শ্ৰীশুক উৱাচ
অযুতে দ্ৱে শতান্যষ্টৌ নিৰুদ্ধা যুধি নিৰ্জিতাঃ ।
তে নিৰ্গতা গিৰিদ্ৰোণ্যাং মলিনা মলৱাসসঃ ॥ ১ ॥
অযুতে দ্ৱে শতান্যষ্টৌ নিৰুদ্ধা যুধি নিৰ্জিতাঃ ।
তে নিৰ্গতা গিৰিদ্ৰোণ্যাং মলিনা মলৱাসসঃ ॥ ১ ॥
ক্ষুত্ক্ষামাঃ শুষ্কৱদনাঃ সংৰোধপৰিকৰ্শিতাঃ ।
দদৃশুস্তে ঘনশ্যামং পীতকৌশেযৱাসসম্ ॥ ২ ॥
দদৃশুস্তে ঘনশ্যামং পীতকৌশেযৱাসসম্ ॥ ২ ॥
শ্ৰীৱত্সাঙ্কং চতুৰ্বাহুং পদ্মগৰ্ভাৰুণেক্ষণম্ ।
চাৰুপ্ৰসন্নৱদনং স্ফুৰন্মকৰকুণ্ডলম্ ॥ ৩ ॥
চাৰুপ্ৰসন্নৱদনং স্ফুৰন্মকৰকুণ্ডলম্ ॥ ৩ ॥
পদ্মহস্তং গদাশঙ্খ ৰথাঙ্গৈৰুপলক্ষিতম্ ।
কিৰীটহাৰকটককটিসূত্ৰাঙ্গদাঞ্চিতম্ ॥ ৪ ॥
কিৰীটহাৰকটককটিসূত্ৰাঙ্গদাঞ্চিতম্ ॥ ৪ ॥
ভ্ৰাজদ্ৱৰমণিগ্ৰীৱং নিৱীতং ৱনমালযা ।
পিবন্ত ইৱ চক্ষুৰ্ভ্যাং লিহন্ত ইৱ জিহ্ৱযা ॥ ৫ ॥
পিবন্ত ইৱ চক্ষুৰ্ভ্যাং লিহন্ত ইৱ জিহ্ৱযা ॥ ৫ ॥
জিঘ্ৰন্ত ইৱ নাসাভ্যাং ৰম্ভন্ত ইৱ বাহুভিঃ ।
প্ৰণেমুৰ্হতপাপ্মানো মূৰ্ধভিঃ পাদযোৰ্হৰেঃ ॥ ৬ ॥
প্ৰণেমুৰ্হতপাপ্মানো মূৰ্ধভিঃ পাদযোৰ্হৰেঃ ॥ ৬ ॥
কৃষ্ণসন্দৰ্শনাহ্লাদধ্ৱস্তসংৰোধনক্লমাঃ ।
প্ৰশশংসুৰ্হৃষীকেশং গীৰ্ভিঃ প্ৰাঞ্জলযো নৃপাঃ ॥ ৭ ॥
প্ৰশশংসুৰ্হৃষীকেশং গীৰ্ভিঃ প্ৰাঞ্জলযো নৃপাঃ ॥ ৭ ॥
ৰাজান ঊচুঃ
নমস্তে দেৱদেৱেশ প্ৰপন্নাৰ্তিহৰাৱ্যয ।
প্ৰপন্নান্ পাহি নঃ কৃষ্ণ নিৰ্ৱিণ্ণান্ঘোৰসংসৃতেঃ ॥ ৮ ॥
নমস্তে দেৱদেৱেশ প্ৰপন্নাৰ্তিহৰাৱ্যয ।
প্ৰপন্নান্ পাহি নঃ কৃষ্ণ নিৰ্ৱিণ্ণান্ঘোৰসংসৃতেঃ ॥ ৮ ॥
নৈনং নাথানুসূযামো মাগধং মধুসূদন ।
অনুগ্ৰহো যদ্ ভৱতো ৰাজ্ঞাং ৰাজ্যচ্যুতিৰ্ৱিভো ॥ ৯ ॥
অনুগ্ৰহো যদ্ ভৱতো ৰাজ্ঞাং ৰাজ্যচ্যুতিৰ্ৱিভো ॥ ৯ ॥
ৰাজ্যৈশ্ৱৰ্যমদোন্নদ্ধো ন শ্ৰেযো ৱিন্দতে নৃপঃ ।
ত্ৱন্মাযামোহিতোঽনিত্যা মন্যতে সম্পদোঽচলাঃ ॥ ১০ ॥
ত্ৱন্মাযামোহিতোঽনিত্যা মন্যতে সম্পদোঽচলাঃ ॥ ১০ ॥
মৃগতৃষ্ণাং যথা বালা মন্যন্ত উদকাশযম্ ।
এৱং ৱৈকাৰিকীং মাযামযুক্তা ৱস্তু চক্ষতে ॥ ১১ ॥
এৱং ৱৈকাৰিকীং মাযামযুক্তা ৱস্তু চক্ষতে ॥ ১১ ॥
ৱযং পুৰা শ্ৰীমদনষ্টদৃষ্টযো
জিগীষযাস্যা ইতৰেতৰস্পৃধঃ ।
ঘ্নন্তঃ প্ৰজাঃ স্ৱা অতিনিৰ্ঘৃণাঃ প্ৰভো
মৃত্যুং পুৰস্ত্ৱাৱিগণয্য দুৰ্মদাঃ ॥ ১২ ॥
জিগীষযাস্যা ইতৰেতৰস্পৃধঃ ।
ঘ্নন্তঃ প্ৰজাঃ স্ৱা অতিনিৰ্ঘৃণাঃ প্ৰভো
মৃত্যুং পুৰস্ত্ৱাৱিগণয্য দুৰ্মদাঃ ॥ ১২ ॥
ত এৱ কৃষ্ণাদ্য গভীৰৰংহসা
দুৰন্তেৱীৰ্যেণ ৱিচালিতাঃ শ্ৰিযঃ ।
কালেন তন্ৱা ভৱতোঽনুকম্পযা
ৱিনষ্টদৰ্পাশ্চৰণৌ স্মৰাম তে ॥ ১৩ ॥
দুৰন্তেৱীৰ্যেণ ৱিচালিতাঃ শ্ৰিযঃ ।
কালেন তন্ৱা ভৱতোঽনুকম্পযা
ৱিনষ্টদৰ্পাশ্চৰণৌ স্মৰাম তে ॥ ১৩ ॥
অথো ন ৰাজ্যং মৃগতৃষ্ণিৰূপিতং
দেহেন শশ্ৱত্ পততা ৰুজাং ভুৱা ।
উপাসিতৱ্যং স্পৃহযামহে ৱিভো
ক্ৰিযাফলং প্ৰেত্য চ কৰ্ণৰোচনম্ ॥ ১৪ ॥
দেহেন শশ্ৱত্ পততা ৰুজাং ভুৱা ।
উপাসিতৱ্যং স্পৃহযামহে ৱিভো
ক্ৰিযাফলং প্ৰেত্য চ কৰ্ণৰোচনম্ ॥ ১৪ ॥
তং নঃ সমাদিশোপাযং যেন তে চৰণাব্জযোঃ ।
স্মৃতিৰ্যথা ন ৱিৰমেদপি সংসৰতামিহ ॥ ১৫ ॥
স্মৃতিৰ্যথা ন ৱিৰমেদপি সংসৰতামিহ ॥ ১৫ ॥
কৃষ্ণায ৱাসুদেৱায হৰযে পৰমাত্মনে ।
প্ৰণতক্লেশনাশায গোৱিন্দায নমো নমঃ ॥ ১৬ ॥
প্ৰণতক্লেশনাশায গোৱিন্দায নমো নমঃ ॥ ১৬ ॥
শ্ৰীশুক উৱাচ
সংস্তূযমানো ভগৱান্ ৰাজভিৰ্মুক্তবন্ধনৈঃ ।
তানাহ কৰুণস্তাত শৰণ্যঃ শ্লক্ষ্ণযা গিৰা ॥ ১৭ ॥
সংস্তূযমানো ভগৱান্ ৰাজভিৰ্মুক্তবন্ধনৈঃ ।
তানাহ কৰুণস্তাত শৰণ্যঃ শ্লক্ষ্ণযা গিৰা ॥ ১৭ ॥
শ্ৰীভগৱানুৱাচ
অদ্যপ্ৰভৃতি ৱো ভূপা ময্যাত্মন্যখিলেশ্ৱৰে ।
সুদৃঢা জাযতে ভক্তিৰ্বাঢমাশংসিতং তথা ॥ ১৮ ॥
অদ্যপ্ৰভৃতি ৱো ভূপা ময্যাত্মন্যখিলেশ্ৱৰে ।
সুদৃঢা জাযতে ভক্তিৰ্বাঢমাশংসিতং তথা ॥ ১৮ ॥
দিষ্ট্যা ৱ্যৱসিতং ভূপা ভৱন্ত ঋতভাষিণঃ ।
শ্ৰীযৈশ্ৱৰ্যমদোন্নাহং পশ্য উন্মাদকং নৃণাম্ ॥ ১৯ ॥
শ্ৰীযৈশ্ৱৰ্যমদোন্নাহং পশ্য উন্মাদকং নৃণাম্ ॥ ১৯ ॥
হৈহযো নহুষো ৱেণো ৰাৱণো নৰকোঽপৰে ।
শ্ৰীমদাদ্ ভ্ৰংশিতাঃ স্থানাদ্ দেৱদৈত্যনৰেশ্ৱৰাঃ ॥ ২০ ॥
শ্ৰীমদাদ্ ভ্ৰংশিতাঃ স্থানাদ্ দেৱদৈত্যনৰেশ্ৱৰাঃ ॥ ২০ ॥
ভৱন্ত এতদ্ ৱিজ্ঞায দেহাদ্যুত্পাদ্যমন্তৱত্ ।
মাং যজন্তোঽধ্ৱৰৈৰ্যুক্তাঃ প্ৰজা ধৰ্মেণ ৰক্ষ্যথ ॥ ২১ ॥
মাং যজন্তোঽধ্ৱৰৈৰ্যুক্তাঃ প্ৰজা ধৰ্মেণ ৰক্ষ্যথ ॥ ২১ ॥
সন্তন্ৱন্তঃ প্ৰজাতন্তূন্ সুখং দুঃখং ভৱাভৱৌ ।
প্ৰাপ্তং প্ৰাপ্তং চ সেৱন্তো মচ্চিত্তা ৱিচৰিষ্যথ ॥ ২২ ॥
প্ৰাপ্তং প্ৰাপ্তং চ সেৱন্তো মচ্চিত্তা ৱিচৰিষ্যথ ॥ ২২ ॥
উদাসীনাশ্চ দেহাদাৱাত্মাৰামা ধৃতৱ্ৰতাঃ ।
ময্যাৱেশ্য মনঃ সম্যঙ্মামন্তে ব্ৰহ্ম যাস্যথ ॥ ২৩ ॥
ময্যাৱেশ্য মনঃ সম্যঙ্মামন্তে ব্ৰহ্ম যাস্যথ ॥ ২৩ ॥
শ্ৰীশুক উৱাচ
ইত্যাদিশ্য নৃপান্ কৃষ্ণো ভগৱান্ ভুৱনেশ্ৱৰঃ ।
তেষাং ন্যযুঙ্ক্ত পুৰুষান্ স্ত্ৰিযো মজ্জনকৰ্মণি ॥ ২৪ ॥
ইত্যাদিশ্য নৃপান্ কৃষ্ণো ভগৱান্ ভুৱনেশ্ৱৰঃ ।
তেষাং ন্যযুঙ্ক্ত পুৰুষান্ স্ত্ৰিযো মজ্জনকৰ্মণি ॥ ২৪ ॥
সপৰ্যাং কাৰযামাস সহদেৱেন ভাৰত ।
নৰদেৱোচিতৈৰ্ৱস্ত্ৰৈৰ্ভূষণৈঃ স্ৰগ্ৱিলেপনৈঃ ॥ ২৫ ॥
নৰদেৱোচিতৈৰ্ৱস্ত্ৰৈৰ্ভূষণৈঃ স্ৰগ্ৱিলেপনৈঃ ॥ ২৫ ॥
ভোজযিত্ৱা ৱৰান্নেন সুস্নাতান্সমলঙ্কৃতান্ ।
ভোগৈশ্চ ৱিৱিধৈৰ্যুক্তাংস্তাম্বূলাদ্যৈৰ্নৃপোচিতৈঃ ॥ ২৬ ॥
ভোগৈশ্চ ৱিৱিধৈৰ্যুক্তাংস্তাম্বূলাদ্যৈৰ্নৃপোচিতৈঃ ॥ ২৬ ॥
তে পূজিতা মুকুন্দেন ৰাজানো মৃষ্টকুণ্ডলাঃ ।
ৱিৰেজুৰ্মোচিতাঃ ক্লেশাত্ প্ৰাৱৃডন্তে যথা গ্ৰহাঃ ॥ ২৭ ॥
ৱিৰেজুৰ্মোচিতাঃ ক্লেশাত্ প্ৰাৱৃডন্তে যথা গ্ৰহাঃ ॥ ২৭ ॥
ৰথান্সদশ্ৱানাৰোপ্য মণিকাঞ্চনভূষিতান্ ।
প্ৰীণয্য সুনৃতৈৰ্ৱাক্যৈঃ স্ৱদেশান্ প্ৰত্যযাপযত্ ॥ ২৮ ॥
প্ৰীণয্য সুনৃতৈৰ্ৱাক্যৈঃ স্ৱদেশান্ প্ৰত্যযাপযত্ ॥ ২৮ ॥
ত এৱং মোচিতাঃ কৃচ্ছ্ৰাত্ কৃষ্ণেন সুমহাত্মনা ।
যযুস্তমেৱ ধ্যাযন্তঃ কৃতানি চ জগত্পতেঃ ॥ ২৯ ॥
যযুস্তমেৱ ধ্যাযন্তঃ কৃতানি চ জগত্পতেঃ ॥ ২৯ ॥
জগদুঃ প্ৰকৃতিভ্যস্তে মহাপুৰুষচেষ্টিতম্ ।
যথান্ৱশাসদ্ ভগৱাংস্তথা চক্ৰুৰতন্দ্ৰিতাঃ ॥ ৩০ ॥
যথান্ৱশাসদ্ ভগৱাংস্তথা চক্ৰুৰতন্দ্ৰিতাঃ ॥ ৩০ ॥
জৰাসন্ধং ঘাতযিত্ৱা ভীমসেনেন কেশৱঃ ।
পাৰ্থাভ্যাং সংযুতঃ প্ৰাযাত্ সহদেৱেন পূজিতঃ ॥ ৩১ ॥
পাৰ্থাভ্যাং সংযুতঃ প্ৰাযাত্ সহদেৱেন পূজিতঃ ॥ ৩১ ॥
গত্ৱা তে খাণ্ডৱপ্ৰস্থং শঙ্খান্ দধ্মুৰ্জিতাৰযঃ ।
হৰ্ষযন্তঃ স্ৱসুহৃদো দুৰ্হৃদাং চাসুখাৱহাঃ ॥ ৩২ ॥
হৰ্ষযন্তঃ স্ৱসুহৃদো দুৰ্হৃদাং চাসুখাৱহাঃ ॥ ৩২ ॥
তচ্ছ্ৰুত্ৱা প্ৰীতমনস ইন্দ্ৰপ্ৰস্থনিৱাসিনঃ ।
মেনিৰে মাগধং শান্তং ৰাজা চাপ্তমনোৰথঃ ॥ ৩৩ ॥
মেনিৰে মাগধং শান্তং ৰাজা চাপ্তমনোৰথঃ ॥ ৩৩ ॥
অভিৱন্দ্যাথ ৰাজানং ভীমাৰ্জুনজনাৰ্দনাঃ ।
সৰ্ৱমাশ্ৰাৱযাং চক্ৰুৰাত্মনা যদনুষ্ঠিতম্ ॥ ৩৪ ॥
সৰ্ৱমাশ্ৰাৱযাং চক্ৰুৰাত্মনা যদনুষ্ঠিতম্ ॥ ৩৪ ॥
নিশম্য ধৰ্মৰাজস্তত্ কেশৱেনানুকম্পিতম্ ।
আনন্দাশ্ৰুকলাং মুঞ্চন্ প্ৰেম্ণা নোৱাচ কিঞ্চন ॥ ৩৫ ॥
আনন্দাশ্ৰুকলাং মুঞ্চন্ প্ৰেম্ণা নোৱাচ কিঞ্চন ॥ ৩৫ ॥