শ্রীরাজোবাচ
ভুযোঽহং শ্রোতুমিচ্ছামি রামস্যাদ্ভুতকর্মণঃ ।
অনন্তস্যাপ্রমেযস্য যদন্যত্ কৃতবান্ প্রভুঃ ॥ ১ ॥
ভুযোঽহং শ্রোতুমিচ্ছামি রামস্যাদ্ভুতকর্মণঃ ।
অনন্তস্যাপ্রমেযস্য যদন্যত্ কৃতবান্ প্রভুঃ ॥ ১ ॥
শ্রীশুক উবাচ
নরকস্য সখা কশ্চিদ্ দ্বিবিদো নাম বানরঃ ।
সুগ্রীবসচিবঃ সোঽথ ভ্রাতা মৈন্দস্য বীর্যবান্ ॥ ২ ॥
নরকস্য সখা কশ্চিদ্ দ্বিবিদো নাম বানরঃ ।
সুগ্রীবসচিবঃ সোঽথ ভ্রাতা মৈন্দস্য বীর্যবান্ ॥ ২ ॥
সখ্যুঃ সোঽপচিতিং কুর্বন্ বানরো রাষ্ট্রবিপ্লবম্ ।
পুরগ্রামাকরান্ ঘোষানদহদ্ বহ্নিমুত্সৃজন্ ॥ ৩ ॥
পুরগ্রামাকরান্ ঘোষানদহদ্ বহ্নিমুত্সৃজন্ ॥ ৩ ॥
ক্বচিত্স শৈলানুত্পাট্য তৈর্দেশান্ সমচূর্ণযত্ ।
আনর্তান্ সুতরামেব যত্রাস্তে মিত্রহা হরিঃ ॥ ৪ ॥
আনর্তান্ সুতরামেব যত্রাস্তে মিত্রহা হরিঃ ॥ ৪ ॥
ক্বচিত্ সমুদ্রমধ্যস্থো দোর্ভ্যামুত্ক্ষিপ্য তজ্জলম্ ।
দেশান্ নাগাযুতপ্রাণো বেলাকূলে ন্যমজ্জযত্ ॥ ৫ ॥
দেশান্ নাগাযুতপ্রাণো বেলাকূলে ন্যমজ্জযত্ ॥ ৫ ॥
আশ্রমানৃষিমুখ্যানাং কৃত্বা ভগ্নবনস্পতীন্ ।
অদূষযচ্ছকৃন্মূত্রৈরগ্নীন্ বৈতানিকান্ খলঃ ॥ ৬ ॥
অদূষযচ্ছকৃন্মূত্রৈরগ্নীন্ বৈতানিকান্ খলঃ ॥ ৬ ॥
পুরুষান্ যোষিতো দৃপ্তঃ ক্ষ্মাভৃদ্দ্রোণীগুহাসু সঃ ।
নিক্ষিপ্য চাপ্যধাচ্ছৈলৈঃ পেশষ্কারীব কীটকম্ ॥ ৭ ॥
নিক্ষিপ্য চাপ্যধাচ্ছৈলৈঃ পেশষ্কারীব কীটকম্ ॥ ৭ ॥
এবং দেশান্ বিপ্রকুর্বন্ দূষযংশ্চ কুলস্ত্রিযঃ ।
শ্রুত্বা সুললিতং গীতং গিরিং রৈবতকং যযৌ ॥ ৮ ॥
শ্রুত্বা সুললিতং গীতং গিরিং রৈবতকং যযৌ ॥ ৮ ॥
তত্রাপশ্যদ্ যদুপতিং রামং পুষ্করমালিনম্ ।
সুদর্শনীযসর্বাঙ্গং ললনাযূথমধ্যগম্ ॥ ৯ ॥
সুদর্শনীযসর্বাঙ্গং ললনাযূথমধ্যগম্ ॥ ৯ ॥
গাযন্তং বারুণীং পীত্বা মদবিহ্বললোচনম্ ।
বিভ্রাজমানং বপুষা প্রভিন্নমিব বারণম্ ॥ ১০ ॥
বিভ্রাজমানং বপুষা প্রভিন্নমিব বারণম্ ॥ ১০ ॥
দুষ্টঃ শাখামৃগঃ শাখামারূঢঃ কম্পযন্ দ্রুমান্ ।
চক্রে কিলকিলাশব্দমাত্মানং সম্প্রদর্শযন্ ॥ ১১ ॥
চক্রে কিলকিলাশব্দমাত্মানং সম্প্রদর্শযন্ ॥ ১১ ॥
তস্য ধার্ষ্ট্যং কপের্বীক্ষ্য তরুণ্যো জাতিচাপলাঃ ।
হাস্যপ্রিযা বিজহসুর্বলদেবপরিগ্রহাঃ ॥ ১২ ॥
হাস্যপ্রিযা বিজহসুর্বলদেবপরিগ্রহাঃ ॥ ১২ ॥
তা হেলযামাস কপির্ভ্রূক্ষেপৈর্সম্মুখাদিভিঃ ।
দর্শযন্ স্বগুদং তাসাং রামস্য চ নিরীক্ষিতঃ ॥ ১৩ ॥
দর্শযন্ স্বগুদং তাসাং রামস্য চ নিরীক্ষিতঃ ॥ ১৩ ॥
তং গ্রাব্ণা প্রাহরত্ ক্রুদ্ধো বলঃ প্রহরতাং বরঃ ।
স বঞ্চযিত্বা গ্রাবাণং মদিরাকলশং কপিঃ ॥ ১৪ ॥
স বঞ্চযিত্বা গ্রাবাণং মদিরাকলশং কপিঃ ॥ ১৪ ॥
গৃহীত্বা হেলযামাস ধূর্তস্তং কোপযন্ হসন্ ।
নির্ভিদ্য কলশং দুষ্টো বাসাংস্যাস্ফালযদ্ বলম্ ।
কদর্থীকৃত্য বলবান্ বিপ্রচক্রে মদোদ্ধতঃ ॥ ১৫ ॥
নির্ভিদ্য কলশং দুষ্টো বাসাংস্যাস্ফালযদ্ বলম্ ।
কদর্থীকৃত্য বলবান্ বিপ্রচক্রে মদোদ্ধতঃ ॥ ১৫ ॥
তং তস্যাবিনযং দৃষ্ট্বা দেশাংশ্চ তদুপদ্রুতান্ ।
ক্রুদ্ধো মুষলমাদত্ত হলং চারিজিঘাংসযা ॥ ১৬ ॥
ক্রুদ্ধো মুষলমাদত্ত হলং চারিজিঘাংসযা ॥ ১৬ ॥
দ্বিবিদোঽপি মহাবীর্যঃ শালমুদ্যম্য পাণিনা ।
অভ্যেত্য তরসা তেন বলং মূর্ধন্যতাডযত্ ॥ ১৭ ॥
অভ্যেত্য তরসা তেন বলং মূর্ধন্যতাডযত্ ॥ ১৭ ॥
তং তু সঙ্কর্ষণো মূর্ধ্নি পতন্তমচলো যথা ।
প্রতিজগ্রাহ বলবান্ সুনন্দেনাহনচ্চ তম্ ॥ ১৮ ॥
প্রতিজগ্রাহ বলবান্ সুনন্দেনাহনচ্চ তম্ ॥ ১৮ ॥
মূষলাহতমস্তিষ্কো বিরেজে রক্তধারযা ।
গিরির্যথা গৈরিকযা প্রহারং নানুচিন্তযন্ ॥ ১৯ ॥
গিরির্যথা গৈরিকযা প্রহারং নানুচিন্তযন্ ॥ ১৯ ॥
পুনরন্যং সমুত্ক্ষিপ্য কৃত্বা নিষ্পত্রমোজসা ।
তেনাহনত্ সুসঙ্ক্রুদ্ধস্তং বলঃ শতধাচ্ছিনত্ ॥ ২০ ॥
তেনাহনত্ সুসঙ্ক্রুদ্ধস্তং বলঃ শতধাচ্ছিনত্ ॥ ২০ ॥
ততোঽন্যেন রুষা জঘ্নে তং চাপি শতধাচ্ছিনত্ ॥ ২১ ॥
এবং যুধ্যন্ ভগবতা ভগ্নে ভগ্নে পুনঃ পুনঃ ।
আকৃষ্য সর্বতো বৃক্ষান্ নির্বৃক্ষমকরোদ্ বনম্ ॥ ২২ ॥
আকৃষ্য সর্বতো বৃক্ষান্ নির্বৃক্ষমকরোদ্ বনম্ ॥ ২২ ॥
ততোঽমুঞ্চচ্ছিলাবর্ষং বলস্যোপর্যমর্ষিতঃ ।
তত্সর্বং চূর্ণযামাস লীলযা মুষলাযুধঃ ॥ ২৩ ॥
তত্সর্বং চূর্ণযামাস লীলযা মুষলাযুধঃ ॥ ২৩ ॥
স বাহূ তালসঙ্কাশৌ মুষ্টীকৃত্য কপীশ্বরঃ ।
আসাদ্য রোহিণীপুত্রং তাভ্যাং বক্ষস্যরূরুজত্ ॥ ২৪ ॥
আসাদ্য রোহিণীপুত্রং তাভ্যাং বক্ষস্যরূরুজত্ ॥ ২৪ ॥
যাদবেন্দ্রোঽপি তং দোর্ভ্যাং ত্যক্ত্বা মুষললাঙ্গলে ।
জত্রাবভ্যর্দযত্ক্রুদ্ধঃ সোঽপতদ্ রুধিরং বমন্ ॥ ২৫ ॥
জত্রাবভ্যর্দযত্ক্রুদ্ধঃ সোঽপতদ্ রুধিরং বমন্ ॥ ২৫ ॥
চকম্পে তেন পততা সটঙ্কঃ সবনস্পতিঃ ।
পর্বতঃ কুরুশার্দূল বাযুনা নৌরিবাম্ভসি ॥ ২৬ ॥
পর্বতঃ কুরুশার্দূল বাযুনা নৌরিবাম্ভসি ॥ ২৬ ॥
জযশব্দো নমঃশব্দঃ সাধু সাধ্বিতি চাম্বরে ।
সুরসিদ্ধমুনীন্দ্রাণামাসীত্ কুসুমবর্ষিণাম্ ॥ ২৭ ॥
সুরসিদ্ধমুনীন্দ্রাণামাসীত্ কুসুমবর্ষিণাম্ ॥ ২৭ ॥
এবং নিহত্য দ্বিবিদং জগদ্ব্যতিকরাবহম্ ।
সংস্তূযমানো ভগবান্ জনৈঃ স্বপুরমাবিশত্ ॥ ২৮ ॥
সংস্তূযমানো ভগবান্ জনৈঃ স্বপুরমাবিশত্ ॥ ২৮ ॥