ஶ்ரீமத்பாகவதம் ௧௦.௨௧

ஶ்ரீஶுக உவாச
இத்தம் ஶரத்ஸ்வச்சஜலம் பத்மாகரஸுகந்திநா ।
ந்யவிஶத் வாயுநா வாதம் ஸகோகோபாலகோ'ச்யுதஃ ॥ ௧ ॥

குஸுமிதவநராஜிஶுஷ்மிப்ரு'ங்க-
த்விஜகுலகுஷ்டஸரஃஸரிந்மஹீத்ரம் ।
மதுபதிரவகாஹ்ய சாரயந் காஃ
ஸஹபஶுபாலபலஶ்சுகூஜ வேணும் ॥ ௨ ॥

தத் வ்ரஜஸ்த்ரிய ஆஶ்ருத்ய வேணுகீதம் ஸ்மரோதயம் ।
காஶ்சித்பரோக்ஷம் க்ரு'ஷ்ணஸ்ய ஸ்வஸகீப்யோ'ந்வவர்ணயந் ॥ ௩ ॥

தத்வர்ணயிதுமாரப்தாஃ ஸ்மரந்த்யஃ க்ரு'ஷ்ணசேஷ்டிதம் ।
நாஶகந் ஸ்மரவேகேந விக்ஷிப்தமநஸோ ந்ரு'ப ॥ ௪ ॥

பர்ஹாபீடம் நடவரவபுஃ கர்ணயோஃ கர்ணிகாரம்
பிப்ரத் வாஸஃ கநககபிஶம் வைஜயந்தீம் ச மாலாம் ।
ரந்த்ராந் வேணோரதரஸுதயா பூரயந்கோபவ்ரு'ந்தை-
ர்வ்ரு'ந்தாரண்யம் ஸ்வபதரமணம் ப்ராவிஶத் கீதகீர்திஃ ॥ ௫ ॥

இதி வேணுரவம் ராஜந் ஸர்வபூதமநோஹரம் ।
ஶ்ருத்வா வ்ரஜஸ்த்ரியஃ ஸர்வா வர்ணயந்த்யோ'பிரேபிரே ॥ ௬ ॥

ஶ்ரீகோப்ய ஊசுஃ
அக்ஷண்வதாம் பலமிதம் ந பரம் விதாமஃ
ஸக்யஃ பஶூநநு விவேஶயதோர்வயஸ்யைஃ ।
வக்த்ரம் வ்ரஜேஶஸுதயோரநவேணு ஜுஷ்டம்
யைர்வா நிபீதமநுரக்தகடாக்ஷமோக்ஷம் ॥ ௭ ॥

சூதப்ரவாலபர்ஹஸ்தபகோத்பலாப்ஜ-
மாலாநுப்ரு'க்தபரிதாநவிசித்ரவேஶௌ ।
மத்யே விரேஜதுரலம் பஶுபாலகோஷ்ட்யாம்
ரங்கே யதா நடவரௌ க்வ ச காயமாநௌ ॥ ௮ ॥

கோப்யஃ கிமாசரதயம் குஶலம் ஸ்ம வேணு-
ர்தாமோதராதரஸுதாமபி கோபிகாநாம் ।
புங்க்தே ஸ்வயம் யதவஶிஷ்டரஸம் ஹ்ரதிந்யோ
ஹ்ரு'ஷ்யத்த்வசோ'ஶ்ரு முமுசுஸ்தரவோ யதார்யாஃ ॥ ௯ ॥

வ்ரு'ந்தாவநம் ஸகி புவோ விதநோதி கீர்திம்
யத் தேவகீஸுதபதாம்புஜலப்தலக்ஷ்மி ।
கோவிந்தவேணுமநு மத்தமயூரந்ரு'த்யம்
ப்ரேக்ஷ்யாத்ரிஸாந்வவரதாந்யஸமஸ்தஸத்த்வம் ॥ ௧௦ ॥

தந்யாஃ ஸ்ம மூடகதயோ'பி ஹரிண்ய ஏதா
யா நந்தநந்தநமுபாத்தவிசித்ரவேஶம் ।
ஆகர்ண்ய வேணுரணிதம் ஸஹக்ரு'ஷ்ணஸாராஃ
பூஜாம் ததுர்விரசிதாம் ப்ரணயாவலோகைஃ ॥ ௧௧ ॥

க்ரு'ஷ்ணம் நிரீக்ஷ்ய வநிதோத்ஸவரூபஶீலம்
ஶ்ருத்வா ச தத்க்வணிதவேணுவிவிக்தகீதம் ।
தேவ்யோ விமாநகதயஃ ஸ்மரநுந்நஸாரா
ப்ரஶ்யத்ப்ரஸூநகபரா முமுஹுர்விநீவ்யஃ ॥ ௧௨ ॥

காவஶ்ச க்ரு'ஷ்ணமுகநிர்கதவேணுகீத-
பீயூஷமுத்தபிதகர்ணபுடைஃ பிபந்த்யஃ ।
ஶாவாஃ ஸ்நுதஸ்தநபயஃகவலாஃ ஸ்ம தஸ்து-
ர்கோவிந்தமாத்மநி த்ரு'ஶாஶ்ருகலாஃ ஸ்ப்ரு'ஶந்த்யஃ ॥ ௧௩ ॥

ப்ராயோ பதாம்ப விஹகா முநயோ வநே'ஸ்மிந்
க்ரு'ஷ்ணேக்ஷிதம் ததுதிதம் கலவேணுகீதம் ।
ஆருஹ்ய யே த்ருமபுஜாந் ருசிரப்ரவாலாந்
ஶ்ரு'ண்வந்தி மீலிதத்ரு'ஶோ விகதாந்யவாசஃ ॥ ௧௪ ॥

நத்யஸ்ததா ததுபதார்ய முகுந்தகீத-
மாவர்தலக்ஷிதமநோபவபக்நவேகாஃ ।
ஆலிங்கநஸ்தகிதமூர்மிபுஜைர்முராரே-
ர்க்ரு'ஹ்ணந்தி பாதயுகலம் கமலோபஹாராஃ ॥ ௧௫ ॥

த்ரு'ஷ்ட்வாதபே வ்ரஜபஶூந் ஸஹ ராமகோபைஃ
ஸஞ்சாரயந்தமநு வேணுமுதீரயந்தம் ।
ப்ரேமப்ரவ்ரு'த்த உதிதஃ குஸுமாவலீபிஃ
ஸக்யுர்வ்யதாத் ஸ்வவபுஷாம்புத ஆதபத்ரம் ॥ ௧௬ ॥

பூர்ணாஃ புலிந்த்ய உருகாயபதாப்ஜராக-
ஶ்ரீகுங்குமேந தயிதாஸ்தநமண்டிதேந ।
தத்தர்ஶநஸ்மரருஜஸ்த்ரு'ணரூஷிதேந
லிம்பந்த்ய ஆநநகுசேஷு ஜஹுஸ்ததாதிம் ॥ ௧௭ ॥

ஹந்தாயமத்ரிரபலா ஹரிதாஸவர்யோ
யத் ராமக்ரு'ஷ்ணசரணஸ்பரஶப்ரமோதஃ ।
மாநம் தநோதி ஸஹகோகணயோஸ்தயோர்யத்
பாநீயஸூயவஸகந்தரகந்தமூலைஃ ॥ ௧௮ ॥

கா கோபகைரநுவநம் நயதோருதார-
வேணுஸ்வநைஃ கலபதைஸ்தநுப்ரு'த்ஸு ஸக்யஃ ।
அஸ்பந்தநம் கதிமதாம் புலகஸ்தருணாம்
நிர்யோகபாஶக்ரு'தலக்ஷணயோர்விசித்ரம் ॥ ௧௯ ॥

ஏவம்விதா பகவதோ யா வ்ரு'ந்தாவநசாரிணஃ ।
வர்ணயந்த்யோ மிதோ கோப்யஃ க்ரீடாஸ்தந்மயதாம் யயுஃ ॥ ௨௦ ॥