯೈ ನಮೋ ನಮಃ ॥ ೭ ॥
ಹರಿಭಕ್ತಿಪ್ರದಾಯಿನ್ಯೈ ಮುಕ್ತಿದಾಯೈ ನಮೋ ನಮಃ ।
ಸರ್ವಜ್ಞಾಯೈ ಸರ್ವದಾಯೈ ಮಹಾಲಕ್ಷ್ಮ್ಯೈ ನಮೋ ನಮಃ ॥ ೮ ॥
ಕುಪುತ್ರಾಃ ಕುತ್ರಚಿತ್ಸನ್ತಿ ನ ಕುತ್ರಾಽಪಿ ಕುಮಾತರಃ ।
ಕುತ್ರ ಮಾತಾ ಪುತ್ರದೋಷಂ ತಂ ವಿಹಾಯ ಚ ಗಚ್ಛತಿ ॥ ೯ ॥
ಕುತ್ರ ಮಾತಾ ಪುತ್ರದೋಷಂ ತಂ ವಿಹಾಯ ಚ ಗಚ್ಛತಿ ॥ ೯ ॥
ಸ್ತನನ್ಧಯೇಭ್ಯ ಇವ ಮೇ ಹೇ ಮಾತರ್ದೇಹಿ ದರ್ಶನಮ್ ।
ಕೃಪಾಂ ಕುರು ಕೃಪಾಸಿನ್ಧೋ ತ್ವಮಸ್ಮಾನ್ಭಕ್ತವತ್ಸಲೇ ॥ ೧೦ ॥
ಕೃಪಾಂ ಕುರು ಕೃಪಾಸಿನ್ಧೋ ತ್ವಮಸ್ಮಾನ್ಭಕ್ತವತ್ಸಲೇ ॥ ೧೦ ॥
॥ ಫಲಶ್ರುತಿ ॥
ಇತ್ಯೇವಂ ಕಥಿತಂ ವತ್ಸ ಪದ್ಮಾಯಾಶ್ಚ ಶುಭಾವಹಮ್ ।
ಸುಖದಂ ಮೋಕ್ಷದಂ ಸಾರಂ ಶುಭದಂ ಸಮ್ಪದಃ ಪ್ರದಮ್ ॥ ೧೧ ॥
ಸುಖದಂ ಮೋಕ್ಷದಂ ಸಾರಂ ಶುಭದಂ ಸಮ್ಪದಃ ಪ್ರದಮ್ ॥ ೧೧ ॥
ಇದಂ ಸ್ತೋತ್ರಂ ಮಹಾಪುಣ್ಯಂ ಪೂಜಾಕಾಲೇ ಚ ಯಃ ಪಠೇತ್ ।
ಮಹಾಲಕ್ಷ್ಮೀರ್ಗೃಹಂ ತಸ್ಯ ನ ಜಹಾತಿ ಕದಾಚನ ॥ ೧೨ ॥
ಮಹಾಲಕ್ಷ್ಮೀರ್ಗೃಹಂ ತಸ್ಯ ನ ಜಹಾತಿ ಕದಾಚನ ॥ ೧೨ ॥
॥ ಇತಿ ಶ್ರೀಬ್ರಹ್ಮವೈವರ್ತಮಹಾಪುರಾಣೇ ಗಣಪತಿಖಣ್ಡೇ ದ್ವಾವಿಂಶೋಽಧ್ಯಾಯೇ ನಾರದನಾರಾಯಣಸಂವಾದೇ ಶ್ರೀ ಲಕ್ಷ್ಮೀ ಸ್ತವಃ ॥