శ్రీశుక ఉవాచ
ఇత్థం శరత్స్వచ్ఛజలం పద్మాకరసుగన్ధినా ।
న్యవిశద్ వాయునా వాతం సగోగోపాలకోఽచ్యుతః ॥ ౧ ॥
ఇత్థం శరత్స్వచ్ఛజలం పద్మాకరసుగన్ధినా ।
న్యవిశద్ వాయునా వాతం సగోగోపాలకోఽచ్యుతః ॥ ౧ ॥
కుసుమితవనరాజిశుష్మిభృఙ్గ-
ద్విజకులఘుష్టసరఃసరిన్మహీధ్రమ్ ।
మధుపతిరవగాహ్య చారయన్ గాః
సహపశుపాలబలశ్చుకూజ వేణుమ్ ॥ ౨ ॥
ద్విజకులఘుష్టసరఃసరిన్మహీధ్రమ్ ।
మధుపతిరవగాహ్య చారయన్ గాః
సహపశుపాలబలశ్చుకూజ వేణుమ్ ॥ ౨ ॥
తద్ వ్రజస్త్రియ ఆశ్రుత్య వేణుగీతం స్మరోదయమ్ ।
కాశ్చిత్పరోక్షం కృష్ణస్య స్వసఖీభ్యోఽన్వవర్ణయన్ ॥ ౩ ॥
కాశ్చిత్పరోక్షం కృష్ణస్య స్వసఖీభ్యోఽన్వవర్ణయన్ ॥ ౩ ॥
తద్వర్ణయితుమారబ్ధాః స్మరన్త్యః కృష్ణచేష్టితమ్ ।
నాశకన్ స్మరవేగేన విక్షిప్తమనసో నృప ॥ ౪ ॥
నాశకన్ స్మరవేగేన విక్షిప్తమనసో నృప ॥ ౪ ॥
బర్హాపీడం నటవరవపుః కర్ణయోః కర్ణికారం
బిభ్రద్ వాసః కనకకపిశం వైజయన్తీం చ మాలామ్ ।
రన్ధ్రాన్ వేణోరధరసుధయా పూరయన్గోపవృన్దై-
ర్వృన్దారణ్యం స్వపదరమణం ప్రావిశద్ గీతకీర్తిః ॥ ౫ ॥
బిభ్రద్ వాసః కనకకపిశం వైజయన్తీం చ మాలామ్ ।
రన్ధ్రాన్ వేణోరధరసుధయా పూరయన్గోపవృన్దై-
ర్వృన్దారణ్యం స్వపదరమణం ప్రావిశద్ గీతకీర్తిః ॥ ౫ ॥
ఇతి వేణురవం రాజన్ సర్వభూతమనోహరమ్ ।
శ్రుత్వా వ్రజస్త్రియః సర్వా వర్ణయన్త్యోఽభిరేభిరే ॥ ౬ ॥
శ్రుత్వా వ్రజస్త్రియః సర్వా వర్ణయన్త్యోఽభిరేభిరే ॥ ౬ ॥
శ్రీగోప్య ఊచుః
అక్షణ్వతాం ఫలమిదం న పరం విదామః
సఖ్యః పశూనను వివేశయతోర్వయస్యైః ।
వక్త్రం వ్రజేశసుతయోరనవేణు జుష్టం
యైర్వా నిపీతమనురక్తకటాక్షమోక్షమ్ ॥ ౭ ॥
అక్షణ్వతాం ఫలమిదం న పరం విదామః
సఖ్యః పశూనను వివేశయతోర్వయస్యైః ।
వక్త్రం వ్రజేశసుతయోరనవేణు జుష్టం
యైర్వా నిపీతమనురక్తకటాక్షమోక్షమ్ ॥ ౭ ॥
చూతప్రవాలబర్హస్తబకోత్పలాబ్జ-
మాలానుపృక్తపరిధానవిచిత్రవేశౌ ।
మధ్యే విరేజతురలం పశుపాలగోష్ఠ్యాం
రఙ్గే యథా నటవరౌ క్వ చ గాయమానౌ ॥ ౮ ॥
మాలానుపృక్తపరిధానవిచిత్రవేశౌ ।
మధ్యే విరేజతురలం పశుపాలగోష్ఠ్యాం
రఙ్గే యథా నటవరౌ క్వ చ గాయమానౌ ॥ ౮ ॥
గోప్యః కిమాచరదయం కుశలం స్మ వేణు-
ర్దామోదరాధరసుధామపి గోపికానామ్ ।
భుఙ్క్తే స్వయం యదవశిష్టరసం హ్రదిన్యో
హృష్యత్త్వచోఽశ్రు ముముచుస్తరవో యథార్యాః ॥ ౯ ॥
ర్దామోదరాధరసుధామపి గోపికానామ్ ।
భుఙ్క్తే స్వయం యదవశిష్టరసం హ్రదిన్యో
హృష్యత్త్వచోఽశ్రు ముముచుస్తరవో యథార్యాః ॥ ౯ ॥
వృన్దావనం సఖి భువో వితనోతి కీర్తిం
యద్ దేవకీసుతపదామ్బుజలబ్ధలక్ష్మి ।
గోవిన్దవేణుమను మత్తమయూరనృత్యం
ప్రేక్ష్యాద్రిసాన్వవరతాన్యసమస్తసత్త్వమ్ ॥ ౧౦ ॥
యద్ దేవకీసుతపదామ్బుజలబ్ధలక్ష్మి ।
గోవిన్దవేణుమను మత్తమయూరనృత్యం
ప్రేక్ష్యాద్రిసాన్వవరతాన్యసమస్తసత్త్వమ్ ॥ ౧౦ ॥
ధన్యాః స్మ మూఢగతయోఽపి హరిణ్య ఏతా
యా నన్దనన్దనముపాత్తవిచిత్రవేశమ్ ।
ఆకర్ణ్య వేణురణితం సహకృష్ణసారాః
పూజాం దధుర్విరచితాం ప్రణయావలోకైః ॥ ౧౧ ॥
యా నన్దనన్దనముపాత్తవిచిత్రవేశమ్ ।
ఆకర్ణ్య వేణురణితం సహకృష్ణసారాః
పూజాం దధుర్విరచితాం ప్రణయావలోకైః ॥ ౧౧ ॥
కృష్ణం నిరీక్ష్య వనితోత్సవరూపశీలం
శ్రుత్వా చ తత్క్వణితవేణువివిక్తగీతమ్ ।
దేవ్యో విమానగతయః స్మరనున్నసారా
భ్రశ్యత్ప్రసూనకబరా ముముహుర్వినీవ్యః ॥ ౧౨ ॥
శ్రుత్వా చ తత్క్వణితవేణువివిక్తగీతమ్ ।
దేవ్యో విమానగతయః స్మరనున్నసారా
భ్రశ్యత్ప్రసూనకబరా ముముహుర్వినీవ్యః ॥ ౧౨ ॥
గావశ్చ కృష్ణముఖనిర్గతవేణుగీత-
పీయూషముత్తభితకర్ణపుటైః పిబన్త్యః ।
శావాః స్నుతస్తనపయఃకవలాః స్మ తస్థు-
ర్గోవిన్దమాత్మని దృశాశ్రుకలాః స్పృశన్త్యః ॥ ౧౩ ॥
పీయూషముత్తభితకర్ణపుటైః పిబన్త్యః ।
శావాః స్నుతస్తనపయఃకవలాః స్మ తస్థు-
ర్గోవిన్దమాత్మని దృశాశ్రుకలాః స్పృశన్త్యః ॥ ౧౩ ॥
ప్రాయో బతామ్బ విహగా మునయో వనేఽస్మిన్
కృష్ణేక్షితం తదుదితం కలవేణుగీతమ్ ।
ఆరుహ్య యే ద్రుమభుజాన్ రుచిరప్రవాలాన్
శృణ్వన్తి మీలితదృశో విగతాన్యవాచః ॥ ౧౪ ॥
కృష్ణేక్షితం తదుదితం కలవేణుగీతమ్ ।
ఆరుహ్య యే ద్రుమభుజాన్ రుచిరప్రవాలాన్
శృణ్వన్తి మీలితదృశో విగతాన్యవాచః ॥ ౧౪ ॥
నద్యస్తదా తదుపధార్య ముకున్దగీత-
మావర్తలక్షితమనోభవభగ్నవేగాః ।
ఆలిఙ్గనస్థగితమూర్మిభుజైర్మురారే-
ర్గృహ్ణన్తి పాదయుగలం కమలోపహారాః ॥ ౧౫ ॥
మావర్తలక్షితమనోభవభగ్నవేగాః ।
ఆలిఙ్గనస్థగితమూర్మిభుజైర్మురారే-
ర్గృహ్ణన్తి పాదయుగలం కమలోపహారాః ॥ ౧౫ ॥
దృష్ట్వాతపే వ్రజపశూన్ సహ రామగోపైః
సఞ్చారయన్తమను వేణుముదీరయన్తమ్ ।
ప్రేమప్రవృద్ధ ఉదితః కుసుమావలీభిః
సఖ్యుర్వ్యధాత్ స్వవపుషామ్బుద ఆతపత్రమ్ ॥ ౧౬ ॥
సఞ్చారయన్తమను వేణుముదీరయన్తమ్ ।
ప్రేమప్రవృద్ధ ఉదితః కుసుమావలీభిః
సఖ్యుర్వ్యధాత్ స్వవపుషామ్బుద ఆతపత్రమ్ ॥ ౧౬ ॥
పూర్ణాః పులిన్ద్య ఉరుగాయపదాబ్జరాగ-
శ్రీకుఙ్కుమేన దయితాస్తనమణ్డితేన ।
తద్దర్శనస్మరరుజస్తృణరూషితేన
లిమ్పన్త్య ఆననకుచేషు జహుస్తదాధిమ్ ॥ ౧౭ ॥
శ్రీకుఙ్కుమేన దయితాస్తనమణ్డితేన ।
తద్దర్శనస్మరరుజస్తృణరూషితేన
లిమ్పన్త్య ఆననకుచేషు జహుస్తదాధిమ్ ॥ ౧౭ ॥
హన్తాయమద్రిరబలా హరిదాసవర్యో
యద్ రామకృష్ణచరణస్పరశప్రమోదః ।
మానం తనోతి సహగోగణయోస్తయోర్యత్
పానీయసూయవసకన్దరకన్దమూలైః ॥ ౧౮ ॥
యద్ రామకృష్ణచరణస్పరశప్రమోదః ।
మానం తనోతి సహగోగణయోస్తయోర్యత్
పానీయసూయవసకన్దరకన్దమూలైః ॥ ౧౮ ॥
గా గోపకైరనువనం నయతోరుదార-
వేణుస్వనైః కలపదైస్తనుభృత్సు సఖ్యః ।
అస్పన్దనం గతిమతాం పులకస్తరుణాం
నిర్యోగపాశకృతలక్షణయోర్విచిత్రమ్ ॥ ౧౯ ॥
వేణుస్వనైః కలపదైస్తనుభృత్సు సఖ్యః ।
అస్పన్దనం గతిమతాం పులకస్తరుణాం
నిర్యోగపాశకృతలక్షణయోర్విచిత్రమ్ ॥ ౧౯ ॥
ఏవంవిధా భగవతో యా వృన్దావనచారిణః ।
వర్ణయన్త్యో మిథో గోప్యః క్రీడాస్తన్మయతాం యయుః ॥ ౨౦ ॥
వర్ణయన్త్యో మిథో గోప్యః క్రీడాస్తన్మయతాం యయుః ॥ ౨౦ ॥