śrījānakīvallabho vijayate
śrīrāmacaritamānasa
pañcama sopāna
sundarakāṇḍa
śloka
śāntaṃ śāśvatamaprameyamanaghaṃ nirvāṇaśāntipradaṃ
brahmāśambhuphaṇīndrasevyamaniśaṃ vedāntavedyaṃ vibhum |
rāmākhyaṃ jagadīśvaraṃ suraguruṃ māyāmanuṣyaṃ hariṃ
vande'haṃ karuṇākaraṃ raghuvaraṃ bhūpālacūṛāmaṇim || 1 ||
nānyā spṛhā raghupate hṛdaye'smadīye
satyaṃ vadāmi ca bhavānakhilāntarātmā|
bhaktiṃ prayaccha raghupuṅgava nirbharāṃ me
kāmādidoṣarahitaṃ kuru mānasaṃ ca || 2 ||
atulitabaladhāmaṃ hemaśailābhadehaṃ
danujavanakṛśānuṃ jñānināmagragaṇyam|
sakalaguṇanidhānaṃ vānarāṇāmadhīśaṃ
raghupatipriyabhaktaṃ vātajātaṃ namāmi || 3 ||
jāmavaṃta ke bacana suhāe| suni hanumaṃta hṛdaya ati bhāe ||
taba lagi mohi parikhehu tumha bhāī| sahi dukha kaṃda mūla phala khāī ||
jaba lagi āvauṃ sītahi dekhī| hoihi kāju mohi haraṣa biseṣī ||
yaha kahi nāi sabanhi kahu~ māthā| caleu haraṣi hiya~ dhari raghunāthā ||
siṃdhu tīra eka bhūdhara suṃdara| kautuka kūdi caṛheu tā ūpara ||
bāra bāra raghubīra sa~bhārī| tarakeu pavanatanaya bala bhārī ||
jehiṃ giri carana dei hanumaṃtā| caleu so gā pātāla turaṃtā ||
jimi amogha raghupati kara bānā| ehī bhā~ti caleu hanumānā ||
jalanidhi raghupati dūta bicārī| taiṃ maināka hohi śramahārī ||
do. hanūmāna tehi parasā kara puni kīnha pranāma|
rāma kāju kīnheṃ binu mohi kahā~ biśrāma || 1 ||
jāta pavanasuta devanha dekhā| jānaiṃ kahu~ bala buddhi biseṣā ||
surasā nāma ahinha kai mātā| paṭhainhi āi kahī tehiṃ bātā ||
āju suranha mohi dīnha ahārā| sunata bacana kaha pavanakumārā ||
rāma kāju kari phiri maiṃ āvauṃ| sītā kai sudhi prabhuhi sunāvauṃ ||
taba tava badana paiṭhihau~ āī| satya kahau~ mohi jāna de māī ||
kabanehu~ jatana dei nahiṃ jānā| grasasi na mohi kaheu hanumānā ||
jojana bhari tehiṃ badanu pasārā| kapi tanu kīnha duguna bistārā ||
soraha jojana mukha tehiṃ ṭhayaū| turata pavanasuta battisa bhayaū ||
jasa jasa surasā badanu baṛhāvā| tāsu dūna kapi rūpa dekhāvā ||
sata jojana tehiṃ ānana kīnhā| ati laghu rūpa pavanasuta līnhā ||
badana paiṭhi puni bāhera āvā| māgā bidā tāhi siru nāvā ||
mohi suranha jehi lāgi paṭhāvā| budhi bala maramu tora mai pāvā ||
do. rāma kāju sabu karihahu tumha bala buddhi nidhāna|
āsiṣa deha gaī so haraṣi caleu hanumāna || 2 ||
nisicari eka siṃdhu mahu~ rahaī| kari māyā nabhu ke khaga gahaī ||
jīva jaṃtu je gagana uṛāhīṃ| jala biloki tinha kai parichāhīṃ ||
gahai chāha~ saka so na uṛāī| ehi bidhi sadā gaganacara khāī ||
soi chala hanūmāna kaha~ kīnhā| tāsu kapaṭu kapi turatahiṃ cīnhā ||
tāhi māri mārutasuta bīrā| bāridhi pāra gayau matidhīrā ||
tahā~ jāi dekhī bana sobhā| guṃjata caṃcarīka madhu lobhā ||
nānā taru phala phūla suhāe| khaga mṛga bṛṃda dekhi mana bhāe ||
saila bisāla dekhi eka āgeṃ| tā para dhāi caḍheu bhaya tyāgeṃ ||
umā na kachu kapi kai adhikāī| prabhu pratāpa jo kālahi khāī ||
giri para caḍhi laṃkā tehiṃ dekhī| kahi na jāi ati durga biseṣī ||
ati utaṃga jalanidhi cahu pāsā| kanaka koṭa kara parama prakāsā ||
chaṃ=kanaka koṭa bicitra mani kṛta suṃdarāyatanā ghanā|
cauhaṭṭa haṭṭa subaṭṭa bīthīṃ cāru pura bahu bidhi banā ||
gaja bāji khaccara nikara padacara ratha barūthinha ko ganai ||
bahurūpa nisicara jūtha atibala sena baranata nahiṃ banai || 1 ||
bana bāga upabana bāṭikā sara kūpa bāpīṃ sohahīṃ|
nara nāga sura gaṃdharba kanyā rūpa muni mana mohahīṃ ||
kahu~ māla deha bisāla saila samāna atibala garjahīṃ|
nānā akhārenha bhirahiṃ bahu bidhi eka ekanha tarjahīṃ || 2 ||
kari jatana bhaṭa koṭinha bikaṭa tana nagara cahu~ disi racchahīṃ|
kahu~ mahiṣa mānaṣu dhenu khara aja khala nisācara bhacchahīṃ ||
ehi lāgi tulasīdāsa inha kī kathā kachu eka hai kahī|
raghubīra sara tīratha sarīranhi tyāgi gati paihahiṃ sahī || 3 ||
do. pura rakhavāre dekhi bahu kapi mana kīnha bicāra|
ati laghu rūpa dharauṃ nisi nagara karauṃ paisāra || 3 ||
masaka samāna rūpa kapi dharī| laṃkahi caleu sumiri naraharī ||
nāma laṃkinī eka nisicarī| so kaha calesi mohi niṃdarī ||
jānehi nahīṃ maramu saṭha morā| mora ahāra jahā~ lagi corā ||
muṭhikā eka mahā kapi hanī| rudhira bamata dharanīṃ ḍhanamanī ||
puni saṃbhāri uṭhi so laṃkā| jori pāni kara binaya saṃsakā ||
jaba rāvanahi brahma bara dīnhā| calata biraṃci kahā mohi cīnhā ||
bikala hosi taiṃ kapi keṃ māre| taba jānesu nisicara saṃghāre ||
tāta mora ati punya bahūtā| dekheu~ nayana rāma kara dūtā ||
do. tāta svarga apabarga sukha dharia tulā eka aṃga|
tūla na tāhi sakala mili jo sukha lava satasaṃga || 4 ||
prabisi nagara kīje saba kājā| hṛdaya~ rākhi kausalapura rājā ||
garala sudhā ripu karahiṃ mitāī| gopada siṃdhu anala sitalāī ||
garuṛa sumeru renū sama tāhī| rāma kṛpā kari citavā jāhī ||
ati laghu rūpa dhareu hanumānā| paiṭhā nagara sumiri bhagavānā ||
maṃdira maṃdira prati kari sodhā| dekhe jaha~ taha~ aganita jodhā ||
gayau dasānana maṃdira māhīṃ| ati bicitra kahi jāta so nāhīṃ ||
sayana kie dekhā kapi tehī| maṃdira mahu~ na dīkhi baidehī ||
bhavana eka puni dīkha suhāvā| hari maṃdira taha~ bhinna banāvā ||
do. rāmāyudha aṃkita gṛha sobhā barani na jāi|
nava tulasikā bṛṃda taha~ dekhi haraṣi kapirāi || 5 ||
laṃkā nisicara nikara nivāsā| ihā~ kahā~ sajjana kara bāsā ||
mana mahu~ taraka karai kapi lāgā| tehīṃ samaya bibhīṣanu jāgā ||
rāma rāma tehiṃ sumirana kīnhā| hṛdaya~ haraṣa kapi sajjana cīnhā ||
ehi sana haṭhi karihau~ pahicānī| sādhu te hoi na kāraja hānī ||
bipra rupa dhari bacana sunāe| sunata bibhīṣaṇa uṭhi taha~ āe ||
kari pranāma pū~chī kusalāī| bipra kahahu nija kathā bujhāī ||
kī tumha hari dāsanha maha~ koī| moreṃ hṛdaya prīti ati hoī ||
kī tumha rāmu dīna anurāgī| āyahu mohi karana baṛabhāgī ||
do. taba hanumaṃta kahī saba rāma kathā nija nāma|
sunata jugala tana pulaka mana magana sumiri guna grāma || 6 ||
sunahu pavanasuta rahani hamārī| jimi dasananhi mahu~ jībha bicārī ||
tāta kabahu~ mohi jāni anāthā| karihahiṃ kṛpā bhānukula nāthā ||
tāmasa tanu kachu sādhana nāhīṃ| prīti na pada saroja mana māhīṃ ||
aba mohi bhā bharosa hanumaṃtā| binu harikṛpā milahiṃ nahiṃ saṃtā ||
jau raghubīra anugraha kīnhā| tau tumha mohi darasu haṭhi dīnhā ||
sunahu bibhīṣana prabhu kai rītī| karahiṃ sadā sevaka para prītī ||
kahahu kavana maiṃ parama kulīnā| kapi caṃcala sabahīṃ bidhi hīnā ||
prāta lei jo nāma hamārā| tehi dina tāhi na milai ahārā ||
do. asa maiṃ adhama sakhā sunu mohū para raghubīra|
kīnhī kṛpā sumiri guna bhare bilocana nīra || 7 ||
jānatahū~ asa svāmi bisārī| phirahiṃ te kāhe na hohiṃ dukhārī ||
ehi bidhi kahata rāma guna grāmā| pāvā anirbācya biśrāmā ||
puni saba kathā bibhīṣana kahī| jehi bidhi janakasutā taha~ rahī ||
taba hanumaṃta kahā sunu bhrātā| dekhī cahau~ jānakī mātā ||
juguti bibhīṣana sakala sunāī| caleu pavanasuta bidā karāī ||
kari soi rūpa gayau puni tahavā~| bana asoka sītā raha jahavā~ ||
dekhi manahi mahu~ kīnha pranāmā| baiṭhehiṃ bīti jāta nisi jāmā ||
kṛsa tana sīsa jaṭā eka benī| japati hṛdaya~ raghupati guna śrenī ||
do. nija pada nayana die~ mana rāma pada kamala līna|
parama dukhī bhā pavanasuta dekhi jānakī dīna || 8 ||
taru pallava mahu~ rahā lukāī| karai bicāra karauṃ kā bhāī ||
tehi avasara rāvanu taha~ āvā| saṃga nāri bahu kie~ banāvā ||
bahu bidhi khala sītahi samujhāvā| sāma dāna bhaya bheda dekhāvā ||
kaha rāvanu sunu sumukhi sayānī| maṃdodarī ādi saba rānī ||
tava anucarīṃ karau~ pana morā| eka bāra biloku mama orā ||
tṛna dhari oṭa kahati baidehī| sumiri avadhapati parama sanehī ||
sunu dasamukha khadyota prakāsā| kabahu~ ki nalinī karai bikāsā ||
asa mana samujhu kahati jānakī| khala sudhi nahiṃ raghubīra bāna kī ||
saṭha sūne hari ānehi mohi| adhama nilajja lāja nahiṃ tohī ||
do. āpuhi suni khadyota sama rāmahi bhānu samāna|
paruṣa bacana suni kāṛhi asi bolā ati khisiāna || 9 ||
sītā taiṃ mama kṛta apamānā| kaṭihau~ tava sira kaṭhina kṛpānā ||
nāhiṃ ta sapadi mānu mama bānī| sumukhi hoti na ta jīvana hānī ||
syāma saroja dāma sama suṃdara| prabhu bhuja kari kara sama dasakaṃdhara ||
so bhuja kaṃṭha ki tava asi ghorā| sunu saṭha asa pravāna pana morā ||
caṃdrahāsa haru mama paritāpaṃ| raghupati biraha anala saṃjātaṃ ||
sītala nisita bahasi bara dhārā| kaha sītā haru mama dukha bhārā ||
sunata bacana puni mārana dhāvā| mayatanayā~ kahi nīti bujhāvā ||
kahesi sakala nisicarinha bolāī| sītahi bahu bidhi trāsahu jāī ||
māsa divasa mahu~ kahā na mānā| tau maiṃ mārabi kāṛhi kṛpānā ||
do. bhavana gayau dasakaṃdhara ihā~ pisācini bṛṃda|
sītahi trāsa dekhāvahi dharahiṃ rūpa bahu maṃda || 10 ||
trijaṭā nāma rācchasī ekā| rāma carana rati nipuna bibekā ||
sabanhau boli sunāesi sapanā| sītahi sei karahu hita apanā ||
sapaneṃ bānara laṃkā jārī| jātudhāna senā saba mārī ||
khara ārūṛha nagana dasasīsā| muṃḍita sira khaṃḍita bhuja bīsā ||
ehi bidhi so dacchina disi jāī| laṃkā manahu~ bibhīṣana pāī ||
nagara phirī raghubīra dohāī| taba prabhu sītā boli paṭhāī ||
yaha sapanā meṃ kahau~ pukārī| hoihi satya gae~ dina cārī ||
tāsu bacana suni te saba ḍarīṃ| janakasutā ke carananhi parīṃ ||
do. jaha~ taha~ gaīṃ sakala taba sītā kara mana soca|
māsa divasa bīteṃ mohi mārihi nisicara poca || 11 ||
trijaṭā sana bolī kara jorī| mātu bipati saṃgini taiṃ morī ||
tajauṃ deha karu begi upāī| dusahu birahu aba nahiṃ sahi jāī ||
āni kāṭha racu citā banāī| mātu anala puni dehi lagāī ||
satya karahi mama prīti sayānī| sunai ko śravana sūla sama bānī ||
sunata bacana pada gahi samujhāesi| prabhu pratāpa bala sujasu sunāesi ||
nisi na anala mila sunu sukumārī| asa kahi so nija bhavana sidhārī ||
kaha sītā bidhi bhā pratikūlā| milahi na pāvaka miṭihi na sūlā ||
dekhiata pragaṭa gagana aṃgārā| avani na āvata ekau tārā ||
pāvakamaya sasi stravata na āgī| mānahu~ mohi jāni hatabhāgī ||
sunahi binaya mama biṭapa asokā| satya nāma karu haru mama sokā ||
nūtana kisalaya anala samānā| dehi agini jani karahi nidānā ||
dekhi parama birahākula sītā| so chana kapihi kalapa sama bītā ||
so. kapi kari hṛdaya~ bicāra dīnhi mudrikā ḍārī taba|
janu asoka aṃgāra dīnhi haraṣi uṭhi kara gaheu || 12 ||
taba dekhī mudrikā manohara| rāma nāma aṃkita ati suṃdara ||
cakita citava mudarī pahicānī| haraṣa biṣāda hṛdaya~ akulānī ||
jīti ko sakai ajaya raghurāī| māyā teṃ asi raci nahiṃ jāī ||
sītā mana bicāra kara nānā| madhura bacana boleu hanumānā ||
rāmacaṃdra guna baranaiṃ lāgā| sunatahiṃ sītā kara dukha bhāgā ||
lāgīṃ sunaiṃ śravana mana lāī| ādihu teṃ saba kathā sunāī ||
śravanāmṛta jehiṃ kathā suhāī| kahi so pragaṭa hoti kina bhāī ||
taba hanumaṃta nikaṭa cali gayaū| phiri baiṃṭhīṃ mana bisamaya bhayaū ||
rāma dūta maiṃ mātu jānakī| satya sapatha karunānidhāna kī ||
yaha mudrikā mātu maiṃ ānī| dīnhi rāma tumha kaha~ sahidānī ||
nara bānarahi saṃga kahu kaiseṃ| kahi kathā bhai saṃgati jaiseṃ ||
do. kapi ke bacana saprema suni upajā mana bisvāsa ||
jānā mana krama bacana yaha kṛpāsiṃdhu kara dāsa || 13 ||
harijana jāni prīti ati gāṛhī| sajala nayana pulakāvali bāṛhī ||
būṛata biraha jaladhi hanumānā| bhayau tāta moṃ kahu~ jalajānā ||
aba kahu kusala jāu~ balihārī| anuja sahita sukha bhavana kharārī ||
komalacita kṛpāla raghurāī| kapi kehi hetu dharī niṭhurāī ||
sahaja bāni sevaka sukha dāyaka| kabahu~ka surati karata raghunāyaka ||
kabahu~ nayana mama sītala tātā| hoihahi nirakhi syāma mṛdu gātā ||
bacanu na āva nayana bhare bārī| ahaha nātha hauṃ nipaṭa bisārī ||
dekhi parama birahākula sītā| bolā kapi mṛdu bacana binītā ||
mātu kusala prabhu anuja sametā| tava dukha dukhī sukṛpā niketā ||
jani jananī mānahu jiya~ ūnā| tumha te premu rāma keṃ dūnā ||
do. raghupati kara saṃdesu aba sunu jananī dhari dhīra|
asa kahi kapi gada gada bhayau bhare bilocana nīra || 14 ||
kaheu rāma biyoga tava sītā| mo kahu~ sakala bhae biparītā ||
nava taru kisalaya manahu~ kṛsānū| kālanisā sama nisi sasi bhānū ||
kubalaya bipina kuṃta bana sarisā| bārida tapata tela janu barisā ||
je hita rahe karata tei pīrā| uraga svāsa sama tribidha samīrā ||
kahehū teṃ kachu dukha ghaṭi hoī| kāhi kahauṃ yaha jāna na koī ||
tattva prema kara mama aru torā| jānata priyā eku manu morā ||
so manu sadā rahata tohi pāhīṃ| jānu prīti rasu etenahi māhīṃ ||
prabhu saṃdesu sunata baidehī| magana prema tana sudhi nahiṃ tehī ||
kaha kapi hṛdaya~ dhīra dharu mātā| sumiru rāma sevaka sukhadātā ||
ura ānahu raghupati prabhutāī| suni mama bacana tajahu kadarāī ||
do. nisicara nikara pataṃga sama raghupati bāna kṛsānu|
jananī hṛdaya~ dhīra dharu jare nisācara jānu || 15 ||
jauṃ raghubīra hoti sudhi pāī| karate nahiṃ bilaṃbu raghurāī ||
rāmabāna rabi ue~ jānakī| tama barūtha kaha~ jātudhāna kī ||
abahiṃ mātu maiṃ jāu~ lavāī| prabhu āyasu nahiṃ rāma dohāī ||
kachuka divasa jananī dharu dhīrā| kapinha sahita aihahiṃ raghubīrā ||
nisicara māri tohi lai jaihahiṃ| tihu~ pura nāradādi jasu gaihahiṃ ||
haiṃ suta kapi saba tumhahi samānā| jātudhāna ati bhaṭa balavānā ||
moreṃ hṛdaya parama saṃdehā| suni kapi pragaṭa kīnha nija dehā ||
kanaka bhūdharākāra sarīrā| samara bhayaṃkara atibala bīrā ||
sītā mana bharosa taba bhayaū| puni laghu rūpa pavanasuta layaū ||
do. sunu mātā sākhāmṛga nahiṃ bala buddhi bisāla|
prabhu pratāpa teṃ garuṛahi khāi parama laghu byāla || 16 ||
mana saṃtoṣa sunata kapi bānī| bhagati pratāpa teja bala sānī ||
āsiṣa dīnhi rāmapriya jānā| hohu tāta bala sīla nidhānā ||
ajara amara gunanidhi suta hohū| karahu~ bahuta raghunāyaka chohū ||
karahu~ kṛpā prabhu asa suni kānā| nirbhara prema magana hanumānā ||
bāra bāra nāesi pada sīsā| bolā bacana jori kara kīsā ||
aba kṛtakṛtya bhayau~ maiṃ mātā| āsiṣa tava amogha bikhyātā ||
sunahu mātu mohi atisaya bhūkhā| lāgi dekhi suṃdara phala rūkhā ||
sunu suta karahiṃ bipina rakhavārī| parama subhaṭa rajanīcara bhārī ||
tinha kara bhaya mātā mohi nāhīṃ| jauṃ tumha sukha mānahu mana māhīṃ ||
do. dekhi buddhi bala nipuna kapi kaheu jānakīṃ jāhu|
raghupati carana hṛdaya~ dhari tāta madhura phala khāhu || 17 ||
caleu nāi siru paiṭheu bāgā| phala khāesi taru toraiṃ lāgā ||
rahe tahā~ bahu bhaṭa rakhavāre| kachu māresi kachu jāi pukāre ||
nātha eka āvā kapi bhārī| tehiṃ asoka bāṭikā ujārī ||
khāesi phala aru biṭapa upāre| racchaka mardi mardi mahi ḍāre ||
suni rāvana paṭhae bhaṭa nānā| tinhahi dekhi garjeu hanumānā ||
saba rajanīcara kapi saṃghāre| gae pukārata kachu adhamāre ||
puni paṭhayau tehiṃ acchakumārā| calā saṃga lai subhaṭa apārā ||
āvata dekhi biṭapa gahi tarjā| tāhi nipāti mahādhuni garjā ||
do. kachu māresi kachu mardesi kachu milaesi dhari dhūri|
kachu puni jāi pukāre prabhu markaṭa bala bhūri || 18 ||
suni suta badha laṃkesa risānā| paṭhaesi meghanāda balavānā ||
mārasi jani suta bāṃdhesu tāhī| dekhia kapihi kahā~ kara āhī ||
calā iṃdrajita atulita jodhā| baṃdhu nidhana suni upajā krodhā ||
kapi dekhā dāruna bhaṭa āvā| kaṭakaṭāi garjā aru dhāvā ||
ati bisāla taru eka upārā| biratha kīnha laṃkesa kumārā ||
rahe mahābhaṭa tāke saṃgā| gahi gahi kapi mardai nija aṃgā ||
tinhahi nipāti tāhi sana bājā| bhire jugala mānahu~ gajarājā|
muṭhikā māri caṛhā taru jāī| tāhi eka chana muruchā āī ||
uṭhi bahori kīnhisi bahu māyā| jīti na jāi prabhaṃjana jāyā ||
do. brahma astra tehiṃ sā~dhā kapi mana kīnha bicāra|
jauṃ na brahmasara mānau~ mahimā miṭai apāra || 19 ||
brahmabāna kapi kahu~ tehi mārā| paratihu~ bāra kaṭaku saṃghārā ||
tehi dekhā kapi muruchita bhayaū| nāgapāsa bā~dhesi lai gayaū ||
jāsu nāma japi sunahu bhavānī| bhava baṃdhana kāṭahiṃ nara gyānī ||
tāsu dūta ki baṃdha taru āvā| prabhu kāraja lagi kapihiṃ ba~dhāvā ||
kapi baṃdhana suni nisicara dhāe| kautuka lāgi sabhā~ saba āe ||
dasamukha sabhā dīkhi kapi jāī| kahi na jāi kachu ati prabhutāī ||
kara joreṃ sura disipa binītā| bhṛkuṭi bilokata sakala sabhītā ||
dekhi pratāpa na kapi mana saṃkā| jimi ahigana mahu~ garuṛa asaṃkā ||
do. kapihi biloki dasānana bihasā kahi durbāda|
suta badha surati kīnhi puni upajā hṛdaya~ biṣāda || 20 ||
kaha laṃkesa kavana taiṃ kīsā| kehiṃ ke bala ghālehi bana khīsā ||
kī dhauṃ śravana sunehi nahiṃ mohī| dekhau~ ati asaṃka saṭha tohī ||
māre nisicara kehiṃ aparādhā| kahu saṭha tohi na prāna kai bādhā ||
suna rāvana brahmāṃḍa nikāyā| pāi jāsu bala biracita māyā ||
jākeṃ bala biraṃci hari īsā| pālata sṛjata harata dasasīsā|
jā bala sīsa dharata sahasānana| aṃḍakosa sameta giri kānana ||
dharai jo bibidha deha suratrātā| tumha te saṭhanha sikhāvanu dātā|
hara kodaṃḍa kaṭhina jehi bhaṃjā| tehi sameta nṛpa dala mada gaṃjā ||
khara dūṣana trisirā aru bālī| badhe sakala atulita balasālī ||
do. jāke bala lavalesa teṃ jitehu carācara jhāri|
tāsu dūta maiṃ jā kari hari ānehu priya nāri || 21 ||
jānau~ maiṃ tumhāri prabhutāī| sahasabāhu sana parī larāī ||
samara bāli sana kari jasu pāvā| suni kapi bacana bihasi biharāvā ||
khāyau~ phala prabhu lāgī bhū~khā| kapi subhāva teṃ toreu~ rūkhā ||
saba keṃ deha parama priya svāmī| mārahiṃ mohi kumāraga gāmī ||
jinha mohi mārā te maiṃ māre| tehi para bā~dheu tanaya~ tumhāre ||
mohi na kachu bā~dhe kai lājā| kīnha cahau~ nija prabhu kara kājā ||
binatī karau~ jori kara rāvana| sunahu māna taji mora sikhāvana ||
dekhahu tumha nija kulahi bicārī| bhrama taji bhajahu bhagata bhaya hārī ||
jākeṃ ḍara ati kāla ḍerāī| jo sura asura carācara khāī ||
tāsoṃ bayaru kabahu~ nahiṃ kījai| more kaheṃ jānakī dījai ||
do. pranatapāla raghunāyaka karunā siṃdhu kharāri|
gae~ sarana prabhu rākhihaiṃ tava aparādha bisāri || 22 ||
rāma carana paṃkaja ura dharahū| laṃkā acala rāja tumha karahū ||
riṣi pulista jasu bimala maṃyakā| tehi sasi mahu~ jani hohu kalaṃkā ||
rāma nāma binu girā na sohā| dekhu bicāri tyāgi mada mohā ||
basana hīna nahiṃ soha surārī| saba bhūṣaṇa bhūṣita bara nārī ||
rāma bimukha saṃpati prabhutāī| jāi rahī pāī binu pāī ||
sajala mūla jinha saritanha nāhīṃ| baraṣi gae puni tabahiṃ sukhāhīṃ ||
sunu dasakaṃṭha kahau~ pana ropī| bimukha rāma trātā nahiṃ kopī ||
saṃkara sahasa biṣnu aja tohī| sakahiṃ na rākhi rāma kara drohī ||
do. mohamūla bahu sūla prada tyāgahu tama abhimāna|
bhajahu rāma raghunāyaka kṛpā siṃdhu bhagavāna || 23 ||
jadapi kahi kapi ati hita bānī| bhagati bibeka birati naya sānī ||
bolā bihasi mahā abhimānī| milā hamahi kapi gura baṛa gyānī ||
mṛtyu nikaṭa āī khala tohī| lāgesi adhama sikhāvana mohī ||
ulaṭā hoihi kaha hanumānā| matibhrama tora pragaṭa maiṃ jānā ||
suni kapi bacana bahuta khisiānā| begi na harahu~ mūṛha kara prānā ||
sunata nisācara mārana dhāe| sacivanha sahita bibhīṣanu āe|
nāi sīsa kari binaya bahūtā| nīti birodha na māria dūtā ||
āna daṃḍa kachu karia gosā~ī| sabahīṃ kahā maṃtra bhala bhāī ||
sunata bihasi bolā dasakaṃdhara| aṃga bhaṃga kari paṭhaia baṃdara ||
do. kapi keṃ mamatā pū~cha para sabahi kahau~ samujhāi|
tela bori paṭa bā~dhi puni pāvaka dehu lagāi || 24 ||
pū~chahīna bānara taha~ jāihi| taba saṭha nija nāthahi lai āihi ||
jinha kai kīnhasi bahuta baṛāī| dekheu~ûmaiṃ tinha kai prabhutāī ||
bacana sunata kapi mana musukānā| bhai sahāya sārada maiṃ jānā ||
jātudhāna suni rāvana bacanā| lāge racaiṃ mūṛha soi racanā ||
rahā na nagara basana ghṛta telā| bāṛhī pū~cha kīnha kapi khelā ||
kautuka kaha~ āe purabāsī| mārahiṃ carana karahiṃ bahu hā~sī ||
bājahiṃ ḍhola dehiṃ saba tārī| nagara pheri puni pū~cha prajārī ||
pāvaka jarata dekhi hanumaṃtā| bhayau parama laghu rupa turaṃtā ||
nibuki caṛheu kapi kanaka aṭārīṃ| bhaī sabhīta nisācara nārīṃ ||
do. hari prerita tehi avasara cale maruta unacāsa|
aṭṭahāsa kari garjā kapi baṛhi lāga akāsa || 25 ||
deha bisāla parama haruāī| maṃdira teṃ maṃdira caṛha dhāī ||
jarai nagara bhā loga bihālā| jhapaṭa lapaṭa bahu koṭi karālā ||
tāta mātu hā sunia pukārā| ehi avasara ko hamahi ubārā ||
hama jo kahā yaha kapi nahiṃ hoī| bānara rūpa dhareṃ sura koī ||
sādhu avagyā kara phalu aisā| jarai nagara anātha kara jaisā ||
jārā nagaru nimiṣa eka māhīṃ| eka bibhīṣana kara gṛha nāhīṃ ||
tā kara dūta anala jehiṃ sirijā| jarā na so tehi kārana girijā ||
ulaṭi palaṭi laṃkā saba jārī| kūdi parā puni siṃdhu majhārī ||
do. pū~cha bujhāi khoi śrama dhari laghu rūpa bahori|
janakasutā ke āgeṃ ṭhāṛha bhayau kara jori || 26 ||
mātu mohi dīje kachu cīnhā| jaiseṃ raghunāyaka mohi dīnhā ||
cūṛāmani utāri taba dayaū| haraṣa sameta pavanasuta layaū ||
kahehu tāta asa mora pranāmā| saba prakāra prabhu pūranakāmā ||
dīna dayāla biridu saṃbhārī| harahu nātha mama saṃkaṭa bhārī ||
tāta sakrasuta kathā sunāehu| bāna pratāpa prabhuhi samujhāehu ||
māsa divasa mahu~ nāthu na āvā| tau puni mohi jiata nahiṃ pāvā ||
kahu kapi kehi bidhi rākhauṃ prānā| tumhahū tāta kahata aba jānā ||
tohi dekhi sītali bhai chātī| puni mo kahu~ soi dinu so rātī ||
do. janakasutahi samujhāi kari bahu bidhi dhīraju dīnha|
carana kamala siru nāi kapi gavanu rāma pahiṃ kīnha || 27 ||
calata mahādhuni garjesi bhārī| garbha stravahiṃ suni nisicara nārī ||
nāghi siṃdhu ehi pārahi āvā| sabada kilakilā kapinha sunāvā ||
haraṣe saba biloki hanumānā| nūtana janma kapinha taba jānā ||
mukha prasanna tana teja birājā| kīnhesi rāmacandra kara kājā ||
mile sakala ati bhae sukhārī| talaphata mīna pāva jimi bārī ||
cale haraṣi raghunāyaka pāsā| pū~chata kahata navala itihāsā ||
taba madhubana bhītara saba āe| aṃgada saṃmata madhu phala khāe ||
rakhavāre jaba barajana lāge| muṣṭi prahāra hanata saba bhāge ||
do. jāi pukāre te saba bana ujāra jubarāja|
suni sugrīva haraṣa kapi kari āe prabhu kāja || 28 ||
jauṃ na hoti sītā sudhi pāī| madhubana ke phala sakahiṃ ki khāī ||
ehi bidhi mana bicāra kara rājā| āi gae kapi sahita samājā ||
āi sabanhi nāvā pada sīsā| mileu sabanhi ati prema kapīsā ||
pū~chī kusala kusala pada dekhī| rāma kṛpā~ bhā kāju biseṣī ||
nātha kāju kīnheu hanumānā| rākhe sakala kapinha ke prānā ||
suni sugrīva bahuri tehi mileū| kapinha sahita raghupati pahiṃ caleū|
rāma kapinha jaba āvata dekhā| kie~ kāju mana haraṣa biseṣā ||
phaṭika silā baiṭhe dvau bhāī| pare sakala kapi carananhi jāī ||
do. prīti sahita saba bheṭe raghupati karunā puṃja|
pū~chī kusala nātha aba kusala dekhi pada kaṃja || 29 ||
jāmavaṃta kaha sunu raghurāyā| jā para nātha karahu tumha dāyā ||
tāhi sadā subha kusala niraṃtara| sura nara muni prasanna tā ūpara ||
soi bijaī binaī guna sāgara| tāsu sujasu treloka ujāgara ||
prabhu kīṃ kṛpā bhayau sabu kājū| janma hamāra suphala bhā ājū ||
nātha pavanasuta kīnhi jo karanī| sahasahu~ mukha na jāi so baranī ||
pavanatanaya ke carita suhāe| jāmavaṃta raghupatihi sunāe ||
sunata kṛpānidhi mana ati bhāe| puni hanumāna haraṣi hiya~ lāe ||
kahahu tāta kehi bhā~ti jānakī| rahati karati racchā svaprāna kī ||
do. nāma pāharu divasa nisi dhyāna tumhāra kapāṭa|
locana nija pada jaṃtrita jāhiṃ prāna kehiṃ bāṭa || 30 ||
calata mohi cūṛāmani dīnhī| raghupati hṛdaya~ lāi soi līnhī ||
nātha jugala locana bhari bārī| bacana kahe kachu janakakumārī ||
anuja sameta gahehu prabhu caranā| dīna baṃdhu pranatārati haranā ||
mana krama bacana carana anurāgī| kehi aparādha nātha hauṃ tyāgī ||
avaguna eka mora maiṃ mānā| bichurata prāna na kīnha payānā ||
nātha so nayananhi ko aparādhā| nisarata prāna karihiṃ haṭhi bādhā ||
biraha agini tanu tūla samīrā| svāsa jarai chana māhiṃ sarīrā ||
nayana stravahi jalu nija hita lāgī| jaraiṃ na pāva deha birahāgī|
sītā ke ati bipati bisālā| binahiṃ kaheṃ bhali dīnadayālā ||
do. nimiṣa nimiṣa karunānidhi jāhiṃ kalapa sama bīti|
begi caliya prabhu ānia bhuja bala khala dala jīti || 31 ||
suni sītā dukha prabhu sukha ayanā| bhari āe jala rājiva nayanā ||
bacana kā~ya mana mama gati jāhī| sapanehu~ būjhia bipati ki tāhī ||
kaha hanumaṃta bipati prabhu soī| jaba tava sumirana bhajana na hoī ||
ketika bāta prabhu jātudhāna kī| ripuhi jīti ānibī jānakī ||
sunu kapi tohi samāna upakārī| nahiṃ kou sura nara muni tanudhārī ||
prati upakāra karauṃ kā torā| sanamukha hoi na sakata mana morā ||
sunu suta urina maiṃ nāhīṃ| dekheu~ kari bicāra mana māhīṃ ||
puni puni kapihi citava suratrātā| locana nīra pulaka ati gātā ||
do. suni prabhu bacana biloki mukha gāta haraṣi hanumaṃta|
carana pareu premākula trāhi trāhi bhagavaṃta || 32 ||
bāra bāra prabhu cahai uṭhāvā| prema magana tehi uṭhaba na bhāvā ||
prabhu kara paṃkaja kapi keṃ sīsā| sumiri so dasā magana gaurīsā ||
sāvadhāna mana kari puni saṃkara| lāge kahana kathā ati suṃdara ||
kapi uṭhāi prabhu hṛdaya~ lagāvā| kara gahi parama nikaṭa baiṭhāvā ||
kahu kapi rāvana pālita laṃkā| kehi bidhi daheu durga ati baṃkā ||
prabhu prasanna jānā hanumānā| bolā bacana bigata abhimānā ||
sākhāmṛga ke baṛi manusāī| sākhā teṃ sākhā para jāī ||
nāghi siṃdhu hāṭakapura jārā| nisicara gana bidhi bipina ujārā|
so saba tava pratāpa raghurāī| nātha na kachū mori prabhutāī ||
do. tā kahu~ prabhu kachu agama nahiṃ jā para tumha anukula|
taba prabhāva~ baṛavānalahiṃ jāri sakai khalu tūla || 33 ||
nātha bhagati ati sukhadāyanī| dehu kṛpā kari anapāyanī ||
suni prabhu parama sarala kapi bānī| evamastu taba kaheu bhavānī ||
umā rāma subhāu jehiṃ jānā| tāhi bhajanu taji bhāva na ānā ||
yaha saṃvāda jāsu ura āvā| raghupati carana bhagati soi pāvā ||
suni prabhu bacana kahahiṃ kapibṛṃdā| jaya jaya jaya kṛpāla sukhakaṃdā ||
taba raghupati kapipatihi bolāvā| kahā calaiṃ kara karahu banāvā ||
aba bilaṃbu kehi kārana kīje| turata kapinha kahu~ āyasu dīje ||
kautuka dekhi sumana bahu baraṣī| nabha teṃ bhavana cale sura haraṣī ||
do. kapipati begi bolāe āe jūthapa jūtha|
nānā barana atula bala bānara bhālu barūtha || 34 ||
prabhu pada paṃkaja nāvahiṃ sīsā| garajahiṃ bhālu mahābala kīsā ||
dekhī rāma sakala kapi senā| citai kṛpā kari rājiva nainā ||
rāma kṛpā bala pāi kapiṃdā| bhae pacchajuta manahu~ giriṃdā ||
haraṣi rāma taba kīnha payānā| saguna bhae suṃdara subha nānā ||
jāsu sakala maṃgalamaya kītī| tāsu payāna saguna yaha nītī ||
prabhu payāna jānā baidehīṃ| pharaki bāma a~ga janu kahi dehīṃ ||
joi joi saguna jānakihi hoī| asaguna bhayau rāvanahi soī ||
calā kaṭaku ko baranaiṃ pārā| garjahi bānara bhālu apārā ||
nakha āyudha giri pādapadhārī| cale gagana mahi icchācārī ||
keharināda bhālu kapi karahīṃ| ḍagamagāhiṃ diggaja cikkarahīṃ ||
chaṃ. cikkarahiṃ diggaja ḍola mahi giri lola sāgara kharabhare|
mana haraṣa sabha gaṃdharba sura muni nāga kinnara dukha ṭare ||
kaṭakaṭahiṃ markaṭa bikaṭa bhaṭa bahu koṭi koṭinha dhāvahīṃ|
jaya rāma prabala pratāpa kosalanātha guna gana gāvahīṃ || 1 ||
sahi saka na bhāra udāra ahipati bāra bārahiṃ mohaī|
gaha dasana puni puni kamaṭha pṛṣṭa kaṭhora so kimi sohaī ||
raghubīra rucira prayāna prasthiti jāni parama suhāvanī|
janu kamaṭha kharpara sarparāja so likhata abicala pāvanī || 2 ||
do. ehi bidhi jāi kṛpānidhi utare sāgara tīra|
jaha~ taha~ lāge khāna phala bhālu bipula kapi bīra || 35 ||
uhā~ nisācara rahahiṃ sasaṃkā| jaba te jāri gayau kapi laṃkā ||
nija nija gṛha~ saba karahiṃ bicārā| nahiṃ nisicara kula kera ubārā ||
jāsu dūta bala barani na jāī| tehi āe~ pura kavana bhalāī ||
dūtanhi sana suni purajana bānī| maṃdodarī adhika akulānī ||
rahasi jori kara pati paga lāgī| bolī bacana nīti rasa pāgī ||
kaṃta karaṣa hari sana pariharahū| mora kahā ati hita hiya~ dharahu ||
samujhata jāsu dūta kai karanī| stravahīṃ garbha rajanīcara dharanī ||
tāsu nāri nija saciva bolāī| paṭhavahu kaṃta jo cahahu bhalāī ||
taba kula kamala bipina dukhadāī| sītā sīta nisā sama āī ||
sunahu nātha sītā binu dīnheṃ| hita na tumhāra saṃbhu aja kīnheṃ ||
do. -rāma bāna ahi gana sarisa nikara nisācara bheka|
jaba lagi grasata na taba lagi jatanu karahu taji ṭeka || 36 ||
śravana sunī saṭha tā kari bānī| bihasā jagata bidita abhimānī ||
sabhaya subhāu nāri kara sācā| maṃgala mahu~ bhaya mana ati kācā ||
jauṃ āvai markaṭa kaṭakāī| jiahiṃ bicāre nisicara khāī ||
kaṃpahiṃ lokapa jākī trāsā| tāsu nāri sabhīta baṛi hāsā ||
asa kahi bihasi tāhi ura lāī| caleu sabhā~ mamatā adhikāī ||
maṃdodarī hṛdaya~ kara ciṃtā| bhayau kaṃta para bidhi biparītā ||
baiṭheu sabhā~ khabari asi pāī| siṃdhu pāra senā saba āī ||
būjhesi saciva ucita mata kahahū| te saba ha~se maṣṭa kari rahahū ||
jitehu surāsura taba śrama nāhīṃ| nara bānara kehi lekhe māhī ||
do. saciva baida gura tīni jauṃ priya bolahiṃ bhaya āsa|
rāja dharma tana tīni kara hoi begihīṃ nāsa || 37 ||
soi rāvana kahu~ bani sahāī| astuti karahiṃ sunāi sunāī ||
avasara jāni bibhīṣanu āvā| bhrātā carana sīsu tehiṃ nāvā ||
puni siru nāi baiṭha nija āsana| bolā bacana pāi anusāsana ||
jau kṛpāla pū~chihu mohi bātā| mati anurupa kahau~ hita tātā ||
jo āpana cāhai kalyānā| sujasu sumati subha gati sukha nānā ||
so paranāri lilāra gosāīṃ| tajau cauthi ke caṃda ki nāī ||
caudaha bhuvana eka pati hoī| bhūtadroha tiṣṭai nahiṃ soī ||
guna sāgara nāgara nara joū| alapa lobha bhala kahai na koū ||
do. kāma krodha mada lobha saba nātha naraka ke paṃtha|
saba parihari raghubīrahi bhajahu bhajahiṃ jehi saṃta || 38 ||
tāta rāma nahiṃ nara bhūpālā| bhuvanesvara kālahu kara kālā ||
brahma anāmaya aja bhagavaṃtā| byāpaka ajita anādi anaṃtā ||
go dvija dhenu deva hitakārī| kṛpāsiṃdhu mānuṣa tanudhārī ||
jana raṃjana bhaṃjana khala brātā| beda dharma racchaka sunu bhrātā ||
tāhi bayaru taji nāia māthā| pranatārati bhaṃjana raghunāthā ||
dehu nātha prabhu kahu~ baidehī| bhajahu rāma binu hetu sanehī ||
sarana gae~ prabhu tāhu na tyāgā| bisva droha kṛta agha jehi lāgā ||
jāsu nāma traya tāpa nasāvana| soi prabhu pragaṭa samujhu jiya~ rāvana ||
do. bāra bāra pada lāgau~ binaya karau~ dasasīsa|
parihari māna moha mada bhajahu kosalādhīsa || 39(ka) ||
muni pulasti nija siṣya sana kahi paṭhaī yaha bāta|
turata so maiṃ prabhu sana kahī pāi suavasaru tāta || 39(kha) ||
mālyavaṃta ati saciva sayānā| tāsu bacana suni ati sukha mānā ||
tāta anuja tava nīti bibhūṣana| so ura dharahu jo kahata bibhīṣana ||
ripu utakaraṣa kahata saṭha doū| dūri na karahu ihā~ hai koū ||
mālyavaṃta gṛha gayau bahorī| kahai bibhīṣanu puni kara jorī ||
sumati kumati saba keṃ ura rahahīṃ| nātha purāna nigama asa kahahīṃ ||
jahā~ sumati taha~ saṃpati nānā| jahā~ kumati taha~ bipati nidānā ||
tava ura kumati basī biparītā| hita anahita mānahu ripu prītā ||
kālarāti nisicara kula kerī| tehi sītā para prīti ghanerī ||
do. tāta carana gahi māgau~ rākhahu mora dulāra|
sīta dehu rāma kahu~ ahita na hoi tumhāra || 40 ||
budha purāna śruti saṃmata bānī| kahī bibhīṣana nīti bakhānī ||
sunata dasānana uṭhā risāī| khala tohi nikaṭa mutyu aba āī ||
jiasi sadā saṭha mora jiāvā| ripu kara paccha mūṛha tohi bhāvā ||
kahasi na khala asa ko jaga māhīṃ| bhuja bala jāhi jitā maiṃ nāhī ||
mama pura basi tapasinha para prītī| saṭha milu jāi tinhahi kahu nītī ||
asa kahi kīnhesi carana prahārā| anuja gahe pada bārahiṃ bārā ||
umā saṃta kai ihai baṛāī| maṃda karata jo karai bhalāī ||
tumha pitu sarisa bhalehiṃ mohi mārā| rāmu bhajeṃ hita nātha tumhārā ||
saciva saṃga lai nabha patha gayaū| sabahi sunāi kahata asa bhayaū ||
do0=rāmu satyasaṃkalpa prabhu sabhā kālabasa tori|
mai raghubīra sarana aba jāu~ dehu jani khori || 41 ||
asa kahi calā bibhīṣanu jabahīṃ| āyūhīna bhae saba tabahīṃ ||
sādhu avagyā turata bhavānī| kara kalyāna akhila kai hānī ||
rāvana jabahiṃ bibhīṣana tyāgā| bhayau bibhava binu tabahiṃ abhāgā ||
caleu haraṣi raghunāyaka pāhīṃ| karata manoratha bahu mana māhīṃ ||
dekhihau~ jāi carana jalajātā| aruna mṛdula sevaka sukhadātā ||
je pada parasi tarī riṣinārī| daṃḍaka kānana pāvanakārī ||
je pada janakasutā~ ura lāe| kapaṭa kuraṃga saṃga dhara dhāe ||
hara ura sara saroja pada jeī| ahobhāgya mai dekhihau~ teī ||
do0= jinha pāyanha ke pādukanhi bharatu rahe mana lāi|
te pada āju bilokihau~ inha nayananhi aba jāi || 42 ||
ehi bidhi karata saprema bicārā| āyau sapadi siṃdhu ehiṃ pārā ||
kapinha bibhīṣanu āvata dekhā| jānā kou ripu dūta biseṣā ||
tāhi rākhi kapīsa pahiṃ āe| samācāra saba tāhi sunāe ||
kaha sugrīva sunahu raghurāī| āvā milana dasānana bhāī ||
kaha prabhu sakhā būjhiai kāhā| kahai kapīsa sunahu naranāhā ||
jāni na jāi nisācara māyā| kāmarūpa kehi kārana āyā ||
bheda hamāra lena saṭha āvā| rākhia bā~dhi mohi asa bhāvā ||
sakhā nīti tumha nīki bicārī| mama pana saranāgata bhayahārī ||
suni prabhu bacana haraṣa hanumānā| saranāgata bacchala bhagavānā ||
do0=saranāgata kahu~ je tajahiṃ nija anahita anumāni|
te nara pāva~ra pāpamaya tinhahi bilokata hāni || 43 ||
koṭi bipra badha lāgahiṃ jāhū| āe~ sarana tajau~ nahiṃ tāhū ||
sanamukha hoi jīva mohi jabahīṃ| janma koṭi agha nāsahiṃ tabahīṃ ||
pāpavaṃta kara sahaja subhāū| bhajanu mora tehi bhāva na kāū ||
jauṃ pai duṣṭahṛdaya soi hoī| moreṃ sanamukha āva ki soī ||
nirmala mana jana so mohi pāvā| mohi kapaṭa chala chidra na bhāvā ||
bheda lena paṭhavā dasasīsā| tabahu~ na kachu bhaya hāni kapīsā ||
jaga mahu~ sakhā nisācara jete| lachimanu hanai nimiṣa mahu~ tete ||
jauṃ sabhīta āvā saranāī| rakhihau~ tāhi prāna kī nāī ||
do0=ubhaya bhā~ti tehi ānahu ha~si kaha kṛpāniketa|
jaya kṛpāla kahi cale aṃgada hanū sameta || 44 ||
sādara tehi āgeṃ kari bānara| cale jahā~ raghupati karunākara ||
dūrihi te dekhe dvau bhrātā| nayanānaṃda dāna ke dātā ||
bahuri rāma chabidhāma bilokī| raheu ṭhaṭuki ekaṭaka pala rokī ||
bhuja pralaṃba kaṃjāruna locana| syāmala gāta pranata bhaya mocana ||
siṃgha kaṃdha āyata ura sohā| ānana amita madana mana mohā ||
nayana nīra pulakita ati gātā| mana dhari dhīra kahī mṛdu bātā ||
nātha dasānana kara maiṃ bhrātā| nisicara baṃsa janama suratrātā ||
sahaja pāpapriya tāmasa dehā| jathā ulūkahi tama para nehā ||
do. śravana sujasu suni āyau~ prabhu bhaṃjana bhava bhīra|
trāhi trāhi ārati harana sarana sukhada raghubīra || 45 ||
asa kahi karata daṃḍavata dekhā| turata uṭhe prabhu haraṣa biseṣā ||
dīna bacana suni prabhu mana bhāvā| bhuja bisāla gahi hṛdaya~ lagāvā ||
anuja sahita mili ḍhiga baiṭhārī| bole bacana bhagata bhayahārī ||
kahu laṃkesa sahita parivārā| kusala kuṭhāhara bāsa tumhārā ||
khala maṃḍalīṃ basahu dinu rātī| sakhā dharama nibahai kehi bhā~tī ||
maiṃ jānau~ tumhāri saba rītī| ati naya nipuna na bhāva anītī ||
baru bhala bāsa naraka kara tātā| duṣṭa saṃga jani dei bidhātā ||
aba pada dekhi kusala raghurāyā| jauṃ tumha kīnha jāni jana dāyā ||
do. taba lagi kusala na jīva kahu~ sapanehu~ mana biśrāma|
jaba lagi bhajata na rāma kahu~ soka dhāma taji kāma || 46 ||
taba lagi hṛdaya~ basata khala nānā| lobha moha macchara mada mānā ||
jaba lagi ura na basata raghunāthā| dhareṃ cāpa sāyaka kaṭi bhāthā ||
mamatā taruna tamī a~dhiārī| rāga dveṣa ulūka sukhakārī ||
taba lagi basati jīva mana māhīṃ| jaba lagi prabhu pratāpa rabi nāhīṃ ||
aba maiṃ kusala miṭe bhaya bhāre| dekhi rāma pada kamala tumhāre ||
tumha kṛpāla jā para anukūlā| tāhi na byāpa tribidha bhava sūlā ||
maiṃ nisicara ati adhama subhāū| subha ācaranu kīnha nahiṃ kāū ||
jāsu rūpa muni dhyāna na āvā| tehiṃ prabhu haraṣi hṛdaya~ mohi lāvā ||
do. -ahobhāgya mama amita ati rāma kṛpā sukha puṃja|
dekheu~ nayana biraṃci siba sebya jugala pada kaṃja || 47 ||
sunahu sakhā nija kahau~ subhāū| jāna bhusuṃḍi saṃbhu girijāū ||
jauṃ nara hoi carācara drohī| āve sabhaya sarana taki mohī ||
taji mada moha kapaṭa chala nānā| karau~ sadya tehi sādhu samānā ||
jananī janaka baṃdhu suta dārā| tanu dhanu bhavana suhrada parivārā ||
saba kai mamatā tāga baṭorī| mama pada manahi bā~dha bari ḍorī ||
samadarasī icchā kachu nāhīṃ| haraṣa soka bhaya nahiṃ mana māhīṃ ||
asa sajjana mama ura basa kaiseṃ| lobhī hṛdaya~ basai dhanu jaiseṃ ||
tumha sārikhe saṃta priya moreṃ| dharau~ deha nahiṃ āna nihoreṃ ||
do. saguna upāsaka parahita nirata nīti dṛṛha nema|
te nara prāna samāna mama jinha keṃ dvija pada prema || 48 ||
sunu laṃkesa sakala guna toreṃ| tāteṃ tumha atisaya priya moreṃ ||
rāma bacana suni bānara jūthā| sakala kahahiṃ jaya kṛpā barūthā ||
sunata bibhīṣanu prabhu kai bānī| nahiṃ aghāta śravanāmṛta jānī ||
pada aṃbuja gahi bārahiṃ bārā| hṛdaya~ samāta na premu apārā ||
sunahu deva sacarācara svāmī| pranatapāla ura aṃtarajāmī ||
ura kachu prathama bāsanā rahī| prabhu pada prīti sarita so bahī ||
aba kṛpāla nija bhagati pāvanī| dehu sadā siva mana bhāvanī ||
evamastu kahi prabhu ranadhīrā| māgā turata siṃdhu kara nīrā ||
jadapi sakhā tava icchā nāhīṃ| mora darasu amogha jaga māhīṃ ||
asa kahi rāma tilaka tehi sārā| sumana bṛṣṭi nabha bhaī apārā ||
do. rāvana krodha anala nija svāsa samīra pracaṃḍa|
jarata bibhīṣanu rākheu dīnhehu rāju akhaṃḍa || 49(ka) ||
jo saṃpati siva rāvanahi dīnhi die~ dasa mātha|
soi saṃpadā bibhīṣanahi sakuci dīnha raghunātha || 49(kha) ||
asa prabhu chāṛi bhajahiṃ je ānā| te nara pasu binu pū~cha biṣānā ||
nija jana jāni tāhi apanāvā| prabhu subhāva kapi kula mana bhāvā ||
puni sarbagya sarba ura bāsī| sarbarūpa saba rahita udāsī ||
bole bacana nīti pratipālaka| kārana manuja danuja kula ghālaka ||
sunu kapīsa laṃkāpati bīrā| kehi bidhi taria jaladhi gaṃbhīrā ||
saṃkula makara uraga jhaṣa jātī| ati agādha dustara saba bhā~tī ||
kaha laṃkesa sunahu raghunāyaka| koṭi siṃdhu soṣaka tava sāyaka ||
jadyapi tadapi nīti asi gāī| binaya karia sāgara sana jāī ||
do. prabhu tumhāra kulagura jaladhi kahihi upāya bicāri|
binu prayāsa sāgara tarihi sakala bhālu kapi dhāri || 50 ||
sakhā kahī tumha nīki upāī| karia daiva jauṃ hoi sahāī ||
maṃtra na yaha lachimana mana bhāvā| rāma bacana suni ati dukha pāvā ||
nātha daiva kara kavana bharosā| soṣia siṃdhu karia mana rosā ||
kādara mana kahu~ eka adhārā| daiva daiva ālasī pukārā ||
sunata bihasi bole raghubīrā| aisehiṃ karaba dharahu mana dhīrā ||
asa kahi prabhu anujahi samujhāī| siṃdhu samīpa gae raghurāī ||
prathama pranāma kīnha siru nāī| baiṭhe puni taṭa darbha ḍasāī ||
jabahiṃ bibhīṣana prabhu pahiṃ āe| pācheṃ rāvana dūta paṭhāe ||
do. sakala carita tinha dekhe dhareṃ kapaṭa kapi deha|
prabhu guna hṛdaya~ sarāhahiṃ saranāgata para neha || 51 ||
pragaṭa bakhānahiṃ rāma subhāū| ati saprema gā bisari durāū ||
ripu ke dūta kapinha taba jāne| sakala bā~dhi kapīsa pahiṃ āne ||
kaha sugrīva sunahu saba bānara| aṃga bhaṃga kari paṭhavahu nisicara ||
suni sugrīva bacana kapi dhāe| bā~dhi kaṭaka cahu pāsa phirāe ||
bahu prakāra mārana kapi lāge| dīna pukārata tadapi na tyāge ||
jo hamāra hara nāsā kānā| tehi kosalādhīsa kai ānā ||
suni lachimana saba nikaṭa bolāe| dayā lāgi ha~si turata choḍāe ||
rāvana kara dījahu yaha pātī| lachimana bacana bācu kulaghātī ||
do. kahehu mukhāgara mūṛha sana mama saṃdesu udāra|
sītā dei milehu na ta āvā kāla tumhāra || 52 ||
turata nāi lachimana pada māthā| cale dūta baranata guna gāthā ||
kahata rāma jasu laṃkā~ āe| rāvana carana sīsa tinha nāe ||
bihasi dasānana pū~chī bātā| kahasi na suka āpani kusalātā ||
puni kahu khabari bibhīṣana kerī| jāhi mṛtyu āī ati nerī ||
karata rāja laṃkā saṭha tyāgī| hoihi jaba kara kīṭa abhāgī ||
puni kahu bhālu kīsa kaṭakāī| kaṭhina kāla prerita cali āī ||
jinha ke jīvana kara rakhavārā| bhayau mṛdula cita siṃdhu bicārā ||
kahu tapasinha kai bāta bahorī| jinha ke hṛdaya~ trāsa ati morī ||
do. -kī bhai bheṃṭa ki phiri gae śravana sujasu suni mora|
kahasi na ripu dala teja bala bahuta cakita cita tora || 53 ||
nātha kṛpā kari pū~chehu jaiseṃ| mānahu kahā krodha taji taiseṃ ||
milā jāi jaba anuja tumhārā| jātahiṃ rāma tilaka tehi sārā ||
rāvana dūta hamahi suni kānā| kapinha bā~dhi dīnhe dukha nānā ||
śravana nāsikā kāṭai lāge| rāma sapatha dīnhe hama tyāge ||
pū~chihu nātha rāma kaṭakāī| badana koṭi sata barani na jāī ||
nānā barana bhālu kapi dhārī| bikaṭānana bisāla bhayakārī ||
jehiṃ pura daheu hateu suta torā| sakala kapinha maha~ tehi balu thorā ||
amita nāma bhaṭa kaṭhina karālā| amita nāga bala bipula bisālā ||
do. dvibida mayaṃda nīla nala aṃgada gada bikaṭāsi|
dadhimukha kehari nisaṭha saṭha jāmavaṃta balarāsi || 54 ||
e kapi saba sugrīva samānā| inha sama koṭinha ganai ko nānā ||
rāma kṛpā~ atulita bala tinhahīṃ| tṛna samāna trelokahi ganahīṃ ||
asa maiṃ sunā śravana dasakaṃdhara| paduma aṭhāraha jūthapa baṃdara ||
nātha kaṭaka maha~ so kapi nāhīṃ| jo na tumhahi jītai rana māhīṃ ||
parama krodha mījahiṃ saba hāthā| āyasu pai na dehiṃ raghunāthā ||
soṣahiṃ siṃdhu sahita jhaṣa byālā| pūrahīṃ na ta bhari kudhara bisālā ||
mardi garda milavahiṃ dasasīsā| aisei bacana kahahiṃ saba kīsā ||
garjahiṃ tarjahiṃ sahaja asaṃkā| mānahu grasana cahata hahiṃ laṃkā ||
do. -sahaja sūra kapi bhālu saba puni sira para prabhu rāma|
rāvana kāla koṭi kahu jīti sakahiṃ saṃgrāma || 55 ||
rāma teja bala budhi bipulāī| seṣa sahasa sata sakahiṃ na gāī ||
saka sara eka soṣi sata sāgara| taba bhrātahi pū~cheu naya nāgara ||
tāsu bacana suni sāgara pāhīṃ| māgata paṃtha kṛpā mana māhīṃ ||
sunata bacana bihasā dasasīsā| jauṃ asi mati sahāya kṛta kīsā ||
sahaja bhīru kara bacana dṛṛhāī| sāgara sana ṭhānī macalāī ||
mūṛha mṛṣā kā karasi baṛāī| ripu bala buddhi thāha maiṃ pāī ||
saciva sabhīta bibhīṣana jākeṃ| bijaya bibhūti kahā~ jaga tākeṃ ||
suni khala bacana dūta risa bāṛhī| samaya bicāri patrikā kāṛhī ||
rāmānuja dīnhī yaha pātī| nātha bacāi juṛāvahu chātī ||
bihasi bāma kara līnhī rāvana| saciva boli saṭha lāga bacāvana ||
do. -bātanha manahi rijhāi saṭha jani ghālasi kula khīsa|
rāma birodha na ubarasi sarana biṣnu aja īsa || 56(ka) ||
kī taji māna anuja iva prabhu pada paṃkaja bhṛṃga|
hohi ki rāma sarānala khala kula sahita pataṃga || 56(kha) ||
sunata sabhaya mana mukha musukāī| kahata dasānana sabahi sunāī ||
bhūmi parā kara gahata akāsā| laghu tāpasa kara bāga bilāsā ||
kaha suka nātha satya saba bānī| samujhahu chāṛi prakṛti abhimānī ||
sunahu bacana mama parihari krodhā| nātha rāma sana tajahu birodhā ||
ati komala raghubīra subhāū| jadyapi akhila loka kara rāū ||
milata kṛpā tumha para prabhu karihī| ura aparādha na ekau dharihī ||
janakasutā raghunāthahi dīje| etanā kahā mora prabhu kīje|
jaba tehiṃ kahā dena baidehī| carana prahāra kīnha saṭha tehī ||
nāi carana siru calā so tahā~| kṛpāsiṃdhu raghunāyaka jahā~ ||
kari pranāmu nija kathā sunāī| rāma kṛpā~ āpani gati pāī ||
riṣi agasti kīṃ sāpa bhavānī| rāchasa bhayau rahā muni gyānī ||
baṃdi rāma pada bārahiṃ bārā| muni nija āśrama kahu~ pagu dhārā ||
do. binaya na mānata jaladhi jaṛa gae tīna dina bīti|
bole rāma sakopa taba bhaya binu hoi na prīti || 57 ||
lachimana bāna sarāsana ānū| soṣauṃ bāridhi bisikha kṛsānū ||
saṭha sana binaya kuṭila sana prītī| sahaja kṛpana sana suṃdara nītī ||
mamatā rata sana gyāna kahānī| ati lobhī sana birati bakhānī ||
krodhihi sama kāmihi hari kathā| ūsara bīja bae~ phala jathā ||
asa kahi raghupati cāpa caṛhāvā| yaha mata lachimana ke mana bhāvā ||
saṃghāneu prabhu bisikha karālā| uṭhī udadhi ura aṃtara jvālā ||
makara uraga jhaṣa gana akulāne| jarata jaṃtu jalanidhi jaba jāne ||
kanaka thāra bhari mani gana nānā| bipra rūpa āyau taji mānā ||
do. kāṭehiṃ pai kadarī pharai koṭi jatana kou sīṃca|
binaya na māna khagesa sunu ḍāṭehiṃ pai nava nīca || 58 ||
sabhaya siṃdhu gahi pada prabhu kere| chamahu nātha saba avaguna mere ||
gagana samīra anala jala dharanī| inha kai nātha sahaja jaṛa karanī ||
tava prerita māyā~ upajāe| sṛṣṭi hetu saba graṃthani gāe ||
prabhu āyasu jehi kaha~ jasa ahaī| so tehi bhā~ti rahe sukha lahaī ||
prabhu bhala kīnhī mohi sikha dīnhī| marajādā puni tumharī kīnhī ||
ḍhola gavā~ra sūdra pasu nārī| sakala tāṛanā ke adhikārī ||
prabhu pratāpa maiṃ jāba sukhāī| utarihi kaṭaku na mori baṛāī ||
prabhu agyā apela śruti gāī| karauṃ so begi jau tumhahi sohāī ||
do. sunata binīta bacana ati kaha kṛpāla musukāi|
jehi bidhi utarai kapi kaṭaku tāta so kahahu upāi || 59 ||
nātha nīla nala kapi dvau bhāī| larikāī riṣi āsiṣa pāī ||
tinha ke parasa kie~ giri bhāre| tarihahiṃ jaladhi pratāpa tumhāre ||
maiṃ puni ura dhari prabhutāī| karihau~ bala anumāna sahāī ||
ehi bidhi nātha payodhi ba~dhāia| jehiṃ yaha sujasu loka tihu~ gāia ||
ehi sara mama uttara taṭa bāsī| hatahu nātha khala nara agha rāsī ||
suni kṛpāla sāgara mana pīrā| turatahiṃ harī rāma ranadhīrā ||
dekhi rāma bala pauruṣa bhārī| haraṣi payonidhi bhayau sukhārī ||
sakala carita kahi prabhuhi sunāvā| carana baṃdi pāthodhi sidhāvā ||
chaṃ. nija bhavana gavaneu siṃdhu śrīraghupatihi yaha mata bhāyaū|
yaha carita kali malahara jathāmati dāsa tulasī gāyaū ||
sukha bhavana saṃsaya samana davana biṣāda raghupati guna ganā ||
taji sakala āsa bharosa gāvahi sunahi saṃtata saṭha manā ||
do. sakala sumaṃgala dāyaka raghunāyaka guna gāna|
sādara sunahiṃ te tarahiṃ bhava siṃdhu binā jalajāna || 60 ||
śrīrāmacaritamānasa
pañcama sopāna
sundarakāṇḍa
śloka
śāntaṃ śāśvatamaprameyamanaghaṃ nirvāṇaśāntipradaṃ
brahmāśambhuphaṇīndrasevyamaniśaṃ vedāntavedyaṃ vibhum |
rāmākhyaṃ jagadīśvaraṃ suraguruṃ māyāmanuṣyaṃ hariṃ
vande'haṃ karuṇākaraṃ raghuvaraṃ bhūpālacūṛāmaṇim || 1 ||
nānyā spṛhā raghupate hṛdaye'smadīye
satyaṃ vadāmi ca bhavānakhilāntarātmā|
bhaktiṃ prayaccha raghupuṅgava nirbharāṃ me
kāmādidoṣarahitaṃ kuru mānasaṃ ca || 2 ||
atulitabaladhāmaṃ hemaśailābhadehaṃ
danujavanakṛśānuṃ jñānināmagragaṇyam|
sakalaguṇanidhānaṃ vānarāṇāmadhīśaṃ
raghupatipriyabhaktaṃ vātajātaṃ namāmi || 3 ||
jāmavaṃta ke bacana suhāe| suni hanumaṃta hṛdaya ati bhāe ||
taba lagi mohi parikhehu tumha bhāī| sahi dukha kaṃda mūla phala khāī ||
jaba lagi āvauṃ sītahi dekhī| hoihi kāju mohi haraṣa biseṣī ||
yaha kahi nāi sabanhi kahu~ māthā| caleu haraṣi hiya~ dhari raghunāthā ||
siṃdhu tīra eka bhūdhara suṃdara| kautuka kūdi caṛheu tā ūpara ||
bāra bāra raghubīra sa~bhārī| tarakeu pavanatanaya bala bhārī ||
jehiṃ giri carana dei hanumaṃtā| caleu so gā pātāla turaṃtā ||
jimi amogha raghupati kara bānā| ehī bhā~ti caleu hanumānā ||
jalanidhi raghupati dūta bicārī| taiṃ maināka hohi śramahārī ||
do. hanūmāna tehi parasā kara puni kīnha pranāma|
rāma kāju kīnheṃ binu mohi kahā~ biśrāma || 1 ||
jāta pavanasuta devanha dekhā| jānaiṃ kahu~ bala buddhi biseṣā ||
surasā nāma ahinha kai mātā| paṭhainhi āi kahī tehiṃ bātā ||
āju suranha mohi dīnha ahārā| sunata bacana kaha pavanakumārā ||
rāma kāju kari phiri maiṃ āvauṃ| sītā kai sudhi prabhuhi sunāvauṃ ||
taba tava badana paiṭhihau~ āī| satya kahau~ mohi jāna de māī ||
kabanehu~ jatana dei nahiṃ jānā| grasasi na mohi kaheu hanumānā ||
jojana bhari tehiṃ badanu pasārā| kapi tanu kīnha duguna bistārā ||
soraha jojana mukha tehiṃ ṭhayaū| turata pavanasuta battisa bhayaū ||
jasa jasa surasā badanu baṛhāvā| tāsu dūna kapi rūpa dekhāvā ||
sata jojana tehiṃ ānana kīnhā| ati laghu rūpa pavanasuta līnhā ||
badana paiṭhi puni bāhera āvā| māgā bidā tāhi siru nāvā ||
mohi suranha jehi lāgi paṭhāvā| budhi bala maramu tora mai pāvā ||
do. rāma kāju sabu karihahu tumha bala buddhi nidhāna|
āsiṣa deha gaī so haraṣi caleu hanumāna || 2 ||
nisicari eka siṃdhu mahu~ rahaī| kari māyā nabhu ke khaga gahaī ||
jīva jaṃtu je gagana uṛāhīṃ| jala biloki tinha kai parichāhīṃ ||
gahai chāha~ saka so na uṛāī| ehi bidhi sadā gaganacara khāī ||
soi chala hanūmāna kaha~ kīnhā| tāsu kapaṭu kapi turatahiṃ cīnhā ||
tāhi māri mārutasuta bīrā| bāridhi pāra gayau matidhīrā ||
tahā~ jāi dekhī bana sobhā| guṃjata caṃcarīka madhu lobhā ||
nānā taru phala phūla suhāe| khaga mṛga bṛṃda dekhi mana bhāe ||
saila bisāla dekhi eka āgeṃ| tā para dhāi caḍheu bhaya tyāgeṃ ||
umā na kachu kapi kai adhikāī| prabhu pratāpa jo kālahi khāī ||
giri para caḍhi laṃkā tehiṃ dekhī| kahi na jāi ati durga biseṣī ||
ati utaṃga jalanidhi cahu pāsā| kanaka koṭa kara parama prakāsā ||
chaṃ=kanaka koṭa bicitra mani kṛta suṃdarāyatanā ghanā|
cauhaṭṭa haṭṭa subaṭṭa bīthīṃ cāru pura bahu bidhi banā ||
gaja bāji khaccara nikara padacara ratha barūthinha ko ganai ||
bahurūpa nisicara jūtha atibala sena baranata nahiṃ banai || 1 ||
bana bāga upabana bāṭikā sara kūpa bāpīṃ sohahīṃ|
nara nāga sura gaṃdharba kanyā rūpa muni mana mohahīṃ ||
kahu~ māla deha bisāla saila samāna atibala garjahīṃ|
nānā akhārenha bhirahiṃ bahu bidhi eka ekanha tarjahīṃ || 2 ||
kari jatana bhaṭa koṭinha bikaṭa tana nagara cahu~ disi racchahīṃ|
kahu~ mahiṣa mānaṣu dhenu khara aja khala nisācara bhacchahīṃ ||
ehi lāgi tulasīdāsa inha kī kathā kachu eka hai kahī|
raghubīra sara tīratha sarīranhi tyāgi gati paihahiṃ sahī || 3 ||
do. pura rakhavāre dekhi bahu kapi mana kīnha bicāra|
ati laghu rūpa dharauṃ nisi nagara karauṃ paisāra || 3 ||
masaka samāna rūpa kapi dharī| laṃkahi caleu sumiri naraharī ||
nāma laṃkinī eka nisicarī| so kaha calesi mohi niṃdarī ||
jānehi nahīṃ maramu saṭha morā| mora ahāra jahā~ lagi corā ||
muṭhikā eka mahā kapi hanī| rudhira bamata dharanīṃ ḍhanamanī ||
puni saṃbhāri uṭhi so laṃkā| jori pāni kara binaya saṃsakā ||
jaba rāvanahi brahma bara dīnhā| calata biraṃci kahā mohi cīnhā ||
bikala hosi taiṃ kapi keṃ māre| taba jānesu nisicara saṃghāre ||
tāta mora ati punya bahūtā| dekheu~ nayana rāma kara dūtā ||
do. tāta svarga apabarga sukha dharia tulā eka aṃga|
tūla na tāhi sakala mili jo sukha lava satasaṃga || 4 ||
prabisi nagara kīje saba kājā| hṛdaya~ rākhi kausalapura rājā ||
garala sudhā ripu karahiṃ mitāī| gopada siṃdhu anala sitalāī ||
garuṛa sumeru renū sama tāhī| rāma kṛpā kari citavā jāhī ||
ati laghu rūpa dhareu hanumānā| paiṭhā nagara sumiri bhagavānā ||
maṃdira maṃdira prati kari sodhā| dekhe jaha~ taha~ aganita jodhā ||
gayau dasānana maṃdira māhīṃ| ati bicitra kahi jāta so nāhīṃ ||
sayana kie dekhā kapi tehī| maṃdira mahu~ na dīkhi baidehī ||
bhavana eka puni dīkha suhāvā| hari maṃdira taha~ bhinna banāvā ||
do. rāmāyudha aṃkita gṛha sobhā barani na jāi|
nava tulasikā bṛṃda taha~ dekhi haraṣi kapirāi || 5 ||
laṃkā nisicara nikara nivāsā| ihā~ kahā~ sajjana kara bāsā ||
mana mahu~ taraka karai kapi lāgā| tehīṃ samaya bibhīṣanu jāgā ||
rāma rāma tehiṃ sumirana kīnhā| hṛdaya~ haraṣa kapi sajjana cīnhā ||
ehi sana haṭhi karihau~ pahicānī| sādhu te hoi na kāraja hānī ||
bipra rupa dhari bacana sunāe| sunata bibhīṣaṇa uṭhi taha~ āe ||
kari pranāma pū~chī kusalāī| bipra kahahu nija kathā bujhāī ||
kī tumha hari dāsanha maha~ koī| moreṃ hṛdaya prīti ati hoī ||
kī tumha rāmu dīna anurāgī| āyahu mohi karana baṛabhāgī ||
do. taba hanumaṃta kahī saba rāma kathā nija nāma|
sunata jugala tana pulaka mana magana sumiri guna grāma || 6 ||
sunahu pavanasuta rahani hamārī| jimi dasananhi mahu~ jībha bicārī ||
tāta kabahu~ mohi jāni anāthā| karihahiṃ kṛpā bhānukula nāthā ||
tāmasa tanu kachu sādhana nāhīṃ| prīti na pada saroja mana māhīṃ ||
aba mohi bhā bharosa hanumaṃtā| binu harikṛpā milahiṃ nahiṃ saṃtā ||
jau raghubīra anugraha kīnhā| tau tumha mohi darasu haṭhi dīnhā ||
sunahu bibhīṣana prabhu kai rītī| karahiṃ sadā sevaka para prītī ||
kahahu kavana maiṃ parama kulīnā| kapi caṃcala sabahīṃ bidhi hīnā ||
prāta lei jo nāma hamārā| tehi dina tāhi na milai ahārā ||
do. asa maiṃ adhama sakhā sunu mohū para raghubīra|
kīnhī kṛpā sumiri guna bhare bilocana nīra || 7 ||
jānatahū~ asa svāmi bisārī| phirahiṃ te kāhe na hohiṃ dukhārī ||
ehi bidhi kahata rāma guna grāmā| pāvā anirbācya biśrāmā ||
puni saba kathā bibhīṣana kahī| jehi bidhi janakasutā taha~ rahī ||
taba hanumaṃta kahā sunu bhrātā| dekhī cahau~ jānakī mātā ||
juguti bibhīṣana sakala sunāī| caleu pavanasuta bidā karāī ||
kari soi rūpa gayau puni tahavā~| bana asoka sītā raha jahavā~ ||
dekhi manahi mahu~ kīnha pranāmā| baiṭhehiṃ bīti jāta nisi jāmā ||
kṛsa tana sīsa jaṭā eka benī| japati hṛdaya~ raghupati guna śrenī ||
do. nija pada nayana die~ mana rāma pada kamala līna|
parama dukhī bhā pavanasuta dekhi jānakī dīna || 8 ||
taru pallava mahu~ rahā lukāī| karai bicāra karauṃ kā bhāī ||
tehi avasara rāvanu taha~ āvā| saṃga nāri bahu kie~ banāvā ||
bahu bidhi khala sītahi samujhāvā| sāma dāna bhaya bheda dekhāvā ||
kaha rāvanu sunu sumukhi sayānī| maṃdodarī ādi saba rānī ||
tava anucarīṃ karau~ pana morā| eka bāra biloku mama orā ||
tṛna dhari oṭa kahati baidehī| sumiri avadhapati parama sanehī ||
sunu dasamukha khadyota prakāsā| kabahu~ ki nalinī karai bikāsā ||
asa mana samujhu kahati jānakī| khala sudhi nahiṃ raghubīra bāna kī ||
saṭha sūne hari ānehi mohi| adhama nilajja lāja nahiṃ tohī ||
do. āpuhi suni khadyota sama rāmahi bhānu samāna|
paruṣa bacana suni kāṛhi asi bolā ati khisiāna || 9 ||
sītā taiṃ mama kṛta apamānā| kaṭihau~ tava sira kaṭhina kṛpānā ||
nāhiṃ ta sapadi mānu mama bānī| sumukhi hoti na ta jīvana hānī ||
syāma saroja dāma sama suṃdara| prabhu bhuja kari kara sama dasakaṃdhara ||
so bhuja kaṃṭha ki tava asi ghorā| sunu saṭha asa pravāna pana morā ||
caṃdrahāsa haru mama paritāpaṃ| raghupati biraha anala saṃjātaṃ ||
sītala nisita bahasi bara dhārā| kaha sītā haru mama dukha bhārā ||
sunata bacana puni mārana dhāvā| mayatanayā~ kahi nīti bujhāvā ||
kahesi sakala nisicarinha bolāī| sītahi bahu bidhi trāsahu jāī ||
māsa divasa mahu~ kahā na mānā| tau maiṃ mārabi kāṛhi kṛpānā ||
do. bhavana gayau dasakaṃdhara ihā~ pisācini bṛṃda|
sītahi trāsa dekhāvahi dharahiṃ rūpa bahu maṃda || 10 ||
trijaṭā nāma rācchasī ekā| rāma carana rati nipuna bibekā ||
sabanhau boli sunāesi sapanā| sītahi sei karahu hita apanā ||
sapaneṃ bānara laṃkā jārī| jātudhāna senā saba mārī ||
khara ārūṛha nagana dasasīsā| muṃḍita sira khaṃḍita bhuja bīsā ||
ehi bidhi so dacchina disi jāī| laṃkā manahu~ bibhīṣana pāī ||
nagara phirī raghubīra dohāī| taba prabhu sītā boli paṭhāī ||
yaha sapanā meṃ kahau~ pukārī| hoihi satya gae~ dina cārī ||
tāsu bacana suni te saba ḍarīṃ| janakasutā ke carananhi parīṃ ||
do. jaha~ taha~ gaīṃ sakala taba sītā kara mana soca|
māsa divasa bīteṃ mohi mārihi nisicara poca || 11 ||
trijaṭā sana bolī kara jorī| mātu bipati saṃgini taiṃ morī ||
tajauṃ deha karu begi upāī| dusahu birahu aba nahiṃ sahi jāī ||
āni kāṭha racu citā banāī| mātu anala puni dehi lagāī ||
satya karahi mama prīti sayānī| sunai ko śravana sūla sama bānī ||
sunata bacana pada gahi samujhāesi| prabhu pratāpa bala sujasu sunāesi ||
nisi na anala mila sunu sukumārī| asa kahi so nija bhavana sidhārī ||
kaha sītā bidhi bhā pratikūlā| milahi na pāvaka miṭihi na sūlā ||
dekhiata pragaṭa gagana aṃgārā| avani na āvata ekau tārā ||
pāvakamaya sasi stravata na āgī| mānahu~ mohi jāni hatabhāgī ||
sunahi binaya mama biṭapa asokā| satya nāma karu haru mama sokā ||
nūtana kisalaya anala samānā| dehi agini jani karahi nidānā ||
dekhi parama birahākula sītā| so chana kapihi kalapa sama bītā ||
so. kapi kari hṛdaya~ bicāra dīnhi mudrikā ḍārī taba|
janu asoka aṃgāra dīnhi haraṣi uṭhi kara gaheu || 12 ||
taba dekhī mudrikā manohara| rāma nāma aṃkita ati suṃdara ||
cakita citava mudarī pahicānī| haraṣa biṣāda hṛdaya~ akulānī ||
jīti ko sakai ajaya raghurāī| māyā teṃ asi raci nahiṃ jāī ||
sītā mana bicāra kara nānā| madhura bacana boleu hanumānā ||
rāmacaṃdra guna baranaiṃ lāgā| sunatahiṃ sītā kara dukha bhāgā ||
lāgīṃ sunaiṃ śravana mana lāī| ādihu teṃ saba kathā sunāī ||
śravanāmṛta jehiṃ kathā suhāī| kahi so pragaṭa hoti kina bhāī ||
taba hanumaṃta nikaṭa cali gayaū| phiri baiṃṭhīṃ mana bisamaya bhayaū ||
rāma dūta maiṃ mātu jānakī| satya sapatha karunānidhāna kī ||
yaha mudrikā mātu maiṃ ānī| dīnhi rāma tumha kaha~ sahidānī ||
nara bānarahi saṃga kahu kaiseṃ| kahi kathā bhai saṃgati jaiseṃ ||
do. kapi ke bacana saprema suni upajā mana bisvāsa ||
jānā mana krama bacana yaha kṛpāsiṃdhu kara dāsa || 13 ||
harijana jāni prīti ati gāṛhī| sajala nayana pulakāvali bāṛhī ||
būṛata biraha jaladhi hanumānā| bhayau tāta moṃ kahu~ jalajānā ||
aba kahu kusala jāu~ balihārī| anuja sahita sukha bhavana kharārī ||
komalacita kṛpāla raghurāī| kapi kehi hetu dharī niṭhurāī ||
sahaja bāni sevaka sukha dāyaka| kabahu~ka surati karata raghunāyaka ||
kabahu~ nayana mama sītala tātā| hoihahi nirakhi syāma mṛdu gātā ||
bacanu na āva nayana bhare bārī| ahaha nātha hauṃ nipaṭa bisārī ||
dekhi parama birahākula sītā| bolā kapi mṛdu bacana binītā ||
mātu kusala prabhu anuja sametā| tava dukha dukhī sukṛpā niketā ||
jani jananī mānahu jiya~ ūnā| tumha te premu rāma keṃ dūnā ||
do. raghupati kara saṃdesu aba sunu jananī dhari dhīra|
asa kahi kapi gada gada bhayau bhare bilocana nīra || 14 ||
kaheu rāma biyoga tava sītā| mo kahu~ sakala bhae biparītā ||
nava taru kisalaya manahu~ kṛsānū| kālanisā sama nisi sasi bhānū ||
kubalaya bipina kuṃta bana sarisā| bārida tapata tela janu barisā ||
je hita rahe karata tei pīrā| uraga svāsa sama tribidha samīrā ||
kahehū teṃ kachu dukha ghaṭi hoī| kāhi kahauṃ yaha jāna na koī ||
tattva prema kara mama aru torā| jānata priyā eku manu morā ||
so manu sadā rahata tohi pāhīṃ| jānu prīti rasu etenahi māhīṃ ||
prabhu saṃdesu sunata baidehī| magana prema tana sudhi nahiṃ tehī ||
kaha kapi hṛdaya~ dhīra dharu mātā| sumiru rāma sevaka sukhadātā ||
ura ānahu raghupati prabhutāī| suni mama bacana tajahu kadarāī ||
do. nisicara nikara pataṃga sama raghupati bāna kṛsānu|
jananī hṛdaya~ dhīra dharu jare nisācara jānu || 15 ||
jauṃ raghubīra hoti sudhi pāī| karate nahiṃ bilaṃbu raghurāī ||
rāmabāna rabi ue~ jānakī| tama barūtha kaha~ jātudhāna kī ||
abahiṃ mātu maiṃ jāu~ lavāī| prabhu āyasu nahiṃ rāma dohāī ||
kachuka divasa jananī dharu dhīrā| kapinha sahita aihahiṃ raghubīrā ||
nisicara māri tohi lai jaihahiṃ| tihu~ pura nāradādi jasu gaihahiṃ ||
haiṃ suta kapi saba tumhahi samānā| jātudhāna ati bhaṭa balavānā ||
moreṃ hṛdaya parama saṃdehā| suni kapi pragaṭa kīnha nija dehā ||
kanaka bhūdharākāra sarīrā| samara bhayaṃkara atibala bīrā ||
sītā mana bharosa taba bhayaū| puni laghu rūpa pavanasuta layaū ||
do. sunu mātā sākhāmṛga nahiṃ bala buddhi bisāla|
prabhu pratāpa teṃ garuṛahi khāi parama laghu byāla || 16 ||
mana saṃtoṣa sunata kapi bānī| bhagati pratāpa teja bala sānī ||
āsiṣa dīnhi rāmapriya jānā| hohu tāta bala sīla nidhānā ||
ajara amara gunanidhi suta hohū| karahu~ bahuta raghunāyaka chohū ||
karahu~ kṛpā prabhu asa suni kānā| nirbhara prema magana hanumānā ||
bāra bāra nāesi pada sīsā| bolā bacana jori kara kīsā ||
aba kṛtakṛtya bhayau~ maiṃ mātā| āsiṣa tava amogha bikhyātā ||
sunahu mātu mohi atisaya bhūkhā| lāgi dekhi suṃdara phala rūkhā ||
sunu suta karahiṃ bipina rakhavārī| parama subhaṭa rajanīcara bhārī ||
tinha kara bhaya mātā mohi nāhīṃ| jauṃ tumha sukha mānahu mana māhīṃ ||
do. dekhi buddhi bala nipuna kapi kaheu jānakīṃ jāhu|
raghupati carana hṛdaya~ dhari tāta madhura phala khāhu || 17 ||
caleu nāi siru paiṭheu bāgā| phala khāesi taru toraiṃ lāgā ||
rahe tahā~ bahu bhaṭa rakhavāre| kachu māresi kachu jāi pukāre ||
nātha eka āvā kapi bhārī| tehiṃ asoka bāṭikā ujārī ||
khāesi phala aru biṭapa upāre| racchaka mardi mardi mahi ḍāre ||
suni rāvana paṭhae bhaṭa nānā| tinhahi dekhi garjeu hanumānā ||
saba rajanīcara kapi saṃghāre| gae pukārata kachu adhamāre ||
puni paṭhayau tehiṃ acchakumārā| calā saṃga lai subhaṭa apārā ||
āvata dekhi biṭapa gahi tarjā| tāhi nipāti mahādhuni garjā ||
do. kachu māresi kachu mardesi kachu milaesi dhari dhūri|
kachu puni jāi pukāre prabhu markaṭa bala bhūri || 18 ||
suni suta badha laṃkesa risānā| paṭhaesi meghanāda balavānā ||
mārasi jani suta bāṃdhesu tāhī| dekhia kapihi kahā~ kara āhī ||
calā iṃdrajita atulita jodhā| baṃdhu nidhana suni upajā krodhā ||
kapi dekhā dāruna bhaṭa āvā| kaṭakaṭāi garjā aru dhāvā ||
ati bisāla taru eka upārā| biratha kīnha laṃkesa kumārā ||
rahe mahābhaṭa tāke saṃgā| gahi gahi kapi mardai nija aṃgā ||
tinhahi nipāti tāhi sana bājā| bhire jugala mānahu~ gajarājā|
muṭhikā māri caṛhā taru jāī| tāhi eka chana muruchā āī ||
uṭhi bahori kīnhisi bahu māyā| jīti na jāi prabhaṃjana jāyā ||
do. brahma astra tehiṃ sā~dhā kapi mana kīnha bicāra|
jauṃ na brahmasara mānau~ mahimā miṭai apāra || 19 ||
brahmabāna kapi kahu~ tehi mārā| paratihu~ bāra kaṭaku saṃghārā ||
tehi dekhā kapi muruchita bhayaū| nāgapāsa bā~dhesi lai gayaū ||
jāsu nāma japi sunahu bhavānī| bhava baṃdhana kāṭahiṃ nara gyānī ||
tāsu dūta ki baṃdha taru āvā| prabhu kāraja lagi kapihiṃ ba~dhāvā ||
kapi baṃdhana suni nisicara dhāe| kautuka lāgi sabhā~ saba āe ||
dasamukha sabhā dīkhi kapi jāī| kahi na jāi kachu ati prabhutāī ||
kara joreṃ sura disipa binītā| bhṛkuṭi bilokata sakala sabhītā ||
dekhi pratāpa na kapi mana saṃkā| jimi ahigana mahu~ garuṛa asaṃkā ||
do. kapihi biloki dasānana bihasā kahi durbāda|
suta badha surati kīnhi puni upajā hṛdaya~ biṣāda || 20 ||
kaha laṃkesa kavana taiṃ kīsā| kehiṃ ke bala ghālehi bana khīsā ||
kī dhauṃ śravana sunehi nahiṃ mohī| dekhau~ ati asaṃka saṭha tohī ||
māre nisicara kehiṃ aparādhā| kahu saṭha tohi na prāna kai bādhā ||
suna rāvana brahmāṃḍa nikāyā| pāi jāsu bala biracita māyā ||
jākeṃ bala biraṃci hari īsā| pālata sṛjata harata dasasīsā|
jā bala sīsa dharata sahasānana| aṃḍakosa sameta giri kānana ||
dharai jo bibidha deha suratrātā| tumha te saṭhanha sikhāvanu dātā|
hara kodaṃḍa kaṭhina jehi bhaṃjā| tehi sameta nṛpa dala mada gaṃjā ||
khara dūṣana trisirā aru bālī| badhe sakala atulita balasālī ||
do. jāke bala lavalesa teṃ jitehu carācara jhāri|
tāsu dūta maiṃ jā kari hari ānehu priya nāri || 21 ||
jānau~ maiṃ tumhāri prabhutāī| sahasabāhu sana parī larāī ||
samara bāli sana kari jasu pāvā| suni kapi bacana bihasi biharāvā ||
khāyau~ phala prabhu lāgī bhū~khā| kapi subhāva teṃ toreu~ rūkhā ||
saba keṃ deha parama priya svāmī| mārahiṃ mohi kumāraga gāmī ||
jinha mohi mārā te maiṃ māre| tehi para bā~dheu tanaya~ tumhāre ||
mohi na kachu bā~dhe kai lājā| kīnha cahau~ nija prabhu kara kājā ||
binatī karau~ jori kara rāvana| sunahu māna taji mora sikhāvana ||
dekhahu tumha nija kulahi bicārī| bhrama taji bhajahu bhagata bhaya hārī ||
jākeṃ ḍara ati kāla ḍerāī| jo sura asura carācara khāī ||
tāsoṃ bayaru kabahu~ nahiṃ kījai| more kaheṃ jānakī dījai ||
do. pranatapāla raghunāyaka karunā siṃdhu kharāri|
gae~ sarana prabhu rākhihaiṃ tava aparādha bisāri || 22 ||
rāma carana paṃkaja ura dharahū| laṃkā acala rāja tumha karahū ||
riṣi pulista jasu bimala maṃyakā| tehi sasi mahu~ jani hohu kalaṃkā ||
rāma nāma binu girā na sohā| dekhu bicāri tyāgi mada mohā ||
basana hīna nahiṃ soha surārī| saba bhūṣaṇa bhūṣita bara nārī ||
rāma bimukha saṃpati prabhutāī| jāi rahī pāī binu pāī ||
sajala mūla jinha saritanha nāhīṃ| baraṣi gae puni tabahiṃ sukhāhīṃ ||
sunu dasakaṃṭha kahau~ pana ropī| bimukha rāma trātā nahiṃ kopī ||
saṃkara sahasa biṣnu aja tohī| sakahiṃ na rākhi rāma kara drohī ||
do. mohamūla bahu sūla prada tyāgahu tama abhimāna|
bhajahu rāma raghunāyaka kṛpā siṃdhu bhagavāna || 23 ||
jadapi kahi kapi ati hita bānī| bhagati bibeka birati naya sānī ||
bolā bihasi mahā abhimānī| milā hamahi kapi gura baṛa gyānī ||
mṛtyu nikaṭa āī khala tohī| lāgesi adhama sikhāvana mohī ||
ulaṭā hoihi kaha hanumānā| matibhrama tora pragaṭa maiṃ jānā ||
suni kapi bacana bahuta khisiānā| begi na harahu~ mūṛha kara prānā ||
sunata nisācara mārana dhāe| sacivanha sahita bibhīṣanu āe|
nāi sīsa kari binaya bahūtā| nīti birodha na māria dūtā ||
āna daṃḍa kachu karia gosā~ī| sabahīṃ kahā maṃtra bhala bhāī ||
sunata bihasi bolā dasakaṃdhara| aṃga bhaṃga kari paṭhaia baṃdara ||
do. kapi keṃ mamatā pū~cha para sabahi kahau~ samujhāi|
tela bori paṭa bā~dhi puni pāvaka dehu lagāi || 24 ||
pū~chahīna bānara taha~ jāihi| taba saṭha nija nāthahi lai āihi ||
jinha kai kīnhasi bahuta baṛāī| dekheu~ûmaiṃ tinha kai prabhutāī ||
bacana sunata kapi mana musukānā| bhai sahāya sārada maiṃ jānā ||
jātudhāna suni rāvana bacanā| lāge racaiṃ mūṛha soi racanā ||
rahā na nagara basana ghṛta telā| bāṛhī pū~cha kīnha kapi khelā ||
kautuka kaha~ āe purabāsī| mārahiṃ carana karahiṃ bahu hā~sī ||
bājahiṃ ḍhola dehiṃ saba tārī| nagara pheri puni pū~cha prajārī ||
pāvaka jarata dekhi hanumaṃtā| bhayau parama laghu rupa turaṃtā ||
nibuki caṛheu kapi kanaka aṭārīṃ| bhaī sabhīta nisācara nārīṃ ||
do. hari prerita tehi avasara cale maruta unacāsa|
aṭṭahāsa kari garjā kapi baṛhi lāga akāsa || 25 ||
deha bisāla parama haruāī| maṃdira teṃ maṃdira caṛha dhāī ||
jarai nagara bhā loga bihālā| jhapaṭa lapaṭa bahu koṭi karālā ||
tāta mātu hā sunia pukārā| ehi avasara ko hamahi ubārā ||
hama jo kahā yaha kapi nahiṃ hoī| bānara rūpa dhareṃ sura koī ||
sādhu avagyā kara phalu aisā| jarai nagara anātha kara jaisā ||
jārā nagaru nimiṣa eka māhīṃ| eka bibhīṣana kara gṛha nāhīṃ ||
tā kara dūta anala jehiṃ sirijā| jarā na so tehi kārana girijā ||
ulaṭi palaṭi laṃkā saba jārī| kūdi parā puni siṃdhu majhārī ||
do. pū~cha bujhāi khoi śrama dhari laghu rūpa bahori|
janakasutā ke āgeṃ ṭhāṛha bhayau kara jori || 26 ||
mātu mohi dīje kachu cīnhā| jaiseṃ raghunāyaka mohi dīnhā ||
cūṛāmani utāri taba dayaū| haraṣa sameta pavanasuta layaū ||
kahehu tāta asa mora pranāmā| saba prakāra prabhu pūranakāmā ||
dīna dayāla biridu saṃbhārī| harahu nātha mama saṃkaṭa bhārī ||
tāta sakrasuta kathā sunāehu| bāna pratāpa prabhuhi samujhāehu ||
māsa divasa mahu~ nāthu na āvā| tau puni mohi jiata nahiṃ pāvā ||
kahu kapi kehi bidhi rākhauṃ prānā| tumhahū tāta kahata aba jānā ||
tohi dekhi sītali bhai chātī| puni mo kahu~ soi dinu so rātī ||
do. janakasutahi samujhāi kari bahu bidhi dhīraju dīnha|
carana kamala siru nāi kapi gavanu rāma pahiṃ kīnha || 27 ||
calata mahādhuni garjesi bhārī| garbha stravahiṃ suni nisicara nārī ||
nāghi siṃdhu ehi pārahi āvā| sabada kilakilā kapinha sunāvā ||
haraṣe saba biloki hanumānā| nūtana janma kapinha taba jānā ||
mukha prasanna tana teja birājā| kīnhesi rāmacandra kara kājā ||
mile sakala ati bhae sukhārī| talaphata mīna pāva jimi bārī ||
cale haraṣi raghunāyaka pāsā| pū~chata kahata navala itihāsā ||
taba madhubana bhītara saba āe| aṃgada saṃmata madhu phala khāe ||
rakhavāre jaba barajana lāge| muṣṭi prahāra hanata saba bhāge ||
do. jāi pukāre te saba bana ujāra jubarāja|
suni sugrīva haraṣa kapi kari āe prabhu kāja || 28 ||
jauṃ na hoti sītā sudhi pāī| madhubana ke phala sakahiṃ ki khāī ||
ehi bidhi mana bicāra kara rājā| āi gae kapi sahita samājā ||
āi sabanhi nāvā pada sīsā| mileu sabanhi ati prema kapīsā ||
pū~chī kusala kusala pada dekhī| rāma kṛpā~ bhā kāju biseṣī ||
nātha kāju kīnheu hanumānā| rākhe sakala kapinha ke prānā ||
suni sugrīva bahuri tehi mileū| kapinha sahita raghupati pahiṃ caleū|
rāma kapinha jaba āvata dekhā| kie~ kāju mana haraṣa biseṣā ||
phaṭika silā baiṭhe dvau bhāī| pare sakala kapi carananhi jāī ||
do. prīti sahita saba bheṭe raghupati karunā puṃja|
pū~chī kusala nātha aba kusala dekhi pada kaṃja || 29 ||
jāmavaṃta kaha sunu raghurāyā| jā para nātha karahu tumha dāyā ||
tāhi sadā subha kusala niraṃtara| sura nara muni prasanna tā ūpara ||
soi bijaī binaī guna sāgara| tāsu sujasu treloka ujāgara ||
prabhu kīṃ kṛpā bhayau sabu kājū| janma hamāra suphala bhā ājū ||
nātha pavanasuta kīnhi jo karanī| sahasahu~ mukha na jāi so baranī ||
pavanatanaya ke carita suhāe| jāmavaṃta raghupatihi sunāe ||
sunata kṛpānidhi mana ati bhāe| puni hanumāna haraṣi hiya~ lāe ||
kahahu tāta kehi bhā~ti jānakī| rahati karati racchā svaprāna kī ||
do. nāma pāharu divasa nisi dhyāna tumhāra kapāṭa|
locana nija pada jaṃtrita jāhiṃ prāna kehiṃ bāṭa || 30 ||
calata mohi cūṛāmani dīnhī| raghupati hṛdaya~ lāi soi līnhī ||
nātha jugala locana bhari bārī| bacana kahe kachu janakakumārī ||
anuja sameta gahehu prabhu caranā| dīna baṃdhu pranatārati haranā ||
mana krama bacana carana anurāgī| kehi aparādha nātha hauṃ tyāgī ||
avaguna eka mora maiṃ mānā| bichurata prāna na kīnha payānā ||
nātha so nayananhi ko aparādhā| nisarata prāna karihiṃ haṭhi bādhā ||
biraha agini tanu tūla samīrā| svāsa jarai chana māhiṃ sarīrā ||
nayana stravahi jalu nija hita lāgī| jaraiṃ na pāva deha birahāgī|
sītā ke ati bipati bisālā| binahiṃ kaheṃ bhali dīnadayālā ||
do. nimiṣa nimiṣa karunānidhi jāhiṃ kalapa sama bīti|
begi caliya prabhu ānia bhuja bala khala dala jīti || 31 ||
suni sītā dukha prabhu sukha ayanā| bhari āe jala rājiva nayanā ||
bacana kā~ya mana mama gati jāhī| sapanehu~ būjhia bipati ki tāhī ||
kaha hanumaṃta bipati prabhu soī| jaba tava sumirana bhajana na hoī ||
ketika bāta prabhu jātudhāna kī| ripuhi jīti ānibī jānakī ||
sunu kapi tohi samāna upakārī| nahiṃ kou sura nara muni tanudhārī ||
prati upakāra karauṃ kā torā| sanamukha hoi na sakata mana morā ||
sunu suta urina maiṃ nāhīṃ| dekheu~ kari bicāra mana māhīṃ ||
puni puni kapihi citava suratrātā| locana nīra pulaka ati gātā ||
do. suni prabhu bacana biloki mukha gāta haraṣi hanumaṃta|
carana pareu premākula trāhi trāhi bhagavaṃta || 32 ||
bāra bāra prabhu cahai uṭhāvā| prema magana tehi uṭhaba na bhāvā ||
prabhu kara paṃkaja kapi keṃ sīsā| sumiri so dasā magana gaurīsā ||
sāvadhāna mana kari puni saṃkara| lāge kahana kathā ati suṃdara ||
kapi uṭhāi prabhu hṛdaya~ lagāvā| kara gahi parama nikaṭa baiṭhāvā ||
kahu kapi rāvana pālita laṃkā| kehi bidhi daheu durga ati baṃkā ||
prabhu prasanna jānā hanumānā| bolā bacana bigata abhimānā ||
sākhāmṛga ke baṛi manusāī| sākhā teṃ sākhā para jāī ||
nāghi siṃdhu hāṭakapura jārā| nisicara gana bidhi bipina ujārā|
so saba tava pratāpa raghurāī| nātha na kachū mori prabhutāī ||
do. tā kahu~ prabhu kachu agama nahiṃ jā para tumha anukula|
taba prabhāva~ baṛavānalahiṃ jāri sakai khalu tūla || 33 ||
nātha bhagati ati sukhadāyanī| dehu kṛpā kari anapāyanī ||
suni prabhu parama sarala kapi bānī| evamastu taba kaheu bhavānī ||
umā rāma subhāu jehiṃ jānā| tāhi bhajanu taji bhāva na ānā ||
yaha saṃvāda jāsu ura āvā| raghupati carana bhagati soi pāvā ||
suni prabhu bacana kahahiṃ kapibṛṃdā| jaya jaya jaya kṛpāla sukhakaṃdā ||
taba raghupati kapipatihi bolāvā| kahā calaiṃ kara karahu banāvā ||
aba bilaṃbu kehi kārana kīje| turata kapinha kahu~ āyasu dīje ||
kautuka dekhi sumana bahu baraṣī| nabha teṃ bhavana cale sura haraṣī ||
do. kapipati begi bolāe āe jūthapa jūtha|
nānā barana atula bala bānara bhālu barūtha || 34 ||
prabhu pada paṃkaja nāvahiṃ sīsā| garajahiṃ bhālu mahābala kīsā ||
dekhī rāma sakala kapi senā| citai kṛpā kari rājiva nainā ||
rāma kṛpā bala pāi kapiṃdā| bhae pacchajuta manahu~ giriṃdā ||
haraṣi rāma taba kīnha payānā| saguna bhae suṃdara subha nānā ||
jāsu sakala maṃgalamaya kītī| tāsu payāna saguna yaha nītī ||
prabhu payāna jānā baidehīṃ| pharaki bāma a~ga janu kahi dehīṃ ||
joi joi saguna jānakihi hoī| asaguna bhayau rāvanahi soī ||
calā kaṭaku ko baranaiṃ pārā| garjahi bānara bhālu apārā ||
nakha āyudha giri pādapadhārī| cale gagana mahi icchācārī ||
keharināda bhālu kapi karahīṃ| ḍagamagāhiṃ diggaja cikkarahīṃ ||
chaṃ. cikkarahiṃ diggaja ḍola mahi giri lola sāgara kharabhare|
mana haraṣa sabha gaṃdharba sura muni nāga kinnara dukha ṭare ||
kaṭakaṭahiṃ markaṭa bikaṭa bhaṭa bahu koṭi koṭinha dhāvahīṃ|
jaya rāma prabala pratāpa kosalanātha guna gana gāvahīṃ || 1 ||
sahi saka na bhāra udāra ahipati bāra bārahiṃ mohaī|
gaha dasana puni puni kamaṭha pṛṣṭa kaṭhora so kimi sohaī ||
raghubīra rucira prayāna prasthiti jāni parama suhāvanī|
janu kamaṭha kharpara sarparāja so likhata abicala pāvanī || 2 ||
do. ehi bidhi jāi kṛpānidhi utare sāgara tīra|
jaha~ taha~ lāge khāna phala bhālu bipula kapi bīra || 35 ||
uhā~ nisācara rahahiṃ sasaṃkā| jaba te jāri gayau kapi laṃkā ||
nija nija gṛha~ saba karahiṃ bicārā| nahiṃ nisicara kula kera ubārā ||
jāsu dūta bala barani na jāī| tehi āe~ pura kavana bhalāī ||
dūtanhi sana suni purajana bānī| maṃdodarī adhika akulānī ||
rahasi jori kara pati paga lāgī| bolī bacana nīti rasa pāgī ||
kaṃta karaṣa hari sana pariharahū| mora kahā ati hita hiya~ dharahu ||
samujhata jāsu dūta kai karanī| stravahīṃ garbha rajanīcara dharanī ||
tāsu nāri nija saciva bolāī| paṭhavahu kaṃta jo cahahu bhalāī ||
taba kula kamala bipina dukhadāī| sītā sīta nisā sama āī ||
sunahu nātha sītā binu dīnheṃ| hita na tumhāra saṃbhu aja kīnheṃ ||
do. -rāma bāna ahi gana sarisa nikara nisācara bheka|
jaba lagi grasata na taba lagi jatanu karahu taji ṭeka || 36 ||
śravana sunī saṭha tā kari bānī| bihasā jagata bidita abhimānī ||
sabhaya subhāu nāri kara sācā| maṃgala mahu~ bhaya mana ati kācā ||
jauṃ āvai markaṭa kaṭakāī| jiahiṃ bicāre nisicara khāī ||
kaṃpahiṃ lokapa jākī trāsā| tāsu nāri sabhīta baṛi hāsā ||
asa kahi bihasi tāhi ura lāī| caleu sabhā~ mamatā adhikāī ||
maṃdodarī hṛdaya~ kara ciṃtā| bhayau kaṃta para bidhi biparītā ||
baiṭheu sabhā~ khabari asi pāī| siṃdhu pāra senā saba āī ||
būjhesi saciva ucita mata kahahū| te saba ha~se maṣṭa kari rahahū ||
jitehu surāsura taba śrama nāhīṃ| nara bānara kehi lekhe māhī ||
do. saciva baida gura tīni jauṃ priya bolahiṃ bhaya āsa|
rāja dharma tana tīni kara hoi begihīṃ nāsa || 37 ||
soi rāvana kahu~ bani sahāī| astuti karahiṃ sunāi sunāī ||
avasara jāni bibhīṣanu āvā| bhrātā carana sīsu tehiṃ nāvā ||
puni siru nāi baiṭha nija āsana| bolā bacana pāi anusāsana ||
jau kṛpāla pū~chihu mohi bātā| mati anurupa kahau~ hita tātā ||
jo āpana cāhai kalyānā| sujasu sumati subha gati sukha nānā ||
so paranāri lilāra gosāīṃ| tajau cauthi ke caṃda ki nāī ||
caudaha bhuvana eka pati hoī| bhūtadroha tiṣṭai nahiṃ soī ||
guna sāgara nāgara nara joū| alapa lobha bhala kahai na koū ||
do. kāma krodha mada lobha saba nātha naraka ke paṃtha|
saba parihari raghubīrahi bhajahu bhajahiṃ jehi saṃta || 38 ||
tāta rāma nahiṃ nara bhūpālā| bhuvanesvara kālahu kara kālā ||
brahma anāmaya aja bhagavaṃtā| byāpaka ajita anādi anaṃtā ||
go dvija dhenu deva hitakārī| kṛpāsiṃdhu mānuṣa tanudhārī ||
jana raṃjana bhaṃjana khala brātā| beda dharma racchaka sunu bhrātā ||
tāhi bayaru taji nāia māthā| pranatārati bhaṃjana raghunāthā ||
dehu nātha prabhu kahu~ baidehī| bhajahu rāma binu hetu sanehī ||
sarana gae~ prabhu tāhu na tyāgā| bisva droha kṛta agha jehi lāgā ||
jāsu nāma traya tāpa nasāvana| soi prabhu pragaṭa samujhu jiya~ rāvana ||
do. bāra bāra pada lāgau~ binaya karau~ dasasīsa|
parihari māna moha mada bhajahu kosalādhīsa || 39(ka) ||
muni pulasti nija siṣya sana kahi paṭhaī yaha bāta|
turata so maiṃ prabhu sana kahī pāi suavasaru tāta || 39(kha) ||
mālyavaṃta ati saciva sayānā| tāsu bacana suni ati sukha mānā ||
tāta anuja tava nīti bibhūṣana| so ura dharahu jo kahata bibhīṣana ||
ripu utakaraṣa kahata saṭha doū| dūri na karahu ihā~ hai koū ||
mālyavaṃta gṛha gayau bahorī| kahai bibhīṣanu puni kara jorī ||
sumati kumati saba keṃ ura rahahīṃ| nātha purāna nigama asa kahahīṃ ||
jahā~ sumati taha~ saṃpati nānā| jahā~ kumati taha~ bipati nidānā ||
tava ura kumati basī biparītā| hita anahita mānahu ripu prītā ||
kālarāti nisicara kula kerī| tehi sītā para prīti ghanerī ||
do. tāta carana gahi māgau~ rākhahu mora dulāra|
sīta dehu rāma kahu~ ahita na hoi tumhāra || 40 ||
budha purāna śruti saṃmata bānī| kahī bibhīṣana nīti bakhānī ||
sunata dasānana uṭhā risāī| khala tohi nikaṭa mutyu aba āī ||
jiasi sadā saṭha mora jiāvā| ripu kara paccha mūṛha tohi bhāvā ||
kahasi na khala asa ko jaga māhīṃ| bhuja bala jāhi jitā maiṃ nāhī ||
mama pura basi tapasinha para prītī| saṭha milu jāi tinhahi kahu nītī ||
asa kahi kīnhesi carana prahārā| anuja gahe pada bārahiṃ bārā ||
umā saṃta kai ihai baṛāī| maṃda karata jo karai bhalāī ||
tumha pitu sarisa bhalehiṃ mohi mārā| rāmu bhajeṃ hita nātha tumhārā ||
saciva saṃga lai nabha patha gayaū| sabahi sunāi kahata asa bhayaū ||
do0=rāmu satyasaṃkalpa prabhu sabhā kālabasa tori|
mai raghubīra sarana aba jāu~ dehu jani khori || 41 ||
asa kahi calā bibhīṣanu jabahīṃ| āyūhīna bhae saba tabahīṃ ||
sādhu avagyā turata bhavānī| kara kalyāna akhila kai hānī ||
rāvana jabahiṃ bibhīṣana tyāgā| bhayau bibhava binu tabahiṃ abhāgā ||
caleu haraṣi raghunāyaka pāhīṃ| karata manoratha bahu mana māhīṃ ||
dekhihau~ jāi carana jalajātā| aruna mṛdula sevaka sukhadātā ||
je pada parasi tarī riṣinārī| daṃḍaka kānana pāvanakārī ||
je pada janakasutā~ ura lāe| kapaṭa kuraṃga saṃga dhara dhāe ||
hara ura sara saroja pada jeī| ahobhāgya mai dekhihau~ teī ||
do0= jinha pāyanha ke pādukanhi bharatu rahe mana lāi|
te pada āju bilokihau~ inha nayananhi aba jāi || 42 ||
ehi bidhi karata saprema bicārā| āyau sapadi siṃdhu ehiṃ pārā ||
kapinha bibhīṣanu āvata dekhā| jānā kou ripu dūta biseṣā ||
tāhi rākhi kapīsa pahiṃ āe| samācāra saba tāhi sunāe ||
kaha sugrīva sunahu raghurāī| āvā milana dasānana bhāī ||
kaha prabhu sakhā būjhiai kāhā| kahai kapīsa sunahu naranāhā ||
jāni na jāi nisācara māyā| kāmarūpa kehi kārana āyā ||
bheda hamāra lena saṭha āvā| rākhia bā~dhi mohi asa bhāvā ||
sakhā nīti tumha nīki bicārī| mama pana saranāgata bhayahārī ||
suni prabhu bacana haraṣa hanumānā| saranāgata bacchala bhagavānā ||
do0=saranāgata kahu~ je tajahiṃ nija anahita anumāni|
te nara pāva~ra pāpamaya tinhahi bilokata hāni || 43 ||
koṭi bipra badha lāgahiṃ jāhū| āe~ sarana tajau~ nahiṃ tāhū ||
sanamukha hoi jīva mohi jabahīṃ| janma koṭi agha nāsahiṃ tabahīṃ ||
pāpavaṃta kara sahaja subhāū| bhajanu mora tehi bhāva na kāū ||
jauṃ pai duṣṭahṛdaya soi hoī| moreṃ sanamukha āva ki soī ||
nirmala mana jana so mohi pāvā| mohi kapaṭa chala chidra na bhāvā ||
bheda lena paṭhavā dasasīsā| tabahu~ na kachu bhaya hāni kapīsā ||
jaga mahu~ sakhā nisācara jete| lachimanu hanai nimiṣa mahu~ tete ||
jauṃ sabhīta āvā saranāī| rakhihau~ tāhi prāna kī nāī ||
do0=ubhaya bhā~ti tehi ānahu ha~si kaha kṛpāniketa|
jaya kṛpāla kahi cale aṃgada hanū sameta || 44 ||
sādara tehi āgeṃ kari bānara| cale jahā~ raghupati karunākara ||
dūrihi te dekhe dvau bhrātā| nayanānaṃda dāna ke dātā ||
bahuri rāma chabidhāma bilokī| raheu ṭhaṭuki ekaṭaka pala rokī ||
bhuja pralaṃba kaṃjāruna locana| syāmala gāta pranata bhaya mocana ||
siṃgha kaṃdha āyata ura sohā| ānana amita madana mana mohā ||
nayana nīra pulakita ati gātā| mana dhari dhīra kahī mṛdu bātā ||
nātha dasānana kara maiṃ bhrātā| nisicara baṃsa janama suratrātā ||
sahaja pāpapriya tāmasa dehā| jathā ulūkahi tama para nehā ||
do. śravana sujasu suni āyau~ prabhu bhaṃjana bhava bhīra|
trāhi trāhi ārati harana sarana sukhada raghubīra || 45 ||
asa kahi karata daṃḍavata dekhā| turata uṭhe prabhu haraṣa biseṣā ||
dīna bacana suni prabhu mana bhāvā| bhuja bisāla gahi hṛdaya~ lagāvā ||
anuja sahita mili ḍhiga baiṭhārī| bole bacana bhagata bhayahārī ||
kahu laṃkesa sahita parivārā| kusala kuṭhāhara bāsa tumhārā ||
khala maṃḍalīṃ basahu dinu rātī| sakhā dharama nibahai kehi bhā~tī ||
maiṃ jānau~ tumhāri saba rītī| ati naya nipuna na bhāva anītī ||
baru bhala bāsa naraka kara tātā| duṣṭa saṃga jani dei bidhātā ||
aba pada dekhi kusala raghurāyā| jauṃ tumha kīnha jāni jana dāyā ||
do. taba lagi kusala na jīva kahu~ sapanehu~ mana biśrāma|
jaba lagi bhajata na rāma kahu~ soka dhāma taji kāma || 46 ||
taba lagi hṛdaya~ basata khala nānā| lobha moha macchara mada mānā ||
jaba lagi ura na basata raghunāthā| dhareṃ cāpa sāyaka kaṭi bhāthā ||
mamatā taruna tamī a~dhiārī| rāga dveṣa ulūka sukhakārī ||
taba lagi basati jīva mana māhīṃ| jaba lagi prabhu pratāpa rabi nāhīṃ ||
aba maiṃ kusala miṭe bhaya bhāre| dekhi rāma pada kamala tumhāre ||
tumha kṛpāla jā para anukūlā| tāhi na byāpa tribidha bhava sūlā ||
maiṃ nisicara ati adhama subhāū| subha ācaranu kīnha nahiṃ kāū ||
jāsu rūpa muni dhyāna na āvā| tehiṃ prabhu haraṣi hṛdaya~ mohi lāvā ||
do. -ahobhāgya mama amita ati rāma kṛpā sukha puṃja|
dekheu~ nayana biraṃci siba sebya jugala pada kaṃja || 47 ||
sunahu sakhā nija kahau~ subhāū| jāna bhusuṃḍi saṃbhu girijāū ||
jauṃ nara hoi carācara drohī| āve sabhaya sarana taki mohī ||
taji mada moha kapaṭa chala nānā| karau~ sadya tehi sādhu samānā ||
jananī janaka baṃdhu suta dārā| tanu dhanu bhavana suhrada parivārā ||
saba kai mamatā tāga baṭorī| mama pada manahi bā~dha bari ḍorī ||
samadarasī icchā kachu nāhīṃ| haraṣa soka bhaya nahiṃ mana māhīṃ ||
asa sajjana mama ura basa kaiseṃ| lobhī hṛdaya~ basai dhanu jaiseṃ ||
tumha sārikhe saṃta priya moreṃ| dharau~ deha nahiṃ āna nihoreṃ ||
do. saguna upāsaka parahita nirata nīti dṛṛha nema|
te nara prāna samāna mama jinha keṃ dvija pada prema || 48 ||
sunu laṃkesa sakala guna toreṃ| tāteṃ tumha atisaya priya moreṃ ||
rāma bacana suni bānara jūthā| sakala kahahiṃ jaya kṛpā barūthā ||
sunata bibhīṣanu prabhu kai bānī| nahiṃ aghāta śravanāmṛta jānī ||
pada aṃbuja gahi bārahiṃ bārā| hṛdaya~ samāta na premu apārā ||
sunahu deva sacarācara svāmī| pranatapāla ura aṃtarajāmī ||
ura kachu prathama bāsanā rahī| prabhu pada prīti sarita so bahī ||
aba kṛpāla nija bhagati pāvanī| dehu sadā siva mana bhāvanī ||
evamastu kahi prabhu ranadhīrā| māgā turata siṃdhu kara nīrā ||
jadapi sakhā tava icchā nāhīṃ| mora darasu amogha jaga māhīṃ ||
asa kahi rāma tilaka tehi sārā| sumana bṛṣṭi nabha bhaī apārā ||
do. rāvana krodha anala nija svāsa samīra pracaṃḍa|
jarata bibhīṣanu rākheu dīnhehu rāju akhaṃḍa || 49(ka) ||
jo saṃpati siva rāvanahi dīnhi die~ dasa mātha|
soi saṃpadā bibhīṣanahi sakuci dīnha raghunātha || 49(kha) ||
asa prabhu chāṛi bhajahiṃ je ānā| te nara pasu binu pū~cha biṣānā ||
nija jana jāni tāhi apanāvā| prabhu subhāva kapi kula mana bhāvā ||
puni sarbagya sarba ura bāsī| sarbarūpa saba rahita udāsī ||
bole bacana nīti pratipālaka| kārana manuja danuja kula ghālaka ||
sunu kapīsa laṃkāpati bīrā| kehi bidhi taria jaladhi gaṃbhīrā ||
saṃkula makara uraga jhaṣa jātī| ati agādha dustara saba bhā~tī ||
kaha laṃkesa sunahu raghunāyaka| koṭi siṃdhu soṣaka tava sāyaka ||
jadyapi tadapi nīti asi gāī| binaya karia sāgara sana jāī ||
do. prabhu tumhāra kulagura jaladhi kahihi upāya bicāri|
binu prayāsa sāgara tarihi sakala bhālu kapi dhāri || 50 ||
sakhā kahī tumha nīki upāī| karia daiva jauṃ hoi sahāī ||
maṃtra na yaha lachimana mana bhāvā| rāma bacana suni ati dukha pāvā ||
nātha daiva kara kavana bharosā| soṣia siṃdhu karia mana rosā ||
kādara mana kahu~ eka adhārā| daiva daiva ālasī pukārā ||
sunata bihasi bole raghubīrā| aisehiṃ karaba dharahu mana dhīrā ||
asa kahi prabhu anujahi samujhāī| siṃdhu samīpa gae raghurāī ||
prathama pranāma kīnha siru nāī| baiṭhe puni taṭa darbha ḍasāī ||
jabahiṃ bibhīṣana prabhu pahiṃ āe| pācheṃ rāvana dūta paṭhāe ||
do. sakala carita tinha dekhe dhareṃ kapaṭa kapi deha|
prabhu guna hṛdaya~ sarāhahiṃ saranāgata para neha || 51 ||
pragaṭa bakhānahiṃ rāma subhāū| ati saprema gā bisari durāū ||
ripu ke dūta kapinha taba jāne| sakala bā~dhi kapīsa pahiṃ āne ||
kaha sugrīva sunahu saba bānara| aṃga bhaṃga kari paṭhavahu nisicara ||
suni sugrīva bacana kapi dhāe| bā~dhi kaṭaka cahu pāsa phirāe ||
bahu prakāra mārana kapi lāge| dīna pukārata tadapi na tyāge ||
jo hamāra hara nāsā kānā| tehi kosalādhīsa kai ānā ||
suni lachimana saba nikaṭa bolāe| dayā lāgi ha~si turata choḍāe ||
rāvana kara dījahu yaha pātī| lachimana bacana bācu kulaghātī ||
do. kahehu mukhāgara mūṛha sana mama saṃdesu udāra|
sītā dei milehu na ta āvā kāla tumhāra || 52 ||
turata nāi lachimana pada māthā| cale dūta baranata guna gāthā ||
kahata rāma jasu laṃkā~ āe| rāvana carana sīsa tinha nāe ||
bihasi dasānana pū~chī bātā| kahasi na suka āpani kusalātā ||
puni kahu khabari bibhīṣana kerī| jāhi mṛtyu āī ati nerī ||
karata rāja laṃkā saṭha tyāgī| hoihi jaba kara kīṭa abhāgī ||
puni kahu bhālu kīsa kaṭakāī| kaṭhina kāla prerita cali āī ||
jinha ke jīvana kara rakhavārā| bhayau mṛdula cita siṃdhu bicārā ||
kahu tapasinha kai bāta bahorī| jinha ke hṛdaya~ trāsa ati morī ||
do. -kī bhai bheṃṭa ki phiri gae śravana sujasu suni mora|
kahasi na ripu dala teja bala bahuta cakita cita tora || 53 ||
nātha kṛpā kari pū~chehu jaiseṃ| mānahu kahā krodha taji taiseṃ ||
milā jāi jaba anuja tumhārā| jātahiṃ rāma tilaka tehi sārā ||
rāvana dūta hamahi suni kānā| kapinha bā~dhi dīnhe dukha nānā ||
śravana nāsikā kāṭai lāge| rāma sapatha dīnhe hama tyāge ||
pū~chihu nātha rāma kaṭakāī| badana koṭi sata barani na jāī ||
nānā barana bhālu kapi dhārī| bikaṭānana bisāla bhayakārī ||
jehiṃ pura daheu hateu suta torā| sakala kapinha maha~ tehi balu thorā ||
amita nāma bhaṭa kaṭhina karālā| amita nāga bala bipula bisālā ||
do. dvibida mayaṃda nīla nala aṃgada gada bikaṭāsi|
dadhimukha kehari nisaṭha saṭha jāmavaṃta balarāsi || 54 ||
e kapi saba sugrīva samānā| inha sama koṭinha ganai ko nānā ||
rāma kṛpā~ atulita bala tinhahīṃ| tṛna samāna trelokahi ganahīṃ ||
asa maiṃ sunā śravana dasakaṃdhara| paduma aṭhāraha jūthapa baṃdara ||
nātha kaṭaka maha~ so kapi nāhīṃ| jo na tumhahi jītai rana māhīṃ ||
parama krodha mījahiṃ saba hāthā| āyasu pai na dehiṃ raghunāthā ||
soṣahiṃ siṃdhu sahita jhaṣa byālā| pūrahīṃ na ta bhari kudhara bisālā ||
mardi garda milavahiṃ dasasīsā| aisei bacana kahahiṃ saba kīsā ||
garjahiṃ tarjahiṃ sahaja asaṃkā| mānahu grasana cahata hahiṃ laṃkā ||
do. -sahaja sūra kapi bhālu saba puni sira para prabhu rāma|
rāvana kāla koṭi kahu jīti sakahiṃ saṃgrāma || 55 ||
rāma teja bala budhi bipulāī| seṣa sahasa sata sakahiṃ na gāī ||
saka sara eka soṣi sata sāgara| taba bhrātahi pū~cheu naya nāgara ||
tāsu bacana suni sāgara pāhīṃ| māgata paṃtha kṛpā mana māhīṃ ||
sunata bacana bihasā dasasīsā| jauṃ asi mati sahāya kṛta kīsā ||
sahaja bhīru kara bacana dṛṛhāī| sāgara sana ṭhānī macalāī ||
mūṛha mṛṣā kā karasi baṛāī| ripu bala buddhi thāha maiṃ pāī ||
saciva sabhīta bibhīṣana jākeṃ| bijaya bibhūti kahā~ jaga tākeṃ ||
suni khala bacana dūta risa bāṛhī| samaya bicāri patrikā kāṛhī ||
rāmānuja dīnhī yaha pātī| nātha bacāi juṛāvahu chātī ||
bihasi bāma kara līnhī rāvana| saciva boli saṭha lāga bacāvana ||
do. -bātanha manahi rijhāi saṭha jani ghālasi kula khīsa|
rāma birodha na ubarasi sarana biṣnu aja īsa || 56(ka) ||
kī taji māna anuja iva prabhu pada paṃkaja bhṛṃga|
hohi ki rāma sarānala khala kula sahita pataṃga || 56(kha) ||
sunata sabhaya mana mukha musukāī| kahata dasānana sabahi sunāī ||
bhūmi parā kara gahata akāsā| laghu tāpasa kara bāga bilāsā ||
kaha suka nātha satya saba bānī| samujhahu chāṛi prakṛti abhimānī ||
sunahu bacana mama parihari krodhā| nātha rāma sana tajahu birodhā ||
ati komala raghubīra subhāū| jadyapi akhila loka kara rāū ||
milata kṛpā tumha para prabhu karihī| ura aparādha na ekau dharihī ||
janakasutā raghunāthahi dīje| etanā kahā mora prabhu kīje|
jaba tehiṃ kahā dena baidehī| carana prahāra kīnha saṭha tehī ||
nāi carana siru calā so tahā~| kṛpāsiṃdhu raghunāyaka jahā~ ||
kari pranāmu nija kathā sunāī| rāma kṛpā~ āpani gati pāī ||
riṣi agasti kīṃ sāpa bhavānī| rāchasa bhayau rahā muni gyānī ||
baṃdi rāma pada bārahiṃ bārā| muni nija āśrama kahu~ pagu dhārā ||
do. binaya na mānata jaladhi jaṛa gae tīna dina bīti|
bole rāma sakopa taba bhaya binu hoi na prīti || 57 ||
lachimana bāna sarāsana ānū| soṣauṃ bāridhi bisikha kṛsānū ||
saṭha sana binaya kuṭila sana prītī| sahaja kṛpana sana suṃdara nītī ||
mamatā rata sana gyāna kahānī| ati lobhī sana birati bakhānī ||
krodhihi sama kāmihi hari kathā| ūsara bīja bae~ phala jathā ||
asa kahi raghupati cāpa caṛhāvā| yaha mata lachimana ke mana bhāvā ||
saṃghāneu prabhu bisikha karālā| uṭhī udadhi ura aṃtara jvālā ||
makara uraga jhaṣa gana akulāne| jarata jaṃtu jalanidhi jaba jāne ||
kanaka thāra bhari mani gana nānā| bipra rūpa āyau taji mānā ||
do. kāṭehiṃ pai kadarī pharai koṭi jatana kou sīṃca|
binaya na māna khagesa sunu ḍāṭehiṃ pai nava nīca || 58 ||
sabhaya siṃdhu gahi pada prabhu kere| chamahu nātha saba avaguna mere ||
gagana samīra anala jala dharanī| inha kai nātha sahaja jaṛa karanī ||
tava prerita māyā~ upajāe| sṛṣṭi hetu saba graṃthani gāe ||
prabhu āyasu jehi kaha~ jasa ahaī| so tehi bhā~ti rahe sukha lahaī ||
prabhu bhala kīnhī mohi sikha dīnhī| marajādā puni tumharī kīnhī ||
ḍhola gavā~ra sūdra pasu nārī| sakala tāṛanā ke adhikārī ||
prabhu pratāpa maiṃ jāba sukhāī| utarihi kaṭaku na mori baṛāī ||
prabhu agyā apela śruti gāī| karauṃ so begi jau tumhahi sohāī ||
do. sunata binīta bacana ati kaha kṛpāla musukāi|
jehi bidhi utarai kapi kaṭaku tāta so kahahu upāi || 59 ||
nātha nīla nala kapi dvau bhāī| larikāī riṣi āsiṣa pāī ||
tinha ke parasa kie~ giri bhāre| tarihahiṃ jaladhi pratāpa tumhāre ||
maiṃ puni ura dhari prabhutāī| karihau~ bala anumāna sahāī ||
ehi bidhi nātha payodhi ba~dhāia| jehiṃ yaha sujasu loka tihu~ gāia ||
ehi sara mama uttara taṭa bāsī| hatahu nātha khala nara agha rāsī ||
suni kṛpāla sāgara mana pīrā| turatahiṃ harī rāma ranadhīrā ||
dekhi rāma bala pauruṣa bhārī| haraṣi payonidhi bhayau sukhārī ||
sakala carita kahi prabhuhi sunāvā| carana baṃdi pāthodhi sidhāvā ||
chaṃ. nija bhavana gavaneu siṃdhu śrīraghupatihi yaha mata bhāyaū|
yaha carita kali malahara jathāmati dāsa tulasī gāyaū ||
sukha bhavana saṃsaya samana davana biṣāda raghupati guna ganā ||
taji sakala āsa bharosa gāvahi sunahi saṃtata saṭha manā ||
do. sakala sumaṃgala dāyaka raghunāyaka guna gāna|
sādara sunahiṃ te tarahiṃ bhava siṃdhu binā jalajāna || 60 ||
iti śrīmadrāmacaritamānase sakalakalikaluṣavidhvaṃsane
pañcamaḥ sopānaḥ samāptaḥ |
(sundarakāṇḍa samāpta)