॥ শ্ৰী ৱিষ্ণু ৱিজয স্তোত্ৰম্ ॥
(পদ্মপুৰাণতঃ)
দেৱা ঊচুঃ ।
নতাঃ স্ম ৱিষ্ণুং জগদাদিভূতং
সুৰাসুৰেন্দ্ৰং জগতাং প্ৰপালকম্ ।
যন্নাভিপদ্মাত্ কিল পদ্মযোনি-
-ৰ্বভূৱ তং ৱৈ শৰণং গতাঃ স্মঃ ॥ ১ ॥
সুৰাসুৰেন্দ্ৰং জগতাং প্ৰপালকম্ ।
যন্নাভিপদ্মাত্ কিল পদ্মযোনি-
-ৰ্বভূৱ তং ৱৈ শৰণং গতাঃ স্মঃ ॥ ১ ॥
নমো নমো মত্স্যৱপুৰ্ধৰায
নমোঽস্তু তে কচ্ছপৰূপধাৰিণে ।
নমঃ প্ৰকুৰ্মশ্চ নৃসিংহৰূপিণে
তথা পুনৰ্ৱামনৰূপিণে নমঃ ॥ ২ ॥
নমোঽস্তু তে কচ্ছপৰূপধাৰিণে ।
নমঃ প্ৰকুৰ্মশ্চ নৃসিংহৰূপিণে
তথা পুনৰ্ৱামনৰূপিণে নমঃ ॥ ২ ॥
নমোঽস্তু তে ক্ষত্ৰৱিনাশনায
ৰামায ৰামায দশাস্যনাশিনে ।
প্ৰলম্বহন্ত্ৰে শিতিৱাসসে নমো
নমোঽস্তু বুদ্ধায চ দৈত্যমোহিনে ॥ ৩ ॥
ৰামায ৰামায দশাস্যনাশিনে ।
প্ৰলম্বহন্ত্ৰে শিতিৱাসসে নমো
নমোঽস্তু বুদ্ধায চ দৈত্যমোহিনে ॥ ৩ ॥
ম্লেচ্ছান্তকাযাপি চ কল্কিনাম্নে
নমঃ পুনঃ ক্ৰোডৱপুৰ্ধৰায ।
জগদ্ধিতাৰ্থং চ যুগে যুগে ভৱান্
বিভৰ্তি ৰূপং ত্ৱসুৰাভৱায ॥ ৪ ॥
নমঃ পুনঃ ক্ৰোডৱপুৰ্ধৰায ।
জগদ্ধিতাৰ্থং চ যুগে যুগে ভৱান্
বিভৰ্তি ৰূপং ত্ৱসুৰাভৱায ॥ ৪ ॥
নিষূদিতোঽযং হ্যধুনা কিল ত্ৱযা
দৈত্যো হিৰণ্যাক্ষ ইতি প্ৰগল্ভঃ ।
যশ্চেন্দ্ৰমুখ্যান্ কিল লোকপালান্
সংহেলযা চৈৱ তিৰশ্চকাৰ ॥ ৫ ॥
দৈত্যো হিৰণ্যাক্ষ ইতি প্ৰগল্ভঃ ।
যশ্চেন্দ্ৰমুখ্যান্ কিল লোকপালান্
সংহেলযা চৈৱ তিৰশ্চকাৰ ॥ ৫ ॥
স ৱৈ ত্ৱযা দেৱহিতাৰ্থমেৱ
নিপাতিতো দেৱৱৰ প্ৰসীদ ।
ত্ৱমস্য ৱিশ্ৱস্য ৱিসৰ্গকৰ্তা
ব্ৰাহ্মেণ ৰূপেণ চ দেৱদেৱ ॥ ৬ ॥
নিপাতিতো দেৱৱৰ প্ৰসীদ ।
ত্ৱমস্য ৱিশ্ৱস্য ৱিসৰ্গকৰ্তা
ব্ৰাহ্মেণ ৰূপেণ চ দেৱদেৱ ॥ ৬ ॥
পাতা ত্ৱমেৱাস্য যুগে যুগে চ
ৰূপাণি ধত্সে সুমনোহৰাণি ।
ত্ৱমেৱ কালাগ্নিহৰশ্চ ভূত্ৱা
ৱিশ্ৱং ক্ষযং নেষ্যসি চান্তকালে ॥ ৭ ॥
ৰূপাণি ধত্সে সুমনোহৰাণি ।
ত্ৱমেৱ কালাগ্নিহৰশ্চ ভূত্ৱা
ৱিশ্ৱং ক্ষযং নেষ্যসি চান্তকালে ॥ ৭ ॥
অতো ভৱানেৱ চ ৱিশ্ৱকাৰণং
ন তে পৰং জীৱমজীৱমেৱ চ ।
যত্কিঞ্চ ভূতং চ ভৱিষ্যৰূপং
প্ৰৱৰ্তমানং চ তথৈৱ ৰূপম্ ॥ ৮ ॥
ন তে পৰং জীৱমজীৱমেৱ চ ।
যত্কিঞ্চ ভূতং চ ভৱিষ্যৰূপং
প্ৰৱৰ্তমানং চ তথৈৱ ৰূপম্ ॥ ৮ ॥
সৰ্ৱং ত্ৱমেৱাসি চৰাচৰাখ্যং
ন ভাতি ৱিশ্ৱং ত্ৱদৃতে চ কিঞ্চিত্ ।
অস্তীতি নাস্তীতি চ ভেদনিষ্ঠং
ত্ৱয্যেৱ ভাতং সদসত্স্ৱৰূপম্ ॥ ৯ ॥
ন ভাতি ৱিশ্ৱং ত্ৱদৃতে চ কিঞ্চিত্ ।
অস্তীতি নাস্তীতি চ ভেদনিষ্ঠং
ত্ৱয্যেৱ ভাতং সদসত্স্ৱৰূপম্ ॥ ৯ ॥
ততো ভৱন্তং কতমোঽপি দেৱ
ন জ্ঞাতুমৰ্হত্যৱিপক্ৱবুদ্ধিঃ ।
কৃতে ভৱত্পাদপৰাযণং জনং
তেনাগতাঃ স্মঃ শৰণং শৰণ্যম্ ॥ ১০ ॥
ন জ্ঞাতুমৰ্হত্যৱিপক্ৱবুদ্ধিঃ ।
কৃতে ভৱত্পাদপৰাযণং জনং
তেনাগতাঃ স্মঃ শৰণং শৰণ্যম্ ॥ ১০ ॥
ৱ্যাস উৱাচ।
ততো ৱিষ্ণুঃ প্ৰসন্নাত্মা উৱাচত্ৰিদিৱৌকসঃ ।
তুষ্টোঽস্মি দেৱা ভদ্ৰং ৱো যুষ্মত্ স্তোত্ৰেণ সাম্প্ৰতম্ ॥ ১১ ॥
তুষ্টোঽস্মি দেৱা ভদ্ৰং ৱো যুষ্মত্ স্তোত্ৰেণ সাম্প্ৰতম্ ॥ ১১ ॥
॥ ফলশ্ৰুতি ॥
য ইদং প্ৰপঠেদ্ভক্ত্যা ৱিজযস্তোত্ৰমাদৰাত্ ।
ন তস্য দুৰ্লভং দেৱাস্ত্ৰিষু লোকেষু কিঞ্চন ॥ ১২ ॥
ন তস্য দুৰ্লভং দেৱাস্ত্ৰিষু লোকেষু কিঞ্চন ॥ ১২ ॥
গৱাং শতসহস্ৰস্য সম্যগ্দত্তস্য যত্ফলম্ ।
তত্ফলং সমৱাপ্নোতি কীৰ্তনশ্ৰৱণান্নৰঃ ॥ ১৩ ॥
তত্ফলং সমৱাপ্নোতি কীৰ্তনশ্ৰৱণান্নৰঃ ॥ ১৩ ॥
সৰ্ৱকামপ্ৰদং নিত্যং দেৱদেৱস্য কীৰ্তনম্ ।
অতঃ পৰং মহাজ্ঞানং ন ভূতং ন ভৱিষ্যতি ॥ ১৪ ॥
অতঃ পৰং মহাজ্ঞানং ন ভূতং ন ভৱিষ্যতি ॥ ১৪ ॥
॥ ইতি পদ্মপুৰাণোক্তং শ্ৰী ৱিষ্ণু ৱিজয স্তোত্ৰম্ সম্পূৰ্ণম্ ॥