॥ श्री सूर्य नामवर्णन स्तोत्रम् ॥
॥ श्रीभविष्यमहापुराणे (ब्रह्मपर्व) ॥
॥ ब्रह्मोवाच ॥
नामभिः संस्तुतो देवो यैरर्कः परितुष्यति ।
तानि ते कीर्तयाम्येष यथावदनुपूर्वशः ॥ १ ॥
तानि ते कीर्तयाम्येष यथावदनुपूर्वशः ॥ १ ॥
नमः सूर्याय नित्याय रवये कार्यभानवे ।
भास्कराय मतङ्गाय मार्तण्डाय विवस्वते ॥ २ ॥
भास्कराय मतङ्गाय मार्तण्डाय विवस्वते ॥ २ ॥
आदित्यायादिदेवाय नमस्ते रश्मिमालिने ।
दिवाकराय दीप्ताय अग्नये मिहिराय च ॥ ३ ॥
दिवाकराय दीप्ताय अग्नये मिहिराय च ॥ ३ ॥
प्रभाकराय मित्राय नमस्तेऽदितिसम्भव ।
नमो गोपतये नित्यं दिशां च पतये नमः ॥ ४ ॥
नमो गोपतये नित्यं दिशां च पतये नमः ॥ ४ ॥
नमो धात्रे विधात्रे च अर्यम्णे वरुणाय च ।
पूष्णे भगाय मित्राय पर्जन्यायांशवे नमः ॥ ५ ॥
पूष्णे भगाय मित्राय पर्जन्यायांशवे नमः ॥ ५ ॥
नमो हितकृते नित्यं धर्माय तपनाय च ।
हरये हरिताश्वाय विश्वस्य पतये नमः ॥ ६ ॥
हरये हरिताश्वाय विश्वस्य पतये नमः ॥ ६ ॥
॥ त्रिदेव और सप्तलोक स्वरूप ॥
विष्णवे ब्रह्मणे नित्यं त्र्यम्बकाय तथात्मने ।
नमस्ते सप्तलोकेश नमस्ते सप्तसप्तये ॥ ७ ॥
नमस्ते सप्तलोकेश नमस्ते सप्तसप्तये ॥ ७ ॥
एकस्मै हि नमस्तुभ्यमेकचक्ररथाय च ।
ज्योतिषां पतये नित्यं सर्वप्राणभृते नमः ॥ ८ ॥
ज्योतिषां पतये नित्यं सर्वप्राणभृते नमः ॥ ८ ॥
हिताय सर्वभूतानां शिवायार्तिहराय च ।
नमः पद्मप्रबोधाय नमो द्वादशमूर्तये ॥ ९ ॥
नमः पद्मप्रबोधाय नमो द्वादशमूर्तये ॥ ९ ॥
कविजाय नमस्तुभ्यं नमस्तारासुताय च ।
भीमजाय नमस्तुभ्यं पावकाय च वै नमः ॥ १० ॥
भीमजाय नमस्तुभ्यं पावकाय च वै नमः ॥ १० ॥
धिषणाय नमो नित्यं नमः कृष्णाय नित्यदा ।
नमोऽस्त्वदितिपुत्राय नमो लक्ष्याय नित्यशः ॥ ११ ॥
नमोऽस्त्वदितिपुत्राय नमो लक्ष्याय नित्यशः ॥ ११ ॥
॥ फलश्रुति ॥
एतान्यादित्यनामानि मया प्रोक्तानि वै पुरा ।
आराधनाय देवस्य सर्वकामेन सुव्रत ॥ १२ ॥
आराधनाय देवस्य सर्वकामेन सुव्रत ॥ १२ ॥
सायं प्रातः शुचिर्भूत्वा यः पठेत्सुसमाहितः ।
स प्राप्नोत्यखिलान् कामान् यथाहं प्राप्तवान् पुरा ॥ १३ ॥
स प्राप्नोत्यखिलान् कामान् यथाहं प्राप्तवान् पुरा ॥ १३ ॥
प्रसादात्तस्य देवस्य भास्करस्य महात्मनः ।
श्रीकामः श्रियमाप्नोति धर्मार्थी धर्ममाप्नुयात् ॥ १४ ॥
श्रीकामः श्रियमाप्नोति धर्मार्थी धर्ममाप्नुयात् ॥ १४ ॥
आतुरो मुच्यते रोगाद्बद्धो मुच्येत बन्धनात् ।
राज्यार्थी राज्यमाप्नोति कामार्थी काममाप्नुयात् ॥ १५ ॥
राज्यार्थी राज्यमाप्नोति कामार्थी काममाप्नुयात् ॥ १५ ॥
एतज्जप्यं रहस्यं च सन्ध्योपासनमेव च ।
एतेन जपमात्रेण नरः पापात् प्रमुच्यते ॥ १६ ॥
एतेन जपमात्रेण नरः पापात् प्रमुच्यते ॥ १६ ॥
॥ इति श्रीभविष्यमहापुराणे ब्राह्मे पर्वणि सप्तमीकल्पे
ब्रह्मप्रोक्त सूर्य नाम वर्णनं सम्पूर्णम् ॥
ब्रह्मप्रोक्त सूर्य नाम वर्णनं सम्पूर्णम् ॥