śrīrāmacaritamānasa
dvitīya sopāna
ayodhyā-kāṇḍa
dvitīya sopāna
ayodhyā-kāṇḍa
śloka
yasyāṅke ca vibhāti bhūdharasutā devāpagā mastake
bhāle bālavidhurgale ca garalaṃ yasyorasi vyālarāṭ|
so'yaṃ bhūtivibhūṣaṇaḥ suravaraḥ sarvādhipaḥ sarvadā
śarvaḥ sarvagataḥ śivaḥ śaśinibhaḥ śrīśaṅkaraḥ pātu mām || 1 ||
yasyāṅke ca vibhāti bhūdharasutā devāpagā mastake
bhāle bālavidhurgale ca garalaṃ yasyorasi vyālarāṭ|
so'yaṃ bhūtivibhūṣaṇaḥ suravaraḥ sarvādhipaḥ sarvadā
śarvaḥ sarvagataḥ śivaḥ śaśinibhaḥ śrīśaṅkaraḥ pātu mām || 1 ||
prasannatāṃ yā na gatābhiṣekatastathā na mamle vanavāsaduḥkhataḥ|
mukhāmbujaśrī raghunandanasya me sadāstu sā mañjulamaṃgalapradā || 2 ||
mukhāmbujaśrī raghunandanasya me sadāstu sā mañjulamaṃgalapradā || 2 ||
nīlāmbujaśyāmalakomalāṅgaṃ sītāsamāropitavāmabhāgam|
pāṇau mahāsāyakacārucāpaṃ namāmi rāmaṃ raghuvaṃśanātham || 3 ||
pāṇau mahāsāyakacārucāpaṃ namāmi rāmaṃ raghuvaṃśanātham || 3 ||
do. śrīguru carana saroja raja nija manu mukuru sudhāri|
baranau~ raghubara bimala jasu jo dāyaku phala cāri ||
jaba teṃ rāmu byāhi ghara āe| nita nava maṃgala moda badhāe ||
bhuvana cāridasa bhūdhara bhārī| sukṛta megha baraṣahi sukha bārī ||
ridhi sidhi saṃpati nadīṃ suhāī| umagi avadha aṃbudhi kahu~ āī ||
manigana pura nara nāri sujātī| suci amola suṃdara saba bhā~tī ||
kahi na jāi kachu nagara bibhūtī| janu etania biraṃci karatūtī ||
saba bidhi saba pura loga sukhārī| rāmacaṃda mukha caṃdu nihārī ||
mudita mātu saba sakhīṃ sahelī| phalita biloki manoratha belī ||
rāma rūpu gunasīlu subhāū| pramudita hoi dekhi suni rāū ||
do. saba keṃ ura abhilāṣu asa kahahiṃ manāi mahesu|
āpa achata jubarāja pada rāmahi deu naresu || 1 ||
eka samaya saba sahita samājā| rājasabhā~ raghurāju birājā ||
sakala sukṛta mūrati naranāhū| rāma sujasu suni atihi uchāhū ||
nṛpa saba rahahiṃ kṛpā abhilāṣeṃ| lokapa karahiṃ prīti rukha rākheṃ ||
tibhuvana tīni kāla jaga māhīṃ| bhūri bhāga dasaratha sama nāhīṃ ||
maṃgalamūla rāmu suta jāsū| jo kachu kahija thora sabu tāsū ||
rāya~ subhāya~ mukuru kara līnhā| badanu biloki mukuṭa sama kīnhā ||
śravana samīpa bhae sita kesā| manahu~ jaraṭhapanu asa upadesā ||
nṛpa jubarāja rāma kahu~ dehū| jīvana janama lāhu kina lehū ||
do. yaha bicāru ura āni nṛpa sudinu suavasaru pāi|
prema pulaki tana mudita mana gurahi sunāyau jāi || 2 ||
kahai bhuālu sunia munināyaka| bhae rāma saba bidhi saba lāyaka ||
sevaka saciva sakala purabāsī| je hamāre ari mitra udāsī ||
sabahi rāmu priya jehi bidhi mohī| prabhu asīsa janu tanu dhari sohī ||
bipra sahita parivāra gosāīṃ| karahiṃ chohu saba raurihi nāī ||
je gura carana renu sira dharahīṃ| te janu sakala bibhava basa karahīṃ ||
mohi sama yahu anubhayau na dūjeṃ| sabu pāyau~ raja pāvani pūjeṃ ||
aba abhilāṣu eku mana moreṃ| pūjahi nātha anugraha toreṃ ||
muni prasanna lakhi sahaja sanehū| kaheu naresa rajāyasu dehū ||
do. rājana rāura nāmu jasu saba abhimata dātāra|
phala anugāmī mahipa mani mana abhilāṣu tumhāra || 3 ||
saba bidhi guru prasanna jiya~ jānī| boleu rāu raha~si mṛdu bānī ||
nātha rāmu kariahiṃ jubarājū| kahia kṛpā kari karia samājū ||
mohi achata yahu hoi uchāhū| lahahiṃ loga saba locana lāhū ||
prabhu prasāda siva sabai nibāhīṃ| yaha lālasā eka mana māhīṃ ||
puni na soca tanu rahau ki jāū| jehiṃ na hoi pācheṃ pachitāū ||
suni muni dasaratha bacana suhāe| maṃgala moda mūla mana bhāe ||
sunu nṛpa jāsu bimukha pachitāhīṃ| jāsu bhajana binu jarani na jāhīṃ ||
bhayau tumhāra tanaya soi svāmī| rāmu punīta prema anugāmī ||
do. begi bilaṃbu na karia nṛpa sājia sabui samāju|
sudina sumaṃgalu tabahiṃ jaba rāmu hohiṃ jubarāju || 4 ||
mudita mahipati maṃdira āe| sevaka saciva sumaṃtru bolāe ||
kahi jayajīva sīsa tinha nāe| bhūpa sumaṃgala bacana sunāe ||
jauṃ pā~cahi mata lāgai nīkā| karahu haraṣi hiya~ rāmahi ṭīkā ||
maṃtrī mudita sunata priya bānī| abhimata birava~ pareu janu pānī ||
binatī saciva karahi kara jorī| jiahu jagatapati barisa karorī ||
jaga maṃgala bhala kāju bicārā| begia nātha na lāia bārā ||
nṛpahi modu suni saciva subhāṣā| baṛhata bauṃṛa janu lahī susākhā ||
do. kaheu bhūpa munirāja kara joi joi āyasu hoi|
rāma rāja abhiṣeka hita begi karahu soi soi || 5 ||
haraṣi munīsa kaheu mṛdu bānī| ānahu sakala sutīratha pānī ||
auṣadha mūla phūla phala pānā| kahe nāma gani maṃgala nānā ||
cāmara carama basana bahu bhā~tī| roma pāṭa paṭa aganita jātī ||
manigana maṃgala bastu anekā| jo jaga jogu bhūpa abhiṣekā ||
beda bidita kahi sakala bidhānā| kaheu racahu pura bibidha bitānā ||
saphala rasāla pūgaphala kerā| ropahu bīthinha pura cahu~ pherā ||
racahu maṃju mani caukeṃ cārū| kahahu banāvana begi bajārū ||
pūjahu ganapati gura kuladevā| saba bidhi karahu bhūmisura sevā ||
do. dhvaja patāka torana kalasa sajahu turaga ratha nāga|
sira dhari munibara bacana sabu nija nija kājahiṃ lāga || 6 ||
jo munīsa jehi āyasu dīnhā| so tehiṃ kāju prathama janu kīnhā ||
bipra sādhu sura pūjata rājā| karata rāma hita maṃgala kājā ||
sunata rāma abhiṣeka suhāvā| bāja gahāgaha avadha badhāvā ||
rāma sīya tana saguna janāe| pharakahiṃ maṃgala aṃga suhāe ||
pulaki saprema parasapara kahahīṃ| bharata āgamanu sūcaka ahahīṃ ||
bhae bahuta dina ati avaserī| saguna pratīti bheṃṭa priya kerī ||
bharata sarisa priya ko jaga māhīṃ| ihai saguna phalu dūsara nāhīṃ ||
rāmahi baṃdhu soca dina rātī| aṃḍanhi kamaṭha hradau jehi bhā~tī ||
do. ehi avasara maṃgalu parama suni raha~seu ranivāsu|
sobhata lakhi bidhu baṛhata janu bāridhi bīci bilāsu || 7 ||
prathama jāi jinha bacana sunāe| bhūṣana basana bhūri tinha pāe ||
prema pulaki tana mana anurāgīṃ| maṃgala kalasa sajana saba lāgīṃ ||
caukeṃ cāru sumitrā~ purī| manimaya bibidha bhā~ti ati rurī ||
āna~da magana rāma mahatārī| die dāna bahu bipra ha~kārī ||
pūjīṃ grāmadebi sura nāgā| kaheu bahori dena balibhāgā ||
jehi bidhi hoi rāma kalyānū| dehu dayā kari so baradānū ||
gāvahiṃ maṃgala kokilabayanīṃ| bidhubadanīṃ mṛgasāvakanayanīṃ ||
do. rāma rāja abhiṣeku suni hiya~ haraṣe nara nāri|
lage sumaṃgala sajana saba bidhi anukūla bicāri || 8 ||
taba naranāha~ basiṣṭhu bolāe| rāmadhāma sikha dena paṭhāe ||
gura āgamanu sunata raghunāthā| dvāra āi pada nāyau māthā ||
sādara aragha dei ghara āne| soraha bhā~ti pūji sanamāne ||
gahe carana siya sahita bahorī| bole rāmu kamala kara jorī ||
sevaka sadana svāmi āgamanū| maṃgala mūla amaṃgala damanū ||
tadapi ucita janu boli saprītī| paṭhaia kāja nātha asi nītī ||
prabhutā taji prabhu kīnha sanehū| bhayau punīta āju yahu gehū ||
āyasu hoi so karauṃ gosāī| sevaka lahai svāmi sevakāī ||
do. suni saneha sāne bacana muni raghubarahi prasaṃsa|
rāma kasa na tumha kahahu asa haṃsa baṃsa avataṃsa || 9 ||
barani rāma guna sīlu subhāū| bole prema pulaki munirāū ||
bhūpa sajeu abhiṣeka samājū| cāhata dena tumhahi jubarājū ||
rāma karahu saba saṃjama ājū| jauṃ bidhi kusala nibāhai kājū ||
guru sikha dei rāya pahiṃ gayau| rāma hṛdaya~ asa bisamau bhayaū ||
janame eka saṃga saba bhāī| bhojana sayana keli larikāī ||
karanabedha upabīta biāhā| saṃga saṃga saba bhae uchāhā ||
bimala baṃsa yahu anucita ekū| baṃdhu bihāi baṛehi abhiṣekū ||
prabhu saprema pachitāni suhāī| harau bhagata mana kai kuṭilāī ||
do. tehi avasara āe lakhana magana prema ānaṃda|
sanamāne priya bacana kahi raghukula kairava caṃda || 10 ||
bājahiṃ bājane bibidha bidhānā| pura pramodu nahiṃ jāi bakhānā ||
bharata āgamanu sakala manāvahiṃ| āvahu~ begi nayana phalu pāvahiṃ ||
hāṭa bāṭa ghara galīṃ athāī| kahahiṃ parasapara loga logāī ||
kāli lagana bhali ketika bārā| pūjihi bidhi abhilāṣu hamārā ||
kanaka siṃghāsana sīya sametā| baiṭhahiṃ rāmu hoi cita cetā ||
sakala kahahiṃ kaba hoihi kālī| bighana manāvahiṃ deva kucālī ||
tinhahi sohāi na avadha badhāvā| corahi caṃdini rāti na bhāvā ||
sārada boli binaya sura karahīṃ| bārahiṃ bāra pāya lai parahīṃ ||
do. bipati hamāri biloki baṛi mātu karia soi āju|
rāmu jāhiṃ bana rāju taji hoi sakala surakāju || 11 ||
suni sura binaya ṭhāṛhi pachitātī| bhaiu~ saroja bipina himarātī ||
dekhi deva puni kahahiṃ nihorī| mātu tohi nahiṃ thoriu khorī ||
bisamaya haraṣa rahita raghurāū| tumha jānahu saba rāma prabhāū ||
jīva karama basa sukha dukha bhāgī| jāia avadha deva hita lāgī ||
bāra bāra gahi carana sa~kocau| calī bicāri bibudha mati pocī ||
ū~ca nivāsu nīci karatūtī| dekhi na sakahiṃ parāi bibhūtī ||
āgila kāju bicāri bahorī| karahahiṃ cāha kusala kabi morī ||
haraṣi hṛdaya~ dasaratha pura āī| janu graha dasā dusaha dukhadāī ||
do. nāmu maṃtharā maṃdamati cerī kaikei keri|
ajasa peṭārī tāhi kari gaī girā mati pheri || 12 ||
dīkha maṃtharā nagaru banāvā| maṃjula maṃgala bāja badhāvā ||
pūchesi loganha kāha uchāhū| rāma tilaku suni bhā ura dāhū ||
karai bicāru kubuddhi kujātī| hoi akāju kavani bidhi rātī ||
dekhi lāgi madhu kuṭila kirātī| jimi gava~ takai leu~ kehi bhā~tī ||
bharata mātu pahiṃ gai bilakhānī| kā anamani hasi kaha ha~si rānī ||
ūtaru dei na lei usāsū| nāri carita kari ḍhārai ā~sū ||
ha~si kaha rāni gālu baṛa toreṃ| dīnha lakhana sikha asa mana moreṃ ||
tabahu~ na bola ceri baṛi pāpini| chāṛai svāsa kāri janu sā~pini ||
do. sabhaya rāni kaha kahasi kina kusala rāmu mahipālu|
lakhanu bharatu ripudamanu suni bhā kubarī ura sālu || 13 ||
kata sikha dei hamahi kou māī| gālu karaba kehi kara balu pāī ||
rāmahi chāṛi kusala kehi ājū| jehi janesu dei jubarājū ||
bhayau kausilahi bidhi ati dāhina| dekhata garaba rahata ura nāhina ||
dekhehu kasa na jāi saba sobhā| jo avaloki mora manu chobhā ||
pūtu bidesa na socu tumhāreṃ| jānati hahu basa nāhu hamāreṃ ||
nīda bahuta priya seja turāī| lakhahu na bhūpa kapaṭa caturāī ||
suni priya bacana malina manu jānī| jhukī rāni aba rahu aragānī ||
puni asa kabahu~ kahasi gharaphorī| taba dhari jībha kaṛhāvau~ torī ||
do. kāne khore kūbare kuṭila kucālī jāni|
tiya biseṣi puni ceri kahi bharatamātu musukāni || 14 ||
priyabādini sikha dīnhiu~ tohī| sapanehu~ to para kopu na mohī ||
sudinu sumaṃgala dāyaku soī| tora kahā phura jehi dina hoī ||
jeṭha svāmi sevaka laghu bhāī| yaha dinakara kula rīti suhāī ||
rāma tilaku jauṃ sā~cehu~ kālī| deu~ māgu mana bhāvata ālī ||
kausalyā sama saba mahatārī| rāmahi sahaja subhāya~ piārī ||
mo para karahiṃ sanehu biseṣī| maiṃ kari prīti parīchā dekhī ||
jauṃ bidhi janamu dei kari chohū| hohu~ rāma siya pūta putohū ||
prāna teṃ adhika rāmu priya moreṃ| tinha keṃ tilaka chobhu kasa toreṃ ||
do. bharata sapatha tohi satya kahu parihari kapaṭa durāu|
haraṣa samaya bisamau karasi kārana mohi sunāu || 15 ||
ekahiṃ bāra āsa saba pūjī| aba kachu kahaba jībha kari dūjī ||
phorai jogu kapāru abhāgā| bhaleu kahata dukha raurehi lāgā ||
kahahiṃ jhūṭhi phuri bāta banāī| te priya tumhahi karui maiṃ māī ||
hamahu~ kahabi aba ṭhakurasohātī| nāhiṃ ta mauna rahaba dinu rātī ||
kari kurūpa bidhi parabasa kīnhā| bavā so lunia lahia jo dīnhā ||
kou nṛpa hou hamahi kā hānī| ceri chāṛi aba hoba ki rānī ||
jārai jogu subhāu hamārā| anabhala dekhi na jāi tumhārā ||
tāteṃ kachuka bāta anusārī| chamia debi baṛi cūka hamārī ||
do. gūṛha kapaṭa priya bacana suni tīya adharabudhi rāni|
suramāyā basa bairinihi suhda jāni patiāni || 16 ||
sādara puni puni pū~chati ohī| sabarī gāna mṛgī janu mohī ||
tasi mati phirī ahai jasi bhābī| rahasī ceri ghāta janu phābī ||
tumha pū~chahu maiṃ kahata ḍerāū~| dhareu mora gharaphorī nāū~ ||
saji pratīti bahubidhi gaṛhi cholī| avadha sāṛhasātī taba bolī ||
priya siya rāmu kahā tumha rānī| rāmahi tumha priya so phuri bānī ||
rahā prathama aba te dina bīte| samau phireṃ ripu hohiṃ piṃrīte ||
bhānu kamala kula poṣanihārā| binu jala jāri karai soi chārā ||
jari tumhāri caha savati ukhārī| rū~dhahu kari upāu bara bārī ||
do. tumhahi na socu sohāga bala nija basa jānahu rāu|
mana malīna muha mīṭha nṛpa rāura sarala subhāu || 17 ||
catura ga~bhīra rāma mahatārī| bīcu pāi nija bāta sa~vārī ||
paṭhae bharatu bhūpa naniaureṃ| rāma mātu mata jānava raureṃ ||
sevahiṃ sakala savati mohi nīkeṃ| garabita bharata mātu bala pī keṃ ||
sālu tumhāra kausilahi māī| kapaṭa catura nahiṃ hoi janāī ||
rājahi tumha para premu biseṣī| savati subhāu sakai nahiṃ dekhī ||
racī praṃpacu bhūpahi apanāī| rāma tilaka hita lagana dharāī ||
yaha kula ucita rāma kahu~ ṭīkā| sabahi sohāi mohi suṭhi nīkā ||
āgili bāta samujhi ḍaru mohī| deu daiu phiri so phalu ohī ||
do. raci paci koṭika kuṭilapana kīnhesi kapaṭa prabodhu ||
kahisi kathā sata savati kai jehi bidhi bāṛha birodhu || 18 ||
bhāvī basa pratīti ura āī| pū~cha rāni puni sapatha devāī ||
kā pūchahu~ tumha abahu~ na jānā| nija hita anahita pasu pahicānā ||
bhayau pākhu dina sajata samājū| tumha pāī sudhi mohi sana ājū ||
khāia pahiria rāja tumhāreṃ| satya kaheṃ nahiṃ doṣu hamāreṃ ||
jauṃ asatya kachu kahaba banāī| tau bidhi deihi hamahi sajāī ||
rāmahi tilaka kāli jauṃ bhayaū|þ tumha kahu~ bipati bīju bidhi bayaū ||
rekha kha~cāi kahau~ balu bhāṣī| bhāmini bhaihu dūdha kai mākhī ||
jauṃ suta sahita karahu sevakāī| tau ghara rahahu na āna upāī ||
do. kadrū~ binatahi dīnha dukhu tumhahi kausilā~ deba|
bharatu baṃdigṛha seihahiṃ lakhanu rāma ke neba || 19 ||
kaikayasutā sunata kaṭu bānī| kahi na sakai kachu sahami sukhānī ||
tana paseu kadalī jimi kā~pī| kubarīṃ dasana jībha taba cā~pī ||
kahi kahi koṭika kapaṭa kahānī| dhīraju dharahu prabodhisi rānī ||
phirā karamu priya lāgi kucālī| bakihi sarāhai māni marālī ||
sunu maṃtharā bāta phuri torī| dahini ā~khi nita pharakai morī ||
dina prati dekhau~ rāti kusapane| kahau~ na tohi moha basa apane ||
kāha karau sakhi sūdha subhāū| dāhina bāma na jānau~ kāū ||
do. apane calata na āju lagi anabhala kāhuka kīnha|
kehiṃ agha ekahi bāra mohi daia~ dusaha dukhu dīnha || 20 ||
naihara janamu bharaba baru jāi| jiata na karabi savati sevakāī ||
ari basa daiu jiāvata jāhī| maranu nīka tehi jīvana cāhī ||
dīna bacana kaha bahubidhi rānī| suni kubarīṃ tiyamāyā ṭhānī ||
asa kasa kahahu māni mana ūnā| sukhu sohāgu tumha kahu~ dina dūnā ||
jehiṃ rāura ati anabhala tākā| soi pāihi yahu phalu paripākā ||
jaba teṃ kumata sunā maiṃ svāmini| bhūkha na bāsara nīṃda na jāmini ||
pū~cheu guninha rekha tinha khā~cī| bharata bhuāla hohiṃ yaha sā~cī ||
bhāmini karahu ta kahauṃ upāū| hai tumharīṃ sevā basa rāū ||
do. parau~ kūpa tua bacana para sakau~ pūta pati tyāgi|
kahasi mora dukhu dekhi baṛa kasa na karaba hita lāgi || 21 ||
kubarīṃ kari kabulī kaikeī| kapaṭa churī ura pāhana ṭeī ||
lakhai na rāni nikaṭa dukhu kaiṃse| carai harita tina balipasu jaiseṃ ||
sunata bāta mṛdu aṃta kaṭhorī| deti manahu~ madhu māhura ghorī ||
kahai ceri sudhi ahai ki nāhī| svāmini kahihu kathā mohi pāhīṃ ||
dui baradāna bhūpa sana thātī| māgahu āju juṛāvahu chātī ||
sutahi rāju rāmahi banavāsū| dehu lehu saba savati hulāsu ||
bhūpati rāma sapatha jaba karaī| taba māgehu jehiṃ bacanu na ṭaraī ||
hoi akāju āju nisi bīteṃ| bacanu mora priya mānehu jī teṃ ||
do. baṛa kughātu kari pātakini kahesi kopagṛha~ jāhu|
kāju sa~vārehu sajaga sabu sahasā jani patiāhu || 22 ||
kubarihi rāni prānapriya jānī| bāra bāra baṛi buddhi bakhānī ||
tohi sama hita na mora saṃsārā| bahe jāta kai bhaisi adhārā ||
jauṃ bidhi puraba manorathu kālī| karauṃ tohi cakha pūtari ālī ||
bahubidhi cerihi ādaru deī| kopabhavana gavani kaikeī ||
bipati bīju baraṣā ritu cerī| bhui~ bhai kumati kaikeī kerī ||
pāi kapaṭa jalu aṃkura jāmā| bara dou dala dukha phala parināmā ||
kopa samāju sāji sabu soī| rāju karata nija kumati bigoī ||
rāura nagara kolāhalu hoī| yaha kucāli kachu jāna na koī ||
do. pramudita pura nara nāri| saba sajahiṃ sumaṃgalacāra|
eka prabisahiṃ eka nirgamahiṃ bhīra bhūpa darabāra || 23 ||
bāla sakhā suna hiya~ haraṣāhīṃ| mili dasa pā~ca rāma pahiṃ jāhīṃ ||
prabhu ādarahiṃ premu pahicānī| pū~chahiṃ kusala khema mṛdu bānī ||
phirahiṃ bhavana priya āyasu pāī| karata parasapara rāma baṛāī ||
ko raghubīra sarisa saṃsārā| sīlu saneha nibāhanihārā|
jeṃhi jeṃhi joni karama basa bhramahīṃ| taha~ taha~ īsu deu yaha hamahīṃ ||
sevaka hama svāmī siyanāhū| hou nāta yaha ora nibāhū ||
asa abhilāṣu nagara saba kāhū| kaikayasutā hdaya~ ati dāhū ||
ko na kusaṃgati pāi nasāī| rahai na nīca mateṃ caturāī ||
do. sā~sa samaya sānaṃda nṛpu gayau kaikeī geha~|
gavanu niṭhuratā nikaṭa kiya janu dhari deha saneha~ || 24 ||
kopabhavana suni sakuceu rāu| bhaya basa agahuṛa parai na pāū ||
surapati basai bāha~bala jāke| narapati sakala rahahiṃ rukha tākeṃ ||
so suni tiya risa gayau sukhāī| dekhahu kāma pratāpa baṛāī ||
sūla kulisa asi a~gavanihāre| te ratinātha sumana sara māre ||
sabhaya naresu priyā pahiṃ gayaū| dekhi dasā dukhu dāruna bhayaū ||
bhūmi sayana paṭu moṭa purānā| die ḍāri tana bhūṣaṇa nānā ||
kumatihi kasi kubeṣatā phābī| ana ahivātu sūca janu bhābī ||
jāi nikaṭa nṛpu kaha mṛdu bānī| prānapriyā kehi hetu risānī ||
chaṃ. kehi hetu rāni risāni parasata pāni patihi nevāraī|
mānahu~ saroṣa bhuaṃga bhāmini biṣama bhā~ti nihāraī ||
dou bāsanā rasanā dasana bara marama ṭhāharu dekhaī|
tulasī nṛpati bhavatabyatā basa kāma kautuka lekhaī ||
so. bāra bāra kaha rāu sumukhi sulocini pikabacani|
kārana mohi sunāu gajagāmini nija kopa kara || 25 ||
anahita tora priyā kei~ kīnhā| kehi dui sira kehi jamu caha līnhā ||
kahu kehi raṃkahi karau naresū| kahu kehi nṛpahi nikāsauṃ desū ||
sakau~ tora ari amarau mārī| kāha kīṭa bapure nara nārī ||
jānasi mora subhāu barorū| manu tava ānana caṃda cakorū ||
priyā prāna suta sarabasu moreṃ| parijana prajā sakala basa toreṃ ||
jauṃ kachu kahau kapaṭu kari tohī| bhāmini rāma sapatha sata mohī ||
bihasi māgu manabhāvati bātā| bhūṣana sajahi manohara gātā ||
gharī kugharī samujhi jiya~ dekhū| begi priyā pariharahi kubeṣū ||
do. yaha suni mana guni sapatha baṛi bihasi uṭhī matimaṃda|
bhūṣana sajati biloki mṛgu manahu~ kirātini phaṃda || 26 ||
puni kaha rāu suhrada jiya~ jānī| prema pulaki mṛdu maṃjula bānī ||
bhāmini bhayau tora manabhāvā| ghara ghara nagara anaṃda badhāvā ||
rāmahi deu~ kāli jubarājū| sajahi sulocani maṃgala sājū ||
dalaki uṭheu suni hradau kaṭhorū| janu chui gayau pāka baratorū ||
aisiu pīra bihasi tehi goī| cora nāri jimi pragaṭi na roī ||
lakhahiṃ na bhūpa kapaṭa caturāī| koṭi kuṭila mani gurū paṛhāī ||
jadyapi nīti nipuna naranāhū| nāricarita jalanidhi avagāhū ||
kapaṭa sanehu baṛhāi bahorī| bolī bihasi nayana muhu morī ||
do. māgu māgu pai kahahu piya kabahu~ na dehu na lehu|
dena kahehu baradāna dui teu pāvata saṃdehu || 27 ||
jāneu~ maramu rāu ha~si kahaī| tumhahi kohāba parama priya ahaī ||
thāti rākhi na māgihu kāū| bisari gayau mohi bhora subhāū ||
jhūṭhehu~ hamahi doṣu jani dehū| dui kai cāri māgi maku lehū ||
raghukula rīti sadā cali āī| prāna jāhu~ baru bacanu na jāī ||
nahiṃ asatya sama pātaka puṃjā| giri sama hohiṃ ki koṭika guṃjā ||
satyamūla saba sukṛta suhāe| beda purāna bidita manu gāe ||
tehi para rāma sapatha kari āī| sukṛta saneha avadhi raghurāī ||
bāta dṛṛhāi kumati ha~si bolī| kumata kubihaga kulaha janu kholī ||
do. bhūpa manoratha subhaga banu sukha subihaṃga samāju|
bhillani jimi chāṛana cahati bacanu bhayaṃkaru bāju || 28 ||
māsapārāyaṇa, terahavā~ viśrāma
sunahu prānapriya bhāvata jī kā| dehu eka bara bharatahi ṭīkā ||
māgau~ dūsara bara kara jorī| puravahu nātha manoratha morī ||
tāpasa beṣa biseṣi udāsī| caudaha barisa rāmu banabāsī ||
suni mṛdu bacana bhūpa hiya~ sokū| sasi kara chuata bikala jimi kokū ||
gayau sahami nahiṃ kachu kahi āvā| janu sacāna bana jhapaṭeu lāvā ||
bibarana bhayau nipaṭa narapālū| dāmini haneu manahu~ taru tālū ||
māthe hātha mūdi dou locana| tanu dhari socu lāga janu socana ||
mora manorathu surataru phūlā| pharata karini jimi hateu samūlā ||
avadha ujāri kīnhi kaikeīṃ| dīnhasi acala bipati kai neīṃ ||
do. kavaneṃ avasara kā bhayau gayau~ nāri bisvāsa|
joga siddhi phala samaya jimi jatihi abidyā nāsa || 29 ||
ehi bidhi rāu manahiṃ mana jhā~khā| dekhi kubhā~ti kumati mana mākhā ||
bharatu ki rāura pūta na hohīṃ| ānehu mola besāhi ki mohī ||
jo suni saru asa lāga tumhāreṃ| kāhe na bolahu bacanu sa~bhāre ||
dehu utaru anu karahu ki nāhīṃ| satyasaṃdha tumha raghukula māhīṃ ||
dena kahehu aba jani baru dehū| tajahu~ satya jaga apajasu lehū ||
satya sarāhi kahehu baru denā| jānehu leihi māgi cabenā ||
sibi dadhīci bali jo kachu bhāṣā| tanu dhanu tajeu bacana panu rākhā ||
ati kaṭu bacana kahati kaikeī| mānahu~ lona jare para deī ||
do. dharama dhuraṃdhara dhīra dhari nayana ughāre rāya~|
siru dhuni līnhi usāsa asi māresi mohi kuṭhāya~ || 30 ||
āgeṃ dīkhi jarata risa bhārī| manahu~ roṣa taravāri ughārī ||
mūṭhi kubuddhi dhāra niṭhurāī| dharī kūbarīṃ sāna banāī ||
lakhī mahīpa karāla kaṭhorā| satya ki jīvanu leihi morā ||
bole rāu kaṭhina kari chātī| bānī sabinaya tāsu sohātī ||
priyā bacana kasa kahasi kubhā~tī| bhīra pratīti prīti kari hā~tī ||
moreṃ bharatu rāmu dui ā~khī| satya kahau~ kari saṃkarū sākhī ||
avasi dūtu maiṃ paṭhaiba prātā| aihahiṃ begi sunata dou bhrātā ||
sudina sodhi sabu sāju sajāī| deu~ bharata kahu~ rāju bajāī ||
do. lobhu na rāmahi rāju kara bahuta bharata para prīti|
maiṃ baṛa choṭa bicāri jiya~ karata raheu~ nṛpanīti || 31 ||
rāma sapatha sata kahū~ subhāū| rāmamātu kachu kaheu na kāū ||
maiṃ sabu kīnha tohi binu pū~cheṃ| tehi teṃ pareu manorathu chūcheṃ ||
risa pariharū aba maṃgala sājū| kachu dina gae~ bharata jubarājū ||
ekahi bāta mohi dukhu lāgā| bara dūsara asamaṃjasa māgā ||
ajahu~ hṛdaya jarata tehi ā~cā| risa parihāsa ki sā~cehu~ sā~cā ||
kahu taji roṣu rāma aparādhū| sabu kou kahai rāmu suṭhi sādhū ||
tuhū~ sarāhasi karasi sanehū| aba suni mohi bhayau saṃdehū ||
jāsu subhāu arihi anukūlā| so kimi karihi mātu pratikūlā ||
do. priyā hāsa risa pariharahi māgu bicāri bibeku|
jehiṃ dekhā~ aba nayana bhari bharata rāja abhiṣeku || 32 ||
jiai mīna barū bāri bihīnā| mani binu phaniku jiai dukha dīnā ||
kahau~ subhāu na chalu mana māhīṃ| jīvanu mora rāma binu nāhīṃ ||
samujhi dekhu jiya~ priyā prabīnā| jīvanu rāma darasa ādhīnā ||
suni mradu bacana kumati ati jaraī| manahu~ anala āhuti ghṛta paraī ||
kahai karahu kina koṭi upāyā| ihā~ na lāgihi rāuri māyā ||
dehu ki lehu ajasu kari nāhīṃ| mohi na bahuta prapaṃca sohāhīṃ|
rāmu sādhu tumha sādhu sayāne| rāmamātu bhali saba pahicāne ||
jasa kausilā~ mora bhala tākā| tasa phalu unhahi deu~ kari sākā ||
do. hota prāta munibeṣa dhari jauṃ na rāmu bana jāhiṃ|
mora maranu rāura ajasa nṛpa samujhia mana māhiṃ || 33 ||
asa kahi kuṭila bhaī uṭhi ṭhāṛhī| mānahu~ roṣa taraṃgini bāṛhī ||
pāpa pahāra pragaṭa bhai soī| bharī krodha jala jāi na joī ||
dou bara kūla kaṭhina haṭha dhārā| bhava~ra kūbarī bacana pracārā ||
ḍhāhata bhūparūpa taru mūlā| calī bipati bāridhi anukūlā ||
lakhī naresa bāta phuri sā~cī| tiya misa mīcu sīsa para nācī ||
gahi pada binaya kīnha baiṭhārī| jani dinakara kula hosi kuṭhārī ||
māgu mātha abahīṃ deu~ tohī| rāma biraha~ jani mārasi mohī ||
rākhu rāma kahu~ jehi tehi bhā~tī| nāhiṃ ta jarihi janama bhari chātī ||
do. dekhī byādhi asādha nṛpu pareu dharani dhuni mātha|
kahata parama ārata bacana rāma rāma raghunātha || 34 ||
byākula rāu sithila saba gātā| karini kalapataru manahu~ nipātā ||
kaṃṭhu sūkha mukha āva na bānī| janu pāṭhīnu dīna binu pānī ||
puni kaha kaṭu kaṭhora kaikeī| manahu~ ghāya mahu~ māhura deī ||
jauṃ aṃtahu~ asa karatabu raheū| māgu māgu tumha kehiṃ bala kaheū ||
dui ki hoi eka samaya bhuālā| ha~saba ṭhaṭhāi phulāuba gālā ||
dāni kahāuba aru kṛpanāī| hoi ki khema kusala rautāī ||
chāṛahu bacanu ki dhīraju dharahū| jani abalā jimi karunā karahū ||
tanu tiya tanaya dhāmu dhanu dharanī| satyasaṃdha kahu~ tṛna sama baranī ||
do. marama bacana suni rāu kaha kahu kachu doṣu na tora|
lāgeu tohi pisāca jimi kālu kahāvata mora || 35 ||
û
cahata na bharata bhūpatahi bhoreṃ| bidhi basa kumati basī jiya toreṃ ||
so sabu mora pāpa parināmū| bhayau kuṭhāhara jehiṃ bidhi bāmū ||
subasa basihi phiri avadha suhāī| saba guna dhāma rāma prabhutāī ||
karihahiṃ bhāi sakala sevakāī| hoihi tihu~ pura rāma baṛāī ||
tora kalaṃku mora pachitāū| muehu~ na miṭahi na jāihi kāū ||
aba tohi nīka lāga karu soī| locana oṭa baiṭhu muhu goī ||
jaba lagi jiauṃ kahau~ kara jorī| taba lagi jani kachu kahasi bahorī ||
phiri pachitaihasi aṃta abhāgī| mārasi gāi nahāru lāgī ||
do. pareu rāu kahi koṭi bidhi kāhe karasi nidānu|
kapaṭa sayāni na kahati kachu jāgati manahu~ masānu || 36 ||
rāma rāma raṭa bikala bhuālū| janu binu paṃkha bihaṃga behālū ||
hṛdaya~ manāva bhoru jani hoī| rāmahi jāi kahai jani koī ||
udau karahu jani rabi raghukula gura| avadha biloki sūla hoihi ura ||
bhūpa prīti kaikai kaṭhināī| ubhaya avadhi bidhi racī banāī ||
bilapata nṛpahi bhayau bhinusārā| bīnā benu saṃkha dhuni dvārā ||
paṛhahiṃ bhāṭa guna gāvahiṃ gāyaka| sunata nṛpahi janu lāgahiṃ sāyaka ||
maṃgala sakala sohāhiṃ na kaiseṃ| sahagāminihi bibhūṣana jaiseṃ ||
tehiṃ nisi nīda parī nahi kāhū| rāma darasa lālasā uchāhū ||
do. dvāra bhīra sevaka saciva kahahiṃ udita rabi dekhi|
jāgeu ajahu~ na avadhapati kāranu kavanu biseṣi || 37 ||
pachile pahara bhūpu nita jāgā| āju hamahi baṛa acaraju lāgā ||
jāhu sumaṃtra jagāvahu jāī| kījia kāju rajāyasu pāī ||
gae sumaṃtru taba rāura māhī| dekhi bhayāvana jāta ḍerāhīṃ ||
dhāi khāi janu jāi na herā| mānahu~ bipati biṣāda baserā ||
pūcheṃ kou na ūtaru deī| gae jeṃhiṃ bhavana bhūpa kaikaiī ||
kahi jayajīva baiṭha siru nāī| daikhi bhūpa gati gayau sukhāī ||
soca bikala bibarana mahi pareū| mānahu~ kamala mūlu parihareū ||
saciu sabhīta sakai nahiṃ pū~chī| bolī asubha bharī subha chūchī ||
do. parī na rājahi nīda nisi hetu jāna jagadīsu|
rāmu rāmu raṭi bhoru kiya kahai na maramu mahīsu || 38 ||
ānahu rāmahi begi bolāī| samācāra taba pū~chehu āī ||
caleu sumaṃtra rāya rūkha jānī| lakhī kucāli kīnhi kachu rānī ||
soca bikala maga parai na pāū| rāmahi boli kahihi kā rāū ||
ura dhari dhīraju gayau duāreṃ| pūcha~hiṃ sakala dekhi manu māreṃ ||
samādhānu kari so sabahī kā| gayau jahā~ dinakara kula ṭīkā ||
rāmu sumaṃtrahi āvata dekhā| ādaru kīnha pitā sama lekhā ||
nirakhi badanu kahi bhūpa rajāī| raghukuladīpahi caleu levāī ||
rāmu kubhā~ti saciva sa~ga jāhīṃ| dekhi loga jaha~ taha~ bilakhāhīṃ ||
do. jāi dīkha raghubaṃsamani narapati nipaṭa kusāju ||
sahami pareu lakhi siṃghinihi manahu~ bṛddha gajarāju || 39 ||
sūkhahiṃ adhara jarai sabu aṃgū| manahu~ dīna manihīna bhuaṃgū ||
saruṣa samīpa dīkhi kaikeī| mānahu~ mīcu gharī gani leī ||
karunāmaya mṛdu rāma subhāū| prathama dīkha dukhu sunā na kāū ||
tadapi dhīra dhari samau bicārī| pū~chī madhura bacana mahatārī ||
mohi kahu mātu tāta dukha kārana| karia jatana jehiṃ hoi nivārana ||
sunahu rāma sabu kārana ehū| rājahi tuma para bahuta sanehū ||
dena kahenhi mohi dui baradānā| māgeu~ jo kachu mohi sohānā|
so suni bhayau bhūpa ura socū| chāṛi na sakahiṃ tumhāra sa~kocū ||
do. suta saneha ita bacanu uta saṃkaṭa pareu naresu|
sakahu na āyasu dharahu sira meṭahu kaṭhina kalesu || 40 ||
nidharaka baiṭhi kahai kaṭu bānī| sunata kaṭhinatā ati akulānī ||
jībha kamāna bacana sara nānā| manahu~ mahipa mṛdu laccha samānā ||
janu kaṭhorapanu dhareṃ sarīrū| sikhai dhanuṣabidyā bara bīrū ||
saba prasaṃgu raghupatihi sunāī| baiṭhi manahu~ tanu dhari niṭhurāī ||
mana musakāi bhānukula bhānu| rāmu sahaja ānaṃda nidhānū ||
bole bacana bigata saba dūṣana| mṛdu maṃjula janu bāga bibhūṣana ||
sunu jananī soi sutu baṛabhāgī| jo pitu mātu bacana anurāgī ||
tanaya mātu pitu toṣanihārā| durlabha janani sakala saṃsārā ||
do. munigana milanu biseṣi bana sabahi bhā~ti hita mora|
tehi maha~ pitu āyasu bahuri saṃmata jananī tora || 41 ||
bharata prānapriya pāvahiṃ rājū| bidhi saba bidhi mohi sanamukha āju|
joṃ na jāu~ bana aisehu kājā| prathama gania mohi mūṛha samājā ||
sevahiṃ ara~ḍu kalapataru tyāgī| parihari amṛta lehiṃ biṣu māgī ||
teu na pāi asa samau cukāhīṃ| dekhu bicāri mātu mana māhīṃ ||
aṃba eka dukhu mohi biseṣī| nipaṭa bikala naranāyaku dekhī ||
thorihiṃ bāta pitahi dukha bhārī| hoti pratīti na mohi mahatārī ||
rāu dhīra guna udadhi agādhū| bhā mohi te kachu baṛa aparādhū ||
jāteṃ mohi na kahata kachu rāū| mori sapatha tohi kahu satibhāū ||
do. sahaja sarala raghubara bacana kumati kuṭila kari jāna|
calai joṃka jala bakragati jadyapi salilu samāna || 42 ||
rahasī rāni rāma rukha pāī| bolī kapaṭa sanehu janāī ||
sapatha tumhāra bharata kai ānā| hetu na dūsara mai kachu jānā ||
tumha aparādha jogu nahiṃ tātā| jananī janaka baṃdhu sukhadātā ||
rāma satya sabu jo kachu kahahū| tumha pitu mātu bacana rata ahahū ||
pitahi bujhāi kahahu bali soī| cautheṃpana jehiṃ ajasu na hoī ||
tumha sama suana sukṛta jehiṃ dīnhe| ucita na tāsu nirādaru kīnhe ||
lāgahiṃ kumukha bacana subha kaise| magaha~ gayādika tīratha jaise ||
rāmahi mātu bacana saba bhāe| jimi surasari gata salila suhāe ||
do. gai muruchā rāmahi sumiri nṛpa phiri karavaṭa līnha|
saciva rāma āgamana kahi binaya samaya sama kīnha || 43 ||
avanipa akani rāmu pagu dhāre| dhari dhīraju taba nayana ughāre ||
saciva~ sa~bhāri rāu baiṭhāre| carana parata nṛpa rāmu nihāre ||
lie saneha bikala ura lāī| gai mani manahu~ phanika phiri pāī ||
rāmahi citai raheu naranāhū| calā bilocana bāri prabāhū ||
soka bibasa kachu kahai na pārā| hṛdaya~ lagāvata bārahiṃ bārā ||
bidhihi manāva rāu mana māhīṃ| jehiṃ raghunātha na kānana jāhīṃ ||
sumiri mahesahi kahai nihorī| binatī sunahu sadāsiva morī ||
āsutoṣa tumha avaḍhara dānī| ārati harahu dīna janu jānī ||
do. tumha preraka saba ke hṛdaya~ so mati rāmahi dehu|
bacanu mora taji rahahi ghara parihari sīlu sanehu || 44 ||
ajasu hou jaga sujasu nasāū| naraka parau baru surapuru jāū ||
saba dukha dusaha sahāvahu mohī| locana oṭa rāmu jani hoṃhī ||
asa mana gunai rāu nahiṃ bolā| pīpara pāta sarisa manu ḍolā ||
raghupati pitahi premabasa jānī| puni kachu kahihi mātu anumānī ||
desa kāla avasara anusārī| bole bacana binīta bicārī ||
tāta kahau~ kachu karau~ ḍhiṭhāī| anucitu chamaba jāni larikāī ||
ati laghu bāta lāgi dukhu pāvā| kāhu~ na mohi kahi prathama janāvā ||
dekhi gosāi~hi pū~chiu~ mātā| suni prasaṃgu bhae sītala gātā ||
do. maṃgala samaya saneha basa soca pariharia tāta|
āyasu deia haraṣi hiya~ kahi pulake prabhu gāta || 45 ||
dhanya janamu jagatītala tāsū| pitahi pramodu carita suni jāsū ||
cāri padāratha karatala tākeṃ| priya pitu mātu prāna sama jākeṃ ||
āyasu pāli janama phalu pāī| aihau~ begihiṃ hou rajāī ||
bidā mātu sana āvau~ māgī| calihau~ banahi bahuri paga lāgī ||
asa kahi rāma gavanu taba kīnhā| bhūpa soka basu utaru na dīnhā ||
nagara byāpi gai bāta sutīchī| chuata caṛhī janu saba tana bīchī ||
suni bhae bikala sakala nara nārī| beli biṭapa jimi dekhi davārī ||
jo jaha~ sunai dhunai siru soī| baṛa biṣādu nahiṃ dhīraju hoī ||
do. mukha sukhāhiṃ locana stravahi soku na hṛdaya~ samāi|
manahu~ karuna rasa kaṭakaī utarī avadha bajāi || 46 ||
milehi mājha bidhi bāta begārī| jaha~ taha~ dehiṃ kaikeihi gārī ||
ehi pāpinihi būjhi kā pareū| chāi bhavana para pāvaku dhareū ||
nija kara nayana kāṛhi caha dīkhā| ḍāri sudhā biṣu cāhata cīkhā ||
kuṭila kaṭhora kubuddhi abhāgī| bhai raghubaṃsa benu bana āgī ||
pālava baiṭhi peṛu ehiṃ kāṭā| sukha mahu~ soka ṭhāṭu dhari ṭhāṭā ||
sadā rāmu ehi prāna samānā| kārana kavana kuṭilapanu ṭhānā ||
satya kahahiṃ kabi nāri subhāū| saba bidhi agahu agādha durāū ||
nija pratibiṃbu baruku gahi jāī| jāni na jāi nāri gati bhāī ||
do. kāha na pāvaku jāri saka kā na samudra samāi|
kā na karai abalā prabala kehi jaga kālu na khāi || 47 ||
kā sunāi bidhi kāha sunāvā| kā dekhāi caha kāha dekhāvā ||
eka kahahiṃ bhala bhūpa na kīnhā| baru bicāri nahiṃ kumatihi dīnhā ||
jo haṭhi bhayau sakala dukha bhājanu| abalā bibasa gyānu gunu gā janu ||
eka dharama paramiti pahicāne| nṛpahi dosu nahiṃ dehiṃ sayāne ||
sibi dadhīci haricaṃda kahānī| eka eka sana kahahiṃ bakhānī ||
eka bharata kara saṃmata kahahīṃ| eka udāsa bhāya~ suni rahahīṃ ||
kāna mūdi kara rada gahi jīhā| eka kahahiṃ yaha bāta alīhā ||
sukṛta jāhiṃ asa kahata tumhāre| rāmu bharata kahu~ prānapiāre ||
do. caṃdu cavai baru anala kana sudhā hoi biṣatūla|
sapanehu~ kabahu~ na karahiṃ kichu bharatu rāma pratikūla || 48 ||
eka bidhātahiṃ dūṣanu deṃhīṃ| sudhā dekhāi dīnha biṣu jehīṃ ||
kharabharu nagara socu saba kāhū| dusaha dāhu ura miṭā uchāhū ||
biprabadhū kulamānya jaṭherī| je priya parama kaikeī kerī ||
lagīṃ dena sikha sīlu sarāhī| bacana bānasama lāgahiṃ tāhī ||
bharatu na mohi priya rāma samānā| sadā kahahu yahu sabu jagu jānā ||
karahu rāma para sahaja sanehū| kehiṃ aparādha āju banu dehū ||
kabahu~ na kiyahu savati āresū| prīti pratīti jāna sabu desū ||
kausalyā~ aba kāha bigārā| tumha jehi lāgi bajra pura pārā ||
do. sīya ki piya sa~gu pariharihi lakhanu ki rahihahiṃ dhāma|
rāju ki bhū~jaba bharata pura nṛpu ki jīhi binu rāma || 49 ||
asa bicāri ura chāṛahu kohū| soka kalaṃka koṭhi jani hohū ||
bharatahi avasi dehu jubarājū| kānana kāha rāma kara kājū ||
nāhina rāmu rāja ke bhūkhe| dharama dhurīna biṣaya rasa rūkhe ||
gura gṛha basahu~ rāmu taji gehū| nṛpa sana asa baru dūsara lehū ||
jauṃ nahiṃ lagihahu kaheṃ hamāre| nahiṃ lāgihi kachu hātha tumhāre ||
jauṃ parihāsa kīnhi kachu hoī| tau kahi pragaṭa janāvahu soī ||
rāma sarisa suta kānana jogū| kāha kahihi suni tumha kahu~ logū ||
uṭhahu begi soi karahu upāī| jehi bidhi soku kalaṃku nasāī ||
chaṃ. jehi bhā~ti soku kalaṃku jāi upāya kari kula pālahī|
haṭhi pheru rāmahi jāta bana jani bāta dūsari cālahī ||
jimi bhānu binu dinu prāna binu tanu caṃda binu jimi jāminī|
timi avadha tulasīdāsa prabhu binu samujhi dhauṃ jiya~ bhāminī ||
so. sakhinha sikhāvanu dīnha sunata madhura parināma hita|
tei~ kachu kāna na kīnha kuṭila prabodhī kūbarī || 50 ||
utaru na dei dusaha risa rūkhī| mṛginha citava janu bāghini bhūkhī ||
byādhi asādhi jāni tinha tyāgī| calīṃ kahata matimaṃda abhāgī ||
rāju karata yaha daia~ bigoī| kīnhesi asa jasa karai na koī ||
ehi bidhi bilapahiṃ pura nara nārīṃ| dehiṃ kucālihi koṭika gārīṃ ||
jarahiṃ biṣama jara lehiṃ usāsā| kavani rāma binu jīvana āsā ||
bipula biyoga prajā akulānī| janu jalacara gana sūkhata pānī ||
ati biṣāda basa loga logāī| gae mātu pahiṃ rāmu gosāī ||
mukha prasanna cita cauguna cāū| miṭā socu jani rākhai rāū ||
do. nava gayaṃdu raghubīra manu rāju alāna samāna|
chūṭa jāni bana gavanu suni ura anaṃdu adhikāna || 51 ||
raghukulatilaka jori dou hāthā| mudita mātu pada nāyau māthā ||
dīnhi asīsa lāi ura līnhe| bhūṣana basana nichāvari kīnhe ||
bāra bāra mukha cuṃbati mātā| nayana neha jalu pulakita gātā ||
goda rākhi puni hṛdaya~ lagāe| stravata prenarasa payada suhāe ||
premu pramodu na kachu kahi jāī| raṃka dhanada padabī janu pāī ||
sādara suṃdara badanu nihārī| bolī madhura bacana mahatārī ||
kahahu tāta jananī balihārī| kabahiṃ lagana muda maṃgalakārī ||
sukṛta sīla sukha sīva~ suhāī| janama lābha kai avadhi aghāī ||
do. jehi cāhata nara nāri saba ati ārata ehi bhā~ti|
jimi cātaka cātaki tṛṣita bṛṣṭi sarada ritu svāti || 52 ||
tāta jāu~ bali begi nahāhū| jo mana bhāva madhura kachu khāhū ||
pitu samīpa taba jāehu bhaiā| bhai baṛi bāra jāi bali maiā ||
mātu bacana suni ati anukūlā| janu saneha surataru ke phūlā ||
sukha makaraṃda bhare śriyamūlā| nirakhi rāma manu bhavaru~ na bhūlā ||
dharama dhurīna dharama gati jānī| kaheu mātu sana ati mṛdu bānī ||
pitā~ dīnha mohi kānana rājū| jaha~ saba bhā~ti mora baṛa kājū ||
āyasu dehi mudita mana mātā| jehiṃ muda maṃgala kānana jātā ||
jani saneha basa ḍarapasi bhoreṃ| āna~du aṃba anugraha toreṃ ||
do. baraṣa cāridasa bipina basi kari pitu bacana pramāna|
āi pāya puni dekhihau~ manu jani karasi malāna || 53 ||
bacana binīta madhura raghubara ke| sara sama lage mātu ura karake ||
sahami sūkhi suni sītali bānī| jimi javāsa pareṃ pāvasa pānī ||
kahi na jāi kachu hṛdaya biṣādū| manahu~ mṛgī suni kehari nādū ||
nayana sajala tana thara thara kā~pī| mājahi khāi mīna janu māpī ||
dhari dhīraju suta badanu nihārī| gadagada bacana kahati mahatārī ||
tāta pitahi tumha prānapiāre| dekhi mudita nita carita tumhāre ||
rāju dena kahu~ subha dina sādhā| kaheu jāna bana kehiṃ aparādhā ||
tāta sunāvahu mohi nidānū| ko dinakara kula bhayau kṛsānū ||
do. nirakhi rāma rukha sacivasuta kāranu kaheu bujhāi|
suni prasaṃgu rahi mūka jimi dasā barani nahiṃ jāi || 54 ||
rākhi na sakai na kahi saka jāhū| duhū~ bhā~ti ura dāruna dāhū ||
likhata sudhākara gā likhi rāhū| bidhi gati bāma sadā saba kāhū ||
dharama saneha ubhaya~ mati gherī| bhai gati sā~pa chuchuṃdari kerī ||
rākhau~ sutahi karau~ anurodhū| dharamu jāi aru baṃdhu birodhū ||
kahau~ jāna bana tau baṛi hānī| saṃkaṭa soca bibasa bhai rānī ||
bahuri samujhi tiya dharamu sayānī| rāmu bharatu dou suta sama jānī ||
sarala subhāu rāma mahatārī| bolī bacana dhīra dhari bhārī ||
tāta jāu~ bali kīnhehu nīkā| pitu āyasu saba dharamaka ṭīkā ||
do. rāju dena kahi dīnha banu mohi na so dukha lesu|
tumha binu bharatahi bhūpatihi prajahi pracaṃḍa kalesu || 55 ||
jauṃ kevala pitu āyasu tātā| tau jani jāhu jāni baṛi mātā ||
jauṃ pitu mātu kaheu bana jānā| tauṃ kānana sata avadha samānā ||
pitu banadeva mātu banadevī| khaga mṛga carana saroruha sevī ||
aṃtahu~ ucita nṛpahi banabāsū| baya biloki hiya~ hoi harā~sū ||
baṛabhāgī banu avadha abhāgī| jo raghubaṃsatilaka tumha tyāgī ||
jauṃ suta kahau saṃga mohi lehū| tumhare hṛdaya~ hoi saṃdehū ||
pūta parama priya tumha sabahī ke| prāna prāna ke jīvana jī ke ||
te tumha kahahu mātu bana jāū~| maiṃ suni bacana baiṭhi pachitāū~ ||
do. yaha bicāri nahiṃ karau~ haṭha jhūṭha sanehu baṛhāi|
māni mātu kara nāta bali surati bisari jani jāi || 56 ||
deva pitara saba tunhahi gosāī| rākhahu~ palaka nayana kī nāī ||
avadhi aṃbu priya parijana mīnā| tumha karunākara dharama dhurīnā ||
asa bicāri soi karahu upāī| sabahi jiata jehiṃ bheṃṭehu āī ||
jāhu sukhena banahi bali jāū~| kari anātha jana parijana gāū~ ||
saba kara āju sukṛta phala bītā| bhayau karāla kālu biparītā ||
bahubidhi bilapi carana lapaṭānī| parama abhāgini āpuhi jānī ||
dāruna dusaha dāhu ura byāpā| barani na jāhiṃ bilāpa kalāpā ||
rāma uṭhāi mātu ura lāī| kahi mṛdu bacana bahuri samujhāī ||
do. samācāra tehi samaya suni sīya uṭhī akulāi|
jāi sāsu pada kamala juga baṃdi baiṭhi siru nāi || 57 ||
dīnhi asīsa sāsu mṛdu bānī| ati sukumāri dekhi akulānī ||
baiṭhi namitamukha socati sītā| rūpa rāsi pati prema punītā ||
calana cahata bana jīvananāthū| kehi sukṛtī sana hoihi sāthū ||
kī tanu prāna ki kevala prānā| bidhi karatabu kachu jāi na jānā ||
cāru carana nakha lekhati dharanī| nūpura mukhara madhura kabi baranī ||
manahu~ prema basa binatī karahīṃ| hamahi sīya pada jani pariharahīṃ ||
maṃju bilocana mocati bārī| bolī dekhi rāma mahatārī ||
tāta sunahu siya ati sukumārī| sāsu sasura parijanahi piārī ||
do. pitā janaka bhūpāla mani sasura bhānukula bhānu|
pati rabikula kairava bipina bidhu guna rūpa nidhānu || 58 ||
maiṃ puni putrabadhū priya pāī| rūpa rāsi guna sīla suhāī ||
nayana putari kari prīti baṛhāī| rākheu~ prāna jānikihiṃ lāī ||
kalapabeli jimi bahubidhi lālī| sīṃci saneha salila pratipālī ||
phūlata phalata bhayau bidhi bāmā| jāni na jāi kāha parināmā ||
pala~ga pīṭha taji goda hiṃṛorā| siya~ na dīnha pagu avani kaṭhorā ||
jianamūri jimi jogavata rahaū~| dīpa bāti nahiṃ ṭārana kahaū~ ||
soi siya calana cahati bana sāthā| āyasu kāha hoi raghunāthā|
caṃda kirana rasa rasika cakorī| rabi rukha nayana sakai kimi jorī ||
do. kari kehari nisicara carahiṃ duṣṭa jaṃtu bana bhūri|
biṣa bāṭikā~ ki soha suta subhaga sajīvani mūri || 59 ||
bana hita kola kirāta kisorī| racīṃ biraṃci biṣaya sukha bhorī ||
pāina kṛmi jimi kaṭhina subhāū| tinhahi kalesu na kānana kāū ||
kai tāpasa tiya kānana jogū| jinha tapa hetu tajā saba bhogū ||
siya bana basihi tāta kehi bhā~tī| citralikhita kapi dekhi ḍerātī ||
surasara subhaga banaja bana cārī| ḍābara jogu ki haṃsakumārī ||
asa bicāri jasa āyasu hoī| maiṃ sikha deu~ jānakihi soī ||
jauṃ siya bhavana rahai kaha aṃbā| mohi kaha~ hoi bahuta avalaṃbā ||
suni raghubīra mātu priya bānī| sīla saneha sudhā~ janu sānī ||
do. kahi priya bacana bibekamaya kīnhi mātu paritoṣa|
lage prabodhana jānakihi pragaṭi bipina guna doṣa || 60 ||
māsapārāyaṇa, caudahavā~ viśrāma
mātu samīpa kahata sakucāhīṃ| bole samau samujhi mana māhīṃ ||
rājakumāri sikhāvana sunahū| āna bhā~ti jiya~ jani kachu gunahū ||
āpana mora nīka jauṃ cahahū| bacanu hamāra māni gṛha rahahū ||
āyasu mora sāsu sevakāī| saba bidhi bhāmini bhavana bhalāī ||
ehi te adhika dharamu nahiṃ dūjā| sādara sāsu sasura pada pūjā ||
jaba jaba mātu karihi sudhi morī| hoihi prema bikala mati bhorī ||
taba taba tumha kahi kathā purānī| suṃdari samujhāehu mṛdu bānī ||
kahau~ subhāya~ sapatha sata mohī| sumukhi mātu hita rākhau~ tohī ||
do. gura śruti saṃmata dharama phalu pāia binahiṃ kalesa|
haṭha basa saba saṃkaṭa sahe gālava nahuṣa naresa || 61 ||
maiṃ puni kari pravāna pitu bānī| begi phiraba sunu sumukhi sayānī ||
divasa jāta nahiṃ lāgihi bārā| suṃdari sikhavanu sunahu hamārā ||
jau haṭha karahu prema basa bāmā| tau tumha dukhu pāuba parināmā ||
kānanu kaṭhina bhayaṃkaru bhārī| ghora ghāmu hima bāri bayārī ||
kusa kaṃṭaka maga kā~kara nānā| calaba payādehiṃ binu padatrānā ||
carana kamala mudu maṃju tumhāre| māraga agama bhūmidhara bhāre ||
kaṃdara khoha nadīṃ nada nāre| agama agādha na jāhiṃ nihāre ||
bhālu bāgha bṛka kehari nāgā| karahiṃ nāda suni dhīraju bhāgā ||
do. bhūmi sayana balakala basana asanu kaṃda phala mūla|
te ki sadā saba dina milihiṃ sabui samaya anukūla || 62 ||
nara ahāra rajanīcara carahīṃ| kapaṭa beṣa bidhi koṭika karahīṃ ||
lāgai ati pahāra kara pānī| bipina bipati nahiṃ jāi bakhānī ||
byāla karāla bihaga bana ghorā| nisicara nikara nāri nara corā ||
ḍarapahiṃ dhīra gahana sudhi āe~| mṛgalocani tumha bhīru subhāe~ ||
haṃsagavani tumha nahiṃ bana jogū| suni apajasu mohi deihi logū ||
mānasa salila sudhā~ pratipālī| jiai ki lavana payodhi marālī ||
nava rasāla bana biharanasīlā| soha ki kokila bipina karīlā ||
rahahu bhavana asa hṛdaya~ bicārī| caṃdabadani dukhu kānana bhārī ||
do. sahaja suhda gura svāmi sikha jo na karai sira māni ||
so pachitāi aghāi ura avasi hoi hita hāni || 63 ||
suni mṛdu bacana manohara piya ke| locana lalita bhare jala siya ke ||
sītala sikha dāhaka bhai kaiṃseṃ| cakaihi sarada caṃda nisi jaiṃseṃ ||
utaru na āva bikala baidehī| tajana cahata suci svāmi sanehī ||
barabasa roki bilocana bārī| dhari dhīraju ura avanikumārī ||
lāgi sāsu paga kaha kara jorī| chamabi debi baṛi abinaya morī ||
dīnhi prānapati mohi sikha soī| jehi bidhi mora parama hita hoī ||
maiṃ puni samujhi dīkhi mana māhīṃ| piya biyoga sama dukhu jaga nāhīṃ ||
do. prānanātha karunāyatana suṃdara sukhada sujāna|
tumha binu raghukula kumuda bidhu surapura naraka samāna || 64 ||
mātu pitā bhaginī priya bhāī| priya parivāru suhrada samudāī ||
sāsu sasura gura sajana sahāī| suta suṃdara susīla sukhadāī ||
jaha~ lagi nātha neha aru nāte| piya binu tiyahi taranihu te tāte ||
tanu dhanu dhāmu dharani pura rājū| pati bihīna sabu soka samājū ||
bhoga rogasama bhūṣana bhārū| jama jātanā sarisa saṃsārū ||
prānanātha tumha binu jaga māhīṃ| mo kahu~ sukhada katahu~ kachu nāhīṃ ||
jiya binu deha nadī binu bārī| taisia nātha puruṣa binu nārī ||
nātha sakala sukha sātha tumhāreṃ| sarada bimala bidhu badanu nihāreṃ ||
do. khaga mṛga parijana nagaru banu balakala bimala dukūla|
nātha sātha surasadana sama paranasāla sukha mūla || 65 ||
banadevīṃ banadeva udārā| karihahiṃ sāsu sasura sama sārā ||
kusa kisalaya sātharī suhāī| prabhu sa~ga maṃju manoja turāī ||
kaṃda mūla phala amia ahārū| avadha saudha sata sarisa pahārū ||
chinu chinu prabhu pada kamala biloki| rahihau~ mudita divasa jimi kokī ||
bana dukha nātha kahe bahutere| bhaya biṣāda paritāpa ghanere ||
prabhu biyoga lavalesa samānā| saba mili hohiṃ na kṛpānidhānā ||
asa jiya~ jāni sujāna siromani| leia saṃga mohi chāṛia jani ||
binatī bahuta karauṃ kā svāmī| karunāmaya ura aṃtarajāmī ||
do. rākhia avadha jo avadhi lagi rahata na janiahiṃ prāna|
dīnabaṃdhu saṃdara sukhada sīla saneha nidhāna || 66 ||
mohi maga calata na hoihi hārī| chinu chinu carana saroja nihārī ||
sabahi bhā~ti piya sevā karihauṃ| māraga janita sakala śrama harihauṃ ||
pāya pakhārī baiṭhi taru chāhīṃ| karihau~ bāu mudita mana māhīṃ ||
śrama kana sahita syāma tanu dekheṃ| kaha~ dukha samau prānapati pekheṃ ||
sama mahi tṛna tarupallava ḍāsī| pāga paloṭihi saba nisi dāsī ||
bārabāra mṛdu mūrati johī| lāgahi tāta bayāri na mohī|
ko prabhu sa~ga mohi citavanihārā| siṃghabadhuhi jimi sasaka siārā ||
maiṃ sukumāri nātha bana jogū| tumhahi ucita tapa mo kahu~ bhogū ||
do. aiseu bacana kaṭhora suni jauṃ na hradau bilagāna|
tau prabhu biṣama biyoga dukha sahihahiṃ pāva~ra prāna || 67 ||
asa kahi sīya bikala bhai bhārī| bacana biyogu na sakī sa~bhārī ||
dekhi dasā raghupati jiya~ jānā| haṭhi rākheṃ nahiṃ rākhihi prānā ||
kaheu kṛpāla bhānukulanāthā| parihari socu calahu bana sāthā ||
nahiṃ biṣāda kara avasaru ājū| begi karahu bana gavana samājū ||
kahi priya bacana priyā samujhāī| lage mātu pada āsiṣa pāī ||
begi prajā dukha meṭaba āī| jananī niṭhura bisari jani jāī ||
phirahi dasā bidhi bahuri ki morī| dekhihau~ nayana manohara jorī ||
sudina sugharī tāta kaba hoihi| jananī jiata badana bidhu joihi ||
do. bahuri baccha kahi lālu kahi raghupati raghubara tāta|
kabahiṃ bolāi lagāi hiya~ haraṣi nirakhihau~ gāta || 68 ||
lakhi saneha kātari mahatārī| bacanu na āva bikala bhai bhārī ||
rāma prabodhu kīnha bidhi nānā| samau sanehu na jāi bakhānā ||
taba jānakī sāsu paga lāgī| sunia māya maiṃ parama abhāgī ||
sevā samaya daia~ banu dīnhā| mora manorathu saphala na kīnhā ||
tajaba chobhu jani chāṛia chohū| karamu kaṭhina kachu dosu na mohū ||
suni siya bacana sāsu akulānī| dasā kavani bidhi kahauṃ bakhānī ||
bārahi bāra lāi ura līnhī| dhari dhīraju sikha āsiṣa dīnhī ||
acala hou ahivātu tumhārā| jaba lagi gaṃga jamuna jala dhārā ||
do. sītahi sāsu asīsa sikha dīnhi aneka prakāra|
calī nāi pada paduma siru ati hita bārahiṃ bāra || 69 ||
samācāra jaba lachimana pāe| byākula bilakha badana uṭhi dhāe ||
kaṃpa pulaka tana nayana sanīrā| gahe carana ati prema adhīrā ||
kahi na sakata kachu citavata ṭhāṛhe| mīnu dīna janu jala teṃ kāṛhe ||
socu hṛdaya~ bidhi kā honihārā| sabu sukhu sukṛta sirāna hamārā ||
mo kahu~ kāha kahaba raghunāthā| rakhihahiṃ bhavana ki lehahiṃ sāthā ||
rāma biloki baṃdhu kara joreṃ| deha geha saba sana tṛnu toreṃ ||
bole bacanu rāma naya nāgara| sīla saneha sarala sukha sāgara ||
tāta prema basa jani kadarāhū| samujhi hṛdaya~ parināma uchāhū ||
do. mātu pitā guru svāmi sikha sira dhari karahi subhāya~|
laheu lābhu tinha janama kara nataru janamu jaga jāya~ || 70 ||
asa jiya~ jāni sunahu sikha bhāī| karahu mātu pitu pada sevakāī ||
bhavana bharatu ripusūdana nāhīṃ| rāu bṛddha mama dukhu mana māhīṃ ||
maiṃ bana jāu~ tumhahi lei sāthā| hoi sabahi bidhi avadha anāthā ||
guru pitu mātu prajā parivārū| saba kahu~ parai dusaha dukha bhārū ||
rahahu karahu saba kara paritoṣū| nataru tāta hoihi baṛa doṣū ||
jāsu rāja priya prajā dukhārī| so nṛpu avasi naraka adhikārī ||
rahahu tāta asi nīti bicārī| sunata lakhanu bhae byākula bhārī ||
siareṃ bacana sūkhi gae kaiṃseṃ| parasata tuhina tāmarasu jaiseṃ ||
do. utaru na āvata prema basa gahe carana akulāi|
nātha dāsu maiṃ svāmi tumha tajahu ta kāha basāi || 71 ||
dīnhi mohi sikha nīki gosāīṃ| lāgi agama apanī kadarāīṃ ||
narabara dhīra dharama dhura dhārī| nigama nīti kahu~ te adhikārī ||
maiṃ sisu prabhu saneha~ pratipālā| maṃdaru meru ki lehiṃ marālā ||
gura pitu mātu na jānau~ kāhū| kahau~ subhāu nātha patiāhū ||
jaha~ lagi jagata saneha sagāī| prīti pratīti nigama niju gāī ||
moreṃ sabai eka tumha svāmī| dīnabaṃdhu ura aṃtarajāmī ||
dharama nīti upadesia tāhī| kīrati bhūti sugati priya jāhī ||
mana krama bacana carana rata hoī| kṛpāsiṃdhu pariharia ki soī ||
do. karunāsiṃdhu subaṃdha ke suni mṛdu bacana binīta|
samujhāe ura lāi prabhu jāni saneha~ sabhīta || 72 ||
māgahu bidā mātu sana jāī| āvahu begi calahu bana bhāī ||
mudita bhae suni raghubara bānī| bhayau lābha baṛa gai baṛi hānī ||
haraṣita hdaya~ mātu pahiṃ āe| manahu~ aṃdha phiri locana pāe|
jāi janani paga nāyau māthā| manu raghunaṃdana jānaki sāthā ||
pū~che mātu malina mana dekhī| lakhana kahī saba kathā biseṣī ||
gaī sahami suni bacana kaṭhorā| mṛgī dekhi dava janu cahu orā ||
lakhana lakheu bhā anaratha ājū| ehiṃ saneha basa karaba akājū ||
māgata bidā sabhaya sakucāhīṃ| jāi saṃga bidhi kahihi ki nāhī ||
do. samujhi sumitrā~ rāma siya rūpa susīlu subhāu|
nṛpa sanehu lakhi dhuneu siru pāpini dīnha kudāu || 73 ||
dhīraju dhareu kuavasara jānī| sahaja suhda bolī mṛdu bānī ||
tāta tumhāri mātu baidehī| pitā rāmu saba bhā~ti sanehī ||
avadha tahā~ jaha~ rāma nivāsū| taha~i~ divasu jaha~ bhānu prakāsū ||
jau pai sīya rāmu bana jāhīṃ| avadha tumhāra kāju kachu nāhiṃ ||
gura pitu mātu baṃdhu sura sāī| seiahiṃ sakala prāna kī nāīṃ ||
rāmu prānapriya jīvana jī ke| svāratha rahita sakhā sabahī kai ||
pūjanīya priya parama jahā~ teṃ| saba māniahiṃ rāma ke nāteṃ ||
asa jiya~ jāni saṃga bana jāhū| lehu tāta jaga jīvana lāhū ||
do. bhūri bhāga bhājanu bhayahu mohi sameta bali jāu~|
jauma tumhareṃ mana chāṛi chalu kīnha rāma pada ṭhāu~ || 74 ||
putravatī jubatī jaga soī| raghupati bhagatu jāsu sutu hoī ||
nataru bā~jha bhali bādi biānī| rāma bimukha suta teṃ hita jānī ||
tumharehiṃ bhāga rāmu bana jāhīṃ| dūsara hetu tāta kachu nāhīṃ ||
sakala sukṛta kara baṛa phalu ehū| rāma sīya pada sahaja sanehū ||
rāga roṣu iriṣā madu mohū| jani sapanehu~ inha ke basa hohū ||
sakala prakāra bikāra bihāī| mana krama bacana karehu sevakāī ||
tumha kahu~ bana saba bhā~ti supāsū| sa~ga pitu mātu rāmu siya jāsū ||
jehiṃ na rāmu bana lahahiṃ kalesū| suta soi karehu ihai upadesū ||
chaṃ. upadesu yahu jehiṃ tāta tumhare rāma siya sukha pāvahīṃ|
pitu mātu priya parivāra pura sukha surati bana bisarāvahīṃ|
tulasī prabhuhi sikha dei āyasu dīnha puni āsiṣa daī|
rati hou abirala amala siya raghubīra pada nita nita naī ||
so. mātu carana siru nāi cale turata saṃkita hṛdaya~|
bāgura biṣama torāi manahu~ bhāga mṛgu bhāga basa || 75 ||
gae lakhanu jaha~ jānakināthū| bhe mana mudita pāi priya sāthū ||
baṃdi rāma siya carana suhāe| cale saṃga nṛpamaṃdira āe ||
kahahiṃ parasapara pura nara nārī| bhali banāi bidhi bāta bigārī ||
tana kṛsa dukhu badana malīne| bikala manahu~ mākhī madhu chīne ||
kara mījahiṃ siru dhuni pachitāhīṃ| janu bina paṃkha bihaga akulāhīṃ ||
bhai baṛi bhīra bhūpa darabārā| barani na jāi biṣādu apārā ||
saciva~ uṭhāi rāu baiṭhāre| kahi priya bacana rāmu pagu dhāre ||
siya sameta dou tanaya nihārī| byākula bhayau bhūmipati bhārī ||
do. sīya sahita suta subhaga dou dekhi dekhi akulāi|
bārahiṃ bāra saneha basa rāu lei ura lāi || 76 ||
sakai na boli bikala naranāhū| soka janita ura dāruna dāhū ||
nāi sīsu pada ati anurāgā| uṭhi raghubīra bidā taba māgā ||
pitu asīsa āyasu mohi dījai| haraṣa samaya bisamau kata kījai ||
tāta kie~ priya prema pramādū| jasu jaga jāi hoi apabādū ||
suni saneha basa uṭhi naranāhā~| baiṭhāre raghupati gahi bāhā~ ||
sunahu tāta tumha kahu~ muni kahahīṃ| rāmu carācara nāyaka ahahīṃ ||
subha aru asubha karama anuhārī| īsa dei phalu hdaya~ bicārī ||
karai jo karama pāva phala soī| nigama nīti asi kaha sabu koī ||
do. -auru karai aparādhu kou aura pāva phala bhogu|
ati bicitra bhagavaṃta gati ko jaga jānai jogu || 77 ||
rāya~ rāma rākhana hita lāgī| bahuta upāya kie chalu tyāgī ||
lakhī rāma rukha rahata na jāne| dharama dhuraṃdhara dhīra sayāne ||
taba nṛpa sīya lāi ura līnhī| ati hita bahuta bhā~ti sikha dīnhī ||
kahi bana ke dukha dusaha sunāe| sāsu sasura pitu sukha samujhāe ||
siya manu rāma carana anurāgā| gharu na sugamu banu biṣamu na lāgā ||
aurau sabahiṃ sīya samujhāī| kahi kahi bipina bipati adhikāī ||
saciva nāri gura nāri sayānī| sahita saneha kahahiṃ mṛdu bānī ||
tumha kahu~ tau na dīnha banabāsū| karahu jo kahahiṃ sasura gura sāsū ||
do. -sikha sītali hita madhura mṛdu suni sītahi na sohāni|
sarada caṃda caṃdani lagata janu cakaī akulāni || 78 ||
sīya sakuca basa utaru na deī| so suni tamaki uṭhī kaikeī ||
muni paṭa bhūṣana bhājana ānī| āgeṃ dhari bolī mṛdu bānī ||
nṛpahi prāna priya tumha raghubīrā| sīla saneha na chāṛihi bhīrā ||
sukṛta sujasu paraloku nasāū| tumhahi jāna bana kahihi na kāū ||
asa bicāri soi karahu jo bhāvā| rāma janani sikha suni sukhu pāvā ||
bhūpahi bacana bānasama lāge| karahiṃ na prāna payāna abhāge ||
loga bikala muruchita naranāhū| kāha karia kachu sūjha na kāhū ||
rāmu turata muni beṣu banāī| cale janaka jananihi siru nāī ||
do. saji bana sāju samāju sabu banitā baṃdhu sameta|
baṃdi bipra gura carana prabhu cale kari sabahi aceta || 79 ||
nikasi basiṣṭha dvāra bhae ṭhāṛhe| dekhe loga biraha dava dāṛhe ||
kahi priya bacana sakala samujhāe| bipra bṛṃda raghubīra bolāe ||
gura sana kahi baraṣāsana dīnhe| ādara dāna binaya basa kīnhe ||
jācaka dāna māna saṃtoṣe| mīta punīta prema paritoṣe ||
dāsīṃ dāsa bolāi bahorī| gurahi sauṃpi bole kara jorī ||
saba kai sāra sa~bhāra gosāīṃ| karabi janaka jananī kī nāī ||
bārahiṃ bāra jori juga pānī| kahata rāmu saba sana mṛdu bānī ||
soi saba bhā~ti mora hitakārī| jehi teṃ rahai bhuāla sukhārī ||
do. mātu sakala more biraha~ jehiṃ na hohiṃ dukha dīna|
soi upāu tumha karehu saba pura jana parama prabīna || 80 ||
ehi bidhi rāma sabahi samujhāvā| gura pada paduma haraṣi siru nāvā|
ganapatī gauri girīsu manāī| cale asīsa pāi raghurāī ||
rāma calata ati bhayau biṣādū| suni na jāi pura ārata nādū ||
kusaguna laṃka avadha ati sokū| haharaṣa biṣāda bibasa suralokū ||
gai muruchā taba bhūpati jāge| boli sumaṃtru kahana asa lāge ||
rāmu cale bana prāna na jāhīṃ| kehi sukha lāgi rahata tana māhīṃ|
ehi teṃ kavana byathā balavānā| jo dukhu pāi tajahiṃ tanu prānā ||
puni dhari dhīra kahai naranāhū| lai rathu saṃga sakhā tumha jāhū ||
do. -suṭhi sukumāra kumāra dou janakasutā sukumāri|
ratha caṛhāi dekharāi banu phirehu gae~ dina cāri || 81 ||
jau nahiṃ phirahiṃ dhīra dou bhāī| satyasaṃdha dṛṛhabrata raghurāī ||
tau tumha binaya karehu kara jorī| pheria prabhu mithilesakisorī ||
jaba siya kānana dekhi ḍerāī| kahehu mori sikha avasaru pāī ||
sāsu sasura asa kaheu sa~desū| putri phiria bana bahuta kalesū ||
pitṛgṛha kabahu~ kabahu~ sasurārī| rahehu jahā~ ruci hoi tumhārī ||
ehi bidhi karehu upāya kadaṃbā| phirai ta hoi prāna avalaṃbā ||
nāhiṃ ta mora maranu parināmā| kachu na basāi bhae~ bidhi bāmā ||
asa kahi muruchi parā mahi rāū| rāmu lakhanu siya āni dekhāū ||
do. -pāi rajāyasu nāi siru rathu ati bega banāi|
gayau jahā~ bāhera nagara sīya sahita dou bhāi || 82 ||
taba sumaṃtra nṛpa bacana sunāe| kari binatī ratha rāmu caṛhāe ||
caṛhi ratha sīya sahita dou bhāī| cale hṛdaya~ avadhahi siru nāī ||
calata rāmu lakhi avadha anāthā| bikala loga saba lāge sāthā ||
kṛpāsiṃdhu bahubidhi samujhāvahiṃ| phirahiṃ prema basa puni phiri āvahiṃ ||
lāgati avadha bhayāvani bhārī| mānahu~ kālarāti a~dhiārī ||
ghora jaṃtu sama pura nara nārī| ḍarapahiṃ ekahi eka nihārī ||
ghara masāna parijana janu bhūtā| suta hita mīta manahu~ jamadūtā ||
bāganha biṭapa beli kumhilāhīṃ| sarita sarovara dekhi na jāhīṃ ||
do. haya gaya koṭinha kelimṛga purapasu cātaka mora|
pika rathāṃga suka sārikā sārasa haṃsa cakora || 83 ||
rāma biyoga bikala saba ṭhāṛhe| jaha~ taha~ manahu~ citra likhi kāṛhe ||
nagaru saphala banu gahabara bhārī| khaga mṛga bipula sakala nara nārī ||
bidhi kaikeī kirātini kīnhī| jeṃhi dava dusaha dasahu~ disi dīnhī ||
sahi na sake raghubara birahāgī| cale loga saba byākula bhāgī ||
sabahiṃ bicāra kīnha mana māhīṃ| rāma lakhana siya binu sukhu nāhīṃ ||
jahā~ rāmu taha~ sabui samājū| binu raghubīra avadha nahiṃ kājū ||
cale sātha asa maṃtru dṛṛhāī| sura durlabha sukha sadana bihāī ||
rāma carana paṃkaja priya jinhahī| biṣaya bhoga basa karahiṃ ki tinhahī ||
do. bālaka bṛddha bihāi gṛ~ha lage loga saba sātha|
tamasā tīra nivāsu kiya prathama divasa raghunātha || 84 ||
raghupati prajā premabasa dekhī| sadaya hṛdaya~ dukhu bhayau biseṣī ||
karunāmaya raghunātha gosā~ī| begi pāiahiṃ pīra parāī ||
kahi saprema mṛdu bacana suhāe| bahubidhi rāma loga samujhāe ||
kie dharama upadesa ghanere| loga prema basa phirahiṃ na phere ||
sīlu sanehu chāṛi nahiṃ jāī| asamaṃjasa basa bhe raghurāī ||
loga soga śrama basa gae soī| kachuka devamāyā~ mati moī ||
jabahiṃ jāma juga jāmini bītī| rāma saciva sana kaheu saprītī ||
khoja māri rathu hā~kahu tātā| āna upāya~ banihi nahiṃ bātā ||
do. rāma lakhana suya jāna caṛhi saṃbhu carana siru nāi ||
saciva~ calāyau turata rathu ita uta khoja durāi || 85 ||
jāge sakala loga bhae~ bhorū| ge raghunātha bhayau ati sorū ||
ratha kara khoja katahahu~ nahiṃ pāvahiṃ| rāma rāma kahi cahu disi dhāvahiṃ ||
manahu~ bārinidhi būṛa jahājū| bhayau bikala baṛa banika samājū ||
ekahi eka deṃhiṃ upadesū| taje rāma hama jāni kalesū ||
niṃdahiṃ āpu sarāhahiṃ mīnā| dhiga jīvanu raghubīra bihīnā ||
jauṃ pai priya biyogu bidhi kīnhā| tau kasa maranu na māgeṃ dīnhā ||
ehi bidhi karata pralāpa kalāpā| āe avadha bhare paritāpā ||
biṣama biyogu na jāi bakhānā| avadhi āsa saba rākhahiṃ prānā ||
do. rāma darasa hita nema brata lage karana nara nāri|
manahu~ koka kokī kamala dīna bihīna tamāri || 86 ||
sītā saciva sahita dou bhāī| sṛṃgaberapura pahu~ce jāī ||
utare rāma devasari dekhī| kīnha daṃḍavata haraṣu biseṣī ||
lakhana saciva~ siya~ kie pranāmā| sabahi sahita sukhu pāyau rāmā ||
gaṃga sakala muda maṃgala mūlā| saba sukha karani harani saba sūlā ||
kahi kahi koṭika kathā prasaṃgā| rāmu bilokahiṃ gaṃga taraṃgā ||
sacivahi anujahi priyahi sunāī| bibudha nadī mahimā adhikāī ||
majjanu kīnha paṃtha śrama gayaū| suci jalu piata mudita mana bhayaū ||
sumirata jāhi miṭai śrama bhārū| tehi śrama yaha laukika byavahārū ||
do. sudhda sacidānaṃdamaya kaṃda bhānukula ketu|
carita karata nara anuharata saṃsṛti sāgara setu || 87 ||
yaha sudhi guha~ niṣāda jaba pāī| mudita lie priya baṃdhu bolāī ||
lie phala mūla bheṃṭa bhari bhārā| milana caleu hi~ya~ haraṣu apārā ||
kari daṃḍavata bheṃṭa dhari āgeṃ| prabhuhi bilokata ati anurāgeṃ ||
sahaja saneha bibasa raghurāī| pū~chī kusala nikaṭa baiṭhāī ||
nātha kusala pada paṃkaja dekheṃ| bhayau~ bhāgabhājana jana lekheṃ ||
deva dharani dhanu dhāmu tumhārā| maiṃ janu nīcu sahita parivārā ||
kṛpā karia pura dhāria pāū| thāpiya janu sabu logu sihāū ||
kahehu satya sabu sakhā sujānā| mohi dīnha pitu āyasu ānā ||
do. baraṣa cāridasa bāsu bana muni brata beṣu ahāru|
grāma bāsu nahiṃ ucita suni guhahi bhayau dukhu bhāru || 88 ||
rāma lakhana siya rūpa nihārī| kahahiṃ saprema grāma nara nārī ||
te pitu mātu kahahu sakhi kaise| jinha paṭhae bana bālaka aise ||
eka kahahiṃ bhala bhūpati kīnhā| loyana lāhu hamahi bidhi dīnhā ||
taba niṣādapati ura anumānā| taru siṃsupā manohara jānā ||
lai raghunāthahi ṭhāu~ dekhāvā| kaheu rāma saba bhā~ti suhāvā ||
purajana kari johāru ghara āe| raghubara saṃdhyā karana sidhāe ||
guha~ sa~vāri sā~tharī ḍasāī| kusa kisalayamaya mṛdula suhāī ||
suci phala mūla madhura mṛdu jānī| donā bhari bhari rākhesi pānī ||
do. siya sumaṃtra bhrātā sahita kaṃda mūla phala khāi|
sayana kīnha raghubaṃsamani pāya paloṭata bhāi || 89 ||
uṭhe lakhanu prabhu sovata jānī| kahi sacivahi sovana mṛdu bānī ||
kachuka dūra saji bāna sarāsana| jāgana lage baiṭhi bīrāsana ||
gu~ha bolāi pāharū pratītī| ṭhāva~ ṭhā~va rākhe ati prītī ||
āpu lakhana pahiṃ baiṭheu jāī| kaṭi bhāthī sara cāpa caṛhāī ||
sovata prabhuhi nihāri niṣādū| bhayau prema basa hdaya~ biṣādū ||
tanu pulakita jalu locana bahaī| bacana saprema lakhana sana kahaī ||
bhūpati bhavana subhāya~ suhāvā| surapati sadanu na paṭatara pāvā ||
manimaya racita cāru caubāre| janu ratipati nija hātha sa~vāre ||
do. suci subicitra subhogamaya sumana sugaṃdha subāsa|
pala~ga maṃju manidīpa jaha~ saba bidhi sakala supāsa || 90 ||
bibidha basana upadhāna turāī| chīra phena mṛdu bisada suhāī ||
taha~ siya rāmu sayana nisi karahīṃ| nija chabi rati manoja madu harahīṃ ||
te siya rāmu sātharīṃ soe| śramita basana binu jāhiṃ na joe ||
mātu pitā parijana purabāsī| sakhā susīla dāsa aru dāsī ||
jogavahiṃ jinhahi prāna kī nāī| mahi sovata tei rāma gosāīṃ ||
pitā janaka jaga bidita prabhāū| sasura suresa sakhā raghurāū ||
rāmacaṃdu pati so baidehī| sovata mahi bidhi bāma na kehī ||
siya raghubīra ki kānana jogū| karama pradhāna satya kaha logū ||
do. kaikayanaṃdini maṃdamati kaṭhina kuṭilapanu kīnha|
jehīṃ raghunaṃdana jānakihi sukha avasara dukhu dīnha || 91 ||
bhai dinakara kula biṭapa kuṭhārī| kumati kīnha saba bisva dukhārī ||
bhayau biṣādu niṣādahi bhārī| rāma sīya mahi sayana nihārī ||
bole lakhana madhura mṛdu bānī| gyāna birāga bhagati rasa sānī ||
kāhu na kou sukha dukha kara dātā| nija kṛta karama bhoga sabu bhrātā ||
joga biyoga bhoga bhala maṃdā| hita anahita madhyama bhrama phaṃdā ||
janamu maranu jaha~ lagi jaga jālū| saṃpatī bipati karamu aru kālū ||
dharani dhāmu dhanu pura parivārū| saragu naraku jaha~ lagi byavahārū ||
dekhia sunia gunia mana māhīṃ| moha mūla paramārathu nāhīṃ ||
do. sapaneṃ hoi bhikhāri nṛpa raṃku nākapati hoi|
jāgeṃ lābhu na hāni kachu timi prapaṃca jiya~ joi || 92 ||
asa bicāri nahiṃ kījā rosū| kāhuhi bādi na deia dosū ||
moha nisā~ sabu sovanihārā| dekhia sapana aneka prakārā ||
ehiṃ jaga jāmini jāgahiṃ jogī| paramārathī prapaṃca biyogī ||
jānia tabahiṃ jīva jaga jāgā| jaba jaba biṣaya bilāsa birāgā ||
hoi bibeku moha bhrama bhāgā| taba raghunātha carana anurāgā ||
sakhā parama paramārathu ehū| mana krama bacana rāma pada nehū ||
rāma brahma paramāratha rūpā| abigata alakha anādi anūpā ||
sakala bikāra rahita gatabhedā| kahi nita neti nirūpahiṃ bedā|
do. bhagata bhūmi bhūsura surabhi sura hita lāgi kṛpāla|
karata carita dhari manuja tanu sunata miṭahi jaga jāla || 93 ||
māsapārāyaṇa, paṃdrahavā viśrāma
sakhā samujhi asa parihari mohu| siya raghubīra carana rata hohū ||
kahata rāma guna bhā bhinusārā| jāge jaga maṃgala sukhadārā ||
sakala soca kari rāma nahāvā| suci sujāna baṭa chīra magāvā ||
anuja sahita sira jaṭā banāe| dekhi sumaṃtra nayana jala chāe ||
hṛdaya~ dāhu ati badana malīnā| kaha kara jori bacana ati dīnā ||
nātha kaheu asa kosalanāthā| lai rathu jāhu rāma keṃ sāthā ||
banu dekhāi surasari anhavāī| ānehu pheri begi dou bhāī ||
lakhanu rāmu siya ānehu pherī| saṃsaya sakala sa~koca niberī ||
do. nṛpa asa kaheu gosāī~ jasa kahai karauṃ bali soi|
kari binatī pāyanha pareu dīnha bāla jimi roi || 94 ||
tāta kṛpā kari kījia soī| jāteṃ avadha anātha na hoī ||
maṃtrahi rāma uṭhāi prabodhā| tāta dharama matu tumha sabu sodhā ||
sibi dadhīci haricaṃda naresā| sahe dharama hita koṭi kalesā ||
raṃtideva bali bhūpa sujānā| dharamu dhareu sahi saṃkaṭa nānā ||
dharamu na dūsara satya samānā| āgama nigama purāna bakhānā ||
maiṃ soi dharamu sulabha kari pāvā| tajeṃ tihū~ pura apajasu chāvā ||
saṃbhāvita kahu~ apajasa lāhū| marana koṭi sama dāruna dāhū ||
tumha sana tāta bahuta kā kahaū~| die~ utaru phiri pātaku lahaū~ ||
do. pitu pada gahi kahi koṭi nati binaya karaba kara jori|
ciṃtā kavanihu bāta kai tāta karia jani mori || 95 ||
tumha puni pitu sama ati hita moreṃ| binatī karau~ tāta kara joreṃ ||
saba bidhi soi karatabya tumhāreṃ| dukha na pāva pitu soca hamāreṃ ||
suni raghunātha saciva saṃbādū| bhayau saparijana bikala niṣādū ||
puni kachu lakhana kahī kaṭu bānī| prabhu baraje baṛa anucita jānī ||
sakuci rāma nija sapatha devāī| lakhana sa~desu kahia jani jāī ||
kaha sumaṃtru puni bhūpa sa~desū| sahi na sakihi siya bipina kalesū ||
jehi bidhi avadha āva phiri sīyā| soi raghubarahi tumhahi karanīyā ||
nataru nipaṭa avalaṃba bihīnā| maiṃ na jiaba jimi jala binu mīnā ||
do. maikeṃ sasareṃ sakala sukha jabahiṃ jahā~ manu māna ||
ta~ha taba rahihi sukhena siya jaba lagi bipati bihāna || 96 ||
binatī bhūpa kīnha jehi bhā~tī| ārati prīti na so kahi jātī ||
pitu sa~desu suni kṛpānidhānā| siyahi dīnha sikha koṭi bidhānā ||
sāsu sasura gura priya parivārū| phiratu ta saba kara miṭai khabhārū ||
suni pati bacana kahati baidehī| sunahu prānapati parama sanehī ||
prabhu karunāmaya parama bibekī| tanu taji rahati chā~ha kimi cheṃkī ||
prabhā jāi kaha~ bhānu bihāī| kaha~ caṃdrikā caṃdu taji jāī ||
patihi premamaya binaya sunāī| kahati saciva sana girā suhāī ||
tumha pitu sasura sarisa hitakārī| utaru deu~ phiri anucita bhārī ||
do. ārati basa sanamukha bhaiu~ bilagu na mānaba tāta|
ārajasuta pada kamala binu bādi jahā~ lagi nāta || 97 ||
pitu baibhava bilāsa maiṃ ḍīṭhā| nṛpa mani mukuṭa milita pada pīṭhā ||
sukhanidhāna asa pitu gṛha moreṃ| piya bihīna mana bhāva na bhoreṃ ||
sasura cakkavai kosalarāū| bhuvana cāridasa pragaṭa prabhāū ||
āgeṃ hoi jehi surapati leī| aradha siṃghāsana āsanu deī ||
sasuru etādṛsa avadha nivāsū| priya parivāru mātu sama sāsū ||
binu raghupati pada paduma parāgā| mohi keu sapanehu~ sukhada na lāgā ||
agama paṃtha banabhūmi pahārā| kari kehari sara sarita apārā ||
kola kirāta kuraṃga bihaṃgā| mohi saba sukhada prānapati saṃgā ||
do. sāsu sasura sana mori hu~ti binaya karabi pari pāya~ ||
mora socu jani karia kachu maiṃ bana sukhī subhāya~ || 98 ||
prānanātha priya devara sāthā| bīra dhurīna dhareṃ dhanu bhāthā ||
nahiṃ maga śramu bhramu dukha mana moreṃ| mohi lagi socu karia jani bhoreṃ ||
suni sumaṃtru siya sītali bānī| bhayau bikala janu phani mani hānī ||
nayana sūjha nahiṃ sunai na kānā| kahi na sakai kachu ati akulānā ||
rāma prabodhu kīnha bahu bhā~ti| tadapi hoti nahiṃ sītali chātī ||
jatana aneka sātha hita kīnhe| ucita utara raghunaṃdana dīnhe ||
meṭi jāi nahiṃ rāma rajāī| kaṭhina karama gati kachu na basāī ||
rāma lakhana siya pada siru nāī| phireu banika jimi mūra gavā~ī ||
do. -ratha hā~keu haya rāma tana heri heri hihināhiṃ|
dekhi niṣāda biṣādabasa dhunahiṃ sīsa pachitāhiṃ || 99 ||
jāsu biyoga bikala pasu aise| prajā mātu pitu jīhahiṃ kaiseṃ ||
barabasa rāma sumaṃtru paṭhāe| surasari tīra āpu taba āe ||
māgī nāva na kevaṭu ānā| kahai tumhāra maramu maiṃ jānā ||
carana kamala raja kahu~ sabu kahaī| mānuṣa karani mūri kachu ahaī ||
chuata silā bhai nāri suhāī| pāhana teṃ na kāṭha kaṭhināī ||
taraniu muni gharini hoi jāī| bāṭa parai mori nāva uṛāī ||
ehiṃ pratipālau~ sabu parivārū| nahiṃ jānau~ kachu aura kabārū ||
jau prabhu pāra avasi gā cahahū| mohi pada paduma pakhārana kahahū ||
chaṃ. pada kamala dhoi caṛhāi nāva na nātha utarāī cahauṃ|
mohi rāma rāuri āna dasaratha sapatha saba sācī kahauṃ ||
baru tīra mārahu~ lakhanu pai jaba lagi na pāya pakhārihauṃ|
taba lagi na tulasīdāsa nātha kṛpāla pāru utārihauṃ ||
so. suni kebaṭa ke baina prema lapeṭe aṭapaṭe|
bihase karunāaina citai jānakī lakhana tana || 100 ||
kṛpāsiṃdhu bole musukāī| soi karu jeṃhi tava nāva na jāī ||
vegi ānu jala pāya pakhārū| hota bilaṃbu utārahi pārū ||
jāsu nāma sumarata eka bārā| utarahiṃ nara bhavasiṃdhu apārā ||
soi kṛpālu kevaṭahi nihorā| jehiṃ jagu kiya tihu pagahu te thorā ||
pada nakha nirakhi devasari haraṣī| suni prabhu bacana moha~ mati karaṣī ||
kevaṭa rāma rajāyasu pāvā| pāni kaṭhavatā bhari lei āvā ||
ati ānaṃda umagi anurāgā| carana saroja pakhārana lāgā ||
baraṣi sumana sura sakala sihāhīṃ| ehi sama punyapuṃja kou nāhīṃ ||
do. pada pakhāri jalu pāna kari āpu sahita parivāra|
pitara pāru kari prabhuhi puni mudita gayau lei pāra || 101 ||
utari ṭhāṛa bhae surasari retā| sīyarāma guha lakhana sametā ||
kevaṭa utari daṃḍavata kīnhā| prabhuhi sakuca ehi nahiṃ kachu dīnhā ||
piya hiya kī siya jānanihārī| mani mudarī mana mudita utārī ||
kaheu kṛpāla lehi utarāī| kevaṭa carana gahe akulāī ||
nātha āju maiṃ kāha na pāvā| miṭe doṣa dukha dārida dāvā ||
bahuta kāla maiṃ kīnhi majūrī| āju dīnha bidhi bani bhali bhūrī ||
aba kachu nātha na cāhia moreṃ| dīnadayāla anugraha toreṃ ||
phiratī bāra mohi je debā| so prasādu maiṃ sira dhari lebā ||
do. bahuta kīnha prabhu lakhana siya~ nahiṃ kachu kevaṭu lei|
bidā kīnha karunāyatana bhagati bimala baru dei || 102 ||
taba majjanu kari raghukulanāthā| pūji pārathiva nāyau māthā ||
siya~ surasarihi kaheu kara jorī| mātu manoratha puraubi morī ||
pati devara saṃga kusala bahorī| āi karauṃ jehiṃ pūjā torī ||
suni siya binaya prema rasa sānī| bhai taba bimala bāri bara bānī ||
sunu raghubīra priyā baidehī| tava prabhāu jaga bidita na kehī ||
lokapa hohiṃ bilokata toreṃ| tohi sevahiṃ saba sidhi kara joreṃ ||
tumha jo hamahi baṛi binaya sunāī| kṛpā kīnhi mohi dīnhi baṛāī ||
tadapi debi maiṃ debi asīsā| saphala hopana hita nija bāgīsā ||
do. prānanātha devara sahita kusala kosalā āi|
pūjahi saba manakāmanā sujasu rahihi jaga chāi || 103 ||
gaṃga bacana suni maṃgala mūlā| mudita sīya surasari anukulā ||
taba prabhu guhahi kaheu ghara jāhū| sunata sūkha mukhu bhā ura dāhū ||
dīna bacana guha kaha kara jorī| binaya sunahu raghukulamani morī ||
nātha sātha rahi paṃthu dekhāī| kari dina cāri carana sevakāī ||
jehiṃ bana jāi rahaba raghurāī| paranakuṭī maiṃ karabi suhāī ||
taba mohi kaha~ jasi deba rajāī| soi karihau~ raghubīra dohāī ||
sahaja saneha rāma lakhi tāsu| saṃga līnha guha hṛdaya hulāsū ||
puni guha~ gyāti boli saba līnhe| kari paritoṣu bidā taba kīnhe ||
do. taba ganapati siva sumiri prabhu nāi surasarihi mātha| ì
sakhā anuja siyā sahita bana gavanu kīnha radhunātha || 104 ||
tehi dina bhayau biṭapa tara bāsū| lakhana sakhā~ saba kīnha supāsū ||
prāta prātakṛta kari radhusāī| tīratharāju dīkha prabhu jāī ||
saciva satya śradhdā priya nārī| mādhava sarisa mītu hitakārī ||
cāri padāratha bharā bha~ḍāru| punya pradesa desa ati cāru ||
chetra agama gaṛhu gāṛha suhāvā| sapanehu~ nahiṃ pratipacchinha pāvā ||
sena sakala tīratha bara bīrā| kaluṣa anīka dalana ranadhīrā ||
saṃgamu siṃhāsanu suṭhi sohā| chatru akhayabaṭu muni manu mohā ||
cava~ra jamuna aru gaṃga taraṃgā| dekhi hohiṃ dukha dārida bhaṃgā ||
do. sevahiṃ sukṛti sādhu suci pāvahiṃ saba manakāma|
baṃdī beda purāna gana kahahiṃ bimala guna grāma || 105 ||
ko kahi sakai prayāga prabhāū| kaluṣa puṃja kuṃjara mṛgarāū ||
asa tīrathapati dekhi suhāvā| sukha sāgara raghubara sukhu pāvā ||
kahi siya lakhanahi sakhahi sunāī| śrīmukha tīratharāja baṛāī ||
kari pranāmu dekhata bana bāgā| kahata mahātama ati anurāgā ||
ehi bidhi āi bilokī benī| sumirata sakala sumaṃgala denī ||
mudita nahāi kīnhi siva sevā| puji jathābidhi tīratha devā ||
taba prabhu bharadvāja pahiṃ āe| karata daṃḍavata muni ura lāe ||
muni mana moda na kachu kahi jāi| brahmānaṃda rāsi janu pāī ||
do. dīnhi asīsa munīsa ura ati anaṃdu asa jāni|
locana gocara sukṛta phala manahu~ kie bidhi āni || 106 ||
kusala prasna kari āsana dīnhe| pūji prema paripūrana kīnhe ||
kaṃda mūla phala aṃkura nīke| die āni muni manahu~ amī ke ||
sīya lakhana jana sahita suhāe| ati ruci rāma mūla phala khāe ||
bhae bigataśrama rāmu sukhāre| bharavdāja mṛdu bacana ucāre ||
āju suphala tapu tīratha tyāgū| āju suphala japa joga birāgū ||
saphala sakala subha sādhana sājū| rāma tumhahi avalokata ājū ||
lābha avadhi sukha avadhi na dūjī| tumhāreṃ darasa āsa saba pūjī ||
aba kari kṛpā dehu bara ehū| nija pada sarasija sahaja sanehū ||
do. karama bacana mana chāṛi chalu jaba lagi janu na tumhāra|
taba lagi sukhu sapanehu~ nahīṃ kie~ koṭi upacāra ||
suni muni bacana rāmu sakucāne| bhāva bhagati ānaṃda aghāne ||
taba raghubara muni sujasu suhāvā| koṭi bhā~ti kahi sabahi sunāvā ||
so baḍa so saba guna gana gehū| jehi munīsa tumha ādara dehū ||
muni raghubīra parasapara navahīṃ| bacana agocara sukhu anubhavahīṃ ||
yaha sudhi pāi prayāga nivāsī| baṭu tāpasa muni siddha udāsī ||
bharadvāja āśrama saba āe| dekhana dasaratha suana suhāe ||
rāma pranāma kīnha saba kāhū| mudita bhae lahi loyana lāhū ||
dehiṃ asīsa parama sukhu pāī| phire sarāhata suṃdaratāī ||
do. rāma kīnha biśrāma nisi prāta prayāga nahāi|
cale sahita siya lakhana jana mudadita munihi siru nāi || 108 ||
rāma saprema kaheu muni pāhīṃ| nātha kahia hama kehi maga jāhīṃ ||
muni mana bihasi rāma sana kahahīṃ| sugama sakala maga tumha kahu~ ahahīṃ ||
sātha lāgi muni siṣya bolāe| suni mana mudita pacāsaka āe ||
sabanhi rāma para prema apārā| sakala kahahi magu dīkha hamārā ||
muni baṭu cāri saṃga taba dīnhe| jinha bahu janama sukṛta saba kīnhe ||
kari pranāmu riṣi āyasu pāī| pramudita hṛdaya~ cale raghurāī ||
grāma nikaṭa jaba nikasahi jāī| dekhahi darasu nāri nara dhāī ||
hohi sanātha janama phalu pāī| phirahi dukhita manu saṃga paṭhāī ||
do. bidā kie baṭu binaya kari phire pāi mana kāma|
utari nahāe jamuna jala jo sarīra sama syāma || 109 ||
sunata tīravāsī nara nārī| dhāe nija nija kāja bisārī ||
lakhana rāma siya sundaratāī| dekhi karahiṃ nija bhāgya baṛāī ||
ati lālasā basahiṃ mana māhīṃ| nāu~ gāu~ būjhata sakucāhīṃ ||
je tinha mahu~ bayabiridha sayāne| tinha kari juguti rāmu pahicāne ||
sakala kathā tinha sabahi sunāī| banahi cale pitu āyasu pāī ||
suni sabiṣāda sakala pachitāhīṃ| rānī rāya~ kīnha bhala nāhīṃ ||
tehi avasara eka tāpasu āvā| tejapuṃja laghubayasa suhāvā ||
kavi alakhita gati beṣu birāgī| mana krama bacana rāma anurāgī ||
do. sajala nayana tana pulaki nija iṣṭadeu pahicāni|
pareu daṃḍa jimi dharanitala dasā na jāi bakhāni || 110 ||
rāma saprema pulaki ura lāvā| parama raṃka janu pārasu pāvā ||
manahu~ premu paramārathu doū| milata dhare tana kaha sabu koū ||
bahuri lakhana pāyanha soi lāgā| līnha uṭhāi umagi anurāgā ||
puni siya carana dhūri dhari sīsā| janani jāni sisu dīnhi asīsā ||
kīnha niṣāda daṃḍavata tehī| mileu mudita lakhi rāma sanehī ||
piata nayana puṭa rūpu piyūṣā| mudita suasanu pāi jimi bhūkhā ||
te pitu mātu kahahu sakhi kaise| jinha paṭhae bana bālaka aise ||
rāma lakhana siya rūpu nihārī| hohiṃ saneha bikala nara nārī ||
do. taba raghubīra aneka bidhi sakhahi sikhāvanu dīnha|
rāma rajāyasu sīsa dhari bhavana gavanu te~i~ kīnha || 111 ||
puni siya~ rāma lakhana kara jorī| jamunahi kīnha pranāmu bahorī ||
cale sasīya mudita dou bhāī| rabitanujā kai karata baṛāī ||
pathika aneka milahiṃ maga jātā| kahahiṃ saprema dekhi dou bhrātā ||
rāja lakhana saba aṃga tumhāreṃ| dekhi socu ati hṛdaya hamāreṃ ||
māraga calahu payādehi pāe~| jyotiṣu jhūṭha hamāreṃ bhāe~ ||
agamu paṃtha giri kānana bhārī| tehi maha~ sātha nāri sukumārī ||
kari kehari bana jāi na joī| hama sa~ga calahi jo āyasu hoī ||
jāba jahā~ lagi taha~ pahu~cāī| phiraba bahori tumhahi siru nāī ||
do. ehi bidhi pū~chahiṃ prema basa pulaka gāta jalu naina|
kṛpāsiṃdhu pherahi tinhahi kahi binīta mṛdu baina || 112 ||
je pura gā~va basahiṃ maga māhīṃ| tinhahi nāga sura nagara sihāhīṃ ||
kehi sukṛtīṃ kehi gharīṃ basāe| dhanya punyamaya parama suhāe ||
jaha~ jaha~ rāma carana cali jāhīṃ| tinha samāna amarāvati nāhīṃ ||
punyapuṃja maga nikaṭa nivāsī| tinhahi sarāhahiṃ surapurabāsī ||
je bhari nayana bilokahiṃ rāmahi| sītā lakhana sahita ghanasyāmahi ||
je sara sarita rāma avagāhahiṃ| tinhahi deva sara sarita sarāhahiṃ ||
jehi taru tara prabhu baiṭhahiṃ jāī| karahiṃ kalapataru tāsu baṛāī ||
parasi rāma pada paduma parāgā| mānati bhūmi bhūri nija bhāgā ||
do. chā~ha karahi ghana bibudhagana baraṣahi sumana sihāhiṃ|
dekhata giri bana bihaga mṛga rāmu cale maga jāhiṃ || 113 ||
sītā lakhana sahita raghurāī| gā~va nikaṭa jaba nikasahiṃ jāī ||
suni saba bāla bṛddha nara nārī| calahiṃ turata gṛhakāju bisārī ||
rāma lakhana siya rūpa nihārī| pāi nayanaphalu hohiṃ sukhārī ||
sajala bilocana pulaka sarīrā| saba bhae magana dekhi dou bīrā ||
barani na jāi dasā tinha kerī| lahi janu raṃkanha suramani ḍherī ||
ekanha eka boli sikha dehīṃ| locana lāhu lehu chana ehīṃ ||
rāmahi dekhi eka anurāge| citavata cale jāhiṃ sa~ga lāge ||
eka nayana maga chabi ura ānī| hohiṃ sithila tana mana bara bānī ||
do. eka dekhiṃ baṭa chā~ha bhali ḍāsi mṛdula tṛna pāta|
kahahiṃ gavā~ia chinuku śramu gavanaba abahiṃ ki prāta || 114 ||
eka kalasa bhari ānahiṃ pānī| a~caia nātha kahahiṃ mṛdu bānī ||
suni priya bacana prīti ati dekhī| rāma kṛpāla susīla biseṣī ||
jānī śramita sīya mana māhīṃ| gharika bilaṃbu kīnha baṭa chāhīṃ ||
mudita nāri nara dekhahiṃ sobhā| rūpa anūpa nayana manu lobhā ||
ekaṭaka saba sohahiṃ cahu~ orā| rāmacaṃdra mukha caṃda cakorā ||
taruna tamāla barana tanu sohā| dekhata koṭi madana manu mohā ||
dāmini barana lakhana suṭhi nīke| nakha sikha subhaga bhāvate jī ke ||
munipaṭa kaṭinha kaseṃ tūnīrā| sohahiṃ kara kamalini dhanu tīrā ||
do. jaṭā mukuṭa sīsani subhaga ura bhuja nayana bisāla|
sarada paraba bidhu badana bara lasata sveda kana jāla || 115 ||
barani na jāi manohara jorī| sobhā bahuta thori mati morī ||
rāma lakhana siya suṃdaratāī| saba citavahiṃ cita mana mati lāī ||
thake nāri nara prema piāse| manahu~ mṛgī mṛga dekhi diā se ||
sīya samīpa grāmatiya jāhīṃ| pū~chata ati saneha~ sakucāhīṃ ||
bāra bāra saba lāgahiṃ pāe~| kahahiṃ bacana mṛdu sarala subhāe~ ||
rājakumāri binaya hama karahīṃ| tiya subhāya~ kachu pū~chata ḍarahīṃ|
svāmini abinaya chamabi hamārī| bilagu na mānaba jāni gavā~rī ||
rājakua~ra dou sahaja salone| inha teṃ lahī duti marakata sone ||
do. syāmala gaura kisora bara suṃdara suṣamā aina|
sarada sarbarīnātha mukhu sarada saroruha naina || 116 ||
māsapārāyaṇa, solahavā~ viśrāma
navānhapārāyaṇa, cauthā viśrāma
koṭi manoja lajāvanihāre| sumukhi kahahu ko āhiṃ tumhāre ||
suni sanehamaya maṃjula bānī| sakucī siya mana mahu~ musukānī ||
tinhahi biloki bilokati dharanī| duhu~ sakoca sakucita barabaranī ||
sakuci saprema bāla mṛga nayanī| bolī madhura bacana pikabayanī ||
sahaja subhāya subhaga tana gore| nāmu lakhanu laghu devara more ||
bahuri badanu bidhu aṃcala ḍhā~kī| piya tana citai bhauṃha kari bā~kī ||
khaṃjana maṃju tirīche nayanani| nija pati kaheu tinhahi siya~ sayanani ||
bhai mudita saba grāmabadhūṭīṃ| raṃkanha rāya rāsi janu lūṭīṃ ||
do. ati saprema siya pāya~ pari bahubidhi dehiṃ asīsa|
sadā sohāgini hohu tumha jaba lagi mahi ahi sīsa || 117 ||
pārabatī sama patipriya hohū| debi na hama para chāṛaba chohū ||
puni puni binaya karia kara jorī| jauṃ ehi māraga phiria bahorī ||
darasanu deba jāni nija dāsī| lakhīṃ sīya~ saba prema piāsī ||
madhura bacana kahi kahi paritoṣīṃ| janu kumudinīṃ kaumudīṃ poṣīṃ ||
tabahiṃ lakhana raghubara rukha jānī| pū~cheu magu loganhi mṛdu bānī ||
sunata nāri nara bhae dukhārī| pulakita gāta bilocana bārī ||
miṭā modu mana bhae malīne| bidhi nidhi dīnha leta janu chīne ||
samujhi karama gati dhīraju kīnhā| sodhi sugama magu tinha kahi dīnhā ||
do. lakhana jānakī sahita taba gavanu kīnha raghunātha|
phere saba priya bacana kahi lie lāi mana sātha || 118 ||
ý
phirata nāri nara ati pachitāhīṃ| deahi doṣu dehiṃ mana māhīṃ ||
sahita biṣāda parasapara kahahīṃ| bidhi karataba ulaṭe saba ahahīṃ ||
nipaṭa niraṃkusa niṭhura nisaṃkū| jehiṃ sasi kīnha saruja sakalaṃkū ||
rūkha kalapataru sāgaru khārā| tehiṃ paṭhae bana rājakumārā ||
jauṃ pe inhahi dīnha banabāsū| kīnha bādi bidhi bhoga bilāsū ||
e bicarahiṃ maga binu padatrānā| race bādi bidhi bāhana nānā ||
e mahi parahiṃ ḍāsi kusa pātā| subhaga seja kata sṛjata bidhātā ||
tarubara bāsa inhahi bidhi dīnhā| dhavala dhāma raci raci śramu kīnhā ||
do. jauṃ e muni paṭa dhara jaṭila suṃdara suṭhi sukumāra|
bibidha bhā~ti bhūṣana basana bādi kie karatāra || 119 ||
jauṃ e kaṃda mūla phala khāhīṃ| bādi sudhādi asana jaga māhīṃ ||
eka kahahiṃ e sahaja suhāe| āpu pragaṭa bhae bidhi na banāe ||
jaha~ lagi beda kahī bidhi karanī| śravana nayana mana gocara baranī ||
dekhahu khoji bhuana dasa cārī| kaha~ asa puruṣa kahā~ asi nārī ||
inhahi dekhi bidhi manu anurāgā| paṭatara joga banāvai lāgā ||
kīnha bahuta śrama aika na āe| tehiṃ iriṣā bana āni durāe ||
eka kahahiṃ hama bahuta na jānahiṃ| āpuhi parama dhanya kari mānahiṃ ||
te puni punyapuṃja hama lekhe| je dekhahiṃ dekhihahiṃ jinha dekhe ||
do. ehi bidhi kahi kahi bacana priya lehiṃ nayana bhari nīra|
kimi calihahi māraga agama suṭhi sukumāra sarīra || 120 ||
nāri saneha bikala basa hohīṃ| cakaī sā~jha samaya janu sohīṃ ||
mṛdu pada kamala kaṭhina magu jānī| gahabari hṛdaya~ kahahiṃ bara bānī ||
parasata mṛdula carana arunāre| sakucati mahi jimi hṛdaya hamāre ||
jauṃ jagadīsa inhahi banu dīnhā| kasa na sumanamaya māragu kīnhā ||
jauṃ māgā pāia bidhi pāhīṃ| e rakhiahiṃ sakhi ā~khinha māhīṃ ||
je nara nāri na avasara āe| tinha siya rāmu na dekhana pāe ||
suni surupa būjhahiṃ akulāī| aba lagi gae kahā~ lagi bhāī ||
samaratha dhāi bilokahiṃ jāī| pramudita phirahiṃ janamaphalu pāī ||
do. abalā bālaka bṛddha jana kara mījahiṃ pachitāhiṃ ||
hohiṃ premabasa loga imi rāmu jahā~ jaha~ jāhiṃ || 121 ||
gā~va gā~va asa hoi anaṃdū| dekhi bhānukula kairava caṃdū ||
je kachu samācāra suni pāvahiṃ| te nṛpa rānihi dosu lagāvahiṃ ||
kahahiṃ eka ati bhala naranāhū| dīnha hamahi joi locana lāhū ||
kahahiṃ paraspara loga logāīṃ| bāteṃ sarala saneha suhāīṃ ||
te pitu mātu dhanya jinha jāe| dhanya so nagaru jahā~ teṃ āe ||
dhanya so desu sailu bana gāū~| jaha~ jaha~ jāhiṃ dhanya soi ṭhāū~ ||
sukha pāyau biraṃci raci tehī| e jehi ke saba bhā~ti sanehī ||
rāma lakhana pathi kathā suhāī| rahī sakala maga kānana chāī ||
do. ehi bidhi raghukula kamala rabi maga loganha sukha deta|
jāhiṃ cale dekhata bipina siya saumitri sameta || 122 ||
āge rāmu lakhanu bane pācheṃ| tāpasa beṣa birājata kācheṃ ||
ubhaya bīca siya sohati kaise| brahma jīva bica māyā jaise ||
bahuri kahau~ chabi jasi mana basaī| janu madhu madana madhya rati lasaī ||
upamā bahuri kahau~ jiya~ johī| janu budha bidhu bica rohini sohī ||
prabhu pada rekha bīca bica sītā| dharati carana maga calati sabhītā ||
sīya rāma pada aṃka barāe~| lakhana calahiṃ magu dāhina lāe~ ||
rāma lakhana siya prīti suhāī| bacana agocara kimi kahi jāī ||
khaga mṛga magana dekhi chabi hohīṃ| lie cori cita rāma baṭohīṃ ||
do. jinha jinha dekhe pathika priya siya sameta dou bhāi|
bhava magu agamu anaṃdu tei binu śrama rahe sirāi || 123 ||
ajahu~ jāsu ura sapanehu~ kāū| basahu~ lakhanu siya rāmu baṭāū ||
rāma dhāma patha pāihi soī| jo patha pāva kabahu~ muni koī ||
taba raghubīra śramita siya jānī| dekhi nikaṭa baṭu sītala pānī ||
taha~ basi kaṃda mūla phala khāī| prāta nahāi cale raghurāī ||
dekhata bana sara saila suhāe| bālamīki āśrama prabhu āe ||
rāma dīkha muni bāsu suhāvana| suṃdara giri kānanu jalu pāvana ||
sarani saroja biṭapa bana phūle| guṃjata maṃju madhupa rasa bhūle ||
khaga mṛga bipula kolāhala karahīṃ| birahita baira mudita mana carahīṃ ||
do. suci suṃdara āśramu nirakhi haraṣe rājivanena|
suni raghubara āgamanu muni āgeṃ āyau lena || 124 ||
muni kahu~ rāma daṃḍavata kīnhā| āsirabādu biprabara dīnhā ||
dekhi rāma chabi nayana juṛāne| kari sanamānu āśramahiṃ āne ||
munibara atithi prānapriya pāe| kaṃda mūla phala madhura magāe ||
siya saumitri rāma phala khāe| taba muni āśrama die suhāe ||
bālamīki mana āna~du bhārī| maṃgala mūrati nayana nihārī ||
taba kara kamala jori raghurāī| bole bacana śravana sukhadāī ||
tumha trikāla darasī munināthā| bisva badara jimi tumhareṃ hāthā ||
asa kahi prabhu saba kathā bakhānī| jehi jehi bhā~ti dīnha banu rānī ||
do. tāta bacana puni mātu hita bhāi bharata asa rāu|
mo kahu~ darasa tumhāra prabhu sabu mama punya prabhāu || 125 ||
dekhi pāya munirāya tumhāre| bhae sukṛta saba suphala hamāre ||
aba jaha~ rāura āyasu hoī| muni udabegu na pāvai koī ||
muni tāpasa jinha teṃ dukhu lahahīṃ| te naresa binu pāvaka dahahīṃ ||
maṃgala mūla bipra paritoṣū| dahai koṭi kula bhūsura roṣū ||
asa jiya~ jāni kahia soi ṭhāū~| siya saumitri sahita jaha~ jāū~ ||
taha~ raci rucira parana tṛna sālā| bāsu karau kachu kāla kṛpālā ||
sahaja sarala suni raghubara bānī| sādhu sādhu bole muni gyānī ||
kasa na kahahu asa raghukulaketū| tumha pālaka saṃtata śruti setū ||
chaṃ. śruti setu pālaka rāma tumha jagadīsa māyā jānakī|
jo sṛjati jagu pālati harati rūkha pāi kṛpānidhāna kī ||
jo sahasasīsu ahīsu mahidharu lakhanu sacarācara dhanī|
sura kāja dhari nararāja tanu cale dalana khala nisicara anī ||
so. rāma sarupa tumhāra bacana agocara buddhipara|
abigata akatha apāra neti nita nigama kaha || 126 ||
jagu pekhana tumha dekhanihāre| bidhi hari saṃbhu nacāvanihāre ||
teu na jānahiṃ maramu tumhārā| auru tumhahi ko jānanihārā ||
soi jānai jehi dehu janāī| jānata tumhahi tumhai hoi jāī ||
tumharihi kṛpā~ tumhahi raghunaṃdana| jānahiṃ bhagata bhagata ura caṃdana ||
cidānaṃdamaya deha tumhārī| bigata bikāra jāna adhikārī ||
nara tanu dharehu saṃta sura kājā| kahahu karahu jasa prākṛta rājā ||
rāma dekhi suni carita tumhāre| jaṛa mohahiṃ budha hohiṃ sukhāre ||
tumha jo kahahu karahu sabu sā~cā| jasa kāchia tasa cāhia nācā ||
do. pū~chehu mohi ki rahauṃ kaha~ maiṃ pū~chata sakucāu~|
jaha~ na hohu taha~ dehu kahi tumhahi dekhāvauṃ ṭhāu~ || 127 ||
suni muni bacana prema rasa sāne| sakuci rāma mana mahu~ musukāne ||
bālamīki ha~si kahahiṃ bahorī| bānī madhura amia rasa borī ||
sunahu rāma aba kahau~ niketā| jahā~ basahu siya lakhana sametā ||
jinha ke śravana samudra samānā| kathā tumhāri subhaga sari nānā ||
bharahiṃ niraṃtara hohiṃ na pūre| tinha ke hiya tumha kahu~ gṛha rūre ||
locana cātaka jinha kari rākhe| rahahiṃ darasa jaladhara abhilāṣe ||
nidarahiṃ sarita siṃdhu sara bhārī| rūpa biṃdu jala hohiṃ sukhārī ||
tinha ke hṛdaya sadana sukhadāyaka| basahu baṃdhu siya saha raghunāyaka ||
do. jasu tumhāra mānasa bimala haṃsini jīhā jāsu|
mukutāhala guna gana cunai rāma basahu hiya~ tāsu || 128 ||
prabhu prasāda suci subhaga subāsā| sādara jāsu lahai nita nāsā ||
tumhahi nibedita bhojana karahīṃ| prabhu prasāda paṭa bhūṣana dharahīṃ ||
sīsa navahiṃ sura guru dvija dekhī| prīti sahita kari binaya biseṣī ||
kara nita karahiṃ rāma pada pūjā| rāma bharosa hṛdaya~ nahi dūjā ||
carana rāma tīratha cali jāhīṃ| rāma basahu tinha ke mana māhīṃ ||
maṃtrarāju nita japahiṃ tumhārā| pūjahiṃ tumhahi sahita parivārā ||
tarapana homa karahiṃ bidhi nānā| bipra jevā~i dehiṃ bahu dānā ||
tumha teṃ adhika gurahi jiya~ jānī| sakala bhāya~ sevahiṃ sanamānī ||
do. sabu kari māgahiṃ eka phalu rāma carana rati hou|
tinha keṃ mana maṃdira basahu siya raghunaṃdana dou || 129 ||
kāma koha mada māna na mohā| lobha na chobha na rāga na drohā ||
jinha keṃ kapaṭa daṃbha nahiṃ māyā| tinha keṃ hṛdaya basahu raghurāyā ||
saba ke priya saba ke hitakārī| dukha sukha sarisa prasaṃsā gārī ||
kahahiṃ satya priya bacana bicārī| jāgata sovata sarana tumhārī ||
tumhahi chāṛi gati dūsari nāhīṃ| rāma basahu tinha ke mana māhīṃ ||
jananī sama jānahiṃ paranārī| dhanu parāva biṣa teṃ biṣa bhārī ||
je haraṣahiṃ para saṃpati dekhī| dukhita hohiṃ para bipati biseṣī ||
jinhahi rāma tumha prānapiāre| tinha ke mana subha sadana tumhāre ||
do. svāmi sakhā pitu mātu gura jinha ke saba tumha tāta|
mana maṃdira tinha keṃ basahu sīya sahita dou bhrāta || 130 ||
avaguna taji saba ke guna gahahīṃ| bipra dhenu hita saṃkaṭa sahahīṃ ||
nīti nipuna jinha kai jaga līkā| ghara tumhāra tinha kara manu nīkā ||
guna tumhāra samujhai nija dosā| jehi saba bhā~ti tumhāra bharosā ||
rāma bhagata priya lāgahiṃ jehī| tehi ura basahu sahita baidehī ||
jāti pā~ti dhanu dharama baṛāī| priya parivāra sadana sukhadāī ||
saba taji tumhahi rahai ura lāī| tehi ke hṛdaya~ rahahu raghurāī ||
saragu naraku apabaragu samānā| jaha~ taha~ dekha dhareṃ dhanu bānā ||
karama bacana mana rāura cerā| rāma karahu tehi keṃ ura ḍerā ||
do. jāhi na cāhia kabahu~ kachu tumha sana sahaja sanehu|
basahu niraṃtara tāsu mana so rāura nija gehu || 131 ||
ehi bidhi munibara bhavana dekhāe| bacana saprema rāma mana bhāe ||
kaha muni sunahu bhānukulanāyaka| āśrama kahau~ samaya sukhadāyaka ||
citrakūṭa giri karahu nivāsū| taha~ tumhāra saba bhā~ti supāsū ||
sailu suhāvana kānana cārū| kari kehari mṛga bihaga bihārū ||
nadī punīta purāna bakhānī| atripriyā nija tapabala ānī ||
surasari dhāra nāu~ maṃdākini| jo saba pātaka potaka ḍākini ||
atri ādi munibara bahu basahīṃ| karahiṃ joga japa tapa tana kasahīṃ ||
calahu saphala śrama saba kara karahū| rāma dehu gaurava giribarahū ||
do. citrakūṭa mahimā amita kahīṃ mahāmuni gāi|
āe nahāe sarita bara siya sameta dou bhāi || 132 ||
raghubara kaheu lakhana bhala ghāṭū| karahu katahu~ aba ṭhāhara ṭhāṭū ||
lakhana dīkha paya utara karārā| cahu~ disi phireu dhanuṣa jimi nārā ||
nadī panaca sara sama dama dānā| sakala kaluṣa kali sāuja nānā ||
citrakūṭa janu acala aherī| cukai na ghāta māra muṭhabherī ||
asa kahi lakhana ṭhāu~ dekharāvā| thalu biloki raghubara sukhu pāvā ||
rameu rāma manu devanha jānā| cale sahita sura thapati pradhānā ||
kola kirāta beṣa saba āe| race parana tṛna sadana suhāe ||
barani na jāhi maṃju dui sālā| eka lalita laghu eka bisālā ||
do. lakhana jānakī sahita prabhu rājata rucira niketa|
soha madanu muni beṣa janu rati riturāja sameta || 133 ||
māsapārāyaṇa, satraha~vā viśrāma
amara nāga kiṃnara disipālā| citrakūṭa āe tehi kālā ||
rāma pranāmu kīnha saba kāhū| mudita deva lahi locana lāhū ||
baraṣi sumana kaha deva samājū| nātha sanātha bhae hama ājū ||
kari binatī dukha dusaha sunāe| haraṣita nija nija sadana sidhāe ||
citrakūṭa raghunaṃdanu chāe| samācāra suni suni muni āe ||
āvata dekhi mudita munibṛṃdā| kīnha daṃḍavata raghukula caṃdā ||
muni raghubarahi lāi ura lehīṃ| suphala hona hita āsiṣa dehīṃ ||
siya saumitra rāma chabi dekhahiṃ| sādhana sakala saphala kari lekhahiṃ ||
do. jathājoga sanamāni prabhu bidā kie munibṛṃda|
karahi joga japa jāga tapa nija āśramanhi suchaṃda || 134 ||
yaha sudhi kola kirātanha pāī| haraṣe janu nava nidhi ghara āī ||
kaṃda mūla phala bhari bhari donā| cale raṃka janu lūṭana sonā ||
tinha maha~ jinha dekhe dou bhrātā| apara tinhahi pū~chahi magu jātā ||
kahata sunata raghubīra nikāī| āi sabanhi dekhe raghurāī ||
karahiṃ johāru bheṃṭa dhari āge| prabhuhi bilokahiṃ ati anurāge ||
citra likhe janu jaha~ taha~ ṭhāṛhe| pulaka sarīra nayana jala bāṛhe ||
rāma saneha magana saba jāne| kahi priya bacana sakala sanamāne ||
prabhuhi johāri bahori bahorī| bacana binīta kahahiṃ kara jorī ||
do. aba hama nātha sanātha saba bhae dekhi prabhu pāya|
bhāga hamāre āgamanu rāura kosalarāya || 135 ||
dhanya bhūmi bana paṃtha pahārā| jaha~ jaha~ nātha pāu tumha dhārā ||
dhanya bihaga mṛga kānanacārī| saphala janama bhae tumhahi nihārī ||
hama saba dhanya sahita parivārā| dīkha darasu bhari nayana tumhārā ||
kīnha bāsu bhala ṭhāu~ bicārī| ihā~ sakala ritu rahaba sukhārī ||
hama saba bhā~ti karaba sevakāī| kari kehari ahi bāgha barāī ||
bana behaṛa giri kaṃdara khohā| saba hamāra prabhu paga paga johā ||
taha~ taha~ tumhahi ahera khelāuba| sara nirajhara jalaṭhāu~ dekhāuba ||
hama sevaka parivāra sametā| nātha na sakucaba āyasu detā ||
do. beda bacana muni mana agama te prabhu karunā aina|
bacana kirātanha ke sunata jimi pitu bālaka baina || 136 ||
rāmahi kevala premu piārā| jāni leu jo jānanihārā ||
rāma sakala banacara taba toṣe| kahi mṛdu bacana prema paripoṣe ||
bidā kie sira nāi sidhāe| prabhu guna kahata sunata ghara āe ||
ehi bidhi siya sameta dou bhāī| basahiṃ bipina sura muni sukhadāī ||
jaba te āi rahe raghunāyaku| taba teṃ bhayau banu maṃgaladāyaku ||
phūlahiṃ phalahiṃ biṭapa bidhi nānā || maṃju balita bara beli bitānā ||
surataru sarisa subhāya~ suhāe| manahu~ bibudha bana parihari āe ||
gaṃja maṃjutara madhukara śrenī| tribidha bayāri bahai sukha denī ||
do. nīlakaṃṭha kalakaṃṭha suka cātaka cakka cakora|
bhā~ti bhā~ti bolahiṃ bihaga śravana sukhada cita cora || 137 ||
keri kehari kapi kola kuraṃgā| bigatabaira bicarahiṃ saba saṃgā ||
phirata ahera rāma chabi dekhī| hohiṃ mudita mṛgabaṃda biseṣī ||
bibudha bipina jaha~ lagi jaga māhīṃ| dekhi rāma banu sakala sihāhīṃ ||
surasari sarasai dinakara kanyā| mekalasutā godāvari dhanyā ||
saba sara siṃdhu nadī nada nānā| maṃdākini kara karahiṃ bakhānā ||
udaya asta giri aru kailāsū| maṃdara meru sakala surabāsū ||
saila himācala ādika jete| citrakūṭa jasu gāvahiṃ tete ||
biṃdhi mudita mana sukhu na samāī| śrama binu bipula baṛāī pāī ||
do. citrakūṭa ke bihaga mṛga beli biṭapa tṛna jāti|
punya puṃja saba dhanya asa kahahiṃ deva dina rāti || 138 ||
nayanavaṃta raghubarahi bilokī| pāi janama phala hohiṃ bisokī ||
parasi carana raja acara sukhārī| bhae parama pada ke adhikārī ||
so banu sailu subhāya~ suhāvana| maṃgalamaya ati pāvana pāvana ||
mahimā kahia kavani bidhi tāsū| sukhasāgara jaha~ kīnha nivāsū ||
paya payodhi taji avadha bihāī| jaha~ siya lakhanu rāmu rahe āī ||
kahi na sakahiṃ suṣamā jasi kānana| jauṃ sata sahasa hoṃhiṃ sahasānana ||
so maiṃ barani kahauṃ bidhi kehīṃ| ḍābara kamaṭha ki maṃdara lehīṃ ||
sevahiṃ lakhanu karama mana bānī| jāi na sīlu sanehu bakhānī ||
do. -chinu chinu lakhi siya rāma pada jāni āpu para nehu|
karata na sapanehu~ lakhanu citu baṃdhu mātu pitu gehu || 139 ||
rāma saṃga siya rahati sukhārī| pura parijana gṛha surati bisārī ||
chinu chinu piya bidhu badanu nihārī| pramudita manahu~ cakorakumārī ||
nāha nehu nita baṛhata bilokī| haraṣita rahati divasa jimi kokī ||
siya manu rāma carana anurāgā| avadha sahasa sama banu priya lāgā ||
paranakuṭī priya priyatama saṃgā| priya parivāru kuraṃga bihaṃgā ||
sāsu sasura sama munitiya munibara| asanu amia sama kaṃda mūla phara ||
nātha sātha sā~tharī suhāī| mayana sayana saya sama sukhadāī ||
lokapa hohiṃ bilokata jāsū| tehi ki mohi saka biṣaya bilāsū ||
do. -sumirata rāmahi tajahiṃ jana tṛna sama biṣaya bilāsu|
rāmapriyā jaga janani siya kachu na ācaraju tāsu || 140 ||
sīya lakhana jehi bidhi sukhu lahahīṃ| soi raghunātha karahi soi kahahīṃ ||
kahahiṃ purātana kathā kahānī| sunahiṃ lakhanu siya ati sukhu mānī|
jaba jaba rāmu avadha sudhi karahīṃ| taba taba bāri bilocana bharahīṃ ||
sumiri mātu pitu parijana bhāī| bharata sanehu sīlu sevakāī ||
kṛpāsiṃdhu prabhu hohiṃ dukhārī| dhīraju dharahiṃ kusamau bicārī ||
lakhi siya lakhanu bikala hoi jāhīṃ| jimi puruṣahi anusara parichāhīṃ ||
priyā baṃdhu gati lakhi raghunaṃdanu| dhīra kṛpāla bhagata ura caṃdanu ||
lage kahana kachu kathā punītā| suni sukhu lahahiṃ lakhanu aru sītā ||
do. rāmu lakhana sītā sahita sohata parana niketa|
jimi bāsava basa amarapura sacī jayaṃta sameta || 141 ||
jogavahiṃ prabhu siya lakhanahiṃ kaiseṃ| palaka bilocana golaka jaiseṃ ||
sevahiṃ lakhanu sīya raghubīrahi| jimi abibekī puruṣa sarīrahi ||
ehi bidhi prabhu bana basahiṃ sukhārī| khaga mṛga sura tāpasa hitakārī ||
kaheu~ rāma bana gavanu suhāvā| sunahu sumaṃtra avadha jimi āvā ||
phireu niṣādu prabhuhi pahu~cāī| saciva sahita ratha dekhesi āī ||
maṃtrī bikala biloki niṣādū| kahi na jāi jasa bhayau biṣādū ||
rāma rāma siya lakhana pukārī| pareu dharanitala byākula bhārī ||
dekhi dakhina disi haya hihināhīṃ| janu binu paṃkha bihaga akulāhīṃ ||
do. nahiṃ tṛna carahiṃ piahiṃ jalu mocahiṃ locana bāri|
byākula bhae niṣāda saba raghubara bāji nihāri || 142 ||
dhari dhīraja taba kahai niṣādū| aba sumaṃtra pariharahu biṣādū ||
tumha paṃḍita paramāratha gyātā| dharahu dhīra lakhi bimukha bidhātā
bibidha kathā kahi kahi mṛdu bānī| ratha baiṭhāreu barabasa ānī ||
soka sithila ratha sakai na hā~kī| raghubara biraha pīra ura bā~kī ||
carapharāhi~ maga calahiṃ na ghore| bana mṛga manahu~ āni ratha jore ||
aṛhuki parahiṃ phiri herahiṃ pīcheṃ| rāma biyogi bikala dukha tīcheṃ ||
jo kaha rāmu lakhanu baidehī| hiṃkari hiṃkari hita herahiṃ tehī ||
bāji biraha gati kahi kimi jātī| binu mani phanika bikala jehi bhā~tī ||
do. bhayau niṣāda biṣādabasa dekhata saciva turaṃga|
boli susevaka cāri taba die sārathī saṃga || 143 ||
guha sārathihi phireu pahu~cāī| birahu biṣādu barani nahiṃ jāī ||
cale avadha lei rathahi niṣādā| hohi chanahiṃ chana magana biṣādā ||
soca sumaṃtra bikala dukha dīnā| dhiga jīvana raghubīra bihīnā ||
rahihi na aṃtahu~ adhama sarīrū| jasu na laheu bichurata raghubīrū ||
bhae ajasa agha bhājana prānā| kavana hetu nahiṃ karata payānā ||
ahaha maṃda manu avasara cūkā| ajahu~ na hṛdaya hota dui ṭūkā ||
mīji hātha siru dhuni pachitāī| manaha~ kṛpana dhana rāsi gavā~ī ||
birida bā~dhi bara bīru kahāī| caleu samara janu subhaṭa parāī ||
do. bipra bibekī bedabida saṃmata sādhu sujāti|
jimi dhokheṃ madapāna kara saciva soca tehi bhā~ti || 144 ||
jimi kulīna tiya sādhu sayānī| patidevatā karama mana bānī ||
rahai karama basa parihari nāhū| saciva hṛdaya~ timi dāruna dāhu ||
locana sajala ḍīṭhi bhai thorī| sunai na śravana bikala mati bhorī ||
sūkhahiṃ adhara lāgi muha~ lāṭī| jiu na jāi ura avadhi kapāṭī ||
bibarana bhayau na jāi nihārī| māresi manahu~ pitā mahatārī ||
hāni galāni bipula mana byāpī| jamapura paṃtha soca jimi pāpī ||
bacanu na āva hṛdaya~ pachitāī| avadha kāha maiṃ dekhaba jāī ||
rāma rahita ratha dekhihi joī| sakucihi mohi bilokata soī ||
do. -dhāi pū~chihahiṃ mohi jaba bikala nagara nara nāri|
utaru deba maiṃ sabahi taba hṛdaya~ bajru baiṭhāri || 145 ||
puchihahiṃ dīna dukhita saba mātā| kahaba kāha maiṃ tinhahi bidhātā ||
pūchihi jabahiṃ lakhana mahatārī| kahihau~ kavana sa~desa sukhārī ||
rāma janani jaba āihi dhāī| sumiri bacchu jimi dhenu lavāī ||
pū~chata utaru deba maiṃ tehī| ge banu rāma lakhanu baidehī ||
joi pū~chihi tehi ūtaru debā|jāi avadha aba yahu sukhu lebā ||
pū~chihi jabahiṃ rāu dukha dīnā| jivanu jāsu raghunātha adhīnā ||
dehau~ utaru kaunu muhu lāī| āyau~ kusala kua~ra pahu~cāī ||
sunata lakhana siya rāma sa~desū| tṛna jimi tanu pariharihi naresū ||
do. -hradau na bidareu paṃka jimi bichurata prītamu nīru ||
jānata hauṃ mohi dīnha bidhi yahu jātanā sarīru || 146 ||
ehi bidhi karata paṃtha pachitāvā| tamasā tīra turata rathu āvā ||
bidā kie kari binaya niṣādā| phire pāya~ pari bikala biṣādā ||
paiṭhata nagara saciva sakucāī| janu māresi gura bā~bhana gāī ||
baiṭhi biṭapa tara divasu gavā~vā| sā~jha samaya taba avasaru pāvā ||
avadha prabesu kīnha a~dhiāreṃ| paiṭha bhavana rathu rākhi duāreṃ ||
jinha jinha samācāra suni pāe| bhūpa dvāra rathu dekhana āe ||
rathu pahicāni bikala lakhi ghore| garahiṃ gāta jimi ātapa ore ||
nagara nāri nara byākula kaiṃseṃ| nighaṭata nīra mīnagana jaiṃseṃ ||
do. -saciva āgamanu sunata sabu bikala bhayau ranivāsu|
bhavana bhayaṃkaru lāga tehi mānahu~ preta nivāsu || 147 ||
ati ārati saba pū~chahiṃ rānī| utaru na āva bikala bhai bānī ||
sunai na śravana nayana nahiṃ sūjhā| kahahu kahā~ nṛpa tehi tehi būjhā ||
dāsinha dīkha saciva bikalāī| kausalyā gṛha~ gaīṃ lavāī ||
jāi sumaṃtra dīkha kasa rājā| amia rahita janu caṃdu birājā ||
āsana sayana bibhūṣana hīnā| pareu bhūmitala nipaṭa malīnā ||
lei usāsu soca ehi bhā~tī| surapura teṃ janu kha~seu jajātī ||
leta soca bhari chinu chinu chātī| janu jari paṃkha pareu saṃpātī ||
rāma rāma kaha rāma sanehī| puni kaha rāma lakhana baidehī ||
do. dekhi saciva~ jaya jīva kahi kīnheu daṃḍa pranāmu|
sunata uṭheu byākula nṛpati kahu sumaṃtra kaha~ rāmu || 148 ||
bhūpa sumaṃtru līnha ura lāī| būṛata kachu adhāra janu pāī ||
sahita saneha nikaṭa baiṭhārī| pū~chata rāu nayana bhari bārī ||
rāma kusala kahu sakhā sanehī| kaha~ raghunāthu lakhanu baidehī ||
āne pheri ki banahi sidhāe| sunata saciva locana jala chāe ||
soka bikala puni pū~cha naresū| kahu siya rāma lakhana saṃdesū ||
rāma rūpa guna sīla subhāū| sumiri sumiri ura socata rāū ||
rāu sunāi dīnha banabāsū| suni mana bhayau na haraṣu harā~sū ||
so suta bichurata gae na prānā| ko pāpī baṛa mohi samānā ||
do. sakhā rāmu siya lakhanu jaha~ tahā~ mohi pahu~cāu|
nāhiṃ ta cāhata calana aba prāna kahau~ satibhāu || 149 ||
puni puni pū~chata maṃtrahi rāū| priyatama suana sa~desa sunāū ||
karahi sakhā soi begi upāū| rāmu lakhanu siya nayana dekhāū ||
saciva dhīra dhari kaha mudu bānī| mahārāja tumha paṃḍita gyānī ||
bīra sudhīra dhuraṃdhara devā| sādhu samāju sadā tumha sevā ||
janama marana saba dukha bhogā| hāni lābha priya milana biyogā ||
kāla karama basa hauhiṃ gosāīṃ| barabasa rāti divasa kī nāīṃ ||
sukha haraṣahiṃ jaṛa dukha bilakhāhīṃ| dou sama dhīra dharahiṃ mana māhīṃ ||
dhīraja dharahu bibeku bicārī| chāṛia soca sakala hitakārī ||
do. prathama bāsu tamasā bhayau dūsara surasari tīra|
nhāī rahe jalapānu kari siya sameta dou bīra || 150 ||
kevaṭa kīnhi bahuta sevakāī| so jāmini siṃgaraura gavā~ī ||
hota prāta baṭa chīru magāvā| jaṭā mukuṭa nija sīsa banāvā ||
rāma sakhā~ taba nāva magāī| priyā caṛhāi caṛhe raghurāī ||
lakhana bāna dhanu dhare banāī| āpu caṛhe prabhu āyasu pāī ||
bikala biloki mohi raghubīrā| bole madhura bacana dhari dhīrā ||
tāta pranāmu tāta sana kahehu| bāra bāra pada paṃkaja gahehū ||
karabi pāya~ pari binaya bahorī| tāta karia jani ciṃtā morī ||
bana maga maṃgala kusala hamāreṃ| kṛpā anugraha punya tumhāreṃ ||
chaṃ. tumhare anugraha tāta kānana jāta saba sukhu pāihauṃ|
pratipāli āyasu kusala dekhana pāya puni phiri āihauṃ ||
jananīṃ sakala paritoṣi pari pari pāya~ kari binatī ghanī|
tulasī karehu soi jatanu jehiṃ kusalī rahahiṃ kosala dhanī ||
so. gura sana kahaba sa~desu bāra bāra pada paduma gahi|
karaba soi upadesu jehiṃ na soca mohi avadhapati || 151 ||
purajana parijana sakala nihorī| tāta sunāehu binatī morī ||
soi saba bhā~ti mora hitakārī| jāteṃ raha naranāhu sukhārī ||
kahaba sa~desu bharata ke āe~| nīti na tajia rājapadu pāe~ ||
pālehu prajahi karama mana bānī| sīhu mātu sakala sama jānī ||
ora nibāhehu bhāyapa bhāī| kari pitu mātu sujana sevakāī ||
tāta bhā~ti tehi rākhaba rāū| soca mora jehiṃ karai na kāū ||
lakhana kahe kachu bacana kaṭhorā| baraji rāma puni mohi nihorā ||
bāra bāra nija sapatha devāī| kahabi na tāta lakhana larikāī ||
do. kahi pranāma kachu kahana liya siya bhai sithila saneha|
thakita bacana locana sajala pulaka pallavita deha || 152 ||
tehi avasara raghubara rūkha pāī| kevaṭa pārahi nāva calāī ||
raghukulatilaka cale ehi bhā~tī| dekhau~ ṭhāṛha kulisa dhari chātī ||
maiṃ āpana kimi kahauṃ kalesū| jiata phireu~ lei rāma sa~desū ||
asa kahi saciva bacana rahi gayaū| hāni galāni soca basa bhayaū ||
suta bacana sunatahiṃ naranāhū| pareu dharani ura dāruna dāhū ||
talaphata biṣama moha mana māpā| mājā manahu~ mīna kahu~ byāpā ||
kari bilāpa saba rovahiṃ rānī| mahā bipati kimi jāi bakhānī ||
suni bilāpa dukhahū dukhu lāgā| dhīrajahū kara dhīraju bhāgā ||
do. bhayau kolāhalu avadha ati suni nṛpa rāura soru|
bipula bihaga bana pareu nisi mānahu~ kulisa kaṭhoru || 153 ||
prāna kaṃṭhagata bhayau bhuālū| mani bihīna janu byākula byālū ||
idrīṃ sakala bikala bhai~ bhārī| janu sara sarasija banu binu bārī ||
kausalyā~ nṛpu dīkha malānā| rabikula rabi a~thayau jiya~ jānā|
ura dhari dhīra rāma mahatārī| bolī bacana samaya anusārī ||
nātha samujhi mana karia bicārū| rāma biyoga payodhi apārū ||
karanadhāra tumha avadha jahājū| caṛheu sakala priya pathika samājū ||
dhīraju dharia ta pāia pārū| nāhiṃ ta būṛihi sabu parivārū ||
jauṃ jiya~ dharia binaya piya morī| rāmu lakhanu siya milahiṃ bahorī ||
do. -priyā bacana mṛdu sunata nṛpu citayau ā~khi ughāri|
talaphata mīna malīna janu sīṃcata sītala bāri || 154 ||
dhari dhīraju uṭhī baiṭha bhuālū| kahu sumaṃtra kaha~ rāma kṛpālū ||
kahā~ lakhanu kaha~ rāmu sanehī| kaha~ priya putrabadhū baidehī ||
bilapata rāu bikala bahu bhā~tī| bhai juga sarisa sirāti na rātī ||
tāpasa aṃdha sāpa sudhi āī| kausalyahi saba kathā sunāī ||
bhayau bikala baranata itihāsā| rāma rahita dhiga jīvana āsā ||
so tanu rākhi karaba maiṃ kāhā| jeṃhi na prema panu mora nibāhā ||
hā raghunaṃdana prāna pirīte| tumha binu jiata bahuta dina bīte ||
hā jānakī lakhana hā raghubara| hā pitu hita cita cātaka jaladhara|
do. rāma rāma kahi rāma kahi rāma rāma kahi rāma|
tanu parihari raghubara biraha~ rāu gayau suradhāma || 155 ||
jiana marana phalu dasaratha pāvā| aṃḍa aneka amala jasu chāvā ||
jiata rāma bidhu badanu nihārā| rāma biraha kari maranu sa~vārā ||
soka bikala saba rovahiṃ rānī| rūpu sīla balu teju bakhānī ||
karahiṃ bilāpa aneka prakārā| parahīṃ bhūmitala bārahiṃ bārā ||
bilapahiṃ bikala dāsa aru dāsī| ghara ghara rudanu karahiṃ purabāsī ||
a~thayau āju bhānukula bhānū| dharama avadhi guna rūpa nidhānū ||
gārīṃ sakala kaikaihi dehīṃ| nayana bihīna kīnha jaga jehīṃ ||
ehi bidhi bilapata raini bihānī| āe sakala mahāmuni gyānī ||
do. taba basiṣṭha muni samaya sama kahi aneka itihāsa|
soka nevāreu sabahi kara nija bigyāna prakāsa || 156 ||
tela nā~va bhari nṛpa tanu rākhā| dūta bolāi bahuri asa bhāṣā ||
dhāvahu begi bharata pahiṃ jāhū| nṛpa sudhi katahu~ kahahu jani kāhū ||
etanei kahehu bharata sana jāī| gura bolāī paṭhayau dou bhāī ||
suni muni āyasu dhāvana dhāe| cale bega bara bāji lajāe ||
anarathu avadha araṃbheu jaba teṃ| kusaguna hohiṃ bharata kahu~ taba teṃ ||
dekhahiṃ rāti bhayānaka sapanā| jāgi karahiṃ kaṭu koṭi kalapanā ||
bipra jevā~i dehiṃ dina dānā| siva abhiṣeka karahiṃ bidhi nānā ||
māgahiṃ hṛdaya~ mahesa manāī| kusala mātu pitu parijana bhāī ||
do. ehi bidhi socata bharata mana dhāvana pahu~ce āi|
gura anusāsana śravana suni cale ganesu manāi || 157 ||
cale samīra bega haya hā~ke| nāghata sarita saila bana bā~ke ||
hṛdaya~ socu baṛa kachu na sohāī| asa jānahiṃ jiya~ jāu~ uṛāī ||
eka nimeṣa barasa sama jāī| ehi bidhi bharata nagara niarāī ||
asaguna hohiṃ nagara paiṭhārā| raṭahiṃ kubhā~ti kukheta karārā ||
khara siāra bolahiṃ pratikūlā| suni suni hoi bharata mana sūlā ||
śrīhata sara saritā bana bāgā| nagaru biseṣi bhayāvanu lāgā ||
khaga mṛga haya gaya jāhiṃ na joe| rāma biyoga kuroga bigoe ||
nagara nāri nara nipaṭa dukhārī| manahu~ sabanhi saba saṃpati hārī ||
do. purajana milihiṃ na kahahiṃ kachu gava~hiṃ johārahiṃ jāhiṃ|
bharata kusala pū~chi na sakahiṃ bhaya biṣāda mana māhiṃ || 158 ||
hāṭa bāṭa nahiṃ jāi nihārī| janu pura daha~ disi lāgi davārī ||
āvata suta suni kaikayanaṃdini| haraṣī rabikula jalaruha caṃdini ||
saji āratī mudita uṭhi dhāī| dvārehiṃ bheṃṭi bhavana lei āī ||
bharata dukhita parivāru nihārā| mānahu~ tuhina banaja banu mārā ||
kaikeī haraṣita ehi bhā~ti| manahu~ mudita dava lāi kirātī ||
sutahi sasoca dekhi manu māreṃ| pū~chati naihara kusala hamāreṃ ||
sakala kusala kahi bharata sunāī| pū~chī nija kula kusala bhalāī ||
kahu kaha~ tāta kahā~ saba mātā| kaha~ siya rāma lakhana priya bhrātā ||
do. suni suta bacana sanehamaya kapaṭa nīra bhari naina|
bharata śravana mana sūla sama pāpini bolī baina || 159 ||
tāta bāta maiṃ sakala sa~vārī| bhai maṃtharā sahāya bicārī ||
kachuka kāja bidhi bīca bigāreu| bhūpati surapati pura pagu dhāreu ||
sunata bharatu bhae bibasa biṣādā| janu sahameu kari kehari nādā ||
tāta tāta hā tāta pukārī| pare bhūmitala byākula bhārī ||
calata na dekhana pāyau~ tohī| tāta na rāmahi sauṃpehu mohī ||
bahuri dhīra dhari uṭhe sa~bhārī| kahu pitu marana hetu mahatārī ||
suni suta bacana kahati kaikeī| maramu pā~chi janu māhura deī ||
ādihu teṃ saba āpani karanī| kuṭila kaṭhora mudita mana baranī ||
do. bharatahi bisareu pitu marana sunata rāma bana gaunu|
hetu apanapau jāni jiya~ thakita rahe dhari maunu || 160 ||
bikala biloki sutahi samujhāvati| manahu~ jare para lonu lagāvati ||
tāta rāu nahiṃ soce jogū| biṛhai sukṛta jasu kīnheu bhogū ||
jīvata sakala janama phala pāe| aṃta amarapati sadana sidhāe ||
asa anumāni soca pariharahū| sahita samāja rāja pura karahū ||
suni suṭhi sahameu rājakumārū| pākeṃ chata janu lāga a~gārū ||
dhīraja dhari bhari lehiṃ usāsā| pāpani sabahi bhā~ti kula nāsā ||
jauṃ pai kuruci rahī ati tohī| janamata kāhe na māre mohī ||
peṛa kāṭi taiṃ pālau sīṃcā| mīna jiana niti bāri ulīcā ||
do. haṃsabaṃsu dasarathu janaku rāma lakhana se bhāi|
jananī tū~ jananī bhaī bidhi sana kachu na basāi || 161 ||
jaba taiṃ kumati kumata jiya~ ṭhayaū| khaṃḍa khaṃḍa hoi hradau na gayaū ||
bara māgata mana bhai nahiṃ pīrā| gari na jīha muha~ pareu na kīrā ||
bhūpa~ pratīta tori kimi kīnhī| marana kāla bidhi mati hari līnhī ||
bidhihu~ na nāri hṛdaya gati jānī| sakala kapaṭa agha avaguna khānī ||
sarala susīla dharama rata rāū| so kimi jānai tīya subhāū ||
asa ko jīva jaṃtu jaga māhīṃ| jehi raghunātha prānapriya nāhīṃ ||
bhe ati ahita rāmu teu tohī| ko tū ahasi satya kahu mohī ||
jo hasi so hasi muha~ masi lāī| ā~khi oṭa uṭhi baiṭhahiṃ jāī ||
do. rāma birodhī hṛdaya teṃ pragaṭa kīnha bidhi mohi|
mo samāna ko pātakī bādi kahau~ kachu tohi || 162 ||
suni satrughuna mātu kuṭilāī| jarahiṃ gāta risa kachu na basāī ||
tehi avasara kubarī taha~ āī| basana bibhūṣana bibidha banāī ||
lakhi risa bhareu lakhana laghu bhāī| barata anala ghṛta āhuti pāī ||
humagi lāta taki kūbara mārā| pari muha bhara mahi karata pukārā ||
kūbara ṭūṭeu phūṭa kapārū| dalita dasana mukha rudhira pracārū ||
āha daia maiṃ kāha nasāvā| karata nīka phalu anaisa pāvā ||
suni ripuhana lakhi nakha sikha khoṭī| lage ghasīṭana dhari dhari jhoṃṭī ||
bharata dayānidhi dīnhi chaṛāī| kausalyā pahiṃ ge dou bhāī ||
do. malina basana bibarana bikala kṛsa sarīra dukha bhāra|
kanaka kalapa bara beli bana mānahu~ hanī tusāra || 163 ||
bharatahi dekhi mātu uṭhi dhāī| muruchita avani parī jhai~ āī ||
dekhata bharatu bikala bhae bhārī| pare carana tana dasā bisārī ||
mātu tāta kaha~ dehi dekhāī| kaha~ siya rāmu lakhanu dou bhāī ||
kaikai kata janamī jaga mājhā| jauṃ janami ta bhai kāhe na bā~jhā ||
kula kalaṃku jehiṃ janameu mohī| apajasa bhājana priyajana drohī ||
ko tibhuvana mohi sarisa abhāgī| gati asi tori mātu jehi lāgī ||
pitu surapura bana raghubara ketū| maiṃ kevala saba anaratha hetu ||
dhiga mohi bhayau~ benu bana āgī| dusaha dāha dukha dūṣana bhāgī ||
do. mātu bharata ke bacana mṛdu suni suni uṭhī sa~bhāri ||
lie uṭhāi lagāi ura locana mocati bāri || 164 ||
sarala subhāya māya~ hiya~ lāe| ati hita manahu~ rāma phiri āe ||
bheṃṭeu bahuri lakhana laghu bhāī| soku sanehu na hṛdaya~ samāī ||
dekhi subhāu kahata sabu koī| rāma mātu asa kāhe na hoī ||
mātā~ bharatu goda baiṭhāre| ā~su pauṃchi mṛdu bacana ucāre ||
ajahu~ baccha bali dhīraja dharahū| kusamau samujhi soka pariharahū ||
jani mānahu hiya~ hāni galānī| kāla karama gati aghaṭita jāni ||
kāhuhi dosu dehu jani tātā| bhā mohi saba bidhi bāma bidhātā ||
jo etehu~ dukha mohi jiāvā| ajahu~ ko jānai kā tehi bhāvā ||
do. pitu āyasa bhūṣana basana tāta taje raghubīra|
bisamau haraṣu na hṛdaya~ kachu pahire balakala cīra| 165 ||
mukha prasanna mana raṃga na roṣū| saba kara saba bidhi kari paritoṣū ||
cale bipina suni siya sa~ga lāgī| rahai na rāma carana anurāgī ||
sunatahiṃ lakhanu cale uṭhi sāthā| rahahiṃ na jatana kie raghunāthā ||
taba raghupati sabahī siru nāī| cale saṃga siya aru laghu bhāī ||
rāmu lakhanu siya banahi sidhāe| gaiu~ na saṃga na prāna paṭhāe ||
yahu sabu bhā inha ā~khinha āgeṃ| tau na tajā tanu jīva abhāgeṃ ||
mohi na lāja nija nehu nihārī| rāma sarisa suta maiṃ mahatārī ||
jiai marai bhala bhūpati jānā| mora hṛdaya sata kulisa samānā ||
do. kausalyā ke bacana suni bharata sahita ranivāsa|
byākula bilapata rājagṛha mānahu~ soka nevāsu || 166 ||
bilapahiṃ bikala bharata dou bhāī| kausalyā~ lie hṛdaya~ lagāī ||
bhā~ti aneka bharatu samujhāe| kahi bibekamaya bacana sunāe ||
bharatahu~ mātu sakala samujhāīṃ| kahi purāna śruti kathā suhāīṃ ||
chala bihīna suci sarala subānī| bole bharata jori juga pānī ||
je agha mātu pitā suta māreṃ| gāi goṭha mahisura pura jāreṃ ||
je agha tiya bālaka badha kīnheṃ| mīta mahīpati māhura dīnheṃ ||
je pātaka upapātaka ahahīṃ| karama bacana mana bhava kabi kahahīṃ ||
te pātaka mohi hohu~ bidhātā| jauṃ yahu hoi mora mata mātā ||
do. je parihari hari hara carana bhajahiṃ bhūtagana ghora|
tehi kai gati mohi deu bidhi jauṃ jananī mata mora || 167 ||
becahiṃ bedu dharamu duhi lehīṃ| pisuna parāya pāpa kahi dehīṃ ||
kapaṭī kuṭila kalahapriya krodhī| beda bidūṣaka bisva birodhī ||
lobhī laṃpaṭa lolupacārā| je tākahiṃ paradhanu paradārā ||
pāvauṃ maiṃ tinha ke gati ghorā| jauṃ jananī yahu saṃmata morā ||
je nahiṃ sādhusaṃga anurāge| paramāratha patha bimukha abhāge ||
je na bhajahiṃ hari naratanu pāī| jinhahi na hari hara sujasu sohāī ||
taji śrutipaṃthu bāma patha calahīṃ| baṃcaka biraci beṣa jagu chalahīṃ ||
tinha kai gati mohi saṃkara deū| jananī jauṃ yahu jānauṃ bheū ||
do. mātu bharata ke bacana suni sā~ce sarala subhāya~|
kahati rāma priya tāta tumha sadā bacana mana kāya~ || 168 ||
rāma prānahu teṃ prāna tumhāre| tumha raghupatihi prānahu teṃ pyāre ||
bidhu biṣa cavai stravai himu āgī| hoi bāricara bāri birāgī ||
bhae~ gyānu baru miṭai na mohū| tumha rāmahi pratikūla na hohū ||
mata tumhāra yahu jo jaga kahahīṃ| so sapanehu~ sukha sugati na lahahīṃ ||
asa kahi mātu bharatu hiya~ lāe| thana paya stravahiṃ nayana jala chāe ||
karata bilāpa bahuta yahi bhā~tī| baiṭhehiṃ bīti gai saba rātī ||
bāmadeu basiṣṭha taba āe| saciva mahājana sakala bolāe ||
muni bahu bhā~ti bharata upadese| kahi paramāratha bacana sudese ||
do. tāta hṛdaya~ dhīraju dharahu karahu jo avasara āju|
uṭhe bharata gura bacana suni karana kaheu sabu sāju || 169 ||
nṛpatanu beda bidita anhavāvā| parama bicitra bimānu banāvā ||
gahi pada bharata mātu saba rākhī| rahīṃ rāni darasana abhilāṣī ||
caṃdana agara bhāra bahu āe| amita aneka sugaṃdha suhāe ||
saraju tīra raci citā banāī| janu surapura sopāna suhāī ||
ehi bidhi dāha kriyā saba kīnhī| bidhivata nhāi tilāṃjuli dīnhī ||
sodhi sumṛti saba beda purānā| kīnha bharata dasagāta bidhānā ||
jaha~ jasa munibara āyasu dīnhā| taha~ tasa sahasa bhā~ti sabu kīnhā ||
bhae bisuddha die saba dānā| dhenu bāji gaja bāhana nānā ||
do. siṃghāsana bhūṣana basana anna dharani dhana dhāma|
die bharata lahi bhūmisura bhe paripūrana kāma || 170 ||
pitu hita bharata kīnhi jasi karanī| so mukha lākha jāi nahiṃ baranī ||
sudinu sodhi munibara taba āe| saciva mahājana sakala bolāe ||
baiṭhe rājasabhā~ saba jāī| paṭhae boli bharata dou bhāī ||
bharatu basiṣṭha nikaṭa baiṭhāre| nīti dharamamaya bacana ucāre ||
prathama kathā saba munibara baranī| kaikai kuṭila kīnhi jasi karanī ||
bhūpa dharamabratu satya sarāhā| jehiṃ tanu parihari premu nibāhā ||
kahata rāma guna sīla subhāū| sajala nayana pulakeu munirāū ||
bahuri lakhana siya prīti bakhānī| soka saneha magana muni gyānī ||
do. sunahu bharata bhāvī prabala bilakhi kaheu muninātha|
hāni lābhu jīvana maranu jasu apajasu bidhi hātha || 171 ||
asa bicāri kehi deia dosū| byaratha kāhi para kījia rosū ||
tāta bicāru kehi karahu mana māhīṃ| soca jogu dasarathu nṛpu nāhīṃ ||
socia bipra jo beda bihīnā| taji nija dharamu biṣaya layalīnā ||
socia nṛpati jo nīti na jānā| jehi na prajā priya prāna samānā ||
socia bayasu kṛpana dhanavānū| jo na atithi siva bhagati sujānū ||
socia sūdru bipra avamānī| mukhara mānapriya gyāna gumānī ||
socia puni pati baṃcaka nārī| kuṭila kalahapriya icchācārī ||
socia baṭu nija bratu pariharaī| jo nahiṃ gura āyasu anusaraī ||
do. socia gṛhī jo moha basa karai karama patha tyāga|
socia jati praṃpaca rata bigata bibeka birāga || 172 ||
baikhānasa soi socai jogu| tapu bihāi jehi bhāvai bhogū ||
socia pisuna akārana krodhī| janani janaka gura baṃdhu birodhī ||
saba bidhi socia para apakārī| nija tanu poṣaka niradaya bhārī ||
socanīya sabahi bidhi soī| jo na chāṛi chalu hari jana hoī ||
socanīya nahiṃ kosalarāū| bhuvana cāridasa pragaṭa prabhāū ||
bhayau na ahai na aba honihārā| bhūpa bharata jasa pitā tumhārā ||
bidhi hari haru surapati disināthā| baranahiṃ saba dasaratha guna gāthā ||
do. kahahu tāta kehi bhā~ti kou karihi baṛāī tāsu|
rāma lakhana tumha satruhana sarisa suana suci jāsu || 173 ||
saba prakāra bhūpati baṛabhāgī| bādi biṣādu karia tehi lāgī ||
yahu suni samujhi socu pariharahū| sira dhari rāja rajāyasu karahū ||
rā~ya rājapadu tumha kahu~ dīnhā| pitā bacanu phura cāhia kīnhā ||
taje rāmu jehiṃ bacanahi lāgī| tanu parihareu rāma birahāgī ||
nṛpahi bacana priya nahiṃ priya prānā| karahu tāta pitu bacana pravānā ||
karahu sīsa dhari bhūpa rajāī| hai tumha kaha~ saba bhā~ti bhalāī ||
parasurāma pitu agyā rākhī| mārī mātu loka saba sākhī ||
tanaya jajātihi jaubanu dayaū| pitu agyā~ agha ajasu na bhayaū ||
do. anucita ucita bicāru taji je pālahiṃ pitu baina|
te bhājana sukha sujasa ke basahiṃ amarapati aina || 174 ||
avasi naresa bacana phura karahū| pālahu prajā soku pariharahū ||
surapura nṛpa pāihi paritoṣū| tumha kahu~ sukṛta sujasu nahiṃ doṣū ||
beda bidita saṃmata sabahī kā| jehi pitu dei so pāvai ṭīkā ||
karahu rāju pariharahu galānī| mānahu mora bacana hita jānī ||
suni sukhu lahaba rāma baidehīṃ| anucita kahaba na paṃḍita kehīṃ ||
kausalyādi sakala mahatārīṃ| teu prajā sukha hohiṃ sukhārīṃ ||
parama tumhāra rāma kara jānihi| so saba bidhi tumha sana bhala mānihi ||
sauṃpehu rāju rāma kai āe~| sevā karehu saneha suhāe~ ||
do. kījia gura āyasu avasi kahahiṃ saciva kara jori|
raghupati āe~ ucita jasa tasa taba karaba bahori || 175 ||
kausalyā dhari dhīraju kahaī| pūta pathya gura āyasu ahaī ||
so ādaria karia hita mānī| tajia biṣādu kāla gati jānī ||
bana raghupati surapati naranāhū| tumha ehi bhā~ti tāta kadarāhū ||
parijana prajā saciva saba aṃbā| tumhahī suta saba kaha~ avalaṃbā ||
lakhi bidhi bāma kālu kaṭhināī| dhīraju dharahu mātu bali jāī ||
sira dhari gura āyasu anusarahū| prajā pāli parijana dukhu harahū ||
gura ke bacana saciva abhinaṃdanu| sune bharata hiya hita janu caṃdanu ||
sunī bahori mātu mṛdu bānī| sīla saneha sarala rasa sānī ||
chaṃ. sānī sarala rasa mātu bānī suni bharata byākula bhae|
locana saroruha stravata sīṃcata biraha ura aṃkura nae ||
so dasā dekhata samaya tehi bisarī sabahi sudhi deha kī|
tulasī sarāhata sakala sādara sīva~ sahaja saneha kī ||
so. bharatu kamala kara jori dhīra dhuraṃdhara dhīra dhari|
bacana amia~ janu bori deta ucita uttara sabahi || 176 ||
māsapārāyaṇa, aṭhārahavā~ viśrāma
mohi upadesu dīnha gura nīkā| prajā saciva saṃmata sabahī kā ||
mātu ucita dhari āyasu dīnhā| avasi sīsa dhari cāhau~ kīnhā ||
gura pitu mātu svāmi hita bānī| suni mana mudita karia bhali jānī ||
ucita ki anucita kie~ bicārū| dharamu jāi sira pātaka bhārū ||
tumha tau dehu sarala sikha soī| jo ācarata mora bhala hoī ||
jadyapi yaha samujhata hau~ nīkeṃ| tadapi hota paritoṣu na jī keṃ ||
aba tumha binaya mori suni lehū| mohi anuharata sikhāvanu dehū ||
ūtaru deu~ chamaba aparādhū| dukhita doṣa guna ganahiṃ na sādhū ||
do. pitu surapura siya rāmu bana karana kahahu mohi rāju|
ehi teṃ jānahu mora hita kai āpana baṛa kāju || 177 ||
hita hamāra siyapati sevakāī| so hari līnha mātu kuṭilāī ||
maiṃ anumāni dīkha mana māhīṃ| āna upāya~ mora hita nāhīṃ ||
soka samāju rāju kehi lekheṃ| lakhana rāma siya binu pada dekheṃ ||
bādi basana binu bhūṣana bhārū| bādi birati binu brahma bicārū ||
saruja sarīra bādi bahu bhogā| binu haribhagati jāya~ japa jogā ||
jāya~ jīva binu deha suhāī| bādi mora sabu binu raghurāī ||
jāu~ rāma pahiṃ āyasu dehū| ekahiṃ ā~ka mora hita ehū ||
mohi nṛpa kari bhala āpana cahahū| sou saneha jaṛatā basa kahahū ||
do. kaikeī sua kuṭilamati rāma bimukha gatalāja|
tumha cāhata sukhu mohabasa mohi se adhama keṃ rāja || 178 ||
kahau~ sā~cu saba suni patiāhū| cāhia dharamasīla naranāhū ||
mohi rāju haṭhi deihahu jabahīṃ| rasā rasātala jāihi tabahīṃ ||
mohi samāna ko pāpa nivāsū| jehi lagi sīya rāma banabāsū ||
rāya~ rāma kahu~ kānanu dīnhā| bichurata gamanu amarapura kīnhā ||
maiṃ saṭhu saba anaratha kara hetū| baiṭha bāta saba sunau~ sacetū ||
binu raghubīra biloki abāsū| rahe prāna sahi jaga upahāsū ||
rāma punīta biṣaya rasa rūkhe| lolupa bhūmi bhoga ke bhūkhe ||
kaha~ lagi kahauṃ hṛdaya kaṭhināī| nidari kulisu jehiṃ lahī baṛāī ||
do. kārana teṃ kāraju kaṭhina hoi dosu nahi mora|
kulisa asthi teṃ upala teṃ loha karāla kaṭhora || 179 ||
kaikeī bhava tanu anurāge| pā~vara prāna aghāi abhāge ||
jauṃ priya biraha~ prāna priya lāge| dekhaba sunaba bahuta aba āge ||
lakhana rāma siya kahu~ banu dīnhā| paṭhai amarapura pati hita kīnhā ||
līnha bidhavapana apajasu āpū| dīnheu prajahi soku saṃtāpū ||
mohi dīnha sukhu sujasu surājū| kīnha kaikeīṃ saba kara kājū ||
ehi teṃ mora kāha aba nīkā| tehi para dena kahahu tumha ṭīkā ||
kaikaī jaṭhara janami jaga māhīṃ| yaha mohi kaha~ kachu anucita nāhīṃ ||
mori bāta saba bidhihiṃ banāī| prajā pā~ca kata karahu sahāī ||
do. graha grahīta puni bāta basa tehi puni bīchī māra|
tehi piāia bārunī kahahu kāha upacāra || 180 ||
kaikai suana jogu jaga joī| catura biraṃci dīnha mohi soī ||
dasaratha tanaya rāma laghu bhāī| dīnhi mohi bidhi bādi baṛāī ||
tumha saba kahahu kaṛhāvana ṭīkā| rāya rajāyasu saba kaha~ nīkā ||
utaru deu~ kehi bidhi kehi kehī| kahahu sukhena jathā ruci jehī ||
mohi kumātu sameta bihāī| kahahu kahihi ke kīnha bhalāī ||
mo binu ko sacarācara māhīṃ| jehi siya rāmu prānapriya nāhīṃ ||
parama hāni saba kaha~ baṛa lāhū| adinu mora nahi dūṣana kāhū ||
saṃsaya sīla prema basa ahahū| sabui ucita saba jo kachu kahahū ||
do. rāma mātu suṭhi saralacita mo para premu biseṣi|
kahai subhāya saneha basa mori dīnatā dekhi || 181|
gura bibeka sāgara jagu jānā| jinhahi bisva kara badara samānā ||
mo kaha~ tilaka sāja saja soū| bhae~ bidhi bimukha bimukha sabu koū ||
parihari rāmu sīya jaga māhīṃ| kou na kahihi mora mata nāhīṃ ||
so maiṃ sunaba sahaba sukhu mānī| aṃtahu~ kīca tahā~ jaha~ pānī ||
ḍaru na mohi jaga kahihi ki pocū| paralokahu kara nāhina socū ||
ekai ura basa dusaha davārī| mohi lagi bhe siya rāmu dukhārī ||
jīvana lāhu lakhana bhala pāvā| sabu taji rāma carana manu lāvā ||
mora janama raghubara bana lāgī| jhūṭha kāha pachitāu~ abhāgī ||
do. āpani dāruna dīnatā kahau~ sabahi siru nāi|
dekheṃ binu raghunātha pada jiya kai jarani na jāi || 182 ||
āna upāu mohi nahi sūjhā| ko jiya kai raghubara binu būjhā ||
ekahiṃ ā~ka ihai mana māhīṃ| prātakāla calihau~ prabhu pāhīṃ ||
jadyapi maiṃ anabhala aparādhī| bhai mohi kārana sakala upādhī ||
tadapi sarana sanamukha mohi dekhī| chami saba karihahiṃ kṛpā biseṣī ||
sīla sakuca suṭhi sarala subhāū| kṛpā saneha sadana raghurāū ||
arihuka anabhala kīnha na rāmā| maiṃ sisu sevaka jadyapi bāmā ||
tumha pai pā~ca mora bhala mānī| āyasu āsiṣa dehu subānī ||
jehiṃ suni binaya mohi janu jānī| āvahiṃ bahuri rāmu rajadhānī ||
do. jadyapi janamu kumātu teṃ maiṃ saṭhu sadā sadosa|
āpana jāni na tyāgihahiṃ mohi raghubīra bharosa || 183 ||
bharata bacana saba kaha~ priya lāge| rāma saneha sudhā~ janu pāge ||
loga biyoga biṣama biṣa dāge| maṃtra sabīja sunata janu jāge ||
mātu saciva gura pura nara nārī| sakala saneha~ bikala bhae bhārī ||
bharatahi kahahi sarāhi sarāhī| rāma prema mūrati tanu āhī ||
tāta bharata asa kāhe na kahahū| prāna samāna rāma priya ahahū ||
jo pāva~ru apanī jaṛatāī| tumhahi sugāi mātu kuṭilāī ||
so saṭhu koṭika puruṣa sametā| basihi kalapa sata naraka niketā ||
ahi agha avaguna nahi mani gahaī| harai garala dukha dārida dahaī ||
do. avasi calia bana rāmu jaha~ bharata maṃtru bhala kīnha|
soka siṃdhu būṛata sabahi tumha avalaṃbanu dīnha || 184 ||
bhā saba keṃ mana modu na thorā| janu ghana dhuni suni cātaka morā ||
calata prāta lakhi niranau nīke| bharatu prānapriya bhe sabahī ke ||
munihi baṃdi bharatahi siru nāī| cale sakala ghara bidā karāī ||
dhanya bharata jīvanu jaga māhīṃ| sīlu sanehu sarāhata jāhīṃ ||
kahahi parasapara bhā baṛa kājū| sakala calai kara sājahiṃ sājū ||
jehi rākhahiṃ rahu ghara rakhavārī| so jānai janu garadani mārī ||
kou kaha rahana kahia nahiṃ kāhū| ko na cahai jaga jīvana lāhū ||
do. jarau so saṃpati sadana sukhu suhada mātu pitu bhāi|
sanamukha hota jo rāma pada karai na sahasa sahāi || 185 ||
ghara ghara sājahiṃ bāhana nānā| haraṣu hṛdaya~ parabhāta payānā ||
bharata jāi ghara kīnha bicārū| nagaru bāji gaja bhavana bha~ḍārū ||
saṃpati saba raghupati kai āhī| jau binu jatana calauṃ taji tāhī ||
tau parināma na mori bhalāī| pāpa siromani sāi~ dohāī ||
karai svāmi hita sevaku soī| dūṣana koṭi dei kina koī ||
asa bicāri suci sevaka bole| je sapanehu~ nija dharama na ḍole ||
kahi sabu maramu dharamu bhala bhāṣā| jo jehi lāyaka so tehiṃ rākhā ||
kari sabu jatanu rākhi rakhavāre| rāma mātu pahiṃ bharatu sidhāre ||
do. ārata jananī jāni saba bharata saneha sujāna|
kaheu banāvana pālakīṃ sajana sukhāsana jāna || 186 ||
cakka cakki jimi pura nara nārī| cahata prāta ura ārata bhārī ||
jāgata saba nisi bhayau bihānā| bharata bolāe saciva sujānā ||
kaheu lehu sabu tilaka samājū| banahiṃ deba muni rāmahiṃ rājū ||
begi calahu suni saciva johāre| turata turaga ratha nāga sa~vāre ||
aruṃdhatī aru agini samāū| ratha caṛhi cale prathama munirāū ||
bipra bṛṃda caṛhi bāhana nānā| cale sakala tapa teja nidhānā ||
nagara loga saba saji saji jānā| citrakūṭa kaha~ kīnha payānā ||
sibikā subhaga na jāhiṃ bakhānī| caṛhi caṛhi calata bhaī saba rānī ||
do. sauṃpi nagara suci sevakani sādara sakala calāi|
sumiri rāma siya carana taba cale bharata dou bhāi || 187 ||
rāma darasa basa saba nara nārī| janu kari karini cale taki bārī ||
bana siya rāmu samujhi mana māhīṃ| sānuja bharata payādehiṃ jāhīṃ ||
dekhi sanehu loga anurāge| utari cale haya gaya ratha tyāge ||
jāi samīpa rākhi nija ḍolī| rāma mātu mṛdu bānī bolī ||
tāta caṛhahu ratha bali mahatārī| hoihi priya parivāru dukhārī ||
tumhareṃ calata calihi sabu logū| sakala soka kṛsa nahiṃ maga jogū ||
sira dhari bacana carana siru nāī| ratha caṛhi calata bhae dou bhāī ||
tamasā prathama divasa kari bāsū| dūsara gomati tīra nivāsū ||
do. paya ahāra phala asana eka nisi bhojana eka loga|
karata rāma hita nema brata parihari bhūṣana bhoga || 188 ||
saī tīra basi cale bihāne| sṛṃgaberapura saba niarāne ||
samācāra saba sune niṣādā| hṛdaya~ bicāra karai sabiṣādā ||
kārana kavana bharatu bana jāhīṃ| hai kachu kapaṭa bhāu mana māhīṃ ||
jauṃ pai jiya~ na hoti kuṭilāī| tau kata līnha saṃga kaṭakāī ||
jānahiṃ sānuja rāmahi mārī| karau~ akaṃṭaka rāju sukhārī ||
bharata na rājanīti ura ānī| taba kalaṃku aba jīvana hānī ||
sakala surāsura jurahiṃ jujhārā| rāmahi samara na jītanihārā ||
kā ācaraju bharatu asa karahīṃ| nahiṃ biṣa beli amia phala pharahīṃ ||
do. asa bicāri guha~ gyāti sana kaheu sajaga saba hohu|
hathavā~sahu borahu tarani kījia ghāṭārohu || 189 ||
hohu sa~joila rokahu ghāṭā| ṭhāṭahu sakala marai ke ṭhāṭā ||
sanamukha loha bharata sana leū~| jiata na surasari utarana deū~ ||
samara maranu puni surasari tīrā| rāma kāju chanabhaṃgu sarīrā ||
bharata bhāi nṛpu mai jana nīcū| baṛeṃ bhāga asi pāia mīcū ||
svāmi kāja karihau~ rana rārī| jasa dhavalihau~ bhuvana dasa cārī ||
tajau~ prāna raghunātha nihoreṃ| duhū~ hātha muda modaka moreṃ ||
sādhu samāja na jākara lekhā| rāma bhagata mahu~ jāsu na rekhā ||
jāya~ jiata jaga so mahi bhārū| jananī jaubana biṭapa kuṭhārū ||
do. bigata biṣāda niṣādapati sabahi baṛhāi uchāhu|
sumiri rāma māgeu turata tarakasa dhanuṣa sanāhu || 190 ||
begahu bhāihu sajahu sa~joū| suni rajāi kadarāi na koū ||
bhalehiṃ nātha saba kahahiṃ saharaṣā| ekahiṃ eka baṛhāvai karaṣā ||
cale niṣāda johāri johārī| sūra sakala rana rūcai rārī ||
sumiri rāma pada paṃkaja panahīṃ| bhāthīṃ bā~dhi caṛhāinhi dhanahīṃ ||
a~garī pahiri kū~ṛi sira dharahīṃ| pharasā bā~sa sela sama karahīṃ ||
eka kusala ati oṛana khā~ṛe| kūdahi gagana manahu~ chiti chā~ṛe ||
nija nija sāju samāju banāī| guha rāutahi johāre jāī ||
dekhi subhaṭa saba lāyaka jāne| lai lai nāma sakala sanamāne ||
do. bhāihu lāvahu dhokha jani āju kāja baṛa mohi|
suni saroṣa bole subhaṭa bīra adhīra na hohi || 191 ||
rāma pratāpa nātha bala tore| karahiṃ kaṭaku binu bhaṭa binu ghore ||
jīvata pāu na pācheṃ dharahīṃ| ruṃḍa muṃḍamaya medini karahīṃ ||
dīkha niṣādanātha bhala ṭolū| kaheu bajāu jujhāū ḍholū ||
etanā kahata chīṃka bhai bā~e| kaheu sagunianha kheta suhāe ||
būṛhu eku kaha saguna bicārī| bharatahi milia na hoihi rārī ||
rāmahi bharatu manāvana jāhīṃ| saguna kahai asa bigrahu nāhīṃ ||
suni guha kahai nīka kaha būṛhā| sahasā kari pachitāhiṃ bimūṛhā ||
bharata subhāu sīlu binu būjheṃ| baṛi hita hāni jāni binu jūjheṃ ||
do. gahahu ghāṭa bhaṭa samiṭi saba leu~ marama mili jāi|
būjhi mitra ari madhya gati tasa taba karihau~ āi || 192 ||
lakhana sanehu subhāya~ suhāe~| bairu prīti nahiṃ durai~ durāe~ ||
asa kahi bheṃṭa sa~jovana lāge| kaṃda mūla phala khaga mṛga māge ||
mīna pīna pāṭhīna purāne| bhari bhari bhāra kahāranha āne ||
milana sāju saji milana sidhāe| maṃgala mūla saguna subha pāe ||
dekhi dūri teṃ kahi nija nāmū| kīnha munīsahi daṃḍa pranāmū ||
jāni rāmapriya dīnhi asīsā| bharatahi kaheu bujhāi munīsā ||
rāma sakhā suni saṃdanu tyāgā| cale utari umagata anurāgā ||
gāu~ jāti guha~ nāu~ sunāī| kīnha johāru mātha mahi lāī ||
do. karata daṃḍavata dekhi tehi bharata līnha ura lāi|
manahu~ lakhana sana bheṃṭa bhai prema na hṛdaya~ samāi || 193 ||
bheṃṭata bharatu tāhi ati prītī| loga sihāhiṃ prema kai rītī ||
dhanya dhanya dhuni maṃgala mūlā| sura sarāhi tehi barisahiṃ phūlā ||
loka beda saba bhā~tihiṃ nīcā| jāsu chā~ha chui leia sīṃcā ||
tehi bhari aṃka rāma laghu bhrātā| milata pulaka paripūrita gātā ||
rāma rāma kahi je jamuhāhīṃ| tinhahi na pāpa puṃja samuhāhīṃ ||
yaha tau rāma lāi ura līnhā| kula sameta jagu pāvana kīnhā ||
karamanāsa jalu surasari paraī| tehi ko kahahu sīsa nahiṃ dharaī ||
ulaṭā nāmu japata jagu jānā| bālamīki bhae brahma samānā ||
do. svapaca sabara khasa jamana jaṛa pāva~ra kola kirāta|
rāmu kahata pāvana parama hota bhuvana bikhyāta || 194 ||
nahiṃ aciraju juga juga cali āī| kehi na dīnhi raghubīra baṛāī ||
rāma nāma mahimā sura kahahīṃ| suni suni avadhaloga sukhu lahahīṃ ||
rāmasakhahi mili bharata sapremā| pū~chī kusala sumaṃgala khemā ||
dekhi bharata kara sīla sanehū| bhā niṣāda tehi samaya bidehū ||
sakuca sanehu modu mana bāṛhā| bharatahi citavata ekaṭaka ṭhāṛhā ||
dhari dhīraju pada baṃdi bahorī| binaya saprema karata kara jorī ||
kusala mūla pada paṃkaja pekhī| maiṃ tihu~ kāla kusala nija lekhī ||
aba prabhu parama anugraha toreṃ| sahita koṭi kula maṃgala moreṃ ||
do. samujhi mori karatūti kulu prabhu mahimā jiya~ joi|
jo na bhajai raghubīra pada jaga bidhi baṃcita soi || 195 ||
kapaṭī kāyara kumati kujātī| loka beda bāhera saba bhā~tī ||
rāma kīnha āpana jabahī teṃ| bhayau~ bhuvana bhūṣana tabahī teṃ ||
dekhi prīti suni binaya suhāī| mileu bahori bharata laghu bhāī ||
kahi niṣāda nija nāma subānīṃ| sādara sakala johārīṃ rānīṃ ||
jāni lakhana sama dehiṃ asīsā| jiahu sukhī saya lākha barīsā ||
nirakhi niṣādu nagara nara nārī| bhae sukhī janu lakhanu nihārī ||
kahahiṃ laheu ehiṃ jīvana lāhū| bheṃṭeu rāmabhadra bhari bāhū ||
suni niṣādu nija bhāga baṛāī| pramudita mana lai caleu levāī ||
do. sanakāre sevaka sakala cale svāmi rukha pāi|
ghara taru tara sara bāga bana bāsa banāenhi jāi || 196 ||
sṛṃgaberapura bharata dīkha jaba| bhe saneha~ saba aṃga sithila taba ||
sohata die~ niṣādahi lāgū| janu tanu dhareṃ binaya anurāgū ||
ehi bidhi bharata senu sabu saṃgā| dīkhi jāi jaga pāvani gaṃgā ||
rāmaghāṭa kaha~ kīnha pranāmū| bhā manu maganu mile janu rāmū ||
karahiṃ pranāma nagara nara nārī| mudita brahmamaya bāri nihārī ||
kari majjanu māgahiṃ kara jorī| rāmacaṃdra pada prīti na thorī ||
bharata kaheu surasari tava renū| sakala sukhada sevaka suradhenū ||
jori pāni bara māgau~ ehū| sīya rāma pada sahaja sanehū ||
do. ehi bidhi majjanu bharatu kari gura anusāsana pāi|
mātu nahānīṃ jāni saba ḍerā cale lavāi || 197 ||
jaha~ taha~ loganha ḍerā kīnhā| bharata sodhu sabahī kara līnhā ||
sura sevā kari āyasu pāī| rāma mātu pahiṃ ge dou bhāī ||
carana cā~pi kahi kahi mṛdu bānī| jananīṃ sakala bharata sanamānī ||
bhāihi sauṃpi mātu sevakāī| āpu niṣādahi līnha bolāī ||
cale sakhā kara soṃ kara joreṃ| sithila sarīra saneha na thoreṃ ||
pū~chata sakhahi so ṭhāu~ dekhāū| neku nayana mana jarani juṛāū ||
jaha~ siya rāmu lakhanu nisi soe| kahata bhare jala locana koe ||
bharata bacana suni bhayau biṣādū| turata tahā~ lai gayau niṣādū ||
do. jaha~ siṃsupā punīta tara raghubara kiya biśrāmu|
ati saneha~ sādara bharata kīnheu daṃḍa pranāmu || 198 ||
kusa sā~tharīínihāri suhāī| kīnha pranāmu pradacchina jāī ||
carana rekha raja ā~khinha lāī| banai na kahata prīti adhikāī ||
kanaka biṃdu dui cārika dekhe| rākhe sīsa sīya sama lekhe ||
sajala bilocana hṛdaya~ galānī| kahata sakhā sana bacana subānī ||
śrīhata sīya biraha~ dutihīnā| jathā avadha nara nāri bilīnā ||
pitā janaka deu~ paṭatara kehī| karatala bhogu jogu jaga jehī ||
sasura bhānukula bhānu bhuālū| jehi sihāta amarāvatipālū ||
prānanāthu raghunātha gosāī| jo baṛa hota so rāma baṛāī ||
do. pati devatā sutīya mani sīya sā~tharī dekhi|
biharata hradau na hahari hara pabi teṃ kaṭhina biseṣi || 199 ||
lālana jogu lakhana laghu lone| bhe na bhāi asa ahahiṃ na hone ||
purajana priya pitu mātu dulāre| siya raghubarahi prānapiāre ||
mṛdu mūrati sukumāra subhāū| tāta bāu tana lāga na kāū ||
te bana sahahiṃ bipati saba bhā~tī| nidare koṭi kulisa ehiṃ chātī ||
rāma janami jagu kīnha ujāgara| rūpa sīla sukha saba guna sāgara ||
purajana parijana gura pitu mātā| rāma subhāu sabahi sukhadātā ||
bairiu rāma baṛāī karahīṃ| bolani milani binaya mana harahīṃ ||
sārada koṭi koṭi sata seṣā| kari na sakahiṃ prabhu guna gana lekhā ||
do. sukhasvarupa raghubaṃsamani maṃgala moda nidhāna|
te sovata kusa ḍāsi mahi bidhi gati ati balavāna || 200 ||
rāma sunā dukhu kāna na kāū| jīvanataru jimi jogavai rāū ||
palaka nayana phani mani jehi bhā~tī| jogavahiṃ janani sakala dina rātī ||
te aba phirata bipina padacārī| kaṃda mūla phala phūla ahārī ||
dhiga kaikeī amaṃgala mūlā| bhaisi prāna priyatama pratikūlā ||
maiṃ dhiga dhiga agha udadhi abhāgī| sabu utapātu bhayau jehi lāgī ||
kula kalaṃku kari sṛjeu bidhātā~| sāi~doha mohi kīnha kumātā~ ||
suni saprema samujhāva niṣādū| nātha karia kata bādi biṣādū ||
rāma tumhahi priya tumha priya rāmahi| yaha nirajosu dosu bidhi bāmahi ||
chaṃ. bidhi bāma kī karanī kaṭhina jeṃhiṃ mātu kīnhī bāvarī|
tehi rāti puni puni karahiṃ prabhu sādara sarahanā rāvarī ||
tulasī na tumha so rāma prītamu kahatu hauṃ sauheṃ kie~|
parināma maṃgala jāni apane ānie dhīraju hie~ ||
so. aṃtarajāmī rāmu sakuca saprema kṛpāyatana|
calia karia biśrāmu yaha bicāri dṛṛha āni mana || 201 ||
sakhā bacana suni ura dhari dhīrā| bāsa cale sumirata raghubīrā ||
yaha sudhi pāi nagara nara nārī| cale bilokana ārata bhārī ||
paradakhinā kari karahiṃ pranāmā| dehiṃ kaikaihi khori nikāmā ||
bharī bhari bāri bilocana leṃhīṃ| bāma bidhātāhi dūṣana dehīṃ ||
eka sarāhahiṃ bharata sanehū| kou kaha nṛpati nibāheu nehū ||
niṃdahiṃ āpu sarāhi niṣādahi| ko kahi sakai bimoha biṣādahi ||
ehi bidhi rāti logu sabu jāgā| bhā bhinusāra gudārā lāgā ||
gurahi sunāva~ caṛhāi suhāīṃ| naīṃ nāva saba mātu caṛhāīṃ ||
daṃḍa cāri maha~ bhā sabu pārā| utari bharata taba sabahi sa~bhārā ||
do. prātakriyā kari mātu pada baṃdi gurahi siru nāi|
āgeṃ kie niṣāda gana dīnheu kaṭaku calāi || 202 ||
kiyau niṣādanāthu aguāīṃ| mātu pālakīṃ sakala calāīṃ ||
sātha bolāi bhāi laghu dīnhā| bipranha sahita gavanu gura kīnhā ||
āpu surasarihi kīnha pranāmū| sumire lakhana sahita siya rāmū ||
gavane bharata payodehiṃ pāe| kotala saṃga jāhiṃ ḍoriāe ||
kahahiṃ susevaka bārahiṃ bārā| hoia nātha asva asavārā ||
rāmu payodehi pāya~ sidhāe| hama kaha~ ratha gaja bāji banāe ||
sira bhara jāu~ ucita asa morā| saba teṃ sevaka dharamu kaṭhorā ||
dekhi bharata gati suni mṛdu bānī| saba sevaka gana garahiṃ galānī ||
do. bharata tīsare pahara kaha~ kīnha prabesu prayāga|
kahata rāma siya rāma siya umagi umagi anurāga || 203 ||
jhalakā jhalakata pāyanha kaiṃseṃ| paṃkaja kosa osa kana jaiseṃ ||
bharata payādehiṃ āe ājū| bhayau dukhita suni sakala samājū ||
khabari līnha saba loga nahāe| kīnha pranāmu tribenihiṃ āe ||
sabidhi sitāsita nīra nahāne| die dāna mahisura sanamāne ||
dekhata syāmala dhavala halore| pulaki sarīra bharata kara jore ||
sakala kāma prada tīratharāū| beda bidita jaga pragaṭa prabhāū ||
māgau~ bhīkha tyāgi nija dharamū| ārata kāha na karai kukaramū ||
asa jiya~ jāni sujāna sudānī| saphala karahiṃ jaga jācaka bānī ||
do. aratha na dharama na kāma ruci gati na cahau~ nirabāna|
janama janama rati rāma pada yaha baradānu na āna || 204 ||
jānahu~ rāmu kuṭila kari mohī| loga kahau gura sāhiba drohī ||
sītā rāma carana rati moreṃ| anudina baṛhau anugraha toreṃ ||
jaladu janama bhari surati bisārau| jācata jalu pabi pāhana ḍārau ||
cātaku raṭani ghaṭeṃ ghaṭi jāī| baṛhe premu saba bhā~ti bhalāī ||
kanakahiṃ bāna caṛhai jimi dāheṃ| timi priyatama pada nema nibāheṃ ||
bharata bacana suni mājha tribenī| bhai mṛdu bāni sumaṃgala denī ||
tāta bharata tumha saba bidhi sādhū| rāma carana anurāga agādhū ||
bāda galāni karahu mana māhīṃ| tumha sama rāmahi kou priya nāhīṃ ||
do. tanu pulakeu hiya~ haraṣu suni beni bacana anukūla|
bharata dhanya kahi dhanya sura haraṣita baraṣahiṃ phūla || 205 ||
pramudita tīratharāja nivāsī| baikhānasa baṭu gṛhī udāsī ||
kahahiṃ parasapara mili dasa pā~cā| bharata saneha sīlu suci sā~cā ||
sunata rāma guna grāma suhāe| bharadvāja munibara pahiṃ āe ||
daṃḍa pranāmu karata muni dekhe| mūratimaṃta bhāgya nija lekhe ||
dhāi uṭhāi lāi ura līnhe| dīnhi asīsa kṛtāratha kīnhe ||
āsanu dīnha nāi siru baiṭhe| cahata sakuca gṛha~ janu bhaji paiṭhe ||
muni pū~chaba kachu yaha baṛa socū| bole riṣi lakhi sīlu sa~kocū ||
sunahu bharata hama saba sudhi pāī| bidhi karataba para kichu na basāī ||
do. tumha galāni jiya~ jani karahu samujhī mātu karatūti|
tāta kaikaihi dosu nahiṃ gaī girā mati dhūti || 206 ||
yahau kahata bhala kahihi na koū| loku beda budha saṃmata doū ||
tāta tumhāra bimala jasu gāī| pāihi lokau bedu baṛāī ||
loka beda saṃmata sabu kahaī| jehi pitu dei rāju so lahaī ||
rāu satyabrata tumhahi bolāī| deta rāju sukhu dharamu baṛāī ||
rāma gavanu bana anaratha mūlā| jo suni sakala bisva bhai sūlā ||
so bhāvī basa rāni ayānī| kari kucāli aṃtahu~ pachitānī ||
taha~u~ tumhāra alapa aparādhū| kahai so adhama ayāna asādhū ||
karatehu rāju ta tumhahi na doṣū| rāmahi hota sunata saṃtoṣū ||
do. aba ati kīnhehu bharata bhala tumhahi ucita mata ehu|
sakala sumaṃgala mūla jaga raghubara carana sanehu || 207 ||
so tumhāra dhanu jīvanu prānā| bhūribhāga ko tumhahi samānā ||
yaha tamhāra ācaraju na tātā| dasaratha suana rāma priya bhrātā ||
sunahu bharata raghubara mana māhīṃ| pema pātru tumha sama kou nāhīṃ ||
lakhana rāma sītahi ati prītī| nisi saba tumhahi sarāhata bītī ||
jānā maramu nahāta prayāgā| magana hohiṃ tumhareṃ anurāgā ||
tumha para asa sanehu raghubara keṃ| sukha jīvana jaga jasa jaṛa nara keṃ ||
yaha na adhika raghubīra baṛāī| pranata kuṭuṃba pāla raghurāī ||
tumha tau bharata mora mata ehū| dhareṃ deha janu rāma sanehū ||
do. tumha kaha~ bharata kalaṃka yaha hama saba kaha~ upadesu|
rāma bhagati rasa siddhi hita bhā yaha samau ganesu || 208 ||
nava bidhu bimala tāta jasu torā| raghubara kiṃkara kumuda cakorā ||
udita sadā a~thaihi kabahū~ nā| ghaṭihi na jaga nabha dina dina dūnā ||
koka tiloka prīti ati karihī| prabhu pratāpa rabi chabihi na harihī ||
nisi dina sukhada sadā saba kāhū| grasihi na kaikai karatabu rāhū ||
pūrana rāma supema piyūṣā| gura avamāna doṣa nahiṃ dūṣā ||
rāma bhagata aba amia~ aghāhū~| kīnhehu sulabha sudhā basudhāhū~ ||
bhūpa bhagīratha surasari ānī| sumirata sakala suṃmagala khānī ||
dasaratha guna gana barani na jāhīṃ| adhiku kahā jehi sama jaga nāhīṃ ||
do. jāsu saneha sakoca basa rāma pragaṭa bhae āi ||
je hara hiya nayanani kabahu~ nirakhe nahīṃ aghāi || 209 ||
kīrati bidhu tumha kīnha anūpā| jaha~ basa rāma pema mṛgarūpā ||
tāta galāni karahu jiya~ jāe~| ḍarahu daridrahi pārasu pāe~ || ||
sunahu bharata hama jhūṭha na kahahīṃ| udāsīna tāpasa bana rahahīṃ ||
saba sādhana kara suphala suhāvā| lakhana rāma siya darasanu pāvā ||
tehi phala kara phalu darasa tumhārā| sahita payāga subhāga hamārā ||
bharata dhanya tumha jasu jagu jayaū| kahi asa pema magana puni bhayaū ||
suni muni bacana sabhāsada haraṣe| sādhu sarāhi sumana sura baraṣe ||
dhanya dhanya dhuni gagana payāgā| suni suni bharatu magana anurāgā ||
do. pulaka gāta hiya~ rāmu siya sajala saroruha naina|
kari pranāmu muni maṃḍalihi bole gadagada baina || 210 ||
muni samāju aru tīratharājū| sā~cihu~ sapatha aghāi akājū ||
ehiṃ thala jauṃ kichu kahia banāī| ehi sama adhika na agha adhamāī ||
tumha sarbagya kahau~ satibhāū| ura aṃtarajāmī raghurāū ||
mohi na mātu karataba kara socū| nahiṃ dukhu jiya~ jagu jānihi pocū ||
nāhina ḍaru bigarihi paralokū| pitahu marana kara mohi na sokū ||
sukṛta sujasa bhari bhuana suhāe| lachimana rāma sarisa suta pāe ||
rāma biraha~ taji tanu chanabhaṃgū| bhūpa soca kara kavana prasaṃgū ||
rāma lakhana siya binu paga panahīṃ| kari muni beṣa phirahiṃ bana banahī ||
do. ajina basana phala asana mahi sayana ḍāsi kusa pāta|
basi taru tara nita sahata hima ātapa baraṣā bāta || 211 ||
ehi dukha dāha~ dahai dina chātī| bhūkha na bāsara nīda na rātī ||
ehi kuroga kara auṣadhu nāhīṃ| sodheu~ sakala bisva mana māhīṃ ||
mātu kumata baṛhaī agha mūlā| tehiṃ hamāra hita kīnha ba~sūlā ||
kali kukāṭha kara kīnha kujaṃtrū| gāṛi avadhi paṛhi kaṭhina kumaṃtru ||
mohi lagi yahu kuṭhāṭu tehiṃ ṭhāṭā| ghālesi saba jagu bārahabāṭā ||
miṭai kujogu rāma phiri āe~| basai avadha nahiṃ āna upāe~ ||
bharata bacana suni muni sukhu pāī| sabahiṃ kīnha bahu bhā~ti baṛāī ||
tāta karahu jani socu biseṣī| saba dukhu miṭahi rāma paga dekhī ||
do. kari prabodha munibara kaheu atithi pemapriya hohu|
kaṃda mūla phala phūla hama dehiṃ lehu kari chohu || 212 ||
suni muni bacana bharata hi~ya socū| bhayau kuavasara kaṭhina sa~kocū ||
jāni garui gura girā bahorī| carana baṃdi bole kara jorī ||
sira dhari āyasu karia tumhārā| parama dharama yahu nātha hamārā ||
bharata bacana munibara mana bhāe| suci sevaka siṣa nikaṭa bolāe ||
cāhie kīnha bharata pahunāī| kaṃda mūla phala ānahu jāī ||
bhalehīṃ nātha kahi tinha sira nāe| pramudita nija nija kāja sidhāe ||
munihi soca pāhuna baṛa nevatā| tasi pūjā cāhia jasa devatā ||
suni ridhi sidhi animādika āī| āyasu hoi so karahiṃ gosāī ||
do. rāma biraha byākula bharatu sānuja sahita samāja|
pahunāī kari harahu śrama kahā mudita munirāja || 213 ||
ridhi sidhi sira dhari munibara bānī| baṛabhāgini āpuhi anumānī ||
kahahiṃ parasapara sidhi samudāī| atulita atithi rāma laghu bhāī ||
muni pada baṃdi karia soi ājū| hoi sukhī saba rāja samājū ||
asa kahi raceu rucira gṛha nānā| jehi biloki bilakhāhiṃ bimānā ||
bhoga bibhūti bhūri bhari rākhe| dekhata jinhahi amara abhilāṣe ||
dāsīṃ dāsa sāju saba līnheṃ| jogavata rahahiṃ manahi manu dīnheṃ ||
saba samāju saji sidhi pala māhīṃ| je sukha surapura sapanehu~ nāhīṃ ||
prathamahiṃ bāsa die saba kehī| suṃdara sukhada jathā ruci jehī ||
do. bahuri saparijana bharata kahu~ riṣi asa āyasu dīnha|
bidhi bisamaya dāyaku bibhava munibara tapabala kīnha || 214 ||
muni prabhāu jaba bharata bilokā| saba laghu lage lokapati lokā ||
sukha samāju nahiṃ jāi bakhānī| dekhata birati bisārahīṃ gyānī ||
āsana sayana subasana bitānā| bana bāṭikā bihaga mṛga nānā ||
surabhi phūla phala amia samānā| bimala jalāsaya bibidha bidhānā|
asana pāna suca amia amī se| dekhi loga sakucāta jamī se ||
sura surabhī surataru sabahī keṃ| lakhi abhilāṣu suresa sacī keṃ ||
ritu basaṃta baha tribidha bayārī| saba kaha~ sulabha padāratha cārī ||
straka caṃdana banitādika bhogā| dekhi haraṣa bisamaya basa logā ||
do. saṃpata cakaī bharatu caka muni āyasa khelavāra ||
tehi nisi āśrama piṃjarā~ rākhe bhā bhinusāra || 215 ||
māsapārāyaṇa, unnīsavā~ viśrāma
kīnha nimajjanu tīratharājā| nāi munihi siru sahita samājā ||
riṣi āyasu asīsa sira rākhī| kari daṃḍavata binaya bahu bhāṣī ||
patha gati kusala sātha saba līnhe| cale citrakūṭahiṃ citu dīnheṃ ||
rāmasakhā kara dīnheṃ lāgū| calata deha dhari janu anurāgū ||
nahiṃ pada trāna sīsa nahiṃ chāyā| pemu nemu bratu dharamu amāyā ||
lakhana rāma siya paṃtha kahānī| pū~chata sakhahi kahata mṛdu bānī ||
rāma bāsa thala biṭapa bilokeṃ| ura anurāga rahata nahiṃ rokaiṃ ||
daikhi dasā sura barisahiṃ phūlā| bhai mṛdu mahi magu maṃgala mūlā ||
do. kie~ jāhiṃ chāyā jalada sukhada bahai bara bāta|
tasa magu bhayau na rāma kaha~ jasa bhā bharatahi jāta || 216 ||
jaṛa cetana maga jīva ghanere| je citae prabhu jinha prabhu here ||
te saba bhae parama pada jogū| bharata darasa meṭā bhava rogū ||
yaha baṛi bāta bharata kai nāhīṃ| sumirata jinahi rāmu mana māhīṃ ||
bāraka rāma kahata jaga jeū| hota tarana tārana nara teū ||
bharatu rāma priya puni laghu bhrātā| kasa na hoi magu maṃgaladātā ||
siddha sādhu munibara asa kahahīṃ| bharatahi nirakhi haraṣu hiya~ lahahīṃ ||
dekhi prabhāu suresahi socū| jagu bhala bhalehi poca kahu~ pocū ||
gura sana kaheu karia prabhu soī| rāmahi bharatahi bheṃṭa na hoī ||
do. rāmu sa~kocī prema basa bharata sapema payodhi|
banī bāta begarana cahati karia jatanu chalu sodhi || 217 ||
bacana sunata suraguru musakāne| sahasranayana binu locana jāne ||
māyāpati sevaka sana māyā| karai ta ulaṭi parai surarāyā ||
taba kichu kīnha rāma rukha jānī| aba kucāli kari hoihi hānī ||
sunu suresa raghunātha subhāū| nija aparādha risāhiṃ na kāū ||
jo aparādhu bhagata kara karaī| rāma roṣa pāvaka so jaraī ||
lokahu~ beda bidita itihāsā| yaha mahimā jānahiṃ durabāsā ||
bharata sarisa ko rāma sanehī| jagu japa rāma rāmu japa jehī ||
do. manahu~ na ānia amarapati raghubara bhagata akāju|
ajasu loka paraloka dukha dina dina soka samāju || 218 ||
sunu suresa upadesu hamārā| rāmahi sevaku parama piārā ||
mānata sukhu sevaka sevakāī| sevaka baira bairu adhikāī ||
jadyapi sama nahiṃ rāga na roṣū| gahahiṃ na pāpa pūnu guna doṣū ||
karama pradhāna bisva kari rākhā| jo jasa karai so tasa phalu cākhā ||
tadapi karahiṃ sama biṣama bihārā| bhagata abhagata hṛdaya anusārā ||
aguna alepa amāna ekarasa| rāmu saguna bhae bhagata pema basa ||
rāma sadā sevaka ruci rākhī| beda purāna sādhu sura sākhī ||
asa jiya~ jāni tajahu kuṭilāī| karahu bharata pada prīti suhāī ||
do. rāma bhagata parahita nirata para dukha dukhī dayāla|
bhagata siromani bharata teṃ jani ḍarapahu surapāla || 219 ||
satyasaṃdha prabhu sura hitakārī| bharata rāma āyasa anusārī ||
svāratha bibasa bikala tumha hohū| bharata dosu nahiṃ rāura mohū ||
suni surabara suragura bara bānī| bhā pramodu mana miṭī galānī ||
baraṣi prasūna haraṣi surarāū| lage sarāhana bharata subhāū ||
ehi bidhi bharata cale maga jāhīṃ| dasā dekhi muni siddha sihāhīṃ ||
jabahiṃ rāmu kahi lehiṃ usāsā| umagata pemu manaha~ cahu pāsā ||
dravahiṃ bacana suni kulisa paṣānā| purajana pemu na jāi bakhānā ||
bīca bāsa kari jamunahiṃ āe| nirakhi nīru locana jala chāe ||
do. raghubara barana biloki bara bāri sameta samāja|
hota magana bāridhi biraha caṛhe bibeka jahāja || 220 ||
jamuna tīra tehi dina kari bāsū| bhayau samaya sama sabahi supāsū ||
rātahiṃ ghāṭa ghāṭa kī taranī| āīṃ aganita jāhiṃ na baranī ||
prāta pāra bhae ekahi kheṃvā~| toṣe rāmasakhā kī sevā~ ||
cale nahāi nadihi sira nāī| sātha niṣādanātha dou bhāī ||
āgeṃ munibara bāhana ācheṃ| rājasamāja jāi sabu pācheṃ ||
tehiṃ pācheṃ dou baṃdhu payādeṃ| bhūṣana basana beṣa suṭhi sādeṃ ||
sevaka suhrada sacivasuta sāthā| sumirata lakhanu sīya raghunāthā ||
jaha~ jaha~ rāma bāsa biśrāmā| taha~ taha~ karahiṃ saprema pranāmā ||
do. magabāsī nara nāri suni dhāma kāma taji dhāi|
dekhi sarūpa saneha saba mudita janama phalu pāi || 221 ||
kahahiṃ sapema eka eka pāhīṃ| rāmu lakhanu sakhi hohiṃ ki nāhīṃ ||
baya bapu barana rūpa soi ālī| sīlu sanehu sarisa sama cālī ||
beṣu na so sakhi sīya na saṃgā| āgeṃ anī calī caturaṃgā ||
nahiṃ prasanna mukha mānasa khedā| sakhi saṃdehu hoi ehiṃ bhedā ||
tāsu taraka tiyagana mana mānī| kahahiṃ sakala tehi sama na sayānī ||
tehi sarāhi bānī phuri pūjī| bolī madhura bacana tiya dūjī ||
kahi sapema saba kathāprasaṃgū| jehi bidhi rāma rāja rasa bhaṃgū ||
bharatahi bahuri sarāhana lāgī| sīla saneha subhāya subhāgī ||
do. calata payādeṃ khāta phala pitā dīnha taji rāju|
jāta manāvana raghubarahi bharata sarisa ko āju || 222 ||
bhāyapa bhagati bharata ācaranū| kahata sunata dukha dūṣana haranū ||
jo kachu kahaba thora sakhi soī| rāma baṃdhu asa kāhe na hoī ||
hama saba sānuja bharatahi dekheṃ| bhainha dhanya jubatī jana lekheṃ ||
suni guna dekhi dasā pachitāhīṃ| kaikai janani jogu sutu nāhīṃ ||
kou kaha dūṣanu rānihi nāhina| bidhi sabu kīnha hamahi jo dāhina ||
kaha~ hama loka beda bidhi hīnī| laghu tiya kula karatūti malīnī ||
basahiṃ kudesa kugā~va kubāmā| kaha~ yaha darasu punya parināmā ||
asa anaṃdu aciriju prati grāmā| janu marubhūmi kalapataru jāmā ||
do. bharata darasu dekhata khuleu maga loganha kara bhāgu|
janu siṃghalabāsinha bhayau bidhi basa sulabha prayāgu || 223 ||
nija guna sahita rāma guna gāthā| sunata jāhiṃ sumirata raghunāthā ||
tīratha muni āśrama suradhāmā| nirakhi nimajjahiṃ karahiṃ pranāmā ||
manahīṃ mana māgahiṃ baru ehū| sīya rāma pada paduma sanehū ||
milahiṃ kirāta kola banabāsī| baikhānasa baṭu jatī udāsī ||
kari pranāmu pū~chahiṃ jehiṃ tehī| kehi bana lakhanu rāmu baidehī ||
te prabhu samācāra saba kahahīṃ| bharatahi dekhi janama phalu lahahīṃ ||
je jana kahahiṃ kusala hama dekhe| te priya rāma lakhana sama lekhe ||
ehi bidhi būjhata sabahi subānī| sunata rāma banabāsa kahānī ||
do. tehi bāsara basi prātahīṃ cale sumiri raghunātha|
rāma darasa kī lālasā bharata sarisa saba sātha || 224 ||
maṃgala saguna hohiṃ saba kāhū| pharakahiṃ sukhada bilocana bāhū ||
bharatahi sahita samāja uchāhū| milihahiṃ rāmu miṭahi dukha dāhū ||
karata manoratha jasa jiya~ jāke| jāhiṃ saneha surā~ saba chāke ||
sithila aṃga paga maga ḍagi ḍolahiṃ| bihabala bacana pema basa bolahiṃ ||
rāmasakhā~ tehi samaya dekhāvā| saila siromani sahaja suhāvā ||
jāsu samīpa sarita paya tīrā| sīya sameta basahiṃ dou bīrā ||
dekhi karahiṃ saba daṃḍa pranāmā| kahi jaya jānaki jīvana rāmā ||
prema magana asa rāja samājū| janu phiri avadha cale raghurājū ||
do. bharata premu tehi samaya jasa tasa kahi sakai na seṣu|
kabihiṃ agama jimi brahmasukhu aha mama malina janeṣu || 225|
sakala saneha sithila raghubara keṃ| gae kosa dui dinakara ḍharakeṃ ||
jalu thalu dekhi base nisi bīteṃ| kīnha gavana raghunātha pirīteṃ ||
uhā~ rāmu rajanī avaseṣā| jāge sīya~ sapana asa dekhā ||
sahita samāja bharata janu āe| nātha biyoga tāpa tana tāe ||
sakala malina mana dīna dukhārī| dekhīṃ sāsu āna anuhārī ||
suni siya sapana bhare jala locana| bhae socabasa soca bimocana ||
lakhana sapana yaha nīka na hoī| kaṭhina kucāha sunāihi koī ||
asa kahi baṃdhu sameta nahāne| pūji purāri sādhu sanamāne ||
chaṃ. sanamāni sura muni baṃdi baiṭhe uttara disi dekhata bhae|
nabha dhūri khaga mṛga bhūri bhāge bikala prabhu āśrama gae ||
tulasī uṭhe avaloki kāranu kāha cita sacakita rahe|
saba samācāra kirāta kolanhi āi tehi avasara kahe ||
do. sunata sumaṃgala baina mana pramoda tana pulaka bhara|
sarada saroruha naina tulasī bhare saneha jala || 226 ||
bahuri socabasa bhe siyaravanū| kārana kavana bharata āgavanū ||
eka āi asa kahā bahorī| sena saṃga caturaṃga na thorī ||
so suni rāmahi bhā ati socū| ita pitu baca ita baṃdhu sakocū ||
bharata subhāu samujhi mana māhīṃ| prabhu cita hita thiti pāvata nāhī ||
samādhāna taba bhā yaha jāne| bharatu kahe mahu~ sādhu sayāne ||
lakhana lakheu prabhu hṛdaya~ khabhārū| kahata samaya sama nīti bicārū ||
binu pū~cha kachu kahau~ gosāīṃ| sevaku samaya~ na ḍhīṭha ḍhiṭhāī ||
tumha sarbagya siromani svāmī| āpani samujhi kahau~ anugāmī ||
do. nātha suhrada suṭhi sarala cita sīla saneha nidhāna ||
saba para prīti pratīti jiya~ jānia āpu samāna || 227 ||
biṣaī jīva pāi prabhutāī| mūṛha moha basa hohiṃ janāī ||
bharatu nīti rata sādhu sujānā| prabhu pada prema sakala jagu jānā ||
teū āju rāma padu pāī| cale dharama marajāda meṭāī ||
kuṭila kubaṃdha kuavasaru tākī| jāni rāma banavāsa ekākī ||
kari kumaṃtru mana sāji samājū| āe karai akaṃṭaka rājū ||
koṭi prakāra kalapi kuṭalāī| āe dala baṭori dou bhāī ||
jauṃ jiya~ hoti na kapaṭa kucālī| kehi sohāti ratha bāji gajālī ||
bharatahi dosu dei ko jāe~| jaga baurāi rāja padu pāe~ ||
do. sasi gura tiya gāmī naghuṣu caṛheu bhūmisura jāna|
loka beda teṃ bimukha bhā adhama na bena samāna || 228 ||
sahasabāhu suranāthu trisaṃkū| kehi na rājamada dīnha kalaṃkū ||
bharata kīnha yaha ucita upāū| ripu rina raṃca na rākhaba kāū ||
eka kīnhi nahiṃ bharata bhalāī| nidare rāmu jāni asahāī ||
samujhi parihi sou āju biseṣī| samara saroṣa rāma mukhu pekhī ||
etanā kahata nīti rasa bhūlā| rana rasa biṭapu pulaka misa phūlā ||
prabhu pada baṃdi sīsa raja rākhī| bole satya sahaja balu bhāṣī ||
anucita nātha na mānaba morā| bharata hamahi upacāra na thorā ||
kaha~ lagi sahia rahia manu māreṃ| nātha sātha dhanu hātha hamāreṃ ||
do. chatri jāti raghukula janamu rāma anuga jagu jāna|
lātahu~ māreṃ caṛhati sira nīca ko dhūri samāna || 229 ||
uṭhi kara jori rajāyasu māgā| manahu~ bīra rasa sovata jāgā ||
bā~dhi jaṭā sira kasi kaṭi bhāthā| sāji sarāsanu sāyaku hāthā ||
āju rāma sevaka jasu leū~| bharatahi samara sikhāvana deū~ ||
rāma nirādara kara phalu pāī| sovahu~ samara seja dou bhāī ||
āi banā bhala sakala samājū| pragaṭa karau~ risa pāchila ājū ||
jimi kari nikara dalai mṛgarājū| lei lapeṭi lavā jimi bājū ||
taisehiṃ bharatahi sena sametā| sānuja nidari nipātau~ khetā ||
jauṃ sahāya kara saṃkaru āī| tau mārau~ rana rāma dohāī ||
do. ati saroṣa mākhe lakhanu lakhi suni sapatha pravāna|
sabhaya loka saba lokapati cāhata bhabhari bhagāna || 230 ||
jagu bhaya magana gagana bhai bānī| lakhana bāhubalu bipula bakhānī ||
tāta pratāpa prabhāu tumhārā| ko kahi sakai ko jānanihārā ||
anucita ucita kāju kichu hoū| samujhi karia bhala kaha sabu koū ||
sahasā kari pāchaiṃ pachitāhīṃ| kahahiṃ beda budha te budha nāhīṃ ||
suni sura bacana lakhana sakucāne| rāma sīya~ sādara sanamāne ||
kahī tāta tumha nīti suhāī| saba teṃ kaṭhina rājamadu bhāī ||
jo acava~ta nṛpa mātahiṃ teī| nāhina sādhusabhā jehiṃ seī ||
sunahu lakhana bhala bharata sarīsā| bidhi prapaṃca maha~ sunā na dīsā ||
do. bharatahi hoi na rājamadu bidhi hari hara pada pāi ||
kabahu~ ki kā~jī sīkarani chīrasiṃdhu binasāi || 231 ||
timiru taruna taranihi maku gilaī| gaganu magana maku meghahiṃ milaī ||
gopada jala būṛahiṃ ghaṭajonī| sahaja chamā baru chāṛai chonī ||
masaka phū~ka maku meru uṛāī| hoi na nṛpamadu bharatahi bhāī ||
lakhana tumhāra sapatha pitu ānā| suci subaṃdhu nahiṃ bharata samānā ||
saguna khīru avaguna jalu tātā| milai racai parapaṃcu bidhātā ||
bharatu haṃsa rabibaṃsa taṛāgā| janami kīnha guna doṣa bibhāgā ||
gahi guna paya taji avaguna bārī| nija jasa jagata kīnhi ujiārī ||
kahata bharata guna sīlu subhāū| pema payodhi magana raghurāū ||
do. suni raghubara bānī bibudha dekhi bharata para hetu|
sakala sarāhata rāma so prabhu ko kṛpāniketu || 232 ||
jauṃ na hota jaga janama bharata ko| sakala dharama dhura dharani dharata ko ||
kabi kula agama bharata guna gāthā| ko jānai tumha binu raghunāthā ||
lakhana rāma siya~ suni sura bānī| ati sukhu laheu na jāi bakhānī ||
ihā~ bharatu saba sahita sahāe| maṃdākinīṃ punīta nahāe ||
sarita samīpa rākhi saba logā| māgi mātu gura saciva niyogā ||
cale bharatu jaha~ siya raghurāī| sātha niṣādanāthu laghu bhāī ||
samujhi mātu karataba sakucāhīṃ| karata kutaraka koṭi mana māhīṃ ||
rāmu lakhanu siya suni mama nāū~| uṭhi jani anata jāhiṃ taji ṭhāū~ ||
do. mātu mate mahu~ māni mohi jo kachu karahiṃ so thora|
agha avaguna chami ādarahiṃ samujhi āpanī ora || 233 ||
jauṃ pariharahiṃ malina manu jānī| jau sanamānahiṃ sevaku mānī ||
moreṃ sarana rāmahi kī panahī| rāma susvāmi dosu saba janahī ||
jaga jasa bhājana cātaka mīnā| nema pema nija nipuna nabīnā ||
asa mana gunata cale maga jātā| sakuca saneha~ sithila saba gātā ||
pherata manahu~ mātu kṛta khorī| calata bhagati bala dhīraja dhorī ||
jaba samujhata raghunātha subhāū| taba patha parata utāila pāū ||
bharata dasā tehi avasara kaisī| jala prabāha~ jala ali gati jaisī ||
dekhi bharata kara socu sanehū| bhā niṣāda tehi samaya~ bidehū ||
do. lage hona maṃgala saguna suni guni kahata niṣādu|
miṭihi socu hoihi haraṣu puni parināma biṣādu || 234 ||
sevaka bacana satya saba jāne| āśrama nikaṭa jāi niarāne ||
bharata dīkha bana saila samājū| mudita chudhita janu pāi sunājū ||
īti bhīti janu prajā dukhārī| tribidha tāpa pīṛita graha mārī ||
jāi surāja sudesa sukhārī| hohiṃ bharata gati tehi anuhārī ||
rāma bāsa bana saṃpati bhrājā| sukhī prajā janu pāi surājā ||
saciva birāgu bibeku naresū| bipina suhāvana pāvana desū ||
bhaṭa jama niyama saila rajadhānī| sāṃti sumati suci suṃdara rānī ||
sakala aṃga saṃpanna surāū| rāma carana āśrita cita cāū ||
do. jīti moha mahipālu dala sahita bibeka bhuālu|
karata akaṃṭaka rāju pura~ sukha saṃpadā sukālu || 235 ||
bana pradesa muni bāsa ghanere| janu pura nagara gāu~ gana khere ||
bipula bicitra bihaga mṛga nānā| prajā samāju na jāi bakhānā ||
khagahā kari hari bāgha barāhā| dekhi mahiṣa bṛṣa sāju sarāhā ||
bayaru bihāi carahiṃ eka saṃgā| jaha~ taha~ manahu~ sena caturaṃgā ||
jharanā jharahiṃ matta gaja gājahiṃ| manahu~ nisāna bibidhi bidhi bājahiṃ ||
caka cakora cātaka suka pika gana| kūjata maṃju marāla mudita mana ||
aligana gāvata nācata morā| janu surāja maṃgala cahu orā ||
beli biṭapa tṛna saphala saphūlā| saba samāju muda maṃgala mūlā ||
do. rāma saila sobhā nirakhi bharata hṛdaya~ ati pemu|
tāpasa tapa phalu pāi jimi sukhī sirāneṃ nemu || 236 ||
māsapārāyaṇa, bīsavā~ viśrāma
navāhnapārāyaṇa, pā~cavā~ viśrāma
taba kevaṭa ū~ceṃ caṛhi dhāī| kaheu bharata sana bhujā uṭhāī ||
nātha dekhiahiṃ biṭapa bisālā| pākari jaṃbu rasāla tamālā ||
jinha tarubaranha madhya baṭu sohā| maṃju bisāla dekhi manu mohā ||
nīla saghana pallva phala lālā| abirala chāha~ sukhada saba kālā ||
mānahu~ timira arunamaya rāsī| biracī bidhi sa~keli suṣamā sī ||
e taru sarita samīpa gosā~ī| raghubara paranakuṭī jaha~ chāī ||
tulasī tarubara bibidha suhāe| kahu~ kahu~ siya~ kahu~ lakhana lagāe ||
baṭa chāyā~ bedikā banāī| siya~ nija pāni saroja suhāī ||
do. jahā~ baiṭhi munigana sahita nita siya rāmu sujāna|
sunahiṃ kathā itihāsa saba āgama nigama purāna || 237 ||
sakhā bacana suni biṭapa nihārī| umage bharata bilocana bārī ||
karata pranāma cale dou bhāī| kahata prīti sārada sakucāī ||
haraṣahiṃ nirakhi rāma pada aṃkā| mānahu~ pārasu pāyau raṃkā ||
raja sira dhari hiya~ nayananhi lāvahiṃ| raghubara milana sarisa sukha pāvahiṃ ||
dekhi bharata gati akatha atīvā| prema magana mṛga khaga jaṛa jīvā ||
sakhahi saneha bibasa maga bhūlā| kahi supaṃtha sura baraṣahiṃ phūlā ||
nirakhi siddha sādhaka anurāge| sahaja sanehu sarāhana lāge ||
hota na bhūtala bhāu bharata ko| acara sacara cara acara karata ko ||
do. pema amia maṃdaru birahu bharatu payodhi ga~bhīra|
mathi pragaṭeu sura sādhu hita kṛpāsiṃdhu raghubīra || 238 ||
sakhā sameta manohara joṭā| lakheu na lakhana saghana bana oṭā ||
bharata dīkha prabhu āśramu pāvana| sakala sumaṃgala sadanu suhāvana ||
karata prabesa miṭe dukha dāvā| janu jogīṃ paramārathu pāvā ||
dekhe bharata lakhana prabhu āge| pū~che bacana kahata anurāge ||
sīsa jaṭā kaṭi muni paṭa bā~dheṃ| tūna kaseṃ kara saru dhanu kā~dheṃ ||
bedī para muni sādhu samājū| sīya sahita rājata raghurājū ||
balakala basana jaṭila tanu syāmā| janu muni beṣa kīnha rati kāmā ||
kara kamalani dhanu sāyaku pherata| jiya kī jarani harata ha~si herata ||
do. lasata maṃju muni maṃḍalī madhya sīya raghucaṃdu|
gyāna sabhā~ janu tanu dhare bhagati saccidānaṃdu || 239 ||
sānuja sakhā sameta magana mana| bisare haraṣa soka sukha dukha gana ||
pāhi nātha kahi pāhi gosāī| bhūtala pare lakuṭa kī nāī ||
bacana sapema lakhana pahicāne| karata pranāmu bharata jiya~ jāne ||
baṃdhu saneha sarasa ehi orā| uta sāhiba sevā basa jorā ||
mili na jāi nahiṃ gudarata banaī| sukabi lakhana mana kī gati bhanaī ||
rahe rākhi sevā para bhārū| caṛhī caṃga janu khaiṃca khelārū ||
kahata saprema nāi mahi māthā| bharata pranāma karata raghunāthā ||
uṭhe rāmu suni pema adhīrā| kahu~ paṭa kahu~ niṣaṃga dhanu tīrā ||
do. barabasa lie uṭhāi ura lāe kṛpānidhāna|
bharata rāma kī milani lakhi bisare sabahi apāna || 240 ||
milani prīti kimi jāi bakhānī| kabikula agama karama mana bānī ||
parama pema pūrana dou bhāī| mana budhi cita ahamiti bisarāī ||
kahahu supema pragaṭa ko karaī| kehi chāyā kabi mati anusaraī ||
kabihi aratha ākhara balu sā~cā| anuhari tāla gatihi naṭu nācā ||
agama saneha bharata raghubara ko| jaha~ na jāi manu bidhi hari hara ko ||
so maiṃ kumati kahauṃ kehi bhā~tī| bāja surāga ki gā~ḍara tā~tī ||
milani biloki bharata raghubara kī| suragana sabhaya dhakadhakī dharakī ||
samujhāe suraguru jaṛa jāge| baraṣi prasūna prasaṃsana lāge ||
do. mili sapema ripusūdanahi kevaṭu bheṃṭeu rāma|
bhūri bhāya~ bheṃṭe bharata lachimana karata pranāma || 241 ||
bheṃṭeu lakhana lalaki laghu bhāī| bahuri niṣādu līnha ura lāī ||
puni munigana duhu~ bhāinha baṃde| abhimata āsiṣa pāi anaṃde ||
sānuja bharata umagi anurāgā| dhari sira siya pada paduma parāgā ||
puni puni karata pranāma uṭhāe| sira kara kamala parasi baiṭhāe ||
sīya~ asīsa dīnhi mana māhīṃ| magana saneha~ deha sudhi nāhīṃ ||
saba bidhi sānukūla lakhi sītā| bhe nisoca ura apaḍara bītā ||
kou kichu kahai na kou kichu pū~chā| prema bharā mana nija gati chū~chā ||
tehi avasara kevaṭu dhīraju dhari| jori pāni binavata pranāmu kari ||
do. nātha sātha muninātha ke mātu sakala pura loga|
sevaka senapa saciva saba āe bikala biyoga || 242 ||
sīlasiṃdhu suni gura āgavanū| siya samīpa rākhe ripudavanū ||
cale sabega rāmu tehi kālā| dhīra dharama dhura dīnadayālā ||
gurahi dekhi sānuja anurāge| daṃḍa pranāma karana prabhu lāge ||
munibara dhāi lie ura lāī| prema umagi bheṃṭe dou bhāī ||
prema pulaki kevaṭa kahi nāmū| kīnha dūri teṃ daṃḍa pranāmū ||
rāmasakhā riṣi barabasa bheṃṭā| janu mahi luṭhata saneha sameṭā ||
raghupati bhagati sumaṃgala mūlā| nabha sarāhi sura barisahiṃ phūlā ||
ehi sama nipaṭa nīca kou nāhīṃ| baṛa basiṣṭha sama ko jaga māhīṃ ||
do. jehi lakhi lakhanahu teṃ adhika mile mudita munirāu|
so sītāpati bhajana ko pragaṭa pratāpa prabhāu || 243 ||
ārata loga rāma sabu jānā| karunākara sujāna bhagavānā ||
jo jehi bhāya~ rahā abhilāṣī| tehi tehi kai tasi tasi rukha rākhī ||
sānuja mili pala mahu saba kāhū| kīnha dūri dukhu dāruna dāhū ||
yaha baṛi bāta~ rāma kai nāhīṃ| jimi ghaṭa koṭi eka rabi chāhīṃ ||
mili kevaṭihi umagi anurāgā| purajana sakala sarāhahiṃ bhāgā ||
dekhīṃ rāma dukhita mahatārīṃ| janu subeli avalīṃ hima mārīṃ ||
prathama rāma bheṃṭī kaikeī| sarala subhāya~ bhagati mati bheī ||
paga pari kīnha prabodhu bahorī| kāla karama bidhi sira dhari khorī ||
do. bheṭīṃ raghubara mātu saba kari prabodhu paritoṣu ||
aṃba īsa ādhīna jagu kāhu na deia doṣu || 244 ||
guratiya pada baṃde duhu bhāī| sahita bipratiya je sa~ga āī ||
gaṃga gauri sama saba sanamānīṃ || dehiṃ asīsa mudita mṛdu bānī ||
gahi pada lage sumitrā aṃkā| janu bheṭīṃ saṃpati ati raṃkā ||
puni janani caranani dou bhrātā| pare pema byākula saba gātā ||
ati anurāga aṃba ura lāe| nayana saneha salila anhavāe ||
tehi avasara kara haraṣa biṣādū| kimi kabi kahai mūka jimi svādū ||
mili jananahi sānuja raghurāū| gura sana kaheu ki dhāria pāū ||
purajana pāi munīsa niyogū| jala thala taki taki utareu logū ||
do. mahisura maṃtrī mātu gura gane loga lie sātha ||
pāvana āśrama gavanu kiya bharata lakhana raghunātha || 245 ||
sīya āi munibara paga lāgī| ucita asīsa lahī mana māgī ||
gurapatinihi munitiyanha sametā| milī pemu kahi jāi na jetā ||
baṃdi baṃdi paga siya sabahī ke| āsirabacana lahe priya jī ke ||
sāsu sakala jaba sīya~ nihārīṃ| mūde nayana sahami sukumārīṃ ||
parīṃ badhika basa manahu~ marālīṃ| kāha kīnha karatāra kucālīṃ ||
tinha siya nirakhi nipaṭa dukhu pāvā| so sabu sahia jo daiu sahāvā ||
janakasutā taba ura dhari dhīrā| nīla nalina loyana bhari nīrā ||
milī sakala sāsunha siya jāī| tehi avasara karunā mahi chāī ||
do. lāgi lāgi paga sabani siya bheṃṭati ati anurāga ||
hṛdaya~ asīsahiṃ pema basa rahiahu bharī sohāga || 246 ||
bikala saneha~ sīya saba rānīṃ| baiṭhana sabahi kaheu gura gyānīṃ ||
kahi jaga gati māyika munināthā| kahe kachuka paramāratha gāthā ||
nṛpa kara surapura gavanu sunāvā| suni raghunātha dusaha dukhu pāvā ||
marana hetu nija nehu bicārī| bhe ati bikala dhīra dhura dhārī ||
kulisa kaṭhora sunata kaṭu bānī| bilapata lakhana sīya saba rānī ||
soka bikala ati sakala samājū| mānahu~ rāju akājeu ājū ||
munibara bahuri rāma samujhāe| sahita samāja susarita nahāe ||
bratu niraṃbu tehi dina prabhu kīnhā| munihu kaheṃ jalu kāhu~ na līnhā ||
do. bhoru bhae~ raghunaṃdanahi jo muni āyasu dīnha ||
śraddhā bhagati sameta prabhu so sabu sādaru kīnha || 247 ||
kari pitu kriyā beda jasi baranī| bhe punīta pātaka tama taranī ||
jāsu nāma pāvaka agha tūlā| sumirata sakala sumaṃgala mūlā ||
suddha so bhayau sādhu saṃmata asa| tīratha āvāhana surasari jasa ||
suddha bhae~ dui bāsara bīte| bole gura sana rāma pirīte ||
nātha loga saba nipaṭa dukhārī| kaṃda mūla phala aṃbu ahārī ||
sānuja bharatu saciva saba mātā| dekhi mohi pala jimi juga jātā ||
saba sameta pura dhāria pāū| āpu ihā~ amarāvati rāū ||
bahuta kaheu~ saba kiyau~ ḍhiṭhāī| ucita hoi tasa karia gosā~ī ||
do. dharma setu karunāyatana kasa na kahahu asa rāma|
loga dukhita dina dui darasa dekhi lahahu~ biśrāma || 248 ||
rāma bacana suni sabhaya samājū| janu jalanidhi mahu~ bikala jahājū ||
suni gura girā sumaṃgala mūlā| bhayau manahu~ māruta anukulā ||
pāvana paya~ tihu~ kāla nahāhīṃ| jo biloki aṃgha ogha nasāhīṃ ||
maṃgalamūrati locana bhari bhari| nirakhahiṃ haraṣi daṃḍavata kari kari ||
rāma saila bana dekhana jāhīṃ| jaha~ sukha sakala sakala dukha nāhīṃ ||
jharanā jharihiṃ sudhāsama bārī| tribidha tāpahara tribidha bayārī ||
biṭapa beli tṛna aganita jātī| phala prasūna pallava bahu bhā~tī ||
suṃdara silā sukhada taru chāhīṃ| jāi barani bana chabi kehi pāhīṃ ||
do. sarani saroruha jala bihaga kūjata guṃjata bhṛṃga|
baira bigata biharata bipina mṛga bihaṃga bahuraṃga || 249 ||
kola kirāta bhilla banabāsī| madhu suci suṃdara svādu sudhā sī ||
bhari bhari parana puṭīṃ raci rurī| kaṃda mūla phala aṃkura jūrī ||
sabahi dehiṃ kari binaya pranāmā| kahi kahi svāda bheda guna nāmā ||
dehiṃ loga bahu mola na lehīṃ| pherata rāma dohāī dehīṃ ||
kahahiṃ saneha magana mṛdu bānī| mānata sādhu pema pahicānī ||
tumha sukṛtī hama nīca niṣādā| pāvā darasanu rāma prasādā ||
hamahi agama ati darasu tumhārā| jasa maru dharani devadhuni dhārā ||
rāma kṛpāla niṣāda nevājā| parijana prajau cahia jasa rājā ||
do. yaha ji~ya~ jāni sa~kocu taji karia chohu lakhi nehu|
hamahi kṛtāratha karana lagi phala tṛna aṃkura lehu || 250 ||
tumha priya pāhune bana pagu dhāre| sevā jogu na bhāga hamāre ||
deba kāha hama tumhahi gosā~ī| īdhanu pāta kirāta mitāī ||
yaha hamāri ati baṛi sevakāī| lehi na bāsana basana corāī ||
hama jaṛa jīva jīva gana ghātī| kuṭila kucālī kumati kujātī ||
pāpa karata nisi bāsara jāhīṃ| nahiṃ paṭa kaṭi nahi peṭa aghāhīṃ ||
saponehu~ dharama buddhi kasa kāū| yaha raghunaṃdana darasa prabhāū ||
jaba teṃ prabhu pada paduma nihāre| miṭe dusaha dukha doṣa hamāre ||
bacana sunata purajana anurāge| tinha ke bhāga sarāhana lāge ||
chaṃ. lāge sarāhana bhāga saba anurāga bacana sunāvahīṃ|
bolani milani siya rāma carana sanehu lakhi sukhu pāvahīṃ ||
nara nāri nidarahiṃ nehu nija suni kola bhillani kī girā|
tulasī kṛpā raghubaṃsamani kī loha lai laukā tirā ||
so. biharahiṃ bana cahu ora pratidina pramudita loga saba|
jala jyoṃ dādura mora bhae pīna pāvasa prathama || 251 ||
pura jana nāri magana ati prītī| bāsara jāhiṃ palaka sama bītī ||
sīya sāsu prati beṣa banāī| sādara karai sarisa sevakāī ||
lakhā na maramu rāma binu kāhū~| māyā saba siya māyā māhū~ ||
sīya~ sāsu sevā basa kīnhīṃ| tinha lahi sukha sikha āsiṣa dīnhīṃ ||
lakhi siya sahita sarala dou bhāī| kuṭila rāni pachitāni aghāī ||
avani jamahi jācati kaikeī| mahi na bīcu bidhi mīcu na deī ||
lokahu~ beda bidita kabi kahahīṃ| rāma bimukha thalu naraka na lahahīṃ ||
yahu saṃsau saba ke mana māhīṃ| rāma gavanu bidhi avadha ki nāhīṃ ||
do. nisi na nīda nahiṃ bhūkha dina bharatu bikala suci soca|
nīca kīca bica magana jasa mīnahi salila sa~koca || 252 ||
kīnhī mātu misa kāla kucālī| īti bhīti jasa pākata sālī ||
kehi bidhi hoi rāma abhiṣekū| mohi avakalata upāu na ekū ||
avasi phirahiṃ gura āyasu mānī| muni puni kahaba rāma ruci jānī ||
mātu kahehu~ bahurahiṃ raghurāū| rāma janani haṭha karabi ki kāū ||
mohi anucara kara ketika bātā| tehi maha~ kusamau bāma bidhātā ||
jauṃ haṭha karau~ ta nipaṭa kukaramū| haragiri teṃ guru sevaka dharamū ||
ekau juguti na mana ṭhaharānī| socata bharatahi raini bihānī ||
prāta nahāi prabhuhi sira nāī| baiṭhata paṭhae riṣaya~ bolāī ||
do. gura pada kamala pranāmu kari baiṭhe āyasu pāi|
bipra mahājana saciva saba jure sabhāsada āi || 253 ||
bole munibaru samaya samānā| sunahu sabhāsada bharata sujānā ||
dharama dhurīna bhānukula bhānū| rājā rāmu svabasa bhagavānū ||
satyasaṃdha pālaka śruti setū| rāma janamu jaga maṃgala hetū ||
gura pitu mātu bacana anusārī| khala dalu dalana deva hitakārī ||
nīti prīti paramāratha svārathu| kou na rāma sama jāna jathārathu ||
bidhi hari haru sasi rabi disipālā| māyā jīva karama kuli kālā ||
ahipa mahipa jaha~ lagi prabhutāī| joga siddhi nigamāgama gāī ||
kari bicāra ji~ya~ dekhahu nīkeṃ| rāma rajāi sīsa sabahī keṃ ||
do. rākheṃ rāma rajāi rukha hama saba kara hita hoi|
samujhi sayāne karahu aba saba mili saṃmata soi || 254 ||
saba kahu~ sukhada rāma abhiṣekū| maṃgala moda mūla maga ekū ||
kehi bidhi avadha calahiṃ raghurāū| kahahu samujhi soi karia upāū ||
saba sādara suni munibara bānī| naya paramāratha svāratha sānī ||
utaru na āva loga bhae bhore| taba siru nāi bharata kara jore ||
bhānubaṃsa bhae bhūpa ghanere| adhika eka teṃ eka baṛere ||
janamu hetu saba kaha~ pitu mātā| karama subhāsubha dei bidhātā ||
dali dukha sajai sakala kalyānā| asa asīsa rāuri jagu jānā ||
so gosāi~ bidhi gati jehiṃ cheṃkī| sakai ko ṭāri ṭeka jo ṭekī ||
do. būjhia mohi upāu aba so saba mora abhāgu|
suni sanehamaya bacana gura ura umagā anurāgu || 255 ||
tāta bāta phuri rāma kṛpāhīṃ| rāma bimukha sidhi sapanehu~ nāhīṃ ||
sakucau~ tāta kahata eka bātā| aradha tajahiṃ budha sarabasa jātā ||
tumha kānana gavanahu dou bhāī| pheriahiṃ lakhana sīya raghurāī ||
suni subacana haraṣe dou bhrātā| bhe pramoda paripūrana gātā ||
mana prasanna tana teju birājā| janu jiya rāu rāmu bhae rājā ||
bahuta lābha loganha laghu hānī| sama dukha sukha saba rovahiṃ rānī ||
kahahiṃ bharatu muni kahā so kīnhe| phalu jaga jīvanha abhimata dīnhe ||
kānana karau~ janama bhari bāsū| ehiṃ teṃ adhika na mora supāsū ||
do. a~tarajāmī rāmu siya tumha sarabagya sujāna|
jo phura kahahu ta nātha nija kījia bacanu pravāna || 256 ||
bharata bacana suni dekhi sanehū| sabhā sahita muni bhae bidehū ||
bharata mahā mahimā jalarāsī| muni mati ṭhāṛhi tīra abalā sī ||
gā caha pāra jatanu hiya~ herā| pāvati nāva na bohitu berā ||
auru karihi ko bharata baṛāī| sarasī sīpi ki siṃdhu samāī ||
bharatu munihi mana bhītara bhāe| sahita samāja rāma pahi~ āe ||
prabhu pranāmu kari dīnha suāsanu| baiṭhe saba suni muni anusāsanu ||
bole munibaru bacana bicārī| desa kāla avasara anuhārī ||
sunahu rāma sarabagya sujānā| dharama nīti guna gyāna nidhānā ||
do. saba ke ura aṃtara basahu jānahu bhāu kubhāu|
purajana jananī bharata hita hoi so kahia upāu || 257 ||
ārata kahahiṃ bicāri na kāū| sūjha jūārihi āpana dāū ||
suni muni bacana kahata raghurāū| nātha tumhārehi hātha upāū ||
saba kara hita rukha rāuri rākhe~| āyasu kie~ mudita phura bhāṣeṃ ||
prathama jo āyasu mo kahu~ hoī| māthe~ māni karau sikha soī ||
puni jehi kaha~ jasa kahaba gosāī~| so saba bhā~ti ghaṭihi sevakāī~ ||
kaha muni rāma satya tumha bhāṣā| bharata saneha~ bicāru na rākhā ||
tehi teṃ kahau~ bahori bahorī| bharata bhagati basa bhai mati morī ||
more~ jāna bharata ruci rākhi| jo kījia so subha siva sākhī ||
do. bharata binaya sādara sunia karia bicāru bahori|
karaba sādhumata lokamata nṛpanaya nigama nicori || 258 ||
guru anurāga bharata para dekhī| rāma hdaya~ ānaṃdu biseṣī ||
bharatahi dharama dhuraṃdhara jānī| nija sevaka tana mānasa bānī ||
bole gura āyasa anukūlā| bacana maṃju mṛdu maṃgalamūlā ||
nātha sapatha pitu carana dohāī| bhayau na bhuana bharata sama bhāī ||
je gura pada aṃbuja anurāgī| te lokahu~ bedahu~ baṛabhāgī ||
rāura jā para asa anurāgū| ko kahi sakai bharata kara bhāgū ||
lakhi laghu baṃdhu buddhi sakucāī| karata badana para bharata baṛāī ||
bharatu kahahīṃ soi kie~ bhalāī| asa kahi rāma rahe aragāī ||
do. taba muni bole bharata sana saba sa~kocu taji tāta|
kṛpāsiṃdhu priya baṃdhu sana kahahu hṛdaya kai bāta || 259 ||
suni muni bacana rāma rukha pāī| guru sāhiba anukūla aghāī ||
lakhi apane sira sabu charu bhārū| kahi na sakahiṃ kachu karahiṃ bicārū ||
pulaki sarīra sabhā~ bhae ṭhāḍheṃ| nīraja nayana neha jala bāṛheṃ ||
kahaba mora muninātha nibāhā| ehi teṃ adhika kahauṃ maiṃ kāhā|
maiṃ jānau~ nija nātha subhāū| aparādhihu para koha na kāū ||
mo para kṛpā saneha biseṣī| khelata khunisa na kabahū~ dekhī ||
sisupana tema parihareu~ na saṃgū| kabahu~ na kīnha mora mana bhaṃgū ||
maiṃ prabhu kṛpā rīti jiya~ johī| hārehu~ khela jitāvahiṃ mohī ||
do. mahū~ saneha sakoca basa sanamukha kahī na baina|
darasana tṛpita na āju lagi pema piāse naina || 260 ||
bidhi na sakeu sahi mora dulārā| nīca bīcu jananī misa pārā|
yahau kahata mohi āju na sobhā| apanīṃ samujhi sādhu suci ko bhā ||
mātu maṃdi maiṃ sādhu sucālī| ura asa ānata koṭi kucālī ||
pharai ki kodava bāli susālī| mukutā prasava ki saṃbuka kālī ||
sapanehu~ dosaka lesu na kāhū| mora abhāga udadhi avagāhū ||
binu samujheṃ nija agha paripākū| jāriu~ jāya~ janani kahi kākū ||
hṛdaya~ heri hāreu~ saba orā| ekahi bhā~ti bhalehiṃ bhala morā ||
gura gosāi~ sāhiba siya rāmū| lāgata mohi nīka parināmū ||
do. sādhu sabhā gura prabhu nikaṭa kahau~ suthala sati bhāu|
prema prapaṃcu ki jhūṭha phura jānahiṃ muni raghurāu || 261 ||
bhūpati marana pema panu rākhī| jananī kumati jagatu sabu sākhī ||
dekhi na jāhi bikala mahatārī| jarahiṃ dusaha jara pura nara nārī ||
mahīṃ sakala anaratha kara mūlā| so suni samujhi sahiu~ saba sūlā ||
suni bana gavanu kīnha raghunāthā| kari muni beṣa lakhana siya sāthā ||
binu pānahinha payādehi pāe~| saṃkaru sākhi raheu~ ehi ghāe~ ||
bahuri nihāra niṣāda sanehū| kulisa kaṭhina ura bhayau na behū ||
aba sabu ā~khinha dekheu~ āī| jiata jīva jaṛa sabai sahāī ||
jinhahi nirakhi maga sā~pini bīchī| tajahiṃ biṣama biṣu tāmasa tīchī ||
do. tei raghunaṃdanu lakhanu siya anahita lāge jāhi|
tāsu tanaya taji dusaha dukha daiu sahāvai kāhi || 262 ||
suni ati bikala bharata bara bānī| ārati prīti binaya naya sānī ||
soka magana saba sabhā~ khabhārū| manahu~ kamala bana pareu tusārū ||
kahi aneka bidhi kathā purānī| bharata prabodhu kīnha muni gyānī ||
bole ucita bacana raghunaṃdū| dinakara kula kairava bana caṃdū ||
tāta jā~ya jiya~ karahu galānī| īsa adhīna jīva gati jānī ||
tīni kāla tibhuana mata moreṃ| punyasiloka tāta tara tore ||
ura ānata tumha para kuṭilāī| jāi loku paraloku nasāī ||
dosu dehiṃ jananihi jaṛa teī| jinha gura sādhu sabhā nahiṃ seī ||
do. miṭihahiṃ pāpa prapaṃca saba akhila amaṃgala bhāra|
loka sujasu paraloka sukhu sumirata nāmu tumhāra || 263 ||
kahau~ subhāu satya siva sākhī| bharata bhūmi raha rāuri rākhī ||
tāta kutaraka karahu jani jāe~| baira pema nahi durai durāe~ ||
muni gana nikaṭa bihaga mṛga jāhīṃ| bādhaka badhika biloki parāhīṃ ||
hita anahita pasu pacchiu jānā| mānuṣa tanu guna gyāna nidhānā ||
tāta tumhahi maiṃ jānau~ nīkeṃ| karauṃ kāha asamaṃjasa jīkeṃ ||
rākheu rāya~ satya mohi tyāgī| tanu parihareu pema pana lāgī ||
tāsu bacana meṭata mana socū| tehi teṃ adhika tumhāra sa~kocū ||
tā para gura mohi āyasu dīnhā| avasi jo kahahu cahau~ soi kīnhā ||
do. manu prasanna kari sakuca taji kahahu karauṃ soi āju|
satyasaṃdha raghubara bacana suni bhā sukhī samāju || 264 ||
sura gana sahita sabhaya surarājū| socahiṃ cāhata hona akājū ||
banata upāu karata kachu nāhīṃ| rāma sarana saba ge mana māhīṃ ||
bahuri bicāri paraspara kahahīṃ| raghupati bhagata bhagati basa ahahīṃ|
sudhi kari aṃbarīṣa durabāsā| bhe sura surapati nipaṭa nirāsā ||
sahe suranha bahu kāla biṣādā| narahari kie pragaṭa prahalādā ||
lagi lagi kāna kahahiṃ dhuni māthā| aba sura kāja bharata ke hāthā ||
āna upāu na dekhia devā| mānata rāmu susevaka sevā ||
hiya~ sapema sumirahu saba bharatahi| nija guna sīla rāma basa karatahi ||
do. suni sura mata suragura kaheu bhala tumhāra baṛa bhāgu|
sakala sumaṃgala mūla jaga bharata carana anurāgu || 265 ||
sītāpati sevaka sevakāī| kāmadhenu saya sarisa suhāī ||
bharata bhagati tumhareṃ mana āī| tajahu socu bidhi bāta banāī ||
dekhu devapati bharata prabhāū| sahaja subhāya~ bibasa raghurāū ||
mana thira karahu deva ḍaru nāhīṃ| bharatahi jāni rāma parichāhīṃ ||
suno suragura sura saṃmata socū| aṃtarajāmī prabhuhi sakocū ||
nija sira bhāru bharata jiya~ jānā| karata koṭi bidhi ura anumānā ||
kari bicāru mana dīnhī ṭhīkā| rāma rajāyasa āpana nīkā ||
nija pana taji rākheu panu morā| chohu sanehu kīnha nahiṃ thorā ||
do. kīnha anugraha amita ati saba bidhi sītānātha|
kari pranāmu bole bharatu jori jalaja juga hātha || 266 ||
kahauṃ kahāvauṃ kā aba svāmī| kṛpā aṃbunidhi aṃtarajāmī ||
gura prasanna sāhiba anukūlā| miṭī malina mana kalapita sūlā ||
apaḍara ḍareu~ na soca samūleṃ| rabihi na dosu deva disi bhūleṃ ||
mora abhāgu mātu kuṭilāī| bidhi gati biṣama kāla kaṭhināī ||
pāu ro'pi saba mili mohi ghālā| pranatapāla pana āpana pālā ||
yaha nai rīti na rāuri hoī| lokahu~ beda bidita nahiṃ goī ||
jagu anabhala bhala eku gosāīṃ| kahia hoi bhala kāsu bhalāīṃ ||
deu devataru sarisa subhāū| sanamukha bimukha na kāhuhi kāū ||
do. jāi nikaṭa pahicāni taru chāha~ samani saba soca|
māgata abhimata pāva jaga rāu raṃku bhala poca || 267 ||
lakhi saba bidhi gura svāmi sanehū| miṭeu chobhu nahiṃ mana saṃdehū ||
aba karunākara kījia soī| jana hita prabhu cita chobhu na hoī ||
jo sevaku sāhibahi sa~kocī| nija hita cahai tāsu mati pocī ||
sevaka hita sāhiba sevakāī| karai sakala sukha lobha bihāī ||
svārathu nātha phireṃ sabahī kā| kie~ rajāi koṭi bidhi nīkā ||
yaha svāratha paramāratha sāru| sakala sukṛta phala sugati siṃgāru ||
deva eka binatī suni morī| ucita hoi tasa karaba bahorī ||
tilaka samāju sāji sabu ānā| karia suphala prabhu jauṃ manu mānā ||
do. sānuja paṭhaia mohi bana kījia sabahi sanātha|
nataru pheriahiṃ baṃdhu dou nātha calauṃ maiṃ sātha || 268 ||
nataru jāhiṃ bana tīniu bhāī| bahuria sīya sahita raghurāī ||
jehi bidhi prabhu prasanna mana hoī| karunā sāgara kījia soī ||
deva~ dīnha sabu mohi abhāru| moreṃ nīti na dharama bicāru ||
kahau~ bacana saba svāratha hetū| rahata na ārata keṃ cita cetū ||
utaru dei suni svāmi rajāī| so sevaku lakhi lāja lajāī ||
asa maiṃ avaguna udadhi agādhū| svāmi saneha~ sarāhata sādhū ||
aba kṛpāla mohi so mata bhāvā| sakuca svāmi mana jāi~ na pāvā ||
prabhu pada sapatha kahau~ sati bhāū| jaga maṃgala hita eka upāū ||
do. prabhu prasanna mana sakuca taji jo jehi āyasu deba|
so sira dhari dhari karihi sabu miṭihi anaṭa avareba || 269 ||
bharata bacana suci suni sura haraṣe| sādhu sarāhi sumana sura baraṣe ||
asamaṃjasa basa avadha nevāsī| pramudita mana tāpasa banabāsī ||
cupahiṃ rahe raghunātha sa~kocī| prabhu gati dekhi sabhā saba socī ||
janaka dūta tehi avasara āe| muni basiṣṭha~ suni begi bolāe ||
kari pranāma tinha rāmu nihāre| beṣu dekhi bhae nipaṭa dukhāre ||
dūtanha munibara būjhī bātā| kahahu bideha bhūpa kusalātā ||
suni sakucāi nāi mahi māthā| bole cara bara joreṃ hāthā ||
būjhaba rāura sādara sāīṃ| kusala hetu so bhayau gosāīṃ ||
do. nāhi ta kosala nātha keṃ sātha kusala gai nātha|
mithilā avadha biseṣa teṃ jagu saba bhayau anātha || 270 ||
kosalapati gati suni janakaurā| bhe saba loka soka basa baurā ||
jehiṃ dekhe tehi samaya bidehū| nāmu satya asa lāga na kehū ||
rāni kucāli sunata narapālahi| sūjha na kachu jasa mani binu byālahi ||
bharata rāja raghubara banabāsū| bhā mithilesahi hṛdaya~ harā~sū ||
nṛpa būjhe budha saciva samājū| kahahu bicāri ucita kā ājū ||
samujhi avadha asamaṃjasa doū| calia ki rahia na kaha kachu koū ||
nṛpahi dhīra dhari hṛdaya~ bicārī| paṭhae avadha catura cara cārī ||
būjhi bharata sati bhāu kubhāū| āehu begi na hoi lakhāū ||
do. gae avadha cara bharata gati būjhi dekhi karatūti|
cale citrakūṭahi bharatu cāra cale terahūti || 271 ||
dūtanha āi bharata kai karanī| janaka samāja jathāmati baranī ||
suni gura parijana saciva mahīpati| bhe saba soca saneha~ bikala ati ||
dhari dhīraju kari bharata baṛāī| lie subhaṭa sāhanī bolāī ||
ghara pura desa rākhi rakhavāre| haya gaya ratha bahu jāna sa~vāre ||
dugharī sādhi cale tatakālā| kie biśrāmu na maga mahīpālā ||
bhorahiṃ āju nahāi prayāgā| cale jamuna utarana sabu lāgā ||
khabari lena hama paṭhae nāthā| tinha kahi asa mahi nāyau māthā ||
sātha kirāta cha sātaka dīnhe| munibara turata bidā cara kīnhe ||
do. sunata janaka āgavanu sabu haraṣeu avadha samāju|
raghunaṃdanahi sakocu baṛa soca bibasa surarāju || 272 ||
garai galāni kuṭila kaikeī| kāhi kahai kehi dūṣanu deī ||
asa mana āni mudita nara nārī| bhayau bahori rahaba dina cārī ||
ehi prakāra gata bāsara soū| prāta nahāna lāga sabu koū ||
kari majjanu pūjahiṃ nara nārī| ganapa gauri tipurāri tamārī ||
ramā ramana pada baṃdi bahorī| binavahiṃ aṃjuli aṃcala jorī ||
rājā rāmu jānakī rānī| āna~da avadhi avadha rajadhānī ||
subasa basau phiri sahita samājā| bharatahi rāmu karahu~ jubarājā ||
ehi sukha sudhā~ sīṃcī saba kāhū| deva dehu jaga jīvana lāhū ||
do. gura samāja bhāinha sahita rāma rāju pura hou|
achata rāma rājā avadha maria māga sabu kou || 273 ||
suni sanehamaya purajana bānī| niṃdahiṃ joga birati muni gyānī ||
ehi bidhi nityakarama kari purajana| rāmahi karahiṃ pranāma pulaki tana ||
ū~ca nīca madhyama nara nārī| lahahiṃ darasu nija nija anuhārī ||
sāvadhāna sabahī sanamānahiṃ| sakala sarāhata kṛpānidhānahiṃ ||
larikāihi te raghubara bānī| pālata nīti prīti pahicānī ||
sīla sakoca siṃdhu raghurāū| sumukha sulocana sarala subhāū ||
kahata rāma guna gana anurāge| saba nija bhāga sarāhana lāge ||
hama sama punya puṃja jaga thore| jinhahi rāmu jānata kari more ||
do. prema magana tehi samaya saba suni āvata mithilesu|
sahita sabhā saṃbhrama uṭheu rabikula kamala dinesu || 274 ||
bhāi saciva gura purajana sāthā| āgeṃ gavanu kīnha raghunāthā ||
giribaru dīkha janakapati jabahīṃ| kari pranāma ratha tyāgeu tabahīṃ ||
rāma darasa lālasā uchāhū| patha śrama lesu kalesu na kāhū ||
mana taha~ jaha~ raghubara baidehī| binu mana tana dukha sukha sudhi kehī ||
āvata janaku cale ehi bhā~tī| sahita samāja prema mati mātī ||
āe nikaṭa dekhi anurāge| sādara milana parasapara lāge ||
lage janaka munijana pada baṃdana| riṣinha pranāmu kīnha raghunaṃdana ||
bhāinha sahita rāmu mili rājahi| cale lavāi sameta samājahi ||
do. āśrama sāgara sāṃta rasa pūrana pāvana pāthu|
sena manahu~ karunā sarita lie~ jāhiṃ raghunāthu || 275 ||
borati gyāna birāga karāre| bacana sasoka milata nada nāre ||
soca usāsa samīra taṃragā| dhīraja taṭa tarubara kara bhaṃgā ||
biṣama biṣāda torāvati dhārā| bhaya bhrama bhava~ra abarta apārā ||
kevaṭa budha bidyā baṛi nāvā| sakahiṃ na khei aika nahiṃ āvā ||
banacara kola kirāta bicāre| thake biloki pathika hiya~ hāre ||
āśrama udadhi milī jaba jāī| manahu~ uṭheu aṃbudhi akulāī ||
soka bikala dou rāja samājā| rahā na gyānu na dhīraju lājā ||
bhūpa rūpa guna sīla sarāhī| rovahiṃ soka siṃdhu avagāhī ||
chaṃ. avagāhi soka samudra socahiṃ nāri nara byākula mahā|
dai doṣa sakala saroṣa bolahiṃ bāma bidhi kīnho kahā ||
sura siddha tāpasa jogijana muni dekhi dasā bideha kī|
tulasī na samarathu kou jo tari sakai sarita saneha kī ||
so. kie amita upadesa jaha~ taha~ loganha munibaranha|
dhīraju dharia naresa kaheu basiṣṭha bideha sana || 276 ||
jāsu gyānu rabi bhava nisi nāsā| bacana kirana muni kamala bikāsā ||
tehi ki moha mamatā niarāī| yaha siya rāma saneha baṛāī ||
biṣaī sādhaka siddha sayāne| tribidha jīva jaga beda bakhāne ||
rāma saneha sarasa mana jāsū| sādhu sabhā~ baṛa ādara tāsū ||
soha na rāma pema binu gyānū| karanadhāra binu jimi jalajānū ||
muni bahubidhi bidehu samujhāe| rāmaghāṭa saba loga nahāe ||
sakala soka saṃkula nara nārī| so bāsaru bīteu binu bārī ||
pasu khaga mṛganha na kīnha ahārū| priya parijana kara kauna bicārū ||
do. dou samāja nimirāju raghurāju nahāne prāta|
baiṭhe saba baṭa biṭapa tara mana malīna kṛsa gāta || 277 ||
je mahisura dasaratha pura bāsī| je mithilāpati nagara nivāsī ||
haṃsa baṃsa gura janaka purodhā| jinha jaga magu paramārathu sodhā ||
lage kahana upadesa anekā| sahita dharama naya birati bibekā ||
kausika kahi kahi kathā purānīṃ| samujhāī saba sabhā subānīṃ ||
taba raghunātha kosikahi kaheū| nātha kāli jala binu sabu raheū ||
muni kaha ucita kahata raghurāī| gayau bīti dina pahara aṛhāī ||
riṣi rukha lakhi kaha terahutirājū| ihā~ ucita nahiṃ asana anājū ||
kahā bhūpa bhala sabahi sohānā| pāi rajāyasu cale nahānā ||
do. tehi avasara phala phūla dala mūla aneka prakāra|
lai āe banacara bipula bhari bhari kā~vari bhāra || 278 ||
kāmada me giri rāma prasādā| avalokata apaharata biṣādā ||
sara saritā bana bhūmi bibhāgā| janu umagata āna~da anurāgā ||
beli biṭapa saba saphala saphūlā| bolata khaga mṛga ali anukūlā ||
tehi avasara bana adhika uchāhū| tribidha samīra sukhada saba kāhū ||
jāi na barani manoharatāī| janu mahi karati janaka pahunāī ||
taba saba loga nahāi nahāī| rāma janaka muni āyasu pāī ||
dekhi dekhi tarubara anurāge| jaha~ taha~ purajana utarana lāge ||
dala phala mūla kaṃda bidhi nānā| pāvana suṃdara sudhā samānā ||
do. sādara saba kaha~ rāmagura paṭhae bhari bhari bhāra|
pūji pitara sura atithi gura lage karana pharahāra || 279 ||
ehi bidhi bāsara bīte cārī| rāmu nirakhi nara nāri sukhārī ||
duhu samāja asi ruci mana māhīṃ| binu siya rāma phiraba bhala nāhīṃ ||
sītā rāma saṃga banabāsū| koṭi amarapura sarisa supāsū ||
parihari lakhana rāmu baidehī| jehi gharu bhāva bāma bidhi tehī ||
dāhina daiu hoi jaba sabahī| rāma samīpa basia bana tabahī ||
maṃdākini majjanu tihu kālā| rāma darasu muda maṃgala mālā ||
aṭanu rāma giri bana tāpasa thala| asanu amia sama kaṃda mūla phala ||
sukha sameta saṃbata dui sātā| pala sama hohiṃ na janiahiṃ jātā ||
do. ehi sukha joga na loga saba kahahiṃ kahā~ asa bhāgu ||
sahaja subhāya~ samāja duhu rāma carana anurāgu || 280 ||
ehi bidhi sakala manoratha karahīṃ| bacana saprema sunata mana harahīṃ ||
sīya mātu tehi samaya paṭhāīṃ| dāsīṃ dekhi suavasaru āīṃ ||
sāvakāsa suni saba siya sāsū| āyau janakarāja ranivāsū ||
kausalyā~ sādara sanamānī| āsana die samaya sama ānī ||
sīlu saneha sakala duhu orā| dravahiṃ dekhi suni kulisa kaṭhorā ||
pulaka sithila tana bāri bilocana| mahi nakha likhana lagīṃ saba socana ||
saba siya rāma prīti ki si mūratī| janu karunā bahu beṣa bisūrati ||
sīya mātu kaha bidhi budhi bā~kī| jo paya phenu phora pabi ṭā~kī ||
do. sunia sudhā dekhiahiṃ garala saba karatūti karāla|
jaha~ taha~ kāka ulūka baka mānasa sakṛta marāla || 281 ||
suni sasoca kaha debi sumitrā| bidhi gati baṛi biparīta bicitrā ||
jo sṛji pālai harai bahorī| bāla keli sama bidhi mati bhorī ||
kausalyā kaha dosu na kāhū| karama bibasa dukha sukha chati lāhū ||
kaṭhina karama gati jāna bidhātā| jo subha asubha sakala phala dātā ||
īsa rajāi sīsa sabahī keṃ| utapati thiti laya biṣahu amī keṃ ||
debi moha basa socia bādī| bidhi prapaṃcu asa acala anādī ||
bhūpati jiaba maraba ura ānī| socia sakhi lakhi nija hita hānī ||
sīya mātu kaha satya subānī| sukṛtī avadhi avadhapati rānī ||
do. lakhanu rāma siya jāhu~ bana bhala parināma na pocu|
gahabari hiya~ kaha kausilā mohi bharata kara socu || 282 ||
īsa prasāda asīsa tumhārī| suta sutabadhū devasari bārī ||
rāma sapatha maiṃ kīnha na kāū| so kari kahau~ sakhī sati bhāū ||
bharata sīla guna binaya baṛāī| bhāyapa bhagati bharosa bhalāī ||
kahata sāradahu kara mati hīce| sāgara sīpa ki jāhiṃ ulīce ||
jānau~ sadā bharata kuladīpā| bāra bāra mohi kaheu mahīpā ||
kaseṃ kanaku mani pārikhi pāe~| puruṣa parikhiahiṃ samaya~ subhāe~|
anucita āju kahaba asa morā| soka saneha~ sayānapa thorā ||
suni surasari sama pāvani bānī| bhaīṃ saneha bikala saba rānī ||
do. kausalyā kaha dhīra dhari sunahu debi mithilesi|
ko bibekanidhi ballabhahi tumhahi sakai upadesi || 283 ||
rāni rāya sana avasaru pāī| apanī bhā~ti kahaba samujhāī ||
rakhiahiṃ lakhanu bharatu gabanahiṃ bana| jauṃ yaha mata mānai mahīpa mana ||
tau bhala jatanu karaba subicārī| moreṃ saucu bharata kara bhārī ||
gūṛha saneha bharata mana māhī| raheṃ nīka mohi lāgata nāhīṃ ||
lakhi subhāu suni sarala subānī| saba bhai magana karuna rasa rānī ||
nabha prasūna jhari dhanya dhanya dhuni| sithila saneha~ siddha jogī muni ||
sabu ranivāsu bithaki lakhi raheū| taba dhari dhīra sumitrā~ kaheū ||
debi daṃḍa juga jāmini bītī| rāma mātu sunī uṭhī saprītī ||
do. begi pāu dhāria thalahi kaha saneha~ satibhāya|
hamareṃ tau aba īsa gati ke mithilesa sahāya || 284 ||
lakhi saneha suni bacana binītā| janakapriyā gaha pāya punītā ||
debi ucita asi binaya tumhārī| dasaratha gharini rāma mahatārī ||
prabhu apane nīcahu ādarahīṃ| agini dhūma giri sira tinu dharahīṃ ||
sevaku rāu karama mana bānī| sadā sahāya mahesu bhavānī ||
raure aṃga jogu jaga ko hai| dīpa sahāya ki dinakara sohai ||
rāmu jāi banu kari sura kājū| acala avadhapura karihahiṃ rājū ||
amara nāga nara rāma bāhubala| sukha basihahiṃ apaneṃ apane thala ||
yaha saba jāgabalika kahi rākhā| debi na hoi mudhā muni bhāṣā ||
do. asa kahi paga pari pema ati siya hita binaya sunāi ||
siya sameta siyamātu taba calī suāyasu pāi || 285 ||
priya parijanahi milī baidehī| jo jehi jogu bhā~ti tehi tehī ||
tāpasa beṣa jānakī dekhī| bhā sabu bikala biṣāda biseṣī ||
janaka rāma gura āyasu pāī| cale thalahi siya dekhī āī ||
līnhi lāi ura janaka jānakī| pāhuna pāvana pema prāna kī ||
ura umageu aṃbudhi anurāgū| bhayau bhūpa manu manahu~ payāgū ||
siya saneha baṭu bāṛhata johā| tā para rāma pema sisu sohā ||
cirajīvī muni gyāna bikala janu| būṛata laheu bāla avalaṃbanu ||
moha magana mati nahiṃ bideha kī| mahimā siya raghubara saneha kī ||
do. siya pitu mātu saneha basa bikala na sakī sa~bhāri|
dharanisutā~ dhīraju dhareu samau sudharamu bicāri || 286 ||
tāpasa beṣa janaka siya dekhī| bhayau pemu paritoṣu biseṣī ||
putri pavitra kie kula doū| sujasa dhavala jagu kaha sabu koū ||
jiti surasari kīrati sari torī| gavanu kīnha bidhi aṃḍa karorī ||
gaṃga avani thala tīni baṛere| ehiṃ kie sādhu samāja ghanere ||
pitu kaha satya saneha~ subānī| sīya sakuca mahu~ manahu~ samānī ||
puni pitu mātu līnha ura lāī| sikha āsiṣa hita dīnhi suhāī ||
kahati na sīya sakuci mana māhīṃ| ihā~ basaba rajanīṃ bhala nāhīṃ ||
lakhi rukha rāni janāyau rāū| hṛdaya~ sarāhata sīlu subhāū ||
do. bāra bāra mili bheṃṭa siya bidā kīnha sanamāni|
kahī samaya sira bharata gati rāni subāni sayāni || 287 ||
suni bhūpāla bharata byavahārū| sona sugaṃdha sudhā sasi sārū ||
mūde sajala nayana pulake tana| sujasu sarāhana lage mudita mana ||
sāvadhāna sunu sumukhi sulocani| bharata kathā bhava baṃdha bimocani ||
dharama rājanaya brahmabicārū| ihā~ jathāmati mora pracārū ||
so mati mori bharata mahimāhī| kahai kāha chali chuati na chā~hī ||
bidhi ganapati ahipati siva sārada| kabi kobida budha buddhi bisārada ||
bharata carita kīrati karatūtī| dharama sīla guna bimala bibhūtī ||
samujhata sunata sukhada saba kāhū| suci surasari ruci nidara sudhāhū ||
do. niravadhi guna nirupama puruṣu bharatu bharata sama jāni|
kahia sumeru ki sera sama kabikula mati sakucāni || 288 ||
agama sabahi baranata barabaranī| jimi jalahīna mīna gamu dharanī ||
bharata amita mahimā sunu rānī| jānahiṃ rāmu na sakahiṃ bakhānī ||
barani saprema bharata anubhāū| tiya jiya kī ruci lakhi kaha rāū ||
bahurahiṃ lakhanu bharatu bana jāhīṃ| saba kara bhala saba ke mana māhīṃ ||
debi paraṃtu bharata raghubara kī| prīti pratīti jāi nahiṃ tarakī ||
bharatu avadhi saneha mamatā kī| jadyapi rāmu sīma samatā kī ||
paramāratha svāratha sukha sāre| bharata na sapanehu~ manahu~ nihāre ||
sādhana siddha rāma paga nehū || mohi lakhi parata bharata mata ehū ||
do. bhorehu~ bharata na pelihahiṃ manasahu~ rāma rajāi|
karia na socu saneha basa kaheu bhūpa bilakhāi || 289 ||
rāma bharata guna ganata saprītī| nisi daṃpatihi palaka sama bītī ||
rāja samāja prāta juga jāge| nhāi nhāi sura pūjana lāge ||
ge nahāi gura pahīṃ raghurāī| baṃdi carana bole rukha pāī ||
nātha bharatu purajana mahatārī| soka bikala banabāsa dukhārī ||
sahita samāja rāu mithilesū| bahuta divasa bhae sahata kalesū ||
ucita hoi soi kījia nāthā| hita sabahī kara raureṃ hāthā ||
asa kahi ati sakuce raghurāū| muni pulake lakhi sīlu subhāū ||
tumha binu rāma sakala sukha sājā| naraka sarisa duhu rāja samājā ||
do. prāna prāna ke jīva ke jiva sukha ke sukha rāma|
tumha taji tāta sohāta gṛha jinhahi tinhahiṃ bidhi bāma || 290 ||
so sukhu karamu dharamu jari jāū| jaha~ na rāma pada paṃkaja bhāū ||
jogu kujogu gyānu agyānū| jaha~ nahiṃ rāma pema paradhānū ||
tumha binu dukhī sukhī tumha tehīṃ| tumha jānahu jiya jo jehi kehīṃ ||
rāura āyasu sira sabahī keṃ| bidita kṛpālahi gati saba nīkeṃ ||
āpu āśramahi dhāria pāū| bhayau saneha sithila munirāū ||
kari pranāma taba rāmu sidhāe| riṣi dhari dhīra janaka pahiṃ āe ||
rāma bacana guru nṛpahi sunāe| sīla saneha subhāya~ suhāe ||
mahārāja aba kījia soī| saba kara dharama sahita hita hoī|
do. gyāna nidhāna sujāna suci dharama dhīra narapāla|
tumha binu asamaṃjasa samana ko samaratha ehi kāla || 291 ||
suni muni bacana janaka anurāge| lakhi gati gyānu birāgu birāge ||
sithila saneha~ gunata mana māhīṃ| āe ihā~ kīnha bhala nāhī ||
rāmahi rāya~ kaheu bana jānā| kīnha āpu priya prema pravānā ||
hama aba bana teṃ banahi paṭhāī| pramudita phiraba bibeka baṛāī ||
tāpasa muni mahisura suni dekhī| bhae prema basa bikala biseṣī ||
samau samujhi dhari dhīraju rājā| cale bharata pahiṃ sahita samājā ||
bharata āi āgeṃ bhai līnhe| avasara sarisa suāsana dīnhe ||
tāta bharata kaha terahuti rāū| tumhahi bidita raghubīra subhāū ||
do. rāma satyabrata dharama rata saba kara sīlu sanehu ||
saṃkaṭa sahata sakoca basa kahia jo āyasu dehu || 292 ||
suni tana pulaki nayana bhari bārī| bole bharatu dhīra dhari bhārī ||
prabhu priya pūjya pitā sama āpū| kulaguru sama hita māya na bāpū ||
kausikādi muni saciva samājū| gyāna aṃbunidhi āpunu ājū ||
sisu sevaka āyasu anugāmī| jāni mohi sikha deia svāmī ||
ehiṃ samāja thala būjhaba rāura| mauna malina maiṃ bolaba bāura ||
choṭe badana kahau~ baṛi bātā| chamaba tāta lakhi bāma bidhātā ||
āgama nigama prasiddha purānā| sevādharamu kaṭhina jagu jānā ||
svāmi dharama svārathahi birodhū| bairu aṃdha premahi na prabodhū ||
do. rākhi rāma rukha dharamu bratu parādhīna mohi jāni|
saba keṃ saṃmata sarba hita karia pemu pahicāni || 293 ||
bharata bacana suni dekhi subhāū| sahita samāja sarāhata rāū ||
sugama agama mṛdu maṃju kaṭhore| arathu amita ati ākhara thore ||
jyau mukha mukura mukuru nija pānī| gahi na jāi asa adabhuta bānī ||
bhūpa bharata muni sahita samājū| ge jaha~ bibudha kumuda dvijarājū ||
suni sudhi soca bikala saba logā| manahu~ mīnagana nava jala jogā ||
deva~ prathama kulagura gati dekhī| nirakhi bideha saneha biseṣī ||
rāma bhagatimaya bharatu nihāre| sura svārathī hahari hiya~ hāre ||
saba kou rāma pemamaya pekhā| bhau alekha soca basa lekhā ||
do. rāmu saneha sakoca basa kaha sasoca surarāja|
racahu prapaṃcahi paṃca mili nāhiṃ ta bhayau akāju || 294 ||
suranha sumiri sāradā sarāhī| debi deva saranāgata pāhī ||
pheri bharata mati kari nija māyā| pālu bibudha kula kari chala chāyā ||
bibudha binaya suni debi sayānī| bolī sura svāratha jaṛa jānī ||
mo sana kahahu bharata mati pherū| locana sahasa na sūjha sumerū ||
bidhi hari hara māyā baṛi bhārī| sou na bharata mati sakai nihārī ||
so mati mohi kahata karu bhorī| caṃdini kara ki caṃḍakara corī ||
bharata hṛdaya~ siya rāma nivāsū| taha~ ki timira jaha~ tarani prakāsū ||
asa kahi sārada gai bidhi lokā| bibudha bikala nisi mānahu~ kokā ||
do. sura svārathī malīna mana kīnha kumaṃtra kuṭhāṭu ||
raci prapaṃca māyā prabala bhaya bhrama arati ucāṭu || 295 ||
kari kucāli socata surarājū| bharata hātha sabu kāju akājū ||
gae janaku raghunātha samīpā| sanamāne saba rabikula dīpā ||
samaya samāja dharama abirodhā| bole taba raghubaṃsa purodhā ||
janaka bharata saṃbādu sunāī| bharata kahāuti kahī suhāī ||
tāta rāma jasa āyasu dehū| so sabu karai mora mata ehū ||
suni raghunātha jori juga pānī| bole satya sarala mṛdu bānī ||
bidyamāna āpuni mithilesū| mora kahaba saba bhā~ti bhadesū ||
rāura rāya rajāyasu hoī| rāuri sapatha sahī sira soī ||
do. rāma sapatha suni muni janaku sakuce sabhā sameta|
sakala bilokata bharata mukhu banai na utaru deta || 296 ||
sabhā sakuca basa bharata nihārī| rāmabaṃdhu dhari dhīraju bhārī ||
kusamau dekhi sanehu sa~bhārā| baṛhata biṃdhi jimi ghaṭaja nivārā ||
soka kanakalocana mati chonī| harī bimala guna gana jagajonī ||
bharata bibeka barāha~ bisālā| anāyāsa udharī tehi kālā ||
kari pranāmu saba kaha~ kara jore| rāmu rāu gura sādhu nihore ||
chamaba āju ati anucita morā| kahau~ badana mṛdu bacana kaṭhorā ||
hiya~ sumirī sāradā suhāī| mānasa teṃ mukha paṃkaja āī ||
bimala bibeka dharama naya sālī| bharata bhāratī maṃju marālī ||
do. nirakhi bibeka bilocananhi sithila saneha~ samāju|
kari pranāmu bole bharatu sumiri sīya raghurāju || 297 ||
prabhu pitu mātu suhrada gura svāmī| pūjya parama hita ataṃrajāmī ||
sarala susāhibu sīla nidhānū| pranatapāla sarbagya sujānū ||
samaratha saranāgata hitakārī| gunagāhaku avaguna agha hārī ||
svāmi gosā~ihi sarisa gosāī| mohi samāna maiṃ sāi~ dohāī ||
prabhu pitu bacana moha basa pelī| āyau~ ihā~ samāju sakelī ||
jaga bhala poca ū~ca aru nīcū| amia amarapada māhuru mīcū ||
rāma rajāi meṭa mana māhīṃ| dekhā sunā katahu~ kou nāhīṃ ||
so maiṃ saba bidhi kīnhi ḍhiṭhāī| prabhu mānī saneha sevakāī ||
do. kṛpā~ bhalāī āpanī nātha kīnha bhala mora|
dūṣana bhe bhūṣana sarisa sujasu cāru cahu ora || 298 ||
rāuri rīti subāni baṛāī| jagata bidita nigamāgama gāī ||
kūra kuṭila khala kumati kalaṃkī| nīca nisīla nirīsa nisaṃkī ||
teu suni sarana sāmuheṃ āe| sakṛta pranāmu kiheṃ apanāe ||
dekhi doṣa kabahu~ na ura āne| suni guna sādhu samāja bakhāne ||
ko sāhiba sevakahi nevājī| āpu samāja sāja saba sājī ||
nija karatūti na samujhia sapaneṃ| sevaka sakuca socu ura apaneṃ ||
so gosāi~ nahi dūsara kopī| bhujā uṭhāi kahau~ pana ropī ||
pasu nācata suka pāṭha prabīnā| guna gati naṭa pāṭhaka ādhīnā ||
do. yoṃ sudhāri sanamāni jana kie sādhu siramora|
ko kṛpāla binu pālihai biridāvali barajora || 299 ||
soka saneha~ ki bāla subhāe~| āyau~ lāi rajāyasu bāe~ ||
tabahu~ kṛpāla heri nija orā| sabahi bhā~ti bhala māneu morā ||
dekheu~ pāya sumaṃgala mūlā| jāneu~ svāmi sahaja anukūlā ||
baṛeṃ samāja bilokeu~ bhāgū| baṛīṃ cūka sāhiba anurāgū ||
kṛpā anugraha aṃgu aghāī| kīnhi kṛpānidhi saba adhikāī ||
rākhā mora dulāra gosāīṃ| apaneṃ sīla subhāya~ bhalāīṃ ||
nātha nipaṭa maiṃ kīnhi ḍhiṭhāī| svāmi samāja sakoca bihāī ||
abinaya binaya jathāruci bānī| chamihi deu ati ārati jānī ||
do. suhrada sujāna susāhibahi bahuta kahaba baṛi khori|
āyasu deia deva aba sabai sudhārī mori || 300 ||
prabhu pada paduma parāga dohāī| satya sukṛta sukha sīva~ suhāī ||
so kari kahau~ hie apane kī| ruci jāgata sovata sapane kī ||
sahaja saneha~ svāmi sevakāī| svāratha chala phala cāri bihāī ||
agyā sama na susāhiba sevā| so prasādu jana pāvai devā ||
asa kahi prema bibasa bhae bhārī| pulaka sarīra bilocana bārī ||
prabhu pada kamala gahe akulāī| samau sanehu na so kahi jāī ||
kṛpāsiṃdhu sanamāni subānī| baiṭhāe samīpa gahi pānī ||
bharata binaya suni dekhi subhāū| sithila saneha~ sabhā raghurāū ||
chaṃ. raghurāu sithila saneha~ sādhu samāja muni mithilā dhanī|
mana mahu~ sarāhata bharata bhāyapa bhagati kī mahimā ghanī ||
bharatahi prasaṃsata bibudha baraṣata sumana mānasa malina se|
tulasī bikala saba loga suni sakuce nisāgama nalina se ||
so. dekhi dukhārī dīna duhu samāja nara nāri saba|
maghavā mahā malīna mue māri maṃgala cahata || 301 ||
kapaṭa kucāli sīva~ surarājū| para akāja priya āpana kājū ||
kāka samāna pākaripu rītī| chalī malīna katahu~ na pratītī ||
prathama kumata kari kapaṭu sa~kelā| so ucāṭu saba keṃ sira melā ||
suramāyā~ saba loga bimohe| rāma prema atisaya na bichohe ||
bhaya ucāṭa basa mana thira nāhīṃ| chana bana ruci chana sadana sohāhīṃ ||
dubidha manogati prajā dukhārī| sarita siṃdhu saṃgama janu bārī ||
ducita katahu~ paritoṣu na lahahīṃ| eka eka sana maramu na kahahīṃ ||
lakhi hiya~ ha~si kaha kṛpānidhānū| sarisa svāna maghavāna jubānū ||
do. bharatu janaku munijana saciva sādhu saceta bihāi|
lāgi devamāyā sabahi jathājogu janu pāi || 302 ||
kṛpāsiṃdhu lakhi loga dukhāre| nija saneha~ surapati chala bhāre ||
sabhā rāu gura mahisura maṃtrī| bharata bhagati saba kai mati jaṃtrī ||
rāmahi citavata citra likhe se| sakucata bolata bacana sikhe se ||
bharata prīti nati binaya baṛāī| sunata sukhada baranata kaṭhināī ||
jāsu biloki bhagati lavalesū| prema magana munigana mithilesū ||
mahimā tāsu kahai kimi tulasī| bhagati subhāya~ sumati hiya~ hulasī ||
āpu choṭi mahimā baṛi jānī| kabikula kāni māni sakucānī ||
kahi na sakati guna ruci adhikāī| mati gati bāla bacana kī nāī ||
do. bharata bimala jasu bimala bidhu sumati cakorakumāri|
udita bimala jana hṛdaya nabha ekaṭaka rahī nihāri || 303 ||
bharata subhāu na sugama nigamahū~| laghu mati cāpalatā kabi chamahū~ ||
kahata sunata sati bhāu bharata ko| sīya rāma pada hoi na rata ko ||
sumirata bharatahi premu rāma ko| jehi na sulabha tehi sarisa bāma ko ||
dekhi dayāla dasā sabahī kī| rāma sujāna jāni jana jī kī ||
dharama dhurīna dhīra naya nāgara| satya saneha sīla sukha sāgara ||
desu kāla lakhi samau samājū| nīti prīti pālaka raghurājū ||
bole bacana bāni sarabasu se| hita parināma sunata sasi rasu se ||
tāta bharata tumha dharama dhurīnā| loka beda bida prema prabīnā ||
do. karama bacana mānasa bimala tumha samāna tumha tāta|
gura samāja laghu baṃdhu guna kusamaya~ kimi kahi jāta || 304 ||
jānahu tāta tarani kula rītī| satyasaṃdha pitu kīrati prītī ||
samau samāju lāja gurujana kī| udāsīna hita anahita mana kī ||
tumhahi bidita sabahī kara karamū| āpana mora parama hita dharamū ||
mohi saba bhā~ti bharosa tumhārā| tadapi kahau~ avasara anusārā ||
tāta tāta binu bāta hamārī| kevala gurukula kṛpā~ sa~bhārī ||
nataru prajā parijana parivārū| hamahi sahita sabu hota khuārū ||
jauṃ binu avasara athava~ dinesū| jaga kehi kahahu na hoi kalesū ||
tasa utapātu tāta bidhi kīnhā| muni mithilesa rākhi sabu līnhā ||
do. rāja kāja saba lāja pati dharama dharani dhana dhāma|
gura prabhāu pālihi sabahi bhala hoihi parināma || 305 ||
sahita samāja tumhāra hamārā| ghara bana gura prasāda rakhavārā ||
mātu pitā gura svāmi nidesū| sakala dharama dharanīdhara sesū ||
so tumha karahu karāvahu mohū| tāta taranikula pālaka hohū ||
sādhaka eka sakala sidhi denī| kīrati sugati bhūtimaya benī ||
so bicāri sahi saṃkaṭu bhārī| karahu prajā parivāru sukhārī ||
bā~ṭī bipati sabahiṃ mohi bhāī| tumhahi avadhi bhari baṛi kaṭhināī ||
jāni tumhahi mṛdu kahau~ kaṭhorā| kusamaya~ tāta na anucita morā ||
hohiṃ kuṭhāya~ subaṃdhu suhāe| oṛiahiṃ hātha asanihu ke ghāe ||
do. sevaka kara pada nayana se mukha so sāhibu hoi|
tulasī prīti ki rīti suni sukabi sarāhahiṃ soi || 306 ||
sabhā sakala suni raghubara bānī| prema payodhi amia janu sānī ||
sithila samāja saneha samādhī| dekhi dasā cupa sārada sādhī ||
bharatahi bhayau parama saṃtoṣū| sanamukha svāmi bimukha dukha doṣū ||
mukha prasanna mana miṭā biṣādū| bhā janu gū~gehi girā prasādū ||
kīnha saprema pranāmu bahorī| bole pāni paṃkaruha jorī ||
nātha bhayau sukhu sātha gae ko| laheu~ lāhu jaga janamu bhae ko ||
aba kṛpāla jasa āyasu hoī| karauṃ sīsa dhari sādara soī ||
so avalaṃba deva mohi deī| avadhi pāru pāvauṃ jehi seī ||
do. deva deva abhiṣeka hita gura anusāsanu pāi|
āneu~ saba tīratha salilu tehi kaha~ kāha rajāi || 307 ||
eku manorathu baṛa mana māhīṃ| sabhaya~ sakoca jāta kahi nāhīṃ ||
kahahu tāta prabhu āyasu pāī| bole bāni saneha suhāī ||
citrakūṭa suci thala tīratha bana| khaga mṛga sara sari nirjhara girigana ||
prabhu pada aṃkita avani biseṣī| āyasu hoi ta āvauṃ dekhī ||
avasi atri āyasu sira dharahū| tāta bigatabhaya kānana carahū ||
muni prasāda banu maṃgala dātā| pāvana parama suhāvana bhrātā ||
riṣināyaku jaha~ āyasu dehīṃ| rākhehu tīratha jalu thala tehīṃ ||
suni prabhu bacana bharata sukha pāvā| muni pada kamala mudita siru nāvā ||
do. bharata rāma saṃbādu suni sakala sumaṃgala mūla|
sura svārathī sarāhi kula baraṣata surataru phūla || 308 ||
dhanya bharata jaya rāma gosāīṃ| kahata deva haraṣata bariāī|
muni mithilesa sabhā~ saba kāhū| bharata bacana suni bhayau uchāhū ||
bharata rāma guna grāma sanehū| pulaki prasaṃsata rāu bidehū ||
sevaka svāmi subhāu suhāvana| nemu pemu ati pāvana pāvana ||
mati anusāra sarāhana lāge| saciva sabhāsada saba anurāge ||
suni suni rāma bharata saṃbādū| duhu samāja hiya~ haraṣu biṣādū ||
rāma mātu dukhu sukhu sama jānī| kahi guna rāma prabodhīṃ rānī ||
eka kahahiṃ raghubīra baṛāī| eka sarāhata bharata bhalāī ||
do. atri kaheu taba bharata sana saila samīpa sukūpa|
rākhia tīratha toya taha~ pāvana amia anūpa || 309 ||
bharata atri anusāsana pāī| jala bhājana saba die calāī ||
sānuja āpu atri muni sādhū| sahita gae jaha~ kūpa agādhū ||
pāvana pātha punyathala rākhā| pramudita prema atri asa bhāṣā ||
tāta anādi siddha thala ehū| lopeu kāla bidita nahiṃ kehū ||
taba sevakanha sarasa thalu dekhā| kinha sujala hita kūpa biseṣā ||
bidhi basa bhayau bisva upakārū| sugama agama ati dharama bicārū ||
bharatakūpa aba kahihahiṃ logā| ati pāvana tīratha jala jogā ||
prema sanema nimajjata prānī| hoihahiṃ bimala karama mana bānī ||
do. kahata kūpa mahimā sakala gae jahā~ raghurāu|
atri sunāyau raghubarahi tīratha punya prabhāu || 310 ||
kahata dharama itihāsa saprītī| bhayau bhoru nisi so sukha bītī ||
nitya nibāhi bharata dou bhāī| rāma atri gura āyasu pāī ||
sahita samāja sāja saba sādeṃ| cale rāma bana aṭana payādeṃ ||
komala carana calata binu panahīṃ| bhai mṛdu bhūmi sakuci mana manahīṃ ||
kusa kaṃṭaka kā~karīṃ kurāīṃ| kaṭuka kaṭhora kubastu durāīṃ ||
mahi maṃjula mṛdu māraga kīnhe| bahata samīra tribidha sukha līnhe ||
sumana baraṣi sura ghana kari chāhīṃ| biṭapa phūli phali tṛna mṛdutāhīṃ ||
mṛga biloki khaga boli subānī| sevahiṃ sakala rāma priya jānī ||
do. sulabha siddhi saba prākṛtahu rāma kahata jamuhāta|
rāma prāna priya bharata kahu~ yaha na hoi baṛi bāta || 311 ||
ehi bidhi bharatu phirata bana māhīṃ| nemu premu lakhi muni sakucāhīṃ ||
punya jalāśraya bhūmi bibhāgā| khaga mṛga taru tṛna giri bana bāgā ||
cāru bicitra pabitra biseṣī| būjhata bharatu dibya saba dekhī ||
suni mana mudita kahata riṣirāū| hetu nāma guna punya prabhāū ||
katahu~ nimajjana katahu~ pranāmā| katahu~ bilokata mana abhirāmā ||
katahu~ baiṭhi muni āyasu pāī| sumirata sīya sahita dou bhāī ||
dekhi subhāu sanehu susevā| dehiṃ asīsa mudita banadevā ||
phirahiṃ gae~ dinu pahara aṛhāī| prabhu pada kamala bilokahiṃ āī ||
do. dekhe thala tīratha sakala bharata pā~ca dina mājha|
kahata sunata hari hara sujasu gayau divasu bhai sā~jha || 312 ||
bhora nhāi sabu jurā samājū| bharata bhūmisura terahuti rājū ||
bhala dina āju jāni mana māhīṃ| rāmu kṛpāla kahata sakucāhīṃ ||
gura nṛpa bharata sabhā avalokī| sakuci rāma phiri avani bilokī ||
sīla sarāhi sabhā saba socī| kahu~ na rāma sama svāmi sa~kocī ||
bharata sujāna rāma rukha dekhī| uṭhi saprema dhari dhīra biseṣī ||
kari daṃḍavata kahata kara jorī| rākhīṃ nātha sakala ruci morī ||
mohi lagi saheu sabahiṃ saṃtāpū| bahuta bhā~ti dukhu pāvā āpū ||
aba gosāi~ mohi deu rajāī| sevauṃ avadha avadhi bhari jāī ||
do. jehiṃ upāya puni pāya janu dekhai dīnadayāla|
so sikha deia avadhi lagi kosalapāla kṛpāla || 313 ||
purajana parijana prajā gosāī| saba suci sarasa saneha~ sagāī ||
rāura badi bhala bhava dukha dāhū| prabhu binu bādi parama pada lāhū ||
svāmi sujānu jāni saba hī kī| ruci lālasā rahani jana jī kī ||
pranatapālu pālihi saba kāhū| deu duhū disi ora nibāhū ||
asa mohi saba bidhi bhūri bharoso| kie~ bicāru na socu kharo so ||
ārati mora nātha kara chohū| duhu~ mili kīnha ḍhīṭhu haṭhi mohū ||
yaha baṛa doṣu dūri kari svāmī| taji sakoca sikhaia anugāmī ||
bharata binaya suni sabahiṃ prasaṃsī| khīra nīra bibarana gati haṃsī ||
do. dīnabaṃdhu suni baṃdhu ke bacana dīna chalahīna|
desa kāla avasara sarisa bole rāmu prabīna || 314 ||
tāta tumhāri mori parijana kī| ciṃtā gurahi nṛpahi ghara bana kī ||
māthe para gura muni mithilesū| hamahi tumhahi sapanehu~ na kalesū ||
mora tumhāra parama puruṣārathu| svārathu sujasu dharamu paramārathu ||
pitu āyasu pālihiṃ duhu bhāī| loka beda bhala bhūpa bhalāī ||
gura pitu mātu svāmi sikha pāleṃ| calehu~ kumaga paga parahiṃ na khāleṃ ||
asa bicāri saba soca bihāī| pālahu avadha avadhi bhari jāī ||
desu kosu parijana parivārū| gura pada rajahiṃ lāga charubhārū ||
tumha muni mātu saciva sikha mānī| pālehu puhumi prajā rajadhānī ||
do. mukhiā mukhu so cāhiai khāna pāna kahu~ eka|
pālai poṣai sakala a~ga tulasī sahita bibeka || 315 ||
rājadharama sarabasu etanoī| jimi mana māha~ manoratha goī ||
baṃdhu prabodhu kīnha bahu bhā~tī| binu adhāra mana toṣu na sā~tī ||
bharata sīla gura saciva samājū| sakuca saneha bibasa raghurājū ||
prabhu kari kṛpā pā~varīṃ dīnhīṃ| sādara bharata sīsa dhari līnhīṃ ||
caranapīṭha karunānidhāna ke| janu juga jāmika prajā prāna ke ||
saṃpuṭa bharata saneha ratana ke| ākhara juga juna jīva jatana ke ||
kula kapāṭa kara kusala karama ke| bimala nayana sevā sudharama ke ||
bharata mudita avalaṃba lahe teṃ| asa sukha jasa siya rāmu rahe teṃ ||
do. māgeu bidā pranāmu kari rāma lie ura lāi|
loga ucāṭe amarapati kuṭila kuavasaru pāi || 316 ||
so kucāli saba kaha~ bhai nīkī| avadhi āsa sama jīvani jī kī ||
nataru lakhana siya sama biyogā| hahari marata saba loga kurogā ||
rāmakṛpā~ avareba sudhārī| bibudha dhāri bhai gunada gohārī ||
bheṃṭata bhuja bhari bhāi bharata so| rāma prema rasu kahi na parata so ||
tana mana bacana umaga anurāgā| dhīra dhuraṃdhara dhīraju tyāgā ||
bārija locana mocata bārī| dekhi dasā sura sabhā dukhārī ||
munigana gura dhura dhīra janaka se| gyāna anala mana kaseṃ kanaka se ||
je biraṃci niralepa upāe| paduma patra jimi jaga jala jāe ||
do. teu biloki raghubara bharata prīti anūpa apāra|
bhae magana mana tana bacana sahita birāga bicāra || 317 ||
jahā~ janaka gura mati bhorī| prākṛta prīti kahata baṛi khorī ||
baranata raghubara bharata biyogū| suni kaṭhora kabi jānihi logū ||
so sakoca rasu akatha subānī| samau sanehu sumiri sakucānī ||
bheṃṭi bharata raghubara samujhāe| puni ripudavanu haraṣi hiya~ lāe ||
sevaka saciva bharata rukha pāī| nija nija kāja lage saba jāī ||
suni dāruna dukhu duhū~ samājā| lage calana ke sājana sājā ||
prabhu pada paduma baṃdi dou bhāī| cale sīsa dhari rāma rajāī ||
muni tāpasa banadeva nihorī| saba sanamāni bahori bahorī ||
do. lakhanahi bheṃṭi pranāmu kari sira dhari siya pada dhūri|
cale saprema asīsa suni sakala sumaṃgala mūri || 318 ||
sānuja rāma nṛpahi sira nāī| kīnhi bahuta bidhi binaya baṛāī ||
deva dayā basa baṛa dukhu pāyau| sahita samāja kānanahiṃ āyau ||
pura pagu dhāria dei asīsā| kīnha dhīra dhari gavanu mahīsā ||
muni mahideva sādhu sanamāne| bidā kie hari hara sama jāne ||
sāsu samīpa gae dou bhāī| phire baṃdi paga āsiṣa pāī ||
kausika bāmadeva jābālī| purajana parijana saciva sucālī ||
jathā jogu kari binaya pranāmā| bidā kie saba sānuja rāmā ||
nāri puruṣa laghu madhya baṛere| saba sanamāni kṛpānidhi phere ||
do. bharata mātu pada baṃdi prabhu suci saneha~ mili bheṃṭi|
bidā kīnha saji pālakī sakuca soca saba meṭi || 319 ||
parijana mātu pitahi mili sītā| phirī prānapriya prema punītā ||
kari pranāmu bheṃṭī saba sāsū| prīti kahata kabi hiya~ na hulāsū ||
suni sikha abhimata āsiṣa pāī| rahī sīya duhu prīti samāī ||
raghupati paṭu pālakīṃ magāīṃ| kari prabodhu saba mātu caṛhāī ||
bāra bāra hili mili duhu bhāī| sama saneha~ jananī pahu~cāī ||
sāji bāji gaja bāhana nānā| bharata bhūpa dala kīnha payānā ||
hṛdaya~ rāmu siya lakhana sametā| cale jāhiṃ saba loga acetā ||
basaha bāji gaja pasu hiya~ hāreṃ| cale jāhiṃ parabasa mana māreṃ ||
do. gura guratiya pada baṃdi prabhu sītā lakhana sameta|
phire haraṣa bisamaya sahita āe parana niketa || 320 ||
bidā kīnha sanamāni niṣādū| caleu hṛdaya~ baṛa biraha biṣādū ||
kola kirāta bhilla banacārī| phere phire johāri johārī ||
prabhu siya lakhana baiṭhi baṭa chāhīṃ| priya parijana biyoga bilakhāhīṃ ||
bharata saneha subhāu subānī| priyā anuja sana kahata bakhānī ||
prīti pratīti bacana mana karanī| śrīmukha rāma prema basa baranī ||
tehi avasara khaga mṛga jala mīnā| citrakūṭa cara acara malīnā ||
bibudha biloki dasā raghubara kī| baraṣi sumana kahi gati ghara ghara kī ||
prabhu pranāmu kari dīnha bharoso| cale mudita mana ḍara na kharo so ||
do. sānuja sīya sameta prabhu rājata parana kuṭīra|
bhagati gyānu bairāgya janu sohata dhareṃ sarīra || 321 ||
muni mahisura gura bharata bhuālū| rāma biraha~ sabu sāju bihālū ||
prabhu guna grāma ganata mana māhīṃ| saba cupacāpa cale maga jāhīṃ ||
jamunā utari pāra sabu bhayaū| so bāsaru binu bhojana gayaū ||
utari devasari dūsara bāsū| rāmasakhā~ saba kīnha supāsū ||
saī utari gomatīṃ nahāe| cautheṃ divasa avadhapura āe|
janaku rahe pura bāsara cārī| rāja kāja saba sāja sa~bhārī ||
sauṃpi saciva gura bharatahi rājū| terahuti cale sāji sabu sājū ||
nagara nāri nara gura sikha mānī| base sukhena rāma rajadhānī ||
do. rāma darasa lagi loga saba karata nema upabāsa|
taji taji bhūṣana bhoga sukha jiata avadhi kīṃ āsa || 322 ||
saciva susevaka bharata prabodhe| nija nija kāja pāi pāi sikha odhe ||
puni sikha dīnha boli laghu bhāī| sauṃpī sakala mātu sevakāī ||
bhūsura boli bharata kara jore| kari pranāma baya binaya nihore ||
ū~ca nīca kāraju bhala pocū| āyasu deba na karaba sa~kocū ||
parijana purajana prajā bolāe| samādhānu kari subasa basāe ||
sānuja ge gura geha~ bahorī| kari daṃḍavata kahata kara jorī ||
āyasu hoi ta rahauṃ sanemā| bole muni tana pulaki sapemā ||
samujhava kahaba karaba tumha joī| dharama sāru jaga hoihi soī ||
do. suni sikha pāi asīsa baṛi ganaka boli dinu sādhi|
siṃghāsana prabhu pādukā baiṭhāre nirupādhi || 323 ||
rāma mātu gura pada siru nāī| prabhu pada pīṭha rajāyasu pāī ||
naṃdigāva~ kari parana kuṭīrā| kīnha nivāsu dharama dhura dhīrā ||
jaṭājūṭa sira munipaṭa dhārī| mahi khani kusa sā~tharī sa~vārī ||
asana basana bāsana brata nemā| karata kaṭhina riṣidharama sapremā ||
bhūṣana basana bhoga sukha bhūrī| mana tana bacana taje tina tūrī ||
avadha rāju sura rāju sihāī| dasaratha dhanu suni dhanadu lajāī ||
tehiṃ pura basata bharata binu rāgā| caṃcarīka jimi caṃpaka bāgā ||
ramā bilāsu rāma anurāgī| tajata bamana jimi jana baṛabhāgī ||
do. rāma pema bhājana bharatu baṛe na ehiṃ karatūti|
cātaka haṃsa sarāhiata ṭeṃka bibeka bibhūti || 324 ||
deha dinahu~ dina dūbari hoī| ghaṭai teju balu mukhachabi soī ||
nita nava rāma prema panu pīnā| baṛhata dharama dalu manu na malīnā ||
jimi jalu nighaṭata sarada prakāse| bilasata betasa banaja bikāse ||
sama dama saṃjama niyama upāsā| nakhata bharata hiya bimala akāsā ||
dhruva bisvāsa avadhi rākā sī| svāmi surati surabīthi bikāsī ||
rāma pema bidhu acala adoṣā| sahita samāja soha nita cokhā ||
bharata rahani samujhani karatūtī| bhagati birati guna bimala bibhūtī ||
baranata sakala sukaci sakucāhīṃ| sesa ganesa girā gamu nāhīṃ ||
do. nita pūjata prabhu pā~varī prīti na hṛdaya~ samāti ||
māgi māgi āyasu karata rāja kāja bahu bhā~ti || 325 ||
pulaka gāta hiya~ siya raghubīrū| jīha nāmu japa locana nīrū ||
lakhana rāma siya kānana basahīṃ| bharatu bhavana basi tapa tanu kasahīṃ ||
dou disi samujhi kahata sabu logū| saba bidhi bharata sarāhana jogū ||
suni brata nema sādhu sakucāhīṃ| dekhi dasā munirāja lajāhīṃ ||
parama punīta bharata ācaranū| madhura maṃju muda maṃgala karanū ||
harana kaṭhina kali kaluṣa kalesū| mahāmoha nisi dalana dinesū ||
pāpa puṃja kuṃjara mṛgarājū| samana sakala saṃtāpa samājū|
jana raṃjana bhaṃjana bhava bhārū| rāma saneha sudhākara sārū ||
chaṃ. siya rāma prema piyūṣa pūrana hota janamu na bharata ko|
muni mana agama jama niyama sama dama biṣama brata ācarata ko ||
dukha dāha dārida daṃbha dūṣana sujasa misa apaharata ko|
kalikāla tulasī se saṭhanhi haṭhi rāma sanamukha karata ko ||
so. bharata carita kari nemu tulasī jo sādara sunahiṃ|
sīya rāma pada pemu avasi hoi bhava rasa birati || 326 ||
baranau~ raghubara bimala jasu jo dāyaku phala cāri ||
jaba teṃ rāmu byāhi ghara āe| nita nava maṃgala moda badhāe ||
bhuvana cāridasa bhūdhara bhārī| sukṛta megha baraṣahi sukha bārī ||
ridhi sidhi saṃpati nadīṃ suhāī| umagi avadha aṃbudhi kahu~ āī ||
manigana pura nara nāri sujātī| suci amola suṃdara saba bhā~tī ||
kahi na jāi kachu nagara bibhūtī| janu etania biraṃci karatūtī ||
saba bidhi saba pura loga sukhārī| rāmacaṃda mukha caṃdu nihārī ||
mudita mātu saba sakhīṃ sahelī| phalita biloki manoratha belī ||
rāma rūpu gunasīlu subhāū| pramudita hoi dekhi suni rāū ||
do. saba keṃ ura abhilāṣu asa kahahiṃ manāi mahesu|
āpa achata jubarāja pada rāmahi deu naresu || 1 ||
eka samaya saba sahita samājā| rājasabhā~ raghurāju birājā ||
sakala sukṛta mūrati naranāhū| rāma sujasu suni atihi uchāhū ||
nṛpa saba rahahiṃ kṛpā abhilāṣeṃ| lokapa karahiṃ prīti rukha rākheṃ ||
tibhuvana tīni kāla jaga māhīṃ| bhūri bhāga dasaratha sama nāhīṃ ||
maṃgalamūla rāmu suta jāsū| jo kachu kahija thora sabu tāsū ||
rāya~ subhāya~ mukuru kara līnhā| badanu biloki mukuṭa sama kīnhā ||
śravana samīpa bhae sita kesā| manahu~ jaraṭhapanu asa upadesā ||
nṛpa jubarāja rāma kahu~ dehū| jīvana janama lāhu kina lehū ||
do. yaha bicāru ura āni nṛpa sudinu suavasaru pāi|
prema pulaki tana mudita mana gurahi sunāyau jāi || 2 ||
kahai bhuālu sunia munināyaka| bhae rāma saba bidhi saba lāyaka ||
sevaka saciva sakala purabāsī| je hamāre ari mitra udāsī ||
sabahi rāmu priya jehi bidhi mohī| prabhu asīsa janu tanu dhari sohī ||
bipra sahita parivāra gosāīṃ| karahiṃ chohu saba raurihi nāī ||
je gura carana renu sira dharahīṃ| te janu sakala bibhava basa karahīṃ ||
mohi sama yahu anubhayau na dūjeṃ| sabu pāyau~ raja pāvani pūjeṃ ||
aba abhilāṣu eku mana moreṃ| pūjahi nātha anugraha toreṃ ||
muni prasanna lakhi sahaja sanehū| kaheu naresa rajāyasu dehū ||
do. rājana rāura nāmu jasu saba abhimata dātāra|
phala anugāmī mahipa mani mana abhilāṣu tumhāra || 3 ||
saba bidhi guru prasanna jiya~ jānī| boleu rāu raha~si mṛdu bānī ||
nātha rāmu kariahiṃ jubarājū| kahia kṛpā kari karia samājū ||
mohi achata yahu hoi uchāhū| lahahiṃ loga saba locana lāhū ||
prabhu prasāda siva sabai nibāhīṃ| yaha lālasā eka mana māhīṃ ||
puni na soca tanu rahau ki jāū| jehiṃ na hoi pācheṃ pachitāū ||
suni muni dasaratha bacana suhāe| maṃgala moda mūla mana bhāe ||
sunu nṛpa jāsu bimukha pachitāhīṃ| jāsu bhajana binu jarani na jāhīṃ ||
bhayau tumhāra tanaya soi svāmī| rāmu punīta prema anugāmī ||
do. begi bilaṃbu na karia nṛpa sājia sabui samāju|
sudina sumaṃgalu tabahiṃ jaba rāmu hohiṃ jubarāju || 4 ||
mudita mahipati maṃdira āe| sevaka saciva sumaṃtru bolāe ||
kahi jayajīva sīsa tinha nāe| bhūpa sumaṃgala bacana sunāe ||
jauṃ pā~cahi mata lāgai nīkā| karahu haraṣi hiya~ rāmahi ṭīkā ||
maṃtrī mudita sunata priya bānī| abhimata birava~ pareu janu pānī ||
binatī saciva karahi kara jorī| jiahu jagatapati barisa karorī ||
jaga maṃgala bhala kāju bicārā| begia nātha na lāia bārā ||
nṛpahi modu suni saciva subhāṣā| baṛhata bauṃṛa janu lahī susākhā ||
do. kaheu bhūpa munirāja kara joi joi āyasu hoi|
rāma rāja abhiṣeka hita begi karahu soi soi || 5 ||
haraṣi munīsa kaheu mṛdu bānī| ānahu sakala sutīratha pānī ||
auṣadha mūla phūla phala pānā| kahe nāma gani maṃgala nānā ||
cāmara carama basana bahu bhā~tī| roma pāṭa paṭa aganita jātī ||
manigana maṃgala bastu anekā| jo jaga jogu bhūpa abhiṣekā ||
beda bidita kahi sakala bidhānā| kaheu racahu pura bibidha bitānā ||
saphala rasāla pūgaphala kerā| ropahu bīthinha pura cahu~ pherā ||
racahu maṃju mani caukeṃ cārū| kahahu banāvana begi bajārū ||
pūjahu ganapati gura kuladevā| saba bidhi karahu bhūmisura sevā ||
do. dhvaja patāka torana kalasa sajahu turaga ratha nāga|
sira dhari munibara bacana sabu nija nija kājahiṃ lāga || 6 ||
jo munīsa jehi āyasu dīnhā| so tehiṃ kāju prathama janu kīnhā ||
bipra sādhu sura pūjata rājā| karata rāma hita maṃgala kājā ||
sunata rāma abhiṣeka suhāvā| bāja gahāgaha avadha badhāvā ||
rāma sīya tana saguna janāe| pharakahiṃ maṃgala aṃga suhāe ||
pulaki saprema parasapara kahahīṃ| bharata āgamanu sūcaka ahahīṃ ||
bhae bahuta dina ati avaserī| saguna pratīti bheṃṭa priya kerī ||
bharata sarisa priya ko jaga māhīṃ| ihai saguna phalu dūsara nāhīṃ ||
rāmahi baṃdhu soca dina rātī| aṃḍanhi kamaṭha hradau jehi bhā~tī ||
do. ehi avasara maṃgalu parama suni raha~seu ranivāsu|
sobhata lakhi bidhu baṛhata janu bāridhi bīci bilāsu || 7 ||
prathama jāi jinha bacana sunāe| bhūṣana basana bhūri tinha pāe ||
prema pulaki tana mana anurāgīṃ| maṃgala kalasa sajana saba lāgīṃ ||
caukeṃ cāru sumitrā~ purī| manimaya bibidha bhā~ti ati rurī ||
āna~da magana rāma mahatārī| die dāna bahu bipra ha~kārī ||
pūjīṃ grāmadebi sura nāgā| kaheu bahori dena balibhāgā ||
jehi bidhi hoi rāma kalyānū| dehu dayā kari so baradānū ||
gāvahiṃ maṃgala kokilabayanīṃ| bidhubadanīṃ mṛgasāvakanayanīṃ ||
do. rāma rāja abhiṣeku suni hiya~ haraṣe nara nāri|
lage sumaṃgala sajana saba bidhi anukūla bicāri || 8 ||
taba naranāha~ basiṣṭhu bolāe| rāmadhāma sikha dena paṭhāe ||
gura āgamanu sunata raghunāthā| dvāra āi pada nāyau māthā ||
sādara aragha dei ghara āne| soraha bhā~ti pūji sanamāne ||
gahe carana siya sahita bahorī| bole rāmu kamala kara jorī ||
sevaka sadana svāmi āgamanū| maṃgala mūla amaṃgala damanū ||
tadapi ucita janu boli saprītī| paṭhaia kāja nātha asi nītī ||
prabhutā taji prabhu kīnha sanehū| bhayau punīta āju yahu gehū ||
āyasu hoi so karauṃ gosāī| sevaka lahai svāmi sevakāī ||
do. suni saneha sāne bacana muni raghubarahi prasaṃsa|
rāma kasa na tumha kahahu asa haṃsa baṃsa avataṃsa || 9 ||
barani rāma guna sīlu subhāū| bole prema pulaki munirāū ||
bhūpa sajeu abhiṣeka samājū| cāhata dena tumhahi jubarājū ||
rāma karahu saba saṃjama ājū| jauṃ bidhi kusala nibāhai kājū ||
guru sikha dei rāya pahiṃ gayau| rāma hṛdaya~ asa bisamau bhayaū ||
janame eka saṃga saba bhāī| bhojana sayana keli larikāī ||
karanabedha upabīta biāhā| saṃga saṃga saba bhae uchāhā ||
bimala baṃsa yahu anucita ekū| baṃdhu bihāi baṛehi abhiṣekū ||
prabhu saprema pachitāni suhāī| harau bhagata mana kai kuṭilāī ||
do. tehi avasara āe lakhana magana prema ānaṃda|
sanamāne priya bacana kahi raghukula kairava caṃda || 10 ||
bājahiṃ bājane bibidha bidhānā| pura pramodu nahiṃ jāi bakhānā ||
bharata āgamanu sakala manāvahiṃ| āvahu~ begi nayana phalu pāvahiṃ ||
hāṭa bāṭa ghara galīṃ athāī| kahahiṃ parasapara loga logāī ||
kāli lagana bhali ketika bārā| pūjihi bidhi abhilāṣu hamārā ||
kanaka siṃghāsana sīya sametā| baiṭhahiṃ rāmu hoi cita cetā ||
sakala kahahiṃ kaba hoihi kālī| bighana manāvahiṃ deva kucālī ||
tinhahi sohāi na avadha badhāvā| corahi caṃdini rāti na bhāvā ||
sārada boli binaya sura karahīṃ| bārahiṃ bāra pāya lai parahīṃ ||
do. bipati hamāri biloki baṛi mātu karia soi āju|
rāmu jāhiṃ bana rāju taji hoi sakala surakāju || 11 ||
suni sura binaya ṭhāṛhi pachitātī| bhaiu~ saroja bipina himarātī ||
dekhi deva puni kahahiṃ nihorī| mātu tohi nahiṃ thoriu khorī ||
bisamaya haraṣa rahita raghurāū| tumha jānahu saba rāma prabhāū ||
jīva karama basa sukha dukha bhāgī| jāia avadha deva hita lāgī ||
bāra bāra gahi carana sa~kocau| calī bicāri bibudha mati pocī ||
ū~ca nivāsu nīci karatūtī| dekhi na sakahiṃ parāi bibhūtī ||
āgila kāju bicāri bahorī| karahahiṃ cāha kusala kabi morī ||
haraṣi hṛdaya~ dasaratha pura āī| janu graha dasā dusaha dukhadāī ||
do. nāmu maṃtharā maṃdamati cerī kaikei keri|
ajasa peṭārī tāhi kari gaī girā mati pheri || 12 ||
dīkha maṃtharā nagaru banāvā| maṃjula maṃgala bāja badhāvā ||
pūchesi loganha kāha uchāhū| rāma tilaku suni bhā ura dāhū ||
karai bicāru kubuddhi kujātī| hoi akāju kavani bidhi rātī ||
dekhi lāgi madhu kuṭila kirātī| jimi gava~ takai leu~ kehi bhā~tī ||
bharata mātu pahiṃ gai bilakhānī| kā anamani hasi kaha ha~si rānī ||
ūtaru dei na lei usāsū| nāri carita kari ḍhārai ā~sū ||
ha~si kaha rāni gālu baṛa toreṃ| dīnha lakhana sikha asa mana moreṃ ||
tabahu~ na bola ceri baṛi pāpini| chāṛai svāsa kāri janu sā~pini ||
do. sabhaya rāni kaha kahasi kina kusala rāmu mahipālu|
lakhanu bharatu ripudamanu suni bhā kubarī ura sālu || 13 ||
kata sikha dei hamahi kou māī| gālu karaba kehi kara balu pāī ||
rāmahi chāṛi kusala kehi ājū| jehi janesu dei jubarājū ||
bhayau kausilahi bidhi ati dāhina| dekhata garaba rahata ura nāhina ||
dekhehu kasa na jāi saba sobhā| jo avaloki mora manu chobhā ||
pūtu bidesa na socu tumhāreṃ| jānati hahu basa nāhu hamāreṃ ||
nīda bahuta priya seja turāī| lakhahu na bhūpa kapaṭa caturāī ||
suni priya bacana malina manu jānī| jhukī rāni aba rahu aragānī ||
puni asa kabahu~ kahasi gharaphorī| taba dhari jībha kaṛhāvau~ torī ||
do. kāne khore kūbare kuṭila kucālī jāni|
tiya biseṣi puni ceri kahi bharatamātu musukāni || 14 ||
priyabādini sikha dīnhiu~ tohī| sapanehu~ to para kopu na mohī ||
sudinu sumaṃgala dāyaku soī| tora kahā phura jehi dina hoī ||
jeṭha svāmi sevaka laghu bhāī| yaha dinakara kula rīti suhāī ||
rāma tilaku jauṃ sā~cehu~ kālī| deu~ māgu mana bhāvata ālī ||
kausalyā sama saba mahatārī| rāmahi sahaja subhāya~ piārī ||
mo para karahiṃ sanehu biseṣī| maiṃ kari prīti parīchā dekhī ||
jauṃ bidhi janamu dei kari chohū| hohu~ rāma siya pūta putohū ||
prāna teṃ adhika rāmu priya moreṃ| tinha keṃ tilaka chobhu kasa toreṃ ||
do. bharata sapatha tohi satya kahu parihari kapaṭa durāu|
haraṣa samaya bisamau karasi kārana mohi sunāu || 15 ||
ekahiṃ bāra āsa saba pūjī| aba kachu kahaba jībha kari dūjī ||
phorai jogu kapāru abhāgā| bhaleu kahata dukha raurehi lāgā ||
kahahiṃ jhūṭhi phuri bāta banāī| te priya tumhahi karui maiṃ māī ||
hamahu~ kahabi aba ṭhakurasohātī| nāhiṃ ta mauna rahaba dinu rātī ||
kari kurūpa bidhi parabasa kīnhā| bavā so lunia lahia jo dīnhā ||
kou nṛpa hou hamahi kā hānī| ceri chāṛi aba hoba ki rānī ||
jārai jogu subhāu hamārā| anabhala dekhi na jāi tumhārā ||
tāteṃ kachuka bāta anusārī| chamia debi baṛi cūka hamārī ||
do. gūṛha kapaṭa priya bacana suni tīya adharabudhi rāni|
suramāyā basa bairinihi suhda jāni patiāni || 16 ||
sādara puni puni pū~chati ohī| sabarī gāna mṛgī janu mohī ||
tasi mati phirī ahai jasi bhābī| rahasī ceri ghāta janu phābī ||
tumha pū~chahu maiṃ kahata ḍerāū~| dhareu mora gharaphorī nāū~ ||
saji pratīti bahubidhi gaṛhi cholī| avadha sāṛhasātī taba bolī ||
priya siya rāmu kahā tumha rānī| rāmahi tumha priya so phuri bānī ||
rahā prathama aba te dina bīte| samau phireṃ ripu hohiṃ piṃrīte ||
bhānu kamala kula poṣanihārā| binu jala jāri karai soi chārā ||
jari tumhāri caha savati ukhārī| rū~dhahu kari upāu bara bārī ||
do. tumhahi na socu sohāga bala nija basa jānahu rāu|
mana malīna muha mīṭha nṛpa rāura sarala subhāu || 17 ||
catura ga~bhīra rāma mahatārī| bīcu pāi nija bāta sa~vārī ||
paṭhae bharatu bhūpa naniaureṃ| rāma mātu mata jānava raureṃ ||
sevahiṃ sakala savati mohi nīkeṃ| garabita bharata mātu bala pī keṃ ||
sālu tumhāra kausilahi māī| kapaṭa catura nahiṃ hoi janāī ||
rājahi tumha para premu biseṣī| savati subhāu sakai nahiṃ dekhī ||
racī praṃpacu bhūpahi apanāī| rāma tilaka hita lagana dharāī ||
yaha kula ucita rāma kahu~ ṭīkā| sabahi sohāi mohi suṭhi nīkā ||
āgili bāta samujhi ḍaru mohī| deu daiu phiri so phalu ohī ||
do. raci paci koṭika kuṭilapana kīnhesi kapaṭa prabodhu ||
kahisi kathā sata savati kai jehi bidhi bāṛha birodhu || 18 ||
bhāvī basa pratīti ura āī| pū~cha rāni puni sapatha devāī ||
kā pūchahu~ tumha abahu~ na jānā| nija hita anahita pasu pahicānā ||
bhayau pākhu dina sajata samājū| tumha pāī sudhi mohi sana ājū ||
khāia pahiria rāja tumhāreṃ| satya kaheṃ nahiṃ doṣu hamāreṃ ||
jauṃ asatya kachu kahaba banāī| tau bidhi deihi hamahi sajāī ||
rāmahi tilaka kāli jauṃ bhayaū|þ tumha kahu~ bipati bīju bidhi bayaū ||
rekha kha~cāi kahau~ balu bhāṣī| bhāmini bhaihu dūdha kai mākhī ||
jauṃ suta sahita karahu sevakāī| tau ghara rahahu na āna upāī ||
do. kadrū~ binatahi dīnha dukhu tumhahi kausilā~ deba|
bharatu baṃdigṛha seihahiṃ lakhanu rāma ke neba || 19 ||
kaikayasutā sunata kaṭu bānī| kahi na sakai kachu sahami sukhānī ||
tana paseu kadalī jimi kā~pī| kubarīṃ dasana jībha taba cā~pī ||
kahi kahi koṭika kapaṭa kahānī| dhīraju dharahu prabodhisi rānī ||
phirā karamu priya lāgi kucālī| bakihi sarāhai māni marālī ||
sunu maṃtharā bāta phuri torī| dahini ā~khi nita pharakai morī ||
dina prati dekhau~ rāti kusapane| kahau~ na tohi moha basa apane ||
kāha karau sakhi sūdha subhāū| dāhina bāma na jānau~ kāū ||
do. apane calata na āju lagi anabhala kāhuka kīnha|
kehiṃ agha ekahi bāra mohi daia~ dusaha dukhu dīnha || 20 ||
naihara janamu bharaba baru jāi| jiata na karabi savati sevakāī ||
ari basa daiu jiāvata jāhī| maranu nīka tehi jīvana cāhī ||
dīna bacana kaha bahubidhi rānī| suni kubarīṃ tiyamāyā ṭhānī ||
asa kasa kahahu māni mana ūnā| sukhu sohāgu tumha kahu~ dina dūnā ||
jehiṃ rāura ati anabhala tākā| soi pāihi yahu phalu paripākā ||
jaba teṃ kumata sunā maiṃ svāmini| bhūkha na bāsara nīṃda na jāmini ||
pū~cheu guninha rekha tinha khā~cī| bharata bhuāla hohiṃ yaha sā~cī ||
bhāmini karahu ta kahauṃ upāū| hai tumharīṃ sevā basa rāū ||
do. parau~ kūpa tua bacana para sakau~ pūta pati tyāgi|
kahasi mora dukhu dekhi baṛa kasa na karaba hita lāgi || 21 ||
kubarīṃ kari kabulī kaikeī| kapaṭa churī ura pāhana ṭeī ||
lakhai na rāni nikaṭa dukhu kaiṃse| carai harita tina balipasu jaiseṃ ||
sunata bāta mṛdu aṃta kaṭhorī| deti manahu~ madhu māhura ghorī ||
kahai ceri sudhi ahai ki nāhī| svāmini kahihu kathā mohi pāhīṃ ||
dui baradāna bhūpa sana thātī| māgahu āju juṛāvahu chātī ||
sutahi rāju rāmahi banavāsū| dehu lehu saba savati hulāsu ||
bhūpati rāma sapatha jaba karaī| taba māgehu jehiṃ bacanu na ṭaraī ||
hoi akāju āju nisi bīteṃ| bacanu mora priya mānehu jī teṃ ||
do. baṛa kughātu kari pātakini kahesi kopagṛha~ jāhu|
kāju sa~vārehu sajaga sabu sahasā jani patiāhu || 22 ||
kubarihi rāni prānapriya jānī| bāra bāra baṛi buddhi bakhānī ||
tohi sama hita na mora saṃsārā| bahe jāta kai bhaisi adhārā ||
jauṃ bidhi puraba manorathu kālī| karauṃ tohi cakha pūtari ālī ||
bahubidhi cerihi ādaru deī| kopabhavana gavani kaikeī ||
bipati bīju baraṣā ritu cerī| bhui~ bhai kumati kaikeī kerī ||
pāi kapaṭa jalu aṃkura jāmā| bara dou dala dukha phala parināmā ||
kopa samāju sāji sabu soī| rāju karata nija kumati bigoī ||
rāura nagara kolāhalu hoī| yaha kucāli kachu jāna na koī ||
do. pramudita pura nara nāri| saba sajahiṃ sumaṃgalacāra|
eka prabisahiṃ eka nirgamahiṃ bhīra bhūpa darabāra || 23 ||
bāla sakhā suna hiya~ haraṣāhīṃ| mili dasa pā~ca rāma pahiṃ jāhīṃ ||
prabhu ādarahiṃ premu pahicānī| pū~chahiṃ kusala khema mṛdu bānī ||
phirahiṃ bhavana priya āyasu pāī| karata parasapara rāma baṛāī ||
ko raghubīra sarisa saṃsārā| sīlu saneha nibāhanihārā|
jeṃhi jeṃhi joni karama basa bhramahīṃ| taha~ taha~ īsu deu yaha hamahīṃ ||
sevaka hama svāmī siyanāhū| hou nāta yaha ora nibāhū ||
asa abhilāṣu nagara saba kāhū| kaikayasutā hdaya~ ati dāhū ||
ko na kusaṃgati pāi nasāī| rahai na nīca mateṃ caturāī ||
do. sā~sa samaya sānaṃda nṛpu gayau kaikeī geha~|
gavanu niṭhuratā nikaṭa kiya janu dhari deha saneha~ || 24 ||
kopabhavana suni sakuceu rāu| bhaya basa agahuṛa parai na pāū ||
surapati basai bāha~bala jāke| narapati sakala rahahiṃ rukha tākeṃ ||
so suni tiya risa gayau sukhāī| dekhahu kāma pratāpa baṛāī ||
sūla kulisa asi a~gavanihāre| te ratinātha sumana sara māre ||
sabhaya naresu priyā pahiṃ gayaū| dekhi dasā dukhu dāruna bhayaū ||
bhūmi sayana paṭu moṭa purānā| die ḍāri tana bhūṣaṇa nānā ||
kumatihi kasi kubeṣatā phābī| ana ahivātu sūca janu bhābī ||
jāi nikaṭa nṛpu kaha mṛdu bānī| prānapriyā kehi hetu risānī ||
chaṃ. kehi hetu rāni risāni parasata pāni patihi nevāraī|
mānahu~ saroṣa bhuaṃga bhāmini biṣama bhā~ti nihāraī ||
dou bāsanā rasanā dasana bara marama ṭhāharu dekhaī|
tulasī nṛpati bhavatabyatā basa kāma kautuka lekhaī ||
so. bāra bāra kaha rāu sumukhi sulocini pikabacani|
kārana mohi sunāu gajagāmini nija kopa kara || 25 ||
anahita tora priyā kei~ kīnhā| kehi dui sira kehi jamu caha līnhā ||
kahu kehi raṃkahi karau naresū| kahu kehi nṛpahi nikāsauṃ desū ||
sakau~ tora ari amarau mārī| kāha kīṭa bapure nara nārī ||
jānasi mora subhāu barorū| manu tava ānana caṃda cakorū ||
priyā prāna suta sarabasu moreṃ| parijana prajā sakala basa toreṃ ||
jauṃ kachu kahau kapaṭu kari tohī| bhāmini rāma sapatha sata mohī ||
bihasi māgu manabhāvati bātā| bhūṣana sajahi manohara gātā ||
gharī kugharī samujhi jiya~ dekhū| begi priyā pariharahi kubeṣū ||
do. yaha suni mana guni sapatha baṛi bihasi uṭhī matimaṃda|
bhūṣana sajati biloki mṛgu manahu~ kirātini phaṃda || 26 ||
puni kaha rāu suhrada jiya~ jānī| prema pulaki mṛdu maṃjula bānī ||
bhāmini bhayau tora manabhāvā| ghara ghara nagara anaṃda badhāvā ||
rāmahi deu~ kāli jubarājū| sajahi sulocani maṃgala sājū ||
dalaki uṭheu suni hradau kaṭhorū| janu chui gayau pāka baratorū ||
aisiu pīra bihasi tehi goī| cora nāri jimi pragaṭi na roī ||
lakhahiṃ na bhūpa kapaṭa caturāī| koṭi kuṭila mani gurū paṛhāī ||
jadyapi nīti nipuna naranāhū| nāricarita jalanidhi avagāhū ||
kapaṭa sanehu baṛhāi bahorī| bolī bihasi nayana muhu morī ||
do. māgu māgu pai kahahu piya kabahu~ na dehu na lehu|
dena kahehu baradāna dui teu pāvata saṃdehu || 27 ||
jāneu~ maramu rāu ha~si kahaī| tumhahi kohāba parama priya ahaī ||
thāti rākhi na māgihu kāū| bisari gayau mohi bhora subhāū ||
jhūṭhehu~ hamahi doṣu jani dehū| dui kai cāri māgi maku lehū ||
raghukula rīti sadā cali āī| prāna jāhu~ baru bacanu na jāī ||
nahiṃ asatya sama pātaka puṃjā| giri sama hohiṃ ki koṭika guṃjā ||
satyamūla saba sukṛta suhāe| beda purāna bidita manu gāe ||
tehi para rāma sapatha kari āī| sukṛta saneha avadhi raghurāī ||
bāta dṛṛhāi kumati ha~si bolī| kumata kubihaga kulaha janu kholī ||
do. bhūpa manoratha subhaga banu sukha subihaṃga samāju|
bhillani jimi chāṛana cahati bacanu bhayaṃkaru bāju || 28 ||
māsapārāyaṇa, terahavā~ viśrāma
sunahu prānapriya bhāvata jī kā| dehu eka bara bharatahi ṭīkā ||
māgau~ dūsara bara kara jorī| puravahu nātha manoratha morī ||
tāpasa beṣa biseṣi udāsī| caudaha barisa rāmu banabāsī ||
suni mṛdu bacana bhūpa hiya~ sokū| sasi kara chuata bikala jimi kokū ||
gayau sahami nahiṃ kachu kahi āvā| janu sacāna bana jhapaṭeu lāvā ||
bibarana bhayau nipaṭa narapālū| dāmini haneu manahu~ taru tālū ||
māthe hātha mūdi dou locana| tanu dhari socu lāga janu socana ||
mora manorathu surataru phūlā| pharata karini jimi hateu samūlā ||
avadha ujāri kīnhi kaikeīṃ| dīnhasi acala bipati kai neīṃ ||
do. kavaneṃ avasara kā bhayau gayau~ nāri bisvāsa|
joga siddhi phala samaya jimi jatihi abidyā nāsa || 29 ||
ehi bidhi rāu manahiṃ mana jhā~khā| dekhi kubhā~ti kumati mana mākhā ||
bharatu ki rāura pūta na hohīṃ| ānehu mola besāhi ki mohī ||
jo suni saru asa lāga tumhāreṃ| kāhe na bolahu bacanu sa~bhāre ||
dehu utaru anu karahu ki nāhīṃ| satyasaṃdha tumha raghukula māhīṃ ||
dena kahehu aba jani baru dehū| tajahu~ satya jaga apajasu lehū ||
satya sarāhi kahehu baru denā| jānehu leihi māgi cabenā ||
sibi dadhīci bali jo kachu bhāṣā| tanu dhanu tajeu bacana panu rākhā ||
ati kaṭu bacana kahati kaikeī| mānahu~ lona jare para deī ||
do. dharama dhuraṃdhara dhīra dhari nayana ughāre rāya~|
siru dhuni līnhi usāsa asi māresi mohi kuṭhāya~ || 30 ||
āgeṃ dīkhi jarata risa bhārī| manahu~ roṣa taravāri ughārī ||
mūṭhi kubuddhi dhāra niṭhurāī| dharī kūbarīṃ sāna banāī ||
lakhī mahīpa karāla kaṭhorā| satya ki jīvanu leihi morā ||
bole rāu kaṭhina kari chātī| bānī sabinaya tāsu sohātī ||
priyā bacana kasa kahasi kubhā~tī| bhīra pratīti prīti kari hā~tī ||
moreṃ bharatu rāmu dui ā~khī| satya kahau~ kari saṃkarū sākhī ||
avasi dūtu maiṃ paṭhaiba prātā| aihahiṃ begi sunata dou bhrātā ||
sudina sodhi sabu sāju sajāī| deu~ bharata kahu~ rāju bajāī ||
do. lobhu na rāmahi rāju kara bahuta bharata para prīti|
maiṃ baṛa choṭa bicāri jiya~ karata raheu~ nṛpanīti || 31 ||
rāma sapatha sata kahū~ subhāū| rāmamātu kachu kaheu na kāū ||
maiṃ sabu kīnha tohi binu pū~cheṃ| tehi teṃ pareu manorathu chūcheṃ ||
risa pariharū aba maṃgala sājū| kachu dina gae~ bharata jubarājū ||
ekahi bāta mohi dukhu lāgā| bara dūsara asamaṃjasa māgā ||
ajahu~ hṛdaya jarata tehi ā~cā| risa parihāsa ki sā~cehu~ sā~cā ||
kahu taji roṣu rāma aparādhū| sabu kou kahai rāmu suṭhi sādhū ||
tuhū~ sarāhasi karasi sanehū| aba suni mohi bhayau saṃdehū ||
jāsu subhāu arihi anukūlā| so kimi karihi mātu pratikūlā ||
do. priyā hāsa risa pariharahi māgu bicāri bibeku|
jehiṃ dekhā~ aba nayana bhari bharata rāja abhiṣeku || 32 ||
jiai mīna barū bāri bihīnā| mani binu phaniku jiai dukha dīnā ||
kahau~ subhāu na chalu mana māhīṃ| jīvanu mora rāma binu nāhīṃ ||
samujhi dekhu jiya~ priyā prabīnā| jīvanu rāma darasa ādhīnā ||
suni mradu bacana kumati ati jaraī| manahu~ anala āhuti ghṛta paraī ||
kahai karahu kina koṭi upāyā| ihā~ na lāgihi rāuri māyā ||
dehu ki lehu ajasu kari nāhīṃ| mohi na bahuta prapaṃca sohāhīṃ|
rāmu sādhu tumha sādhu sayāne| rāmamātu bhali saba pahicāne ||
jasa kausilā~ mora bhala tākā| tasa phalu unhahi deu~ kari sākā ||
do. hota prāta munibeṣa dhari jauṃ na rāmu bana jāhiṃ|
mora maranu rāura ajasa nṛpa samujhia mana māhiṃ || 33 ||
asa kahi kuṭila bhaī uṭhi ṭhāṛhī| mānahu~ roṣa taraṃgini bāṛhī ||
pāpa pahāra pragaṭa bhai soī| bharī krodha jala jāi na joī ||
dou bara kūla kaṭhina haṭha dhārā| bhava~ra kūbarī bacana pracārā ||
ḍhāhata bhūparūpa taru mūlā| calī bipati bāridhi anukūlā ||
lakhī naresa bāta phuri sā~cī| tiya misa mīcu sīsa para nācī ||
gahi pada binaya kīnha baiṭhārī| jani dinakara kula hosi kuṭhārī ||
māgu mātha abahīṃ deu~ tohī| rāma biraha~ jani mārasi mohī ||
rākhu rāma kahu~ jehi tehi bhā~tī| nāhiṃ ta jarihi janama bhari chātī ||
do. dekhī byādhi asādha nṛpu pareu dharani dhuni mātha|
kahata parama ārata bacana rāma rāma raghunātha || 34 ||
byākula rāu sithila saba gātā| karini kalapataru manahu~ nipātā ||
kaṃṭhu sūkha mukha āva na bānī| janu pāṭhīnu dīna binu pānī ||
puni kaha kaṭu kaṭhora kaikeī| manahu~ ghāya mahu~ māhura deī ||
jauṃ aṃtahu~ asa karatabu raheū| māgu māgu tumha kehiṃ bala kaheū ||
dui ki hoi eka samaya bhuālā| ha~saba ṭhaṭhāi phulāuba gālā ||
dāni kahāuba aru kṛpanāī| hoi ki khema kusala rautāī ||
chāṛahu bacanu ki dhīraju dharahū| jani abalā jimi karunā karahū ||
tanu tiya tanaya dhāmu dhanu dharanī| satyasaṃdha kahu~ tṛna sama baranī ||
do. marama bacana suni rāu kaha kahu kachu doṣu na tora|
lāgeu tohi pisāca jimi kālu kahāvata mora || 35 ||
û
cahata na bharata bhūpatahi bhoreṃ| bidhi basa kumati basī jiya toreṃ ||
so sabu mora pāpa parināmū| bhayau kuṭhāhara jehiṃ bidhi bāmū ||
subasa basihi phiri avadha suhāī| saba guna dhāma rāma prabhutāī ||
karihahiṃ bhāi sakala sevakāī| hoihi tihu~ pura rāma baṛāī ||
tora kalaṃku mora pachitāū| muehu~ na miṭahi na jāihi kāū ||
aba tohi nīka lāga karu soī| locana oṭa baiṭhu muhu goī ||
jaba lagi jiauṃ kahau~ kara jorī| taba lagi jani kachu kahasi bahorī ||
phiri pachitaihasi aṃta abhāgī| mārasi gāi nahāru lāgī ||
do. pareu rāu kahi koṭi bidhi kāhe karasi nidānu|
kapaṭa sayāni na kahati kachu jāgati manahu~ masānu || 36 ||
rāma rāma raṭa bikala bhuālū| janu binu paṃkha bihaṃga behālū ||
hṛdaya~ manāva bhoru jani hoī| rāmahi jāi kahai jani koī ||
udau karahu jani rabi raghukula gura| avadha biloki sūla hoihi ura ||
bhūpa prīti kaikai kaṭhināī| ubhaya avadhi bidhi racī banāī ||
bilapata nṛpahi bhayau bhinusārā| bīnā benu saṃkha dhuni dvārā ||
paṛhahiṃ bhāṭa guna gāvahiṃ gāyaka| sunata nṛpahi janu lāgahiṃ sāyaka ||
maṃgala sakala sohāhiṃ na kaiseṃ| sahagāminihi bibhūṣana jaiseṃ ||
tehiṃ nisi nīda parī nahi kāhū| rāma darasa lālasā uchāhū ||
do. dvāra bhīra sevaka saciva kahahiṃ udita rabi dekhi|
jāgeu ajahu~ na avadhapati kāranu kavanu biseṣi || 37 ||
pachile pahara bhūpu nita jāgā| āju hamahi baṛa acaraju lāgā ||
jāhu sumaṃtra jagāvahu jāī| kījia kāju rajāyasu pāī ||
gae sumaṃtru taba rāura māhī| dekhi bhayāvana jāta ḍerāhīṃ ||
dhāi khāi janu jāi na herā| mānahu~ bipati biṣāda baserā ||
pūcheṃ kou na ūtaru deī| gae jeṃhiṃ bhavana bhūpa kaikaiī ||
kahi jayajīva baiṭha siru nāī| daikhi bhūpa gati gayau sukhāī ||
soca bikala bibarana mahi pareū| mānahu~ kamala mūlu parihareū ||
saciu sabhīta sakai nahiṃ pū~chī| bolī asubha bharī subha chūchī ||
do. parī na rājahi nīda nisi hetu jāna jagadīsu|
rāmu rāmu raṭi bhoru kiya kahai na maramu mahīsu || 38 ||
ānahu rāmahi begi bolāī| samācāra taba pū~chehu āī ||
caleu sumaṃtra rāya rūkha jānī| lakhī kucāli kīnhi kachu rānī ||
soca bikala maga parai na pāū| rāmahi boli kahihi kā rāū ||
ura dhari dhīraju gayau duāreṃ| pūcha~hiṃ sakala dekhi manu māreṃ ||
samādhānu kari so sabahī kā| gayau jahā~ dinakara kula ṭīkā ||
rāmu sumaṃtrahi āvata dekhā| ādaru kīnha pitā sama lekhā ||
nirakhi badanu kahi bhūpa rajāī| raghukuladīpahi caleu levāī ||
rāmu kubhā~ti saciva sa~ga jāhīṃ| dekhi loga jaha~ taha~ bilakhāhīṃ ||
do. jāi dīkha raghubaṃsamani narapati nipaṭa kusāju ||
sahami pareu lakhi siṃghinihi manahu~ bṛddha gajarāju || 39 ||
sūkhahiṃ adhara jarai sabu aṃgū| manahu~ dīna manihīna bhuaṃgū ||
saruṣa samīpa dīkhi kaikeī| mānahu~ mīcu gharī gani leī ||
karunāmaya mṛdu rāma subhāū| prathama dīkha dukhu sunā na kāū ||
tadapi dhīra dhari samau bicārī| pū~chī madhura bacana mahatārī ||
mohi kahu mātu tāta dukha kārana| karia jatana jehiṃ hoi nivārana ||
sunahu rāma sabu kārana ehū| rājahi tuma para bahuta sanehū ||
dena kahenhi mohi dui baradānā| māgeu~ jo kachu mohi sohānā|
so suni bhayau bhūpa ura socū| chāṛi na sakahiṃ tumhāra sa~kocū ||
do. suta saneha ita bacanu uta saṃkaṭa pareu naresu|
sakahu na āyasu dharahu sira meṭahu kaṭhina kalesu || 40 ||
nidharaka baiṭhi kahai kaṭu bānī| sunata kaṭhinatā ati akulānī ||
jībha kamāna bacana sara nānā| manahu~ mahipa mṛdu laccha samānā ||
janu kaṭhorapanu dhareṃ sarīrū| sikhai dhanuṣabidyā bara bīrū ||
saba prasaṃgu raghupatihi sunāī| baiṭhi manahu~ tanu dhari niṭhurāī ||
mana musakāi bhānukula bhānu| rāmu sahaja ānaṃda nidhānū ||
bole bacana bigata saba dūṣana| mṛdu maṃjula janu bāga bibhūṣana ||
sunu jananī soi sutu baṛabhāgī| jo pitu mātu bacana anurāgī ||
tanaya mātu pitu toṣanihārā| durlabha janani sakala saṃsārā ||
do. munigana milanu biseṣi bana sabahi bhā~ti hita mora|
tehi maha~ pitu āyasu bahuri saṃmata jananī tora || 41 ||
bharata prānapriya pāvahiṃ rājū| bidhi saba bidhi mohi sanamukha āju|
joṃ na jāu~ bana aisehu kājā| prathama gania mohi mūṛha samājā ||
sevahiṃ ara~ḍu kalapataru tyāgī| parihari amṛta lehiṃ biṣu māgī ||
teu na pāi asa samau cukāhīṃ| dekhu bicāri mātu mana māhīṃ ||
aṃba eka dukhu mohi biseṣī| nipaṭa bikala naranāyaku dekhī ||
thorihiṃ bāta pitahi dukha bhārī| hoti pratīti na mohi mahatārī ||
rāu dhīra guna udadhi agādhū| bhā mohi te kachu baṛa aparādhū ||
jāteṃ mohi na kahata kachu rāū| mori sapatha tohi kahu satibhāū ||
do. sahaja sarala raghubara bacana kumati kuṭila kari jāna|
calai joṃka jala bakragati jadyapi salilu samāna || 42 ||
rahasī rāni rāma rukha pāī| bolī kapaṭa sanehu janāī ||
sapatha tumhāra bharata kai ānā| hetu na dūsara mai kachu jānā ||
tumha aparādha jogu nahiṃ tātā| jananī janaka baṃdhu sukhadātā ||
rāma satya sabu jo kachu kahahū| tumha pitu mātu bacana rata ahahū ||
pitahi bujhāi kahahu bali soī| cautheṃpana jehiṃ ajasu na hoī ||
tumha sama suana sukṛta jehiṃ dīnhe| ucita na tāsu nirādaru kīnhe ||
lāgahiṃ kumukha bacana subha kaise| magaha~ gayādika tīratha jaise ||
rāmahi mātu bacana saba bhāe| jimi surasari gata salila suhāe ||
do. gai muruchā rāmahi sumiri nṛpa phiri karavaṭa līnha|
saciva rāma āgamana kahi binaya samaya sama kīnha || 43 ||
avanipa akani rāmu pagu dhāre| dhari dhīraju taba nayana ughāre ||
saciva~ sa~bhāri rāu baiṭhāre| carana parata nṛpa rāmu nihāre ||
lie saneha bikala ura lāī| gai mani manahu~ phanika phiri pāī ||
rāmahi citai raheu naranāhū| calā bilocana bāri prabāhū ||
soka bibasa kachu kahai na pārā| hṛdaya~ lagāvata bārahiṃ bārā ||
bidhihi manāva rāu mana māhīṃ| jehiṃ raghunātha na kānana jāhīṃ ||
sumiri mahesahi kahai nihorī| binatī sunahu sadāsiva morī ||
āsutoṣa tumha avaḍhara dānī| ārati harahu dīna janu jānī ||
do. tumha preraka saba ke hṛdaya~ so mati rāmahi dehu|
bacanu mora taji rahahi ghara parihari sīlu sanehu || 44 ||
ajasu hou jaga sujasu nasāū| naraka parau baru surapuru jāū ||
saba dukha dusaha sahāvahu mohī| locana oṭa rāmu jani hoṃhī ||
asa mana gunai rāu nahiṃ bolā| pīpara pāta sarisa manu ḍolā ||
raghupati pitahi premabasa jānī| puni kachu kahihi mātu anumānī ||
desa kāla avasara anusārī| bole bacana binīta bicārī ||
tāta kahau~ kachu karau~ ḍhiṭhāī| anucitu chamaba jāni larikāī ||
ati laghu bāta lāgi dukhu pāvā| kāhu~ na mohi kahi prathama janāvā ||
dekhi gosāi~hi pū~chiu~ mātā| suni prasaṃgu bhae sītala gātā ||
do. maṃgala samaya saneha basa soca pariharia tāta|
āyasu deia haraṣi hiya~ kahi pulake prabhu gāta || 45 ||
dhanya janamu jagatītala tāsū| pitahi pramodu carita suni jāsū ||
cāri padāratha karatala tākeṃ| priya pitu mātu prāna sama jākeṃ ||
āyasu pāli janama phalu pāī| aihau~ begihiṃ hou rajāī ||
bidā mātu sana āvau~ māgī| calihau~ banahi bahuri paga lāgī ||
asa kahi rāma gavanu taba kīnhā| bhūpa soka basu utaru na dīnhā ||
nagara byāpi gai bāta sutīchī| chuata caṛhī janu saba tana bīchī ||
suni bhae bikala sakala nara nārī| beli biṭapa jimi dekhi davārī ||
jo jaha~ sunai dhunai siru soī| baṛa biṣādu nahiṃ dhīraju hoī ||
do. mukha sukhāhiṃ locana stravahi soku na hṛdaya~ samāi|
manahu~ karuna rasa kaṭakaī utarī avadha bajāi || 46 ||
milehi mājha bidhi bāta begārī| jaha~ taha~ dehiṃ kaikeihi gārī ||
ehi pāpinihi būjhi kā pareū| chāi bhavana para pāvaku dhareū ||
nija kara nayana kāṛhi caha dīkhā| ḍāri sudhā biṣu cāhata cīkhā ||
kuṭila kaṭhora kubuddhi abhāgī| bhai raghubaṃsa benu bana āgī ||
pālava baiṭhi peṛu ehiṃ kāṭā| sukha mahu~ soka ṭhāṭu dhari ṭhāṭā ||
sadā rāmu ehi prāna samānā| kārana kavana kuṭilapanu ṭhānā ||
satya kahahiṃ kabi nāri subhāū| saba bidhi agahu agādha durāū ||
nija pratibiṃbu baruku gahi jāī| jāni na jāi nāri gati bhāī ||
do. kāha na pāvaku jāri saka kā na samudra samāi|
kā na karai abalā prabala kehi jaga kālu na khāi || 47 ||
kā sunāi bidhi kāha sunāvā| kā dekhāi caha kāha dekhāvā ||
eka kahahiṃ bhala bhūpa na kīnhā| baru bicāri nahiṃ kumatihi dīnhā ||
jo haṭhi bhayau sakala dukha bhājanu| abalā bibasa gyānu gunu gā janu ||
eka dharama paramiti pahicāne| nṛpahi dosu nahiṃ dehiṃ sayāne ||
sibi dadhīci haricaṃda kahānī| eka eka sana kahahiṃ bakhānī ||
eka bharata kara saṃmata kahahīṃ| eka udāsa bhāya~ suni rahahīṃ ||
kāna mūdi kara rada gahi jīhā| eka kahahiṃ yaha bāta alīhā ||
sukṛta jāhiṃ asa kahata tumhāre| rāmu bharata kahu~ prānapiāre ||
do. caṃdu cavai baru anala kana sudhā hoi biṣatūla|
sapanehu~ kabahu~ na karahiṃ kichu bharatu rāma pratikūla || 48 ||
eka bidhātahiṃ dūṣanu deṃhīṃ| sudhā dekhāi dīnha biṣu jehīṃ ||
kharabharu nagara socu saba kāhū| dusaha dāhu ura miṭā uchāhū ||
biprabadhū kulamānya jaṭherī| je priya parama kaikeī kerī ||
lagīṃ dena sikha sīlu sarāhī| bacana bānasama lāgahiṃ tāhī ||
bharatu na mohi priya rāma samānā| sadā kahahu yahu sabu jagu jānā ||
karahu rāma para sahaja sanehū| kehiṃ aparādha āju banu dehū ||
kabahu~ na kiyahu savati āresū| prīti pratīti jāna sabu desū ||
kausalyā~ aba kāha bigārā| tumha jehi lāgi bajra pura pārā ||
do. sīya ki piya sa~gu pariharihi lakhanu ki rahihahiṃ dhāma|
rāju ki bhū~jaba bharata pura nṛpu ki jīhi binu rāma || 49 ||
asa bicāri ura chāṛahu kohū| soka kalaṃka koṭhi jani hohū ||
bharatahi avasi dehu jubarājū| kānana kāha rāma kara kājū ||
nāhina rāmu rāja ke bhūkhe| dharama dhurīna biṣaya rasa rūkhe ||
gura gṛha basahu~ rāmu taji gehū| nṛpa sana asa baru dūsara lehū ||
jauṃ nahiṃ lagihahu kaheṃ hamāre| nahiṃ lāgihi kachu hātha tumhāre ||
jauṃ parihāsa kīnhi kachu hoī| tau kahi pragaṭa janāvahu soī ||
rāma sarisa suta kānana jogū| kāha kahihi suni tumha kahu~ logū ||
uṭhahu begi soi karahu upāī| jehi bidhi soku kalaṃku nasāī ||
chaṃ. jehi bhā~ti soku kalaṃku jāi upāya kari kula pālahī|
haṭhi pheru rāmahi jāta bana jani bāta dūsari cālahī ||
jimi bhānu binu dinu prāna binu tanu caṃda binu jimi jāminī|
timi avadha tulasīdāsa prabhu binu samujhi dhauṃ jiya~ bhāminī ||
so. sakhinha sikhāvanu dīnha sunata madhura parināma hita|
tei~ kachu kāna na kīnha kuṭila prabodhī kūbarī || 50 ||
utaru na dei dusaha risa rūkhī| mṛginha citava janu bāghini bhūkhī ||
byādhi asādhi jāni tinha tyāgī| calīṃ kahata matimaṃda abhāgī ||
rāju karata yaha daia~ bigoī| kīnhesi asa jasa karai na koī ||
ehi bidhi bilapahiṃ pura nara nārīṃ| dehiṃ kucālihi koṭika gārīṃ ||
jarahiṃ biṣama jara lehiṃ usāsā| kavani rāma binu jīvana āsā ||
bipula biyoga prajā akulānī| janu jalacara gana sūkhata pānī ||
ati biṣāda basa loga logāī| gae mātu pahiṃ rāmu gosāī ||
mukha prasanna cita cauguna cāū| miṭā socu jani rākhai rāū ||
do. nava gayaṃdu raghubīra manu rāju alāna samāna|
chūṭa jāni bana gavanu suni ura anaṃdu adhikāna || 51 ||
raghukulatilaka jori dou hāthā| mudita mātu pada nāyau māthā ||
dīnhi asīsa lāi ura līnhe| bhūṣana basana nichāvari kīnhe ||
bāra bāra mukha cuṃbati mātā| nayana neha jalu pulakita gātā ||
goda rākhi puni hṛdaya~ lagāe| stravata prenarasa payada suhāe ||
premu pramodu na kachu kahi jāī| raṃka dhanada padabī janu pāī ||
sādara suṃdara badanu nihārī| bolī madhura bacana mahatārī ||
kahahu tāta jananī balihārī| kabahiṃ lagana muda maṃgalakārī ||
sukṛta sīla sukha sīva~ suhāī| janama lābha kai avadhi aghāī ||
do. jehi cāhata nara nāri saba ati ārata ehi bhā~ti|
jimi cātaka cātaki tṛṣita bṛṣṭi sarada ritu svāti || 52 ||
tāta jāu~ bali begi nahāhū| jo mana bhāva madhura kachu khāhū ||
pitu samīpa taba jāehu bhaiā| bhai baṛi bāra jāi bali maiā ||
mātu bacana suni ati anukūlā| janu saneha surataru ke phūlā ||
sukha makaraṃda bhare śriyamūlā| nirakhi rāma manu bhavaru~ na bhūlā ||
dharama dhurīna dharama gati jānī| kaheu mātu sana ati mṛdu bānī ||
pitā~ dīnha mohi kānana rājū| jaha~ saba bhā~ti mora baṛa kājū ||
āyasu dehi mudita mana mātā| jehiṃ muda maṃgala kānana jātā ||
jani saneha basa ḍarapasi bhoreṃ| āna~du aṃba anugraha toreṃ ||
do. baraṣa cāridasa bipina basi kari pitu bacana pramāna|
āi pāya puni dekhihau~ manu jani karasi malāna || 53 ||
bacana binīta madhura raghubara ke| sara sama lage mātu ura karake ||
sahami sūkhi suni sītali bānī| jimi javāsa pareṃ pāvasa pānī ||
kahi na jāi kachu hṛdaya biṣādū| manahu~ mṛgī suni kehari nādū ||
nayana sajala tana thara thara kā~pī| mājahi khāi mīna janu māpī ||
dhari dhīraju suta badanu nihārī| gadagada bacana kahati mahatārī ||
tāta pitahi tumha prānapiāre| dekhi mudita nita carita tumhāre ||
rāju dena kahu~ subha dina sādhā| kaheu jāna bana kehiṃ aparādhā ||
tāta sunāvahu mohi nidānū| ko dinakara kula bhayau kṛsānū ||
do. nirakhi rāma rukha sacivasuta kāranu kaheu bujhāi|
suni prasaṃgu rahi mūka jimi dasā barani nahiṃ jāi || 54 ||
rākhi na sakai na kahi saka jāhū| duhū~ bhā~ti ura dāruna dāhū ||
likhata sudhākara gā likhi rāhū| bidhi gati bāma sadā saba kāhū ||
dharama saneha ubhaya~ mati gherī| bhai gati sā~pa chuchuṃdari kerī ||
rākhau~ sutahi karau~ anurodhū| dharamu jāi aru baṃdhu birodhū ||
kahau~ jāna bana tau baṛi hānī| saṃkaṭa soca bibasa bhai rānī ||
bahuri samujhi tiya dharamu sayānī| rāmu bharatu dou suta sama jānī ||
sarala subhāu rāma mahatārī| bolī bacana dhīra dhari bhārī ||
tāta jāu~ bali kīnhehu nīkā| pitu āyasu saba dharamaka ṭīkā ||
do. rāju dena kahi dīnha banu mohi na so dukha lesu|
tumha binu bharatahi bhūpatihi prajahi pracaṃḍa kalesu || 55 ||
jauṃ kevala pitu āyasu tātā| tau jani jāhu jāni baṛi mātā ||
jauṃ pitu mātu kaheu bana jānā| tauṃ kānana sata avadha samānā ||
pitu banadeva mātu banadevī| khaga mṛga carana saroruha sevī ||
aṃtahu~ ucita nṛpahi banabāsū| baya biloki hiya~ hoi harā~sū ||
baṛabhāgī banu avadha abhāgī| jo raghubaṃsatilaka tumha tyāgī ||
jauṃ suta kahau saṃga mohi lehū| tumhare hṛdaya~ hoi saṃdehū ||
pūta parama priya tumha sabahī ke| prāna prāna ke jīvana jī ke ||
te tumha kahahu mātu bana jāū~| maiṃ suni bacana baiṭhi pachitāū~ ||
do. yaha bicāri nahiṃ karau~ haṭha jhūṭha sanehu baṛhāi|
māni mātu kara nāta bali surati bisari jani jāi || 56 ||
deva pitara saba tunhahi gosāī| rākhahu~ palaka nayana kī nāī ||
avadhi aṃbu priya parijana mīnā| tumha karunākara dharama dhurīnā ||
asa bicāri soi karahu upāī| sabahi jiata jehiṃ bheṃṭehu āī ||
jāhu sukhena banahi bali jāū~| kari anātha jana parijana gāū~ ||
saba kara āju sukṛta phala bītā| bhayau karāla kālu biparītā ||
bahubidhi bilapi carana lapaṭānī| parama abhāgini āpuhi jānī ||
dāruna dusaha dāhu ura byāpā| barani na jāhiṃ bilāpa kalāpā ||
rāma uṭhāi mātu ura lāī| kahi mṛdu bacana bahuri samujhāī ||
do. samācāra tehi samaya suni sīya uṭhī akulāi|
jāi sāsu pada kamala juga baṃdi baiṭhi siru nāi || 57 ||
dīnhi asīsa sāsu mṛdu bānī| ati sukumāri dekhi akulānī ||
baiṭhi namitamukha socati sītā| rūpa rāsi pati prema punītā ||
calana cahata bana jīvananāthū| kehi sukṛtī sana hoihi sāthū ||
kī tanu prāna ki kevala prānā| bidhi karatabu kachu jāi na jānā ||
cāru carana nakha lekhati dharanī| nūpura mukhara madhura kabi baranī ||
manahu~ prema basa binatī karahīṃ| hamahi sīya pada jani pariharahīṃ ||
maṃju bilocana mocati bārī| bolī dekhi rāma mahatārī ||
tāta sunahu siya ati sukumārī| sāsu sasura parijanahi piārī ||
do. pitā janaka bhūpāla mani sasura bhānukula bhānu|
pati rabikula kairava bipina bidhu guna rūpa nidhānu || 58 ||
maiṃ puni putrabadhū priya pāī| rūpa rāsi guna sīla suhāī ||
nayana putari kari prīti baṛhāī| rākheu~ prāna jānikihiṃ lāī ||
kalapabeli jimi bahubidhi lālī| sīṃci saneha salila pratipālī ||
phūlata phalata bhayau bidhi bāmā| jāni na jāi kāha parināmā ||
pala~ga pīṭha taji goda hiṃṛorā| siya~ na dīnha pagu avani kaṭhorā ||
jianamūri jimi jogavata rahaū~| dīpa bāti nahiṃ ṭārana kahaū~ ||
soi siya calana cahati bana sāthā| āyasu kāha hoi raghunāthā|
caṃda kirana rasa rasika cakorī| rabi rukha nayana sakai kimi jorī ||
do. kari kehari nisicara carahiṃ duṣṭa jaṃtu bana bhūri|
biṣa bāṭikā~ ki soha suta subhaga sajīvani mūri || 59 ||
bana hita kola kirāta kisorī| racīṃ biraṃci biṣaya sukha bhorī ||
pāina kṛmi jimi kaṭhina subhāū| tinhahi kalesu na kānana kāū ||
kai tāpasa tiya kānana jogū| jinha tapa hetu tajā saba bhogū ||
siya bana basihi tāta kehi bhā~tī| citralikhita kapi dekhi ḍerātī ||
surasara subhaga banaja bana cārī| ḍābara jogu ki haṃsakumārī ||
asa bicāri jasa āyasu hoī| maiṃ sikha deu~ jānakihi soī ||
jauṃ siya bhavana rahai kaha aṃbā| mohi kaha~ hoi bahuta avalaṃbā ||
suni raghubīra mātu priya bānī| sīla saneha sudhā~ janu sānī ||
do. kahi priya bacana bibekamaya kīnhi mātu paritoṣa|
lage prabodhana jānakihi pragaṭi bipina guna doṣa || 60 ||
māsapārāyaṇa, caudahavā~ viśrāma
mātu samīpa kahata sakucāhīṃ| bole samau samujhi mana māhīṃ ||
rājakumāri sikhāvana sunahū| āna bhā~ti jiya~ jani kachu gunahū ||
āpana mora nīka jauṃ cahahū| bacanu hamāra māni gṛha rahahū ||
āyasu mora sāsu sevakāī| saba bidhi bhāmini bhavana bhalāī ||
ehi te adhika dharamu nahiṃ dūjā| sādara sāsu sasura pada pūjā ||
jaba jaba mātu karihi sudhi morī| hoihi prema bikala mati bhorī ||
taba taba tumha kahi kathā purānī| suṃdari samujhāehu mṛdu bānī ||
kahau~ subhāya~ sapatha sata mohī| sumukhi mātu hita rākhau~ tohī ||
do. gura śruti saṃmata dharama phalu pāia binahiṃ kalesa|
haṭha basa saba saṃkaṭa sahe gālava nahuṣa naresa || 61 ||
maiṃ puni kari pravāna pitu bānī| begi phiraba sunu sumukhi sayānī ||
divasa jāta nahiṃ lāgihi bārā| suṃdari sikhavanu sunahu hamārā ||
jau haṭha karahu prema basa bāmā| tau tumha dukhu pāuba parināmā ||
kānanu kaṭhina bhayaṃkaru bhārī| ghora ghāmu hima bāri bayārī ||
kusa kaṃṭaka maga kā~kara nānā| calaba payādehiṃ binu padatrānā ||
carana kamala mudu maṃju tumhāre| māraga agama bhūmidhara bhāre ||
kaṃdara khoha nadīṃ nada nāre| agama agādha na jāhiṃ nihāre ||
bhālu bāgha bṛka kehari nāgā| karahiṃ nāda suni dhīraju bhāgā ||
do. bhūmi sayana balakala basana asanu kaṃda phala mūla|
te ki sadā saba dina milihiṃ sabui samaya anukūla || 62 ||
nara ahāra rajanīcara carahīṃ| kapaṭa beṣa bidhi koṭika karahīṃ ||
lāgai ati pahāra kara pānī| bipina bipati nahiṃ jāi bakhānī ||
byāla karāla bihaga bana ghorā| nisicara nikara nāri nara corā ||
ḍarapahiṃ dhīra gahana sudhi āe~| mṛgalocani tumha bhīru subhāe~ ||
haṃsagavani tumha nahiṃ bana jogū| suni apajasu mohi deihi logū ||
mānasa salila sudhā~ pratipālī| jiai ki lavana payodhi marālī ||
nava rasāla bana biharanasīlā| soha ki kokila bipina karīlā ||
rahahu bhavana asa hṛdaya~ bicārī| caṃdabadani dukhu kānana bhārī ||
do. sahaja suhda gura svāmi sikha jo na karai sira māni ||
so pachitāi aghāi ura avasi hoi hita hāni || 63 ||
suni mṛdu bacana manohara piya ke| locana lalita bhare jala siya ke ||
sītala sikha dāhaka bhai kaiṃseṃ| cakaihi sarada caṃda nisi jaiṃseṃ ||
utaru na āva bikala baidehī| tajana cahata suci svāmi sanehī ||
barabasa roki bilocana bārī| dhari dhīraju ura avanikumārī ||
lāgi sāsu paga kaha kara jorī| chamabi debi baṛi abinaya morī ||
dīnhi prānapati mohi sikha soī| jehi bidhi mora parama hita hoī ||
maiṃ puni samujhi dīkhi mana māhīṃ| piya biyoga sama dukhu jaga nāhīṃ ||
do. prānanātha karunāyatana suṃdara sukhada sujāna|
tumha binu raghukula kumuda bidhu surapura naraka samāna || 64 ||
mātu pitā bhaginī priya bhāī| priya parivāru suhrada samudāī ||
sāsu sasura gura sajana sahāī| suta suṃdara susīla sukhadāī ||
jaha~ lagi nātha neha aru nāte| piya binu tiyahi taranihu te tāte ||
tanu dhanu dhāmu dharani pura rājū| pati bihīna sabu soka samājū ||
bhoga rogasama bhūṣana bhārū| jama jātanā sarisa saṃsārū ||
prānanātha tumha binu jaga māhīṃ| mo kahu~ sukhada katahu~ kachu nāhīṃ ||
jiya binu deha nadī binu bārī| taisia nātha puruṣa binu nārī ||
nātha sakala sukha sātha tumhāreṃ| sarada bimala bidhu badanu nihāreṃ ||
do. khaga mṛga parijana nagaru banu balakala bimala dukūla|
nātha sātha surasadana sama paranasāla sukha mūla || 65 ||
banadevīṃ banadeva udārā| karihahiṃ sāsu sasura sama sārā ||
kusa kisalaya sātharī suhāī| prabhu sa~ga maṃju manoja turāī ||
kaṃda mūla phala amia ahārū| avadha saudha sata sarisa pahārū ||
chinu chinu prabhu pada kamala biloki| rahihau~ mudita divasa jimi kokī ||
bana dukha nātha kahe bahutere| bhaya biṣāda paritāpa ghanere ||
prabhu biyoga lavalesa samānā| saba mili hohiṃ na kṛpānidhānā ||
asa jiya~ jāni sujāna siromani| leia saṃga mohi chāṛia jani ||
binatī bahuta karauṃ kā svāmī| karunāmaya ura aṃtarajāmī ||
do. rākhia avadha jo avadhi lagi rahata na janiahiṃ prāna|
dīnabaṃdhu saṃdara sukhada sīla saneha nidhāna || 66 ||
mohi maga calata na hoihi hārī| chinu chinu carana saroja nihārī ||
sabahi bhā~ti piya sevā karihauṃ| māraga janita sakala śrama harihauṃ ||
pāya pakhārī baiṭhi taru chāhīṃ| karihau~ bāu mudita mana māhīṃ ||
śrama kana sahita syāma tanu dekheṃ| kaha~ dukha samau prānapati pekheṃ ||
sama mahi tṛna tarupallava ḍāsī| pāga paloṭihi saba nisi dāsī ||
bārabāra mṛdu mūrati johī| lāgahi tāta bayāri na mohī|
ko prabhu sa~ga mohi citavanihārā| siṃghabadhuhi jimi sasaka siārā ||
maiṃ sukumāri nātha bana jogū| tumhahi ucita tapa mo kahu~ bhogū ||
do. aiseu bacana kaṭhora suni jauṃ na hradau bilagāna|
tau prabhu biṣama biyoga dukha sahihahiṃ pāva~ra prāna || 67 ||
asa kahi sīya bikala bhai bhārī| bacana biyogu na sakī sa~bhārī ||
dekhi dasā raghupati jiya~ jānā| haṭhi rākheṃ nahiṃ rākhihi prānā ||
kaheu kṛpāla bhānukulanāthā| parihari socu calahu bana sāthā ||
nahiṃ biṣāda kara avasaru ājū| begi karahu bana gavana samājū ||
kahi priya bacana priyā samujhāī| lage mātu pada āsiṣa pāī ||
begi prajā dukha meṭaba āī| jananī niṭhura bisari jani jāī ||
phirahi dasā bidhi bahuri ki morī| dekhihau~ nayana manohara jorī ||
sudina sugharī tāta kaba hoihi| jananī jiata badana bidhu joihi ||
do. bahuri baccha kahi lālu kahi raghupati raghubara tāta|
kabahiṃ bolāi lagāi hiya~ haraṣi nirakhihau~ gāta || 68 ||
lakhi saneha kātari mahatārī| bacanu na āva bikala bhai bhārī ||
rāma prabodhu kīnha bidhi nānā| samau sanehu na jāi bakhānā ||
taba jānakī sāsu paga lāgī| sunia māya maiṃ parama abhāgī ||
sevā samaya daia~ banu dīnhā| mora manorathu saphala na kīnhā ||
tajaba chobhu jani chāṛia chohū| karamu kaṭhina kachu dosu na mohū ||
suni siya bacana sāsu akulānī| dasā kavani bidhi kahauṃ bakhānī ||
bārahi bāra lāi ura līnhī| dhari dhīraju sikha āsiṣa dīnhī ||
acala hou ahivātu tumhārā| jaba lagi gaṃga jamuna jala dhārā ||
do. sītahi sāsu asīsa sikha dīnhi aneka prakāra|
calī nāi pada paduma siru ati hita bārahiṃ bāra || 69 ||
samācāra jaba lachimana pāe| byākula bilakha badana uṭhi dhāe ||
kaṃpa pulaka tana nayana sanīrā| gahe carana ati prema adhīrā ||
kahi na sakata kachu citavata ṭhāṛhe| mīnu dīna janu jala teṃ kāṛhe ||
socu hṛdaya~ bidhi kā honihārā| sabu sukhu sukṛta sirāna hamārā ||
mo kahu~ kāha kahaba raghunāthā| rakhihahiṃ bhavana ki lehahiṃ sāthā ||
rāma biloki baṃdhu kara joreṃ| deha geha saba sana tṛnu toreṃ ||
bole bacanu rāma naya nāgara| sīla saneha sarala sukha sāgara ||
tāta prema basa jani kadarāhū| samujhi hṛdaya~ parināma uchāhū ||
do. mātu pitā guru svāmi sikha sira dhari karahi subhāya~|
laheu lābhu tinha janama kara nataru janamu jaga jāya~ || 70 ||
asa jiya~ jāni sunahu sikha bhāī| karahu mātu pitu pada sevakāī ||
bhavana bharatu ripusūdana nāhīṃ| rāu bṛddha mama dukhu mana māhīṃ ||
maiṃ bana jāu~ tumhahi lei sāthā| hoi sabahi bidhi avadha anāthā ||
guru pitu mātu prajā parivārū| saba kahu~ parai dusaha dukha bhārū ||
rahahu karahu saba kara paritoṣū| nataru tāta hoihi baṛa doṣū ||
jāsu rāja priya prajā dukhārī| so nṛpu avasi naraka adhikārī ||
rahahu tāta asi nīti bicārī| sunata lakhanu bhae byākula bhārī ||
siareṃ bacana sūkhi gae kaiṃseṃ| parasata tuhina tāmarasu jaiseṃ ||
do. utaru na āvata prema basa gahe carana akulāi|
nātha dāsu maiṃ svāmi tumha tajahu ta kāha basāi || 71 ||
dīnhi mohi sikha nīki gosāīṃ| lāgi agama apanī kadarāīṃ ||
narabara dhīra dharama dhura dhārī| nigama nīti kahu~ te adhikārī ||
maiṃ sisu prabhu saneha~ pratipālā| maṃdaru meru ki lehiṃ marālā ||
gura pitu mātu na jānau~ kāhū| kahau~ subhāu nātha patiāhū ||
jaha~ lagi jagata saneha sagāī| prīti pratīti nigama niju gāī ||
moreṃ sabai eka tumha svāmī| dīnabaṃdhu ura aṃtarajāmī ||
dharama nīti upadesia tāhī| kīrati bhūti sugati priya jāhī ||
mana krama bacana carana rata hoī| kṛpāsiṃdhu pariharia ki soī ||
do. karunāsiṃdhu subaṃdha ke suni mṛdu bacana binīta|
samujhāe ura lāi prabhu jāni saneha~ sabhīta || 72 ||
māgahu bidā mātu sana jāī| āvahu begi calahu bana bhāī ||
mudita bhae suni raghubara bānī| bhayau lābha baṛa gai baṛi hānī ||
haraṣita hdaya~ mātu pahiṃ āe| manahu~ aṃdha phiri locana pāe|
jāi janani paga nāyau māthā| manu raghunaṃdana jānaki sāthā ||
pū~che mātu malina mana dekhī| lakhana kahī saba kathā biseṣī ||
gaī sahami suni bacana kaṭhorā| mṛgī dekhi dava janu cahu orā ||
lakhana lakheu bhā anaratha ājū| ehiṃ saneha basa karaba akājū ||
māgata bidā sabhaya sakucāhīṃ| jāi saṃga bidhi kahihi ki nāhī ||
do. samujhi sumitrā~ rāma siya rūpa susīlu subhāu|
nṛpa sanehu lakhi dhuneu siru pāpini dīnha kudāu || 73 ||
dhīraju dhareu kuavasara jānī| sahaja suhda bolī mṛdu bānī ||
tāta tumhāri mātu baidehī| pitā rāmu saba bhā~ti sanehī ||
avadha tahā~ jaha~ rāma nivāsū| taha~i~ divasu jaha~ bhānu prakāsū ||
jau pai sīya rāmu bana jāhīṃ| avadha tumhāra kāju kachu nāhiṃ ||
gura pitu mātu baṃdhu sura sāī| seiahiṃ sakala prāna kī nāīṃ ||
rāmu prānapriya jīvana jī ke| svāratha rahita sakhā sabahī kai ||
pūjanīya priya parama jahā~ teṃ| saba māniahiṃ rāma ke nāteṃ ||
asa jiya~ jāni saṃga bana jāhū| lehu tāta jaga jīvana lāhū ||
do. bhūri bhāga bhājanu bhayahu mohi sameta bali jāu~|
jauma tumhareṃ mana chāṛi chalu kīnha rāma pada ṭhāu~ || 74 ||
putravatī jubatī jaga soī| raghupati bhagatu jāsu sutu hoī ||
nataru bā~jha bhali bādi biānī| rāma bimukha suta teṃ hita jānī ||
tumharehiṃ bhāga rāmu bana jāhīṃ| dūsara hetu tāta kachu nāhīṃ ||
sakala sukṛta kara baṛa phalu ehū| rāma sīya pada sahaja sanehū ||
rāga roṣu iriṣā madu mohū| jani sapanehu~ inha ke basa hohū ||
sakala prakāra bikāra bihāī| mana krama bacana karehu sevakāī ||
tumha kahu~ bana saba bhā~ti supāsū| sa~ga pitu mātu rāmu siya jāsū ||
jehiṃ na rāmu bana lahahiṃ kalesū| suta soi karehu ihai upadesū ||
chaṃ. upadesu yahu jehiṃ tāta tumhare rāma siya sukha pāvahīṃ|
pitu mātu priya parivāra pura sukha surati bana bisarāvahīṃ|
tulasī prabhuhi sikha dei āyasu dīnha puni āsiṣa daī|
rati hou abirala amala siya raghubīra pada nita nita naī ||
so. mātu carana siru nāi cale turata saṃkita hṛdaya~|
bāgura biṣama torāi manahu~ bhāga mṛgu bhāga basa || 75 ||
gae lakhanu jaha~ jānakināthū| bhe mana mudita pāi priya sāthū ||
baṃdi rāma siya carana suhāe| cale saṃga nṛpamaṃdira āe ||
kahahiṃ parasapara pura nara nārī| bhali banāi bidhi bāta bigārī ||
tana kṛsa dukhu badana malīne| bikala manahu~ mākhī madhu chīne ||
kara mījahiṃ siru dhuni pachitāhīṃ| janu bina paṃkha bihaga akulāhīṃ ||
bhai baṛi bhīra bhūpa darabārā| barani na jāi biṣādu apārā ||
saciva~ uṭhāi rāu baiṭhāre| kahi priya bacana rāmu pagu dhāre ||
siya sameta dou tanaya nihārī| byākula bhayau bhūmipati bhārī ||
do. sīya sahita suta subhaga dou dekhi dekhi akulāi|
bārahiṃ bāra saneha basa rāu lei ura lāi || 76 ||
sakai na boli bikala naranāhū| soka janita ura dāruna dāhū ||
nāi sīsu pada ati anurāgā| uṭhi raghubīra bidā taba māgā ||
pitu asīsa āyasu mohi dījai| haraṣa samaya bisamau kata kījai ||
tāta kie~ priya prema pramādū| jasu jaga jāi hoi apabādū ||
suni saneha basa uṭhi naranāhā~| baiṭhāre raghupati gahi bāhā~ ||
sunahu tāta tumha kahu~ muni kahahīṃ| rāmu carācara nāyaka ahahīṃ ||
subha aru asubha karama anuhārī| īsa dei phalu hdaya~ bicārī ||
karai jo karama pāva phala soī| nigama nīti asi kaha sabu koī ||
do. -auru karai aparādhu kou aura pāva phala bhogu|
ati bicitra bhagavaṃta gati ko jaga jānai jogu || 77 ||
rāya~ rāma rākhana hita lāgī| bahuta upāya kie chalu tyāgī ||
lakhī rāma rukha rahata na jāne| dharama dhuraṃdhara dhīra sayāne ||
taba nṛpa sīya lāi ura līnhī| ati hita bahuta bhā~ti sikha dīnhī ||
kahi bana ke dukha dusaha sunāe| sāsu sasura pitu sukha samujhāe ||
siya manu rāma carana anurāgā| gharu na sugamu banu biṣamu na lāgā ||
aurau sabahiṃ sīya samujhāī| kahi kahi bipina bipati adhikāī ||
saciva nāri gura nāri sayānī| sahita saneha kahahiṃ mṛdu bānī ||
tumha kahu~ tau na dīnha banabāsū| karahu jo kahahiṃ sasura gura sāsū ||
do. -sikha sītali hita madhura mṛdu suni sītahi na sohāni|
sarada caṃda caṃdani lagata janu cakaī akulāni || 78 ||
sīya sakuca basa utaru na deī| so suni tamaki uṭhī kaikeī ||
muni paṭa bhūṣana bhājana ānī| āgeṃ dhari bolī mṛdu bānī ||
nṛpahi prāna priya tumha raghubīrā| sīla saneha na chāṛihi bhīrā ||
sukṛta sujasu paraloku nasāū| tumhahi jāna bana kahihi na kāū ||
asa bicāri soi karahu jo bhāvā| rāma janani sikha suni sukhu pāvā ||
bhūpahi bacana bānasama lāge| karahiṃ na prāna payāna abhāge ||
loga bikala muruchita naranāhū| kāha karia kachu sūjha na kāhū ||
rāmu turata muni beṣu banāī| cale janaka jananihi siru nāī ||
do. saji bana sāju samāju sabu banitā baṃdhu sameta|
baṃdi bipra gura carana prabhu cale kari sabahi aceta || 79 ||
nikasi basiṣṭha dvāra bhae ṭhāṛhe| dekhe loga biraha dava dāṛhe ||
kahi priya bacana sakala samujhāe| bipra bṛṃda raghubīra bolāe ||
gura sana kahi baraṣāsana dīnhe| ādara dāna binaya basa kīnhe ||
jācaka dāna māna saṃtoṣe| mīta punīta prema paritoṣe ||
dāsīṃ dāsa bolāi bahorī| gurahi sauṃpi bole kara jorī ||
saba kai sāra sa~bhāra gosāīṃ| karabi janaka jananī kī nāī ||
bārahiṃ bāra jori juga pānī| kahata rāmu saba sana mṛdu bānī ||
soi saba bhā~ti mora hitakārī| jehi teṃ rahai bhuāla sukhārī ||
do. mātu sakala more biraha~ jehiṃ na hohiṃ dukha dīna|
soi upāu tumha karehu saba pura jana parama prabīna || 80 ||
ehi bidhi rāma sabahi samujhāvā| gura pada paduma haraṣi siru nāvā|
ganapatī gauri girīsu manāī| cale asīsa pāi raghurāī ||
rāma calata ati bhayau biṣādū| suni na jāi pura ārata nādū ||
kusaguna laṃka avadha ati sokū| haharaṣa biṣāda bibasa suralokū ||
gai muruchā taba bhūpati jāge| boli sumaṃtru kahana asa lāge ||
rāmu cale bana prāna na jāhīṃ| kehi sukha lāgi rahata tana māhīṃ|
ehi teṃ kavana byathā balavānā| jo dukhu pāi tajahiṃ tanu prānā ||
puni dhari dhīra kahai naranāhū| lai rathu saṃga sakhā tumha jāhū ||
do. -suṭhi sukumāra kumāra dou janakasutā sukumāri|
ratha caṛhāi dekharāi banu phirehu gae~ dina cāri || 81 ||
jau nahiṃ phirahiṃ dhīra dou bhāī| satyasaṃdha dṛṛhabrata raghurāī ||
tau tumha binaya karehu kara jorī| pheria prabhu mithilesakisorī ||
jaba siya kānana dekhi ḍerāī| kahehu mori sikha avasaru pāī ||
sāsu sasura asa kaheu sa~desū| putri phiria bana bahuta kalesū ||
pitṛgṛha kabahu~ kabahu~ sasurārī| rahehu jahā~ ruci hoi tumhārī ||
ehi bidhi karehu upāya kadaṃbā| phirai ta hoi prāna avalaṃbā ||
nāhiṃ ta mora maranu parināmā| kachu na basāi bhae~ bidhi bāmā ||
asa kahi muruchi parā mahi rāū| rāmu lakhanu siya āni dekhāū ||
do. -pāi rajāyasu nāi siru rathu ati bega banāi|
gayau jahā~ bāhera nagara sīya sahita dou bhāi || 82 ||
taba sumaṃtra nṛpa bacana sunāe| kari binatī ratha rāmu caṛhāe ||
caṛhi ratha sīya sahita dou bhāī| cale hṛdaya~ avadhahi siru nāī ||
calata rāmu lakhi avadha anāthā| bikala loga saba lāge sāthā ||
kṛpāsiṃdhu bahubidhi samujhāvahiṃ| phirahiṃ prema basa puni phiri āvahiṃ ||
lāgati avadha bhayāvani bhārī| mānahu~ kālarāti a~dhiārī ||
ghora jaṃtu sama pura nara nārī| ḍarapahiṃ ekahi eka nihārī ||
ghara masāna parijana janu bhūtā| suta hita mīta manahu~ jamadūtā ||
bāganha biṭapa beli kumhilāhīṃ| sarita sarovara dekhi na jāhīṃ ||
do. haya gaya koṭinha kelimṛga purapasu cātaka mora|
pika rathāṃga suka sārikā sārasa haṃsa cakora || 83 ||
rāma biyoga bikala saba ṭhāṛhe| jaha~ taha~ manahu~ citra likhi kāṛhe ||
nagaru saphala banu gahabara bhārī| khaga mṛga bipula sakala nara nārī ||
bidhi kaikeī kirātini kīnhī| jeṃhi dava dusaha dasahu~ disi dīnhī ||
sahi na sake raghubara birahāgī| cale loga saba byākula bhāgī ||
sabahiṃ bicāra kīnha mana māhīṃ| rāma lakhana siya binu sukhu nāhīṃ ||
jahā~ rāmu taha~ sabui samājū| binu raghubīra avadha nahiṃ kājū ||
cale sātha asa maṃtru dṛṛhāī| sura durlabha sukha sadana bihāī ||
rāma carana paṃkaja priya jinhahī| biṣaya bhoga basa karahiṃ ki tinhahī ||
do. bālaka bṛddha bihāi gṛ~ha lage loga saba sātha|
tamasā tīra nivāsu kiya prathama divasa raghunātha || 84 ||
raghupati prajā premabasa dekhī| sadaya hṛdaya~ dukhu bhayau biseṣī ||
karunāmaya raghunātha gosā~ī| begi pāiahiṃ pīra parāī ||
kahi saprema mṛdu bacana suhāe| bahubidhi rāma loga samujhāe ||
kie dharama upadesa ghanere| loga prema basa phirahiṃ na phere ||
sīlu sanehu chāṛi nahiṃ jāī| asamaṃjasa basa bhe raghurāī ||
loga soga śrama basa gae soī| kachuka devamāyā~ mati moī ||
jabahiṃ jāma juga jāmini bītī| rāma saciva sana kaheu saprītī ||
khoja māri rathu hā~kahu tātā| āna upāya~ banihi nahiṃ bātā ||
do. rāma lakhana suya jāna caṛhi saṃbhu carana siru nāi ||
saciva~ calāyau turata rathu ita uta khoja durāi || 85 ||
jāge sakala loga bhae~ bhorū| ge raghunātha bhayau ati sorū ||
ratha kara khoja katahahu~ nahiṃ pāvahiṃ| rāma rāma kahi cahu disi dhāvahiṃ ||
manahu~ bārinidhi būṛa jahājū| bhayau bikala baṛa banika samājū ||
ekahi eka deṃhiṃ upadesū| taje rāma hama jāni kalesū ||
niṃdahiṃ āpu sarāhahiṃ mīnā| dhiga jīvanu raghubīra bihīnā ||
jauṃ pai priya biyogu bidhi kīnhā| tau kasa maranu na māgeṃ dīnhā ||
ehi bidhi karata pralāpa kalāpā| āe avadha bhare paritāpā ||
biṣama biyogu na jāi bakhānā| avadhi āsa saba rākhahiṃ prānā ||
do. rāma darasa hita nema brata lage karana nara nāri|
manahu~ koka kokī kamala dīna bihīna tamāri || 86 ||
sītā saciva sahita dou bhāī| sṛṃgaberapura pahu~ce jāī ||
utare rāma devasari dekhī| kīnha daṃḍavata haraṣu biseṣī ||
lakhana saciva~ siya~ kie pranāmā| sabahi sahita sukhu pāyau rāmā ||
gaṃga sakala muda maṃgala mūlā| saba sukha karani harani saba sūlā ||
kahi kahi koṭika kathā prasaṃgā| rāmu bilokahiṃ gaṃga taraṃgā ||
sacivahi anujahi priyahi sunāī| bibudha nadī mahimā adhikāī ||
majjanu kīnha paṃtha śrama gayaū| suci jalu piata mudita mana bhayaū ||
sumirata jāhi miṭai śrama bhārū| tehi śrama yaha laukika byavahārū ||
do. sudhda sacidānaṃdamaya kaṃda bhānukula ketu|
carita karata nara anuharata saṃsṛti sāgara setu || 87 ||
yaha sudhi guha~ niṣāda jaba pāī| mudita lie priya baṃdhu bolāī ||
lie phala mūla bheṃṭa bhari bhārā| milana caleu hi~ya~ haraṣu apārā ||
kari daṃḍavata bheṃṭa dhari āgeṃ| prabhuhi bilokata ati anurāgeṃ ||
sahaja saneha bibasa raghurāī| pū~chī kusala nikaṭa baiṭhāī ||
nātha kusala pada paṃkaja dekheṃ| bhayau~ bhāgabhājana jana lekheṃ ||
deva dharani dhanu dhāmu tumhārā| maiṃ janu nīcu sahita parivārā ||
kṛpā karia pura dhāria pāū| thāpiya janu sabu logu sihāū ||
kahehu satya sabu sakhā sujānā| mohi dīnha pitu āyasu ānā ||
do. baraṣa cāridasa bāsu bana muni brata beṣu ahāru|
grāma bāsu nahiṃ ucita suni guhahi bhayau dukhu bhāru || 88 ||
rāma lakhana siya rūpa nihārī| kahahiṃ saprema grāma nara nārī ||
te pitu mātu kahahu sakhi kaise| jinha paṭhae bana bālaka aise ||
eka kahahiṃ bhala bhūpati kīnhā| loyana lāhu hamahi bidhi dīnhā ||
taba niṣādapati ura anumānā| taru siṃsupā manohara jānā ||
lai raghunāthahi ṭhāu~ dekhāvā| kaheu rāma saba bhā~ti suhāvā ||
purajana kari johāru ghara āe| raghubara saṃdhyā karana sidhāe ||
guha~ sa~vāri sā~tharī ḍasāī| kusa kisalayamaya mṛdula suhāī ||
suci phala mūla madhura mṛdu jānī| donā bhari bhari rākhesi pānī ||
do. siya sumaṃtra bhrātā sahita kaṃda mūla phala khāi|
sayana kīnha raghubaṃsamani pāya paloṭata bhāi || 89 ||
uṭhe lakhanu prabhu sovata jānī| kahi sacivahi sovana mṛdu bānī ||
kachuka dūra saji bāna sarāsana| jāgana lage baiṭhi bīrāsana ||
gu~ha bolāi pāharū pratītī| ṭhāva~ ṭhā~va rākhe ati prītī ||
āpu lakhana pahiṃ baiṭheu jāī| kaṭi bhāthī sara cāpa caṛhāī ||
sovata prabhuhi nihāri niṣādū| bhayau prema basa hdaya~ biṣādū ||
tanu pulakita jalu locana bahaī| bacana saprema lakhana sana kahaī ||
bhūpati bhavana subhāya~ suhāvā| surapati sadanu na paṭatara pāvā ||
manimaya racita cāru caubāre| janu ratipati nija hātha sa~vāre ||
do. suci subicitra subhogamaya sumana sugaṃdha subāsa|
pala~ga maṃju manidīpa jaha~ saba bidhi sakala supāsa || 90 ||
bibidha basana upadhāna turāī| chīra phena mṛdu bisada suhāī ||
taha~ siya rāmu sayana nisi karahīṃ| nija chabi rati manoja madu harahīṃ ||
te siya rāmu sātharīṃ soe| śramita basana binu jāhiṃ na joe ||
mātu pitā parijana purabāsī| sakhā susīla dāsa aru dāsī ||
jogavahiṃ jinhahi prāna kī nāī| mahi sovata tei rāma gosāīṃ ||
pitā janaka jaga bidita prabhāū| sasura suresa sakhā raghurāū ||
rāmacaṃdu pati so baidehī| sovata mahi bidhi bāma na kehī ||
siya raghubīra ki kānana jogū| karama pradhāna satya kaha logū ||
do. kaikayanaṃdini maṃdamati kaṭhina kuṭilapanu kīnha|
jehīṃ raghunaṃdana jānakihi sukha avasara dukhu dīnha || 91 ||
bhai dinakara kula biṭapa kuṭhārī| kumati kīnha saba bisva dukhārī ||
bhayau biṣādu niṣādahi bhārī| rāma sīya mahi sayana nihārī ||
bole lakhana madhura mṛdu bānī| gyāna birāga bhagati rasa sānī ||
kāhu na kou sukha dukha kara dātā| nija kṛta karama bhoga sabu bhrātā ||
joga biyoga bhoga bhala maṃdā| hita anahita madhyama bhrama phaṃdā ||
janamu maranu jaha~ lagi jaga jālū| saṃpatī bipati karamu aru kālū ||
dharani dhāmu dhanu pura parivārū| saragu naraku jaha~ lagi byavahārū ||
dekhia sunia gunia mana māhīṃ| moha mūla paramārathu nāhīṃ ||
do. sapaneṃ hoi bhikhāri nṛpa raṃku nākapati hoi|
jāgeṃ lābhu na hāni kachu timi prapaṃca jiya~ joi || 92 ||
asa bicāri nahiṃ kījā rosū| kāhuhi bādi na deia dosū ||
moha nisā~ sabu sovanihārā| dekhia sapana aneka prakārā ||
ehiṃ jaga jāmini jāgahiṃ jogī| paramārathī prapaṃca biyogī ||
jānia tabahiṃ jīva jaga jāgā| jaba jaba biṣaya bilāsa birāgā ||
hoi bibeku moha bhrama bhāgā| taba raghunātha carana anurāgā ||
sakhā parama paramārathu ehū| mana krama bacana rāma pada nehū ||
rāma brahma paramāratha rūpā| abigata alakha anādi anūpā ||
sakala bikāra rahita gatabhedā| kahi nita neti nirūpahiṃ bedā|
do. bhagata bhūmi bhūsura surabhi sura hita lāgi kṛpāla|
karata carita dhari manuja tanu sunata miṭahi jaga jāla || 93 ||
māsapārāyaṇa, paṃdrahavā viśrāma
sakhā samujhi asa parihari mohu| siya raghubīra carana rata hohū ||
kahata rāma guna bhā bhinusārā| jāge jaga maṃgala sukhadārā ||
sakala soca kari rāma nahāvā| suci sujāna baṭa chīra magāvā ||
anuja sahita sira jaṭā banāe| dekhi sumaṃtra nayana jala chāe ||
hṛdaya~ dāhu ati badana malīnā| kaha kara jori bacana ati dīnā ||
nātha kaheu asa kosalanāthā| lai rathu jāhu rāma keṃ sāthā ||
banu dekhāi surasari anhavāī| ānehu pheri begi dou bhāī ||
lakhanu rāmu siya ānehu pherī| saṃsaya sakala sa~koca niberī ||
do. nṛpa asa kaheu gosāī~ jasa kahai karauṃ bali soi|
kari binatī pāyanha pareu dīnha bāla jimi roi || 94 ||
tāta kṛpā kari kījia soī| jāteṃ avadha anātha na hoī ||
maṃtrahi rāma uṭhāi prabodhā| tāta dharama matu tumha sabu sodhā ||
sibi dadhīci haricaṃda naresā| sahe dharama hita koṭi kalesā ||
raṃtideva bali bhūpa sujānā| dharamu dhareu sahi saṃkaṭa nānā ||
dharamu na dūsara satya samānā| āgama nigama purāna bakhānā ||
maiṃ soi dharamu sulabha kari pāvā| tajeṃ tihū~ pura apajasu chāvā ||
saṃbhāvita kahu~ apajasa lāhū| marana koṭi sama dāruna dāhū ||
tumha sana tāta bahuta kā kahaū~| die~ utaru phiri pātaku lahaū~ ||
do. pitu pada gahi kahi koṭi nati binaya karaba kara jori|
ciṃtā kavanihu bāta kai tāta karia jani mori || 95 ||
tumha puni pitu sama ati hita moreṃ| binatī karau~ tāta kara joreṃ ||
saba bidhi soi karatabya tumhāreṃ| dukha na pāva pitu soca hamāreṃ ||
suni raghunātha saciva saṃbādū| bhayau saparijana bikala niṣādū ||
puni kachu lakhana kahī kaṭu bānī| prabhu baraje baṛa anucita jānī ||
sakuci rāma nija sapatha devāī| lakhana sa~desu kahia jani jāī ||
kaha sumaṃtru puni bhūpa sa~desū| sahi na sakihi siya bipina kalesū ||
jehi bidhi avadha āva phiri sīyā| soi raghubarahi tumhahi karanīyā ||
nataru nipaṭa avalaṃba bihīnā| maiṃ na jiaba jimi jala binu mīnā ||
do. maikeṃ sasareṃ sakala sukha jabahiṃ jahā~ manu māna ||
ta~ha taba rahihi sukhena siya jaba lagi bipati bihāna || 96 ||
binatī bhūpa kīnha jehi bhā~tī| ārati prīti na so kahi jātī ||
pitu sa~desu suni kṛpānidhānā| siyahi dīnha sikha koṭi bidhānā ||
sāsu sasura gura priya parivārū| phiratu ta saba kara miṭai khabhārū ||
suni pati bacana kahati baidehī| sunahu prānapati parama sanehī ||
prabhu karunāmaya parama bibekī| tanu taji rahati chā~ha kimi cheṃkī ||
prabhā jāi kaha~ bhānu bihāī| kaha~ caṃdrikā caṃdu taji jāī ||
patihi premamaya binaya sunāī| kahati saciva sana girā suhāī ||
tumha pitu sasura sarisa hitakārī| utaru deu~ phiri anucita bhārī ||
do. ārati basa sanamukha bhaiu~ bilagu na mānaba tāta|
ārajasuta pada kamala binu bādi jahā~ lagi nāta || 97 ||
pitu baibhava bilāsa maiṃ ḍīṭhā| nṛpa mani mukuṭa milita pada pīṭhā ||
sukhanidhāna asa pitu gṛha moreṃ| piya bihīna mana bhāva na bhoreṃ ||
sasura cakkavai kosalarāū| bhuvana cāridasa pragaṭa prabhāū ||
āgeṃ hoi jehi surapati leī| aradha siṃghāsana āsanu deī ||
sasuru etādṛsa avadha nivāsū| priya parivāru mātu sama sāsū ||
binu raghupati pada paduma parāgā| mohi keu sapanehu~ sukhada na lāgā ||
agama paṃtha banabhūmi pahārā| kari kehari sara sarita apārā ||
kola kirāta kuraṃga bihaṃgā| mohi saba sukhada prānapati saṃgā ||
do. sāsu sasura sana mori hu~ti binaya karabi pari pāya~ ||
mora socu jani karia kachu maiṃ bana sukhī subhāya~ || 98 ||
prānanātha priya devara sāthā| bīra dhurīna dhareṃ dhanu bhāthā ||
nahiṃ maga śramu bhramu dukha mana moreṃ| mohi lagi socu karia jani bhoreṃ ||
suni sumaṃtru siya sītali bānī| bhayau bikala janu phani mani hānī ||
nayana sūjha nahiṃ sunai na kānā| kahi na sakai kachu ati akulānā ||
rāma prabodhu kīnha bahu bhā~ti| tadapi hoti nahiṃ sītali chātī ||
jatana aneka sātha hita kīnhe| ucita utara raghunaṃdana dīnhe ||
meṭi jāi nahiṃ rāma rajāī| kaṭhina karama gati kachu na basāī ||
rāma lakhana siya pada siru nāī| phireu banika jimi mūra gavā~ī ||
do. -ratha hā~keu haya rāma tana heri heri hihināhiṃ|
dekhi niṣāda biṣādabasa dhunahiṃ sīsa pachitāhiṃ || 99 ||
jāsu biyoga bikala pasu aise| prajā mātu pitu jīhahiṃ kaiseṃ ||
barabasa rāma sumaṃtru paṭhāe| surasari tīra āpu taba āe ||
māgī nāva na kevaṭu ānā| kahai tumhāra maramu maiṃ jānā ||
carana kamala raja kahu~ sabu kahaī| mānuṣa karani mūri kachu ahaī ||
chuata silā bhai nāri suhāī| pāhana teṃ na kāṭha kaṭhināī ||
taraniu muni gharini hoi jāī| bāṭa parai mori nāva uṛāī ||
ehiṃ pratipālau~ sabu parivārū| nahiṃ jānau~ kachu aura kabārū ||
jau prabhu pāra avasi gā cahahū| mohi pada paduma pakhārana kahahū ||
chaṃ. pada kamala dhoi caṛhāi nāva na nātha utarāī cahauṃ|
mohi rāma rāuri āna dasaratha sapatha saba sācī kahauṃ ||
baru tīra mārahu~ lakhanu pai jaba lagi na pāya pakhārihauṃ|
taba lagi na tulasīdāsa nātha kṛpāla pāru utārihauṃ ||
so. suni kebaṭa ke baina prema lapeṭe aṭapaṭe|
bihase karunāaina citai jānakī lakhana tana || 100 ||
kṛpāsiṃdhu bole musukāī| soi karu jeṃhi tava nāva na jāī ||
vegi ānu jala pāya pakhārū| hota bilaṃbu utārahi pārū ||
jāsu nāma sumarata eka bārā| utarahiṃ nara bhavasiṃdhu apārā ||
soi kṛpālu kevaṭahi nihorā| jehiṃ jagu kiya tihu pagahu te thorā ||
pada nakha nirakhi devasari haraṣī| suni prabhu bacana moha~ mati karaṣī ||
kevaṭa rāma rajāyasu pāvā| pāni kaṭhavatā bhari lei āvā ||
ati ānaṃda umagi anurāgā| carana saroja pakhārana lāgā ||
baraṣi sumana sura sakala sihāhīṃ| ehi sama punyapuṃja kou nāhīṃ ||
do. pada pakhāri jalu pāna kari āpu sahita parivāra|
pitara pāru kari prabhuhi puni mudita gayau lei pāra || 101 ||
utari ṭhāṛa bhae surasari retā| sīyarāma guha lakhana sametā ||
kevaṭa utari daṃḍavata kīnhā| prabhuhi sakuca ehi nahiṃ kachu dīnhā ||
piya hiya kī siya jānanihārī| mani mudarī mana mudita utārī ||
kaheu kṛpāla lehi utarāī| kevaṭa carana gahe akulāī ||
nātha āju maiṃ kāha na pāvā| miṭe doṣa dukha dārida dāvā ||
bahuta kāla maiṃ kīnhi majūrī| āju dīnha bidhi bani bhali bhūrī ||
aba kachu nātha na cāhia moreṃ| dīnadayāla anugraha toreṃ ||
phiratī bāra mohi je debā| so prasādu maiṃ sira dhari lebā ||
do. bahuta kīnha prabhu lakhana siya~ nahiṃ kachu kevaṭu lei|
bidā kīnha karunāyatana bhagati bimala baru dei || 102 ||
taba majjanu kari raghukulanāthā| pūji pārathiva nāyau māthā ||
siya~ surasarihi kaheu kara jorī| mātu manoratha puraubi morī ||
pati devara saṃga kusala bahorī| āi karauṃ jehiṃ pūjā torī ||
suni siya binaya prema rasa sānī| bhai taba bimala bāri bara bānī ||
sunu raghubīra priyā baidehī| tava prabhāu jaga bidita na kehī ||
lokapa hohiṃ bilokata toreṃ| tohi sevahiṃ saba sidhi kara joreṃ ||
tumha jo hamahi baṛi binaya sunāī| kṛpā kīnhi mohi dīnhi baṛāī ||
tadapi debi maiṃ debi asīsā| saphala hopana hita nija bāgīsā ||
do. prānanātha devara sahita kusala kosalā āi|
pūjahi saba manakāmanā sujasu rahihi jaga chāi || 103 ||
gaṃga bacana suni maṃgala mūlā| mudita sīya surasari anukulā ||
taba prabhu guhahi kaheu ghara jāhū| sunata sūkha mukhu bhā ura dāhū ||
dīna bacana guha kaha kara jorī| binaya sunahu raghukulamani morī ||
nātha sātha rahi paṃthu dekhāī| kari dina cāri carana sevakāī ||
jehiṃ bana jāi rahaba raghurāī| paranakuṭī maiṃ karabi suhāī ||
taba mohi kaha~ jasi deba rajāī| soi karihau~ raghubīra dohāī ||
sahaja saneha rāma lakhi tāsu| saṃga līnha guha hṛdaya hulāsū ||
puni guha~ gyāti boli saba līnhe| kari paritoṣu bidā taba kīnhe ||
do. taba ganapati siva sumiri prabhu nāi surasarihi mātha| ì
sakhā anuja siyā sahita bana gavanu kīnha radhunātha || 104 ||
tehi dina bhayau biṭapa tara bāsū| lakhana sakhā~ saba kīnha supāsū ||
prāta prātakṛta kari radhusāī| tīratharāju dīkha prabhu jāī ||
saciva satya śradhdā priya nārī| mādhava sarisa mītu hitakārī ||
cāri padāratha bharā bha~ḍāru| punya pradesa desa ati cāru ||
chetra agama gaṛhu gāṛha suhāvā| sapanehu~ nahiṃ pratipacchinha pāvā ||
sena sakala tīratha bara bīrā| kaluṣa anīka dalana ranadhīrā ||
saṃgamu siṃhāsanu suṭhi sohā| chatru akhayabaṭu muni manu mohā ||
cava~ra jamuna aru gaṃga taraṃgā| dekhi hohiṃ dukha dārida bhaṃgā ||
do. sevahiṃ sukṛti sādhu suci pāvahiṃ saba manakāma|
baṃdī beda purāna gana kahahiṃ bimala guna grāma || 105 ||
ko kahi sakai prayāga prabhāū| kaluṣa puṃja kuṃjara mṛgarāū ||
asa tīrathapati dekhi suhāvā| sukha sāgara raghubara sukhu pāvā ||
kahi siya lakhanahi sakhahi sunāī| śrīmukha tīratharāja baṛāī ||
kari pranāmu dekhata bana bāgā| kahata mahātama ati anurāgā ||
ehi bidhi āi bilokī benī| sumirata sakala sumaṃgala denī ||
mudita nahāi kīnhi siva sevā| puji jathābidhi tīratha devā ||
taba prabhu bharadvāja pahiṃ āe| karata daṃḍavata muni ura lāe ||
muni mana moda na kachu kahi jāi| brahmānaṃda rāsi janu pāī ||
do. dīnhi asīsa munīsa ura ati anaṃdu asa jāni|
locana gocara sukṛta phala manahu~ kie bidhi āni || 106 ||
kusala prasna kari āsana dīnhe| pūji prema paripūrana kīnhe ||
kaṃda mūla phala aṃkura nīke| die āni muni manahu~ amī ke ||
sīya lakhana jana sahita suhāe| ati ruci rāma mūla phala khāe ||
bhae bigataśrama rāmu sukhāre| bharavdāja mṛdu bacana ucāre ||
āju suphala tapu tīratha tyāgū| āju suphala japa joga birāgū ||
saphala sakala subha sādhana sājū| rāma tumhahi avalokata ājū ||
lābha avadhi sukha avadhi na dūjī| tumhāreṃ darasa āsa saba pūjī ||
aba kari kṛpā dehu bara ehū| nija pada sarasija sahaja sanehū ||
do. karama bacana mana chāṛi chalu jaba lagi janu na tumhāra|
taba lagi sukhu sapanehu~ nahīṃ kie~ koṭi upacāra ||
suni muni bacana rāmu sakucāne| bhāva bhagati ānaṃda aghāne ||
taba raghubara muni sujasu suhāvā| koṭi bhā~ti kahi sabahi sunāvā ||
so baḍa so saba guna gana gehū| jehi munīsa tumha ādara dehū ||
muni raghubīra parasapara navahīṃ| bacana agocara sukhu anubhavahīṃ ||
yaha sudhi pāi prayāga nivāsī| baṭu tāpasa muni siddha udāsī ||
bharadvāja āśrama saba āe| dekhana dasaratha suana suhāe ||
rāma pranāma kīnha saba kāhū| mudita bhae lahi loyana lāhū ||
dehiṃ asīsa parama sukhu pāī| phire sarāhata suṃdaratāī ||
do. rāma kīnha biśrāma nisi prāta prayāga nahāi|
cale sahita siya lakhana jana mudadita munihi siru nāi || 108 ||
rāma saprema kaheu muni pāhīṃ| nātha kahia hama kehi maga jāhīṃ ||
muni mana bihasi rāma sana kahahīṃ| sugama sakala maga tumha kahu~ ahahīṃ ||
sātha lāgi muni siṣya bolāe| suni mana mudita pacāsaka āe ||
sabanhi rāma para prema apārā| sakala kahahi magu dīkha hamārā ||
muni baṭu cāri saṃga taba dīnhe| jinha bahu janama sukṛta saba kīnhe ||
kari pranāmu riṣi āyasu pāī| pramudita hṛdaya~ cale raghurāī ||
grāma nikaṭa jaba nikasahi jāī| dekhahi darasu nāri nara dhāī ||
hohi sanātha janama phalu pāī| phirahi dukhita manu saṃga paṭhāī ||
do. bidā kie baṭu binaya kari phire pāi mana kāma|
utari nahāe jamuna jala jo sarīra sama syāma || 109 ||
sunata tīravāsī nara nārī| dhāe nija nija kāja bisārī ||
lakhana rāma siya sundaratāī| dekhi karahiṃ nija bhāgya baṛāī ||
ati lālasā basahiṃ mana māhīṃ| nāu~ gāu~ būjhata sakucāhīṃ ||
je tinha mahu~ bayabiridha sayāne| tinha kari juguti rāmu pahicāne ||
sakala kathā tinha sabahi sunāī| banahi cale pitu āyasu pāī ||
suni sabiṣāda sakala pachitāhīṃ| rānī rāya~ kīnha bhala nāhīṃ ||
tehi avasara eka tāpasu āvā| tejapuṃja laghubayasa suhāvā ||
kavi alakhita gati beṣu birāgī| mana krama bacana rāma anurāgī ||
do. sajala nayana tana pulaki nija iṣṭadeu pahicāni|
pareu daṃḍa jimi dharanitala dasā na jāi bakhāni || 110 ||
rāma saprema pulaki ura lāvā| parama raṃka janu pārasu pāvā ||
manahu~ premu paramārathu doū| milata dhare tana kaha sabu koū ||
bahuri lakhana pāyanha soi lāgā| līnha uṭhāi umagi anurāgā ||
puni siya carana dhūri dhari sīsā| janani jāni sisu dīnhi asīsā ||
kīnha niṣāda daṃḍavata tehī| mileu mudita lakhi rāma sanehī ||
piata nayana puṭa rūpu piyūṣā| mudita suasanu pāi jimi bhūkhā ||
te pitu mātu kahahu sakhi kaise| jinha paṭhae bana bālaka aise ||
rāma lakhana siya rūpu nihārī| hohiṃ saneha bikala nara nārī ||
do. taba raghubīra aneka bidhi sakhahi sikhāvanu dīnha|
rāma rajāyasu sīsa dhari bhavana gavanu te~i~ kīnha || 111 ||
puni siya~ rāma lakhana kara jorī| jamunahi kīnha pranāmu bahorī ||
cale sasīya mudita dou bhāī| rabitanujā kai karata baṛāī ||
pathika aneka milahiṃ maga jātā| kahahiṃ saprema dekhi dou bhrātā ||
rāja lakhana saba aṃga tumhāreṃ| dekhi socu ati hṛdaya hamāreṃ ||
māraga calahu payādehi pāe~| jyotiṣu jhūṭha hamāreṃ bhāe~ ||
agamu paṃtha giri kānana bhārī| tehi maha~ sātha nāri sukumārī ||
kari kehari bana jāi na joī| hama sa~ga calahi jo āyasu hoī ||
jāba jahā~ lagi taha~ pahu~cāī| phiraba bahori tumhahi siru nāī ||
do. ehi bidhi pū~chahiṃ prema basa pulaka gāta jalu naina|
kṛpāsiṃdhu pherahi tinhahi kahi binīta mṛdu baina || 112 ||
je pura gā~va basahiṃ maga māhīṃ| tinhahi nāga sura nagara sihāhīṃ ||
kehi sukṛtīṃ kehi gharīṃ basāe| dhanya punyamaya parama suhāe ||
jaha~ jaha~ rāma carana cali jāhīṃ| tinha samāna amarāvati nāhīṃ ||
punyapuṃja maga nikaṭa nivāsī| tinhahi sarāhahiṃ surapurabāsī ||
je bhari nayana bilokahiṃ rāmahi| sītā lakhana sahita ghanasyāmahi ||
je sara sarita rāma avagāhahiṃ| tinhahi deva sara sarita sarāhahiṃ ||
jehi taru tara prabhu baiṭhahiṃ jāī| karahiṃ kalapataru tāsu baṛāī ||
parasi rāma pada paduma parāgā| mānati bhūmi bhūri nija bhāgā ||
do. chā~ha karahi ghana bibudhagana baraṣahi sumana sihāhiṃ|
dekhata giri bana bihaga mṛga rāmu cale maga jāhiṃ || 113 ||
sītā lakhana sahita raghurāī| gā~va nikaṭa jaba nikasahiṃ jāī ||
suni saba bāla bṛddha nara nārī| calahiṃ turata gṛhakāju bisārī ||
rāma lakhana siya rūpa nihārī| pāi nayanaphalu hohiṃ sukhārī ||
sajala bilocana pulaka sarīrā| saba bhae magana dekhi dou bīrā ||
barani na jāi dasā tinha kerī| lahi janu raṃkanha suramani ḍherī ||
ekanha eka boli sikha dehīṃ| locana lāhu lehu chana ehīṃ ||
rāmahi dekhi eka anurāge| citavata cale jāhiṃ sa~ga lāge ||
eka nayana maga chabi ura ānī| hohiṃ sithila tana mana bara bānī ||
do. eka dekhiṃ baṭa chā~ha bhali ḍāsi mṛdula tṛna pāta|
kahahiṃ gavā~ia chinuku śramu gavanaba abahiṃ ki prāta || 114 ||
eka kalasa bhari ānahiṃ pānī| a~caia nātha kahahiṃ mṛdu bānī ||
suni priya bacana prīti ati dekhī| rāma kṛpāla susīla biseṣī ||
jānī śramita sīya mana māhīṃ| gharika bilaṃbu kīnha baṭa chāhīṃ ||
mudita nāri nara dekhahiṃ sobhā| rūpa anūpa nayana manu lobhā ||
ekaṭaka saba sohahiṃ cahu~ orā| rāmacaṃdra mukha caṃda cakorā ||
taruna tamāla barana tanu sohā| dekhata koṭi madana manu mohā ||
dāmini barana lakhana suṭhi nīke| nakha sikha subhaga bhāvate jī ke ||
munipaṭa kaṭinha kaseṃ tūnīrā| sohahiṃ kara kamalini dhanu tīrā ||
do. jaṭā mukuṭa sīsani subhaga ura bhuja nayana bisāla|
sarada paraba bidhu badana bara lasata sveda kana jāla || 115 ||
barani na jāi manohara jorī| sobhā bahuta thori mati morī ||
rāma lakhana siya suṃdaratāī| saba citavahiṃ cita mana mati lāī ||
thake nāri nara prema piāse| manahu~ mṛgī mṛga dekhi diā se ||
sīya samīpa grāmatiya jāhīṃ| pū~chata ati saneha~ sakucāhīṃ ||
bāra bāra saba lāgahiṃ pāe~| kahahiṃ bacana mṛdu sarala subhāe~ ||
rājakumāri binaya hama karahīṃ| tiya subhāya~ kachu pū~chata ḍarahīṃ|
svāmini abinaya chamabi hamārī| bilagu na mānaba jāni gavā~rī ||
rājakua~ra dou sahaja salone| inha teṃ lahī duti marakata sone ||
do. syāmala gaura kisora bara suṃdara suṣamā aina|
sarada sarbarīnātha mukhu sarada saroruha naina || 116 ||
māsapārāyaṇa, solahavā~ viśrāma
navānhapārāyaṇa, cauthā viśrāma
koṭi manoja lajāvanihāre| sumukhi kahahu ko āhiṃ tumhāre ||
suni sanehamaya maṃjula bānī| sakucī siya mana mahu~ musukānī ||
tinhahi biloki bilokati dharanī| duhu~ sakoca sakucita barabaranī ||
sakuci saprema bāla mṛga nayanī| bolī madhura bacana pikabayanī ||
sahaja subhāya subhaga tana gore| nāmu lakhanu laghu devara more ||
bahuri badanu bidhu aṃcala ḍhā~kī| piya tana citai bhauṃha kari bā~kī ||
khaṃjana maṃju tirīche nayanani| nija pati kaheu tinhahi siya~ sayanani ||
bhai mudita saba grāmabadhūṭīṃ| raṃkanha rāya rāsi janu lūṭīṃ ||
do. ati saprema siya pāya~ pari bahubidhi dehiṃ asīsa|
sadā sohāgini hohu tumha jaba lagi mahi ahi sīsa || 117 ||
pārabatī sama patipriya hohū| debi na hama para chāṛaba chohū ||
puni puni binaya karia kara jorī| jauṃ ehi māraga phiria bahorī ||
darasanu deba jāni nija dāsī| lakhīṃ sīya~ saba prema piāsī ||
madhura bacana kahi kahi paritoṣīṃ| janu kumudinīṃ kaumudīṃ poṣīṃ ||
tabahiṃ lakhana raghubara rukha jānī| pū~cheu magu loganhi mṛdu bānī ||
sunata nāri nara bhae dukhārī| pulakita gāta bilocana bārī ||
miṭā modu mana bhae malīne| bidhi nidhi dīnha leta janu chīne ||
samujhi karama gati dhīraju kīnhā| sodhi sugama magu tinha kahi dīnhā ||
do. lakhana jānakī sahita taba gavanu kīnha raghunātha|
phere saba priya bacana kahi lie lāi mana sātha || 118 ||
ý
phirata nāri nara ati pachitāhīṃ| deahi doṣu dehiṃ mana māhīṃ ||
sahita biṣāda parasapara kahahīṃ| bidhi karataba ulaṭe saba ahahīṃ ||
nipaṭa niraṃkusa niṭhura nisaṃkū| jehiṃ sasi kīnha saruja sakalaṃkū ||
rūkha kalapataru sāgaru khārā| tehiṃ paṭhae bana rājakumārā ||
jauṃ pe inhahi dīnha banabāsū| kīnha bādi bidhi bhoga bilāsū ||
e bicarahiṃ maga binu padatrānā| race bādi bidhi bāhana nānā ||
e mahi parahiṃ ḍāsi kusa pātā| subhaga seja kata sṛjata bidhātā ||
tarubara bāsa inhahi bidhi dīnhā| dhavala dhāma raci raci śramu kīnhā ||
do. jauṃ e muni paṭa dhara jaṭila suṃdara suṭhi sukumāra|
bibidha bhā~ti bhūṣana basana bādi kie karatāra || 119 ||
jauṃ e kaṃda mūla phala khāhīṃ| bādi sudhādi asana jaga māhīṃ ||
eka kahahiṃ e sahaja suhāe| āpu pragaṭa bhae bidhi na banāe ||
jaha~ lagi beda kahī bidhi karanī| śravana nayana mana gocara baranī ||
dekhahu khoji bhuana dasa cārī| kaha~ asa puruṣa kahā~ asi nārī ||
inhahi dekhi bidhi manu anurāgā| paṭatara joga banāvai lāgā ||
kīnha bahuta śrama aika na āe| tehiṃ iriṣā bana āni durāe ||
eka kahahiṃ hama bahuta na jānahiṃ| āpuhi parama dhanya kari mānahiṃ ||
te puni punyapuṃja hama lekhe| je dekhahiṃ dekhihahiṃ jinha dekhe ||
do. ehi bidhi kahi kahi bacana priya lehiṃ nayana bhari nīra|
kimi calihahi māraga agama suṭhi sukumāra sarīra || 120 ||
nāri saneha bikala basa hohīṃ| cakaī sā~jha samaya janu sohīṃ ||
mṛdu pada kamala kaṭhina magu jānī| gahabari hṛdaya~ kahahiṃ bara bānī ||
parasata mṛdula carana arunāre| sakucati mahi jimi hṛdaya hamāre ||
jauṃ jagadīsa inhahi banu dīnhā| kasa na sumanamaya māragu kīnhā ||
jauṃ māgā pāia bidhi pāhīṃ| e rakhiahiṃ sakhi ā~khinha māhīṃ ||
je nara nāri na avasara āe| tinha siya rāmu na dekhana pāe ||
suni surupa būjhahiṃ akulāī| aba lagi gae kahā~ lagi bhāī ||
samaratha dhāi bilokahiṃ jāī| pramudita phirahiṃ janamaphalu pāī ||
do. abalā bālaka bṛddha jana kara mījahiṃ pachitāhiṃ ||
hohiṃ premabasa loga imi rāmu jahā~ jaha~ jāhiṃ || 121 ||
gā~va gā~va asa hoi anaṃdū| dekhi bhānukula kairava caṃdū ||
je kachu samācāra suni pāvahiṃ| te nṛpa rānihi dosu lagāvahiṃ ||
kahahiṃ eka ati bhala naranāhū| dīnha hamahi joi locana lāhū ||
kahahiṃ paraspara loga logāīṃ| bāteṃ sarala saneha suhāīṃ ||
te pitu mātu dhanya jinha jāe| dhanya so nagaru jahā~ teṃ āe ||
dhanya so desu sailu bana gāū~| jaha~ jaha~ jāhiṃ dhanya soi ṭhāū~ ||
sukha pāyau biraṃci raci tehī| e jehi ke saba bhā~ti sanehī ||
rāma lakhana pathi kathā suhāī| rahī sakala maga kānana chāī ||
do. ehi bidhi raghukula kamala rabi maga loganha sukha deta|
jāhiṃ cale dekhata bipina siya saumitri sameta || 122 ||
āge rāmu lakhanu bane pācheṃ| tāpasa beṣa birājata kācheṃ ||
ubhaya bīca siya sohati kaise| brahma jīva bica māyā jaise ||
bahuri kahau~ chabi jasi mana basaī| janu madhu madana madhya rati lasaī ||
upamā bahuri kahau~ jiya~ johī| janu budha bidhu bica rohini sohī ||
prabhu pada rekha bīca bica sītā| dharati carana maga calati sabhītā ||
sīya rāma pada aṃka barāe~| lakhana calahiṃ magu dāhina lāe~ ||
rāma lakhana siya prīti suhāī| bacana agocara kimi kahi jāī ||
khaga mṛga magana dekhi chabi hohīṃ| lie cori cita rāma baṭohīṃ ||
do. jinha jinha dekhe pathika priya siya sameta dou bhāi|
bhava magu agamu anaṃdu tei binu śrama rahe sirāi || 123 ||
ajahu~ jāsu ura sapanehu~ kāū| basahu~ lakhanu siya rāmu baṭāū ||
rāma dhāma patha pāihi soī| jo patha pāva kabahu~ muni koī ||
taba raghubīra śramita siya jānī| dekhi nikaṭa baṭu sītala pānī ||
taha~ basi kaṃda mūla phala khāī| prāta nahāi cale raghurāī ||
dekhata bana sara saila suhāe| bālamīki āśrama prabhu āe ||
rāma dīkha muni bāsu suhāvana| suṃdara giri kānanu jalu pāvana ||
sarani saroja biṭapa bana phūle| guṃjata maṃju madhupa rasa bhūle ||
khaga mṛga bipula kolāhala karahīṃ| birahita baira mudita mana carahīṃ ||
do. suci suṃdara āśramu nirakhi haraṣe rājivanena|
suni raghubara āgamanu muni āgeṃ āyau lena || 124 ||
muni kahu~ rāma daṃḍavata kīnhā| āsirabādu biprabara dīnhā ||
dekhi rāma chabi nayana juṛāne| kari sanamānu āśramahiṃ āne ||
munibara atithi prānapriya pāe| kaṃda mūla phala madhura magāe ||
siya saumitri rāma phala khāe| taba muni āśrama die suhāe ||
bālamīki mana āna~du bhārī| maṃgala mūrati nayana nihārī ||
taba kara kamala jori raghurāī| bole bacana śravana sukhadāī ||
tumha trikāla darasī munināthā| bisva badara jimi tumhareṃ hāthā ||
asa kahi prabhu saba kathā bakhānī| jehi jehi bhā~ti dīnha banu rānī ||
do. tāta bacana puni mātu hita bhāi bharata asa rāu|
mo kahu~ darasa tumhāra prabhu sabu mama punya prabhāu || 125 ||
dekhi pāya munirāya tumhāre| bhae sukṛta saba suphala hamāre ||
aba jaha~ rāura āyasu hoī| muni udabegu na pāvai koī ||
muni tāpasa jinha teṃ dukhu lahahīṃ| te naresa binu pāvaka dahahīṃ ||
maṃgala mūla bipra paritoṣū| dahai koṭi kula bhūsura roṣū ||
asa jiya~ jāni kahia soi ṭhāū~| siya saumitri sahita jaha~ jāū~ ||
taha~ raci rucira parana tṛna sālā| bāsu karau kachu kāla kṛpālā ||
sahaja sarala suni raghubara bānī| sādhu sādhu bole muni gyānī ||
kasa na kahahu asa raghukulaketū| tumha pālaka saṃtata śruti setū ||
chaṃ. śruti setu pālaka rāma tumha jagadīsa māyā jānakī|
jo sṛjati jagu pālati harati rūkha pāi kṛpānidhāna kī ||
jo sahasasīsu ahīsu mahidharu lakhanu sacarācara dhanī|
sura kāja dhari nararāja tanu cale dalana khala nisicara anī ||
so. rāma sarupa tumhāra bacana agocara buddhipara|
abigata akatha apāra neti nita nigama kaha || 126 ||
jagu pekhana tumha dekhanihāre| bidhi hari saṃbhu nacāvanihāre ||
teu na jānahiṃ maramu tumhārā| auru tumhahi ko jānanihārā ||
soi jānai jehi dehu janāī| jānata tumhahi tumhai hoi jāī ||
tumharihi kṛpā~ tumhahi raghunaṃdana| jānahiṃ bhagata bhagata ura caṃdana ||
cidānaṃdamaya deha tumhārī| bigata bikāra jāna adhikārī ||
nara tanu dharehu saṃta sura kājā| kahahu karahu jasa prākṛta rājā ||
rāma dekhi suni carita tumhāre| jaṛa mohahiṃ budha hohiṃ sukhāre ||
tumha jo kahahu karahu sabu sā~cā| jasa kāchia tasa cāhia nācā ||
do. pū~chehu mohi ki rahauṃ kaha~ maiṃ pū~chata sakucāu~|
jaha~ na hohu taha~ dehu kahi tumhahi dekhāvauṃ ṭhāu~ || 127 ||
suni muni bacana prema rasa sāne| sakuci rāma mana mahu~ musukāne ||
bālamīki ha~si kahahiṃ bahorī| bānī madhura amia rasa borī ||
sunahu rāma aba kahau~ niketā| jahā~ basahu siya lakhana sametā ||
jinha ke śravana samudra samānā| kathā tumhāri subhaga sari nānā ||
bharahiṃ niraṃtara hohiṃ na pūre| tinha ke hiya tumha kahu~ gṛha rūre ||
locana cātaka jinha kari rākhe| rahahiṃ darasa jaladhara abhilāṣe ||
nidarahiṃ sarita siṃdhu sara bhārī| rūpa biṃdu jala hohiṃ sukhārī ||
tinha ke hṛdaya sadana sukhadāyaka| basahu baṃdhu siya saha raghunāyaka ||
do. jasu tumhāra mānasa bimala haṃsini jīhā jāsu|
mukutāhala guna gana cunai rāma basahu hiya~ tāsu || 128 ||
prabhu prasāda suci subhaga subāsā| sādara jāsu lahai nita nāsā ||
tumhahi nibedita bhojana karahīṃ| prabhu prasāda paṭa bhūṣana dharahīṃ ||
sīsa navahiṃ sura guru dvija dekhī| prīti sahita kari binaya biseṣī ||
kara nita karahiṃ rāma pada pūjā| rāma bharosa hṛdaya~ nahi dūjā ||
carana rāma tīratha cali jāhīṃ| rāma basahu tinha ke mana māhīṃ ||
maṃtrarāju nita japahiṃ tumhārā| pūjahiṃ tumhahi sahita parivārā ||
tarapana homa karahiṃ bidhi nānā| bipra jevā~i dehiṃ bahu dānā ||
tumha teṃ adhika gurahi jiya~ jānī| sakala bhāya~ sevahiṃ sanamānī ||
do. sabu kari māgahiṃ eka phalu rāma carana rati hou|
tinha keṃ mana maṃdira basahu siya raghunaṃdana dou || 129 ||
kāma koha mada māna na mohā| lobha na chobha na rāga na drohā ||
jinha keṃ kapaṭa daṃbha nahiṃ māyā| tinha keṃ hṛdaya basahu raghurāyā ||
saba ke priya saba ke hitakārī| dukha sukha sarisa prasaṃsā gārī ||
kahahiṃ satya priya bacana bicārī| jāgata sovata sarana tumhārī ||
tumhahi chāṛi gati dūsari nāhīṃ| rāma basahu tinha ke mana māhīṃ ||
jananī sama jānahiṃ paranārī| dhanu parāva biṣa teṃ biṣa bhārī ||
je haraṣahiṃ para saṃpati dekhī| dukhita hohiṃ para bipati biseṣī ||
jinhahi rāma tumha prānapiāre| tinha ke mana subha sadana tumhāre ||
do. svāmi sakhā pitu mātu gura jinha ke saba tumha tāta|
mana maṃdira tinha keṃ basahu sīya sahita dou bhrāta || 130 ||
avaguna taji saba ke guna gahahīṃ| bipra dhenu hita saṃkaṭa sahahīṃ ||
nīti nipuna jinha kai jaga līkā| ghara tumhāra tinha kara manu nīkā ||
guna tumhāra samujhai nija dosā| jehi saba bhā~ti tumhāra bharosā ||
rāma bhagata priya lāgahiṃ jehī| tehi ura basahu sahita baidehī ||
jāti pā~ti dhanu dharama baṛāī| priya parivāra sadana sukhadāī ||
saba taji tumhahi rahai ura lāī| tehi ke hṛdaya~ rahahu raghurāī ||
saragu naraku apabaragu samānā| jaha~ taha~ dekha dhareṃ dhanu bānā ||
karama bacana mana rāura cerā| rāma karahu tehi keṃ ura ḍerā ||
do. jāhi na cāhia kabahu~ kachu tumha sana sahaja sanehu|
basahu niraṃtara tāsu mana so rāura nija gehu || 131 ||
ehi bidhi munibara bhavana dekhāe| bacana saprema rāma mana bhāe ||
kaha muni sunahu bhānukulanāyaka| āśrama kahau~ samaya sukhadāyaka ||
citrakūṭa giri karahu nivāsū| taha~ tumhāra saba bhā~ti supāsū ||
sailu suhāvana kānana cārū| kari kehari mṛga bihaga bihārū ||
nadī punīta purāna bakhānī| atripriyā nija tapabala ānī ||
surasari dhāra nāu~ maṃdākini| jo saba pātaka potaka ḍākini ||
atri ādi munibara bahu basahīṃ| karahiṃ joga japa tapa tana kasahīṃ ||
calahu saphala śrama saba kara karahū| rāma dehu gaurava giribarahū ||
do. citrakūṭa mahimā amita kahīṃ mahāmuni gāi|
āe nahāe sarita bara siya sameta dou bhāi || 132 ||
raghubara kaheu lakhana bhala ghāṭū| karahu katahu~ aba ṭhāhara ṭhāṭū ||
lakhana dīkha paya utara karārā| cahu~ disi phireu dhanuṣa jimi nārā ||
nadī panaca sara sama dama dānā| sakala kaluṣa kali sāuja nānā ||
citrakūṭa janu acala aherī| cukai na ghāta māra muṭhabherī ||
asa kahi lakhana ṭhāu~ dekharāvā| thalu biloki raghubara sukhu pāvā ||
rameu rāma manu devanha jānā| cale sahita sura thapati pradhānā ||
kola kirāta beṣa saba āe| race parana tṛna sadana suhāe ||
barani na jāhi maṃju dui sālā| eka lalita laghu eka bisālā ||
do. lakhana jānakī sahita prabhu rājata rucira niketa|
soha madanu muni beṣa janu rati riturāja sameta || 133 ||
māsapārāyaṇa, satraha~vā viśrāma
amara nāga kiṃnara disipālā| citrakūṭa āe tehi kālā ||
rāma pranāmu kīnha saba kāhū| mudita deva lahi locana lāhū ||
baraṣi sumana kaha deva samājū| nātha sanātha bhae hama ājū ||
kari binatī dukha dusaha sunāe| haraṣita nija nija sadana sidhāe ||
citrakūṭa raghunaṃdanu chāe| samācāra suni suni muni āe ||
āvata dekhi mudita munibṛṃdā| kīnha daṃḍavata raghukula caṃdā ||
muni raghubarahi lāi ura lehīṃ| suphala hona hita āsiṣa dehīṃ ||
siya saumitra rāma chabi dekhahiṃ| sādhana sakala saphala kari lekhahiṃ ||
do. jathājoga sanamāni prabhu bidā kie munibṛṃda|
karahi joga japa jāga tapa nija āśramanhi suchaṃda || 134 ||
yaha sudhi kola kirātanha pāī| haraṣe janu nava nidhi ghara āī ||
kaṃda mūla phala bhari bhari donā| cale raṃka janu lūṭana sonā ||
tinha maha~ jinha dekhe dou bhrātā| apara tinhahi pū~chahi magu jātā ||
kahata sunata raghubīra nikāī| āi sabanhi dekhe raghurāī ||
karahiṃ johāru bheṃṭa dhari āge| prabhuhi bilokahiṃ ati anurāge ||
citra likhe janu jaha~ taha~ ṭhāṛhe| pulaka sarīra nayana jala bāṛhe ||
rāma saneha magana saba jāne| kahi priya bacana sakala sanamāne ||
prabhuhi johāri bahori bahorī| bacana binīta kahahiṃ kara jorī ||
do. aba hama nātha sanātha saba bhae dekhi prabhu pāya|
bhāga hamāre āgamanu rāura kosalarāya || 135 ||
dhanya bhūmi bana paṃtha pahārā| jaha~ jaha~ nātha pāu tumha dhārā ||
dhanya bihaga mṛga kānanacārī| saphala janama bhae tumhahi nihārī ||
hama saba dhanya sahita parivārā| dīkha darasu bhari nayana tumhārā ||
kīnha bāsu bhala ṭhāu~ bicārī| ihā~ sakala ritu rahaba sukhārī ||
hama saba bhā~ti karaba sevakāī| kari kehari ahi bāgha barāī ||
bana behaṛa giri kaṃdara khohā| saba hamāra prabhu paga paga johā ||
taha~ taha~ tumhahi ahera khelāuba| sara nirajhara jalaṭhāu~ dekhāuba ||
hama sevaka parivāra sametā| nātha na sakucaba āyasu detā ||
do. beda bacana muni mana agama te prabhu karunā aina|
bacana kirātanha ke sunata jimi pitu bālaka baina || 136 ||
rāmahi kevala premu piārā| jāni leu jo jānanihārā ||
rāma sakala banacara taba toṣe| kahi mṛdu bacana prema paripoṣe ||
bidā kie sira nāi sidhāe| prabhu guna kahata sunata ghara āe ||
ehi bidhi siya sameta dou bhāī| basahiṃ bipina sura muni sukhadāī ||
jaba te āi rahe raghunāyaku| taba teṃ bhayau banu maṃgaladāyaku ||
phūlahiṃ phalahiṃ biṭapa bidhi nānā || maṃju balita bara beli bitānā ||
surataru sarisa subhāya~ suhāe| manahu~ bibudha bana parihari āe ||
gaṃja maṃjutara madhukara śrenī| tribidha bayāri bahai sukha denī ||
do. nīlakaṃṭha kalakaṃṭha suka cātaka cakka cakora|
bhā~ti bhā~ti bolahiṃ bihaga śravana sukhada cita cora || 137 ||
keri kehari kapi kola kuraṃgā| bigatabaira bicarahiṃ saba saṃgā ||
phirata ahera rāma chabi dekhī| hohiṃ mudita mṛgabaṃda biseṣī ||
bibudha bipina jaha~ lagi jaga māhīṃ| dekhi rāma banu sakala sihāhīṃ ||
surasari sarasai dinakara kanyā| mekalasutā godāvari dhanyā ||
saba sara siṃdhu nadī nada nānā| maṃdākini kara karahiṃ bakhānā ||
udaya asta giri aru kailāsū| maṃdara meru sakala surabāsū ||
saila himācala ādika jete| citrakūṭa jasu gāvahiṃ tete ||
biṃdhi mudita mana sukhu na samāī| śrama binu bipula baṛāī pāī ||
do. citrakūṭa ke bihaga mṛga beli biṭapa tṛna jāti|
punya puṃja saba dhanya asa kahahiṃ deva dina rāti || 138 ||
nayanavaṃta raghubarahi bilokī| pāi janama phala hohiṃ bisokī ||
parasi carana raja acara sukhārī| bhae parama pada ke adhikārī ||
so banu sailu subhāya~ suhāvana| maṃgalamaya ati pāvana pāvana ||
mahimā kahia kavani bidhi tāsū| sukhasāgara jaha~ kīnha nivāsū ||
paya payodhi taji avadha bihāī| jaha~ siya lakhanu rāmu rahe āī ||
kahi na sakahiṃ suṣamā jasi kānana| jauṃ sata sahasa hoṃhiṃ sahasānana ||
so maiṃ barani kahauṃ bidhi kehīṃ| ḍābara kamaṭha ki maṃdara lehīṃ ||
sevahiṃ lakhanu karama mana bānī| jāi na sīlu sanehu bakhānī ||
do. -chinu chinu lakhi siya rāma pada jāni āpu para nehu|
karata na sapanehu~ lakhanu citu baṃdhu mātu pitu gehu || 139 ||
rāma saṃga siya rahati sukhārī| pura parijana gṛha surati bisārī ||
chinu chinu piya bidhu badanu nihārī| pramudita manahu~ cakorakumārī ||
nāha nehu nita baṛhata bilokī| haraṣita rahati divasa jimi kokī ||
siya manu rāma carana anurāgā| avadha sahasa sama banu priya lāgā ||
paranakuṭī priya priyatama saṃgā| priya parivāru kuraṃga bihaṃgā ||
sāsu sasura sama munitiya munibara| asanu amia sama kaṃda mūla phara ||
nātha sātha sā~tharī suhāī| mayana sayana saya sama sukhadāī ||
lokapa hohiṃ bilokata jāsū| tehi ki mohi saka biṣaya bilāsū ||
do. -sumirata rāmahi tajahiṃ jana tṛna sama biṣaya bilāsu|
rāmapriyā jaga janani siya kachu na ācaraju tāsu || 140 ||
sīya lakhana jehi bidhi sukhu lahahīṃ| soi raghunātha karahi soi kahahīṃ ||
kahahiṃ purātana kathā kahānī| sunahiṃ lakhanu siya ati sukhu mānī|
jaba jaba rāmu avadha sudhi karahīṃ| taba taba bāri bilocana bharahīṃ ||
sumiri mātu pitu parijana bhāī| bharata sanehu sīlu sevakāī ||
kṛpāsiṃdhu prabhu hohiṃ dukhārī| dhīraju dharahiṃ kusamau bicārī ||
lakhi siya lakhanu bikala hoi jāhīṃ| jimi puruṣahi anusara parichāhīṃ ||
priyā baṃdhu gati lakhi raghunaṃdanu| dhīra kṛpāla bhagata ura caṃdanu ||
lage kahana kachu kathā punītā| suni sukhu lahahiṃ lakhanu aru sītā ||
do. rāmu lakhana sītā sahita sohata parana niketa|
jimi bāsava basa amarapura sacī jayaṃta sameta || 141 ||
jogavahiṃ prabhu siya lakhanahiṃ kaiseṃ| palaka bilocana golaka jaiseṃ ||
sevahiṃ lakhanu sīya raghubīrahi| jimi abibekī puruṣa sarīrahi ||
ehi bidhi prabhu bana basahiṃ sukhārī| khaga mṛga sura tāpasa hitakārī ||
kaheu~ rāma bana gavanu suhāvā| sunahu sumaṃtra avadha jimi āvā ||
phireu niṣādu prabhuhi pahu~cāī| saciva sahita ratha dekhesi āī ||
maṃtrī bikala biloki niṣādū| kahi na jāi jasa bhayau biṣādū ||
rāma rāma siya lakhana pukārī| pareu dharanitala byākula bhārī ||
dekhi dakhina disi haya hihināhīṃ| janu binu paṃkha bihaga akulāhīṃ ||
do. nahiṃ tṛna carahiṃ piahiṃ jalu mocahiṃ locana bāri|
byākula bhae niṣāda saba raghubara bāji nihāri || 142 ||
dhari dhīraja taba kahai niṣādū| aba sumaṃtra pariharahu biṣādū ||
tumha paṃḍita paramāratha gyātā| dharahu dhīra lakhi bimukha bidhātā
bibidha kathā kahi kahi mṛdu bānī| ratha baiṭhāreu barabasa ānī ||
soka sithila ratha sakai na hā~kī| raghubara biraha pīra ura bā~kī ||
carapharāhi~ maga calahiṃ na ghore| bana mṛga manahu~ āni ratha jore ||
aṛhuki parahiṃ phiri herahiṃ pīcheṃ| rāma biyogi bikala dukha tīcheṃ ||
jo kaha rāmu lakhanu baidehī| hiṃkari hiṃkari hita herahiṃ tehī ||
bāji biraha gati kahi kimi jātī| binu mani phanika bikala jehi bhā~tī ||
do. bhayau niṣāda biṣādabasa dekhata saciva turaṃga|
boli susevaka cāri taba die sārathī saṃga || 143 ||
guha sārathihi phireu pahu~cāī| birahu biṣādu barani nahiṃ jāī ||
cale avadha lei rathahi niṣādā| hohi chanahiṃ chana magana biṣādā ||
soca sumaṃtra bikala dukha dīnā| dhiga jīvana raghubīra bihīnā ||
rahihi na aṃtahu~ adhama sarīrū| jasu na laheu bichurata raghubīrū ||
bhae ajasa agha bhājana prānā| kavana hetu nahiṃ karata payānā ||
ahaha maṃda manu avasara cūkā| ajahu~ na hṛdaya hota dui ṭūkā ||
mīji hātha siru dhuni pachitāī| manaha~ kṛpana dhana rāsi gavā~ī ||
birida bā~dhi bara bīru kahāī| caleu samara janu subhaṭa parāī ||
do. bipra bibekī bedabida saṃmata sādhu sujāti|
jimi dhokheṃ madapāna kara saciva soca tehi bhā~ti || 144 ||
jimi kulīna tiya sādhu sayānī| patidevatā karama mana bānī ||
rahai karama basa parihari nāhū| saciva hṛdaya~ timi dāruna dāhu ||
locana sajala ḍīṭhi bhai thorī| sunai na śravana bikala mati bhorī ||
sūkhahiṃ adhara lāgi muha~ lāṭī| jiu na jāi ura avadhi kapāṭī ||
bibarana bhayau na jāi nihārī| māresi manahu~ pitā mahatārī ||
hāni galāni bipula mana byāpī| jamapura paṃtha soca jimi pāpī ||
bacanu na āva hṛdaya~ pachitāī| avadha kāha maiṃ dekhaba jāī ||
rāma rahita ratha dekhihi joī| sakucihi mohi bilokata soī ||
do. -dhāi pū~chihahiṃ mohi jaba bikala nagara nara nāri|
utaru deba maiṃ sabahi taba hṛdaya~ bajru baiṭhāri || 145 ||
puchihahiṃ dīna dukhita saba mātā| kahaba kāha maiṃ tinhahi bidhātā ||
pūchihi jabahiṃ lakhana mahatārī| kahihau~ kavana sa~desa sukhārī ||
rāma janani jaba āihi dhāī| sumiri bacchu jimi dhenu lavāī ||
pū~chata utaru deba maiṃ tehī| ge banu rāma lakhanu baidehī ||
joi pū~chihi tehi ūtaru debā|jāi avadha aba yahu sukhu lebā ||
pū~chihi jabahiṃ rāu dukha dīnā| jivanu jāsu raghunātha adhīnā ||
dehau~ utaru kaunu muhu lāī| āyau~ kusala kua~ra pahu~cāī ||
sunata lakhana siya rāma sa~desū| tṛna jimi tanu pariharihi naresū ||
do. -hradau na bidareu paṃka jimi bichurata prītamu nīru ||
jānata hauṃ mohi dīnha bidhi yahu jātanā sarīru || 146 ||
ehi bidhi karata paṃtha pachitāvā| tamasā tīra turata rathu āvā ||
bidā kie kari binaya niṣādā| phire pāya~ pari bikala biṣādā ||
paiṭhata nagara saciva sakucāī| janu māresi gura bā~bhana gāī ||
baiṭhi biṭapa tara divasu gavā~vā| sā~jha samaya taba avasaru pāvā ||
avadha prabesu kīnha a~dhiāreṃ| paiṭha bhavana rathu rākhi duāreṃ ||
jinha jinha samācāra suni pāe| bhūpa dvāra rathu dekhana āe ||
rathu pahicāni bikala lakhi ghore| garahiṃ gāta jimi ātapa ore ||
nagara nāri nara byākula kaiṃseṃ| nighaṭata nīra mīnagana jaiṃseṃ ||
do. -saciva āgamanu sunata sabu bikala bhayau ranivāsu|
bhavana bhayaṃkaru lāga tehi mānahu~ preta nivāsu || 147 ||
ati ārati saba pū~chahiṃ rānī| utaru na āva bikala bhai bānī ||
sunai na śravana nayana nahiṃ sūjhā| kahahu kahā~ nṛpa tehi tehi būjhā ||
dāsinha dīkha saciva bikalāī| kausalyā gṛha~ gaīṃ lavāī ||
jāi sumaṃtra dīkha kasa rājā| amia rahita janu caṃdu birājā ||
āsana sayana bibhūṣana hīnā| pareu bhūmitala nipaṭa malīnā ||
lei usāsu soca ehi bhā~tī| surapura teṃ janu kha~seu jajātī ||
leta soca bhari chinu chinu chātī| janu jari paṃkha pareu saṃpātī ||
rāma rāma kaha rāma sanehī| puni kaha rāma lakhana baidehī ||
do. dekhi saciva~ jaya jīva kahi kīnheu daṃḍa pranāmu|
sunata uṭheu byākula nṛpati kahu sumaṃtra kaha~ rāmu || 148 ||
bhūpa sumaṃtru līnha ura lāī| būṛata kachu adhāra janu pāī ||
sahita saneha nikaṭa baiṭhārī| pū~chata rāu nayana bhari bārī ||
rāma kusala kahu sakhā sanehī| kaha~ raghunāthu lakhanu baidehī ||
āne pheri ki banahi sidhāe| sunata saciva locana jala chāe ||
soka bikala puni pū~cha naresū| kahu siya rāma lakhana saṃdesū ||
rāma rūpa guna sīla subhāū| sumiri sumiri ura socata rāū ||
rāu sunāi dīnha banabāsū| suni mana bhayau na haraṣu harā~sū ||
so suta bichurata gae na prānā| ko pāpī baṛa mohi samānā ||
do. sakhā rāmu siya lakhanu jaha~ tahā~ mohi pahu~cāu|
nāhiṃ ta cāhata calana aba prāna kahau~ satibhāu || 149 ||
puni puni pū~chata maṃtrahi rāū| priyatama suana sa~desa sunāū ||
karahi sakhā soi begi upāū| rāmu lakhanu siya nayana dekhāū ||
saciva dhīra dhari kaha mudu bānī| mahārāja tumha paṃḍita gyānī ||
bīra sudhīra dhuraṃdhara devā| sādhu samāju sadā tumha sevā ||
janama marana saba dukha bhogā| hāni lābha priya milana biyogā ||
kāla karama basa hauhiṃ gosāīṃ| barabasa rāti divasa kī nāīṃ ||
sukha haraṣahiṃ jaṛa dukha bilakhāhīṃ| dou sama dhīra dharahiṃ mana māhīṃ ||
dhīraja dharahu bibeku bicārī| chāṛia soca sakala hitakārī ||
do. prathama bāsu tamasā bhayau dūsara surasari tīra|
nhāī rahe jalapānu kari siya sameta dou bīra || 150 ||
kevaṭa kīnhi bahuta sevakāī| so jāmini siṃgaraura gavā~ī ||
hota prāta baṭa chīru magāvā| jaṭā mukuṭa nija sīsa banāvā ||
rāma sakhā~ taba nāva magāī| priyā caṛhāi caṛhe raghurāī ||
lakhana bāna dhanu dhare banāī| āpu caṛhe prabhu āyasu pāī ||
bikala biloki mohi raghubīrā| bole madhura bacana dhari dhīrā ||
tāta pranāmu tāta sana kahehu| bāra bāra pada paṃkaja gahehū ||
karabi pāya~ pari binaya bahorī| tāta karia jani ciṃtā morī ||
bana maga maṃgala kusala hamāreṃ| kṛpā anugraha punya tumhāreṃ ||
chaṃ. tumhare anugraha tāta kānana jāta saba sukhu pāihauṃ|
pratipāli āyasu kusala dekhana pāya puni phiri āihauṃ ||
jananīṃ sakala paritoṣi pari pari pāya~ kari binatī ghanī|
tulasī karehu soi jatanu jehiṃ kusalī rahahiṃ kosala dhanī ||
so. gura sana kahaba sa~desu bāra bāra pada paduma gahi|
karaba soi upadesu jehiṃ na soca mohi avadhapati || 151 ||
purajana parijana sakala nihorī| tāta sunāehu binatī morī ||
soi saba bhā~ti mora hitakārī| jāteṃ raha naranāhu sukhārī ||
kahaba sa~desu bharata ke āe~| nīti na tajia rājapadu pāe~ ||
pālehu prajahi karama mana bānī| sīhu mātu sakala sama jānī ||
ora nibāhehu bhāyapa bhāī| kari pitu mātu sujana sevakāī ||
tāta bhā~ti tehi rākhaba rāū| soca mora jehiṃ karai na kāū ||
lakhana kahe kachu bacana kaṭhorā| baraji rāma puni mohi nihorā ||
bāra bāra nija sapatha devāī| kahabi na tāta lakhana larikāī ||
do. kahi pranāma kachu kahana liya siya bhai sithila saneha|
thakita bacana locana sajala pulaka pallavita deha || 152 ||
tehi avasara raghubara rūkha pāī| kevaṭa pārahi nāva calāī ||
raghukulatilaka cale ehi bhā~tī| dekhau~ ṭhāṛha kulisa dhari chātī ||
maiṃ āpana kimi kahauṃ kalesū| jiata phireu~ lei rāma sa~desū ||
asa kahi saciva bacana rahi gayaū| hāni galāni soca basa bhayaū ||
suta bacana sunatahiṃ naranāhū| pareu dharani ura dāruna dāhū ||
talaphata biṣama moha mana māpā| mājā manahu~ mīna kahu~ byāpā ||
kari bilāpa saba rovahiṃ rānī| mahā bipati kimi jāi bakhānī ||
suni bilāpa dukhahū dukhu lāgā| dhīrajahū kara dhīraju bhāgā ||
do. bhayau kolāhalu avadha ati suni nṛpa rāura soru|
bipula bihaga bana pareu nisi mānahu~ kulisa kaṭhoru || 153 ||
prāna kaṃṭhagata bhayau bhuālū| mani bihīna janu byākula byālū ||
idrīṃ sakala bikala bhai~ bhārī| janu sara sarasija banu binu bārī ||
kausalyā~ nṛpu dīkha malānā| rabikula rabi a~thayau jiya~ jānā|
ura dhari dhīra rāma mahatārī| bolī bacana samaya anusārī ||
nātha samujhi mana karia bicārū| rāma biyoga payodhi apārū ||
karanadhāra tumha avadha jahājū| caṛheu sakala priya pathika samājū ||
dhīraju dharia ta pāia pārū| nāhiṃ ta būṛihi sabu parivārū ||
jauṃ jiya~ dharia binaya piya morī| rāmu lakhanu siya milahiṃ bahorī ||
do. -priyā bacana mṛdu sunata nṛpu citayau ā~khi ughāri|
talaphata mīna malīna janu sīṃcata sītala bāri || 154 ||
dhari dhīraju uṭhī baiṭha bhuālū| kahu sumaṃtra kaha~ rāma kṛpālū ||
kahā~ lakhanu kaha~ rāmu sanehī| kaha~ priya putrabadhū baidehī ||
bilapata rāu bikala bahu bhā~tī| bhai juga sarisa sirāti na rātī ||
tāpasa aṃdha sāpa sudhi āī| kausalyahi saba kathā sunāī ||
bhayau bikala baranata itihāsā| rāma rahita dhiga jīvana āsā ||
so tanu rākhi karaba maiṃ kāhā| jeṃhi na prema panu mora nibāhā ||
hā raghunaṃdana prāna pirīte| tumha binu jiata bahuta dina bīte ||
hā jānakī lakhana hā raghubara| hā pitu hita cita cātaka jaladhara|
do. rāma rāma kahi rāma kahi rāma rāma kahi rāma|
tanu parihari raghubara biraha~ rāu gayau suradhāma || 155 ||
jiana marana phalu dasaratha pāvā| aṃḍa aneka amala jasu chāvā ||
jiata rāma bidhu badanu nihārā| rāma biraha kari maranu sa~vārā ||
soka bikala saba rovahiṃ rānī| rūpu sīla balu teju bakhānī ||
karahiṃ bilāpa aneka prakārā| parahīṃ bhūmitala bārahiṃ bārā ||
bilapahiṃ bikala dāsa aru dāsī| ghara ghara rudanu karahiṃ purabāsī ||
a~thayau āju bhānukula bhānū| dharama avadhi guna rūpa nidhānū ||
gārīṃ sakala kaikaihi dehīṃ| nayana bihīna kīnha jaga jehīṃ ||
ehi bidhi bilapata raini bihānī| āe sakala mahāmuni gyānī ||
do. taba basiṣṭha muni samaya sama kahi aneka itihāsa|
soka nevāreu sabahi kara nija bigyāna prakāsa || 156 ||
tela nā~va bhari nṛpa tanu rākhā| dūta bolāi bahuri asa bhāṣā ||
dhāvahu begi bharata pahiṃ jāhū| nṛpa sudhi katahu~ kahahu jani kāhū ||
etanei kahehu bharata sana jāī| gura bolāī paṭhayau dou bhāī ||
suni muni āyasu dhāvana dhāe| cale bega bara bāji lajāe ||
anarathu avadha araṃbheu jaba teṃ| kusaguna hohiṃ bharata kahu~ taba teṃ ||
dekhahiṃ rāti bhayānaka sapanā| jāgi karahiṃ kaṭu koṭi kalapanā ||
bipra jevā~i dehiṃ dina dānā| siva abhiṣeka karahiṃ bidhi nānā ||
māgahiṃ hṛdaya~ mahesa manāī| kusala mātu pitu parijana bhāī ||
do. ehi bidhi socata bharata mana dhāvana pahu~ce āi|
gura anusāsana śravana suni cale ganesu manāi || 157 ||
cale samīra bega haya hā~ke| nāghata sarita saila bana bā~ke ||
hṛdaya~ socu baṛa kachu na sohāī| asa jānahiṃ jiya~ jāu~ uṛāī ||
eka nimeṣa barasa sama jāī| ehi bidhi bharata nagara niarāī ||
asaguna hohiṃ nagara paiṭhārā| raṭahiṃ kubhā~ti kukheta karārā ||
khara siāra bolahiṃ pratikūlā| suni suni hoi bharata mana sūlā ||
śrīhata sara saritā bana bāgā| nagaru biseṣi bhayāvanu lāgā ||
khaga mṛga haya gaya jāhiṃ na joe| rāma biyoga kuroga bigoe ||
nagara nāri nara nipaṭa dukhārī| manahu~ sabanhi saba saṃpati hārī ||
do. purajana milihiṃ na kahahiṃ kachu gava~hiṃ johārahiṃ jāhiṃ|
bharata kusala pū~chi na sakahiṃ bhaya biṣāda mana māhiṃ || 158 ||
hāṭa bāṭa nahiṃ jāi nihārī| janu pura daha~ disi lāgi davārī ||
āvata suta suni kaikayanaṃdini| haraṣī rabikula jalaruha caṃdini ||
saji āratī mudita uṭhi dhāī| dvārehiṃ bheṃṭi bhavana lei āī ||
bharata dukhita parivāru nihārā| mānahu~ tuhina banaja banu mārā ||
kaikeī haraṣita ehi bhā~ti| manahu~ mudita dava lāi kirātī ||
sutahi sasoca dekhi manu māreṃ| pū~chati naihara kusala hamāreṃ ||
sakala kusala kahi bharata sunāī| pū~chī nija kula kusala bhalāī ||
kahu kaha~ tāta kahā~ saba mātā| kaha~ siya rāma lakhana priya bhrātā ||
do. suni suta bacana sanehamaya kapaṭa nīra bhari naina|
bharata śravana mana sūla sama pāpini bolī baina || 159 ||
tāta bāta maiṃ sakala sa~vārī| bhai maṃtharā sahāya bicārī ||
kachuka kāja bidhi bīca bigāreu| bhūpati surapati pura pagu dhāreu ||
sunata bharatu bhae bibasa biṣādā| janu sahameu kari kehari nādā ||
tāta tāta hā tāta pukārī| pare bhūmitala byākula bhārī ||
calata na dekhana pāyau~ tohī| tāta na rāmahi sauṃpehu mohī ||
bahuri dhīra dhari uṭhe sa~bhārī| kahu pitu marana hetu mahatārī ||
suni suta bacana kahati kaikeī| maramu pā~chi janu māhura deī ||
ādihu teṃ saba āpani karanī| kuṭila kaṭhora mudita mana baranī ||
do. bharatahi bisareu pitu marana sunata rāma bana gaunu|
hetu apanapau jāni jiya~ thakita rahe dhari maunu || 160 ||
bikala biloki sutahi samujhāvati| manahu~ jare para lonu lagāvati ||
tāta rāu nahiṃ soce jogū| biṛhai sukṛta jasu kīnheu bhogū ||
jīvata sakala janama phala pāe| aṃta amarapati sadana sidhāe ||
asa anumāni soca pariharahū| sahita samāja rāja pura karahū ||
suni suṭhi sahameu rājakumārū| pākeṃ chata janu lāga a~gārū ||
dhīraja dhari bhari lehiṃ usāsā| pāpani sabahi bhā~ti kula nāsā ||
jauṃ pai kuruci rahī ati tohī| janamata kāhe na māre mohī ||
peṛa kāṭi taiṃ pālau sīṃcā| mīna jiana niti bāri ulīcā ||
do. haṃsabaṃsu dasarathu janaku rāma lakhana se bhāi|
jananī tū~ jananī bhaī bidhi sana kachu na basāi || 161 ||
jaba taiṃ kumati kumata jiya~ ṭhayaū| khaṃḍa khaṃḍa hoi hradau na gayaū ||
bara māgata mana bhai nahiṃ pīrā| gari na jīha muha~ pareu na kīrā ||
bhūpa~ pratīta tori kimi kīnhī| marana kāla bidhi mati hari līnhī ||
bidhihu~ na nāri hṛdaya gati jānī| sakala kapaṭa agha avaguna khānī ||
sarala susīla dharama rata rāū| so kimi jānai tīya subhāū ||
asa ko jīva jaṃtu jaga māhīṃ| jehi raghunātha prānapriya nāhīṃ ||
bhe ati ahita rāmu teu tohī| ko tū ahasi satya kahu mohī ||
jo hasi so hasi muha~ masi lāī| ā~khi oṭa uṭhi baiṭhahiṃ jāī ||
do. rāma birodhī hṛdaya teṃ pragaṭa kīnha bidhi mohi|
mo samāna ko pātakī bādi kahau~ kachu tohi || 162 ||
suni satrughuna mātu kuṭilāī| jarahiṃ gāta risa kachu na basāī ||
tehi avasara kubarī taha~ āī| basana bibhūṣana bibidha banāī ||
lakhi risa bhareu lakhana laghu bhāī| barata anala ghṛta āhuti pāī ||
humagi lāta taki kūbara mārā| pari muha bhara mahi karata pukārā ||
kūbara ṭūṭeu phūṭa kapārū| dalita dasana mukha rudhira pracārū ||
āha daia maiṃ kāha nasāvā| karata nīka phalu anaisa pāvā ||
suni ripuhana lakhi nakha sikha khoṭī| lage ghasīṭana dhari dhari jhoṃṭī ||
bharata dayānidhi dīnhi chaṛāī| kausalyā pahiṃ ge dou bhāī ||
do. malina basana bibarana bikala kṛsa sarīra dukha bhāra|
kanaka kalapa bara beli bana mānahu~ hanī tusāra || 163 ||
bharatahi dekhi mātu uṭhi dhāī| muruchita avani parī jhai~ āī ||
dekhata bharatu bikala bhae bhārī| pare carana tana dasā bisārī ||
mātu tāta kaha~ dehi dekhāī| kaha~ siya rāmu lakhanu dou bhāī ||
kaikai kata janamī jaga mājhā| jauṃ janami ta bhai kāhe na bā~jhā ||
kula kalaṃku jehiṃ janameu mohī| apajasa bhājana priyajana drohī ||
ko tibhuvana mohi sarisa abhāgī| gati asi tori mātu jehi lāgī ||
pitu surapura bana raghubara ketū| maiṃ kevala saba anaratha hetu ||
dhiga mohi bhayau~ benu bana āgī| dusaha dāha dukha dūṣana bhāgī ||
do. mātu bharata ke bacana mṛdu suni suni uṭhī sa~bhāri ||
lie uṭhāi lagāi ura locana mocati bāri || 164 ||
sarala subhāya māya~ hiya~ lāe| ati hita manahu~ rāma phiri āe ||
bheṃṭeu bahuri lakhana laghu bhāī| soku sanehu na hṛdaya~ samāī ||
dekhi subhāu kahata sabu koī| rāma mātu asa kāhe na hoī ||
mātā~ bharatu goda baiṭhāre| ā~su pauṃchi mṛdu bacana ucāre ||
ajahu~ baccha bali dhīraja dharahū| kusamau samujhi soka pariharahū ||
jani mānahu hiya~ hāni galānī| kāla karama gati aghaṭita jāni ||
kāhuhi dosu dehu jani tātā| bhā mohi saba bidhi bāma bidhātā ||
jo etehu~ dukha mohi jiāvā| ajahu~ ko jānai kā tehi bhāvā ||
do. pitu āyasa bhūṣana basana tāta taje raghubīra|
bisamau haraṣu na hṛdaya~ kachu pahire balakala cīra| 165 ||
mukha prasanna mana raṃga na roṣū| saba kara saba bidhi kari paritoṣū ||
cale bipina suni siya sa~ga lāgī| rahai na rāma carana anurāgī ||
sunatahiṃ lakhanu cale uṭhi sāthā| rahahiṃ na jatana kie raghunāthā ||
taba raghupati sabahī siru nāī| cale saṃga siya aru laghu bhāī ||
rāmu lakhanu siya banahi sidhāe| gaiu~ na saṃga na prāna paṭhāe ||
yahu sabu bhā inha ā~khinha āgeṃ| tau na tajā tanu jīva abhāgeṃ ||
mohi na lāja nija nehu nihārī| rāma sarisa suta maiṃ mahatārī ||
jiai marai bhala bhūpati jānā| mora hṛdaya sata kulisa samānā ||
do. kausalyā ke bacana suni bharata sahita ranivāsa|
byākula bilapata rājagṛha mānahu~ soka nevāsu || 166 ||
bilapahiṃ bikala bharata dou bhāī| kausalyā~ lie hṛdaya~ lagāī ||
bhā~ti aneka bharatu samujhāe| kahi bibekamaya bacana sunāe ||
bharatahu~ mātu sakala samujhāīṃ| kahi purāna śruti kathā suhāīṃ ||
chala bihīna suci sarala subānī| bole bharata jori juga pānī ||
je agha mātu pitā suta māreṃ| gāi goṭha mahisura pura jāreṃ ||
je agha tiya bālaka badha kīnheṃ| mīta mahīpati māhura dīnheṃ ||
je pātaka upapātaka ahahīṃ| karama bacana mana bhava kabi kahahīṃ ||
te pātaka mohi hohu~ bidhātā| jauṃ yahu hoi mora mata mātā ||
do. je parihari hari hara carana bhajahiṃ bhūtagana ghora|
tehi kai gati mohi deu bidhi jauṃ jananī mata mora || 167 ||
becahiṃ bedu dharamu duhi lehīṃ| pisuna parāya pāpa kahi dehīṃ ||
kapaṭī kuṭila kalahapriya krodhī| beda bidūṣaka bisva birodhī ||
lobhī laṃpaṭa lolupacārā| je tākahiṃ paradhanu paradārā ||
pāvauṃ maiṃ tinha ke gati ghorā| jauṃ jananī yahu saṃmata morā ||
je nahiṃ sādhusaṃga anurāge| paramāratha patha bimukha abhāge ||
je na bhajahiṃ hari naratanu pāī| jinhahi na hari hara sujasu sohāī ||
taji śrutipaṃthu bāma patha calahīṃ| baṃcaka biraci beṣa jagu chalahīṃ ||
tinha kai gati mohi saṃkara deū| jananī jauṃ yahu jānauṃ bheū ||
do. mātu bharata ke bacana suni sā~ce sarala subhāya~|
kahati rāma priya tāta tumha sadā bacana mana kāya~ || 168 ||
rāma prānahu teṃ prāna tumhāre| tumha raghupatihi prānahu teṃ pyāre ||
bidhu biṣa cavai stravai himu āgī| hoi bāricara bāri birāgī ||
bhae~ gyānu baru miṭai na mohū| tumha rāmahi pratikūla na hohū ||
mata tumhāra yahu jo jaga kahahīṃ| so sapanehu~ sukha sugati na lahahīṃ ||
asa kahi mātu bharatu hiya~ lāe| thana paya stravahiṃ nayana jala chāe ||
karata bilāpa bahuta yahi bhā~tī| baiṭhehiṃ bīti gai saba rātī ||
bāmadeu basiṣṭha taba āe| saciva mahājana sakala bolāe ||
muni bahu bhā~ti bharata upadese| kahi paramāratha bacana sudese ||
do. tāta hṛdaya~ dhīraju dharahu karahu jo avasara āju|
uṭhe bharata gura bacana suni karana kaheu sabu sāju || 169 ||
nṛpatanu beda bidita anhavāvā| parama bicitra bimānu banāvā ||
gahi pada bharata mātu saba rākhī| rahīṃ rāni darasana abhilāṣī ||
caṃdana agara bhāra bahu āe| amita aneka sugaṃdha suhāe ||
saraju tīra raci citā banāī| janu surapura sopāna suhāī ||
ehi bidhi dāha kriyā saba kīnhī| bidhivata nhāi tilāṃjuli dīnhī ||
sodhi sumṛti saba beda purānā| kīnha bharata dasagāta bidhānā ||
jaha~ jasa munibara āyasu dīnhā| taha~ tasa sahasa bhā~ti sabu kīnhā ||
bhae bisuddha die saba dānā| dhenu bāji gaja bāhana nānā ||
do. siṃghāsana bhūṣana basana anna dharani dhana dhāma|
die bharata lahi bhūmisura bhe paripūrana kāma || 170 ||
pitu hita bharata kīnhi jasi karanī| so mukha lākha jāi nahiṃ baranī ||
sudinu sodhi munibara taba āe| saciva mahājana sakala bolāe ||
baiṭhe rājasabhā~ saba jāī| paṭhae boli bharata dou bhāī ||
bharatu basiṣṭha nikaṭa baiṭhāre| nīti dharamamaya bacana ucāre ||
prathama kathā saba munibara baranī| kaikai kuṭila kīnhi jasi karanī ||
bhūpa dharamabratu satya sarāhā| jehiṃ tanu parihari premu nibāhā ||
kahata rāma guna sīla subhāū| sajala nayana pulakeu munirāū ||
bahuri lakhana siya prīti bakhānī| soka saneha magana muni gyānī ||
do. sunahu bharata bhāvī prabala bilakhi kaheu muninātha|
hāni lābhu jīvana maranu jasu apajasu bidhi hātha || 171 ||
asa bicāri kehi deia dosū| byaratha kāhi para kījia rosū ||
tāta bicāru kehi karahu mana māhīṃ| soca jogu dasarathu nṛpu nāhīṃ ||
socia bipra jo beda bihīnā| taji nija dharamu biṣaya layalīnā ||
socia nṛpati jo nīti na jānā| jehi na prajā priya prāna samānā ||
socia bayasu kṛpana dhanavānū| jo na atithi siva bhagati sujānū ||
socia sūdru bipra avamānī| mukhara mānapriya gyāna gumānī ||
socia puni pati baṃcaka nārī| kuṭila kalahapriya icchācārī ||
socia baṭu nija bratu pariharaī| jo nahiṃ gura āyasu anusaraī ||
do. socia gṛhī jo moha basa karai karama patha tyāga|
socia jati praṃpaca rata bigata bibeka birāga || 172 ||
baikhānasa soi socai jogu| tapu bihāi jehi bhāvai bhogū ||
socia pisuna akārana krodhī| janani janaka gura baṃdhu birodhī ||
saba bidhi socia para apakārī| nija tanu poṣaka niradaya bhārī ||
socanīya sabahi bidhi soī| jo na chāṛi chalu hari jana hoī ||
socanīya nahiṃ kosalarāū| bhuvana cāridasa pragaṭa prabhāū ||
bhayau na ahai na aba honihārā| bhūpa bharata jasa pitā tumhārā ||
bidhi hari haru surapati disināthā| baranahiṃ saba dasaratha guna gāthā ||
do. kahahu tāta kehi bhā~ti kou karihi baṛāī tāsu|
rāma lakhana tumha satruhana sarisa suana suci jāsu || 173 ||
saba prakāra bhūpati baṛabhāgī| bādi biṣādu karia tehi lāgī ||
yahu suni samujhi socu pariharahū| sira dhari rāja rajāyasu karahū ||
rā~ya rājapadu tumha kahu~ dīnhā| pitā bacanu phura cāhia kīnhā ||
taje rāmu jehiṃ bacanahi lāgī| tanu parihareu rāma birahāgī ||
nṛpahi bacana priya nahiṃ priya prānā| karahu tāta pitu bacana pravānā ||
karahu sīsa dhari bhūpa rajāī| hai tumha kaha~ saba bhā~ti bhalāī ||
parasurāma pitu agyā rākhī| mārī mātu loka saba sākhī ||
tanaya jajātihi jaubanu dayaū| pitu agyā~ agha ajasu na bhayaū ||
do. anucita ucita bicāru taji je pālahiṃ pitu baina|
te bhājana sukha sujasa ke basahiṃ amarapati aina || 174 ||
avasi naresa bacana phura karahū| pālahu prajā soku pariharahū ||
surapura nṛpa pāihi paritoṣū| tumha kahu~ sukṛta sujasu nahiṃ doṣū ||
beda bidita saṃmata sabahī kā| jehi pitu dei so pāvai ṭīkā ||
karahu rāju pariharahu galānī| mānahu mora bacana hita jānī ||
suni sukhu lahaba rāma baidehīṃ| anucita kahaba na paṃḍita kehīṃ ||
kausalyādi sakala mahatārīṃ| teu prajā sukha hohiṃ sukhārīṃ ||
parama tumhāra rāma kara jānihi| so saba bidhi tumha sana bhala mānihi ||
sauṃpehu rāju rāma kai āe~| sevā karehu saneha suhāe~ ||
do. kījia gura āyasu avasi kahahiṃ saciva kara jori|
raghupati āe~ ucita jasa tasa taba karaba bahori || 175 ||
kausalyā dhari dhīraju kahaī| pūta pathya gura āyasu ahaī ||
so ādaria karia hita mānī| tajia biṣādu kāla gati jānī ||
bana raghupati surapati naranāhū| tumha ehi bhā~ti tāta kadarāhū ||
parijana prajā saciva saba aṃbā| tumhahī suta saba kaha~ avalaṃbā ||
lakhi bidhi bāma kālu kaṭhināī| dhīraju dharahu mātu bali jāī ||
sira dhari gura āyasu anusarahū| prajā pāli parijana dukhu harahū ||
gura ke bacana saciva abhinaṃdanu| sune bharata hiya hita janu caṃdanu ||
sunī bahori mātu mṛdu bānī| sīla saneha sarala rasa sānī ||
chaṃ. sānī sarala rasa mātu bānī suni bharata byākula bhae|
locana saroruha stravata sīṃcata biraha ura aṃkura nae ||
so dasā dekhata samaya tehi bisarī sabahi sudhi deha kī|
tulasī sarāhata sakala sādara sīva~ sahaja saneha kī ||
so. bharatu kamala kara jori dhīra dhuraṃdhara dhīra dhari|
bacana amia~ janu bori deta ucita uttara sabahi || 176 ||
māsapārāyaṇa, aṭhārahavā~ viśrāma
mohi upadesu dīnha gura nīkā| prajā saciva saṃmata sabahī kā ||
mātu ucita dhari āyasu dīnhā| avasi sīsa dhari cāhau~ kīnhā ||
gura pitu mātu svāmi hita bānī| suni mana mudita karia bhali jānī ||
ucita ki anucita kie~ bicārū| dharamu jāi sira pātaka bhārū ||
tumha tau dehu sarala sikha soī| jo ācarata mora bhala hoī ||
jadyapi yaha samujhata hau~ nīkeṃ| tadapi hota paritoṣu na jī keṃ ||
aba tumha binaya mori suni lehū| mohi anuharata sikhāvanu dehū ||
ūtaru deu~ chamaba aparādhū| dukhita doṣa guna ganahiṃ na sādhū ||
do. pitu surapura siya rāmu bana karana kahahu mohi rāju|
ehi teṃ jānahu mora hita kai āpana baṛa kāju || 177 ||
hita hamāra siyapati sevakāī| so hari līnha mātu kuṭilāī ||
maiṃ anumāni dīkha mana māhīṃ| āna upāya~ mora hita nāhīṃ ||
soka samāju rāju kehi lekheṃ| lakhana rāma siya binu pada dekheṃ ||
bādi basana binu bhūṣana bhārū| bādi birati binu brahma bicārū ||
saruja sarīra bādi bahu bhogā| binu haribhagati jāya~ japa jogā ||
jāya~ jīva binu deha suhāī| bādi mora sabu binu raghurāī ||
jāu~ rāma pahiṃ āyasu dehū| ekahiṃ ā~ka mora hita ehū ||
mohi nṛpa kari bhala āpana cahahū| sou saneha jaṛatā basa kahahū ||
do. kaikeī sua kuṭilamati rāma bimukha gatalāja|
tumha cāhata sukhu mohabasa mohi se adhama keṃ rāja || 178 ||
kahau~ sā~cu saba suni patiāhū| cāhia dharamasīla naranāhū ||
mohi rāju haṭhi deihahu jabahīṃ| rasā rasātala jāihi tabahīṃ ||
mohi samāna ko pāpa nivāsū| jehi lagi sīya rāma banabāsū ||
rāya~ rāma kahu~ kānanu dīnhā| bichurata gamanu amarapura kīnhā ||
maiṃ saṭhu saba anaratha kara hetū| baiṭha bāta saba sunau~ sacetū ||
binu raghubīra biloki abāsū| rahe prāna sahi jaga upahāsū ||
rāma punīta biṣaya rasa rūkhe| lolupa bhūmi bhoga ke bhūkhe ||
kaha~ lagi kahauṃ hṛdaya kaṭhināī| nidari kulisu jehiṃ lahī baṛāī ||
do. kārana teṃ kāraju kaṭhina hoi dosu nahi mora|
kulisa asthi teṃ upala teṃ loha karāla kaṭhora || 179 ||
kaikeī bhava tanu anurāge| pā~vara prāna aghāi abhāge ||
jauṃ priya biraha~ prāna priya lāge| dekhaba sunaba bahuta aba āge ||
lakhana rāma siya kahu~ banu dīnhā| paṭhai amarapura pati hita kīnhā ||
līnha bidhavapana apajasu āpū| dīnheu prajahi soku saṃtāpū ||
mohi dīnha sukhu sujasu surājū| kīnha kaikeīṃ saba kara kājū ||
ehi teṃ mora kāha aba nīkā| tehi para dena kahahu tumha ṭīkā ||
kaikaī jaṭhara janami jaga māhīṃ| yaha mohi kaha~ kachu anucita nāhīṃ ||
mori bāta saba bidhihiṃ banāī| prajā pā~ca kata karahu sahāī ||
do. graha grahīta puni bāta basa tehi puni bīchī māra|
tehi piāia bārunī kahahu kāha upacāra || 180 ||
kaikai suana jogu jaga joī| catura biraṃci dīnha mohi soī ||
dasaratha tanaya rāma laghu bhāī| dīnhi mohi bidhi bādi baṛāī ||
tumha saba kahahu kaṛhāvana ṭīkā| rāya rajāyasu saba kaha~ nīkā ||
utaru deu~ kehi bidhi kehi kehī| kahahu sukhena jathā ruci jehī ||
mohi kumātu sameta bihāī| kahahu kahihi ke kīnha bhalāī ||
mo binu ko sacarācara māhīṃ| jehi siya rāmu prānapriya nāhīṃ ||
parama hāni saba kaha~ baṛa lāhū| adinu mora nahi dūṣana kāhū ||
saṃsaya sīla prema basa ahahū| sabui ucita saba jo kachu kahahū ||
do. rāma mātu suṭhi saralacita mo para premu biseṣi|
kahai subhāya saneha basa mori dīnatā dekhi || 181|
gura bibeka sāgara jagu jānā| jinhahi bisva kara badara samānā ||
mo kaha~ tilaka sāja saja soū| bhae~ bidhi bimukha bimukha sabu koū ||
parihari rāmu sīya jaga māhīṃ| kou na kahihi mora mata nāhīṃ ||
so maiṃ sunaba sahaba sukhu mānī| aṃtahu~ kīca tahā~ jaha~ pānī ||
ḍaru na mohi jaga kahihi ki pocū| paralokahu kara nāhina socū ||
ekai ura basa dusaha davārī| mohi lagi bhe siya rāmu dukhārī ||
jīvana lāhu lakhana bhala pāvā| sabu taji rāma carana manu lāvā ||
mora janama raghubara bana lāgī| jhūṭha kāha pachitāu~ abhāgī ||
do. āpani dāruna dīnatā kahau~ sabahi siru nāi|
dekheṃ binu raghunātha pada jiya kai jarani na jāi || 182 ||
āna upāu mohi nahi sūjhā| ko jiya kai raghubara binu būjhā ||
ekahiṃ ā~ka ihai mana māhīṃ| prātakāla calihau~ prabhu pāhīṃ ||
jadyapi maiṃ anabhala aparādhī| bhai mohi kārana sakala upādhī ||
tadapi sarana sanamukha mohi dekhī| chami saba karihahiṃ kṛpā biseṣī ||
sīla sakuca suṭhi sarala subhāū| kṛpā saneha sadana raghurāū ||
arihuka anabhala kīnha na rāmā| maiṃ sisu sevaka jadyapi bāmā ||
tumha pai pā~ca mora bhala mānī| āyasu āsiṣa dehu subānī ||
jehiṃ suni binaya mohi janu jānī| āvahiṃ bahuri rāmu rajadhānī ||
do. jadyapi janamu kumātu teṃ maiṃ saṭhu sadā sadosa|
āpana jāni na tyāgihahiṃ mohi raghubīra bharosa || 183 ||
bharata bacana saba kaha~ priya lāge| rāma saneha sudhā~ janu pāge ||
loga biyoga biṣama biṣa dāge| maṃtra sabīja sunata janu jāge ||
mātu saciva gura pura nara nārī| sakala saneha~ bikala bhae bhārī ||
bharatahi kahahi sarāhi sarāhī| rāma prema mūrati tanu āhī ||
tāta bharata asa kāhe na kahahū| prāna samāna rāma priya ahahū ||
jo pāva~ru apanī jaṛatāī| tumhahi sugāi mātu kuṭilāī ||
so saṭhu koṭika puruṣa sametā| basihi kalapa sata naraka niketā ||
ahi agha avaguna nahi mani gahaī| harai garala dukha dārida dahaī ||
do. avasi calia bana rāmu jaha~ bharata maṃtru bhala kīnha|
soka siṃdhu būṛata sabahi tumha avalaṃbanu dīnha || 184 ||
bhā saba keṃ mana modu na thorā| janu ghana dhuni suni cātaka morā ||
calata prāta lakhi niranau nīke| bharatu prānapriya bhe sabahī ke ||
munihi baṃdi bharatahi siru nāī| cale sakala ghara bidā karāī ||
dhanya bharata jīvanu jaga māhīṃ| sīlu sanehu sarāhata jāhīṃ ||
kahahi parasapara bhā baṛa kājū| sakala calai kara sājahiṃ sājū ||
jehi rākhahiṃ rahu ghara rakhavārī| so jānai janu garadani mārī ||
kou kaha rahana kahia nahiṃ kāhū| ko na cahai jaga jīvana lāhū ||
do. jarau so saṃpati sadana sukhu suhada mātu pitu bhāi|
sanamukha hota jo rāma pada karai na sahasa sahāi || 185 ||
ghara ghara sājahiṃ bāhana nānā| haraṣu hṛdaya~ parabhāta payānā ||
bharata jāi ghara kīnha bicārū| nagaru bāji gaja bhavana bha~ḍārū ||
saṃpati saba raghupati kai āhī| jau binu jatana calauṃ taji tāhī ||
tau parināma na mori bhalāī| pāpa siromani sāi~ dohāī ||
karai svāmi hita sevaku soī| dūṣana koṭi dei kina koī ||
asa bicāri suci sevaka bole| je sapanehu~ nija dharama na ḍole ||
kahi sabu maramu dharamu bhala bhāṣā| jo jehi lāyaka so tehiṃ rākhā ||
kari sabu jatanu rākhi rakhavāre| rāma mātu pahiṃ bharatu sidhāre ||
do. ārata jananī jāni saba bharata saneha sujāna|
kaheu banāvana pālakīṃ sajana sukhāsana jāna || 186 ||
cakka cakki jimi pura nara nārī| cahata prāta ura ārata bhārī ||
jāgata saba nisi bhayau bihānā| bharata bolāe saciva sujānā ||
kaheu lehu sabu tilaka samājū| banahiṃ deba muni rāmahiṃ rājū ||
begi calahu suni saciva johāre| turata turaga ratha nāga sa~vāre ||
aruṃdhatī aru agini samāū| ratha caṛhi cale prathama munirāū ||
bipra bṛṃda caṛhi bāhana nānā| cale sakala tapa teja nidhānā ||
nagara loga saba saji saji jānā| citrakūṭa kaha~ kīnha payānā ||
sibikā subhaga na jāhiṃ bakhānī| caṛhi caṛhi calata bhaī saba rānī ||
do. sauṃpi nagara suci sevakani sādara sakala calāi|
sumiri rāma siya carana taba cale bharata dou bhāi || 187 ||
rāma darasa basa saba nara nārī| janu kari karini cale taki bārī ||
bana siya rāmu samujhi mana māhīṃ| sānuja bharata payādehiṃ jāhīṃ ||
dekhi sanehu loga anurāge| utari cale haya gaya ratha tyāge ||
jāi samīpa rākhi nija ḍolī| rāma mātu mṛdu bānī bolī ||
tāta caṛhahu ratha bali mahatārī| hoihi priya parivāru dukhārī ||
tumhareṃ calata calihi sabu logū| sakala soka kṛsa nahiṃ maga jogū ||
sira dhari bacana carana siru nāī| ratha caṛhi calata bhae dou bhāī ||
tamasā prathama divasa kari bāsū| dūsara gomati tīra nivāsū ||
do. paya ahāra phala asana eka nisi bhojana eka loga|
karata rāma hita nema brata parihari bhūṣana bhoga || 188 ||
saī tīra basi cale bihāne| sṛṃgaberapura saba niarāne ||
samācāra saba sune niṣādā| hṛdaya~ bicāra karai sabiṣādā ||
kārana kavana bharatu bana jāhīṃ| hai kachu kapaṭa bhāu mana māhīṃ ||
jauṃ pai jiya~ na hoti kuṭilāī| tau kata līnha saṃga kaṭakāī ||
jānahiṃ sānuja rāmahi mārī| karau~ akaṃṭaka rāju sukhārī ||
bharata na rājanīti ura ānī| taba kalaṃku aba jīvana hānī ||
sakala surāsura jurahiṃ jujhārā| rāmahi samara na jītanihārā ||
kā ācaraju bharatu asa karahīṃ| nahiṃ biṣa beli amia phala pharahīṃ ||
do. asa bicāri guha~ gyāti sana kaheu sajaga saba hohu|
hathavā~sahu borahu tarani kījia ghāṭārohu || 189 ||
hohu sa~joila rokahu ghāṭā| ṭhāṭahu sakala marai ke ṭhāṭā ||
sanamukha loha bharata sana leū~| jiata na surasari utarana deū~ ||
samara maranu puni surasari tīrā| rāma kāju chanabhaṃgu sarīrā ||
bharata bhāi nṛpu mai jana nīcū| baṛeṃ bhāga asi pāia mīcū ||
svāmi kāja karihau~ rana rārī| jasa dhavalihau~ bhuvana dasa cārī ||
tajau~ prāna raghunātha nihoreṃ| duhū~ hātha muda modaka moreṃ ||
sādhu samāja na jākara lekhā| rāma bhagata mahu~ jāsu na rekhā ||
jāya~ jiata jaga so mahi bhārū| jananī jaubana biṭapa kuṭhārū ||
do. bigata biṣāda niṣādapati sabahi baṛhāi uchāhu|
sumiri rāma māgeu turata tarakasa dhanuṣa sanāhu || 190 ||
begahu bhāihu sajahu sa~joū| suni rajāi kadarāi na koū ||
bhalehiṃ nātha saba kahahiṃ saharaṣā| ekahiṃ eka baṛhāvai karaṣā ||
cale niṣāda johāri johārī| sūra sakala rana rūcai rārī ||
sumiri rāma pada paṃkaja panahīṃ| bhāthīṃ bā~dhi caṛhāinhi dhanahīṃ ||
a~garī pahiri kū~ṛi sira dharahīṃ| pharasā bā~sa sela sama karahīṃ ||
eka kusala ati oṛana khā~ṛe| kūdahi gagana manahu~ chiti chā~ṛe ||
nija nija sāju samāju banāī| guha rāutahi johāre jāī ||
dekhi subhaṭa saba lāyaka jāne| lai lai nāma sakala sanamāne ||
do. bhāihu lāvahu dhokha jani āju kāja baṛa mohi|
suni saroṣa bole subhaṭa bīra adhīra na hohi || 191 ||
rāma pratāpa nātha bala tore| karahiṃ kaṭaku binu bhaṭa binu ghore ||
jīvata pāu na pācheṃ dharahīṃ| ruṃḍa muṃḍamaya medini karahīṃ ||
dīkha niṣādanātha bhala ṭolū| kaheu bajāu jujhāū ḍholū ||
etanā kahata chīṃka bhai bā~e| kaheu sagunianha kheta suhāe ||
būṛhu eku kaha saguna bicārī| bharatahi milia na hoihi rārī ||
rāmahi bharatu manāvana jāhīṃ| saguna kahai asa bigrahu nāhīṃ ||
suni guha kahai nīka kaha būṛhā| sahasā kari pachitāhiṃ bimūṛhā ||
bharata subhāu sīlu binu būjheṃ| baṛi hita hāni jāni binu jūjheṃ ||
do. gahahu ghāṭa bhaṭa samiṭi saba leu~ marama mili jāi|
būjhi mitra ari madhya gati tasa taba karihau~ āi || 192 ||
lakhana sanehu subhāya~ suhāe~| bairu prīti nahiṃ durai~ durāe~ ||
asa kahi bheṃṭa sa~jovana lāge| kaṃda mūla phala khaga mṛga māge ||
mīna pīna pāṭhīna purāne| bhari bhari bhāra kahāranha āne ||
milana sāju saji milana sidhāe| maṃgala mūla saguna subha pāe ||
dekhi dūri teṃ kahi nija nāmū| kīnha munīsahi daṃḍa pranāmū ||
jāni rāmapriya dīnhi asīsā| bharatahi kaheu bujhāi munīsā ||
rāma sakhā suni saṃdanu tyāgā| cale utari umagata anurāgā ||
gāu~ jāti guha~ nāu~ sunāī| kīnha johāru mātha mahi lāī ||
do. karata daṃḍavata dekhi tehi bharata līnha ura lāi|
manahu~ lakhana sana bheṃṭa bhai prema na hṛdaya~ samāi || 193 ||
bheṃṭata bharatu tāhi ati prītī| loga sihāhiṃ prema kai rītī ||
dhanya dhanya dhuni maṃgala mūlā| sura sarāhi tehi barisahiṃ phūlā ||
loka beda saba bhā~tihiṃ nīcā| jāsu chā~ha chui leia sīṃcā ||
tehi bhari aṃka rāma laghu bhrātā| milata pulaka paripūrita gātā ||
rāma rāma kahi je jamuhāhīṃ| tinhahi na pāpa puṃja samuhāhīṃ ||
yaha tau rāma lāi ura līnhā| kula sameta jagu pāvana kīnhā ||
karamanāsa jalu surasari paraī| tehi ko kahahu sīsa nahiṃ dharaī ||
ulaṭā nāmu japata jagu jānā| bālamīki bhae brahma samānā ||
do. svapaca sabara khasa jamana jaṛa pāva~ra kola kirāta|
rāmu kahata pāvana parama hota bhuvana bikhyāta || 194 ||
nahiṃ aciraju juga juga cali āī| kehi na dīnhi raghubīra baṛāī ||
rāma nāma mahimā sura kahahīṃ| suni suni avadhaloga sukhu lahahīṃ ||
rāmasakhahi mili bharata sapremā| pū~chī kusala sumaṃgala khemā ||
dekhi bharata kara sīla sanehū| bhā niṣāda tehi samaya bidehū ||
sakuca sanehu modu mana bāṛhā| bharatahi citavata ekaṭaka ṭhāṛhā ||
dhari dhīraju pada baṃdi bahorī| binaya saprema karata kara jorī ||
kusala mūla pada paṃkaja pekhī| maiṃ tihu~ kāla kusala nija lekhī ||
aba prabhu parama anugraha toreṃ| sahita koṭi kula maṃgala moreṃ ||
do. samujhi mori karatūti kulu prabhu mahimā jiya~ joi|
jo na bhajai raghubīra pada jaga bidhi baṃcita soi || 195 ||
kapaṭī kāyara kumati kujātī| loka beda bāhera saba bhā~tī ||
rāma kīnha āpana jabahī teṃ| bhayau~ bhuvana bhūṣana tabahī teṃ ||
dekhi prīti suni binaya suhāī| mileu bahori bharata laghu bhāī ||
kahi niṣāda nija nāma subānīṃ| sādara sakala johārīṃ rānīṃ ||
jāni lakhana sama dehiṃ asīsā| jiahu sukhī saya lākha barīsā ||
nirakhi niṣādu nagara nara nārī| bhae sukhī janu lakhanu nihārī ||
kahahiṃ laheu ehiṃ jīvana lāhū| bheṃṭeu rāmabhadra bhari bāhū ||
suni niṣādu nija bhāga baṛāī| pramudita mana lai caleu levāī ||
do. sanakāre sevaka sakala cale svāmi rukha pāi|
ghara taru tara sara bāga bana bāsa banāenhi jāi || 196 ||
sṛṃgaberapura bharata dīkha jaba| bhe saneha~ saba aṃga sithila taba ||
sohata die~ niṣādahi lāgū| janu tanu dhareṃ binaya anurāgū ||
ehi bidhi bharata senu sabu saṃgā| dīkhi jāi jaga pāvani gaṃgā ||
rāmaghāṭa kaha~ kīnha pranāmū| bhā manu maganu mile janu rāmū ||
karahiṃ pranāma nagara nara nārī| mudita brahmamaya bāri nihārī ||
kari majjanu māgahiṃ kara jorī| rāmacaṃdra pada prīti na thorī ||
bharata kaheu surasari tava renū| sakala sukhada sevaka suradhenū ||
jori pāni bara māgau~ ehū| sīya rāma pada sahaja sanehū ||
do. ehi bidhi majjanu bharatu kari gura anusāsana pāi|
mātu nahānīṃ jāni saba ḍerā cale lavāi || 197 ||
jaha~ taha~ loganha ḍerā kīnhā| bharata sodhu sabahī kara līnhā ||
sura sevā kari āyasu pāī| rāma mātu pahiṃ ge dou bhāī ||
carana cā~pi kahi kahi mṛdu bānī| jananīṃ sakala bharata sanamānī ||
bhāihi sauṃpi mātu sevakāī| āpu niṣādahi līnha bolāī ||
cale sakhā kara soṃ kara joreṃ| sithila sarīra saneha na thoreṃ ||
pū~chata sakhahi so ṭhāu~ dekhāū| neku nayana mana jarani juṛāū ||
jaha~ siya rāmu lakhanu nisi soe| kahata bhare jala locana koe ||
bharata bacana suni bhayau biṣādū| turata tahā~ lai gayau niṣādū ||
do. jaha~ siṃsupā punīta tara raghubara kiya biśrāmu|
ati saneha~ sādara bharata kīnheu daṃḍa pranāmu || 198 ||
kusa sā~tharīínihāri suhāī| kīnha pranāmu pradacchina jāī ||
carana rekha raja ā~khinha lāī| banai na kahata prīti adhikāī ||
kanaka biṃdu dui cārika dekhe| rākhe sīsa sīya sama lekhe ||
sajala bilocana hṛdaya~ galānī| kahata sakhā sana bacana subānī ||
śrīhata sīya biraha~ dutihīnā| jathā avadha nara nāri bilīnā ||
pitā janaka deu~ paṭatara kehī| karatala bhogu jogu jaga jehī ||
sasura bhānukula bhānu bhuālū| jehi sihāta amarāvatipālū ||
prānanāthu raghunātha gosāī| jo baṛa hota so rāma baṛāī ||
do. pati devatā sutīya mani sīya sā~tharī dekhi|
biharata hradau na hahari hara pabi teṃ kaṭhina biseṣi || 199 ||
lālana jogu lakhana laghu lone| bhe na bhāi asa ahahiṃ na hone ||
purajana priya pitu mātu dulāre| siya raghubarahi prānapiāre ||
mṛdu mūrati sukumāra subhāū| tāta bāu tana lāga na kāū ||
te bana sahahiṃ bipati saba bhā~tī| nidare koṭi kulisa ehiṃ chātī ||
rāma janami jagu kīnha ujāgara| rūpa sīla sukha saba guna sāgara ||
purajana parijana gura pitu mātā| rāma subhāu sabahi sukhadātā ||
bairiu rāma baṛāī karahīṃ| bolani milani binaya mana harahīṃ ||
sārada koṭi koṭi sata seṣā| kari na sakahiṃ prabhu guna gana lekhā ||
do. sukhasvarupa raghubaṃsamani maṃgala moda nidhāna|
te sovata kusa ḍāsi mahi bidhi gati ati balavāna || 200 ||
rāma sunā dukhu kāna na kāū| jīvanataru jimi jogavai rāū ||
palaka nayana phani mani jehi bhā~tī| jogavahiṃ janani sakala dina rātī ||
te aba phirata bipina padacārī| kaṃda mūla phala phūla ahārī ||
dhiga kaikeī amaṃgala mūlā| bhaisi prāna priyatama pratikūlā ||
maiṃ dhiga dhiga agha udadhi abhāgī| sabu utapātu bhayau jehi lāgī ||
kula kalaṃku kari sṛjeu bidhātā~| sāi~doha mohi kīnha kumātā~ ||
suni saprema samujhāva niṣādū| nātha karia kata bādi biṣādū ||
rāma tumhahi priya tumha priya rāmahi| yaha nirajosu dosu bidhi bāmahi ||
chaṃ. bidhi bāma kī karanī kaṭhina jeṃhiṃ mātu kīnhī bāvarī|
tehi rāti puni puni karahiṃ prabhu sādara sarahanā rāvarī ||
tulasī na tumha so rāma prītamu kahatu hauṃ sauheṃ kie~|
parināma maṃgala jāni apane ānie dhīraju hie~ ||
so. aṃtarajāmī rāmu sakuca saprema kṛpāyatana|
calia karia biśrāmu yaha bicāri dṛṛha āni mana || 201 ||
sakhā bacana suni ura dhari dhīrā| bāsa cale sumirata raghubīrā ||
yaha sudhi pāi nagara nara nārī| cale bilokana ārata bhārī ||
paradakhinā kari karahiṃ pranāmā| dehiṃ kaikaihi khori nikāmā ||
bharī bhari bāri bilocana leṃhīṃ| bāma bidhātāhi dūṣana dehīṃ ||
eka sarāhahiṃ bharata sanehū| kou kaha nṛpati nibāheu nehū ||
niṃdahiṃ āpu sarāhi niṣādahi| ko kahi sakai bimoha biṣādahi ||
ehi bidhi rāti logu sabu jāgā| bhā bhinusāra gudārā lāgā ||
gurahi sunāva~ caṛhāi suhāīṃ| naīṃ nāva saba mātu caṛhāīṃ ||
daṃḍa cāri maha~ bhā sabu pārā| utari bharata taba sabahi sa~bhārā ||
do. prātakriyā kari mātu pada baṃdi gurahi siru nāi|
āgeṃ kie niṣāda gana dīnheu kaṭaku calāi || 202 ||
kiyau niṣādanāthu aguāīṃ| mātu pālakīṃ sakala calāīṃ ||
sātha bolāi bhāi laghu dīnhā| bipranha sahita gavanu gura kīnhā ||
āpu surasarihi kīnha pranāmū| sumire lakhana sahita siya rāmū ||
gavane bharata payodehiṃ pāe| kotala saṃga jāhiṃ ḍoriāe ||
kahahiṃ susevaka bārahiṃ bārā| hoia nātha asva asavārā ||
rāmu payodehi pāya~ sidhāe| hama kaha~ ratha gaja bāji banāe ||
sira bhara jāu~ ucita asa morā| saba teṃ sevaka dharamu kaṭhorā ||
dekhi bharata gati suni mṛdu bānī| saba sevaka gana garahiṃ galānī ||
do. bharata tīsare pahara kaha~ kīnha prabesu prayāga|
kahata rāma siya rāma siya umagi umagi anurāga || 203 ||
jhalakā jhalakata pāyanha kaiṃseṃ| paṃkaja kosa osa kana jaiseṃ ||
bharata payādehiṃ āe ājū| bhayau dukhita suni sakala samājū ||
khabari līnha saba loga nahāe| kīnha pranāmu tribenihiṃ āe ||
sabidhi sitāsita nīra nahāne| die dāna mahisura sanamāne ||
dekhata syāmala dhavala halore| pulaki sarīra bharata kara jore ||
sakala kāma prada tīratharāū| beda bidita jaga pragaṭa prabhāū ||
māgau~ bhīkha tyāgi nija dharamū| ārata kāha na karai kukaramū ||
asa jiya~ jāni sujāna sudānī| saphala karahiṃ jaga jācaka bānī ||
do. aratha na dharama na kāma ruci gati na cahau~ nirabāna|
janama janama rati rāma pada yaha baradānu na āna || 204 ||
jānahu~ rāmu kuṭila kari mohī| loga kahau gura sāhiba drohī ||
sītā rāma carana rati moreṃ| anudina baṛhau anugraha toreṃ ||
jaladu janama bhari surati bisārau| jācata jalu pabi pāhana ḍārau ||
cātaku raṭani ghaṭeṃ ghaṭi jāī| baṛhe premu saba bhā~ti bhalāī ||
kanakahiṃ bāna caṛhai jimi dāheṃ| timi priyatama pada nema nibāheṃ ||
bharata bacana suni mājha tribenī| bhai mṛdu bāni sumaṃgala denī ||
tāta bharata tumha saba bidhi sādhū| rāma carana anurāga agādhū ||
bāda galāni karahu mana māhīṃ| tumha sama rāmahi kou priya nāhīṃ ||
do. tanu pulakeu hiya~ haraṣu suni beni bacana anukūla|
bharata dhanya kahi dhanya sura haraṣita baraṣahiṃ phūla || 205 ||
pramudita tīratharāja nivāsī| baikhānasa baṭu gṛhī udāsī ||
kahahiṃ parasapara mili dasa pā~cā| bharata saneha sīlu suci sā~cā ||
sunata rāma guna grāma suhāe| bharadvāja munibara pahiṃ āe ||
daṃḍa pranāmu karata muni dekhe| mūratimaṃta bhāgya nija lekhe ||
dhāi uṭhāi lāi ura līnhe| dīnhi asīsa kṛtāratha kīnhe ||
āsanu dīnha nāi siru baiṭhe| cahata sakuca gṛha~ janu bhaji paiṭhe ||
muni pū~chaba kachu yaha baṛa socū| bole riṣi lakhi sīlu sa~kocū ||
sunahu bharata hama saba sudhi pāī| bidhi karataba para kichu na basāī ||
do. tumha galāni jiya~ jani karahu samujhī mātu karatūti|
tāta kaikaihi dosu nahiṃ gaī girā mati dhūti || 206 ||
yahau kahata bhala kahihi na koū| loku beda budha saṃmata doū ||
tāta tumhāra bimala jasu gāī| pāihi lokau bedu baṛāī ||
loka beda saṃmata sabu kahaī| jehi pitu dei rāju so lahaī ||
rāu satyabrata tumhahi bolāī| deta rāju sukhu dharamu baṛāī ||
rāma gavanu bana anaratha mūlā| jo suni sakala bisva bhai sūlā ||
so bhāvī basa rāni ayānī| kari kucāli aṃtahu~ pachitānī ||
taha~u~ tumhāra alapa aparādhū| kahai so adhama ayāna asādhū ||
karatehu rāju ta tumhahi na doṣū| rāmahi hota sunata saṃtoṣū ||
do. aba ati kīnhehu bharata bhala tumhahi ucita mata ehu|
sakala sumaṃgala mūla jaga raghubara carana sanehu || 207 ||
so tumhāra dhanu jīvanu prānā| bhūribhāga ko tumhahi samānā ||
yaha tamhāra ācaraju na tātā| dasaratha suana rāma priya bhrātā ||
sunahu bharata raghubara mana māhīṃ| pema pātru tumha sama kou nāhīṃ ||
lakhana rāma sītahi ati prītī| nisi saba tumhahi sarāhata bītī ||
jānā maramu nahāta prayāgā| magana hohiṃ tumhareṃ anurāgā ||
tumha para asa sanehu raghubara keṃ| sukha jīvana jaga jasa jaṛa nara keṃ ||
yaha na adhika raghubīra baṛāī| pranata kuṭuṃba pāla raghurāī ||
tumha tau bharata mora mata ehū| dhareṃ deha janu rāma sanehū ||
do. tumha kaha~ bharata kalaṃka yaha hama saba kaha~ upadesu|
rāma bhagati rasa siddhi hita bhā yaha samau ganesu || 208 ||
nava bidhu bimala tāta jasu torā| raghubara kiṃkara kumuda cakorā ||
udita sadā a~thaihi kabahū~ nā| ghaṭihi na jaga nabha dina dina dūnā ||
koka tiloka prīti ati karihī| prabhu pratāpa rabi chabihi na harihī ||
nisi dina sukhada sadā saba kāhū| grasihi na kaikai karatabu rāhū ||
pūrana rāma supema piyūṣā| gura avamāna doṣa nahiṃ dūṣā ||
rāma bhagata aba amia~ aghāhū~| kīnhehu sulabha sudhā basudhāhū~ ||
bhūpa bhagīratha surasari ānī| sumirata sakala suṃmagala khānī ||
dasaratha guna gana barani na jāhīṃ| adhiku kahā jehi sama jaga nāhīṃ ||
do. jāsu saneha sakoca basa rāma pragaṭa bhae āi ||
je hara hiya nayanani kabahu~ nirakhe nahīṃ aghāi || 209 ||
kīrati bidhu tumha kīnha anūpā| jaha~ basa rāma pema mṛgarūpā ||
tāta galāni karahu jiya~ jāe~| ḍarahu daridrahi pārasu pāe~ || ||
sunahu bharata hama jhūṭha na kahahīṃ| udāsīna tāpasa bana rahahīṃ ||
saba sādhana kara suphala suhāvā| lakhana rāma siya darasanu pāvā ||
tehi phala kara phalu darasa tumhārā| sahita payāga subhāga hamārā ||
bharata dhanya tumha jasu jagu jayaū| kahi asa pema magana puni bhayaū ||
suni muni bacana sabhāsada haraṣe| sādhu sarāhi sumana sura baraṣe ||
dhanya dhanya dhuni gagana payāgā| suni suni bharatu magana anurāgā ||
do. pulaka gāta hiya~ rāmu siya sajala saroruha naina|
kari pranāmu muni maṃḍalihi bole gadagada baina || 210 ||
muni samāju aru tīratharājū| sā~cihu~ sapatha aghāi akājū ||
ehiṃ thala jauṃ kichu kahia banāī| ehi sama adhika na agha adhamāī ||
tumha sarbagya kahau~ satibhāū| ura aṃtarajāmī raghurāū ||
mohi na mātu karataba kara socū| nahiṃ dukhu jiya~ jagu jānihi pocū ||
nāhina ḍaru bigarihi paralokū| pitahu marana kara mohi na sokū ||
sukṛta sujasa bhari bhuana suhāe| lachimana rāma sarisa suta pāe ||
rāma biraha~ taji tanu chanabhaṃgū| bhūpa soca kara kavana prasaṃgū ||
rāma lakhana siya binu paga panahīṃ| kari muni beṣa phirahiṃ bana banahī ||
do. ajina basana phala asana mahi sayana ḍāsi kusa pāta|
basi taru tara nita sahata hima ātapa baraṣā bāta || 211 ||
ehi dukha dāha~ dahai dina chātī| bhūkha na bāsara nīda na rātī ||
ehi kuroga kara auṣadhu nāhīṃ| sodheu~ sakala bisva mana māhīṃ ||
mātu kumata baṛhaī agha mūlā| tehiṃ hamāra hita kīnha ba~sūlā ||
kali kukāṭha kara kīnha kujaṃtrū| gāṛi avadhi paṛhi kaṭhina kumaṃtru ||
mohi lagi yahu kuṭhāṭu tehiṃ ṭhāṭā| ghālesi saba jagu bārahabāṭā ||
miṭai kujogu rāma phiri āe~| basai avadha nahiṃ āna upāe~ ||
bharata bacana suni muni sukhu pāī| sabahiṃ kīnha bahu bhā~ti baṛāī ||
tāta karahu jani socu biseṣī| saba dukhu miṭahi rāma paga dekhī ||
do. kari prabodha munibara kaheu atithi pemapriya hohu|
kaṃda mūla phala phūla hama dehiṃ lehu kari chohu || 212 ||
suni muni bacana bharata hi~ya socū| bhayau kuavasara kaṭhina sa~kocū ||
jāni garui gura girā bahorī| carana baṃdi bole kara jorī ||
sira dhari āyasu karia tumhārā| parama dharama yahu nātha hamārā ||
bharata bacana munibara mana bhāe| suci sevaka siṣa nikaṭa bolāe ||
cāhie kīnha bharata pahunāī| kaṃda mūla phala ānahu jāī ||
bhalehīṃ nātha kahi tinha sira nāe| pramudita nija nija kāja sidhāe ||
munihi soca pāhuna baṛa nevatā| tasi pūjā cāhia jasa devatā ||
suni ridhi sidhi animādika āī| āyasu hoi so karahiṃ gosāī ||
do. rāma biraha byākula bharatu sānuja sahita samāja|
pahunāī kari harahu śrama kahā mudita munirāja || 213 ||
ridhi sidhi sira dhari munibara bānī| baṛabhāgini āpuhi anumānī ||
kahahiṃ parasapara sidhi samudāī| atulita atithi rāma laghu bhāī ||
muni pada baṃdi karia soi ājū| hoi sukhī saba rāja samājū ||
asa kahi raceu rucira gṛha nānā| jehi biloki bilakhāhiṃ bimānā ||
bhoga bibhūti bhūri bhari rākhe| dekhata jinhahi amara abhilāṣe ||
dāsīṃ dāsa sāju saba līnheṃ| jogavata rahahiṃ manahi manu dīnheṃ ||
saba samāju saji sidhi pala māhīṃ| je sukha surapura sapanehu~ nāhīṃ ||
prathamahiṃ bāsa die saba kehī| suṃdara sukhada jathā ruci jehī ||
do. bahuri saparijana bharata kahu~ riṣi asa āyasu dīnha|
bidhi bisamaya dāyaku bibhava munibara tapabala kīnha || 214 ||
muni prabhāu jaba bharata bilokā| saba laghu lage lokapati lokā ||
sukha samāju nahiṃ jāi bakhānī| dekhata birati bisārahīṃ gyānī ||
āsana sayana subasana bitānā| bana bāṭikā bihaga mṛga nānā ||
surabhi phūla phala amia samānā| bimala jalāsaya bibidha bidhānā|
asana pāna suca amia amī se| dekhi loga sakucāta jamī se ||
sura surabhī surataru sabahī keṃ| lakhi abhilāṣu suresa sacī keṃ ||
ritu basaṃta baha tribidha bayārī| saba kaha~ sulabha padāratha cārī ||
straka caṃdana banitādika bhogā| dekhi haraṣa bisamaya basa logā ||
do. saṃpata cakaī bharatu caka muni āyasa khelavāra ||
tehi nisi āśrama piṃjarā~ rākhe bhā bhinusāra || 215 ||
māsapārāyaṇa, unnīsavā~ viśrāma
kīnha nimajjanu tīratharājā| nāi munihi siru sahita samājā ||
riṣi āyasu asīsa sira rākhī| kari daṃḍavata binaya bahu bhāṣī ||
patha gati kusala sātha saba līnhe| cale citrakūṭahiṃ citu dīnheṃ ||
rāmasakhā kara dīnheṃ lāgū| calata deha dhari janu anurāgū ||
nahiṃ pada trāna sīsa nahiṃ chāyā| pemu nemu bratu dharamu amāyā ||
lakhana rāma siya paṃtha kahānī| pū~chata sakhahi kahata mṛdu bānī ||
rāma bāsa thala biṭapa bilokeṃ| ura anurāga rahata nahiṃ rokaiṃ ||
daikhi dasā sura barisahiṃ phūlā| bhai mṛdu mahi magu maṃgala mūlā ||
do. kie~ jāhiṃ chāyā jalada sukhada bahai bara bāta|
tasa magu bhayau na rāma kaha~ jasa bhā bharatahi jāta || 216 ||
jaṛa cetana maga jīva ghanere| je citae prabhu jinha prabhu here ||
te saba bhae parama pada jogū| bharata darasa meṭā bhava rogū ||
yaha baṛi bāta bharata kai nāhīṃ| sumirata jinahi rāmu mana māhīṃ ||
bāraka rāma kahata jaga jeū| hota tarana tārana nara teū ||
bharatu rāma priya puni laghu bhrātā| kasa na hoi magu maṃgaladātā ||
siddha sādhu munibara asa kahahīṃ| bharatahi nirakhi haraṣu hiya~ lahahīṃ ||
dekhi prabhāu suresahi socū| jagu bhala bhalehi poca kahu~ pocū ||
gura sana kaheu karia prabhu soī| rāmahi bharatahi bheṃṭa na hoī ||
do. rāmu sa~kocī prema basa bharata sapema payodhi|
banī bāta begarana cahati karia jatanu chalu sodhi || 217 ||
bacana sunata suraguru musakāne| sahasranayana binu locana jāne ||
māyāpati sevaka sana māyā| karai ta ulaṭi parai surarāyā ||
taba kichu kīnha rāma rukha jānī| aba kucāli kari hoihi hānī ||
sunu suresa raghunātha subhāū| nija aparādha risāhiṃ na kāū ||
jo aparādhu bhagata kara karaī| rāma roṣa pāvaka so jaraī ||
lokahu~ beda bidita itihāsā| yaha mahimā jānahiṃ durabāsā ||
bharata sarisa ko rāma sanehī| jagu japa rāma rāmu japa jehī ||
do. manahu~ na ānia amarapati raghubara bhagata akāju|
ajasu loka paraloka dukha dina dina soka samāju || 218 ||
sunu suresa upadesu hamārā| rāmahi sevaku parama piārā ||
mānata sukhu sevaka sevakāī| sevaka baira bairu adhikāī ||
jadyapi sama nahiṃ rāga na roṣū| gahahiṃ na pāpa pūnu guna doṣū ||
karama pradhāna bisva kari rākhā| jo jasa karai so tasa phalu cākhā ||
tadapi karahiṃ sama biṣama bihārā| bhagata abhagata hṛdaya anusārā ||
aguna alepa amāna ekarasa| rāmu saguna bhae bhagata pema basa ||
rāma sadā sevaka ruci rākhī| beda purāna sādhu sura sākhī ||
asa jiya~ jāni tajahu kuṭilāī| karahu bharata pada prīti suhāī ||
do. rāma bhagata parahita nirata para dukha dukhī dayāla|
bhagata siromani bharata teṃ jani ḍarapahu surapāla || 219 ||
satyasaṃdha prabhu sura hitakārī| bharata rāma āyasa anusārī ||
svāratha bibasa bikala tumha hohū| bharata dosu nahiṃ rāura mohū ||
suni surabara suragura bara bānī| bhā pramodu mana miṭī galānī ||
baraṣi prasūna haraṣi surarāū| lage sarāhana bharata subhāū ||
ehi bidhi bharata cale maga jāhīṃ| dasā dekhi muni siddha sihāhīṃ ||
jabahiṃ rāmu kahi lehiṃ usāsā| umagata pemu manaha~ cahu pāsā ||
dravahiṃ bacana suni kulisa paṣānā| purajana pemu na jāi bakhānā ||
bīca bāsa kari jamunahiṃ āe| nirakhi nīru locana jala chāe ||
do. raghubara barana biloki bara bāri sameta samāja|
hota magana bāridhi biraha caṛhe bibeka jahāja || 220 ||
jamuna tīra tehi dina kari bāsū| bhayau samaya sama sabahi supāsū ||
rātahiṃ ghāṭa ghāṭa kī taranī| āīṃ aganita jāhiṃ na baranī ||
prāta pāra bhae ekahi kheṃvā~| toṣe rāmasakhā kī sevā~ ||
cale nahāi nadihi sira nāī| sātha niṣādanātha dou bhāī ||
āgeṃ munibara bāhana ācheṃ| rājasamāja jāi sabu pācheṃ ||
tehiṃ pācheṃ dou baṃdhu payādeṃ| bhūṣana basana beṣa suṭhi sādeṃ ||
sevaka suhrada sacivasuta sāthā| sumirata lakhanu sīya raghunāthā ||
jaha~ jaha~ rāma bāsa biśrāmā| taha~ taha~ karahiṃ saprema pranāmā ||
do. magabāsī nara nāri suni dhāma kāma taji dhāi|
dekhi sarūpa saneha saba mudita janama phalu pāi || 221 ||
kahahiṃ sapema eka eka pāhīṃ| rāmu lakhanu sakhi hohiṃ ki nāhīṃ ||
baya bapu barana rūpa soi ālī| sīlu sanehu sarisa sama cālī ||
beṣu na so sakhi sīya na saṃgā| āgeṃ anī calī caturaṃgā ||
nahiṃ prasanna mukha mānasa khedā| sakhi saṃdehu hoi ehiṃ bhedā ||
tāsu taraka tiyagana mana mānī| kahahiṃ sakala tehi sama na sayānī ||
tehi sarāhi bānī phuri pūjī| bolī madhura bacana tiya dūjī ||
kahi sapema saba kathāprasaṃgū| jehi bidhi rāma rāja rasa bhaṃgū ||
bharatahi bahuri sarāhana lāgī| sīla saneha subhāya subhāgī ||
do. calata payādeṃ khāta phala pitā dīnha taji rāju|
jāta manāvana raghubarahi bharata sarisa ko āju || 222 ||
bhāyapa bhagati bharata ācaranū| kahata sunata dukha dūṣana haranū ||
jo kachu kahaba thora sakhi soī| rāma baṃdhu asa kāhe na hoī ||
hama saba sānuja bharatahi dekheṃ| bhainha dhanya jubatī jana lekheṃ ||
suni guna dekhi dasā pachitāhīṃ| kaikai janani jogu sutu nāhīṃ ||
kou kaha dūṣanu rānihi nāhina| bidhi sabu kīnha hamahi jo dāhina ||
kaha~ hama loka beda bidhi hīnī| laghu tiya kula karatūti malīnī ||
basahiṃ kudesa kugā~va kubāmā| kaha~ yaha darasu punya parināmā ||
asa anaṃdu aciriju prati grāmā| janu marubhūmi kalapataru jāmā ||
do. bharata darasu dekhata khuleu maga loganha kara bhāgu|
janu siṃghalabāsinha bhayau bidhi basa sulabha prayāgu || 223 ||
nija guna sahita rāma guna gāthā| sunata jāhiṃ sumirata raghunāthā ||
tīratha muni āśrama suradhāmā| nirakhi nimajjahiṃ karahiṃ pranāmā ||
manahīṃ mana māgahiṃ baru ehū| sīya rāma pada paduma sanehū ||
milahiṃ kirāta kola banabāsī| baikhānasa baṭu jatī udāsī ||
kari pranāmu pū~chahiṃ jehiṃ tehī| kehi bana lakhanu rāmu baidehī ||
te prabhu samācāra saba kahahīṃ| bharatahi dekhi janama phalu lahahīṃ ||
je jana kahahiṃ kusala hama dekhe| te priya rāma lakhana sama lekhe ||
ehi bidhi būjhata sabahi subānī| sunata rāma banabāsa kahānī ||
do. tehi bāsara basi prātahīṃ cale sumiri raghunātha|
rāma darasa kī lālasā bharata sarisa saba sātha || 224 ||
maṃgala saguna hohiṃ saba kāhū| pharakahiṃ sukhada bilocana bāhū ||
bharatahi sahita samāja uchāhū| milihahiṃ rāmu miṭahi dukha dāhū ||
karata manoratha jasa jiya~ jāke| jāhiṃ saneha surā~ saba chāke ||
sithila aṃga paga maga ḍagi ḍolahiṃ| bihabala bacana pema basa bolahiṃ ||
rāmasakhā~ tehi samaya dekhāvā| saila siromani sahaja suhāvā ||
jāsu samīpa sarita paya tīrā| sīya sameta basahiṃ dou bīrā ||
dekhi karahiṃ saba daṃḍa pranāmā| kahi jaya jānaki jīvana rāmā ||
prema magana asa rāja samājū| janu phiri avadha cale raghurājū ||
do. bharata premu tehi samaya jasa tasa kahi sakai na seṣu|
kabihiṃ agama jimi brahmasukhu aha mama malina janeṣu || 225|
sakala saneha sithila raghubara keṃ| gae kosa dui dinakara ḍharakeṃ ||
jalu thalu dekhi base nisi bīteṃ| kīnha gavana raghunātha pirīteṃ ||
uhā~ rāmu rajanī avaseṣā| jāge sīya~ sapana asa dekhā ||
sahita samāja bharata janu āe| nātha biyoga tāpa tana tāe ||
sakala malina mana dīna dukhārī| dekhīṃ sāsu āna anuhārī ||
suni siya sapana bhare jala locana| bhae socabasa soca bimocana ||
lakhana sapana yaha nīka na hoī| kaṭhina kucāha sunāihi koī ||
asa kahi baṃdhu sameta nahāne| pūji purāri sādhu sanamāne ||
chaṃ. sanamāni sura muni baṃdi baiṭhe uttara disi dekhata bhae|
nabha dhūri khaga mṛga bhūri bhāge bikala prabhu āśrama gae ||
tulasī uṭhe avaloki kāranu kāha cita sacakita rahe|
saba samācāra kirāta kolanhi āi tehi avasara kahe ||
do. sunata sumaṃgala baina mana pramoda tana pulaka bhara|
sarada saroruha naina tulasī bhare saneha jala || 226 ||
bahuri socabasa bhe siyaravanū| kārana kavana bharata āgavanū ||
eka āi asa kahā bahorī| sena saṃga caturaṃga na thorī ||
so suni rāmahi bhā ati socū| ita pitu baca ita baṃdhu sakocū ||
bharata subhāu samujhi mana māhīṃ| prabhu cita hita thiti pāvata nāhī ||
samādhāna taba bhā yaha jāne| bharatu kahe mahu~ sādhu sayāne ||
lakhana lakheu prabhu hṛdaya~ khabhārū| kahata samaya sama nīti bicārū ||
binu pū~cha kachu kahau~ gosāīṃ| sevaku samaya~ na ḍhīṭha ḍhiṭhāī ||
tumha sarbagya siromani svāmī| āpani samujhi kahau~ anugāmī ||
do. nātha suhrada suṭhi sarala cita sīla saneha nidhāna ||
saba para prīti pratīti jiya~ jānia āpu samāna || 227 ||
biṣaī jīva pāi prabhutāī| mūṛha moha basa hohiṃ janāī ||
bharatu nīti rata sādhu sujānā| prabhu pada prema sakala jagu jānā ||
teū āju rāma padu pāī| cale dharama marajāda meṭāī ||
kuṭila kubaṃdha kuavasaru tākī| jāni rāma banavāsa ekākī ||
kari kumaṃtru mana sāji samājū| āe karai akaṃṭaka rājū ||
koṭi prakāra kalapi kuṭalāī| āe dala baṭori dou bhāī ||
jauṃ jiya~ hoti na kapaṭa kucālī| kehi sohāti ratha bāji gajālī ||
bharatahi dosu dei ko jāe~| jaga baurāi rāja padu pāe~ ||
do. sasi gura tiya gāmī naghuṣu caṛheu bhūmisura jāna|
loka beda teṃ bimukha bhā adhama na bena samāna || 228 ||
sahasabāhu suranāthu trisaṃkū| kehi na rājamada dīnha kalaṃkū ||
bharata kīnha yaha ucita upāū| ripu rina raṃca na rākhaba kāū ||
eka kīnhi nahiṃ bharata bhalāī| nidare rāmu jāni asahāī ||
samujhi parihi sou āju biseṣī| samara saroṣa rāma mukhu pekhī ||
etanā kahata nīti rasa bhūlā| rana rasa biṭapu pulaka misa phūlā ||
prabhu pada baṃdi sīsa raja rākhī| bole satya sahaja balu bhāṣī ||
anucita nātha na mānaba morā| bharata hamahi upacāra na thorā ||
kaha~ lagi sahia rahia manu māreṃ| nātha sātha dhanu hātha hamāreṃ ||
do. chatri jāti raghukula janamu rāma anuga jagu jāna|
lātahu~ māreṃ caṛhati sira nīca ko dhūri samāna || 229 ||
uṭhi kara jori rajāyasu māgā| manahu~ bīra rasa sovata jāgā ||
bā~dhi jaṭā sira kasi kaṭi bhāthā| sāji sarāsanu sāyaku hāthā ||
āju rāma sevaka jasu leū~| bharatahi samara sikhāvana deū~ ||
rāma nirādara kara phalu pāī| sovahu~ samara seja dou bhāī ||
āi banā bhala sakala samājū| pragaṭa karau~ risa pāchila ājū ||
jimi kari nikara dalai mṛgarājū| lei lapeṭi lavā jimi bājū ||
taisehiṃ bharatahi sena sametā| sānuja nidari nipātau~ khetā ||
jauṃ sahāya kara saṃkaru āī| tau mārau~ rana rāma dohāī ||
do. ati saroṣa mākhe lakhanu lakhi suni sapatha pravāna|
sabhaya loka saba lokapati cāhata bhabhari bhagāna || 230 ||
jagu bhaya magana gagana bhai bānī| lakhana bāhubalu bipula bakhānī ||
tāta pratāpa prabhāu tumhārā| ko kahi sakai ko jānanihārā ||
anucita ucita kāju kichu hoū| samujhi karia bhala kaha sabu koū ||
sahasā kari pāchaiṃ pachitāhīṃ| kahahiṃ beda budha te budha nāhīṃ ||
suni sura bacana lakhana sakucāne| rāma sīya~ sādara sanamāne ||
kahī tāta tumha nīti suhāī| saba teṃ kaṭhina rājamadu bhāī ||
jo acava~ta nṛpa mātahiṃ teī| nāhina sādhusabhā jehiṃ seī ||
sunahu lakhana bhala bharata sarīsā| bidhi prapaṃca maha~ sunā na dīsā ||
do. bharatahi hoi na rājamadu bidhi hari hara pada pāi ||
kabahu~ ki kā~jī sīkarani chīrasiṃdhu binasāi || 231 ||
timiru taruna taranihi maku gilaī| gaganu magana maku meghahiṃ milaī ||
gopada jala būṛahiṃ ghaṭajonī| sahaja chamā baru chāṛai chonī ||
masaka phū~ka maku meru uṛāī| hoi na nṛpamadu bharatahi bhāī ||
lakhana tumhāra sapatha pitu ānā| suci subaṃdhu nahiṃ bharata samānā ||
saguna khīru avaguna jalu tātā| milai racai parapaṃcu bidhātā ||
bharatu haṃsa rabibaṃsa taṛāgā| janami kīnha guna doṣa bibhāgā ||
gahi guna paya taji avaguna bārī| nija jasa jagata kīnhi ujiārī ||
kahata bharata guna sīlu subhāū| pema payodhi magana raghurāū ||
do. suni raghubara bānī bibudha dekhi bharata para hetu|
sakala sarāhata rāma so prabhu ko kṛpāniketu || 232 ||
jauṃ na hota jaga janama bharata ko| sakala dharama dhura dharani dharata ko ||
kabi kula agama bharata guna gāthā| ko jānai tumha binu raghunāthā ||
lakhana rāma siya~ suni sura bānī| ati sukhu laheu na jāi bakhānī ||
ihā~ bharatu saba sahita sahāe| maṃdākinīṃ punīta nahāe ||
sarita samīpa rākhi saba logā| māgi mātu gura saciva niyogā ||
cale bharatu jaha~ siya raghurāī| sātha niṣādanāthu laghu bhāī ||
samujhi mātu karataba sakucāhīṃ| karata kutaraka koṭi mana māhīṃ ||
rāmu lakhanu siya suni mama nāū~| uṭhi jani anata jāhiṃ taji ṭhāū~ ||
do. mātu mate mahu~ māni mohi jo kachu karahiṃ so thora|
agha avaguna chami ādarahiṃ samujhi āpanī ora || 233 ||
jauṃ pariharahiṃ malina manu jānī| jau sanamānahiṃ sevaku mānī ||
moreṃ sarana rāmahi kī panahī| rāma susvāmi dosu saba janahī ||
jaga jasa bhājana cātaka mīnā| nema pema nija nipuna nabīnā ||
asa mana gunata cale maga jātā| sakuca saneha~ sithila saba gātā ||
pherata manahu~ mātu kṛta khorī| calata bhagati bala dhīraja dhorī ||
jaba samujhata raghunātha subhāū| taba patha parata utāila pāū ||
bharata dasā tehi avasara kaisī| jala prabāha~ jala ali gati jaisī ||
dekhi bharata kara socu sanehū| bhā niṣāda tehi samaya~ bidehū ||
do. lage hona maṃgala saguna suni guni kahata niṣādu|
miṭihi socu hoihi haraṣu puni parināma biṣādu || 234 ||
sevaka bacana satya saba jāne| āśrama nikaṭa jāi niarāne ||
bharata dīkha bana saila samājū| mudita chudhita janu pāi sunājū ||
īti bhīti janu prajā dukhārī| tribidha tāpa pīṛita graha mārī ||
jāi surāja sudesa sukhārī| hohiṃ bharata gati tehi anuhārī ||
rāma bāsa bana saṃpati bhrājā| sukhī prajā janu pāi surājā ||
saciva birāgu bibeku naresū| bipina suhāvana pāvana desū ||
bhaṭa jama niyama saila rajadhānī| sāṃti sumati suci suṃdara rānī ||
sakala aṃga saṃpanna surāū| rāma carana āśrita cita cāū ||
do. jīti moha mahipālu dala sahita bibeka bhuālu|
karata akaṃṭaka rāju pura~ sukha saṃpadā sukālu || 235 ||
bana pradesa muni bāsa ghanere| janu pura nagara gāu~ gana khere ||
bipula bicitra bihaga mṛga nānā| prajā samāju na jāi bakhānā ||
khagahā kari hari bāgha barāhā| dekhi mahiṣa bṛṣa sāju sarāhā ||
bayaru bihāi carahiṃ eka saṃgā| jaha~ taha~ manahu~ sena caturaṃgā ||
jharanā jharahiṃ matta gaja gājahiṃ| manahu~ nisāna bibidhi bidhi bājahiṃ ||
caka cakora cātaka suka pika gana| kūjata maṃju marāla mudita mana ||
aligana gāvata nācata morā| janu surāja maṃgala cahu orā ||
beli biṭapa tṛna saphala saphūlā| saba samāju muda maṃgala mūlā ||
do. rāma saila sobhā nirakhi bharata hṛdaya~ ati pemu|
tāpasa tapa phalu pāi jimi sukhī sirāneṃ nemu || 236 ||
māsapārāyaṇa, bīsavā~ viśrāma
navāhnapārāyaṇa, pā~cavā~ viśrāma
taba kevaṭa ū~ceṃ caṛhi dhāī| kaheu bharata sana bhujā uṭhāī ||
nātha dekhiahiṃ biṭapa bisālā| pākari jaṃbu rasāla tamālā ||
jinha tarubaranha madhya baṭu sohā| maṃju bisāla dekhi manu mohā ||
nīla saghana pallva phala lālā| abirala chāha~ sukhada saba kālā ||
mānahu~ timira arunamaya rāsī| biracī bidhi sa~keli suṣamā sī ||
e taru sarita samīpa gosā~ī| raghubara paranakuṭī jaha~ chāī ||
tulasī tarubara bibidha suhāe| kahu~ kahu~ siya~ kahu~ lakhana lagāe ||
baṭa chāyā~ bedikā banāī| siya~ nija pāni saroja suhāī ||
do. jahā~ baiṭhi munigana sahita nita siya rāmu sujāna|
sunahiṃ kathā itihāsa saba āgama nigama purāna || 237 ||
sakhā bacana suni biṭapa nihārī| umage bharata bilocana bārī ||
karata pranāma cale dou bhāī| kahata prīti sārada sakucāī ||
haraṣahiṃ nirakhi rāma pada aṃkā| mānahu~ pārasu pāyau raṃkā ||
raja sira dhari hiya~ nayananhi lāvahiṃ| raghubara milana sarisa sukha pāvahiṃ ||
dekhi bharata gati akatha atīvā| prema magana mṛga khaga jaṛa jīvā ||
sakhahi saneha bibasa maga bhūlā| kahi supaṃtha sura baraṣahiṃ phūlā ||
nirakhi siddha sādhaka anurāge| sahaja sanehu sarāhana lāge ||
hota na bhūtala bhāu bharata ko| acara sacara cara acara karata ko ||
do. pema amia maṃdaru birahu bharatu payodhi ga~bhīra|
mathi pragaṭeu sura sādhu hita kṛpāsiṃdhu raghubīra || 238 ||
sakhā sameta manohara joṭā| lakheu na lakhana saghana bana oṭā ||
bharata dīkha prabhu āśramu pāvana| sakala sumaṃgala sadanu suhāvana ||
karata prabesa miṭe dukha dāvā| janu jogīṃ paramārathu pāvā ||
dekhe bharata lakhana prabhu āge| pū~che bacana kahata anurāge ||
sīsa jaṭā kaṭi muni paṭa bā~dheṃ| tūna kaseṃ kara saru dhanu kā~dheṃ ||
bedī para muni sādhu samājū| sīya sahita rājata raghurājū ||
balakala basana jaṭila tanu syāmā| janu muni beṣa kīnha rati kāmā ||
kara kamalani dhanu sāyaku pherata| jiya kī jarani harata ha~si herata ||
do. lasata maṃju muni maṃḍalī madhya sīya raghucaṃdu|
gyāna sabhā~ janu tanu dhare bhagati saccidānaṃdu || 239 ||
sānuja sakhā sameta magana mana| bisare haraṣa soka sukha dukha gana ||
pāhi nātha kahi pāhi gosāī| bhūtala pare lakuṭa kī nāī ||
bacana sapema lakhana pahicāne| karata pranāmu bharata jiya~ jāne ||
baṃdhu saneha sarasa ehi orā| uta sāhiba sevā basa jorā ||
mili na jāi nahiṃ gudarata banaī| sukabi lakhana mana kī gati bhanaī ||
rahe rākhi sevā para bhārū| caṛhī caṃga janu khaiṃca khelārū ||
kahata saprema nāi mahi māthā| bharata pranāma karata raghunāthā ||
uṭhe rāmu suni pema adhīrā| kahu~ paṭa kahu~ niṣaṃga dhanu tīrā ||
do. barabasa lie uṭhāi ura lāe kṛpānidhāna|
bharata rāma kī milani lakhi bisare sabahi apāna || 240 ||
milani prīti kimi jāi bakhānī| kabikula agama karama mana bānī ||
parama pema pūrana dou bhāī| mana budhi cita ahamiti bisarāī ||
kahahu supema pragaṭa ko karaī| kehi chāyā kabi mati anusaraī ||
kabihi aratha ākhara balu sā~cā| anuhari tāla gatihi naṭu nācā ||
agama saneha bharata raghubara ko| jaha~ na jāi manu bidhi hari hara ko ||
so maiṃ kumati kahauṃ kehi bhā~tī| bāja surāga ki gā~ḍara tā~tī ||
milani biloki bharata raghubara kī| suragana sabhaya dhakadhakī dharakī ||
samujhāe suraguru jaṛa jāge| baraṣi prasūna prasaṃsana lāge ||
do. mili sapema ripusūdanahi kevaṭu bheṃṭeu rāma|
bhūri bhāya~ bheṃṭe bharata lachimana karata pranāma || 241 ||
bheṃṭeu lakhana lalaki laghu bhāī| bahuri niṣādu līnha ura lāī ||
puni munigana duhu~ bhāinha baṃde| abhimata āsiṣa pāi anaṃde ||
sānuja bharata umagi anurāgā| dhari sira siya pada paduma parāgā ||
puni puni karata pranāma uṭhāe| sira kara kamala parasi baiṭhāe ||
sīya~ asīsa dīnhi mana māhīṃ| magana saneha~ deha sudhi nāhīṃ ||
saba bidhi sānukūla lakhi sītā| bhe nisoca ura apaḍara bītā ||
kou kichu kahai na kou kichu pū~chā| prema bharā mana nija gati chū~chā ||
tehi avasara kevaṭu dhīraju dhari| jori pāni binavata pranāmu kari ||
do. nātha sātha muninātha ke mātu sakala pura loga|
sevaka senapa saciva saba āe bikala biyoga || 242 ||
sīlasiṃdhu suni gura āgavanū| siya samīpa rākhe ripudavanū ||
cale sabega rāmu tehi kālā| dhīra dharama dhura dīnadayālā ||
gurahi dekhi sānuja anurāge| daṃḍa pranāma karana prabhu lāge ||
munibara dhāi lie ura lāī| prema umagi bheṃṭe dou bhāī ||
prema pulaki kevaṭa kahi nāmū| kīnha dūri teṃ daṃḍa pranāmū ||
rāmasakhā riṣi barabasa bheṃṭā| janu mahi luṭhata saneha sameṭā ||
raghupati bhagati sumaṃgala mūlā| nabha sarāhi sura barisahiṃ phūlā ||
ehi sama nipaṭa nīca kou nāhīṃ| baṛa basiṣṭha sama ko jaga māhīṃ ||
do. jehi lakhi lakhanahu teṃ adhika mile mudita munirāu|
so sītāpati bhajana ko pragaṭa pratāpa prabhāu || 243 ||
ārata loga rāma sabu jānā| karunākara sujāna bhagavānā ||
jo jehi bhāya~ rahā abhilāṣī| tehi tehi kai tasi tasi rukha rākhī ||
sānuja mili pala mahu saba kāhū| kīnha dūri dukhu dāruna dāhū ||
yaha baṛi bāta~ rāma kai nāhīṃ| jimi ghaṭa koṭi eka rabi chāhīṃ ||
mili kevaṭihi umagi anurāgā| purajana sakala sarāhahiṃ bhāgā ||
dekhīṃ rāma dukhita mahatārīṃ| janu subeli avalīṃ hima mārīṃ ||
prathama rāma bheṃṭī kaikeī| sarala subhāya~ bhagati mati bheī ||
paga pari kīnha prabodhu bahorī| kāla karama bidhi sira dhari khorī ||
do. bheṭīṃ raghubara mātu saba kari prabodhu paritoṣu ||
aṃba īsa ādhīna jagu kāhu na deia doṣu || 244 ||
guratiya pada baṃde duhu bhāī| sahita bipratiya je sa~ga āī ||
gaṃga gauri sama saba sanamānīṃ || dehiṃ asīsa mudita mṛdu bānī ||
gahi pada lage sumitrā aṃkā| janu bheṭīṃ saṃpati ati raṃkā ||
puni janani caranani dou bhrātā| pare pema byākula saba gātā ||
ati anurāga aṃba ura lāe| nayana saneha salila anhavāe ||
tehi avasara kara haraṣa biṣādū| kimi kabi kahai mūka jimi svādū ||
mili jananahi sānuja raghurāū| gura sana kaheu ki dhāria pāū ||
purajana pāi munīsa niyogū| jala thala taki taki utareu logū ||
do. mahisura maṃtrī mātu gura gane loga lie sātha ||
pāvana āśrama gavanu kiya bharata lakhana raghunātha || 245 ||
sīya āi munibara paga lāgī| ucita asīsa lahī mana māgī ||
gurapatinihi munitiyanha sametā| milī pemu kahi jāi na jetā ||
baṃdi baṃdi paga siya sabahī ke| āsirabacana lahe priya jī ke ||
sāsu sakala jaba sīya~ nihārīṃ| mūde nayana sahami sukumārīṃ ||
parīṃ badhika basa manahu~ marālīṃ| kāha kīnha karatāra kucālīṃ ||
tinha siya nirakhi nipaṭa dukhu pāvā| so sabu sahia jo daiu sahāvā ||
janakasutā taba ura dhari dhīrā| nīla nalina loyana bhari nīrā ||
milī sakala sāsunha siya jāī| tehi avasara karunā mahi chāī ||
do. lāgi lāgi paga sabani siya bheṃṭati ati anurāga ||
hṛdaya~ asīsahiṃ pema basa rahiahu bharī sohāga || 246 ||
bikala saneha~ sīya saba rānīṃ| baiṭhana sabahi kaheu gura gyānīṃ ||
kahi jaga gati māyika munināthā| kahe kachuka paramāratha gāthā ||
nṛpa kara surapura gavanu sunāvā| suni raghunātha dusaha dukhu pāvā ||
marana hetu nija nehu bicārī| bhe ati bikala dhīra dhura dhārī ||
kulisa kaṭhora sunata kaṭu bānī| bilapata lakhana sīya saba rānī ||
soka bikala ati sakala samājū| mānahu~ rāju akājeu ājū ||
munibara bahuri rāma samujhāe| sahita samāja susarita nahāe ||
bratu niraṃbu tehi dina prabhu kīnhā| munihu kaheṃ jalu kāhu~ na līnhā ||
do. bhoru bhae~ raghunaṃdanahi jo muni āyasu dīnha ||
śraddhā bhagati sameta prabhu so sabu sādaru kīnha || 247 ||
kari pitu kriyā beda jasi baranī| bhe punīta pātaka tama taranī ||
jāsu nāma pāvaka agha tūlā| sumirata sakala sumaṃgala mūlā ||
suddha so bhayau sādhu saṃmata asa| tīratha āvāhana surasari jasa ||
suddha bhae~ dui bāsara bīte| bole gura sana rāma pirīte ||
nātha loga saba nipaṭa dukhārī| kaṃda mūla phala aṃbu ahārī ||
sānuja bharatu saciva saba mātā| dekhi mohi pala jimi juga jātā ||
saba sameta pura dhāria pāū| āpu ihā~ amarāvati rāū ||
bahuta kaheu~ saba kiyau~ ḍhiṭhāī| ucita hoi tasa karia gosā~ī ||
do. dharma setu karunāyatana kasa na kahahu asa rāma|
loga dukhita dina dui darasa dekhi lahahu~ biśrāma || 248 ||
rāma bacana suni sabhaya samājū| janu jalanidhi mahu~ bikala jahājū ||
suni gura girā sumaṃgala mūlā| bhayau manahu~ māruta anukulā ||
pāvana paya~ tihu~ kāla nahāhīṃ| jo biloki aṃgha ogha nasāhīṃ ||
maṃgalamūrati locana bhari bhari| nirakhahiṃ haraṣi daṃḍavata kari kari ||
rāma saila bana dekhana jāhīṃ| jaha~ sukha sakala sakala dukha nāhīṃ ||
jharanā jharihiṃ sudhāsama bārī| tribidha tāpahara tribidha bayārī ||
biṭapa beli tṛna aganita jātī| phala prasūna pallava bahu bhā~tī ||
suṃdara silā sukhada taru chāhīṃ| jāi barani bana chabi kehi pāhīṃ ||
do. sarani saroruha jala bihaga kūjata guṃjata bhṛṃga|
baira bigata biharata bipina mṛga bihaṃga bahuraṃga || 249 ||
kola kirāta bhilla banabāsī| madhu suci suṃdara svādu sudhā sī ||
bhari bhari parana puṭīṃ raci rurī| kaṃda mūla phala aṃkura jūrī ||
sabahi dehiṃ kari binaya pranāmā| kahi kahi svāda bheda guna nāmā ||
dehiṃ loga bahu mola na lehīṃ| pherata rāma dohāī dehīṃ ||
kahahiṃ saneha magana mṛdu bānī| mānata sādhu pema pahicānī ||
tumha sukṛtī hama nīca niṣādā| pāvā darasanu rāma prasādā ||
hamahi agama ati darasu tumhārā| jasa maru dharani devadhuni dhārā ||
rāma kṛpāla niṣāda nevājā| parijana prajau cahia jasa rājā ||
do. yaha ji~ya~ jāni sa~kocu taji karia chohu lakhi nehu|
hamahi kṛtāratha karana lagi phala tṛna aṃkura lehu || 250 ||
tumha priya pāhune bana pagu dhāre| sevā jogu na bhāga hamāre ||
deba kāha hama tumhahi gosā~ī| īdhanu pāta kirāta mitāī ||
yaha hamāri ati baṛi sevakāī| lehi na bāsana basana corāī ||
hama jaṛa jīva jīva gana ghātī| kuṭila kucālī kumati kujātī ||
pāpa karata nisi bāsara jāhīṃ| nahiṃ paṭa kaṭi nahi peṭa aghāhīṃ ||
saponehu~ dharama buddhi kasa kāū| yaha raghunaṃdana darasa prabhāū ||
jaba teṃ prabhu pada paduma nihāre| miṭe dusaha dukha doṣa hamāre ||
bacana sunata purajana anurāge| tinha ke bhāga sarāhana lāge ||
chaṃ. lāge sarāhana bhāga saba anurāga bacana sunāvahīṃ|
bolani milani siya rāma carana sanehu lakhi sukhu pāvahīṃ ||
nara nāri nidarahiṃ nehu nija suni kola bhillani kī girā|
tulasī kṛpā raghubaṃsamani kī loha lai laukā tirā ||
so. biharahiṃ bana cahu ora pratidina pramudita loga saba|
jala jyoṃ dādura mora bhae pīna pāvasa prathama || 251 ||
pura jana nāri magana ati prītī| bāsara jāhiṃ palaka sama bītī ||
sīya sāsu prati beṣa banāī| sādara karai sarisa sevakāī ||
lakhā na maramu rāma binu kāhū~| māyā saba siya māyā māhū~ ||
sīya~ sāsu sevā basa kīnhīṃ| tinha lahi sukha sikha āsiṣa dīnhīṃ ||
lakhi siya sahita sarala dou bhāī| kuṭila rāni pachitāni aghāī ||
avani jamahi jācati kaikeī| mahi na bīcu bidhi mīcu na deī ||
lokahu~ beda bidita kabi kahahīṃ| rāma bimukha thalu naraka na lahahīṃ ||
yahu saṃsau saba ke mana māhīṃ| rāma gavanu bidhi avadha ki nāhīṃ ||
do. nisi na nīda nahiṃ bhūkha dina bharatu bikala suci soca|
nīca kīca bica magana jasa mīnahi salila sa~koca || 252 ||
kīnhī mātu misa kāla kucālī| īti bhīti jasa pākata sālī ||
kehi bidhi hoi rāma abhiṣekū| mohi avakalata upāu na ekū ||
avasi phirahiṃ gura āyasu mānī| muni puni kahaba rāma ruci jānī ||
mātu kahehu~ bahurahiṃ raghurāū| rāma janani haṭha karabi ki kāū ||
mohi anucara kara ketika bātā| tehi maha~ kusamau bāma bidhātā ||
jauṃ haṭha karau~ ta nipaṭa kukaramū| haragiri teṃ guru sevaka dharamū ||
ekau juguti na mana ṭhaharānī| socata bharatahi raini bihānī ||
prāta nahāi prabhuhi sira nāī| baiṭhata paṭhae riṣaya~ bolāī ||
do. gura pada kamala pranāmu kari baiṭhe āyasu pāi|
bipra mahājana saciva saba jure sabhāsada āi || 253 ||
bole munibaru samaya samānā| sunahu sabhāsada bharata sujānā ||
dharama dhurīna bhānukula bhānū| rājā rāmu svabasa bhagavānū ||
satyasaṃdha pālaka śruti setū| rāma janamu jaga maṃgala hetū ||
gura pitu mātu bacana anusārī| khala dalu dalana deva hitakārī ||
nīti prīti paramāratha svārathu| kou na rāma sama jāna jathārathu ||
bidhi hari haru sasi rabi disipālā| māyā jīva karama kuli kālā ||
ahipa mahipa jaha~ lagi prabhutāī| joga siddhi nigamāgama gāī ||
kari bicāra ji~ya~ dekhahu nīkeṃ| rāma rajāi sīsa sabahī keṃ ||
do. rākheṃ rāma rajāi rukha hama saba kara hita hoi|
samujhi sayāne karahu aba saba mili saṃmata soi || 254 ||
saba kahu~ sukhada rāma abhiṣekū| maṃgala moda mūla maga ekū ||
kehi bidhi avadha calahiṃ raghurāū| kahahu samujhi soi karia upāū ||
saba sādara suni munibara bānī| naya paramāratha svāratha sānī ||
utaru na āva loga bhae bhore| taba siru nāi bharata kara jore ||
bhānubaṃsa bhae bhūpa ghanere| adhika eka teṃ eka baṛere ||
janamu hetu saba kaha~ pitu mātā| karama subhāsubha dei bidhātā ||
dali dukha sajai sakala kalyānā| asa asīsa rāuri jagu jānā ||
so gosāi~ bidhi gati jehiṃ cheṃkī| sakai ko ṭāri ṭeka jo ṭekī ||
do. būjhia mohi upāu aba so saba mora abhāgu|
suni sanehamaya bacana gura ura umagā anurāgu || 255 ||
tāta bāta phuri rāma kṛpāhīṃ| rāma bimukha sidhi sapanehu~ nāhīṃ ||
sakucau~ tāta kahata eka bātā| aradha tajahiṃ budha sarabasa jātā ||
tumha kānana gavanahu dou bhāī| pheriahiṃ lakhana sīya raghurāī ||
suni subacana haraṣe dou bhrātā| bhe pramoda paripūrana gātā ||
mana prasanna tana teju birājā| janu jiya rāu rāmu bhae rājā ||
bahuta lābha loganha laghu hānī| sama dukha sukha saba rovahiṃ rānī ||
kahahiṃ bharatu muni kahā so kīnhe| phalu jaga jīvanha abhimata dīnhe ||
kānana karau~ janama bhari bāsū| ehiṃ teṃ adhika na mora supāsū ||
do. a~tarajāmī rāmu siya tumha sarabagya sujāna|
jo phura kahahu ta nātha nija kījia bacanu pravāna || 256 ||
bharata bacana suni dekhi sanehū| sabhā sahita muni bhae bidehū ||
bharata mahā mahimā jalarāsī| muni mati ṭhāṛhi tīra abalā sī ||
gā caha pāra jatanu hiya~ herā| pāvati nāva na bohitu berā ||
auru karihi ko bharata baṛāī| sarasī sīpi ki siṃdhu samāī ||
bharatu munihi mana bhītara bhāe| sahita samāja rāma pahi~ āe ||
prabhu pranāmu kari dīnha suāsanu| baiṭhe saba suni muni anusāsanu ||
bole munibaru bacana bicārī| desa kāla avasara anuhārī ||
sunahu rāma sarabagya sujānā| dharama nīti guna gyāna nidhānā ||
do. saba ke ura aṃtara basahu jānahu bhāu kubhāu|
purajana jananī bharata hita hoi so kahia upāu || 257 ||
ārata kahahiṃ bicāri na kāū| sūjha jūārihi āpana dāū ||
suni muni bacana kahata raghurāū| nātha tumhārehi hātha upāū ||
saba kara hita rukha rāuri rākhe~| āyasu kie~ mudita phura bhāṣeṃ ||
prathama jo āyasu mo kahu~ hoī| māthe~ māni karau sikha soī ||
puni jehi kaha~ jasa kahaba gosāī~| so saba bhā~ti ghaṭihi sevakāī~ ||
kaha muni rāma satya tumha bhāṣā| bharata saneha~ bicāru na rākhā ||
tehi teṃ kahau~ bahori bahorī| bharata bhagati basa bhai mati morī ||
more~ jāna bharata ruci rākhi| jo kījia so subha siva sākhī ||
do. bharata binaya sādara sunia karia bicāru bahori|
karaba sādhumata lokamata nṛpanaya nigama nicori || 258 ||
guru anurāga bharata para dekhī| rāma hdaya~ ānaṃdu biseṣī ||
bharatahi dharama dhuraṃdhara jānī| nija sevaka tana mānasa bānī ||
bole gura āyasa anukūlā| bacana maṃju mṛdu maṃgalamūlā ||
nātha sapatha pitu carana dohāī| bhayau na bhuana bharata sama bhāī ||
je gura pada aṃbuja anurāgī| te lokahu~ bedahu~ baṛabhāgī ||
rāura jā para asa anurāgū| ko kahi sakai bharata kara bhāgū ||
lakhi laghu baṃdhu buddhi sakucāī| karata badana para bharata baṛāī ||
bharatu kahahīṃ soi kie~ bhalāī| asa kahi rāma rahe aragāī ||
do. taba muni bole bharata sana saba sa~kocu taji tāta|
kṛpāsiṃdhu priya baṃdhu sana kahahu hṛdaya kai bāta || 259 ||
suni muni bacana rāma rukha pāī| guru sāhiba anukūla aghāī ||
lakhi apane sira sabu charu bhārū| kahi na sakahiṃ kachu karahiṃ bicārū ||
pulaki sarīra sabhā~ bhae ṭhāḍheṃ| nīraja nayana neha jala bāṛheṃ ||
kahaba mora muninātha nibāhā| ehi teṃ adhika kahauṃ maiṃ kāhā|
maiṃ jānau~ nija nātha subhāū| aparādhihu para koha na kāū ||
mo para kṛpā saneha biseṣī| khelata khunisa na kabahū~ dekhī ||
sisupana tema parihareu~ na saṃgū| kabahu~ na kīnha mora mana bhaṃgū ||
maiṃ prabhu kṛpā rīti jiya~ johī| hārehu~ khela jitāvahiṃ mohī ||
do. mahū~ saneha sakoca basa sanamukha kahī na baina|
darasana tṛpita na āju lagi pema piāse naina || 260 ||
bidhi na sakeu sahi mora dulārā| nīca bīcu jananī misa pārā|
yahau kahata mohi āju na sobhā| apanīṃ samujhi sādhu suci ko bhā ||
mātu maṃdi maiṃ sādhu sucālī| ura asa ānata koṭi kucālī ||
pharai ki kodava bāli susālī| mukutā prasava ki saṃbuka kālī ||
sapanehu~ dosaka lesu na kāhū| mora abhāga udadhi avagāhū ||
binu samujheṃ nija agha paripākū| jāriu~ jāya~ janani kahi kākū ||
hṛdaya~ heri hāreu~ saba orā| ekahi bhā~ti bhalehiṃ bhala morā ||
gura gosāi~ sāhiba siya rāmū| lāgata mohi nīka parināmū ||
do. sādhu sabhā gura prabhu nikaṭa kahau~ suthala sati bhāu|
prema prapaṃcu ki jhūṭha phura jānahiṃ muni raghurāu || 261 ||
bhūpati marana pema panu rākhī| jananī kumati jagatu sabu sākhī ||
dekhi na jāhi bikala mahatārī| jarahiṃ dusaha jara pura nara nārī ||
mahīṃ sakala anaratha kara mūlā| so suni samujhi sahiu~ saba sūlā ||
suni bana gavanu kīnha raghunāthā| kari muni beṣa lakhana siya sāthā ||
binu pānahinha payādehi pāe~| saṃkaru sākhi raheu~ ehi ghāe~ ||
bahuri nihāra niṣāda sanehū| kulisa kaṭhina ura bhayau na behū ||
aba sabu ā~khinha dekheu~ āī| jiata jīva jaṛa sabai sahāī ||
jinhahi nirakhi maga sā~pini bīchī| tajahiṃ biṣama biṣu tāmasa tīchī ||
do. tei raghunaṃdanu lakhanu siya anahita lāge jāhi|
tāsu tanaya taji dusaha dukha daiu sahāvai kāhi || 262 ||
suni ati bikala bharata bara bānī| ārati prīti binaya naya sānī ||
soka magana saba sabhā~ khabhārū| manahu~ kamala bana pareu tusārū ||
kahi aneka bidhi kathā purānī| bharata prabodhu kīnha muni gyānī ||
bole ucita bacana raghunaṃdū| dinakara kula kairava bana caṃdū ||
tāta jā~ya jiya~ karahu galānī| īsa adhīna jīva gati jānī ||
tīni kāla tibhuana mata moreṃ| punyasiloka tāta tara tore ||
ura ānata tumha para kuṭilāī| jāi loku paraloku nasāī ||
dosu dehiṃ jananihi jaṛa teī| jinha gura sādhu sabhā nahiṃ seī ||
do. miṭihahiṃ pāpa prapaṃca saba akhila amaṃgala bhāra|
loka sujasu paraloka sukhu sumirata nāmu tumhāra || 263 ||
kahau~ subhāu satya siva sākhī| bharata bhūmi raha rāuri rākhī ||
tāta kutaraka karahu jani jāe~| baira pema nahi durai durāe~ ||
muni gana nikaṭa bihaga mṛga jāhīṃ| bādhaka badhika biloki parāhīṃ ||
hita anahita pasu pacchiu jānā| mānuṣa tanu guna gyāna nidhānā ||
tāta tumhahi maiṃ jānau~ nīkeṃ| karauṃ kāha asamaṃjasa jīkeṃ ||
rākheu rāya~ satya mohi tyāgī| tanu parihareu pema pana lāgī ||
tāsu bacana meṭata mana socū| tehi teṃ adhika tumhāra sa~kocū ||
tā para gura mohi āyasu dīnhā| avasi jo kahahu cahau~ soi kīnhā ||
do. manu prasanna kari sakuca taji kahahu karauṃ soi āju|
satyasaṃdha raghubara bacana suni bhā sukhī samāju || 264 ||
sura gana sahita sabhaya surarājū| socahiṃ cāhata hona akājū ||
banata upāu karata kachu nāhīṃ| rāma sarana saba ge mana māhīṃ ||
bahuri bicāri paraspara kahahīṃ| raghupati bhagata bhagati basa ahahīṃ|
sudhi kari aṃbarīṣa durabāsā| bhe sura surapati nipaṭa nirāsā ||
sahe suranha bahu kāla biṣādā| narahari kie pragaṭa prahalādā ||
lagi lagi kāna kahahiṃ dhuni māthā| aba sura kāja bharata ke hāthā ||
āna upāu na dekhia devā| mānata rāmu susevaka sevā ||
hiya~ sapema sumirahu saba bharatahi| nija guna sīla rāma basa karatahi ||
do. suni sura mata suragura kaheu bhala tumhāra baṛa bhāgu|
sakala sumaṃgala mūla jaga bharata carana anurāgu || 265 ||
sītāpati sevaka sevakāī| kāmadhenu saya sarisa suhāī ||
bharata bhagati tumhareṃ mana āī| tajahu socu bidhi bāta banāī ||
dekhu devapati bharata prabhāū| sahaja subhāya~ bibasa raghurāū ||
mana thira karahu deva ḍaru nāhīṃ| bharatahi jāni rāma parichāhīṃ ||
suno suragura sura saṃmata socū| aṃtarajāmī prabhuhi sakocū ||
nija sira bhāru bharata jiya~ jānā| karata koṭi bidhi ura anumānā ||
kari bicāru mana dīnhī ṭhīkā| rāma rajāyasa āpana nīkā ||
nija pana taji rākheu panu morā| chohu sanehu kīnha nahiṃ thorā ||
do. kīnha anugraha amita ati saba bidhi sītānātha|
kari pranāmu bole bharatu jori jalaja juga hātha || 266 ||
kahauṃ kahāvauṃ kā aba svāmī| kṛpā aṃbunidhi aṃtarajāmī ||
gura prasanna sāhiba anukūlā| miṭī malina mana kalapita sūlā ||
apaḍara ḍareu~ na soca samūleṃ| rabihi na dosu deva disi bhūleṃ ||
mora abhāgu mātu kuṭilāī| bidhi gati biṣama kāla kaṭhināī ||
pāu ro'pi saba mili mohi ghālā| pranatapāla pana āpana pālā ||
yaha nai rīti na rāuri hoī| lokahu~ beda bidita nahiṃ goī ||
jagu anabhala bhala eku gosāīṃ| kahia hoi bhala kāsu bhalāīṃ ||
deu devataru sarisa subhāū| sanamukha bimukha na kāhuhi kāū ||
do. jāi nikaṭa pahicāni taru chāha~ samani saba soca|
māgata abhimata pāva jaga rāu raṃku bhala poca || 267 ||
lakhi saba bidhi gura svāmi sanehū| miṭeu chobhu nahiṃ mana saṃdehū ||
aba karunākara kījia soī| jana hita prabhu cita chobhu na hoī ||
jo sevaku sāhibahi sa~kocī| nija hita cahai tāsu mati pocī ||
sevaka hita sāhiba sevakāī| karai sakala sukha lobha bihāī ||
svārathu nātha phireṃ sabahī kā| kie~ rajāi koṭi bidhi nīkā ||
yaha svāratha paramāratha sāru| sakala sukṛta phala sugati siṃgāru ||
deva eka binatī suni morī| ucita hoi tasa karaba bahorī ||
tilaka samāju sāji sabu ānā| karia suphala prabhu jauṃ manu mānā ||
do. sānuja paṭhaia mohi bana kījia sabahi sanātha|
nataru pheriahiṃ baṃdhu dou nātha calauṃ maiṃ sātha || 268 ||
nataru jāhiṃ bana tīniu bhāī| bahuria sīya sahita raghurāī ||
jehi bidhi prabhu prasanna mana hoī| karunā sāgara kījia soī ||
deva~ dīnha sabu mohi abhāru| moreṃ nīti na dharama bicāru ||
kahau~ bacana saba svāratha hetū| rahata na ārata keṃ cita cetū ||
utaru dei suni svāmi rajāī| so sevaku lakhi lāja lajāī ||
asa maiṃ avaguna udadhi agādhū| svāmi saneha~ sarāhata sādhū ||
aba kṛpāla mohi so mata bhāvā| sakuca svāmi mana jāi~ na pāvā ||
prabhu pada sapatha kahau~ sati bhāū| jaga maṃgala hita eka upāū ||
do. prabhu prasanna mana sakuca taji jo jehi āyasu deba|
so sira dhari dhari karihi sabu miṭihi anaṭa avareba || 269 ||
bharata bacana suci suni sura haraṣe| sādhu sarāhi sumana sura baraṣe ||
asamaṃjasa basa avadha nevāsī| pramudita mana tāpasa banabāsī ||
cupahiṃ rahe raghunātha sa~kocī| prabhu gati dekhi sabhā saba socī ||
janaka dūta tehi avasara āe| muni basiṣṭha~ suni begi bolāe ||
kari pranāma tinha rāmu nihāre| beṣu dekhi bhae nipaṭa dukhāre ||
dūtanha munibara būjhī bātā| kahahu bideha bhūpa kusalātā ||
suni sakucāi nāi mahi māthā| bole cara bara joreṃ hāthā ||
būjhaba rāura sādara sāīṃ| kusala hetu so bhayau gosāīṃ ||
do. nāhi ta kosala nātha keṃ sātha kusala gai nātha|
mithilā avadha biseṣa teṃ jagu saba bhayau anātha || 270 ||
kosalapati gati suni janakaurā| bhe saba loka soka basa baurā ||
jehiṃ dekhe tehi samaya bidehū| nāmu satya asa lāga na kehū ||
rāni kucāli sunata narapālahi| sūjha na kachu jasa mani binu byālahi ||
bharata rāja raghubara banabāsū| bhā mithilesahi hṛdaya~ harā~sū ||
nṛpa būjhe budha saciva samājū| kahahu bicāri ucita kā ājū ||
samujhi avadha asamaṃjasa doū| calia ki rahia na kaha kachu koū ||
nṛpahi dhīra dhari hṛdaya~ bicārī| paṭhae avadha catura cara cārī ||
būjhi bharata sati bhāu kubhāū| āehu begi na hoi lakhāū ||
do. gae avadha cara bharata gati būjhi dekhi karatūti|
cale citrakūṭahi bharatu cāra cale terahūti || 271 ||
dūtanha āi bharata kai karanī| janaka samāja jathāmati baranī ||
suni gura parijana saciva mahīpati| bhe saba soca saneha~ bikala ati ||
dhari dhīraju kari bharata baṛāī| lie subhaṭa sāhanī bolāī ||
ghara pura desa rākhi rakhavāre| haya gaya ratha bahu jāna sa~vāre ||
dugharī sādhi cale tatakālā| kie biśrāmu na maga mahīpālā ||
bhorahiṃ āju nahāi prayāgā| cale jamuna utarana sabu lāgā ||
khabari lena hama paṭhae nāthā| tinha kahi asa mahi nāyau māthā ||
sātha kirāta cha sātaka dīnhe| munibara turata bidā cara kīnhe ||
do. sunata janaka āgavanu sabu haraṣeu avadha samāju|
raghunaṃdanahi sakocu baṛa soca bibasa surarāju || 272 ||
garai galāni kuṭila kaikeī| kāhi kahai kehi dūṣanu deī ||
asa mana āni mudita nara nārī| bhayau bahori rahaba dina cārī ||
ehi prakāra gata bāsara soū| prāta nahāna lāga sabu koū ||
kari majjanu pūjahiṃ nara nārī| ganapa gauri tipurāri tamārī ||
ramā ramana pada baṃdi bahorī| binavahiṃ aṃjuli aṃcala jorī ||
rājā rāmu jānakī rānī| āna~da avadhi avadha rajadhānī ||
subasa basau phiri sahita samājā| bharatahi rāmu karahu~ jubarājā ||
ehi sukha sudhā~ sīṃcī saba kāhū| deva dehu jaga jīvana lāhū ||
do. gura samāja bhāinha sahita rāma rāju pura hou|
achata rāma rājā avadha maria māga sabu kou || 273 ||
suni sanehamaya purajana bānī| niṃdahiṃ joga birati muni gyānī ||
ehi bidhi nityakarama kari purajana| rāmahi karahiṃ pranāma pulaki tana ||
ū~ca nīca madhyama nara nārī| lahahiṃ darasu nija nija anuhārī ||
sāvadhāna sabahī sanamānahiṃ| sakala sarāhata kṛpānidhānahiṃ ||
larikāihi te raghubara bānī| pālata nīti prīti pahicānī ||
sīla sakoca siṃdhu raghurāū| sumukha sulocana sarala subhāū ||
kahata rāma guna gana anurāge| saba nija bhāga sarāhana lāge ||
hama sama punya puṃja jaga thore| jinhahi rāmu jānata kari more ||
do. prema magana tehi samaya saba suni āvata mithilesu|
sahita sabhā saṃbhrama uṭheu rabikula kamala dinesu || 274 ||
bhāi saciva gura purajana sāthā| āgeṃ gavanu kīnha raghunāthā ||
giribaru dīkha janakapati jabahīṃ| kari pranāma ratha tyāgeu tabahīṃ ||
rāma darasa lālasā uchāhū| patha śrama lesu kalesu na kāhū ||
mana taha~ jaha~ raghubara baidehī| binu mana tana dukha sukha sudhi kehī ||
āvata janaku cale ehi bhā~tī| sahita samāja prema mati mātī ||
āe nikaṭa dekhi anurāge| sādara milana parasapara lāge ||
lage janaka munijana pada baṃdana| riṣinha pranāmu kīnha raghunaṃdana ||
bhāinha sahita rāmu mili rājahi| cale lavāi sameta samājahi ||
do. āśrama sāgara sāṃta rasa pūrana pāvana pāthu|
sena manahu~ karunā sarita lie~ jāhiṃ raghunāthu || 275 ||
borati gyāna birāga karāre| bacana sasoka milata nada nāre ||
soca usāsa samīra taṃragā| dhīraja taṭa tarubara kara bhaṃgā ||
biṣama biṣāda torāvati dhārā| bhaya bhrama bhava~ra abarta apārā ||
kevaṭa budha bidyā baṛi nāvā| sakahiṃ na khei aika nahiṃ āvā ||
banacara kola kirāta bicāre| thake biloki pathika hiya~ hāre ||
āśrama udadhi milī jaba jāī| manahu~ uṭheu aṃbudhi akulāī ||
soka bikala dou rāja samājā| rahā na gyānu na dhīraju lājā ||
bhūpa rūpa guna sīla sarāhī| rovahiṃ soka siṃdhu avagāhī ||
chaṃ. avagāhi soka samudra socahiṃ nāri nara byākula mahā|
dai doṣa sakala saroṣa bolahiṃ bāma bidhi kīnho kahā ||
sura siddha tāpasa jogijana muni dekhi dasā bideha kī|
tulasī na samarathu kou jo tari sakai sarita saneha kī ||
so. kie amita upadesa jaha~ taha~ loganha munibaranha|
dhīraju dharia naresa kaheu basiṣṭha bideha sana || 276 ||
jāsu gyānu rabi bhava nisi nāsā| bacana kirana muni kamala bikāsā ||
tehi ki moha mamatā niarāī| yaha siya rāma saneha baṛāī ||
biṣaī sādhaka siddha sayāne| tribidha jīva jaga beda bakhāne ||
rāma saneha sarasa mana jāsū| sādhu sabhā~ baṛa ādara tāsū ||
soha na rāma pema binu gyānū| karanadhāra binu jimi jalajānū ||
muni bahubidhi bidehu samujhāe| rāmaghāṭa saba loga nahāe ||
sakala soka saṃkula nara nārī| so bāsaru bīteu binu bārī ||
pasu khaga mṛganha na kīnha ahārū| priya parijana kara kauna bicārū ||
do. dou samāja nimirāju raghurāju nahāne prāta|
baiṭhe saba baṭa biṭapa tara mana malīna kṛsa gāta || 277 ||
je mahisura dasaratha pura bāsī| je mithilāpati nagara nivāsī ||
haṃsa baṃsa gura janaka purodhā| jinha jaga magu paramārathu sodhā ||
lage kahana upadesa anekā| sahita dharama naya birati bibekā ||
kausika kahi kahi kathā purānīṃ| samujhāī saba sabhā subānīṃ ||
taba raghunātha kosikahi kaheū| nātha kāli jala binu sabu raheū ||
muni kaha ucita kahata raghurāī| gayau bīti dina pahara aṛhāī ||
riṣi rukha lakhi kaha terahutirājū| ihā~ ucita nahiṃ asana anājū ||
kahā bhūpa bhala sabahi sohānā| pāi rajāyasu cale nahānā ||
do. tehi avasara phala phūla dala mūla aneka prakāra|
lai āe banacara bipula bhari bhari kā~vari bhāra || 278 ||
kāmada me giri rāma prasādā| avalokata apaharata biṣādā ||
sara saritā bana bhūmi bibhāgā| janu umagata āna~da anurāgā ||
beli biṭapa saba saphala saphūlā| bolata khaga mṛga ali anukūlā ||
tehi avasara bana adhika uchāhū| tribidha samīra sukhada saba kāhū ||
jāi na barani manoharatāī| janu mahi karati janaka pahunāī ||
taba saba loga nahāi nahāī| rāma janaka muni āyasu pāī ||
dekhi dekhi tarubara anurāge| jaha~ taha~ purajana utarana lāge ||
dala phala mūla kaṃda bidhi nānā| pāvana suṃdara sudhā samānā ||
do. sādara saba kaha~ rāmagura paṭhae bhari bhari bhāra|
pūji pitara sura atithi gura lage karana pharahāra || 279 ||
ehi bidhi bāsara bīte cārī| rāmu nirakhi nara nāri sukhārī ||
duhu samāja asi ruci mana māhīṃ| binu siya rāma phiraba bhala nāhīṃ ||
sītā rāma saṃga banabāsū| koṭi amarapura sarisa supāsū ||
parihari lakhana rāmu baidehī| jehi gharu bhāva bāma bidhi tehī ||
dāhina daiu hoi jaba sabahī| rāma samīpa basia bana tabahī ||
maṃdākini majjanu tihu kālā| rāma darasu muda maṃgala mālā ||
aṭanu rāma giri bana tāpasa thala| asanu amia sama kaṃda mūla phala ||
sukha sameta saṃbata dui sātā| pala sama hohiṃ na janiahiṃ jātā ||
do. ehi sukha joga na loga saba kahahiṃ kahā~ asa bhāgu ||
sahaja subhāya~ samāja duhu rāma carana anurāgu || 280 ||
ehi bidhi sakala manoratha karahīṃ| bacana saprema sunata mana harahīṃ ||
sīya mātu tehi samaya paṭhāīṃ| dāsīṃ dekhi suavasaru āīṃ ||
sāvakāsa suni saba siya sāsū| āyau janakarāja ranivāsū ||
kausalyā~ sādara sanamānī| āsana die samaya sama ānī ||
sīlu saneha sakala duhu orā| dravahiṃ dekhi suni kulisa kaṭhorā ||
pulaka sithila tana bāri bilocana| mahi nakha likhana lagīṃ saba socana ||
saba siya rāma prīti ki si mūratī| janu karunā bahu beṣa bisūrati ||
sīya mātu kaha bidhi budhi bā~kī| jo paya phenu phora pabi ṭā~kī ||
do. sunia sudhā dekhiahiṃ garala saba karatūti karāla|
jaha~ taha~ kāka ulūka baka mānasa sakṛta marāla || 281 ||
suni sasoca kaha debi sumitrā| bidhi gati baṛi biparīta bicitrā ||
jo sṛji pālai harai bahorī| bāla keli sama bidhi mati bhorī ||
kausalyā kaha dosu na kāhū| karama bibasa dukha sukha chati lāhū ||
kaṭhina karama gati jāna bidhātā| jo subha asubha sakala phala dātā ||
īsa rajāi sīsa sabahī keṃ| utapati thiti laya biṣahu amī keṃ ||
debi moha basa socia bādī| bidhi prapaṃcu asa acala anādī ||
bhūpati jiaba maraba ura ānī| socia sakhi lakhi nija hita hānī ||
sīya mātu kaha satya subānī| sukṛtī avadhi avadhapati rānī ||
do. lakhanu rāma siya jāhu~ bana bhala parināma na pocu|
gahabari hiya~ kaha kausilā mohi bharata kara socu || 282 ||
īsa prasāda asīsa tumhārī| suta sutabadhū devasari bārī ||
rāma sapatha maiṃ kīnha na kāū| so kari kahau~ sakhī sati bhāū ||
bharata sīla guna binaya baṛāī| bhāyapa bhagati bharosa bhalāī ||
kahata sāradahu kara mati hīce| sāgara sīpa ki jāhiṃ ulīce ||
jānau~ sadā bharata kuladīpā| bāra bāra mohi kaheu mahīpā ||
kaseṃ kanaku mani pārikhi pāe~| puruṣa parikhiahiṃ samaya~ subhāe~|
anucita āju kahaba asa morā| soka saneha~ sayānapa thorā ||
suni surasari sama pāvani bānī| bhaīṃ saneha bikala saba rānī ||
do. kausalyā kaha dhīra dhari sunahu debi mithilesi|
ko bibekanidhi ballabhahi tumhahi sakai upadesi || 283 ||
rāni rāya sana avasaru pāī| apanī bhā~ti kahaba samujhāī ||
rakhiahiṃ lakhanu bharatu gabanahiṃ bana| jauṃ yaha mata mānai mahīpa mana ||
tau bhala jatanu karaba subicārī| moreṃ saucu bharata kara bhārī ||
gūṛha saneha bharata mana māhī| raheṃ nīka mohi lāgata nāhīṃ ||
lakhi subhāu suni sarala subānī| saba bhai magana karuna rasa rānī ||
nabha prasūna jhari dhanya dhanya dhuni| sithila saneha~ siddha jogī muni ||
sabu ranivāsu bithaki lakhi raheū| taba dhari dhīra sumitrā~ kaheū ||
debi daṃḍa juga jāmini bītī| rāma mātu sunī uṭhī saprītī ||
do. begi pāu dhāria thalahi kaha saneha~ satibhāya|
hamareṃ tau aba īsa gati ke mithilesa sahāya || 284 ||
lakhi saneha suni bacana binītā| janakapriyā gaha pāya punītā ||
debi ucita asi binaya tumhārī| dasaratha gharini rāma mahatārī ||
prabhu apane nīcahu ādarahīṃ| agini dhūma giri sira tinu dharahīṃ ||
sevaku rāu karama mana bānī| sadā sahāya mahesu bhavānī ||
raure aṃga jogu jaga ko hai| dīpa sahāya ki dinakara sohai ||
rāmu jāi banu kari sura kājū| acala avadhapura karihahiṃ rājū ||
amara nāga nara rāma bāhubala| sukha basihahiṃ apaneṃ apane thala ||
yaha saba jāgabalika kahi rākhā| debi na hoi mudhā muni bhāṣā ||
do. asa kahi paga pari pema ati siya hita binaya sunāi ||
siya sameta siyamātu taba calī suāyasu pāi || 285 ||
priya parijanahi milī baidehī| jo jehi jogu bhā~ti tehi tehī ||
tāpasa beṣa jānakī dekhī| bhā sabu bikala biṣāda biseṣī ||
janaka rāma gura āyasu pāī| cale thalahi siya dekhī āī ||
līnhi lāi ura janaka jānakī| pāhuna pāvana pema prāna kī ||
ura umageu aṃbudhi anurāgū| bhayau bhūpa manu manahu~ payāgū ||
siya saneha baṭu bāṛhata johā| tā para rāma pema sisu sohā ||
cirajīvī muni gyāna bikala janu| būṛata laheu bāla avalaṃbanu ||
moha magana mati nahiṃ bideha kī| mahimā siya raghubara saneha kī ||
do. siya pitu mātu saneha basa bikala na sakī sa~bhāri|
dharanisutā~ dhīraju dhareu samau sudharamu bicāri || 286 ||
tāpasa beṣa janaka siya dekhī| bhayau pemu paritoṣu biseṣī ||
putri pavitra kie kula doū| sujasa dhavala jagu kaha sabu koū ||
jiti surasari kīrati sari torī| gavanu kīnha bidhi aṃḍa karorī ||
gaṃga avani thala tīni baṛere| ehiṃ kie sādhu samāja ghanere ||
pitu kaha satya saneha~ subānī| sīya sakuca mahu~ manahu~ samānī ||
puni pitu mātu līnha ura lāī| sikha āsiṣa hita dīnhi suhāī ||
kahati na sīya sakuci mana māhīṃ| ihā~ basaba rajanīṃ bhala nāhīṃ ||
lakhi rukha rāni janāyau rāū| hṛdaya~ sarāhata sīlu subhāū ||
do. bāra bāra mili bheṃṭa siya bidā kīnha sanamāni|
kahī samaya sira bharata gati rāni subāni sayāni || 287 ||
suni bhūpāla bharata byavahārū| sona sugaṃdha sudhā sasi sārū ||
mūde sajala nayana pulake tana| sujasu sarāhana lage mudita mana ||
sāvadhāna sunu sumukhi sulocani| bharata kathā bhava baṃdha bimocani ||
dharama rājanaya brahmabicārū| ihā~ jathāmati mora pracārū ||
so mati mori bharata mahimāhī| kahai kāha chali chuati na chā~hī ||
bidhi ganapati ahipati siva sārada| kabi kobida budha buddhi bisārada ||
bharata carita kīrati karatūtī| dharama sīla guna bimala bibhūtī ||
samujhata sunata sukhada saba kāhū| suci surasari ruci nidara sudhāhū ||
do. niravadhi guna nirupama puruṣu bharatu bharata sama jāni|
kahia sumeru ki sera sama kabikula mati sakucāni || 288 ||
agama sabahi baranata barabaranī| jimi jalahīna mīna gamu dharanī ||
bharata amita mahimā sunu rānī| jānahiṃ rāmu na sakahiṃ bakhānī ||
barani saprema bharata anubhāū| tiya jiya kī ruci lakhi kaha rāū ||
bahurahiṃ lakhanu bharatu bana jāhīṃ| saba kara bhala saba ke mana māhīṃ ||
debi paraṃtu bharata raghubara kī| prīti pratīti jāi nahiṃ tarakī ||
bharatu avadhi saneha mamatā kī| jadyapi rāmu sīma samatā kī ||
paramāratha svāratha sukha sāre| bharata na sapanehu~ manahu~ nihāre ||
sādhana siddha rāma paga nehū || mohi lakhi parata bharata mata ehū ||
do. bhorehu~ bharata na pelihahiṃ manasahu~ rāma rajāi|
karia na socu saneha basa kaheu bhūpa bilakhāi || 289 ||
rāma bharata guna ganata saprītī| nisi daṃpatihi palaka sama bītī ||
rāja samāja prāta juga jāge| nhāi nhāi sura pūjana lāge ||
ge nahāi gura pahīṃ raghurāī| baṃdi carana bole rukha pāī ||
nātha bharatu purajana mahatārī| soka bikala banabāsa dukhārī ||
sahita samāja rāu mithilesū| bahuta divasa bhae sahata kalesū ||
ucita hoi soi kījia nāthā| hita sabahī kara raureṃ hāthā ||
asa kahi ati sakuce raghurāū| muni pulake lakhi sīlu subhāū ||
tumha binu rāma sakala sukha sājā| naraka sarisa duhu rāja samājā ||
do. prāna prāna ke jīva ke jiva sukha ke sukha rāma|
tumha taji tāta sohāta gṛha jinhahi tinhahiṃ bidhi bāma || 290 ||
so sukhu karamu dharamu jari jāū| jaha~ na rāma pada paṃkaja bhāū ||
jogu kujogu gyānu agyānū| jaha~ nahiṃ rāma pema paradhānū ||
tumha binu dukhī sukhī tumha tehīṃ| tumha jānahu jiya jo jehi kehīṃ ||
rāura āyasu sira sabahī keṃ| bidita kṛpālahi gati saba nīkeṃ ||
āpu āśramahi dhāria pāū| bhayau saneha sithila munirāū ||
kari pranāma taba rāmu sidhāe| riṣi dhari dhīra janaka pahiṃ āe ||
rāma bacana guru nṛpahi sunāe| sīla saneha subhāya~ suhāe ||
mahārāja aba kījia soī| saba kara dharama sahita hita hoī|
do. gyāna nidhāna sujāna suci dharama dhīra narapāla|
tumha binu asamaṃjasa samana ko samaratha ehi kāla || 291 ||
suni muni bacana janaka anurāge| lakhi gati gyānu birāgu birāge ||
sithila saneha~ gunata mana māhīṃ| āe ihā~ kīnha bhala nāhī ||
rāmahi rāya~ kaheu bana jānā| kīnha āpu priya prema pravānā ||
hama aba bana teṃ banahi paṭhāī| pramudita phiraba bibeka baṛāī ||
tāpasa muni mahisura suni dekhī| bhae prema basa bikala biseṣī ||
samau samujhi dhari dhīraju rājā| cale bharata pahiṃ sahita samājā ||
bharata āi āgeṃ bhai līnhe| avasara sarisa suāsana dīnhe ||
tāta bharata kaha terahuti rāū| tumhahi bidita raghubīra subhāū ||
do. rāma satyabrata dharama rata saba kara sīlu sanehu ||
saṃkaṭa sahata sakoca basa kahia jo āyasu dehu || 292 ||
suni tana pulaki nayana bhari bārī| bole bharatu dhīra dhari bhārī ||
prabhu priya pūjya pitā sama āpū| kulaguru sama hita māya na bāpū ||
kausikādi muni saciva samājū| gyāna aṃbunidhi āpunu ājū ||
sisu sevaka āyasu anugāmī| jāni mohi sikha deia svāmī ||
ehiṃ samāja thala būjhaba rāura| mauna malina maiṃ bolaba bāura ||
choṭe badana kahau~ baṛi bātā| chamaba tāta lakhi bāma bidhātā ||
āgama nigama prasiddha purānā| sevādharamu kaṭhina jagu jānā ||
svāmi dharama svārathahi birodhū| bairu aṃdha premahi na prabodhū ||
do. rākhi rāma rukha dharamu bratu parādhīna mohi jāni|
saba keṃ saṃmata sarba hita karia pemu pahicāni || 293 ||
bharata bacana suni dekhi subhāū| sahita samāja sarāhata rāū ||
sugama agama mṛdu maṃju kaṭhore| arathu amita ati ākhara thore ||
jyau mukha mukura mukuru nija pānī| gahi na jāi asa adabhuta bānī ||
bhūpa bharata muni sahita samājū| ge jaha~ bibudha kumuda dvijarājū ||
suni sudhi soca bikala saba logā| manahu~ mīnagana nava jala jogā ||
deva~ prathama kulagura gati dekhī| nirakhi bideha saneha biseṣī ||
rāma bhagatimaya bharatu nihāre| sura svārathī hahari hiya~ hāre ||
saba kou rāma pemamaya pekhā| bhau alekha soca basa lekhā ||
do. rāmu saneha sakoca basa kaha sasoca surarāja|
racahu prapaṃcahi paṃca mili nāhiṃ ta bhayau akāju || 294 ||
suranha sumiri sāradā sarāhī| debi deva saranāgata pāhī ||
pheri bharata mati kari nija māyā| pālu bibudha kula kari chala chāyā ||
bibudha binaya suni debi sayānī| bolī sura svāratha jaṛa jānī ||
mo sana kahahu bharata mati pherū| locana sahasa na sūjha sumerū ||
bidhi hari hara māyā baṛi bhārī| sou na bharata mati sakai nihārī ||
so mati mohi kahata karu bhorī| caṃdini kara ki caṃḍakara corī ||
bharata hṛdaya~ siya rāma nivāsū| taha~ ki timira jaha~ tarani prakāsū ||
asa kahi sārada gai bidhi lokā| bibudha bikala nisi mānahu~ kokā ||
do. sura svārathī malīna mana kīnha kumaṃtra kuṭhāṭu ||
raci prapaṃca māyā prabala bhaya bhrama arati ucāṭu || 295 ||
kari kucāli socata surarājū| bharata hātha sabu kāju akājū ||
gae janaku raghunātha samīpā| sanamāne saba rabikula dīpā ||
samaya samāja dharama abirodhā| bole taba raghubaṃsa purodhā ||
janaka bharata saṃbādu sunāī| bharata kahāuti kahī suhāī ||
tāta rāma jasa āyasu dehū| so sabu karai mora mata ehū ||
suni raghunātha jori juga pānī| bole satya sarala mṛdu bānī ||
bidyamāna āpuni mithilesū| mora kahaba saba bhā~ti bhadesū ||
rāura rāya rajāyasu hoī| rāuri sapatha sahī sira soī ||
do. rāma sapatha suni muni janaku sakuce sabhā sameta|
sakala bilokata bharata mukhu banai na utaru deta || 296 ||
sabhā sakuca basa bharata nihārī| rāmabaṃdhu dhari dhīraju bhārī ||
kusamau dekhi sanehu sa~bhārā| baṛhata biṃdhi jimi ghaṭaja nivārā ||
soka kanakalocana mati chonī| harī bimala guna gana jagajonī ||
bharata bibeka barāha~ bisālā| anāyāsa udharī tehi kālā ||
kari pranāmu saba kaha~ kara jore| rāmu rāu gura sādhu nihore ||
chamaba āju ati anucita morā| kahau~ badana mṛdu bacana kaṭhorā ||
hiya~ sumirī sāradā suhāī| mānasa teṃ mukha paṃkaja āī ||
bimala bibeka dharama naya sālī| bharata bhāratī maṃju marālī ||
do. nirakhi bibeka bilocananhi sithila saneha~ samāju|
kari pranāmu bole bharatu sumiri sīya raghurāju || 297 ||
prabhu pitu mātu suhrada gura svāmī| pūjya parama hita ataṃrajāmī ||
sarala susāhibu sīla nidhānū| pranatapāla sarbagya sujānū ||
samaratha saranāgata hitakārī| gunagāhaku avaguna agha hārī ||
svāmi gosā~ihi sarisa gosāī| mohi samāna maiṃ sāi~ dohāī ||
prabhu pitu bacana moha basa pelī| āyau~ ihā~ samāju sakelī ||
jaga bhala poca ū~ca aru nīcū| amia amarapada māhuru mīcū ||
rāma rajāi meṭa mana māhīṃ| dekhā sunā katahu~ kou nāhīṃ ||
so maiṃ saba bidhi kīnhi ḍhiṭhāī| prabhu mānī saneha sevakāī ||
do. kṛpā~ bhalāī āpanī nātha kīnha bhala mora|
dūṣana bhe bhūṣana sarisa sujasu cāru cahu ora || 298 ||
rāuri rīti subāni baṛāī| jagata bidita nigamāgama gāī ||
kūra kuṭila khala kumati kalaṃkī| nīca nisīla nirīsa nisaṃkī ||
teu suni sarana sāmuheṃ āe| sakṛta pranāmu kiheṃ apanāe ||
dekhi doṣa kabahu~ na ura āne| suni guna sādhu samāja bakhāne ||
ko sāhiba sevakahi nevājī| āpu samāja sāja saba sājī ||
nija karatūti na samujhia sapaneṃ| sevaka sakuca socu ura apaneṃ ||
so gosāi~ nahi dūsara kopī| bhujā uṭhāi kahau~ pana ropī ||
pasu nācata suka pāṭha prabīnā| guna gati naṭa pāṭhaka ādhīnā ||
do. yoṃ sudhāri sanamāni jana kie sādhu siramora|
ko kṛpāla binu pālihai biridāvali barajora || 299 ||
soka saneha~ ki bāla subhāe~| āyau~ lāi rajāyasu bāe~ ||
tabahu~ kṛpāla heri nija orā| sabahi bhā~ti bhala māneu morā ||
dekheu~ pāya sumaṃgala mūlā| jāneu~ svāmi sahaja anukūlā ||
baṛeṃ samāja bilokeu~ bhāgū| baṛīṃ cūka sāhiba anurāgū ||
kṛpā anugraha aṃgu aghāī| kīnhi kṛpānidhi saba adhikāī ||
rākhā mora dulāra gosāīṃ| apaneṃ sīla subhāya~ bhalāīṃ ||
nātha nipaṭa maiṃ kīnhi ḍhiṭhāī| svāmi samāja sakoca bihāī ||
abinaya binaya jathāruci bānī| chamihi deu ati ārati jānī ||
do. suhrada sujāna susāhibahi bahuta kahaba baṛi khori|
āyasu deia deva aba sabai sudhārī mori || 300 ||
prabhu pada paduma parāga dohāī| satya sukṛta sukha sīva~ suhāī ||
so kari kahau~ hie apane kī| ruci jāgata sovata sapane kī ||
sahaja saneha~ svāmi sevakāī| svāratha chala phala cāri bihāī ||
agyā sama na susāhiba sevā| so prasādu jana pāvai devā ||
asa kahi prema bibasa bhae bhārī| pulaka sarīra bilocana bārī ||
prabhu pada kamala gahe akulāī| samau sanehu na so kahi jāī ||
kṛpāsiṃdhu sanamāni subānī| baiṭhāe samīpa gahi pānī ||
bharata binaya suni dekhi subhāū| sithila saneha~ sabhā raghurāū ||
chaṃ. raghurāu sithila saneha~ sādhu samāja muni mithilā dhanī|
mana mahu~ sarāhata bharata bhāyapa bhagati kī mahimā ghanī ||
bharatahi prasaṃsata bibudha baraṣata sumana mānasa malina se|
tulasī bikala saba loga suni sakuce nisāgama nalina se ||
so. dekhi dukhārī dīna duhu samāja nara nāri saba|
maghavā mahā malīna mue māri maṃgala cahata || 301 ||
kapaṭa kucāli sīva~ surarājū| para akāja priya āpana kājū ||
kāka samāna pākaripu rītī| chalī malīna katahu~ na pratītī ||
prathama kumata kari kapaṭu sa~kelā| so ucāṭu saba keṃ sira melā ||
suramāyā~ saba loga bimohe| rāma prema atisaya na bichohe ||
bhaya ucāṭa basa mana thira nāhīṃ| chana bana ruci chana sadana sohāhīṃ ||
dubidha manogati prajā dukhārī| sarita siṃdhu saṃgama janu bārī ||
ducita katahu~ paritoṣu na lahahīṃ| eka eka sana maramu na kahahīṃ ||
lakhi hiya~ ha~si kaha kṛpānidhānū| sarisa svāna maghavāna jubānū ||
do. bharatu janaku munijana saciva sādhu saceta bihāi|
lāgi devamāyā sabahi jathājogu janu pāi || 302 ||
kṛpāsiṃdhu lakhi loga dukhāre| nija saneha~ surapati chala bhāre ||
sabhā rāu gura mahisura maṃtrī| bharata bhagati saba kai mati jaṃtrī ||
rāmahi citavata citra likhe se| sakucata bolata bacana sikhe se ||
bharata prīti nati binaya baṛāī| sunata sukhada baranata kaṭhināī ||
jāsu biloki bhagati lavalesū| prema magana munigana mithilesū ||
mahimā tāsu kahai kimi tulasī| bhagati subhāya~ sumati hiya~ hulasī ||
āpu choṭi mahimā baṛi jānī| kabikula kāni māni sakucānī ||
kahi na sakati guna ruci adhikāī| mati gati bāla bacana kī nāī ||
do. bharata bimala jasu bimala bidhu sumati cakorakumāri|
udita bimala jana hṛdaya nabha ekaṭaka rahī nihāri || 303 ||
bharata subhāu na sugama nigamahū~| laghu mati cāpalatā kabi chamahū~ ||
kahata sunata sati bhāu bharata ko| sīya rāma pada hoi na rata ko ||
sumirata bharatahi premu rāma ko| jehi na sulabha tehi sarisa bāma ko ||
dekhi dayāla dasā sabahī kī| rāma sujāna jāni jana jī kī ||
dharama dhurīna dhīra naya nāgara| satya saneha sīla sukha sāgara ||
desu kāla lakhi samau samājū| nīti prīti pālaka raghurājū ||
bole bacana bāni sarabasu se| hita parināma sunata sasi rasu se ||
tāta bharata tumha dharama dhurīnā| loka beda bida prema prabīnā ||
do. karama bacana mānasa bimala tumha samāna tumha tāta|
gura samāja laghu baṃdhu guna kusamaya~ kimi kahi jāta || 304 ||
jānahu tāta tarani kula rītī| satyasaṃdha pitu kīrati prītī ||
samau samāju lāja gurujana kī| udāsīna hita anahita mana kī ||
tumhahi bidita sabahī kara karamū| āpana mora parama hita dharamū ||
mohi saba bhā~ti bharosa tumhārā| tadapi kahau~ avasara anusārā ||
tāta tāta binu bāta hamārī| kevala gurukula kṛpā~ sa~bhārī ||
nataru prajā parijana parivārū| hamahi sahita sabu hota khuārū ||
jauṃ binu avasara athava~ dinesū| jaga kehi kahahu na hoi kalesū ||
tasa utapātu tāta bidhi kīnhā| muni mithilesa rākhi sabu līnhā ||
do. rāja kāja saba lāja pati dharama dharani dhana dhāma|
gura prabhāu pālihi sabahi bhala hoihi parināma || 305 ||
sahita samāja tumhāra hamārā| ghara bana gura prasāda rakhavārā ||
mātu pitā gura svāmi nidesū| sakala dharama dharanīdhara sesū ||
so tumha karahu karāvahu mohū| tāta taranikula pālaka hohū ||
sādhaka eka sakala sidhi denī| kīrati sugati bhūtimaya benī ||
so bicāri sahi saṃkaṭu bhārī| karahu prajā parivāru sukhārī ||
bā~ṭī bipati sabahiṃ mohi bhāī| tumhahi avadhi bhari baṛi kaṭhināī ||
jāni tumhahi mṛdu kahau~ kaṭhorā| kusamaya~ tāta na anucita morā ||
hohiṃ kuṭhāya~ subaṃdhu suhāe| oṛiahiṃ hātha asanihu ke ghāe ||
do. sevaka kara pada nayana se mukha so sāhibu hoi|
tulasī prīti ki rīti suni sukabi sarāhahiṃ soi || 306 ||
sabhā sakala suni raghubara bānī| prema payodhi amia janu sānī ||
sithila samāja saneha samādhī| dekhi dasā cupa sārada sādhī ||
bharatahi bhayau parama saṃtoṣū| sanamukha svāmi bimukha dukha doṣū ||
mukha prasanna mana miṭā biṣādū| bhā janu gū~gehi girā prasādū ||
kīnha saprema pranāmu bahorī| bole pāni paṃkaruha jorī ||
nātha bhayau sukhu sātha gae ko| laheu~ lāhu jaga janamu bhae ko ||
aba kṛpāla jasa āyasu hoī| karauṃ sīsa dhari sādara soī ||
so avalaṃba deva mohi deī| avadhi pāru pāvauṃ jehi seī ||
do. deva deva abhiṣeka hita gura anusāsanu pāi|
āneu~ saba tīratha salilu tehi kaha~ kāha rajāi || 307 ||
eku manorathu baṛa mana māhīṃ| sabhaya~ sakoca jāta kahi nāhīṃ ||
kahahu tāta prabhu āyasu pāī| bole bāni saneha suhāī ||
citrakūṭa suci thala tīratha bana| khaga mṛga sara sari nirjhara girigana ||
prabhu pada aṃkita avani biseṣī| āyasu hoi ta āvauṃ dekhī ||
avasi atri āyasu sira dharahū| tāta bigatabhaya kānana carahū ||
muni prasāda banu maṃgala dātā| pāvana parama suhāvana bhrātā ||
riṣināyaku jaha~ āyasu dehīṃ| rākhehu tīratha jalu thala tehīṃ ||
suni prabhu bacana bharata sukha pāvā| muni pada kamala mudita siru nāvā ||
do. bharata rāma saṃbādu suni sakala sumaṃgala mūla|
sura svārathī sarāhi kula baraṣata surataru phūla || 308 ||
dhanya bharata jaya rāma gosāīṃ| kahata deva haraṣata bariāī|
muni mithilesa sabhā~ saba kāhū| bharata bacana suni bhayau uchāhū ||
bharata rāma guna grāma sanehū| pulaki prasaṃsata rāu bidehū ||
sevaka svāmi subhāu suhāvana| nemu pemu ati pāvana pāvana ||
mati anusāra sarāhana lāge| saciva sabhāsada saba anurāge ||
suni suni rāma bharata saṃbādū| duhu samāja hiya~ haraṣu biṣādū ||
rāma mātu dukhu sukhu sama jānī| kahi guna rāma prabodhīṃ rānī ||
eka kahahiṃ raghubīra baṛāī| eka sarāhata bharata bhalāī ||
do. atri kaheu taba bharata sana saila samīpa sukūpa|
rākhia tīratha toya taha~ pāvana amia anūpa || 309 ||
bharata atri anusāsana pāī| jala bhājana saba die calāī ||
sānuja āpu atri muni sādhū| sahita gae jaha~ kūpa agādhū ||
pāvana pātha punyathala rākhā| pramudita prema atri asa bhāṣā ||
tāta anādi siddha thala ehū| lopeu kāla bidita nahiṃ kehū ||
taba sevakanha sarasa thalu dekhā| kinha sujala hita kūpa biseṣā ||
bidhi basa bhayau bisva upakārū| sugama agama ati dharama bicārū ||
bharatakūpa aba kahihahiṃ logā| ati pāvana tīratha jala jogā ||
prema sanema nimajjata prānī| hoihahiṃ bimala karama mana bānī ||
do. kahata kūpa mahimā sakala gae jahā~ raghurāu|
atri sunāyau raghubarahi tīratha punya prabhāu || 310 ||
kahata dharama itihāsa saprītī| bhayau bhoru nisi so sukha bītī ||
nitya nibāhi bharata dou bhāī| rāma atri gura āyasu pāī ||
sahita samāja sāja saba sādeṃ| cale rāma bana aṭana payādeṃ ||
komala carana calata binu panahīṃ| bhai mṛdu bhūmi sakuci mana manahīṃ ||
kusa kaṃṭaka kā~karīṃ kurāīṃ| kaṭuka kaṭhora kubastu durāīṃ ||
mahi maṃjula mṛdu māraga kīnhe| bahata samīra tribidha sukha līnhe ||
sumana baraṣi sura ghana kari chāhīṃ| biṭapa phūli phali tṛna mṛdutāhīṃ ||
mṛga biloki khaga boli subānī| sevahiṃ sakala rāma priya jānī ||
do. sulabha siddhi saba prākṛtahu rāma kahata jamuhāta|
rāma prāna priya bharata kahu~ yaha na hoi baṛi bāta || 311 ||
ehi bidhi bharatu phirata bana māhīṃ| nemu premu lakhi muni sakucāhīṃ ||
punya jalāśraya bhūmi bibhāgā| khaga mṛga taru tṛna giri bana bāgā ||
cāru bicitra pabitra biseṣī| būjhata bharatu dibya saba dekhī ||
suni mana mudita kahata riṣirāū| hetu nāma guna punya prabhāū ||
katahu~ nimajjana katahu~ pranāmā| katahu~ bilokata mana abhirāmā ||
katahu~ baiṭhi muni āyasu pāī| sumirata sīya sahita dou bhāī ||
dekhi subhāu sanehu susevā| dehiṃ asīsa mudita banadevā ||
phirahiṃ gae~ dinu pahara aṛhāī| prabhu pada kamala bilokahiṃ āī ||
do. dekhe thala tīratha sakala bharata pā~ca dina mājha|
kahata sunata hari hara sujasu gayau divasu bhai sā~jha || 312 ||
bhora nhāi sabu jurā samājū| bharata bhūmisura terahuti rājū ||
bhala dina āju jāni mana māhīṃ| rāmu kṛpāla kahata sakucāhīṃ ||
gura nṛpa bharata sabhā avalokī| sakuci rāma phiri avani bilokī ||
sīla sarāhi sabhā saba socī| kahu~ na rāma sama svāmi sa~kocī ||
bharata sujāna rāma rukha dekhī| uṭhi saprema dhari dhīra biseṣī ||
kari daṃḍavata kahata kara jorī| rākhīṃ nātha sakala ruci morī ||
mohi lagi saheu sabahiṃ saṃtāpū| bahuta bhā~ti dukhu pāvā āpū ||
aba gosāi~ mohi deu rajāī| sevauṃ avadha avadhi bhari jāī ||
do. jehiṃ upāya puni pāya janu dekhai dīnadayāla|
so sikha deia avadhi lagi kosalapāla kṛpāla || 313 ||
purajana parijana prajā gosāī| saba suci sarasa saneha~ sagāī ||
rāura badi bhala bhava dukha dāhū| prabhu binu bādi parama pada lāhū ||
svāmi sujānu jāni saba hī kī| ruci lālasā rahani jana jī kī ||
pranatapālu pālihi saba kāhū| deu duhū disi ora nibāhū ||
asa mohi saba bidhi bhūri bharoso| kie~ bicāru na socu kharo so ||
ārati mora nātha kara chohū| duhu~ mili kīnha ḍhīṭhu haṭhi mohū ||
yaha baṛa doṣu dūri kari svāmī| taji sakoca sikhaia anugāmī ||
bharata binaya suni sabahiṃ prasaṃsī| khīra nīra bibarana gati haṃsī ||
do. dīnabaṃdhu suni baṃdhu ke bacana dīna chalahīna|
desa kāla avasara sarisa bole rāmu prabīna || 314 ||
tāta tumhāri mori parijana kī| ciṃtā gurahi nṛpahi ghara bana kī ||
māthe para gura muni mithilesū| hamahi tumhahi sapanehu~ na kalesū ||
mora tumhāra parama puruṣārathu| svārathu sujasu dharamu paramārathu ||
pitu āyasu pālihiṃ duhu bhāī| loka beda bhala bhūpa bhalāī ||
gura pitu mātu svāmi sikha pāleṃ| calehu~ kumaga paga parahiṃ na khāleṃ ||
asa bicāri saba soca bihāī| pālahu avadha avadhi bhari jāī ||
desu kosu parijana parivārū| gura pada rajahiṃ lāga charubhārū ||
tumha muni mātu saciva sikha mānī| pālehu puhumi prajā rajadhānī ||
do. mukhiā mukhu so cāhiai khāna pāna kahu~ eka|
pālai poṣai sakala a~ga tulasī sahita bibeka || 315 ||
rājadharama sarabasu etanoī| jimi mana māha~ manoratha goī ||
baṃdhu prabodhu kīnha bahu bhā~tī| binu adhāra mana toṣu na sā~tī ||
bharata sīla gura saciva samājū| sakuca saneha bibasa raghurājū ||
prabhu kari kṛpā pā~varīṃ dīnhīṃ| sādara bharata sīsa dhari līnhīṃ ||
caranapīṭha karunānidhāna ke| janu juga jāmika prajā prāna ke ||
saṃpuṭa bharata saneha ratana ke| ākhara juga juna jīva jatana ke ||
kula kapāṭa kara kusala karama ke| bimala nayana sevā sudharama ke ||
bharata mudita avalaṃba lahe teṃ| asa sukha jasa siya rāmu rahe teṃ ||
do. māgeu bidā pranāmu kari rāma lie ura lāi|
loga ucāṭe amarapati kuṭila kuavasaru pāi || 316 ||
so kucāli saba kaha~ bhai nīkī| avadhi āsa sama jīvani jī kī ||
nataru lakhana siya sama biyogā| hahari marata saba loga kurogā ||
rāmakṛpā~ avareba sudhārī| bibudha dhāri bhai gunada gohārī ||
bheṃṭata bhuja bhari bhāi bharata so| rāma prema rasu kahi na parata so ||
tana mana bacana umaga anurāgā| dhīra dhuraṃdhara dhīraju tyāgā ||
bārija locana mocata bārī| dekhi dasā sura sabhā dukhārī ||
munigana gura dhura dhīra janaka se| gyāna anala mana kaseṃ kanaka se ||
je biraṃci niralepa upāe| paduma patra jimi jaga jala jāe ||
do. teu biloki raghubara bharata prīti anūpa apāra|
bhae magana mana tana bacana sahita birāga bicāra || 317 ||
jahā~ janaka gura mati bhorī| prākṛta prīti kahata baṛi khorī ||
baranata raghubara bharata biyogū| suni kaṭhora kabi jānihi logū ||
so sakoca rasu akatha subānī| samau sanehu sumiri sakucānī ||
bheṃṭi bharata raghubara samujhāe| puni ripudavanu haraṣi hiya~ lāe ||
sevaka saciva bharata rukha pāī| nija nija kāja lage saba jāī ||
suni dāruna dukhu duhū~ samājā| lage calana ke sājana sājā ||
prabhu pada paduma baṃdi dou bhāī| cale sīsa dhari rāma rajāī ||
muni tāpasa banadeva nihorī| saba sanamāni bahori bahorī ||
do. lakhanahi bheṃṭi pranāmu kari sira dhari siya pada dhūri|
cale saprema asīsa suni sakala sumaṃgala mūri || 318 ||
sānuja rāma nṛpahi sira nāī| kīnhi bahuta bidhi binaya baṛāī ||
deva dayā basa baṛa dukhu pāyau| sahita samāja kānanahiṃ āyau ||
pura pagu dhāria dei asīsā| kīnha dhīra dhari gavanu mahīsā ||
muni mahideva sādhu sanamāne| bidā kie hari hara sama jāne ||
sāsu samīpa gae dou bhāī| phire baṃdi paga āsiṣa pāī ||
kausika bāmadeva jābālī| purajana parijana saciva sucālī ||
jathā jogu kari binaya pranāmā| bidā kie saba sānuja rāmā ||
nāri puruṣa laghu madhya baṛere| saba sanamāni kṛpānidhi phere ||
do. bharata mātu pada baṃdi prabhu suci saneha~ mili bheṃṭi|
bidā kīnha saji pālakī sakuca soca saba meṭi || 319 ||
parijana mātu pitahi mili sītā| phirī prānapriya prema punītā ||
kari pranāmu bheṃṭī saba sāsū| prīti kahata kabi hiya~ na hulāsū ||
suni sikha abhimata āsiṣa pāī| rahī sīya duhu prīti samāī ||
raghupati paṭu pālakīṃ magāīṃ| kari prabodhu saba mātu caṛhāī ||
bāra bāra hili mili duhu bhāī| sama saneha~ jananī pahu~cāī ||
sāji bāji gaja bāhana nānā| bharata bhūpa dala kīnha payānā ||
hṛdaya~ rāmu siya lakhana sametā| cale jāhiṃ saba loga acetā ||
basaha bāji gaja pasu hiya~ hāreṃ| cale jāhiṃ parabasa mana māreṃ ||
do. gura guratiya pada baṃdi prabhu sītā lakhana sameta|
phire haraṣa bisamaya sahita āe parana niketa || 320 ||
bidā kīnha sanamāni niṣādū| caleu hṛdaya~ baṛa biraha biṣādū ||
kola kirāta bhilla banacārī| phere phire johāri johārī ||
prabhu siya lakhana baiṭhi baṭa chāhīṃ| priya parijana biyoga bilakhāhīṃ ||
bharata saneha subhāu subānī| priyā anuja sana kahata bakhānī ||
prīti pratīti bacana mana karanī| śrīmukha rāma prema basa baranī ||
tehi avasara khaga mṛga jala mīnā| citrakūṭa cara acara malīnā ||
bibudha biloki dasā raghubara kī| baraṣi sumana kahi gati ghara ghara kī ||
prabhu pranāmu kari dīnha bharoso| cale mudita mana ḍara na kharo so ||
do. sānuja sīya sameta prabhu rājata parana kuṭīra|
bhagati gyānu bairāgya janu sohata dhareṃ sarīra || 321 ||
muni mahisura gura bharata bhuālū| rāma biraha~ sabu sāju bihālū ||
prabhu guna grāma ganata mana māhīṃ| saba cupacāpa cale maga jāhīṃ ||
jamunā utari pāra sabu bhayaū| so bāsaru binu bhojana gayaū ||
utari devasari dūsara bāsū| rāmasakhā~ saba kīnha supāsū ||
saī utari gomatīṃ nahāe| cautheṃ divasa avadhapura āe|
janaku rahe pura bāsara cārī| rāja kāja saba sāja sa~bhārī ||
sauṃpi saciva gura bharatahi rājū| terahuti cale sāji sabu sājū ||
nagara nāri nara gura sikha mānī| base sukhena rāma rajadhānī ||
do. rāma darasa lagi loga saba karata nema upabāsa|
taji taji bhūṣana bhoga sukha jiata avadhi kīṃ āsa || 322 ||
saciva susevaka bharata prabodhe| nija nija kāja pāi pāi sikha odhe ||
puni sikha dīnha boli laghu bhāī| sauṃpī sakala mātu sevakāī ||
bhūsura boli bharata kara jore| kari pranāma baya binaya nihore ||
ū~ca nīca kāraju bhala pocū| āyasu deba na karaba sa~kocū ||
parijana purajana prajā bolāe| samādhānu kari subasa basāe ||
sānuja ge gura geha~ bahorī| kari daṃḍavata kahata kara jorī ||
āyasu hoi ta rahauṃ sanemā| bole muni tana pulaki sapemā ||
samujhava kahaba karaba tumha joī| dharama sāru jaga hoihi soī ||
do. suni sikha pāi asīsa baṛi ganaka boli dinu sādhi|
siṃghāsana prabhu pādukā baiṭhāre nirupādhi || 323 ||
rāma mātu gura pada siru nāī| prabhu pada pīṭha rajāyasu pāī ||
naṃdigāva~ kari parana kuṭīrā| kīnha nivāsu dharama dhura dhīrā ||
jaṭājūṭa sira munipaṭa dhārī| mahi khani kusa sā~tharī sa~vārī ||
asana basana bāsana brata nemā| karata kaṭhina riṣidharama sapremā ||
bhūṣana basana bhoga sukha bhūrī| mana tana bacana taje tina tūrī ||
avadha rāju sura rāju sihāī| dasaratha dhanu suni dhanadu lajāī ||
tehiṃ pura basata bharata binu rāgā| caṃcarīka jimi caṃpaka bāgā ||
ramā bilāsu rāma anurāgī| tajata bamana jimi jana baṛabhāgī ||
do. rāma pema bhājana bharatu baṛe na ehiṃ karatūti|
cātaka haṃsa sarāhiata ṭeṃka bibeka bibhūti || 324 ||
deha dinahu~ dina dūbari hoī| ghaṭai teju balu mukhachabi soī ||
nita nava rāma prema panu pīnā| baṛhata dharama dalu manu na malīnā ||
jimi jalu nighaṭata sarada prakāse| bilasata betasa banaja bikāse ||
sama dama saṃjama niyama upāsā| nakhata bharata hiya bimala akāsā ||
dhruva bisvāsa avadhi rākā sī| svāmi surati surabīthi bikāsī ||
rāma pema bidhu acala adoṣā| sahita samāja soha nita cokhā ||
bharata rahani samujhani karatūtī| bhagati birati guna bimala bibhūtī ||
baranata sakala sukaci sakucāhīṃ| sesa ganesa girā gamu nāhīṃ ||
do. nita pūjata prabhu pā~varī prīti na hṛdaya~ samāti ||
māgi māgi āyasu karata rāja kāja bahu bhā~ti || 325 ||
pulaka gāta hiya~ siya raghubīrū| jīha nāmu japa locana nīrū ||
lakhana rāma siya kānana basahīṃ| bharatu bhavana basi tapa tanu kasahīṃ ||
dou disi samujhi kahata sabu logū| saba bidhi bharata sarāhana jogū ||
suni brata nema sādhu sakucāhīṃ| dekhi dasā munirāja lajāhīṃ ||
parama punīta bharata ācaranū| madhura maṃju muda maṃgala karanū ||
harana kaṭhina kali kaluṣa kalesū| mahāmoha nisi dalana dinesū ||
pāpa puṃja kuṃjara mṛgarājū| samana sakala saṃtāpa samājū|
jana raṃjana bhaṃjana bhava bhārū| rāma saneha sudhākara sārū ||
chaṃ. siya rāma prema piyūṣa pūrana hota janamu na bharata ko|
muni mana agama jama niyama sama dama biṣama brata ācarata ko ||
dukha dāha dārida daṃbha dūṣana sujasa misa apaharata ko|
kalikāla tulasī se saṭhanhi haṭhi rāma sanamukha karata ko ||
so. bharata carita kari nemu tulasī jo sādara sunahiṃ|
sīya rāma pada pemu avasi hoi bhava rasa birati || 326 ||
iti śrīmadrāmacaritamānase sakalakalikaluṣavidhvaṃsane
dvitīyaḥ sopānaḥ samāptaḥ|
(ayodhyākāṇḍa samāpta)