॥ श्री सूर्य स्तोत्रम् (देव कृतम् - मार्कण्डेय पुराण) ॥
॥ देवा ऊचुः ॥
नमस्ते ऋक्स्वरूपाय सामरूपाय ते नमः ।
यजुः स्वरूपरूपाय साम्नां धामवते नमः ॥ १ ॥
ज्ञानैकधामभूताय निर्धूततमसे नमः ।
शुद्धज्योतिः स्वरूपाय विशुद्धायामलात्मने ॥ २ ॥
शुद्धज्योतिः स्वरूपाय विशुद्धायामलात्मने ॥ २ ॥
चक्रिणे शङ्खिने धाम्ने शार्ङ्गिणे पद्मिने नमः ।
वरिष्ठाय वरेण्याय परस्मै परमात्मने ॥ ३ ॥
वरिष्ठाय वरेण्याय परस्मै परमात्मने ॥ ३ ॥
नमोऽखिलजगद्व्यापिस्वरूपायात्ममूर्तये ।
सर्वकारणभूताय निष्ठायै ज्ञानचेतसाम् ॥ ४ ॥
सर्वकारणभूताय निष्ठायै ज्ञानचेतसाम् ॥ ४ ॥
नमः सूर्यस्वरूपाय प्रकाशात्मस्वरूपिणे ।
भास्कराय नमस्तुभ्यं तथा दिनकृते नमः ॥ ५ ॥
भास्कराय नमस्तुभ्यं तथा दिनकृते नमः ॥ ५ ॥
शर्वरीहेतवे चैव सन्ध्याज्योत्स्नाकृते नमः ।
त्वं सर्वमेतद्भगवन् जगदुद्भ्रमता त्वया ॥ ६ ॥
त्वं सर्वमेतद्भगवन् जगदुद्भ्रमता त्वया ॥ ६ ॥
भ्रमत्या विद्धमखिलं ब्रह्माण्डं सचराचरम् ।
त्वदंशुभिरिदं स्पृष्टं सर्वं सञ्जायते शुचिः ॥ ७ ॥
त्वदंशुभिरिदं स्पृष्टं सर्वं सञ्जायते शुचिः ॥ ७ ॥
क्रियते त्वत्करैः स्पर्शाज्जलादीनां पवित्रता ।
होमदानादिको धर्मो नोपकाराय जायते ॥ ८ ॥
होमदानादिको धर्मो नोपकाराय जायते ॥ ८ ॥
तावद्यावन्न सम्योगि जगदेतत् त्वदंशुभिः ।
ऋचस्ते सकला ह्येता यजूंष्येतानि चान्यतः ॥ ९ ॥
ऋचस्ते सकला ह्येता यजूंष्येतानि चान्यतः ॥ ९ ॥
सकलानि च सामानि निपतन्ति त्वदङ्गतः ।
ऋङ्मयस्त्वं जगन्नाथ त्वमेव च यजुर्मयः ॥ १० ॥
ऋङ्मयस्त्वं जगन्नाथ त्वमेव च यजुर्मयः ॥ १० ॥
यतः साममयश्चैव ततो नाथ त्रयीमयः ।
त्वमेव ब्रह्मणो रूपं परं चापरमेव च ॥ ११ ॥
त्वमेव ब्रह्मणो रूपं परं चापरमेव च ॥ ११ ॥
मूर्तामूर्तस्तथा सूक्ष्मः स्थूलरूपस्तथा स्थितः ।
निमेषकाष्ठादिमयः कालरूपः क्षयात्मकः ।
प्रसीद स्वेच्छया रूपं स्वतेजः शमनं कुरु ॥ १२ ॥
निमेषकाष्ठादिमयः कालरूपः क्षयात्मकः ।
प्रसीद स्वेच्छया रूपं स्वतेजः शमनं कुरु ॥ १२ ॥
इदं स्तोत्रवरं रम्यं श्रोतव्यं श्रद्धया नरैः ।
शिष्यो भूत्वा समाधिस्थो दत्त्वा देयं गुरोरपि ॥ १३ ॥
शिष्यो भूत्वा समाधिस्थो दत्त्वा देयं गुरोरपि ॥ १३ ॥
॥ इति श्रीमार्कण्डेयपुराणे पञ्चसप्ततितमोऽध्याये देव कृत श्री सूर्य स्तोत्रम् सम्पूर्णम् ॥