॥ ശ്രീ ശാലിഗ്രാമ സ്തോത്രമ് ॥
॥ വിനിയോഗഃ ॥
അസ്യ ശ്രീശാലിഗ്രാമസ്തോത്രമന്ത്രസ്യ ശ്രീഭഗവാന് ഋഷിഃ ശ്രീനാരായണോ ദേവതാ അനുഷ്ടുപ് ഛന്ദഃ ശ്രീശാലിഗ്രാമസ്തോത്രമന്ത്ര ജപേ വിനിയോഗഃ ।
യുധിഷ്ഠിര ഉവാച।
ശ്രീദേവദേവ ദേവേശ ദേവതാര്ചനമുത്തമമ് ।
തത്സര്വം ശ്രോതുമിച്ഛാമി ബ്രൂഹി മേ പുരുഷോത്തമ ॥ ൧ ॥
തത്സര്വം ശ്രോതുമിച്ഛാമി ബ്രൂഹി മേ പുരുഷോത്തമ ॥ ൧ ॥
ശ്രീഭഗവാനുവാച ।
ഗണ്ഡക്യാം ചോത്തരേ തീരേ ഗിരിരാജസ്യ ദക്ഷിണേ ।
ദശയോജനവിസ്തീര്ണാ മഹാക്ഷേത്രവസുന്ധരാ ॥ ൨ ॥
ദശയോജനവിസ്തീര്ണാ മഹാക്ഷേത്രവസുന്ധരാ ॥ ൨ ॥
ശാലിഗ്രാമോ ഭവേദ്ദേവോ ദേവീ ദ്വാരാവതീ ഭവേത് ।
ഉഭയോഃ സങ്ഗമോ യത്ര മുക്തിസ്തത്ര ന സംശയഃ ॥ ൩ ॥
ഉഭയോഃ സങ്ഗമോ യത്ര മുക്തിസ്തത്ര ന സംശയഃ ॥ ൩ ॥
ശാലിഗ്രാമശിലാ യത്ര യത്ര ദ്വാരാവതീ ശിലാ ।
ഉഭയോഃ സങ്ഗമോ യത്ര മുക്തിസ്തത്ര ന സംശയഃ ॥ ൪ ॥
ഉഭയോഃ സങ്ഗമോ യത്ര മുക്തിസ്തത്ര ന സംശയഃ ॥ ൪ ॥
ആജന്മകൃതപാപാനാം പ്രായശ്ചിത്തം യ ഇച്ഛതി ।
ശാലിഗ്രാമശിലാവാരി പാപഹാരി നമോഽസ്തു തേ ॥ ൫ ॥
ശാലിഗ്രാമശിലാവാരി പാപഹാരി നമോഽസ്തു തേ ॥ ൫ ॥
അകാലമൃത്യുഹരണം സര്വവ്യാധിവിനാശനമ് ।
വിഷ്ണോഃ പാദോദകം പീത്വാ ശിരസാ ധാരയാമ്യഹമ് ॥ ൬ ॥
വിഷ്ണോഃ പാദോദകം പീത്വാ ശിരസാ ധാരയാമ്യഹമ് ॥ ൬ ॥
ശങ്ഖമധ്യേ സ്ഥിതം തോയം ഭ്രാമിതം കേശവോപരി ।
അങ്ഗലഗ്നം മനുഷ്യാണാം ബ്രഹ്മഹത്യാദികം ദഹേത് ॥ ൭ ॥
അങ്ഗലഗ്നം മനുഷ്യാണാം ബ്രഹ്മഹത്യാദികം ദഹേത് ॥ ൭ ॥
സ്നാനോദകം പിബേന്നിത്യം ചക്രാങ്കിതശിലോദ്ഭവമ് ।
പ്രക്ഷാല്യ ശുദ്ധം തത്തോയം ബ്രഹ്മഹത്യാം വ്യപോഹതി ॥ ൮ ॥
പ്രക്ഷാല്യ ശുദ്ധം തത്തോയം ബ്രഹ്മഹത്യാം വ്യപോഹതി ॥ ൮ ॥
അഗ്നിഷ്ടോമസഹസ്രാണി വാജപേയശതാനി ച ।
സമ്യക് ഫലമവാപ്നോതി വിഷ്ണോര്നൈവേദ്യഭക്ഷണാത് ॥ ൯ ॥
സമ്യക് ഫലമവാപ്നോതി വിഷ്ണോര്നൈവേദ്യഭക്ഷണാത് ॥ ൯ ॥
നൈവേദ്യയുക്താം തുലസീം ച മിശ്രിതാം
വിശേഷതഃ പാദജലേന വിഷ്ണോഃ ।
യോഽശ്നാതി നിത്യം പുരതോ മുരാരേഃ
പ്രാപ്നോതി യജ്ഞായുതകോടിപുണ്യമ് ॥ ൧൦ ॥
വിശേഷതഃ പാദജലേന വിഷ്ണോഃ ।
യോഽശ്നാതി നിത്യം പുരതോ മുരാരേഃ
പ്രാപ്നോതി യജ്ഞായുതകോടിപുണ്യമ് ॥ ൧൦ ॥
ഖണ്ഡിതാ സ്ഫുടിതാ ഭിന്നാ വഹ്നിദഗ്ധാ തഥൈവ ച ।
ശാലിഗ്രാമശിലാ യത്ര തത്ര ദോഷോ ന വിദ്യതേ ॥ ൧൧ ॥
ശാലിഗ്രാമശിലാ യത്ര തത്ര ദോഷോ ന വിദ്യതേ ॥ ൧൧ ॥
ന മന്ത്രഃ പൂജനം നൈവ ന തീര്ഥം ന ച ഭാവനാ ।
ന സ്തുതിര്നോപചാരശ്ച ശാലിഗ്രാമശിലാര്ചനേ ॥ ൧൨ ॥
ന സ്തുതിര്നോപചാരശ്ച ശാലിഗ്രാമശിലാര്ചനേ ॥ ൧൨ ॥
ബ്രഹ്മഹത്യാദികം പാപം മനോവാക്കായസമ്ഭവമ് ।
ശീഘ്രം നശ്യതി തത്സര്വം ശാലിഗ്രാമശിലാര്ചനാത് ॥ ൧൩ ॥
ശീഘ്രം നശ്യതി തത്സര്വം ശാലിഗ്രാമശിലാര്ചനാത് ॥ ൧൩ ॥
നാനാവര്ണമയം ചൈവ നാനാഭോഗേന വേഷ്ടിതമ് ।
തഥാ വരപ്രസാദേന ലക്ഷ്മീകാന്തം വദാമ്യഹമ് ॥ ൧൪ ॥
തഥാ വരപ്രസാദേന ലക്ഷ്മീകാന്തം വദാമ്യഹമ് ॥ ൧൪ ॥
നാരായണോദ്ഭവോ ദേവശ്ചക്രമധ്യേ ച കര്മണാ ।
തഥാ വരപ്രസാദേന ലക്ഷ്മീകാന്തം വദാമ്യഹമ് ॥ ൧൫ ॥
തഥാ വരപ്രസാദേന ലക്ഷ്മീകാന്തം വദാമ്യഹമ് ॥ ൧൫ ॥
കൃഷ്ണേ ശിലാതലേ യത്ര സൂക്ഷ്മം ചക്രം ച ദൃശ്യതേ ।
സൌഭാഗ്യം സന്തതിം ധത്തേ സര്വസൌഖ്യം ദദാതി ച ॥ ൧൬ ॥
സൌഭാഗ്യം സന്തതിം ധത്തേ സര്വസൌഖ്യം ദദാതി ച ॥ ൧൬ ॥
വാസുദേവസ്യ ചിഹ്നാനി ദൃഷ്ട്വാ പാപൈഃ പ്രമുച്യതേ ।
ശ്രീധരഃ സൂകരേ വാമേ ഹരിദ്വര്ണസ്തു ദൃശ്യതേ ॥ ൧൭ ॥
ശ്രീധരഃ സൂകരേ വാമേ ഹരിദ്വര്ണസ്തു ദൃശ്യതേ ॥ ൧൭ ॥
വരാഹരൂപിണം ദേവം കൂര്മാങ്ഗൈരപി ചിഹ്നിതമ് ।
ഗോപദം തത്ര ദൃശ്യേത വാരാഹം വാമനം തഥാ ॥ ൧൮ ॥
ഗോപദം തത്ര ദൃശ്യേത വാരാഹം വാമനം തഥാ ॥ ൧൮ ॥
പീതവര്ണം തു ദേവാനാം രക്തവര്ണം ഭയാവഹമ് ।
നാരസിംഹോഽഭവദ്ദേവോ മോക്ഷദം ച പ്രകീര്തിതമ് ॥ ൧൯ ॥
നാരസിംഹോഽഭവദ്ദേവോ മോക്ഷദം ച പ്രകീര്തിതമ് ॥ ൧൯ ॥
ശങ്ഖചക്രഗദാകൂര്മാഃ ശങ്ഖോ യത്ര പ്രദൃശ്യതേ ।
ശങ്ഖവര്ണസ്യ ദേവാനാം വാമേ ദേവസ്യ ലക്ഷണമ് ॥ ൨൦ ॥
ശങ്ഖവര്ണസ്യ ദേവാനാം വാമേ ദേവസ്യ ലക്ഷണമ് ॥ ൨൦ ॥
ദാമോദരം തഥാ സ്ഥൂലം മധ്യേ ചക്രം പ്രതിഷ്ഠിതമ് ।
പൂര്ണദ്വാരേണ സങ്കീര്ണാ പീതരേഖാ ച ദൃശ്യതേ ॥ ൨൧ ॥
പൂര്ണദ്വാരേണ സങ്കീര്ണാ പീതരേഖാ ച ദൃശ്യതേ ॥ ൨൧ ॥
ഛത്രാകാരേ ഭവേദ്രാജ്യം വര്തുലേ ച മഹാശ്രിയഃ ।
കപടേ ച മഹാദുഃഖം ശൂലാഗ്രേ തു രണം ധ്രുവമ് ॥ ൨൨ ॥
കപടേ ച മഹാദുഃഖം ശൂലാഗ്രേ തു രണം ധ്രുവമ് ॥ ൨൨ ॥
ലലാടേ ശേഷഭോഗസ്തു ശിരോപരി സുകാഞ്ചനമ് ।
ചക്രകാഞ്ചനവര്ണാനാം വാമദേവസ്യ ലക്ഷണമ് ॥ ൨൩ ॥
ചക്രകാഞ്ചനവര്ണാനാം വാമദേവസ്യ ലക്ഷണമ് ॥ ൨൩ ॥
വാമപാര്ശ്വേ ച വൈ ചക്രേ കൃഷ്ണവര്ണസ്തു പിങ്ഗലമ് ।
ലക്ഷ്മീനൃസിംഹദേവാനാം പൃഥഗ്വര്ണസ്തു ദൃശ്യതേ ॥ ൨൪ ॥
ലക്ഷ്മീനൃസിംഹദേവാനാം പൃഥഗ്വര്ണസ്തു ദൃശ്യതേ ॥ ൨൪ ॥
ലമ്ബോഷ്ഠേ ച ദരിദ്രം സ്യാത്പിങ്ഗലേ ഹാനിരേവ ച ।
ലഗ്നചക്രേ ഭവേദ്വ്യാധിര്വിദാരേ മരണം ധ്രുവമ് ॥ ൨൫ ॥
ലഗ്നചക്രേ ഭവേദ്വ്യാധിര്വിദാരേ മരണം ധ്രുവമ് ॥ ൨൫ ॥
പാദോദകം ച നിര്മാല്യം മസ്തകേ ധാരയേത്സദാ ।
വിഷ്ണോര്ദൃഷ്ടം ഭക്ഷിതവ്യം തുലസീദലമിശ്രിതമ് ॥ ൨൬ ॥
വിഷ്ണോര്ദൃഷ്ടം ഭക്ഷിതവ്യം തുലസീദലമിശ്രിതമ് ॥ ൨൬ ॥
കല്പകോടിസഹസ്രാണി വൈകുണ്ഠേ വസതേ സദാ ।
ശാലിഗ്രാമശിലാബിന്ദുര്ഹത്യാകോടിവിനാശനഃ ॥ ൨൭ ॥
ശാലിഗ്രാമശിലാബിന്ദുര്ഹത്യാകോടിവിനാശനഃ ॥ ൨൭ ॥
തസ്മാത്സമ്പൂജയേദ്ധ്യാത്വാ പൂജിതം ചാപി സര്വദാ ।
ശാലിഗ്രാമശിലാസ്തോത്രം യഃ പഠേച്ച ദ്വിജോത്തമഃ ॥ ൨൮ ॥
ശാലിഗ്രാമശിലാസ്തോത്രം യഃ പഠേച്ച ദ്വിജോത്തമഃ ॥ ൨൮ ॥
സ ഗച്ഛേത്പരമം സ്ഥാനം യത്ര ലോകേശ്വരോ ഹരിഃ ।
സര്വപാപവിനിര്മുക്തോ വിഷ്ണുലോകം സ ഗച്ഛതി ॥ ൨൯ ॥
സര്വപാപവിനിര്മുക്തോ വിഷ്ണുലോകം സ ഗച്ഛതി ॥ ൨൯ ॥
ദശാവതാരോ ദേവാനാം പൃഥഗ്വര്ണസ്തു ദൃശ്യതേ ।
ഈപ്സിതം ലഭതേ രാജ്യം വിഷ്ണുപൂജാമനുക്രമാത് ॥ ൩൦ ॥
ഈപ്സിതം ലഭതേ രാജ്യം വിഷ്ണുപൂജാമനുക്രമാത് ॥ ൩൦ ॥
കോട്യോ ഹി ബ്രഹ്മഹത്യാനാമഗമ്യാഗമ്യകോടയഃ ।
താഃ സര്വാ നാശമായാന്തി വിഷ്ണോര്നൈവേദ്യഭക്ഷണാത് ॥ ൩൧ ॥
താഃ സര്വാ നാശമായാന്തി വിഷ്ണോര്നൈവേദ്യഭക്ഷണാത് ॥ ൩൧ ॥
വിഷ്ണോഃ പാദോദകം പീത്വാ കോടിജന്മാഘനാശനമ് ।
തസ്മാദഷ്ടഗുണം പാപം ഭൂമൌ ബിന്ദുനിപാതനാത് ॥ ൩൨ ॥
തസ്മാദഷ്ടഗുണം പാപം ഭൂമൌ ബിന്ദുനിപാതനാത് ॥ ൩൨ ॥
॥ ഇതി ശ്രീ ശാലിഗ്രാമ സ്തോത്രമ് സമ്പൂര്ണമ് ॥