ശ്രീശുക ഉവാച
ഇതി ഗോപ്യഃ പ്രഗായന്ത്യഃ പ്രലപന്ത്യശ്ച ചിത്രധാ ।
രുരുദുഃ സുസ്വരം രാജന് കൃഷ്ണദര്ശനലാലസാഃ ॥ ൧ ॥
ഇതി ഗോപ്യഃ പ്രഗായന്ത്യഃ പ്രലപന്ത്യശ്ച ചിത്രധാ ।
രുരുദുഃ സുസ്വരം രാജന് കൃഷ്ണദര്ശനലാലസാഃ ॥ ൧ ॥
താസാമാവിരഭൂച്ഛൌരിഃ സ്മയമാനമുഖാമ്ബുജഃ ।
പീതാമ്ബരധരഃ സ്രഗ്വീ സാക്ഷാന്മന്മഥമന്മഥഃ ॥ ൨ ॥
പീതാമ്ബരധരഃ സ്രഗ്വീ സാക്ഷാന്മന്മഥമന്മഥഃ ॥ ൨ ॥
തം വിലോക്യാഗതം പ്രേഷ്ഠം പ്രീത്യുത്ഫുല്ലദൃശോഽബലാഃ ।
ഉത്തസ്ഥുര്യുഗപത് സര്വാസ്തന്വഃ പ്രാണമിവാഗതമ് ॥ ൩ ॥
ഉത്തസ്ഥുര്യുഗപത് സര്വാസ്തന്വഃ പ്രാണമിവാഗതമ് ॥ ൩ ॥
കാചിത് കരാമ്ബുജം ശൌരേര്ജഗൃഹേഽഞ്ജലിനാ മുദാ ।
കാചിദ് ദധാര തദ്ബാഹുമംസേ ചന്ദനഭൂഷിതമ് ॥ ൪ ॥
കാചിദ് ദധാര തദ്ബാഹുമംസേ ചന്ദനഭൂഷിതമ് ॥ ൪ ॥
കാചിദഞ്ജലിനാഗൃഹ്ണാത്തന്വീ താമ്ബൂലചര്വിതമ് ।
ഏകാ തദങ്ഘ്രികമലം സന്തപ്താ സ്തനയോരധാത് ॥ ൫ ॥
ഏകാ തദങ്ഘ്രികമലം സന്തപ്താ സ്തനയോരധാത് ॥ ൫ ॥
ഏകാ ഭ്രുകുടിമാബധ്യ പ്രേമസംരമ്ഭവിഹ്വലാ ।
ഘ്നന്തീവൈക്ഷത് കടാക്ഷേപൈഃ സന്ദഷ്ടദശനച്ഛദാ ॥ ൬ ॥
ഘ്നന്തീവൈക്ഷത് കടാക്ഷേപൈഃ സന്ദഷ്ടദശനച്ഛദാ ॥ ൬ ॥
അപരാനിമിഷദ്ദൃഗ്ഭ്യാം ജുഷാണാ തന്മുഖാമ്ബുജമ് ।
ആപീതമപി നാതൃപ്യത് സന്തസ്തച്ചരണം യഥാ ॥ ൭ ॥
ആപീതമപി നാതൃപ്യത് സന്തസ്തച്ചരണം യഥാ ॥ ൭ ॥
തം കാചിന്നേത്രരന്ധ്രേണ ഹൃദികൃത്വാ നിമീല്യ ച ।
പുലകാങ്ഗ്യുപഗുഹ്യാസ്തേ യോഗീവാനന്ദ സമ്പ്ലുതാ ॥ ൮ ॥
പുലകാങ്ഗ്യുപഗുഹ്യാസ്തേ യോഗീവാനന്ദ സമ്പ്ലുതാ ॥ ൮ ॥
സര്വാസ്താഃ കേശവാലോകപരമോത്സവനിര്വൃതാഃ ।
ജഹുര്വിരഹജം താപം പ്രാജ്ഞം പ്രാപ്യ യഥാ ജനാഃ ॥ ൯ ॥
ജഹുര്വിരഹജം താപം പ്രാജ്ഞം പ്രാപ്യ യഥാ ജനാഃ ॥ ൯ ॥
താഭിര്വിധൂതശോകാഭിര്ഭഗവാനച്യുതോ വൃതഃ ।
വ്യരോചതാധികം താത പുരുഷഃ ശക്തിഭിര്യഥാ ॥ ൧൦ ॥
വ്യരോചതാധികം താത പുരുഷഃ ശക്തിഭിര്യഥാ ॥ ൧൦ ॥
താഃ സമാദായ കാലിന്ദ്യാ നിര്വിശ്യ പുലിനം വിഭുഃ ।
വികസത്കുന്ദമന്ദാരസുരഭ്യനിലഷട്പദമ് ॥ ൧൧ ॥
വികസത്കുന്ദമന്ദാരസുരഭ്യനിലഷട്പദമ് ॥ ൧൧ ॥
ശരച്ചന്ദ്രാംശുസന്ദോഹധ്വസ്തദോഷാതമഃ ശിവമ് ।
കൃഷ്ണായാ ഹസ്തതരലാചിതകോമലവാലുകമ് ॥ ൧൨ ॥
കൃഷ്ണായാ ഹസ്തതരലാചിതകോമലവാലുകമ് ॥ ൧൨ ॥
തദ്ദര്ശനാഹ്ലാദവിധൂതഹൃദ്രുജോ
മനോരഥാന്തം ശ്രുതയോ യഥാ യയുഃ ।
സ്വൈരുത്തരീയൈഃ കുചകുങ്കുമാങ്കിതൈ-
രചീക്ലൃപന്നാസനമാത്മബന്ധവേ ॥ ൧൩ ॥
മനോരഥാന്തം ശ്രുതയോ യഥാ യയുഃ ।
സ്വൈരുത്തരീയൈഃ കുചകുങ്കുമാങ്കിതൈ-
രചീക്ലൃപന്നാസനമാത്മബന്ധവേ ॥ ൧൩ ॥
തത്രോപവിഷ്ടോ ഭഗവാന് സ ഈശ്വരോ
യോഗേശ്വരാന്തര്ഹൃദി കല്പിതാസനഃ ।
ചകാസ ഗോപീപരിഷദ്ഗതോഽര്ചിത-
സ്ത്രൈലോക്യലക്ഷ്മ്യേകപദം വപുര്ദധത് ॥ ൧൪ ॥
യോഗേശ്വരാന്തര്ഹൃദി കല്പിതാസനഃ ।
ചകാസ ഗോപീപരിഷദ്ഗതോഽര്ചിത-
സ്ത്രൈലോക്യലക്ഷ്മ്യേകപദം വപുര്ദധത് ॥ ൧൪ ॥
സഭാജയിത്വാ തമനങ്ഗദീപനം
സഹാസലീലേക്ഷണവിഭ്രമഭ്രുവാ ।
സംസ്പര്ശനേനാങ്കകൃതാങ്ഘ്രിഹസ്തയോഃ
സംസ്തുത്യ ഈഷത്കുപിതാ ബഭാഷിരേ ॥ ൧൫ ॥
സഹാസലീലേക്ഷണവിഭ്രമഭ്രുവാ ।
സംസ്പര്ശനേനാങ്കകൃതാങ്ഘ്രിഹസ്തയോഃ
സംസ്തുത്യ ഈഷത്കുപിതാ ബഭാഷിരേ ॥ ൧൫ ॥
ശ്രീഗോപ്യ ഊചുഃ
ഭജതോഽനുഭജന്ത്യേക ഏക ഏതദ്വിപര്യയമ് ।
നോഭയാംശ്ച ഭജന്ത്യേക ഏതന്നോ ബ്രൂഹി സാധു ഭോഃ ॥ ൧൬ ॥
ഭജതോഽനുഭജന്ത്യേക ഏക ഏതദ്വിപര്യയമ് ।
നോഭയാംശ്ച ഭജന്ത്യേക ഏതന്നോ ബ്രൂഹി സാധു ഭോഃ ॥ ൧൬ ॥
ശ്രീഭഗവാനുവാച
മിഥോ ഭജന്തി യേ സഖ്യഃ സ്വാര്ഥൈകാന്തോദ്യമാ ഹി തേ ।
ന തത്ര സൌഹൃദം ധര്മഃ സ്വാര്ഥാര്ഥം തദ്ധി നാന്യഥാ ॥ ൧൭ ॥
മിഥോ ഭജന്തി യേ സഖ്യഃ സ്വാര്ഥൈകാന്തോദ്യമാ ഹി തേ ।
ന തത്ര സൌഹൃദം ധര്മഃ സ്വാര്ഥാര്ഥം തദ്ധി നാന്യഥാ ॥ ൧൭ ॥
ഭജന്ത്യഭജതോ യേ വൈ കരുണാഃ പിതരൌ യഥാ ।
ധര്മോ നിരപവാദോഽത്ര സൌഹൃദം ച സുമധ്യമാഃ ॥ ൧൮ ॥
ധര്മോ നിരപവാദോഽത്ര സൌഹൃദം ച സുമധ്യമാഃ ॥ ൧൮ ॥
ഭജതോഽപി ന വൈ കേചിദ് ഭജന്ത്യഭജതഃ കുതഃ ।
ആത്മാരാമാ ഹ്യാപ്തകാമാ അകൃതജ്ഞാ ഗുരുദ്രുഹഃ ॥ ൧൯ ॥
ആത്മാരാമാ ഹ്യാപ്തകാമാ അകൃതജ്ഞാ ഗുരുദ്രുഹഃ ॥ ൧൯ ॥
നാഹം തു സഖ്യോ ഭജതോഽപി ജന്തൂന്
ഭജാമ്യമീഷാമനുവൃത്തിവൃത്തയേ ।
യഥാധനോ ലബ്ധധനേ വിനഷ്ടേ
തച്ചിന്തയാന്യന്നിഭൃതോ ന വേദ ॥ ൨൦ ॥
ഭജാമ്യമീഷാമനുവൃത്തിവൃത്തയേ ।
യഥാധനോ ലബ്ധധനേ വിനഷ്ടേ
തച്ചിന്തയാന്യന്നിഭൃതോ ന വേദ ॥ ൨൦ ॥
ഏവം മദര്ഥോജ്ഝിതലോകവേദ-
സ്വാനാം ഹി വോ മയ്യനുവൃത്തയേഽബലാഃ ।
മയാപരോക്ഷം ഭജതാ തിരോഹിതം
മാസൂയിതും മാര്ഹഥ തത് പ്രിയം പ്രിയാഃ ॥ ൨൧ ॥
സ്വാനാം ഹി വോ മയ്യനുവൃത്തയേഽബലാഃ ।
മയാപരോക്ഷം ഭജതാ തിരോഹിതം
മാസൂയിതും മാര്ഹഥ തത് പ്രിയം പ്രിയാഃ ॥ ൨൧ ॥
ന പാരയേഽഹം നിരവദ്യസംയുജാം
സ്വസാധുകൃത്യം വിബുധായുഷാപി വഃ ।
യാ മാഭജന് ദുര്ജരഗേഹശൃങ്ഖലാഃ
സംവൃശ്ച്യ തദ് വഃ പ്രതിയാതു സാധുനാ ॥ ൨൨ ॥
സ്വസാധുകൃത്യം വിബുധായുഷാപി വഃ ।
യാ മാഭജന് ദുര്ജരഗേഹശൃങ്ഖലാഃ
സംവൃശ്ച്യ തദ് വഃ പ്രതിയാതു സാധുനാ ॥ ൨൨ ॥
ഭജന്ത്യഭജതോ യേ വൈ കരുണാഃ പിതരൌ യഥാ ।
ധര്മോ നിരപവാദോഽത്ര സൌഹൃദം ച സുമധ്യമാഃ
ധര്മോ നിരപവാദോഽത്ര സൌഹൃദം ച സുമധ്യമാഃ