ଶ୍ରୀ ମାତଙ୍ଗୀ ଅଷ୍ଟୋତ୍ତର ଶତ ନାମା ସ୍ତୋତ୍ରଂ

ଭଗଵନ୍ ଶ୍ରୋତୁମିଚ୍ଛାମି ମାତଙ୍ଗ୍ଯାଃ ଶତନାମକମ୍ ।
ଯଦ୍ଗୁହ୍ଯଂ ସର୍ଵତନ୍ତ୍ରେଷୁ କେନାପି ନ ପ୍ରକାଶିତମ୍ ॥ 1 ॥

ଶୃଣୁ ଦେଵି ପ୍ରଵକ୍ଷ୍ଯାମି ରହସ୍ଯାତିରହସ୍ଯକମ୍ ।
ନାଖ୍ଯେଯଂ ଯତ୍ର କୁତ୍ରାପି ପଠନୀଯଂ ପରାତ୍ପରମ୍ ॥ 2 ॥

ଯସ୍ଯୈକଵାରପଠନାତ୍ସର୍ଵେ ଵିଘ୍ନା ଉପଦ୍ରଵାଃ ।
ନଶ୍ଯନ୍ତି ତତ୍କ୍ଷଣାଦ୍ଦେଵି ଵହ୍ନିନା ତୂଲରାଶିଵତ୍ ॥ 3 ॥

ପ୍ରସନ୍ନା ଜାଯତେ ଦେଵୀ ମାତଙ୍ଗୀ ଚାସ୍ଯ ପାଠତଃ ।
ସହସ୍ରନାମପଠନେ ଯତ୍ଫଲଂ ପରିକୀର୍ତିତମ୍ ।
ତତ୍କୋଟିଗୁଣିତଂ ଦେଵୀନାମାଷ୍ଟଶତକଂ ଶୁଭମ୍ ॥ 4 ॥
ଅସ୍ଯ ଶ୍ରୀମାତଙ୍ଗ୍ଯଷ୍ଟୋତ୍ତରଶତନାମସ୍ତୋତ୍ରସ୍ଯ ଭଗଵାନ୍ମତଙ୍ଗ ଋଷିଃ ଅନୁଷ୍ଟୁପ୍ଛନ୍ଦଃ ଶ୍ରୀମାତଙ୍ଗୀ ଦେଵତା ଶ୍ରୀମାତଙ୍ଗୀ ପ୍ରୀତଯେ ଜପେ ଵିନିଯୋଗଃ ।
ମହାମତ୍ତମାତଙ୍ଗିନୀ ସିଦ୍ଧିରୂପା
ତଥା ଯୋଗିନୀ ଭଦ୍ରକାଲୀ ରମା ଚ ।
ଭଵାନୀ ଭଵପ୍ରୀତିଦା ଭୂତିଯୁକ୍ତା
ଭଵାରାଧିତା ଭୂତିସମ୍ପତ୍କରୀ ଚ ॥ 1 ॥
ଧନାଧୀଶମାତା ଧନାଗାରଦୃଷ୍ଟି-
-ର୍ଧନେଶାର୍ଚିତା ଧୀରଵାପୀ ଵରାଙ୍ଗୀ ।
ପ୍ରକୃଷ୍ଟା ପ୍ରଭାରୂପିଣୀ କାମରୂପା
ପ୍ରହୃଷ୍ଟା ମହାକୀର୍ତିଦା କର୍ଣନାଲୀ ॥ 2 ॥
କରାଲୀ ଭଗା ଘୋରରୂପା ଭଗାଙ୍ଗୀ
ଭଗାହ୍ଵା ଭଗପ୍ରୀତିଦା ଭୀମରୂପା ।
ଭଵାନୀ ମହାକୌଶିକୀ କୋଶପୂର୍ଣା
କିଶୋରୀ କିଶୋରପ୍ରିଯା ନନ୍ଦୀହା ॥ 3 ॥
ମହାକାରଣାଽକାରଣା କର୍ମଶୀଲା
କପାଲୀ ପ୍ରସିଦ୍ଧା ମହାସିଦ୍ଧଖଣ୍ଡା ।
ମକାରପ୍ରିଯା ମାନରୂପା ମହେଶୀ
ମଲୋଲ୍ଲାସିନୀ ଲାସ୍ଯଲୀଲାଲଯାଙ୍ଗୀ ॥ 4 ॥
କ୍ଷମା କ୍ଷେମଶୀଲା କ୍ଷପାକାରିଣୀ ଚା-
-ଽକ୍ଷଯପ୍ରୀତିଦା ଭୂତିଯୁକ୍ତା ଭଵାନୀ ।
ଭଵାରାଧିତା ଭୂତିସତ୍ଯାତ୍ମିକା ଚ
ପ୍ରଭୋଦ୍ଭାସିତା ଭାନୁଭାସ୍ଵତ୍କରା ଚ ॥ 5 ॥
ଧରାଧୀଶମାତା ଧରାଗାରଦୃଷ୍ଟି-
-ର୍ଧରେଶାର୍ଚିତା ଧୀଵରା ଧୀଵରାଙ୍ଗୀ ।
ପ୍ରକୃଷ୍ଟା ପ୍ରଭାରୂପିଣୀ ପ୍ରାଣରୂପା
ପ୍ରକୃଷ୍ଟସ୍ଵରୂପା ସ୍ଵରୂପପ୍ରିଯା ଚ ॥ 6 ॥
ଚଲତ୍କୁଣ୍ଡଲା କାମିନୀ କାନ୍ତଯୁକ୍ତା
କପାଲାଽଚଲା କାଲକୋଦ୍ଧାରିଣୀ ଚ ।
କଦମ୍ବପ୍ରିଯା କୋଟରୀ କୋଟଦେହା
କ୍ରମା କୀର୍ତିଦା କର୍ଣରୂପା ଚ କାକ୍ଷ୍ମୀଃ ॥ 7 ॥
କ୍ଷମାଙ୍ଗୀ କ୍ଷଯପ୍ରେମରୂପା କ୍ଷଯା ଚ
କ୍ଷଯାକ୍ଷା କ୍ଷଯାହ୍ଵା କ୍ଷଯପ୍ରାନ୍ତରା ଚ ।
କ୍ଷଵତ୍କାମିନୀ କ୍ଷାରିଣୀ କ୍ଷୀରପୂର୍ଣା
ଶିଵାଙ୍ଗୀ ଚ ଶାକମ୍ଭରୀ ଶାକଦେହା ॥ 8 ॥
ମହାଶାକଯଜ୍ଞା ଫଲପ୍ରାଶକା ଚ
ଶକାହ୍ଵାଽଶକାହ୍ଵା ଶକାଖ୍ଯା ଶକା ଚ ।
ଶକାକ୍ଷାନ୍ତରୋଷା ସୁରୋଷା ସୁରେଖା
ମହାଶେଷଯଜ୍ଞୋପଵୀତପ୍ରିଯା ଚ ॥ 9 ॥
ଜଯନ୍ତୀ ଜଯା ଜାଗ୍ରତୀ ଯୋଗ୍ଯରୂପା
ଜଯାଙ୍ଗା ଜପଧ୍ଯାନସନ୍ତୁଷ୍ଟସଞ୍ଜ୍ଞା ।
ଜଯପ୍ରାଣରୂପା ଜଯସ୍ଵର୍ଣଦେହା
ଜଯଜ୍ଵାଲିନୀ ଯାମିନୀ ଯାମ୍ଯରୂପା ॥ 10 ॥
ଜଗନ୍ମାତୃରୂପା ଜଗଦ୍ରକ୍ଷଣା ଚ
ସ୍ଵଧାଵୌଷଡନ୍ତା ଵିଲମ୍ବାଽଵିଲମ୍ବା ।
ଷଡଙ୍ଗା ମହାଲମ୍ବରୂପାସିହସ୍ତା-
ପଦାହାରିଣୀହାରିଣୀ ହାରିଣୀ ଚ ॥ 11 ॥
ମହାମଙ୍ଗଲା ମଙ୍ଗଲପ୍ରେମକୀର୍ତି-
-ର୍ନିଶୁମ୍ଭଚ୍ଛିଦା ଶୁମ୍ଭଦର୍ପାପହା ଚ ।
ତଥାଽଽନନ୍ଦବୀଜାଦିମୁକ୍ତିସ୍ଵରୂପା
ତଥା ଚଣ୍ଡମୁଣ୍ଡାପଦା ମୁଖ୍ଯଚଣ୍ଡା ॥ 12 ॥
ପ୍ରଚଣ୍ଡାଽପ୍ରଚଣ୍ଡା ମହାଚଣ୍ଡଵେଗା
ଚଲଚ୍ଚାମରା ଚାମରା ଚନ୍ଦ୍ରକୀର୍ତିଃ ।
ସୁଚାମୀକରା ଚିତ୍ରଭୂଷୋଜ୍ଜ୍ଵଲାଙ୍ଗୀ
ସୁସଙ୍ଗୀତଗୀତା ଚ ପାଯାଦପାଯାତ୍ ॥ 13 ॥