শ্রীশুক উবাচ
কৃত্বা দৈত্যবধং কৃষ্ণঃ সরামো যদুভির্বৃতঃ ।
ভুবোঽবতারযদ্ ভারং জবিষ্ঠং জনযন্ কলিম্ ॥ ১ ॥
কৃত্বা দৈত্যবধং কৃষ্ণঃ সরামো যদুভির্বৃতঃ ।
ভুবোঽবতারযদ্ ভারং জবিষ্ঠং জনযন্ কলিম্ ॥ ১ ॥
যে কোপিতাঃ সুবহু পাণ্ডুসুতাঃ সপত্নৈ-
র্দুর্দ্যূতহেলনকচগ্রহণাদিভিস্তান্ ।
কৃত্বা নিমিত্তমিতরেতরতঃ সমেতান্
হত্বা নৃপান্ নিরহরত্ ক্ষিতিভারমীশঃ ॥ ২ ॥
র্দুর্দ্যূতহেলনকচগ্রহণাদিভিস্তান্ ।
কৃত্বা নিমিত্তমিতরেতরতঃ সমেতান্
হত্বা নৃপান্ নিরহরত্ ক্ষিতিভারমীশঃ ॥ ২ ॥
ভূভাররাজপৃতনা যদুভির্নিরস্য
গুপ্তৈঃ স্ববাহুভিরচিন্তযদপ্রমেযঃ ।
মন্যেঽবনের্ননু গতোঽপ্যগতং হি ভারং
যদ্ যাদবং কুলমহো অবিষহ্যমাস্তে ॥ ৩ ॥
গুপ্তৈঃ স্ববাহুভিরচিন্তযদপ্রমেযঃ ।
মন্যেঽবনের্ননু গতোঽপ্যগতং হি ভারং
যদ্ যাদবং কুলমহো অবিষহ্যমাস্তে ॥ ৩ ॥
নৈবান্যতঃ পরিভবোঽস্য ভবেত্ কথঞ্চিন্
মত্সংশ্রযস্য বিভবোন্নহনস্য নিত্যম্ ।
অন্তঃকলিং যদুকুলস্য বিধায বেণু-
স্তম্বস্য বহ্নিমিব শান্তিমুপৈমি ধাম ॥ ৪ ॥
মত্সংশ্রযস্য বিভবোন্নহনস্য নিত্যম্ ।
অন্তঃকলিং যদুকুলস্য বিধায বেণু-
স্তম্বস্য বহ্নিমিব শান্তিমুপৈমি ধাম ॥ ৪ ॥
এবং ব্যবসিতো রাজন্ সত্যসঙ্কল্প ঈশ্বরঃ ।
শাপব্যাজেন বিপ্রাণাং সঞ্জহ্রে স্বকুলং বিভুঃ ॥ ৫ ॥
শাপব্যাজেন বিপ্রাণাং সঞ্জহ্রে স্বকুলং বিভুঃ ॥ ৫ ॥
স্বমূর্ত্যা লোকলাবণ্যনির্মুক্ত্যা লোচনং নৃণাম্ ।
গীর্ভিস্তাঃ স্মরতাং চিত্তং পদৈস্তানীক্ষতাং ক্রিযাঃ ॥ ৬ ॥
গীর্ভিস্তাঃ স্মরতাং চিত্তং পদৈস্তানীক্ষতাং ক্রিযাঃ ॥ ৬ ॥
আচ্ছিদ্য কীর্তিং সুশ্লোকাং বিতত্য হ্যঞ্জসা নু কৌ ।
তমোঽনযা তরিষ্যন্তীত্যগাত্ স্বং পদমীশ্বরঃ ॥ ৭ ॥
তমোঽনযা তরিষ্যন্তীত্যগাত্ স্বং পদমীশ্বরঃ ॥ ৭ ॥
শ্রীরাজোবাচ
ব্রহ্মণ্যানাং বদান্যানাং নিত্যং বৃদ্ধোপসেবিনাম্ ।
বিপ্রশাপঃ কথমভূদ্ বৃষ্ণীনাং কৃষ্ণচেতসাম্ ॥ ৮ ॥
ব্রহ্মণ্যানাং বদান্যানাং নিত্যং বৃদ্ধোপসেবিনাম্ ।
বিপ্রশাপঃ কথমভূদ্ বৃষ্ণীনাং কৃষ্ণচেতসাম্ ॥ ৮ ॥
যন্নিমিত্তঃ স বৈ শাপো যাদৃশো দ্বিজসত্তম ।
কথমেকাত্মনাং ভেদ এতত্ সর্বং বদস্ব মে ॥ ৯ ॥
কথমেকাত্মনাং ভেদ এতত্ সর্বং বদস্ব মে ॥ ৯ ॥
শ্রীবাদরাযণিরুবাচ
বিভ্রদ্ বপুঃ সকলসুন্দরসন্নিবেশং
কর্মাচরন্ ভুবি সুমঙ্গলমাপ্তকামঃ ।
আস্থায ধাম রমমাণ উদারকীর্তিঃ
সংহর্তুমৈচ্ছত কুলং স্থিতকৃত্যশেষঃ ॥ ১০ ॥
বিভ্রদ্ বপুঃ সকলসুন্দরসন্নিবেশং
কর্মাচরন্ ভুবি সুমঙ্গলমাপ্তকামঃ ।
আস্থায ধাম রমমাণ উদারকীর্তিঃ
সংহর্তুমৈচ্ছত কুলং স্থিতকৃত্যশেষঃ ॥ ১০ ॥
কর্মাণি পুণ্যনিবহানি সুমঙ্গলানি
গাযজ্জগত্কলিমলাপহরাণি কৃত্বা ।
কালাত্মনা নিবসতা যদুদেবগেহে
পিণ্ডারকং সমগমন্ মুনযো নিসৃষ্টাঃ ॥ ১১ ॥
গাযজ্জগত্কলিমলাপহরাণি কৃত্বা ।
কালাত্মনা নিবসতা যদুদেবগেহে
পিণ্ডারকং সমগমন্ মুনযো নিসৃষ্টাঃ ॥ ১১ ॥
বিশ্বামিত্রোঽসিতঃ কণ্বো দুর্বাসা ভৃগুরঙ্গিরাঃ ।
কশ্যপো বামদেবোঽত্রির্বসিষ্ঠো নারদাদযঃ ॥ ১২ ॥
কশ্যপো বামদেবোঽত্রির্বসিষ্ঠো নারদাদযঃ ॥ ১২ ॥
ক্রীডন্তস্তানুপব্রজ্য কুমারা যদুনন্দনাঃ ।
উপসঙ্গৃহ্য পপ্রচ্ছুরবিনীতা বিনীতবত্ ॥ ১৩ ॥
উপসঙ্গৃহ্য পপ্রচ্ছুরবিনীতা বিনীতবত্ ॥ ১৩ ॥
তে বেষযিত্বা স্ত্রীবেষৈঃ সাম্বং জাম্ববতীসুতম্ ।
এষা পৃচ্ছতি বো বিপ্রা অন্তর্বত্ন্যসিতেক্ষণা ॥ ১৪ ॥
এষা পৃচ্ছতি বো বিপ্রা অন্তর্বত্ন্যসিতেক্ষণা ॥ ১৪ ॥
প্রষ্টুং বিলজ্জতী সাক্ষাত্ প্রব্রূতামোঘদর্শনাঃ ।
প্রসোষ্যন্তী পুত্রকামা কিংস্বিত্ সঞ্জনযিষ্যতি ॥ ১৫ ॥
প্রসোষ্যন্তী পুত্রকামা কিংস্বিত্ সঞ্জনযিষ্যতি ॥ ১৫ ॥
এবং প্রলব্ধা মুনযস্তানূচুঃ কুপিতা নৃপ ।
জনযিষ্যতি বো মন্দা মুষলং কুলনাশনম্ ॥ ১৬ ॥
জনযিষ্যতি বো মন্দা মুষলং কুলনাশনম্ ॥ ১৬ ॥
তচ্ছ্রুত্বা তেঽতিসন্ত্রস্তা বিমুচ্য সহসোদরম্ ।
সাম্বস্য দদৃশুস্তস্মিন্ মুষলং খল্বযস্মযম্ ॥ ১৭ ॥
সাম্বস্য দদৃশুস্তস্মিন্ মুষলং খল্বযস্মযম্ ॥ ১৭ ॥
কিং কৃতং মন্দভাগ্যৈর্নঃ কিং বদিষ্যন্তি নো জনাঃ ।
ইতি বিহ্বলিতা গেহানাদায মুষলং যযুঃ ॥ ১৮ ॥
ইতি বিহ্বলিতা গেহানাদায মুষলং যযুঃ ॥ ১৮ ॥
তচ্চোপনীয সদসি পরিম্লানমুখশ্রিযঃ ।
রাজ্ঞ আবেদযাংচক্রুঃ সর্বযাদবসন্নিধৌ ॥ ১৯ ॥
রাজ্ঞ আবেদযাংচক্রুঃ সর্বযাদবসন্নিধৌ ॥ ১৯ ॥
শ্রুত্বামোঘং বিপ্রশাপং দৃষ্ট্বা চ মুষলং নৃপ ।
বিস্মিতা ভযসন্ত্রস্তা বভূবুর্দ্বারকৌকসঃ ॥ ২০ ॥
বিস্মিতা ভযসন্ত্রস্তা বভূবুর্দ্বারকৌকসঃ ॥ ২০ ॥
তচ্চূর্ণযিত্বা মুষলং যদুরাজঃ স আহুকঃ ।
সমুদ্রসলিলে প্রাস্যল্লোহং চাস্যাবশেষিতম্ ॥ ২১ ॥
সমুদ্রসলিলে প্রাস্যল্লোহং চাস্যাবশেষিতম্ ॥ ২১ ॥
কশ্চিন্মত্স্যোঽগ্রসীল্লোহং চূর্ণানি তরলৈস্ততঃ ।
উহ্যমানানি বেলাযাং লগ্নান্যাসন্ কিলৈরকাঃ ॥ ২২ ॥
উহ্যমানানি বেলাযাং লগ্নান্যাসন্ কিলৈরকাঃ ॥ ২২ ॥
মত্স্যো গৃহীতো মত্স্যঘ্নৈর্জালেনান্যৈঃ সহার্ণবে ।
তস্যোদরগতং লোহং স শল্যে লুব্ধকোঽকরোত্ ॥ ২৩ ॥
তস্যোদরগতং লোহং স শল্যে লুব্ধকোঽকরোত্ ॥ ২৩ ॥
ভগবাঞ্জ্ঞাতসর্বার্থ ঈশ্বরোঽপি তদন্যথা ।
কর্তুং নৈচ্ছদ্ বিপ্রশাপং কালরূপ্যন্বমোদত ॥ ২৪ ॥
কর্তুং নৈচ্ছদ্ বিপ্রশাপং কালরূপ্যন্বমোদত ॥ ২৪ ॥