॥ ಶ್ರೀ ರಾಮಚನ್ದ್ರಾಷ್ಟಕಮ್ ॥
ಸುಗ್ರೀವಮಿತ್ರಂ ಪರಮಂ ಪವಿತ್ರಂ ಸೀತಾಕಲತ್ರಂ ನವಮೇಘಗಾತ್ರಮ್ ।
ಕಾರುಣ್ಯಪಾತ್ರಂ ಶತಪತ್ರನೇತ್ರಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೧ ॥
ಕಾರುಣ್ಯಪಾತ್ರಂ ಶತಪತ್ರನೇತ್ರಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೧ ॥
ಸಂಸಾರಸಾರಂ ನಿಗಮಪ್ರಚಾರಂ ಧರ್ಮಾವತಾರಂ ಹೃತಭೂಮಿಭಾರಮ್ ।
ಸದಾಽವಿಕಾರಂ ಸುಖಸಿನ್ಧುಸಾರಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೨ ॥
ಸದಾಽವಿಕಾರಂ ಸುಖಸಿನ್ಧುಸಾರಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೨ ॥
ಲಕ್ಷ್ಮೀವಿಲಾಸಂ ಜಗತಾಂ ನಿವಾಸಂ ಲಙ್ಕಾವಿನಾಶಂ ಭುವನಪ್ರಕಾಶಮ್ ।
ಭೂದೇವವಾಸಂ ಶರದಿನ್ದುಹಾಸಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೩ ॥
ಭೂದೇವವಾಸಂ ಶರದಿನ್ದುಹಾಸಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೩ ॥
ಮನ್ದಾರಮಾಲಂ ವಚನೇ ರಸಾಲಂ ಗುಣೈರ್ವಿಶಾಲಂ ಹತಸಪ್ತತಾಲಮ್ ।
ಕ್ರವ್ಯಾದಕಾಲಂ ಸುರಲೋಕಪಾಲಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೪ ॥
ಕ್ರವ್ಯಾದಕಾಲಂ ಸುರಲೋಕಪಾಲಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೪ ॥
ವೇದಾನ್ತಗಾನಂ ಸಕಲೈಸ್ಸಮಾನಂ ಹೃತಾರಿಮಾನಂ ತ್ರಿದಶಪ್ರಧಾನಮ್ ।
ಗಜೇನ್ದ್ರಯಾನಂ ವಿಗತಾವಸಾನಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೫ ॥
ಗಜೇನ್ದ್ರಯಾನಂ ವಿಗತಾವಸಾನಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೫ ॥
ಶ್ಯಾಮಾಭಿರಾಮಂ ನಯನಾಭಿರಾಮಂ ಗುಣಾಭಿರಾಮಂ ವಚನಾಭಿರಾಮಮ್ ।
ವಿಶ್ವಪ್ರಣಾಮಂ ಕೃತಭಕ್ತಕಾಮಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೬ ॥
ವಿಶ್ವಪ್ರಣಾಮಂ ಕೃತಭಕ್ತಕಾಮಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೬ ॥
ಲೀಲಾಶರೀರಂ ರಣರಙ್ಗಧೀರಂ ವಿಶ್ವೈಕಸಾರಂ ರಘುವಂಶಹಾರಮ್ ।
ಗಮ್ಭೀರವಾದಂ ಜಿತಸರ್ವವಾದಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೭ ॥
ಗಮ್ಭೀರವಾದಂ ಜಿತಸರ್ವವಾದಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೭ ॥
ಖಲೇ ಕೃತಾನ್ತಂ ಸ್ವಜನೇ ವಿನೀತಂ ಸಾಮೋಪಗೀತಂ ಮನಸಾ ಪ್ರತೀತಮ್ ।
ರಾಗೇಣ ಗೀತಂ ವಚನಾದತೀತಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೮ ॥
ರಾಗೇಣ ಗೀತಂ ವಚನಾದತೀತಂ ಶ್ರೀರಾಮಚನ್ದ್ರಂ ಸತತಂ ನಮಾಮಿ ॥ ೮ ॥
॥ ಫಲಶ್ರುತಿ ॥
ಶ್ರೀರಾಮಚನ್ದ್ರಸ್ಯ ವರಾಷ್ಟಕಂ ತ್ವಾಂ ಮಯೇರಿತಂ ದೇವಿ ಮನೋಹರಂ ಯೇ ।
ಪಠನ್ತಿ ಶೃಣ್ವನ್ತಿ ಗೃಣನ್ತಿ ಭಕ್ತ್ಯಾ ತೇ ಸ್ವೀಯಕಾಮಾನ್ ಪ್ರಲಭನ್ತಿ ನಿತ್ಯಮ್ ॥ ೯ ॥
ಪಠನ್ತಿ ಶೃಣ್ವನ್ತಿ ಗೃಣನ್ತಿ ಭಕ್ತ್ಯಾ ತೇ ಸ್ವೀಯಕಾಮಾನ್ ಪ್ರಲಭನ್ತಿ ನಿತ್ಯಮ್ ॥ ೯ ॥
॥ ಇತಿ ಶ್ರೀರಾಮಚನ್ದ್ರಾಷ್ಟಕಮ್ ಸಮ್ಪೂರ್ಣಮ್ ॥