ଶ୍ରୀ ରୁଦ୍ରଂ ଲଘୁନ୍ଯାସମ୍

ଓଁ ଅଥାତ୍ମାନଗ୍ଂ ଶିଵାତ୍ମାନଂ ଶ୍ରୀ ରୁଦ୍ରରୂପ-ନ୍ଧ୍ଯାଯେତ୍ ॥
ଶୁଦ୍ଧସ୍ଫଟିକ ସଙ୍କାଶ-ନ୍ତ୍ରିନେତ୍ର-ମ୍ପଞ୍ଚ ଵକ୍ତ୍ରକମ୍ ।
ଗଙ୍ଗାଧର-ନ୍ଦଶଭୁଜଂ ସର୍ଵାଭରଣ ଭୂଷିତମ୍ ॥
ନୀଲଗ୍ରୀଵଂ ଶଶାଙ୍କାଙ୍କ-ନ୍ନାଗ ଯଜ୍ଞୋପ ଵୀତିନମ୍ ।
ଵ୍ଯାଘ୍ର ଚର୍ମୋତ୍ତରୀଯ-ଞ୍ଚ ଵରେଣ୍ଯମଭଯ ପ୍ରଦମ୍ ॥
କମଣ୍ଡଲ୍-ଵକ୍ଷ ସୂତ୍ରାଣା-ନ୍ଧାରିଣଂ ଶୂଲପାଣିନମ୍ ।
ଜ୍ଵଲନ୍ତ-ମ୍ପିଙ୍ଗଲଜଟା ଶିଖା-ମୁଦ୍ଯୋତ ଧାରିଣମ୍ ॥
ଵୃଷ ସ୍କନ୍ଧ ସମାରୂଢଂ ଉମା ଦେହାର୍ଧ ଧାରିଣମ୍ ।
ଅମୃତେନାପ୍ଲୁତଂ ଶାନ୍ତ-ନ୍ଦିଵ୍ଯଭୋଗ ସମନ୍ଵିତମ୍ ॥
ଦିଗ୍ଦେଵତା ସମାଯୁକ୍ତଂ ସୁରାସୁର ନମସ୍କୃତମ୍ ।
ନିତ୍ଯ-ଞ୍ଚ ଶାଶ୍ଵତଂ ଶୁଦ୍ଧ-ନ୍ଧ୍ରୁଵ-ମକ୍ଷର-ମଵ୍ଯଯମ୍ ।
ସର୍ଵ ଵ୍ଯାପିନ-ମୀଶାନଂ ରୁଦ୍ରଂ-ଵୈଁ ଵିଶ୍ଵରୂପିଣମ୍ ।
ଏଵ-ନ୍ଧ୍ଯାତ୍ଵା ଦ୍ଵିଜ-ସ୍ସମ୍ଯ-କ୍ତତୋ ଯଜନମାରଭେତ୍ ॥
ଅଥାତୋ ରୁଦ୍ର ସ୍ନାନାର୍ଚନାଭିଷେକ ଵିଧିଂ-ଵ୍ଯାଁଖ୍ଯାସ୍ଯାମଃ ।
ଆଦିତ ଏଵ ତୀର୍ଥେ ସ୍ନାତ୍ଵା,
ଉଦେତ୍ଯ ଶୁଚିଃ ପ୍ରଯତୋ ବ୍ରହ୍ମଚାରୀ ଶୁକ୍ଲଵାସା ଦେଵାଭିମୁଖ-ସ୍ସ୍ଥିତ୍ଵା,
ଆତ୍ମନି ଦେଵତା-ସ୍ସ୍ଥାପଯେତ୍ ॥
ପ୍ରଜନନେ ବ୍ରହ୍ମା ତିଷ୍ଠତୁ ।
ପାଦଯୋର୍ଵିଷ୍ଣୁସ୍ତିଷ୍ଠତୁ ।
ହସ୍ତଯୋର୍ହରସ୍ତିଷ୍ଠତୁ ।
ବାହ୍ଵୋରିନ୍ଦ୍ରସ୍ତିଷ୍ଠତୁ ।
ଜଠରେ-ଽଅଗ୍ନିସ୍ତିଷ୍ଠତୁ ।
ହୃଦଯେ ଶିଵସ୍ତିଷ୍ଠତୁ ।
କଣ୍ଠେ ଵସଵସ୍ତିଷ୍ଠନ୍ତୁ ।
ଵକ୍ତ୍ରେ ସରସ୍ଵତୀ ତିଷ୍ଠତୁ ।
ନାସିକଯୋ-ର୍ଵାଯୁସ୍ତିଷ୍ଠତୁ ।
ନଯନଯୋ-ଶ୍ଚନ୍ଦ୍ରାଦିତ୍ଯୌ ତିଷ୍ଠେତାମ୍ ।
କର୍ଣଯୋରଶ୍ଵିନୌ ତିଷ୍ଠେତାମ୍ ।
ଲଲାଟେ ରୁଦ୍ରାସ୍ତିଷ୍ଠନ୍ତୁ ।
ମୂର୍ଧ୍ନ୍ଯାଦିତ୍ଯାସ୍ତିଷ୍ଠନ୍ତୁ ।
ଶିରସି ମହାଦେଵସ୍ତିଷ୍ଠତୁ ।
ଶିଖାଯାଂ-ଵାଁମଦେଵାସ୍ତିଷ୍ଠତୁ ।
ପୃଷ୍ଠେ ପିନାକୀ ତିଷ୍ଠତୁ ।
ପୁରତ-ଶ୍ଶୂଲୀ ତିଷ୍ଠତୁ ।
ପାର୍ଶ୍ଵଯୋ-ଶ୍ଶିଵାଶଙ୍କରୌ ତିଷ୍ଠେତାମ୍ ।
ସର୍ଵତୋ ଵାଯୁସ୍ତିଷ୍ଠତୁ ।
ତତୋ ବହି-ସ୍ସର୍ଵତୋ-ଽଗ୍ନିର୍ଜ୍ଵାଲାମାଲା-ପରିଵୃତସ୍ତିଷ୍ଠତୁ ।
ସର୍ଵେଷ୍ଵଙ୍ଗେଷୁ ସର୍ଵା ଦେଵତା ଯଥାସ୍ଥାନ-ନ୍ତିଷ୍ଠନ୍ତୁ ।
ମାଗ୍ଂ ରକ୍ଷନ୍ତୁ ।
ଅଗ୍ନିର୍ମେ ଵାଚି ଶ୍ରିତଃ । ଵାଘୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ଵାଯୁର୍ମେ ପ୍ରାଣେ ଶ୍ରିତଃ । ପ୍ରାଣୋ ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ସୂର୍ଯୋ ମେ ଚକ୍ଷୁଷି ଶ୍ରିତଃ । ଚକ୍ଷୁର୍ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ଚନ୍ଦ୍ରମା ମେ ମନସି ଶ୍ରିତଃ । ମନୋ ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ଦିଶୋ ମେ ଶ୍ରୋତ୍ରେ ଶ୍ରିତାଃ । ଶ୍ରୋତ୍ରଗ୍ଂ ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ଆପୋମେ ରେତସି ଶ୍ରିତାଃ । ରେତୋ ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ପୃଥିଵୀ ମେ ଶରୀରେ ଶ୍ରିତା । ଶରୀରଗ୍ଂ ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ଓଷଧି ଵନସ୍ପତଯୋ ମେ ଲୋମସୁ ଶ୍ରିତାଃ । ଲୋମାନି ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ଇନ୍ଦ୍ରୋ ମେ ବଲେ ଶ୍ରିତଃ । ବଲଗ୍ଂ ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ପର୍ଜନ୍ଯୋ ମେ ମୂର୍ଦ୍ନି ଶ୍ରିତଃ । ମୂର୍ଧା ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ଈଶାନୋ ମେ ମନ୍ଯୌ ଶ୍ରିତଃ । ମନ୍ଯୁର୍ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ଆତ୍ମା ମ ଆତ୍ମନି ଶ୍ରିତଃ । ଆତ୍ମା ହୃଦଯେ । ହୃଦଯ-ମ୍ମଯି । ଅହମମୃତେ । ଅମୃତ-ମ୍ବ୍ରହ୍ମଣି ।
ପୁନର୍ମ ଆତ୍ମା ପୁନରାଯୁ ରାଗାତ୍ । ପୁନଃ ପ୍ରାଣଃ ପୁନରାକୂତମାଗାତ୍ । ଵୈଶ୍ଵାନରୋ ରଶ୍ମିଭିର୍ଵାଵୃଧାନଃ । ଅନ୍ତସ୍ତିଷ୍ଠତ୍ଵମୃତସ୍ଯ ଗୋପାଃ ॥
ଅସ୍ଯ ଶ୍ରୀ ରୁଦ୍ରାଧ୍ଯାଯ ପ୍ରଶ୍ନ ମହାମନ୍ତ୍ରସ୍ଯ,
ଅଘୋର ଋଷିଃ,
ଅନୁଷ୍ଟୁ-ପ୍ଛନ୍ଦଃ,
ସଙ୍କର୍ଷଣ ମୂର୍ତି ସ୍ଵରୂପୋ ଯୋ-ଽସାଵାଦିତ୍ଯଃ ପରମପୁରୁଷ-ସ୍ସ ଏଷ ରୁଦ୍ରୋ ଦେଵତା ।
ନମ-ଶ୍ଶିଵାଯେତି ବୀଜମ୍ ।
ଶିଵତରାଯେତି ଶକ୍ତିଃ ।
ମହାଦେଵାଯେତି କୀଲକମ୍ ।
ଶ୍ରୀ ସାମ୍ବ ସଦାଶିଵ ପ୍ରସାଦ ସିଦ୍ଧ୍ଯର୍ଥେ ଜପେ ଵିନିଯୋଗଃ ॥
ଓଁ ଅଗ୍ନିହୋତ୍ରାତ୍ମନେ ଅଙ୍ଗୁଷ୍ଠାଭ୍ଯା-ନ୍ନମଃ ।
ଦର୍ଶପୂର୍ଣ ମାସାତ୍ମନେ ତର୍ଜନୀଭ୍ଯା-ନ୍ନମଃ ।
ଚାତୁର୍ମାସ୍ଯାତ୍ମନେ ମଧ୍ଯମାଭ୍ଯା-ନ୍ନମଃ ।
ନିରୂଢ ପଶୁବନ୍ଧାତ୍ମନେ ଅନାମିକାଭ୍ଯା-ନ୍ନମଃ ।
ଜ୍ଯୋତିଷ୍ଟୋମାତ୍ମନେ କନିଷ୍ଠିକାଭ୍ଯା-ନ୍ନମଃ ।
ସର୍ଵକ୍ରତ୍ଵାତ୍ମନେ କରତଲ କରପୃଷ୍ଠାଭ୍ଯା-ନ୍ନମଃ ॥
ଅଗ୍ନିହୋତ୍ରାତ୍ମନେ ହୃଦଯାଯ ନମଃ ।
ଦର୍ଶପୂର୍ଣ ମାସାତ୍ମନେ ଶିରସେ ସ୍ଵାହା ।
ଚାତୁର୍ମାସ୍ଯାତ୍ମନେ ଶିଖାଯୈ ଵଷଟ୍ ।
ନିରୂଢ ପଶୁବନ୍ଧାତ୍ମନେ କଵଚାଯ ହୁମ୍ ।
ଜ୍ଯୋତିଷ୍ଟୋମାତ୍ମନେ ନେତ୍ରତ୍ରଯାଯ ଵୌଷଟ୍ ।
ସର୍ଵକ୍ରତ୍ଵାତ୍ମନେ ଅସ୍ତ୍ରାଯଫଟ୍ । ଭୂର୍ଭୁଵସ୍ସୁଵରୋମିତି ଦିଗ୍ବନ୍ଧଃ ॥
ଧ୍ଯାନଂ
ଆପାତାଲ-ନଭସ୍ସ୍ଥଲାନ୍ତ-ଭୁଵନ-ବ୍ରହ୍ମାଣ୍ଡ-ମାଵିସ୍ଫୁରତ୍-
ଜ୍ଯୋତି-ସ୍ସ୍ଫାଟିକ-ଲିଙ୍ଗ-ମୌଲି-ଵିଲସତ୍-ପୂର୍ଣେନ୍ଦୁ-ଵାନ୍ତାମୃତୈଃ ।
ଅସ୍ତୋକାପ୍ଲୁତ-ମେକ-ମୀଶ-ମନିଶଂ ରୁଦ୍ରାନୁ-ଵାକାଞ୍ଜପନ୍
ଧ୍ଯାଯେ-ଦୀପ୍ସିତ-ସିଦ୍ଧଯେ ଧ୍ରୁଵପଦଂ-ଵିଁପ୍ରୋ-ଽଭିଷିଞ୍ଚେ-ଚ୍ଚିଵମ୍ ॥
ବ୍ରହ୍ମାଣ୍ଡ ଵ୍ଯାପ୍ତଦେହା ଭସିତ ହିମରୁଚା ଭାସମାନା ଭୁଜଙ୍ଗୈଃ
କଣ୍ଠେ କାଲାଃ କପର୍ଦାଃ କଲିତ-ଶଶିକଲା-ଶ୍ଚଣ୍ଡ କୋଦଣ୍ଡ ହସ୍ତାଃ ।
ତ୍ର୍ଯକ୍ଷା ରୁଦ୍ରାକ୍ଷମାଲାଃ ପ୍ରକଟିତଵିଭଵା-ଶ୍ଶାମ୍ଭଵା ମୂର୍ତିଭେଦାଃ
ରୁଦ୍ରା-ଶ୍ଶ୍ରୀରୁଦ୍ରସୂକ୍ତ-ପ୍ରକଟିତଵିଭଵା ନଃ ପ୍ରଯଚ୍ଚନ୍ତୁ ସୌଖ୍ଯମ୍ ॥
ଓ-ଙ୍ଗଣାନା-ନ୍ତ୍ଵା ଗଣପତିଗ୍ଂ ହଵାମହେ କଵି-ଙ୍କଵୀନାମୁପମଶ୍ରଵସ୍ତମମ୍ ।
ଜ୍ଯେଷ୍ଠରାଜ-ମ୍ବ୍ରହ୍ମଣା-ମ୍ବ୍ରହ୍ମଣସ୍ପତ ଆ ନଃ ଶୃଣ୍ଵନ୍ନୂତିଭିସ୍ସୀଦ ସାଦନମ୍ ॥
ମହାଗଣପତଯେ ନମଃ ॥
ଶ-ଞ୍ଚ ମେ ମଯଶ୍ଚ ମେ ପ୍ରିଯ-ଞ୍ଚ ମେ-ଽନୁକାମଶ୍ଚ ମେ କାମଶ୍ଚ ମେ ସୌମନସଶ୍ଚ ମେ ଭଦ୍ର-ଞ୍ଚ ମେ ଶ୍ରେଯଶ୍ଚ ମେ ଵସ୍ଯଶ୍ଚ ମେ ଯଶଶ୍ଚ ମେ ଭଗଶ୍ଚ ମେ ଦ୍ରଵିଣ-ଞ୍ଚ ମେ ଯନ୍ତା ଚ ମେ ଧର୍ତା ଚ ମେ କ୍ଷେମଶ୍ଚ ମେ ଧୃତିଶ୍ଚ ମେ ଵିଶ୍ଵ-ଞ୍ଚ ମେ ମହଶ୍ଚ ମେ ସଂଵିଁଚ୍ଚ ମେ ଜ୍ଞାତ୍ର-ଞ୍ଚ ମେ ସୂଶ୍ଚ ମେ ପ୍ରସୂଶ୍ଚ ମେ ସୀର-ଞ୍ଚ ମେ ଲଯଶ୍ଚ ମ ଋତ-ଞ୍ଚ ମେ-ଽମୃତ-ଞ୍ଚ ମେ-ଽଯକ୍ଷ୍ମ-ଞ୍ଚ ମେ-ଽନାମଯଚ୍ଚ ମେ ଜୀଵାତୁଶ୍ଚ ମେ ଦୀର୍ଘାଯୁତ୍ଵ-ଞ୍ଚ ମେ-ଽନମିତ୍ର-ଞ୍ଚ ମେ-ଽଭଯ-ଞ୍ଚ ମେ ସୁଗ-ଞ୍ଚ ମେ ଶଯନ-ଞ୍ଚ ମେ ସୂଷା ଚ ମେ ସୁଦିନ-ଞ୍ଚ ମେ ॥
ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ ॥