॥ श्री विठ्ठल कवचम् ॥
सूत उवाच।
शिरो मे विठ्ठलः पातु कपोलौ मुद्गरप्रियः ।
नेत्रयोर्विष्णुरूपी च वैकुण्ठो घ्राणमेव च ॥ १ ॥
नेत्रयोर्विष्णुरूपी च वैकुण्ठो घ्राणमेव च ॥ १ ॥
मुनिसेव्यो मुखं पातु दन्तपङ्क्तिं सुरेश्वरः ।
विद्याधीशस्तु मे जिह्वां कण्ठं विश्वेशवन्दितः ॥ २ ॥
विद्याधीशस्तु मे जिह्वां कण्ठं विश्वेशवन्दितः ॥ २ ॥
व्यापको हृदयं पातु स्कन्धौ पातु सुखप्रदः ।
भुजौ मे नृहरिः पातु करौ च सुरनायकः ॥ ३ ॥
भुजौ मे नृहरिः पातु करौ च सुरनायकः ॥ ३ ॥
मध्यं पातु सुराधीशो नाभिं पातु सुरालयः ।
सुरवन्द्यः कटिं पातु जानुनी कमलासनः ॥ ४ ॥
सुरवन्द्यः कटिं पातु जानुनी कमलासनः ॥ ४ ॥
जङ्घे पातु हृषीकेशः पादौ पातु त्रिविक्रमः ।
अखिलं च शरीरं मे पातां गोविन्दमाधवौ ॥ ५ ॥
अखिलं च शरीरं मे पातां गोविन्दमाधवौ ॥ ५ ॥
अकारो व्यापको विष्णुरक्षरात्मक एव च ।
पावकः सर्वपापानामकाराय नमो नमः ॥ ६ ॥
पावकः सर्वपापानामकाराय नमो नमः ॥ ६ ॥
तारकः सर्वभूतानां धर्मशास्त्रेषु गीयते ।
पुनातु विश्वभुवनं त्वोङ्काराय नमो नमः ॥ ७ ॥
पुनातु विश्वभुवनं त्वोङ्काराय नमो नमः ॥ ७ ॥
मूलप्रकृतिरूपा या महामाया च वैष्णवी ।
तस्या बीजेन सम्युक्तो यकाराय नमो नमः ॥ ८ ॥
तस्या बीजेन सम्युक्तो यकाराय नमो नमः ॥ ८ ॥
वैकुण्ठाधिपतिः साक्षाद्वैकुण्ठपददायकः ।
वैजयन्तीसमायुक्तो विकाराय नमो नमः ॥ ९ ॥
वैजयन्तीसमायुक्तो विकाराय नमो नमः ॥ ९ ॥
स्नातः सर्वेषु तीर्थेषु पूतो यज्ञादिकर्मसु ।
पावनो द्विजपङ्क्तीनां ठकाराय नमो नमः ॥ १० ॥
पावनो द्विजपङ्क्तीनां ठकाराय नमो नमः ॥ १० ॥
वाहनं गरुडो यस्य भुजङ्गः शयनं तथा ।
वामभागे च लक्ष्मीश्च लकाराय नमो नमः ॥ ११ ॥
वामभागे च लक्ष्मीश्च लकाराय नमो नमः ॥ ११ ॥
॥ फलश्रुति ॥
नारदादिसमायुक्तं वैष्णवं परमं पदम् ।
लभते मानवो नित्यं वैष्णवं धर्ममाश्रितः ॥ १२ ॥
लभते मानवो नित्यं वैष्णवं धर्ममाश्रितः ॥ १२ ॥
व्याधयो विलयं यान्ति पूर्वकर्मसमुद्भवाः ।
भूतानि च पलायन्ते मन्त्रोपासकदर्शनात् ॥ १३ ॥
भूतानि च पलायन्ते मन्त्रोपासकदर्शनात् ॥ १३ ॥
इदं षडक्षरं स्तोत्रं यो जपेच्छ्रद्धयान्वितः ।
विष्णुसायुज्यमाप्नोति सत्यं सत्यं न संशयः ॥ १४ ॥
विष्णुसायुज्यमाप्नोति सत्यं सत्यं न संशयः ॥ १४ ॥
॥ इति श्रीपद्मपुराणे सूतशौनकसंवादे श्री विठ्ठल कवचम् सम्पूर्णम् ॥